رواية راعوث – الفصل السابع والعشرون
part 27 ”
راعوث :- مو بكيفه عليه بمرته زنوب وبس
فرح :- عود جاي تضوجي لو شنو انتي تدرين بسالفة زينب لو لا
راعوث :- اسكتي اسكتي كافي ادري يكرها يموت منها مايطيق يشوف وجها خطيه طاردها بالشارع
– رادت تحجي بسرعه مشيت اريد اروح للاستقبال طلع بوجهي ولد يشبه زيد بس اكبر منه لابس قاط اسود صفن عليه عيونه تمشي على كل تفاصيل جسمي وشعري سمعت صوت ام فلاح
ام فلاح :- ها سيوفي
سيف :- هاي بت منو ؟
ام فلاح :- حبيبي هاي مرت عُقاب راعوث
سيف :- فتح عيونه على وسعهن وفاتح حلكه لسانه متلمس سنونه الفوك مد ايده يسلم
راعوث :- سلمت عليه بيدي ورحت للاستقبال اجن بنات اثنين باسني وباركلي كعدت يم عمتي باوعتلي ابتسمتلها
ابتسام :- جا ليش اسود يمه
راعوث :- شنو
ابتسام :- ملابسج مو زين
راعوث :- عااادي عجبني شبيكم
علياء :- دعوفيها ماما هوه صار موده الاسود ، الف عين تحرسج على هل جمال اسم الله من عيني
راعوث :- ابتسمت ، شكراً
ابتسام :- يمه راعوث هذني خالات عُقاب وهذني بناتهن وهاي بنيتي اخت عُقاب اسمها علياء وهذيج غدير هم بنيتي
راعوث :- وعماته موجودات
ابتسام :- صفنت ثواني اخذت حسره ، خلي يولن هذني الكحا*
راعوث :- فتحت عيوني على وسعهن مصدومه بيها
ام غانم :- اي والله صدك كح**
ابتسام :- والله وجوه الفگر
راعوث :- بقيت كاعده وياهن واني كلشي ما افهم من كلامهن نص يحجن على الزواج ونص على حسام الي من اتزوجت لسه اسمع اسمه بقيت بس اسمع للعصر كلش ونصهن راحن ونص بقن كمت للمطبخ اشم ريحة اكل تموت فرح تحجي ويا علي
فرح :- يمه علاوي فدوه اسمعني شبيك تركض ركض سمعت شكلتلك جيب حفاضات اطفال رقم 5 وملح وبهارات روح ركض
علي :- اي ماماااا بس علكيفج لا تصيحين
فرح :- يله ما اصيح بس روح بعد ما الحك راح يصير العشه فشله
راعوث :- طلع علي من باب المطبخ عدهم بابين على الاستقبال وعلى المطبخ راح وهيه عاطت
فرح :- شعرررريه يالله ركضي راعوث عفيه بسرعه بعده هنا كليله شعريه ويا
راعوث :- طلعت ركض فتحت باب الشارع لكيته بعده ، علووش جيب شعريه وياك
– دار وجها اليه وانطاني هذيج الخزره وعاط
علي :- طبي جوه
راعوث :- كمت اضحك وطبيت شفت زينب باب المطبخ خزرتني وطبت اختفت ابتسامتي وطبيت كعدت يم فرح اباوع على الاكل جاي تطبخ برياني دجاج
فرح :- سلمتي على سيف
راعوث :- اي هوه متزوج
فرح :- اي مرته ام فلاح هاي الحجت وياج بالدرج
راعوث :- هاا ليش عُقاب مايشبهكم
فرح :- اممم يعني شلون
راعوث :- عُقاب ما يشبه زيد ولا سيف حيل يختلف وحتى اخواته مابينهم شبه ابد مع انو اربعتهم يتشابهون بس عُقاب يختلف عنهم سماره وطوله مو طبيعي وعصبي وملامح وجها وصوته وضخامته ما يشبه اخوانه
فرح :- اااء اكلج اسمع اذن روحي شوفي خاف يحتاجن سجادات شي
راعوث :- ما لحيت بالسالفه كمت لكيت خالاته اثنين باقيات واخواته لكيتهن يصلن بالصاله وبالاستقبال جاين ولد صعدت للغرفه توضيت وصليت كملت سمعت الباب تندك درت وجهي
راعوث :- منوو
علي :- اني تعاي نزلي جوه حبابه
راعوث :- افتح الباب شبيك ، رحت فتحتها وباوعتله
علي :- نزلي يمنه حبابه حبابه
راعوث :- تعال طب هنا نكعد جوه هوسه
علي :- شلون اطب
راعوث :- شلون يعني امشي وطب
علي :- مايقبل عُقاب
راعوث :- مو هنا تعال
علي :- والله ما اطب
راعوث :- يعني ليش مايقبل؟
علي :- مادري مايخلينه نطب لغرفته ابد مره طبيت شالني منا راد يشمرني من الدرج
راعوث :- مخبل عمك؟
علي :- هههههه يله نزلي وياي شوفي شجبتلج يلله حبابه
راعوث :- سديت باب الغرفه ونزلت جوه كعدت على التخم بالصاله راح للغرفه واجه جايبلي نستله
علي :- هاي الج اني اشتريتها بفلوسي والله
راعوث :- يروحييييييي ، حضنته وبست خده وبقيت حاضنته حيل اريد ابجي اريده اخوي وخرت عنه باوعتله وجها احمر وكلبه يدك سريع ابتسمت وفتحتها انطيته نص واكلتها
علي :- ها طيبه
راعوث :- طيييبه حيلل مين اشتريتها
علي :- منا اجيبلج بعد وحده
راعوث :- لا بس تجنن تعرف تختار طيبات
علي :- اي هاي اني احبها
راعوث :- حتى اني كمت احبها من اروح لاخواتي انطيك فلوس وتجيبلي منها هواي
علي :- اني اجيبلهن بفلوسي اذا رحتي تاخذيني وياج
راعوث :- اي والله بس كول لـ عُقاب بلكت ياخذني مشتاقه لاهلي
علي :- اي احاجي شوكت ، تجيبين بنيه صغيرونه
راعوث :- ليش
علي :- حتى اتزوجها
راعوث :- هههههههههههههههه ، انفتح باب الاستقبال وطلع زيد فاتح عيونه على وسعهن وحاط اصبعه على حلكه
زيد :- اشششش اششش لا خويه لا انتي مو بغرفتج عيب عيب الولد كاعدين چؤ لا اله الا الله
راعوث :- دنكت بالكاع وساكته ، طلعت فرح من المطبخ
فرح :- يله ماتدري ماتدري لا تخوفها
راعوث :- اخذ نفس وزفره اله شويه ردت ابجي طب وسد الباب بوجهنه وعيون خالاته صارن عليه واني دمعت ووجهي صار نار من المستحه …
الفصل التالي اضغط هنا
يتبع.. (رواية راعوث) اضغط على اسم الرواية لتجد الفهرس كاملاً بجميع الفصول.