رواية راعوث – الفصل التاسع والعشرون
part 29 ”
انا المهزوم .
في حرب نفسي .
أُصيب بعض مشاعري بالجروح .
و البعض الاخر قُتلت
انا العُقاب .
انا المعاقب .
انا من اصبحتُ مقتول المشاعر .
صلب القلب ..
لكن قلبي مضطهد من قبل تلك ذات العيون المُلفته .
و يسألها قلبي .
و يقول لها .
ما بال قلبكَ معي يا ذات الحسن .
ان لم تحبي العُقاب احبي قلب العُقاب
فأنني الين معكِ فقط .
راعوث :- فتحت عيوني الدنيا بارده ثلج ارجف ملفله باللحاف و عُقاب ماهوه يمي احس برد يدخل للغرفه ماكدر افتح عيوني نعسانه
راعوث :- عُقاب
– ما جاوبني فتحت عيوني باوعتله شباج الغرفه مفتوح والبرده مسحوبه والهوى يدخل من الشباج والبرده اطير وهوى باارد ثلج وهوه كاعد بالكاع يكتب بالدفتر والابتوب مشتغل كدامه طالعه شاشه ورديه وكتابات بالانكليزي وصورة رجال صغيره بالزاويه و عُقاب بدون فالينه والدنيا بارده ثلج ومبين من وجها ما يتحاجه
– تربعت وكعدت لافه روحي باللحاف باوعت لساعه بـ 4 كمت واللحاف على كتفي لازمته ورحت اسد الشباج عاط
عُقاب :- عوفي
راعوث :- والعباس بارده
عُقاب :- گلبي حار
راعوث :- اكل ثلج
عُقاب :- جيبيلي
راعوث :- وخرت اللحاف ردت امشي عاط
عُقاب :- لبسي قندرتي جاكيتي
راعوث :- محد كاعد ويعني حتى هاذا لبسي مايعجبك شوف البجامه شعرضها والقميص ، باوعلي من فوك لجوه ركز بصدري اخذ نفس سحب الهوى كله وزفره
عُقاب :- سدي دگم القميص وبعدين احچي
راعوث :- بسرعه لزمت القميص بدون ماشوف شطالع صفنت عليه ثواني بعد ماعرف اتصرف اخذت جاكيته على الميز وطلعت ركض جنت ميته برد بس احتريت كلش وكفت بنص الدرج وباوعت على قميصي مفتوحه الدكم البدايات نصهن
راعوث :- الله ياخذج زينب انشاء الله تموتين
راعوث :- من المستحه كمت ادعي على زينب سديت الدكم ولبست الجاكيت نزلت للمطبخ الكل نايم فتحت الثلاجه ماكو ثلج بس شفت كيمر عرب بللت شفتي رحت غسلت طلعت صمونتين سويت لفتين كيمر عرب وطفيت ضوه المطبخ سديت الباب وصعدت للغرفه ابد ما اندار رحت قدمتله اللفه باوع على اللفه وباوعلي
عُقاب :- الصمون تسمو ثلج ؟
راعوث :- لا بس بارده ماعدكم ثلج سويتلك لفه گيمر عرب طيبه ضوكها
عُقاب :- صدك بويه ؟
راعوث :- دنك يكمل بالاوراق ، والله تجنن ضوكها هيج الگيمر يذوب بحلكك طعمه يجنن ياخذك لغير عالم
عُقاب :- گعدي
راعوث :- كعدت بصفه اباوعله ولازمه منا لفه ومنا لفه ، هاك يله اكل
عُقاب :- بربوگه ما اكل گيمر الصبح
راعوث :- اكلهن اثنيناتهن
عُقاب :- بالعافيه ابني
راعوث :- اكل واباوع على الدفتر واللابتوب باوعلي صفن عليه باوعتله وعضيت من اللفه رجع باوع على الملفات اخذ حسره
عُقاب :- خوش تنرگلين
راعوث :- باوعتله عضيت شفتي الجوه وابتسمت
عُقاب :- اشتريلچ نرگيله شرأيچ ؟
راعوث :- بلعت اللكمه عضيت من اللفه اكل بيها واباوعله مبين من نضرته ضايج وما يحجي بجديه
عُقاب :- اخذچ لگوفي شوب نرگلي لعبي بلياردو ورق انتجي على التخم وفتحي رجليج حيل كون تفتحيهن حيل
راعوث :- تغيرت ملامحي للخوف لان تأكدت ما يشاقه وياي عيوني دمعت واكلت علكيفي
عُقاب :- شو كولي ابوس ايدك كولي بالله شتاقيت اسمعها
راعوث :- نزلت نقطه دمعه من عيني سحبني كعدني بحضنه باس راسي وحضني لصدره لزم اللفه بيده وكلني
عُقاب :- اشش بلا بجي اكلي
راعوث :- حضني اقوى لصدره حط لفه بيدي وكمل شغله ردت اكوم لزمني اقوى بقيت بحضنه ما اكلت من اللفه احس معدتي كامت توجعني باوعت على ركبته كلها شراين بقيت مركزه بشواربه وهوه يكتب واسمع طكطه الكيبورد من يكتب طلع جكاره دخنها باوعلي بطرف عينه بسرعه نزلت عيوني
عُقاب :- حلوات ؟
راعوث :- باوعت على شواربه وكلبي كام يدك سريع
عُقاب :- بردانه ؟
راعوث :- هزيت راسي بـ اي عبالي راح يخليني اكوم اسد الشباج او ارجع انام
– قرب وجها من وجهي باوعت بعيونه عين عين بلعت ريكي انفاسي مسموعه ونبضات كلبي سريعه شواربه طخت طرف شفايفي رجفت بين ايده وتشنجت غمضت عيوني وأردفت برجفه
راعوث :- لا عُقاب
– طبكت شفايفه على شفايفي وحرك شفته على شفايفي بعد ماكدر اسوي شي اريد ادفعه ماكدر ايدي بس ارفعها تنزل وكعن اللفات مني بالكاع سحب شفتي الجوه عضها صحت اه اخذ شفتي اقوى وايده على قميصي يفتح الدكم بايد وحده فتح قميصي وايده تلمست جسمي لمساته جريئه اريد اصرخ ماكدر شفايفي بين شفايفه لزمت كتفه وعصرته قوي حتى يحس بين المنتهيه وبين الخايفه مشاعري مخربطه دكات كلبي صارت مو منتضمه احس نار بكل جسمي دنك على ركبتي يبوس بيها همست بأذانه بصوت منتهي وحسيت ما سمعني اصلاً ماطلع صوت مني
راعوث :- عُقاب خايفه
– باس ركبتي بقوه وتقرب من اذاني شواربه طخ باذاني برقه وجسمي يرجف بايده همس باذاني
عُقاب :- ماگو شي يخوف بس رخي جسمج !!
راعوث :- من سمعت صوته نااصييي انتهيت غمضت عيوني وكوه اتنفس عض شفتي وهمس باذاني
عُقاب :- شبل عُقاب
راعوث :- بعدها كلشي ماحسيت مادري شصار بيه بس اسمع صوتي اتوجع فتحت عيوني شفت روحي نايمه على اوراقه واعصر بيهن بيدي حيل القميص ماهوه على جسمي يمي بالكاع لزمته وحطيته على جسمي اغطي بروحي شفته فوكاي صار كمت اباوعله بخوف واريد ابجي
عُقاب :- اششششش لا تخافين
راعوث :- ماريد
عُقاب :- اششش انتي مو سباعه
راعوث :- هزيت راسي بـ اي واريد ابجي
عُقاب :- عفيه سباعيه ما تخافين بس من ربچ
راعوث :- بس اني خايفه
عُقاب :- اششششش
راعوث :- شفته لزم بجامتي دفعت ايده حيل لازمتها ادفعها مايوخرها لازم بجامتي وخزرني فتح عيونه على وسعهن ونطاني خزرته التخوف
عُقاب :- وخري ايدج يله بويه
راعوث :- مااا مااا
عُقاب :- أذيج ؟
راعوث :- وخر عني ماااريد والله ماريد اخاف حباااب استحي
عُقاب :- بابا زوجج اني لازم اخذج تره قسماً بالله مايصيررر نايم يم اختي غير مرتي
راعوث :- وين تاخذني حباااب
عُقاب :- للكعبه نطوف الكعبه ونرجع
راعوث :- كمت ابجي بصوت عالي واشهك ، حباااب كوم حباااب ماريد وخر عني
– شافني ابجي تغيرت ملامحه وخر من عندي كعدت باوعتله وامسح بدموعي اخذني لحضنه باس راسي ولبسني قميصي
عُقاب :- روحي نامي
راعوث :- كمت ابجي وحلكي يرجف اخذت اللحاف و نمت على الجربايه تغطيت وارجف شفته كام طلع ملابس وطلع من الغرفه غمضت عيوني وافكر شصار شسوينه شبيه سكتت ليش اخلي يبوسني ليش اله يصير هيج بالزواج بقيت افكر لمن غفيت
راعوث :- بعد نومه عميقه بـ 9 كعدت على الجربايه صافنه بالغرفه وعيوني حمر وشعري مدري شلون صاير ودكم القميص مفتوحه صفنت يمكن ربع ساعه على وضعيتي واني افكر الصار حلم لو حقيقه انفتحت الباب طب عُقاب واني صافنه ماكدر احرك راسي واباوعله صفنت صفنه قويه
عُقاب :- جنتي داخله حرب بويه
راعوث :- عفت التفكير غمضت عيوني وفتحت باوعتله سديت الدكم كمت من الفراش رحت طلعت ملابس هوه واكف يم الباب شابك ايده والثانيه يدخن بيها ويباوعلي ردت اطلع ماخذ عرض الباب ركعت كتفي بايده وبطنه وطلعت سمعته همس
عُقاب :- انعل امج وابوج يحليوه الجيران
راعوث :- جيران ؟؟
عُقاب :- نعم سيدي
راعوث :- هم متزوجها مو اصلاً عرفت والله الامس اجو يمنه العصر مبين من نضراتها هاي حوراء مدري نعال
عُقاب :- اي تغارين ؟
راعوث :- يمته اغار بس خطيه انقهرت عليها متزوجه واحد مثلك يوميه متزوج وحده حتى زينب خطيه حامل وانته تفكر بالف وحده غيرها
عُقاب :- هاي شنيهاي مني حامل وانه مادري
راعوث :- هاي مرتك اسم الله جنه جني
عُقاب :- مين حامل من ط** ابوي صارلي تلاث اشهر مامتقربلها
راعوث :- يعني مو حامل
عُقاب :- يابعد ابوك لا تصدك بكلشي يكولو عليه تره اليكرهوني هواي
راعوث :- والله هيه تكلي متزوج اكثر من وحده غيرج واني حامل ويحبني بس اني ويجي يوم يطلكج
عُقاب :- لو مو انتي كدامي جان طكيت زيچ
راعوث :- يعني ماتحبها
عُقاب :- بويه انتي بس اصبري لا تلحين زايد بعدها اخليج تتمنين تشوفيها
راعوث :- اروح اسبح
عُقاب :- اسبحك
راعوث :- عُقاااب
عُقاب :- اخخ بويه شو رجعي عيديها وجريها
راعوث :- عُقااااب
عُقاب :- انعل روحك حسيم
راعوث :- عفته ورحت للحمام سبحت لبست ثوب جوه الركبه طبيت للغرفه شفت عُقاب لابس رسمي اسود واكف يم ميز المرايه يسوي بالساعه من كد ماطويل مايشوف نفسه بالمرايه اله يدنك رحت وكفت يما وحسيت روحي واكفه يم عملاق سوه الساعه ايده على العطر المشط يم العطر اخذته وشفت فرق الحجم بين ايدنه رفعت راسي باوعتله وبلعت ريكي وشعري ينكط مي بخ عطر وباوعلي
– ماحسيت غير ايده محاوطتني حضني حيل دنك عليه شم شعري
عُقاب :- اخخخ طاقه ايجابيه
راعوث :- باس راسي وراح جاب مخده سحب كرسي تسريحه حط المخد عليه وسحبني كعدني شاف بعده مايوصلي راح جاب مخده ثانيه وحطها كعدت سحب الشسوار وشسور شعري باوعتله بالمرايه مركز على شعري وخايف يأذيني بحرارة الشسوار ومبين اول مره يستخدمه لشخص ثاني تخربطت احواله ضحكت باوعلي بالجامه خزرني سكتت رجع يشسور ويباوعلي بالمرايه ابتسم شغل الهوى البارد وحطه على وجهي طفه الشسوار وشمره على الميز
– اخذ المشط مشط شعري علكيف رتبه وحضني حيل همس باذاني
عُقاب :- بربوگتي
راعوث :- سرت بجسمي قشعريره من همسه كمت من مكاني وكفت شمر المخدات وكعد سحبني كعدت بحضنه
راعوث :- عُقاب اريد اروح يم فرح
عُقاب :- شني يابه مرتي واريدها
راعوث :- ليش تكعدني بحضنك
عُقاب :- اخ بويه شلون سؤال على الجرح
راعوث :- اي ليش ماتخليني اوكف واحجي وياي
عُقاب :- اريدچ بحضني
راعوث :- عُقاب
عُقاب :- ها يا عروگ گلبي
راعوث :- بلعت ريكي وصرت حمره ، تحبني ؟
عُقاب :- راح اروح لشغل اذا اجيت من وكت اخذج لمكان حيل راح يعجبج واذا تاخرت غير مره
راعوث :- والله
عُقاب :- وداعت قجمك
راعوث :- شني قجمك
عُقاب :- يابه شحلاتها الشني بحلكك
راعوث :- ابتسمت وطلعت كل سنوني دنكت راسي عضيت شفتي الجوه
عُقاب :- اريد اعضها هاي العضيتها
راعوث :- عُقاب
– رفعت راسي صارت عيوني بعيونه الشمس فايته من الشباج لون عيونه واضح عسلي غامق مضيقهن وشواربه ثخان سود ركزت بشفته عضيت شفتي الجوه وهوه عض شفته الجوه بنفس الثانيه رفعت عيوني باوعت بعيونه شفته هوه هم جان مركز بشفايفي وبنفس الثانيه باوع بعيوني تقربت اكثر من وجها حسيت شفايفي انجذبن انجذابيه مو طبيعيه لشفايفه طبكت شفايفي على شفايفه حسيت ايده حاوطتني غمضت عيوني وبست شفايفه بوسه قويه
– هستوه راد يسحب شفتي الجوه بين شفايفه بعدت راسي عنه درت وجهي للميز اريد انزل لازمني قووي وصافن عليه لزمت ايده حيل دفعتها وخرها بسرعه ركضت ابد ما باوعت بوجها نزلت جوه بالصاله
– رحت ركض للمرايه باوعت على وجهي احمر ومبتسمه لا ارادي فركت وجهي شفت فرح تباوعلي باستغراب
فرح :- خير ولج شنو هاي الفرحه حامل؟
راعوث :- حكيت ركبتي بخجل ، مابيه شي
فرح :- غمزت ، حلو الزواج ها؟
راعوث :- كاافيي
فرح :- ههههههه شحلاتكم يالعباس
راعوث :- بطرانه بطرانه ، عفتها ورحت كعدت على التخم بالصاله شفت علاوي وجها مايتفسر وزعلان مني
راعوث :- شبيك
علي :- عوفيني
راعوث :- علوش مزاعلني؟
علي :- لا بس عوفيني لا تحاجيني
راعوث :- اني شسويتلك ، شفته دموعه كامت تنزل حضنته حيل دفعني وراد يكوم حضنته اقوى
راعوث :- والله اذا ما كلت شبيك ازعل وبعد ما احبك
علي :- عُقاب مايخليني اجيج للغرفه ويكلي لا تكعد يمها وتسولف هواي ولا تحضنها وتبوسها
راعوث :- معليك بي هاك هاي بستك شيسوي خلي يسوي
علي :- ماتعوفيني
راعوث :- والله وعد ، ابتسم وحضني
علي :- اروح اغسل
راعوث :- روح يروحي اليحبنيي
– راح علي غسل واجه بقه يسولف وياي ونشاقه اجت يمي فرح تكلب بالموبايل وحايره كعدت يمي تحجي وياي واني مو يمها نهائياً بعد ما شفت عُقاب نزل من الدرج بقت عيني عليه ماكدر انزلها كالعاده عاقج حواجبه بعصبيه وعضلاته بارزه قميصه يريد يطك عليه وعيونه مضيقهن بعصبيه شافني اباوعله عض شفته الجوه وغمز
– حسيت نار اكلتني اكل خجل مو طبيعي عبالك شايف جسمي مو بايسته حطيت ايدي على وجهي ومبتسمه
فرح :- باوعي راعوث يا فرشه احلا ويا غرفتي؟راعوث سمعيني عوفي علي باعي ياهيه احلى ، رفعت راسي باوعتلها ضامه وجها بيدها ومبتسمه و عُقاب يباوعلها بطرف عينه وطب للمطبخ
فرح :- شنو هاي يابه احنه كاعدين
راعوث :- فرححح
فرح :- ذكرتوني بايام عرسي فدوه لربكم شحلاتكم سوه
راعوث :- ابتسمت وكضيت اليوم كله افكر بالصار ومن بسته نضرته لون عيونه من ضربني وخاف عليه كله الوقت صافنه وكل ساعه واحد كالي شبيج صافنه مريضه بيج شي تردين شي واجاوب بـ لا
– للعصر واني متحمسه اشوف وين راح ياخذني كاعده بالغرفه وباوع ركن ركن بالغرفه وكانو صار كل ركن بالغرفه بي ذكرى شي يخصني انفتح الباب طب عُقاب منتهي وصاير اعصار نزع الحزام شمره على الجربايه نزع القميص طلع كيمونه لبسها اباوع على عضلات ضهره وحركاته
عُقاب :- اذا كملت و ماشفتج بالسياره تنلغي الطلعه
راعوث :- نزلت ركض كدامه ماحسيت غير هوه وراي شبسرعه لبس باوعتله لابس كيمونه وشورت راح يطلع هيج؟ مشيت سريع كدامه فتحت باب السياره وصعدت صعد وانطلق
عُقاب :- انطيني جكاره
راعوث :- طلعتله جكاره شغلتها وقدمتها اله بدون مايباوعلي أردف
عُقاب :- ناقصها شي
راعوث :- والله ماناقصها شي شغلتها شوفها
عُقاب :- لا ناقصه
راعوث :- شنو
عُقاب :- شفايفك
راعوث :- بقيت لازمتها بايدي ومقدمتها اله وباوع على الطريق
عُقاب :- حركتيني خرب عرضك نويصر
راعوث :- باوعتله وكع رماد الجكاره على ايده
عُقاب :- يله بويه حطها بشفايفك
راعوث :- حطيتها بشفايفي وقدمتها اله اخذها وبقه يدخن كل الطريق وصلنه لمنطقة زراعيه تجنن وبوسطها بيت حرفياً عملااق وتصميمه يجنن دخل السياره لجوه ونزلنه نزلت اباوع على الخضار صوت العصافير هدوء المنطقه الرياح النضيفه اخذت نفس عميق وزفرته درت وجهي شفته منتجي على السياره مخلي رجل على رجل وشابك ايده ولابس نضارته الشمسيه وعاض شفته الجوه
راعوث :- كلشش حلوووه هاي وين احنه
عُقاب :- بعدك ما شفت شي
راعوث :- شوفني حباااب
– تقرب مني لزم ايدي واخذني كله كاع خضره وورد ماكو خضروات وفواكه بس حديقه حلوه ومساحتها جبيره رحنه وره البيت شفت اسطبل خيول فتحت عيوني على وسعهن معقوله اكو حصان
عُقاب :- اوكفي هنا بويه
راعوث :- بقيت واكفه ثواني وطلع لازم بيده الحصان لونه اسود فحم يجنن يلمع وشعره طويل اسود وعلى وجها سلسله فضيه بيها دراهم فضي بقيت واكفه بمكاني وصافنه بتعجب وكف يمي عُقاب يلعب بشعر الخيل
عُقاب :- وياج غموض كل اسراري عنده انطي اكل يكوم يحبج
راعوث :- حلووو يربييي
عُقاب :- لج لا تتحارشين
راعوث :- والعباس حلو الزمه عادي
عُقاب :- لزمي بويه
راعوث :- مايعض
عُقاب :- چؤ
راعوث :- تقربت منه ولزمته ، حلووو عُقاب حلووو مالتيي
عُقاب :- مين صار مالتج
راعوث :- حباب يجنن يجنن
عُقاب :- الج بويه
راعوث :- بقيت اتلمس بي واباوعله يجنن وابد ما يأذي ولا خوفني رموشه طوال وعيونه يلمعن وحيل عالي انطاني السلاسل بيدي لزمته وتمشيت مشه وياي وكفت درت وجهي ابتسمت لـ عُقاب من الفرحه لان مشه وراي ابتسملي وأردف بثقه
عُقاب :- انطلقي
راعوث :- كالي انطلقي لو اني طرت ركضت هوه يركض وراي الحصان شعور يجنن فريت الكاع كلها اركض والهوى يلعب بشعري والفرحه ما سايعتني عبالك انطوني الدنيا مو حصان ويركض وراي و عُقاب يتمشه وراي علكيف يباوعلي خاف اتأذه او اوكع فريت ورجعت وكفت يم عُقاب
راعوث :- خلي اركب حباااب بس اجرب بس مره والله
عُقاب :- ماتعرفيله بابا توكعين
راعوث :- لا اعرف حباااب بس شويه
عُقاب :- چؤ چؤ جاي اكلج توكعين ماتعرفيله
راعوث :- عُقااااب حبااااب
عُقاب :- خوش بس اني وياج
راعوث :- مايصير مايتحمل اثنينه
عُقاب :- اخخخ بويه يتحمل
راعوث :- كول والله
عُقاب :- والله اصلاً انتي مالج وزن ولا طول هيج ريشه ماتزيدين شي يعني
راعوث :- يله شلون اكعد عليه ، حجه بنبرة غريبه وهوه يتقدم للحصان
عُقاب :- اعلمج شلون تكعدين عليه
راعوث :- اي
عُقاب :- ذبي ملابسج وكعدي مايرادلها شي
راعوث :- ها
– ركب على الحصان والحصان اختفى من ضخامته جان الحصان مبين هسه هوه مبين اكثر منه حط النضاره بعيونه ونطاني ايده
راعوث :- لا اخاف ماريد بطلت
عُقاب :- انطيني ايدج
راعوث :- ماااريد والله
عُقاب :- انطيني .. ايدج
راعوث :- حبااااب عُقاب والحسين اخاف شوف عالي ماكدر اصعد
عُقاب :- انطيني ط**
راعوث :- فتحت عيوني على وسعهن ودرت وجهي ومشيت سمعت صوت الحصان وراي ماحسيت غير مدنك عليه ايده حاوطتني وانسحبت من الكاع صرخت بصوت عالي من الخوف حسيت روحي طلعت الحصان عالي كعدني بحضنه واني كمت ابجي من الخوف حضني قوي ومشه الحصان هد الحصان كام وحده يمشي
راعوث :- اخااف الزمني حباب اخاف اوكع
عُقاب :- لازمج بويه ماتثقين بيه ؟
راعوث :- احاول ما خوف روحي رخيت جسمي وكلبي يدك سريع اباوع على الكاع ادوخ شوي شوي تعلمت ماخايفه كلش نزع نضارته ولبسها اليه حضني قوي وعاط بصوت مسموع
عُقاب :- اسررررع غموض
– ماحسيت غير طايره صار يركض يفر الكاع كلها شعور حلووو بس بنفس الوقت يخوف ودي يبقه يركض لمده ساعات بس شويه ووكفه نزلني ونزل
عُقاب :- عجبج
راعوث :- اي احبه اريده ناخذه ويانه للبيت
عُقاب :- يله نعوفه ياكل تعبناه تعاي اشوفج شي ثاني
راعوث :- لزم ايدي واخذني اباوعله واني فرحانه اول مره احس بهيج شعور غريب يحبني يدللني لو يحب زينب جا اخذها بس هوه يحبني بس اني كلشي عنده كلشي احبه يجيبه اليه اريد اخواتي اسولفلهن جنت احلم بهاي العيشه وهسه عشتها معقوله رحنه للبيت فتح الباب وطب شفت الحوش يجنن مساحته جبيره على اليمنى حديقه صغيره بيها طاوله وكراسي كعده صغيره وبيت جلب راح عُقاب مدري شحجه بالانكليزي وطلع جلب هاسكي يركض اله حيل خفت منه رجعت لوره واباوعله
عُقاب :- تعاي ما يأذي
راعوث :- والله ما
عُقاب :- يزعل تره
راعوث :- ما شوف عيونه اخاااف
– لعب براسه بايده وتقدم مني باوع بعيوني اخذ نفس وزفره
عُقاب :- اكو ضيف جوه ينتضرج
راعوث :- منو؟
عُقاب :- طبي جوه وتعرفي
راعوث :- كلبي انقبض ماعرف ليش تقدمت بخطوات بطيئه وحاسه وراه شي فتحت الباب درت وجهي باوعتله وطبيت بخطوات بطيئه وعيوني تتجول بالمكان حتى اعرف منو الضيف الحجه عنه …
الفصل التالي اضغط هنا
يتبع.. (رواية راعوث) اضغط على اسم الرواية لتجد الفهرس كاملاً بجميع الفصول.