رواية راعوث – الفصل الرابع والعشرون
part 24 ”
راعوث :- كمت باوعت على المرايه الدم ينزل من شفايفي سحبت كلينس ومسحت الدم بقت تنزف جسمي كله يقشعر ملابسي مبهذله تذكرت نسرين هيه والرجال احس اريد اتقيأ اسمع انفاس وشي يتحرك يمي عيون بكل ركن بالغرفه بس من اباوع على المكان يختفن ماكو شي احس واحد يضرب بيه اريد اصرخ ماكدر حسيت بدوخه الغرفه ادور بيه اذاني ثكلت اسمع وشوشه لزمت بالميز حيل حتى ما اوكع باوعت بالمرايه شفت عُقاب يم الكنتور يطلع ملابس ويباوعلي شبي هاذا ليش ما يجيني
راعوث :- بابا بابا
عُقاب :- ها بابا
راعوث :- تعال
– اجه وراي حضني من وره ودنك عليه باس راسي تقرب من اذاني همس ،
عُقاب :- عجبتگ الشغله !؟
راعوث :- درت وجهي اله لزمت بايده ، اخاف
عُقاب :- لا مو جربنه ما تخوف اصلاً بسرعه خدرتي وكلتي ، قلد صوت انثوي مستهزأ ، عُقابي يله نزعني
راعوث :- شبي مايحس بيه كمت اشوف غواش غمضت عيوني صار ضلام دامس حسيته لزمني قوي اسمعه يكلي
– بويه شبيج
راعوث :- ضلام دامس وشوف روح سوده تطلع من جسدي بقوه احس راح اموت ماكو نفس مكطوع ماكدر اتحرك اريد اشوف اني وين ماكدر افتح عيوني مادري شنو من كابوس شفته او شصارلي بلحظتها كعدت بعد مرور مدري كم دقيقه او يمكن ساعه بس حسيت حيل تاخرت كعدت حسيت جسمي مرتاح
– فتحت عيوني على البطيء ضلام دامس من اجر النفس اشم ريحه عطرر قويه فدشي ثكيل عليه ماكدر اتحرك مقيده فاتحه عيوني على وسعهن واريد استوعب اني وين شصار دنيت راسي شويه شفت تقاسيم صدره وسماره جان حاضني هدني وابتسم تك خد
عُقاب :- صحيتي !؟
راعوث :- شصار
عُقاب :- دوخه بسيطه وحضنات عميقه
راعوث :- ها
عُقاب :- اخخخ فهاوتكك هاذه حلكك ينكط فهاوه ابوسه
راعوث :- كعدت متربعه واباوعله صفنت على صدره
عُقاب :- لا تصفنين الدنيا ماتسوه
راعوث :- اريد افراح
عُقاب :- *** افراح شني السالفه يابه فد يوم كولي اريد عُقاب افراح افراح شكيتي جدي بافراح
راعوث :- احبهااااا تحرمني منهاااا
عُقاب :- هنيالها
راعوث :- احب اخواتي كلهن ما احبك انته ولا اريد اعيش وياك جذاب وما تهتملي حتى من دخت ووكعت بارد ولا يهمك وكل ساعه لزمتني وتفشر وتكلي بربوگه وهاي زقوچه ماحبها لا تكلي نعوله انته شطولك تقبل اصيحلك الطويل لو الضخم
عُقاب :- شسوي امي جابتني طويل وضخم اخخ شلون بأمي
راعوث :- اي شنيه والله هسه اريد احجي وياك شلون ابقه رافعه راسي ركبتي توجعني اريد افراح عوفني
عُقاب :- يابه خاف افراح رجلج
راعوث :- اي رجلي
عُقاب :- ههههههههههه واني هنا شنو
راعوث :- اخونه
عُقاب :- والشفه وين راحت
راعوث :- دنكت العب باصابعي عضيت شفتي الجوه سمعت صوت ضحكته ،
عُقاب :- انزلي يم فرح اذا تريدين
راعوث :- هاااي الخره مرتك تضوجني
عُقاب :- شتكلج اخت الكح**
راعوث :- مادري تضوجني حاجيها مالي خلك اني
عُقاب :- اموته اليتقرب لزقوچتي هيه زقوچه وحده شعندي غيرها
راعوث :- ماتلبس ملابس
عُقاب :- اريد اسبح
راعوث :- صفنت شكد يسبح
عُقاب :- شو كعدتيلي جنج طفله انضرب على عقلج ؟
راعوث :- سكتت وباوع على الفرشه اللحاف يجنن لونه رمادي خفيف الغرفه فخمه وكلها عطر بس شوي ملابسه وغراضه بالكاع كام من مكانه وطلع من الغرفه
– وره ثواني وكمت طلعت ملابسي حطيتهن على الجربايه اريد اسبح بس منتضرته يكمل كمت فتحت البرده شويه سمعت طكه وراي بسرعه درت وجهي وهديت البرده رحت للميز فتحت الجرارات شفت ورقه مثل الصوره رسم ولد ضخم عنده جناحات سود كبار وبنيه كدامه واكفه حاضنها بس الصوره جريئه بحيث البنيه ما لابسه شي ومغطي جسمها من جوه بجناحاته وشعرها على صدرها نصه مبين وصوره ثانيه جواها هم رسم بنيه بحلكها اصابع ولد حيل استحيت شمرتهن بمكانهن وسديت الجراره
– فتحت الثانيه كلها جياسه وبيها غراض مسدسات وملابس وسجينه ردت افتحهن اشوف بس خفت سديتها
– فتحت الثالثه لكيت كاسيت وجيس مكتوب عليه بورق ملاحضات زقوچتي استغربت هاذا اليه يكوله الاسم لزمت الجيس بيدي شفت بي الحجل مالتي وقراصتي بقيت صافنه لهسه عنده؟ رجعته لمكانه شفت جاكيتين الي لبستهن اول ما رجعني لبيت اهلي
– سديت الجراره وكعدت على الجربايه صافنه معقوله عنده شي وياي يريد يدخلني السجن كلبي مقبوض ومليون تفكير بالي خفت حيل مادري ليش بقيت منتضره حيل اتاخر اخذت ملابسي وطلعت دكيت باب الحمام علكيفي ماكو صوت او أي حركه رجعت دكيتها محد جاوبني دكيتها حيل
راعوث :- تذكرت كلي لا تكولين اسمي صفنت ثواني وصحت ، سيدي
– محد جاوب ، سيدي الرائد انته هنا
– محد جاوبني فتحت الباب علكيف باوعت محد طبيت ردت اسد الباب وانلزمت من وره صرخت بصوت عالي
راعوث :- باباااااااااااااااااا
راعوث :- ايد حاوطت جسمي والثانيه على حلكي وكعن ملابسي بالكاع اريد اشوفه رفعت راسي شفت عُقاب كلبي يدك سريع وحسيت راح يوكف واموت دموعي كامت تنزل من الخرعه سمعت صوت واحد يركض بالدرج وهوه لازمني ابد ما هدني ماكدر ادفعه ايده حيل ضخمه محاوطني بيها سمعت صوت فرح
فرح :- فتحت باب الغرفه محد استغربت معقوله لهسه بالحمام؟ دكيت باب الحمام وحجيت بصوت عالي ،
– خوويه عُقاب تسمعني شكو منوو يصيح تردون شي راعوث بيها شي
عُقاب :- فريحه روحي منا
فرح :- بس خويه فهمني شكو الحجيه خافت على راعوث
عُقاب :- كليلها عُقاب جاي ياكل حامض حلو هوه وفرخته هيه تفهم معليج انتي
فرح :- چؤ
راعوث :- وره ثواني تأكد راحت وهدني عسريع فتحت الباب حط تك ايد على الباب بعد اريد افتحها ماكدر رفعت راسي باوعتله لاف المنشفه على خصره وصدره عليه نقط مي وجكاره بحلكه لازمها باصبعه الابهام والسبابه ومضيق عيونه وحيل ضخم وطويل
راعوث :- بلعت ريكي وأردفت بتوتر وخوف ، اريد اطلع من تكمل اسبح
اخذ نفس من الجكاره وزفر الدخان ،
عُقاب :- الدوش كدامج وشامبو أي نوع تستخدمي موجود بس نونو ماعدنه دبري نفسج بهذني وصابون موجود بس انزعي واسبحي
راعوث :- اي ادري جبت وياي الشامبو مالتي
عُقاب :- اي يله امشي سبحي
راعوث :- حركت عيوني يمنى ويسرى رفعت راسي باوعتله بلعت ريكي ، يله
عُقاب :- يله
راعوث :- مو كملت
عُقاب :- اي بويه يله افتحه الج
راعوث :- بلعت ريكي مليون مره يمكن ، شتفتح
عُقاب :- ضحك وعض شفته الجوه ، نيتج بويه الدوش
راعوث :- درت وجهي باوعت على الدوش ماعرفله مو مثل العدنه هزيت راسي بـ اي شلت ملابسي ذبيتهن بالسله
عُقاب :- بويه هنا ملابسج التنزعيهن
راعوث :- ادري بعد ماريدهن وكعن بالكاع
عُقاب :- خوش هسه سبحي واني اجيبلج
راعوث :- راح فتح الدوش رحت وكفت يما تخصر تك ايد والثانيه يدخن بيها
عُقاب :- يله سبحي
راعوث :- يله روح بعد ماريد شي
عُقاب :- اني بعدني اريد شي
راعوث :- شتريد
عُقاب :- اباوع البنات شلون يسبحن
راعوث :- فتحت عيوني على وسعهن بلعت ريكي جمعت قوتي حتى ارد عليه حطيت الشامبو على الرف والمنشفه بيدي اباوع وين اعلكها وأردفت ،
راعوث :- عندك مره بكد البعيره روح باوعلها هيه ماتستحي
عُقاب :- ماريد جسم محيسن اريد جسم هاي الترافه الكدامي اخخ بويه شنو انتي اللعن ابو و يوم غزوان واللعن يوم ايمان واللعن اليوم ال عرفتج بي اللعن ابوك يغزوان اتزوجت فرخه وما اتحمل اشوفها كدامي ولا اكدر أذيها اخخخ بسس اخخخ كله من وره نويصر
راعوث :- بلعت ريكي وفاتحه عيوني على وسعهن وانفاسي سريعه وصافنه عليه راد يطلع حجيت وراه
راعوث :- جيبلي ملابس ، هوه وطالع أردف
عُقاب :- حاضر سيادتك
راعوث :- سد الباب وراح رحت قفلتها واباوع يمنى ويسرى اخاف اكو احد يشوفني متوتره حيل نزعت كوه بعد ما دورت ركن ركن بالحمام خاف اكو كامرات خايفه من كلشي وماعندي ثقه نهائياً نزعت وطبيت جوه الدوش سبحت و تأقلمت ويا الوضع صار عادي وما خايفه اندك الباب واني كلبي كام يرجف خاف ما قافلتها عدل عسريع لفيت المنشفه على جسمي شلون ما جان ورحت وره الباب
راعوث :- منو
عُقاب :- اني بويه اخذي ملابسج
راعوث :- صفنت شلون اخذهن ، كول والحسين
عُقاب :- ها خير
راعوث :- كول والعباس بس تنطيني الملابس
عُقاب :- والله
راعوث :- والعباس
عُقاب :- والله بويه
راعوث :- لا والعباس
عُقاب :- قافله على العباس
راعوث :- اي احلف
عُقاب :- والعبااااس وسيراميك العباس وسيراميك الكاظم وسيراميك الحسين اخذي ملابسج وفضي السالفه اليه خلك كل ساعه اسبح
راعوث :- كول والله
– صار هدوء واني اريد ملابسي صفنت ثواني وفتحت الباب مديت ايدي ما انطاني الملابس
راعوث :- سيدي
– اخذ حسره شكبرها حط بيدي الملابس سمعته حجه
عُقاب :- عاشت ايدي على مكان المرايه
راعوث :- قفلت الباب علكت الملابس وافكر ويامن يحجي صفنت ثواني استوعبت درت وجهي شفت المرايه كدام الباب رجعت يم الباب باوعت جسمي كله طالع بالمرايه ضربت كصتي بيدي وغمضت عيوني بتوتر صكيت على سنوني حيل
راعوث :- غبيه غبيه لا يله يمكن ما شاف يمكن مو وياي على جسمي منشفه مامبين شي لا ما شاف يربييي باوعت على ايدي ورجليه طالعات وصدري نصه وفوك هاذا الضيم افكر شلون راح اباوع بوجها وهوه بيده طلعلي ملابس داخليه شمرت المنشفه ورحت كملت سبح ولبست وطلعت
– رحت للغرفه لكيته نايم بنص الجربايه على بطنه وماخذ عرضها وطولها رفع راسه شافني اخذ ملابسه وكام صفنت وين راح يروح بقيت واكفه طلع رحت باوعت من باب الغرفه عبالي راح يروح للشغل فتح باب الحمام وطب طبكها حيل صار صوت قوي فتحت عيوني على وسعهن هاي راح يبقه لباجر كل ساعه يسبح ويطلع
– طبيت للغرفه مشطت شسورت شعري ومشطته عفته مفتوح حطيت شوي حمره ومورد خدود هاي من تعليمات افراح لبست تراجي ذهب تذكرته كال نزلي يم فرح يعني عادي طلعت وسديت باب الغرفه وراي
– نزلت لصاله هدوء محد بيها الكل بغرفهم وفرح بالمطبخ مشتغله التدفئة دافيه ومفروشه قطعه حيل حلوه وقنفات نازكات وشاشه جبيره طالع بيها دعاء وريحة بخور حلوه بصف الدرج الحمامات طبيت ريحة ديتول وعطور حلوه ونضيفات المرايات يلمعن المغسله تلمع احدث مغسله يم المرايه ميز صغير بالحايط بابه من زجاج ومتروس غراض معجون حلاقه كريمات مرطبات شفرات ماسكات يجنن طلعت باب المطبخ مفتوح وفرح مشغوله مانتبهت اليه باب الاستقبال مسدوده رحت فتحتها شفت الولد جاي يصلي بالاستقبال القبله لكدام اني وراه الاستقبال حرفياً يجنن هستوني انتبه عليه كله طاولات ذهبيه واثاث يجنن ومبخره مشتغله وشاشه اكبر من الي بالصاله وجواها ميز حرفياً يموت ودي اكعد اباوع اشتم العطر الحلو على الميز علبة كلينس وعلبة لترب وقران والعطر يخبل وبارد وديكور السقف جبس ومنور كله اضويه وباب ثانيه على الحوش نضيفه تلمع هذوله كليوم ينضفون؟ ومكتوب فوك الباب ما شاء الله باوعت على الحايط مقابيلي عليه لوحه جبيره ايطارها خشب يلمع والصوره الجوه خريطه وبوصله وعليها سلاح مثل الحقيقي بالضبط بس اباوعله انرعب وجبير حيل وجواه رصاص مال السلاح همين كبار بلعت ريكي ودنكت هيه تجنن اللوحه ويا ديكور المكان بس ماعرف ليش خوفتني سديت الباب ورحت للمطبخ يم فرح
فرح :- هلااا يروحييي ليش نزلتي خاف مالج خلك ما صحتيلي محتاجه شي
راعوث :- لا اني اريد انزل
فرح :- جوعانه حبيبتي
راعوث :- هزيت راسي بـ لا
فرح :- جا وين عُقاب
راعوث :- يسبح
فرح :- هههههههه من اجيتو لهسه بالحمام شنو السالفه
راعوث :- شمدريني هوه بس يسبح
فرح :- اممم اي انتي شونج
راعوث :- زينه
فرح :- كعدي هنا خلي نسولف شويه
راعوث :- كعدت على الكرسي طب الولد الي سلم علينه بالباب شافني ابتسم وراح يم فرح مدري شحجو بصوت ناصي وضحك وحيل قريب منها ويباوعلها بنضره كلها حب وهيه مدنكه تسوي زلاطه ومبتسمه بخجل
زيد :- يله براحتجن
راعوث :- طلع وهيه بقت مدنكه مبتسمه ، هاذا اخوج
فرح :- لا يمه زوجي
راعوث :- انتي اخت عُقاب
فرح :- لا مو كلتلج اني مرت اخو عُقاب يعني زيد هاذا الي طب اخو عُقاب
راعوث :- بس عنده هاذا الاخو
فرح :- لا بعد عنده اخو ثاني اسمه سيف واثنين اخوات علياء وغدير
راعوث :- الله يحفضهم شيشتغلون
فرح :- هوه رتبته رائد بمكافحه الاجرام مثل ماتعرفين وزيد زوجي محامي وسيف يشتغل بمطار بغداد سيف عنده بيت بغداد وبيت هنا بالبصره وعُقاب كذالك عنده تلاث بيوت بيت بغداد وبيت هنا بالبصره ورب اذا تشوفي تتخبلين يجنن بيت في أي بي وبيت ثالث بالحله هاذا البيت مايريده مفكر ينطي لفقير مره صار عنده شغل هناك وشتراه وسيارته مثل ما شفتيها شحلاتها ماشاء الله وعنده بعد غيرها
راعوث :- صافنه عليها بعد استحي احجي وياها حسيت روحي كلشي ماعرف ربع ما شايفته شنو في أي بي شنو دنيا اني وين جنت وين صرت عمري كله ما جنت متوقعه ادخل لهيج بيت وهيج عائله طاكه واصير وحده منهم
فرح :- تاكلون وحدكم مو يروحي
راعوث :- لا وياج
فرح :- هسه نشوف عُقاب شيكول اي شتعرفين طبخين ولو انتي كلتي ماعرف اطبخ مدري تردين طردينه اول بدايه
راعوث :- ماعرف اطبخ
فرح :- ليش تره سهل شيرادله اصلاً ولا يهمج اني موجوده بس خاف تعزلين وحدج لازم تتعلمين
راعوث :- اي ، طبت زينب رفعت راسي باوعتلها خزرتني ردت اكوم عاطت
زينب :- كعدي طب جني ؟
راعوث :- اريد اروح
فرح :- شتريدين زينب عوفيها سمعت عُقاب صاحها
زينب :- بس اني ما سمعت
راعوث :- تقربت من الطاوله وكعدت على الكرسي مقابيلي
زينب :- شجنتي تسوين ويا بالحمام
راعوث :- كلبي يرجف واريد ابجي من الخوف مادري ليش حسيت خايفه منها بشكل مو طبيعي
فرح :- صدك تحجين هاذا هم سؤال
زينب :- انتييي صمي حلكجج احجي شجنتي تسوين
راعوث :- وين شوكت
زينب :- مساع بالحمام جنتو سوه شتسون
راعوث :- شع شعليج
زينب :- شو ترجفين
راعوث :- ما ارجف وانتي معليج بيه لا تدخلين وحدج
فرح :- چؤ زينب عوفيها
زينب :- طلع منج دم لو كح**
فرح :- لا اله الا الله زينببب
راعوث :- اكلي خره انتي الكح** ماتشوفين اتزوج عليج
زينب :- والله وطلع عندج لسان
راعوث :- ليش اكو واحد ماعنده لسان؟
زينب :- يم منو سويتي سحرج
راعوث :- يم امج
زينب :- امي تاج راسج
راعوث :- تاج قندرتي
زينب :- استحي شويه ماخذه رجال مزوج علمود فلوسه
راعوث :- اي يجنن هوه وعنده فلوس يموت عليه يحبني اكثر منج وينيمني بحضنه ويبوسني ويخليني اطب لغرفته وكلشي اريده يشتري اليه صلي على النبي لا تحسديني
عُقاب :- اسويلچ حرملات !؟
الفصل التالي اضغط هنا
يتبع.. (رواية راعوث) اضغط على اسم الرواية لتجد الفهرس كاملاً بجميع الفصول.