رواية راعوث – الفصل الثالث والعشرون
part 23 ”
عُقاب :- اححح منوره الغرفه بربوگتي
راعوث :- كعدت رفعت الشعر عن وجهي وعطت بوجها ، متزوجججج وماتكلييييي ليش ليش اني شسويتلك شنو ذنبي انييي طلكنيييي هسه اطلكني وترجعني لبيت اهلي والله اكلب البيت اذا ما طلكتني عوفنييي عوفنيييي شتريد مني شنو ذنبي اتزوج رجال متزوج
عُقاب :- تغار
راعوث :- شنوو اغار؟ ماريد اعيش وياك
عُقاب :- العيشه حلوه وياي
راعوث :- صدك هاي مرتك
– فتح البرده ورث الجكاره داير وجها على البرته مخصر تك ايد والثانيه يدخن بيها
عُقاب :- بس فترة وتشوفين اوراق الطلاك بيدها
راعوث :- يعني صدك متزوج
عُقاب :- اي بويه
راعوث :- باوعت يميني اخذت نفس وزفرته ودموعي كامت تنزل بغزاره واشهك بصوت عالي دفعت الجرجف بالكاع برجليه تقرب مني وكف مقابيلي
– رفعت راسي باوعتله مخصر و مضيق عيونه ويباوع عليه
عُقاب :- بلا ملحه وبجي حضري نفسج عندي شغل وياج
راعوث :- اكرهك
عُقاب :- اموتچ اذا عدتيها
راعوث :- عوفني بحالي عفيييه ككافي ، صفنت ثواني ، كول والله متزوج
عُقاب :- شكد تلحين
راعوث :- متزوج ليش ما كلتلي ليش والقران اطلكني اكلب الدنيا اذا ما طلكتني ، عافني وطلع ، حطيت وجهي بالفراش وابجي واضرب بيدي حيل على الفراش يحبها يريدها وكلامه والغزل ونضراته كله جذب يعني انشاء الله امووت اكره ابوي واخواتي الله ياخذهم همه السبب بكلشي ما جاي استوعب متزوج احس كلبي ينقبض اذا فكرت متزوج غيري
– وره ثواني وطب قفل الباب نزع قميصه شمره ونزع حزام البنطرون طبكه ضرب كف ايده أردف بتحذير
عُقاب :- ال مايبطل بجي ينطگ
راعوث :- مسحت دموعي وشهكاتي بدت تعلى ماسيطر عليهن وباوعله بخوف
راعوث :- والله ما اكدر اصبرلي
– شمر الحزام على الجربايه وتقرب مني دنك عليه باس خدي
عُقاب :- شلون اضرب زقوچتي عسى ايدي بالكسر
راعوث :- حسيت نار تطلع من وجهي وكلبي يدك سريع من دغدغه شواربه وصوت البوسه
عُقاب :- ماكو شي يسوه تبجين عليه
راعوث :- كمت ابجي وعطت بوجها ، اريد اهليييييي رجعنيييي شتسوي بيه مو متزوج اني المن اتزوجتني
– اخذ حسره غمض عيونه وفرك كصته
راعوث :- انفعلت حيل من بروده كمت اضرب بصدره وصرخ بوجها ، ماريدككك ماريدككك تجبرني على العيشه وياك ماعندك كلب احساس ليش ماتحس بيه ليششش تقبل اني اتزوج غيرك هااا تقبل كلييي او اطلع متزوجه وما كلتلك ماريد اعيش هناااا يا اني يا هيه خوووش
عُقاب :- خوش حجي روحي نامي
راعوث :- الله ياخذكككك انشاء الله تمووووت واخلص منك ومن جحيمك الله ياخذك انته ومرتك واهلك الله ياخذهم لان ماكلولي
عُقاب :- الله ياخذنه كلنه وتبقين وحدج وتردين حقوقج محد ينطيج
راعوث :- عطت بوجها ، يا حقوووووق من اتزوجتك لهسه كل ساعه كلتلي حقوووق حقوووق الله اعلم يمكن هاي حقوق هم متزوج او شي غيره والله ما اريدك رجعني لاهلي تجبر الواحد يعيش وياك
عُقاب :- عض شفته الجوه وضيق عيونه ، اخ بويه باع الشفه
راعوث :- طكيت بالبجي واشهك بصوت عالي راح يم الكنتور سحب الباب باوعت على الملابس معلكه كل انواع الملابس وجوه الاحذيه من غير البيبان الثانيه طلع برموده وكيمونه يلبس ويباوعلي واني ابجي بعد ماكدر اصد عيوني عنه من لبسهن طلع حيل حلو وهيبه من هذوله بالافلام جنه اني وابرار ندعي نحصل مثله تقرب مني مسح على شعري بايده
عُقاب :- شجيبلك وياي
راعوث :- بابا ، شهكت بصوت عالي
عُقاب :- اسم الله يا بعد ابوك
راعوث :- اريد اهلي ماريدك
عُقاب :- چؤ چؤ جاي تكسر خاطر عُقاب
راعوث :- ليش متزوج غيري
عُقاب :- اهتمي بيه دلليني سمعي حجايتي لا تلحين هوايه اهم نقطه انطيني الحقوق وبعدها ما راح تشوفين جهرتها
راعوث :- سكتت وامسح بدموعي باس بطن ايدي وطلع
– شفت تلفونه على الجربايه بسرعه اخذته طلعت الارقام ادور على رقم بابا لكيته مكتوب عليه ابو زقوچتي
– اتصلت عليه يرن ثواني وطب عُقاب باوعلي باستغراب بسرعه طفيت الاتصال وصفنت عليه اخذ موبايله فتحه كلب بي ابتسم تك خد اخذ الموبايل وطلع
– نمت على الجربايه وابجي بغزاره ومليون تفكير براسي ماكدر انزل واباوع بوجه مرته واتذكر كلامها بواكة الزلم كلبي يرجف وعيوني غوشن بقيت نايمه وابجي وره نص ساعه وطب
– كعد بالكاع فتح الابتوب كلب بي فتح الملفات
عُقاب :- بربوگه
راعوث :- ما جاوبته واباوع عليه اخذ نفس من الجكاره وزفره
عُقاب :- تعاي كعدي كبالي
راعوث :- ماريد مااااا رجعني لاهلييي
عُقاب :- أردف بتحذير وكلمه كلمه ، تعاي .. كعدي .. كبالي
راعوث :- عوفني حباب ، يكلب بالابتوب وأردف بصوت خشن مرعب كزبر جلدي
عُقاب :- وحق من خلق الانس والجن المايسمع كلام عُقاب يشوف غضب الله
راعوث :- بلعت ريكي وابد مارمشت من الخوف احس رجليه جمدن واحس جسمي كله مقيد
عُقاب :- عاجبج تشوفين غضب الله ؟!
راعوث :- كمت من مكاني رحت كعدت مقابيله
عُقاب :- انطيني اسماء التعرفيهم بيت الك*** ايمان
راعوث :- تذكرت الماضي احس ختنكت اريد ابجي
عُقاب :- احجي بويه
راعوث :- ايمان ، رجف صوتي ، نسرين نور كوثر غزوان
عُقاب :- بعد تعرفين غيرهم جم فريخ جان هناك
راعوث :- اول مره شفتهم يمكن 5 بس مره ، ارجف وحايره احجي لو لا ، مره طلعت بليل يمهم هيه نسرين طلعتني وجان اكو هواي زلم يخوفون شكلهم عدهم لحيه جبيره ويشربون مادري شنو ريحتهم مو حلوه وبنات يركصن واكو كاعدات بحضن رجال
– رفع راسه خزرني خزره كمت ارجف احس راح اموت بمكاني
عُقاب :- ركصتي ؟
راعوث :- لا والله
عُقاب :- تحجين لا قسماً بالله العلي العظيم اكطعج
– خازرني وانفاسه عاليه ومن يحجي يحرك بايده والجكاره مشتعله بين اصابعه كلبي مقبوض وفاتحه عيوني على وسعهن من الخوف بعد ماعرف شحجي
راعوث :- والقران الشهيد ما ركصت
– ضحك بصوت عالي اخذ نفس من الجكاره وزفره بعصبيه واختفت ابتسامته
عُقاب :- لا تخافين بربوگه احجي الصدك خوش بويه وحلفي عدل
راعوث :- وروح امي ماركصت بس مره نسرين علمتني
عُقاب :- احد لمسج ؟
راعوث :- لا
عُقاب :- جاي اشوف بعيونج جذب
راعوث :- لا محد ، بلعت ريكي وارجف
عُقاب ::- من طلعتي بليل يمهم احد لمسج جاوبيني عدل خوش
راعوث :- ابوس ايدك لا تصيح احجي علكيف والله اخاف
عُقاب :- ما مصيح بويه جاي احجي وياج عدل كلامي واضح
راعوث :- بس واحد لمس رجليه
صك على سنونه وعاط ،
عُقاب :- اهخخخخخخ منووووو
راعوث :- انفاسي سريعه وميته رعبه تغيرن ملامحه وعيونه حمر ، مادري والله رجال بس ماخليته ضربته على حلكه وشردت
عُقاب :- وحك ربچ الزمه الزمه وشوفه نار جهنم الحمره وشوفه شلون يلمس عرض عُقاب اخ الكح**
راعوث :- دنكت راسي وارجف ايدي ترجف العب باضافري وشوف صدري يصعد وينزل من قوة ضربات كلبي
عُقاب :- تذكرين ملامحهم
راعوث :- اي شويه
عُقاب :- تعاي يمي بويه
راعوث :- ادنيت يما
عُقاب :- تقربي
راعوث :- تقربت يما سحب نفس قوي وغمض عيونه وزفر الهوى يكتب بالكيبورد مال الابتوب و أردف
عُقاب :- شامبو نونو ؟
راعوث :- وينها
عُقاب :- تستعملين
راعوث :- اي
عُقاب :- اخخ حسام ابنك مشلوع كلبه
راعوث :- شجاي يحجي وحده باوعت على شاشه الابتوب طلعلي صورهم نصهم شفتهم هناك لابسين اصفر ومكلبشين وماخذيلهم صوره
عُقاب :- هاذا تعرفي
راعوث :- لا بس يمكن شفته
عُقاب :- وهاذا
راعوث :- چؤ
عُقاب :- وهاذا بويه احجي الصدگ لا تخافين
راعوث :- بقه يشوفني بالصور كملهن نصهم عرفتهم ونص لا
راعوث :- عُقاب
عُقاب :- ها بويه
راعوث :- اكو واحد اسمه حيدر هوه جيرانه اتذكر اول ما رحت شفته بره
عُقاب :- واحد من هذوله بالصور ؟
راعوث :- لا
عُقاب :- اذاج تقربلج ؟
راعوث :- لا بس من جنت بيت اهلي يضوجني ويسمعني كلام
فتح الدفتر وكتب
عُقاب :- حيدر شنو
راعوث :- ابو اسمه …….
عُقاب :- لون باب بيتهم
راعوث :- بُني
عُقاب :- اسم امه وخواته
راعوث :- انطيته اسمهم
عُقاب :- وصفيلي شكله
راعوث :- ابيض اشكر كصير عيونه كبار لونهن زيتوني عنده عضلات بس مو مثلك انته حلوات ، سكتت صفنت استوعب شحجيت؟
– رفع راسه باوعلي ابتسم تك خد اخذ نفس من الجكاره وزفره
عُقاب :- كملي
راعوث :- بلعت ريكي واحس راح اموت حر ماعرف بعد اضحك ابجي شسوي حيل استحيت واذاني نار يطلع منها بقيت ساكته
عُقاب :- تعرفين عمره
راعوث :- ما ما ما مادري يمكن يمكن بالعشرين
عُقاب :- ههههههههه
راعوث :- شبي شبيك
عقاب :- انته
راعوث :- دنكت راسي وكلت هاهيه متت زادت الحراره اكثر وعيوني يلمعن احس روحي مفضوحه ويعرفني مستحيه ويحس بالنار الجاي يطلع من وجهي
عقاب :- تحب تشوف حيدر يتعذب
راعوث :- رجف جسمي ، لا
عقاب :- وغزوان
راعوث :- لا
عُقاب :- وايمان
راعوث :- ماريد اخاف
عُقاب :- غير اريحج
راعوث :- يعني ارتاح اذا شفتهم يتعذبون
– باوعلي بنضره غريبه حجه وصوته تغير
عُقاب :- حيل ترتاحين
راعوث :- بس اني اخاف
عُقاب :- لا تخافين ماكو شي يخوف ماتحسين اصلاً بسرعه نكمل
راعوث :- شنكمل
عُقاب :- تعذيب
راعوث :- شلون تعذبهم
عُقاب :- اسولف شلون لو خاف تموتين
راعوث :- ماريد لا بس انته عذبهم وايمان حيل اضربها لان ضربتني
عُقاب :- *** اشكه ضربتج ؟
راعوث :- فتحت عيوني على وسعهن بسرعه كمت من يما رحت كعدت على الجربايه ومدنكه وكلبي ينبض سريع ما اكدر اباوع بوجها على السمعته بقه يكتب بالدفتر وبالابتوب ويدز ويصور تذكرت هوه متزوج ودموعي كامت تنزل خفت لا يسمع شهكاتي فتحت الباب وطلعت
– رحت فتحت باب الحمام وطبيت غسلت وجهي باوعت على المرايه وهنا ادركت اني متزوجه ولازم اكمل حياتي ويا ويوميه انام بخوف خوفاً يتقرب مني واليوم رحنه للبصره وتركت بغداد واهلي وحريتي وطفولتي وبيتي والعابي ولازم اصير قويه و اوجه الكل ماخلي واحد يذلني لو يسمعني كلمه تجرحني هنا ماكو افراح ولا شمس ولا رقيه ولا ابرار هنا اني وحدي لازم من اسوي اكل اسويله وياي ياكل وياي ينام وياي يحجي وياي شلون راح اكمل حياتي شراح يصيرلي حطيت ايدي على المغسله ورخيت روحي دنكت راسي وعضيت شفتي الجوه احاول ما ابجي
– حسيت واحد وراي دنك عليه باس كتفي درت وجهي شفته عُقاب دنكت راسي حط ايده على فكي ورفعه دنك عليه يريد ياخذ شفايفي صديت وجهي عنه تقرب يم اذاني اخذ نفس وباس اذاني دنكت راسي
عُقاب :- جوعانه بويه
راعوث :- چؤ
عُقاب :- شگد ناعمه !؟
راعوث :- رفعت عيوني باوعتله ونزلتهن ، من منو
عُقاب :- اخخ بويه
راعوث :- انفاسه عاليه وعيونه ذبلانه ، شبيك عُقاب
عُقاب :- اخخخ الله
راعوث :- رفع راسي بيده ودنك عليه عيونه على شفايفي احس كلبي يرجف انفاسي سريعه جمدت بمكاني دوخني شواربه ثخان وسود وطويل وعضلاته كباار ايده جبيره صوته الفخم عيونه يخبلن اتمنى ابقه اباوعله تقرب اكثر شواربه طخن اطراف شفتي غمضت عيوني حسيت بانجذابيه مو طبيعيه رجفه بكل جسمي مادري شصارلي طبكن شفايفه على شفايفي ورحت لعالم ثاني …
ابتسام :- فروحه روحي شوفي عُقاب ومريته سأليهم نصبلهم اكل متريكين متغدين روحي يمه واذا نايمين عوفيهم
فرح :- خوش عمه
ابتسام :- اي بعد روحي
فرح :- صعدت للغرفه دكيتها محد جاوبني فتحتها على النص شفت محد بالغرفه باوعت باب الحمام مسدود نزلت ، ماهمه بالغرفه
ابتسام :- جا وينهم
فرح :- مادري بس يمكن بالـ بالحمام
ابتسام :- ها يا هههه اي خليهم يمه عرسان ، طبت زينب مبينه جانت تصنت
زينب :- شلون شلون فرح كلتي وحدهم بالحمام ؟
فرح :- باوعت لعمتي وسكتت كلبت التمن بالكدر
ابتسام :- اي وشني عيني تضايقتي جا هم مرته وحلاله لو بس الج تردين ، دارت وجها وطلعت ، ديربالج ترحين لان عُقاب يطلعج جنازه منا كله ولا تدخلين بشغل يخصه
راعوث :- سحبت شفايفي منه كوه واحس بحراره مو طبيعيه واحس بشي ينزل من شفايفي مكطوع نفسي فاتحه حلكي واجر النفس جر اسمع صوت انفاسي جسمي كله يرجف وقشعريره مو طبيعيه ألم بشفتي احس اريد اوكع ماسيطر على وكفتي
– باوعتله عيونه ذبلانه والعرك ينزل من كصته دفعته من صدره مايوخر
راعوث :- عفيه وخر عفييه ، تقرب من اذاني همس
عُقاب :- منو مساع خدران جواي
راعوث :- بلعت ريكي وجسمي يرجف أردفت بصوت يرجف ، وخر عُقاب ، شواربه طخن ركبتي حسيت روحي جاي تطلع
عُقاب :- بويه گتلتيني لا تكولين عُقاب
راعوث :- اخذت نفس وارجف صافنه شكول ، سيدي اريد اروح
عُقاب :- مرت عُقاب
راعوث :- دفعته حيل من صدره ميندفع عبالك صخر ، حباب ابوس ايدك وخر وخر عني حباااب هدني وخر ايدك لزمت ايده ادفعها من خصري باسني بخدي ووخر ايده ركضت اريد اطلع
عُقاب :- اموته اليحاول يعبر بايه من الدرچ
راعوث :- دايره وجهي اباوعله ونركعت بالباب لزمت راسي بيدي وغمضت عيوني من الوجع
عُقاب :- وره گل بوسه رگعه !
راعوث :- باوعتله مخصر واكف مبتسم تك خد والكيمونه نازعها هاي شوكت شصار شوكت نزع؟ صدره كله عضلات معدته مقسمه فتحت الباب ورحت لغرفته سديت الباب وكعدت على الجربايه العب باصابعي بتوتر وصافنه شصار شسوينه خاف شي غلط اخاف واحد شافنه …
الفصل التالي اضغط هنا
يتبع.. (رواية راعوث) اضغط على اسم الرواية لتجد الفهرس كاملاً بجميع الفصول.