رواية راعوث – الفصل الثامن عشر
part 18 ”
– ليش اني؟ ليش راح اتزوج اني اول ليش مو شمس ليش مو افراح شراح يصير يحبني يكرهني ليش يريد يتزوجني اتخيل نفسي ويا بغرفه وحده يقشعر بدني وودي ابجي واكوم اكول لافراح ماريد او اشرد وعوف اهلي تذكرت قربه مني احس بقشعريره مو طبيعيه كعدت متربعه على فراشي
أردفت بصوت ناصي
راعوث :- افراح
افراح :- صدق الله العظيم ، ها
راعوث :- من اتزوج ، رجف صوتي وعقلي ما مستوعب راح اتزوج ، وين انام؟
افراح :- بصفي وين يعني يم رجلج
راعوث :- لا تصيحين احجي عدل
افراح :- شو صايره تصيحين بوجهي؟
راعوث :- اي جاي اسألج جاوبيني عدل
افراح :- يم عُقاب كافي لا يكعد ابوي
راعوث :- قندره
افراح :- هاي عليه؟
راعوث :- اي
افراح :- راااعوث هاااي شبيجججج
راعوث :- فز ابوي من نومه
ناصر :- ها بويه ها شبيجن
افراح :- ماكو شي نام بابا والله صدك راعوث هيج صايره والله العظيم مو صوجج اني دللتج هواي
راعوث :- ليش انتي ما تزوجين؟
افراح :- تردين احجي وياج وكلتيلي قندره اختج الجبيره تحجين وياها هيج
ناصر :- راعوث ليش تغلطين على اختج الجبيره
راعوث :- نمت وغطيت وجهي دموعي كامت تنزل وحلكي يرجف ماريد يسمعوني ابجي كوه كاتمه شهكاتي بقيت جوه الغطه كامت افراح طفت الضوه ودنت فراشها عني ونامت وخرت الغطه باوعت لافراح دايره وجها وبعيده عني ابوي نام بقيت ابجي ماحسيت وشهكتي طلعت كمت اشهك ومسح بدموعي تحركت ابرار صاحت بيها افراح
افراح :- نامي
راعوث :- شفت محد اهتملي واني زدت بالبجي وهاذا التفكير اثناء البجي هوه حطمني موتني اهلي مايردوني يردون يزوجوني ويخلصون مني جذب مو علمود الفلوس يكرهوني افراح بعد ماتحبني يمكن لان جنت بيت هذولاك الناس نسوني دفعت الغطه وكمت جاي امشي وعاطت بيه افراح
افراح :- تعااي ولج وييين
راعوث :- عطت ، معليججج
– طلعت وطبكت الباب وراي رحت للحمام اغسل ودموعي تنزل كعدت بالصاله على الكرويته حضنت رجليه وابجي بدون صوت حتى ماضوجهم واسمع صوت الجلاب بره ارجف بجيت لحد ان نشفن دموعي وما اجت وحده بقيت اتصفن واحس خيال اسود يمر من يمي بس ما اهتميت وبس ادعي على روحي اموت واخلص الساعه 2 طلعت ابرار هستوها رادت تحجي صحت
راعوث :- اسكتي عوفيني تره والله اصيح
ابرار :- راعوث تعاي نامي
راعوث :- والقران اصرخ واخلي الكل يفز عوفيني
– صفنت عليه وطبت للغرفه ما اجاني نوم بقيت للفجر سمعت صوت أذان كمت توضيت وصليت بالصاله ودعيت من كل كلبي هاذا الزواج مايصير كملت وكمت نمت على الكرويته بدون غطه ولا مخده الجو بدأ يدفه بقيت افكر لمن غفيت
– كعدت اسمع صوت بابا يكعدني بعدني بنومتي واحجي
راعوث :- هااا
ناصر :- كعدي راح يجي عُقاب كومي بدلي اليوم عقدكم كومي يروحي
راعوث :- كعدت واني مامستوعبه ناسيه اني راح اتزوج وعقد وهاي السوالف عيوني تباوع على كل مكان وين اني ليش نايمه هنا فركت عيوني واحاول استوعب كمت من مكاني رحت غسلت وجهي سمعت ابوي يصيح
ناصر :- يللله راعوث الرجال يتصل عليه
راعوث :- طلعت لصاله باوعت لساعه بثمانيه ونص
ناصر :- لا تصفنين روحي لبسي تاخرنه
راعوث :- جوعاااانه
ناصر :- من نرجع اكلي بسرعه بدلي فشله الرجال جاي بالطريق
راعوث :- والله شسويله خلي ينتضر شويه تنكلب الدنيا
ناصر :- يله بويه يله حبيبتي
راعوث :- رحت صبيت الجاي حار والبنات بس يباوعن على تصرفاتي ومستغربات سويت لفة جبن رحت للكنتور فتحته اكل واباوع على الملابس ومتعمده اتاخر طلعت بنطرون اسود وبدي بُني واسع شويه وردانه طويل طبيت سبحت وبدلت واكفه كدام المرايه نشفت شعري ومشطته اجت افراح
افراح :- عُقاب بالسياره منتضر يله عاد
راعوث :- ماهتميتله مشطت شعري براحتي هيه شابكه ايدها وتباوعلي سويت شعري لمه طلعت كدلتين ابوي كام يصيح وعافني وطلع علجت علج طلعت لبست حذاتي علكيف وافراح كلساعه وعضت اصبعها
افراح :- اخخخ الله يعقلج
راعوث :- حطيت ايدي بالجيوب مال البدي شفت رقيه كدامي تباوعلي بنضره غريبه باوعتلها صفح وطلعت
-شفت سيارته الفخمه بقيت اتمشه علكيفي حركت اعصابهم حرك فتح الجامه لابس نضاره الشمسيه وشواربه سود ثخان عاض شفته الجوه ويباوع عليه فتحت الباب وصعدت وره وابوي كدام يم عُقاب حرك الستيرن ويباوعلي بالمرايه
أردف بصوت حنون
عُقاب :- شونج بويه راعوث
راعوث :- بسرعه طلعت مني ، زينه
عُقاب :- يبعد ابوي ليش تاخرتي
راعوث :- شلون يتجرأ يحاجيني يم ابوي احس لساني انبلع مستحيه من ابوي ومنه ماكدر احجي حرك الستيرن باوع يسرى خاف اكو سيارات رجع باوع بالمرايه
أردف بحنيه ويحاول يكسر الحاجز بيناتنه
عُقاب :- هاا جنتي نايمه مو خوش حجي
ناصر :- جانت تسبح هيه تحب تتأخر بالسبح
– ابتسم ابتسامه غريبه ويباوعلي بنضرات غريبه دار وجها لجامه حمحم
عُقاب :- امممم
راعوث :- بقو يحجون سوه واني اباوع على الطريق اباوع على الشمس طالعه وغيوم قليله الجو حلو لا بارد ولا حار وابوي وره كل كلمه يكح ويفرك بصدره فتحله الجامه شم هوى ارتاح وصلنه وكملنه تفاصيل العقد ومشاها بالفلوس كوه لان هواي اسباب مايصير نسوي العقد ولو مو ابوي ويانه جان ماعقدنه لان عمري صغير وعُقاب كلساعه اخذ حسره حتى ابوي سأله شبيك يرده بـ مابيه شي كمل شغله ابوي وطلع بره لان اختنك صدره كام يوجعه وعُقاب كمل الباقي كعدني بره على الكراسي ولازمه بيدي الاوراق الي بصمنه عليهن وراح كمل شغله
– انطاني الاوراق لازمتهن بيدي وكاعده على الكرسي باوعت على الورقه مكتوب
-عقد زواج
– حضر كل من السيد عُقاب حسام …. والانسة راعوث ناصر ….. وبعد كلام مكتوب مافهمته اخر شي مكتوب فقد تم عقد الزواج بينهما على مهر
– معجله 190 مليون دينار عراقي فقط مقبوض
ومؤجله 250 مليون دينار عراقي فقط باق بذمة الزوج
– شفت مواليدنه حسبت عمره 32
– ايدي كامت ترجف وحدها اريد استوعب فارق العمر بيناتنه رجعت عدت احسب طلع صحيح باوعتله واكف يحجي ويا رجال شواربه ثخان ومضيق عيونه ويدخن بالجكاره ويباوع لرجال يحجي ويا وهوه فوكه طويل وضخم وكل ساعه باوعلي ويرجع يباوعله ويحجي بقيت مدنكه والعب برجليه
– اجه يمي رفعت راسي مخصر تك ايد وثانيه يدخن بيها اشرلي بايده البيها جكاره على الاوراق بمعنى نطيني انطيته يباوع على خصلات شعري وركبتي اخذ حسره
عُقاب :- كومي
راعوث :- كمت لزم ايدي ومشه لازم ايدي قوي ويمشي حيل عملاق وطويل امشي ويا واحس روحي طفله من لزمته لايدي وطوله ونضراته رفع ايدي الي لازمها باس بطن ايدي هوه ويمشي أردف
عُقاب :- لبسج
راعوث :- شبي
عُقاب :- اششش
راعوث :- ايدي توجعني
عُقاب :- ما لازمها حيل لا تتنعوصين
راعوث :- وين بابا
عُقاب :- ما راح تنوگلين وداعت بابا
راعوث :- سكتت وامشي ويا تذكرت من طلعني من المركز طلعنه صعدت بالسياره شمر الجكاره بالكاع وداس عليها بحذائه وصعد ساق السياره
عُقاب :- شلون صرت
ناصر :- الحمدالله والشكر اهون
عُقاب :- اخذك للمستشفى اسويلك فحوصات شي
ناصر :- لا والله لا يبعد عمري الله يخليك ويسعدك
عُقاب :- والله ؟
ناصر :- لا والله العظيم اني عندي موعد ويا الدكتور وروحله هوه يوميه اكح واختنك هيج
عُقاب :- الله يشافيك ويطول بعمرك وتشوف فريخات راعوث
ناصر :- هههههه انشاء الله بويه انشاء الله اخخ صدري
عُقاب :- اسم الله عليك من ال اخ ابو مريتي ، انشاء الله العرس عكب باجر
ناصر :- لا لا لا كلت عقد شيخ ميخالف عقد محكمه هم ميخالف بس مال زواج بهاي السرعه لا اعذرني بعدني اريد اشوف بنيتي اشبع منها اشتريلها تحضر روحها
عاط بعصبيه
عُقاب :- ادري ماخذها لمكه اجيبها لبغداد وشوفها اشبع منها
ناصر :- علكيفك عمي مو بالصايح الحجي
عُقاب :- اخذ نفس وزفره بعصبيه ، اعتذر اخخ راسي ، كلتلك عكب باجر العرس اذا اجيت ولكيتها ما جاهزه اخذها عادي ماعندي مانع هيه حلالي صارت
ناصر :- بس عمي فدوه رحتلك اسمعني
عُقاب :- بنتك نسخه منك دخيل الله
ناصر :- عمي افهمني البنيه بعدها ما مجهزه
عُقاب :- العصر اودي الحلاقه
ناصر :- شنو حلاقه
عُقاب :- لا اله الا الله بووويه ام الصالون
راعوث :- لا تصيح على بابا ، ضحك واهتزت اكتافه
عُقاب :- ههههههههه ، طالع ادخن بره خاف مو زين على صدرك
راعوث :- نزل من السياره دخن جكارتين وكلساعه ضحك ويفرك وجها ويرجع طبيعي
ناصر :- ها بويه راعوث قانعه بعد يومين تتزوجين
راعوث :- زين سألتني
ناصر :- اوف اوف انتي راح تتزوجين تزوجين وعندج يوم كامل تكملين كلشي بي
راعوث :- صدك بابا؟
– اخذ حسره وما جاوبني عم الهدوء لحد ان صعد عُقاب جايب علاكه عصير ومي ابوي بس شرب مي واني ماشربت شي وصلنه للبيت
ناصر :- عمي تفضل ويانه على الغده
عُقاب :- مشكور يابعد گلبي غير مره انشاء الله ، هسه على اتفاقنه عكب باجر
ناصر :- افكر عود واتصل بيك
راعوث :- نزلنه نزل عُقاب واكف يم باب السياره مفتوح
عُقاب :- بلا زحمه اكدر احجي ويا راعوث وحدنه
ناصر :- لا جا مريتك براحتكم ابقي يم رجلج بويه
راعوث :-صفنت شنو ابقه يما ، درت وجهي باوعتله مخصر واكف يباوع لابوي لحد ان طب توجهت عيونه اليه مضيقهن ويباوع عليه دنكت العب باصابعي ومنتضرته يحجي وباب السياره مفتوح ابد ما حجه مركز بملامحي رفعت راسي باوعت على شواربه درت وجهي ومشيت ماحسيت اله ايد محاوطه خصري وسحبني اله بحركه سريعه كعد على الكشن واني بحضنه وسد باب السياره …
الفصل التالي اضغط هنا
يتبع.. (رواية راعوث) اضغط على اسم الرواية لتجد الفهرس كاملاً بجميع الفصول.