رواية راعوث – الفصل السابع عشر
part 17 ”
راعوث :- انقبض كلبي كعدت افرك بعيوني ومستغربه ، منو يا نسوان افراح شبيج راسي يوجعني
افراح :- ولج كوميي ام عُقاب اجتي تشوفج
راعوث :- احنه وين بيش الساعه
افراح :- يمه دنيا العصر ساعه بـ 4 ونص فشله كومي نسوان كاعدات
راعوث :- شيردن منييي افراااح
افراح :- اشش اش فشله فشله بس يشوفنج ما ياكلنج والله العظيم
راعوث :- ما بدل والرضا
افراح :- طلعين هيج
راعوث :- اي مو حلوات ملابسي خلي يشردن بعد احسن كمت دفعتها وطلعت شفت بنيه ومره كاعدات حلوات ومرتبات
راعوث :- سلام عليكم
ابتسام :- هلا يمه هلا حبيبتي فدوه لطولج انتي راعوثه
راعوث :- كامت باستني بخدي وياها بنيه جبيره هم باستني
ابتسام :- تعاي كعدي كبالي خلي اشوفنج يمه فدوه
راعوث :- كعدت كبالها مدنكه العب باصابيعي ارفع راسي اشوف عينهن عليه ارجع ادنك اخذتلها صفنه نص ساعه حجت البنيه
فرح :- شكد عمرج يحلوه
راعوث :- مدنكه وكلت بضوجه ، 16
فرح :- العمر گله حبيبتي تنوكلين جنج كيمر فدوات
راعوث :- اكتفيت بابتسامه دنكت على المره الجبيره ويتهامسن بيناتهن بس سمعت البنيه كالت
– مو صغيره عليه
ابتسام :- يمه عزيزتي اسمعيني اريدج لابني انتي حليوه ومعدله ومرتبه وما ناقصج شي بس اريد اسمع موافقتج
راعوث :- مدنكه ساكته قدمتلهن افراح الجاي وكعدت يمي لزمت ايدي وأردفت بابتسامه
افراح :- لا انشاء الله هيه موافقه
ابتسام :- درسين يمه
افراح :- تاركه بس تعرف تقرأ وتكتب
ابتسام :- اسئلها الها يمه هيه تجاوبني تعرفين طبخين
راعوث :- كلشي ماعرف لا طبخ ولا تنضيف واربعه وعشرين ساعه نايمه واحب الاكل من بره ويوميه لازم اطلع وكلشي بنفسي اشتري اذا زعلت احرك الببت واخبص الدنيا اتابع افلام كارتون وعندي لعابات هاي اني
فرح :- حبيبتي براحتج انتي الزواج مو شي يفصلج عن طفولتج واحلامج كلشي موجود بيتنه العاب تلفزيون طلعات اكل جاهز نوم شكد ماتردين هوه الزواج تكملين نص دينج تعيشين ويا رجال يحبج ويفهمج الاهل ما يدومون ومثل عُقاب ماتلكين وداعت عويناتج الحلوات طلعات لبسات اكل نوم ضحك الشقه لا تشوفي عاقج حواجبه اربعه وعشرين ساعه تره لان ضغوطات وشغله مكافحه اجرام لا تخافين ولا تكولين بس يأذيج لو ما رتاحيتي ويا اكو محكمه اكو سيد اكو اهل بس متاكده ما راح تلكين مثل عُقاب والخيار الج ما نجبرج على شي وعُقاب رايدج حيل وهوه وشايفته وشايفج ما يحتاج تشوفي واذا تردين تشوفي بعد عادي احجي يروحي مابيها شي
ابتسام :- اخليج بعيوني بس سمعيني موافقتج
راعوث :- مدنكه العب باصابعي ماتحملت حسيت دموعي راح تنزل عفتهن وكمت للغرفه هيه كامت تضحك عبالها استحيت طبيت كعدت واردد راعوث لا تخافين وافقي لا تخافين وافقي وافقي علمود بابا وافقي اي اي اني موافقه لا اخاف مايسويلي شي وافقيي وافقي
ابتسام :- فدوات رحتلج كومي شوفيها حتى تريحين كلبي عُقاب مستعجل ومايحب تأخير بشغله تخصه بعد عمري
افراح :- كمت للغرفه اخذت راعوث لحضني بستها ، وافقي ما راح يصير شي بس تفرحين بابا وافقي يمه لا تخافين ما اعوفج والله اجيج كولي موافقه ريحيني وريحي بابا والله مانحصل مبلغ بكد هاذا بعد ها راعوث اكللهن موافقه
راعوث :- هزيت راسي بـ اي وابجي
افراح :- اخذت حسره بستها حيل وطلعت ، موافقه خاله بس تستحي منجن طكتها بهلهوله رفعت ضغطي
ابتسام :- الله يتممها على خير يمه اريد قياس محبس اصبعها حتى اشتريلها الذهبات وقياس ملابسها بعد عمري
افراح :- انطيتها قياس ملابسها وجبتلها محبس مالت راعوث تاخذه وياها حتى تشتري على كده راحن النسوان طبيت للمطبخ بابا كاعد على الكرسي ذبيت نفسي بحضنه وابجي على راعوث
افراح :- راح تعوفنه وتزوج بعدها صغيره اختي ربي اخذ عمري قبل لا اشوفها مجبوره بالبدله البيضه سوده عليه مصخنه نار من حضنتها خايفه لا يصير بيها شي بنيتي
ابرار :- عفتهم وطلعت رحت لراعوث حضنتها وبوس بيها وافكر معقوله راح تعوفنه راح تتزوج بعدها صغيره شلون تتزوج هيه تخاف منه هاذا الرجال شلون راح تعيش ويا
راعوث :- اسوء لحظات بحياتي اشوف ابوي كدامي يبجي وصدره يوجعه يستفرغ دم واسكت ماكدرت وافقت بقيت اطلع قهري بالبجي
– ثاني يوم الصبح اجن النسوان عبالك مستعجلات يركضن ركض ماطلعت بقيت بالغرفه بس افراح طلعت ينزلن غراض من السياره ويحطن بالصاله شكد جنط وعلاليك جنطه كامله وحدها للفلوس نزلت كل الغراض طبت تلهث شربت مي وكالت
ابتسام :- وين چنتي ماتجي تستقبلني
افراح :- لا بس ماتدري اجيتي طبيت للغرفه ، تعاي المره تسلم عليج
راعوث :- طلعتلها باستني بخدي باوعت على الكاع كلها جنط استغربت كعدت على الكرويته سحبت جنطه طلعت علبه فتحتها ذهب
ابتسام :- يمه هاذا التخم تلبسي بعرسج ، طلعت الثاني وهاذا بصباحيه عرسج ، وهذني هيجي كلاده ومحيبس على ذوق فرح ذوق بناتي جربت الحلقه صارت والملابس همين اختارتهن فريحه ماعرف اني بهاي سوالف البنات بعد عمري يعمه طلعت علبة بيضه ومرصعه بلؤلؤ هذني مكياجات ما كثرت لان بنيتنه حليوه صلوات على محمد حبيبة يمه افراح نجيب مشيه لو ما يحتاج يابعد كلبي
افراح :- لا خاله عليمن تعبون روحكم ومن البصره لبغداد مايحتاج على راسنه انتو يابعد كلبي
ابتسام :- بعد روحي اي والله حتى اني كلت يمه وره الغده حضري رويحتج انتي واخيتج نعقد عقد سيد يمه خوش حجي هنا بالبيت نسوي العقد
افراح :- بس خاله شدعوه هلكد مستعجلين
ابتسام :- يمه جم مره اعيد عُقاب مايحب يتاخر بالشغله هوه طلب نستعجل وهم يالله ليش اله نجر بيها جر السالفه يمه اني مثل اميمتج خاف ماتعرفين اعلمج اكو سيت نوم ابيض فوكاني صاير بالجنطه هاذا تلبسه جوه الثوب الابيض هم بصفه حطيته الج حتى بليلة دخلتهم تلبسه سيت النوم خوش يمه فهمتيني
افراح :- هزيت راسي بـ اي اي خاله اي
راعوث :- فاتحه عيوني على وسعهن وارجف عبالك فد شي جاي يحجن راح يكتلوني او شي يخوف ما عبالك ملابس واريد ابجي من الخوف باوعتلي ابتسمت وباستني بخدي
ابتسام :- يله يمه كايمه والله عُقاب بالبصره وره الغده يمكن يوصل جابنه سايقنه لبغداد والله هاي مايكدر عنده شغل تعرفين بعد رائد يخاله
افراح :- اي الله يساعده
ابتسام :- يله اسلم عليجن الله يتممها على خير
راعوث :- طلعت المره رخيت روحي على التخم وشابكه ايدي صافنه اجن البنات كامن يفتحن ويشهكن ماعندي أي شعور ولا فرحه بالملابس والغراض الجابتهن اصلن احسهن على كلبي الحمدالله خلصت من دورتي وارتاحيت من الوجع من كد ما هوايه الغراض تعبن ما كملنهن شالت الجنط حطتهن بالغرفه طبيت للغرفه ابوي نايم أردف بصوت ناصي
ناصر :- الف مبروك بويه
راعوث :- ما رديت ولا باوعتله دورت بالغراض على المداليه وينها نسيت وين حطيتها طلعت للحمام شفت الملابس مغسوله درت وجهي شفت افراح
افراح :- عليمن دورين
راعوث :- باوعتله وسكتت رفعت المداليه وأردفت
– على هاي
راعوث :- اي وين لكيتيها
افراح :- بملابسج ممكن تفهميني شلون وصلتلج مو رجعتيهن غراضه
راعوث :- عطت بوجها ، هوه نطانياها ويفشر عليه يكلي بربوگه وانتو راح تزوجوني اله
– ابتسمت بعدم اهميه وشمرت المداليه لزمتها عافتني وراحت ضميت المداليه كعدت تغديت كوه بس حتى لا ادوخ واحسب الساعات حسب احس موعد موتي قرب مو عقد زواجي بابا تعبان ما راح ويانه بس اني وافراح وره الغده كمت سبحت ونضفت لبست سيت النوم ستن حرير كصير حيل اباوع على مرايه واكول هاذا وين ينلبس يعني المن لابسته جوه ملابسي لبست فستان ابيض مشطت شعري عفته محلول بابا بالصاله على الكرويته والبنات ينضفن بالبيت واني بالغرفه افراح سحبتلي كحله وحمره والبنات يطبن يباوعن عليه ضايجات بداخلهن بس يحاولن يضحكني ويخفن حزنهن كملت افراح بدلت وكملنه
افراح :- راعوث حاجي ابوي خطيه ضايج والله العظيم
راعوث :- مدنكه ساكته
افراح :- عفيه راعوث رحتلج فدوه
راعوث :- عوفيني والقران اعوف كلشي وما اروح وما اوافق عوفيني بحالي هوه مو يريد يزوجني جا من اتزوج عباله كل يوميه اشوفه خلي يتعود
افراح :- كافي بابا يسمع
راعوث :- سكتت اتصل موبايل افراح كالت وصلو لو كلبي طلع من مكانه ودي ابجي واريد اتوسل بيهم ماريد برمشة عين لكيت نفسي مكمله العقد بس كم وحده من جيرانه اجتي يمنه وعُقاب وامه والبنيه وياهم ولد من سمعت صوته تذكرته نفسه الي بالسياره حاجاني اول ما اخذوني من الغجر كم مره عاد الشيخ موافقه واحس كلبي يطلع من اكول موافقه اول ما اكول نعم وصديقه يطكها بهلهوله وبابا كاعد وياهم والنسوان يمي بالغرفه كملو قرو الفاتحه ماهيس اله اسمع عُقاب يشتم ويسب وصار عصبيي صوته يخوف يرج البيت رجع يرعد رعد اخذ أذن وطلع هوه والولد ويا
ابتسام :- يمه يمكن اجاه شغل مهم هوه هيجي بعد مايفهم دربه خصوصاً اذا ضاج يله يمه الف مبروك
راعوث :- كمت باستني وباستني فرح باركتلي والبنات السيد راح علما يجي السايق كعدن يمنه بالغرفه اخذت ملابس ورحت بدلت وغسلت وجهي شلت شعرط كعكه شلون ما جان نص خصل واكعات من شعري لبست جاكيت وطلعت شفت افراح
افراح :- ليش بدلتي ؟
أردفت بملل
راعوث :- بردانه
– عفتها ومشيت شفت بابا كاعد على الكرويته فتحلي حضنه ومبتسم عيونه يلمعن وبيهن حزن ردت اذك بالبجي واحضنه بس دنكت وطبيت للغرفه سمعته اخذ حسره
فرح :- يمه فدوات تعالي كعدي يمي
راعوث :- كعدت يمها تباوعلي ومبتسمه
فرح :- اني فرح مرت اخو عُقاب
راعوث :- امم
فرح :- هاذا صديقه الي اجه روح بالروح اذا فد يوم تعارك وطلع تلكي يما وانتي بعد تجين يمنه ونعرفج علينه واحد واحد
راعوث :- اي تباوعلي ومبتسمه وابتسام صافنه عليه حسيتها شكت ما قابله بهاذا الزواج كمت للمطبخ سويت لفة جبن واكل بيها صافنه هاي من البدايه وهيج يطلع بسرعه وبس يصيح وما يتفاهم الله ياخذه ماهيس اله فرح اجتي لزمت ايدي
فرح :- تعاي شويه
راعوث :- شبيج وخر عني وين ماهتمت مشت كدام ولازمه ايدي طلعت للحوش شفت عُقاب لابس قاط رسمي اسود ونضاره شمسيه رافع تك حاجب شابك روحه بايد وحده والثانيه لازم بيها الجماره ويبرم بنهاية شواربه اخذتني يما فرح اني جمدت بمكاني بعد لا احجي ولا اتحرك اخذ نفس من الجكاره وزفره الدخان بوجهي
فرح :- بارك لمريتك ورجعها النه بسرعه
راعوث :- رادت تروح لزمت كتفها فرحح دفعت ايدي ومشت درت وجهي اريد اروح وراها لزم الكلاو بالبدي مالتي وسحبني اله انطخيت بي حسيت جسمي تكسر مو انسان صخر ولا اتحرك من انطخيت بي عطت
راعوث :- وخرررر
– حط ايده بالجيب والثانيه ينفض رماد الجكاره بالكاع يتقرب مني على البطيئ توترت حيل ابلع بريكي ومن الخوف بعد ما ارمش انطخيت بالحايط رمشت مرتين بعصبيه وأردفت بتحذير
راعوث :- وخرر
– ابتسم تك خد باستهزاء فتح الماسكه نفتح شعري حط الماسكه بالجيب مال جاكيته نزع نضارته وحطها على شعري طلع خصلتين باصبعه الصغير رفع راسي باوعلي دخن اخذ حسره
عُقاب :- اجنبيه
راعوث :- انفاسي مسموعه احس جمدت بمكاني ماعرف شسوي شحجي دنكت عضيت شفتي الجوه ولازمه اللفه باثنين ادين هوه يباوع عليه ويدخن ارجف وكلبي يدك سريع وانفاسي سريعه واحس دايخه من الخوف ماهيس دنك عليه وباس راسي متت بمكاني حسيت الدم جمد بعروكي بعد ماكدر اتحرك ولا اتنفس دنك على اذاني وهمس
عُقاب :- الف مبروك زقوچتي
راعوث :- قشعر بدني من كال زقوجتي بـ ياء التملك احس كلبي راح يطلع يدك سريع واشوف صدر يصعد وينزل ردت امشي حط ايده على الحايط باوعتله ورجعت دنكت
راعوث :- اريد اروح
– عض شفته وعاط بنفاذ صبر وجرها جر ،
عُقاب :- شفايفچ
راعوث :- مسحت شفتي ، شبيهن
عُقاب :- اهخخ اشتهيت اللفه
راعوث :- قدمتله اللفه دنك على ايدي وعضها كلها وشفايفه وشواربه طخن بايدي بسرعه سحبت ايدي وطلعت من جوه ايده الحاطها على الحايط
– مشيت وسمعته يضحك درت وجهي شفته يضحك واكتافه تهتز غص من الضحك كام يكح اخذ حسره ودخن
– ركضت طبيت للصاله شفت ابوي يباوعلي والبنات كلهن بالغرفه طبيت للحمام غسلت وجهي وايدي احس نار تطلع مني اخذت النضاره حطيتها على الرف سمعته يحجي بره بالصاله ويا بابا بقيت اسمعهم
عُقاب :- الله يطول عمرك ابويه على راسي حبيبي انشاء الله باجر الصبح اجي اخذ راعوث نعقد عقد محكمه
ناصر :- بس عمي ليش مستعجل
عُقاب :- وداعت شيباتك واصل الشغل لفوك راسي بالبصره واني مستعجل اريد مريتي بيتي
ناصر :- هاهيه الله كريم الله يسعدكم
عُقاب :- حبيبي اخليها بعيوني يله صار لازم نروح حجيه منتضركم بالسياره
ناصر :- هلا بيك هلا خلي اكومن اوصلك
عُقاب :- براحتك عمي براحتك
الفصل التالي اضغط هنا
يتبع.. (رواية راعوث) اضغط على اسم الرواية لتجد الفهرس كاملاً بجميع الفصول.