رواية راعوث – الفصل التاسع عشر
part 19 ”
راعوث :- جسمي كله كام يرجف وانفاسي سريعه وفاتحه عيوني على وسعهن وصدري اشوفه يصعد وينزل من دكات كلبي القويه و ادفع بي وصرخ دفعته من صدره حيل وهوه ملزم بخصري ادفع بيده وبصدره
– وخر عني وخررر عوفنييي انزل وخر ايدككك باباااااااا ، حط ايده على حلكي
عُقاب :- اشششششش ما أذيج
راعوث :- دفعت ايده ماوخرها اريد ادنه من حضنه لازمني وخر ايده من حلكي ، عفيه ابوس ردت اكمل عاط
عُقاب :- اشششش
راعوث :- سكتت وصافنه شسوي باوع من الجامه باوع على الكير رجع باوعلي
عُقاب :- انطيني الجكاير
راعوث :- اريد انزل
عُقاب :- ماكرر كلامي مرتين
راعوث :- على الاقل خليني اكعد على هاذا الكشن عفيه ، خزرني وفتح عيونه على وسعهن وانفاسه عاليه وقريب مني
راعوث :- وين الجكاير
عُقاب :- وراج
راعوث :- اخذت الباكيت من على الدشبول هوه والجداحه وقدمتهن اله طلع جكاره حطها بحلكي فتحت عيوني على وسعهن شغلها سحبها من حلكي ودخنها
عُقاب :- لا تتحركين بويه
راعوث :- ثبتت بمكاني وادعي بكلبي ابوي يجي احس كل جسمي يرجف كلبي يدك سريع ، عمو
عُقاب :- كبرتني هوه اني شايف من حياتي تكليلي عمو
راعوث :- عُقاب
عُقاب :- اخخخخخخ بويه ياريت اسمي اطول
راعوث :- حباب
عُقاب :- شكو خير ها كليلي
راعوث :- اريد اروح لبيتنه
عُقاب :- شبيج تنكثين تره انتي حلالي
راعوث :- اريد اروح
عُقاب :- بربوگه لا تتحركين
راعوث :- لا تكلي بربوگه
عُقاب :- بربوگه عُقاب
راعوث :- والله اله اكول لابوي
عُقاب :- جا اني باجر اجيب امي نتلاكه يم المديره
راعوث :- وخر ايدك ، شاورني بصوت مستهزأ
عُقاب :- لا تصيح على بابا
راعوث :- اي ليش تصيح على بابا
عُقاب :- مو اريدك يمي
راعوث :- شتسوي بيه ليش تريد تتزوجني
عُقاب :- بربوگه هاذا هم سؤال بداعت سيراميك الحمزه اسكتي لا ننزل على الترابي
راعوث :- سكتت دنكت افكر شلون اطلع من السياره اباوع على باب السياره رفع خصلات شعري وره اذاني باوعتله عيونه ذبلانه يدخن جكاره ياخذله ثواني ويزفر الدخان
عُقاب :- ليش باجيه !؟
راعوث :- ما باجيه
عُقاب :- ما نايمه بليل !؟
راعوث :- لا نايمه
عُقاب :- شبيهن عيونك
راعوث :- مابيهن شي
عُقاب :- اششش ماحب الجذابين
راعوث :- مامجذبه ، سحب القراصه من شعري لعب بشعري باصابعه عصر خاصرتي قوي
راعوث :- اوووي
– باوعلي بنضره غريبه انفاسه بدت تعلى فتح دكم القميص الفوك ياخذ حسرات فتح باب السياره بسرعه كمزت من حضنه ورحت ركض للبيت
– سديت الباب وقفلتها قفلين طبيت لصاله ارجف ميته حر من المستحه والخوف والتوتر كعدت على الكرويته وصافنه باوعتلي افراح وطبت للغرفه
شمس :- ها راعوث احجي شصار شسويتو
راعوث :- شسمه شسمه يالله حااره
شمس :- عقدتو؟
راعوث :- اي اي عقدنه
شمس :- جا شحجه وياج بابا كال يريد يحاجيها
راعوث :- على هايه
شمس :- عليمن منو هايه
راعوث :- الشسمه الهاذا
شمس :- هسه مافهمنه هايه هاذا
راعوث :- باوعت بعيونها ودنكت واحس الكل شايفنه كعدت بحضنه ، على العرس
شمس :- شبي هاي شبيج راعوث ترجفين اكو شي؟
راعوث :- لا بس تعبانه
شمس :- اي شبي العرس
راعوث :- هوه هاذا باوعتلها تباوعلي بنضرات غريبه بسرعه كمت من يمها رحت طلعت ملابس غيرتهن
افراح :- ها شبيها شكالت وين جانت
شمس :- مدري شبيها اسم الله ترجف وكوه طلع كلمه
افراح :- خليها براحتها عود صارت مره وماتحجيلنه
شمس :- كلها ريحه جكاير وعطر رجالي
افراح :- مرته كافي
راعوث :- لزمت خاصرتي علكيف توجعني لواها لوي بيده اجن البنات كعدن بالغرفه حاضنه رجليه وعيوني منزلتهن بالكاع أردفت بصوت ناصي
راعوث :- عكب باجر عرسي راح اروح تخلصون مني راح اروح اعيش ويا رجال ماعرفه واجيب جهال واني صغيرونه راح اتزوج واحد عصبي كلمته وحده متعامل ويا مجرمين شنو راح تكولون لربكم يوم الحساب
– محد تجاوب بس يستمعن
راعوث :- ماعدجن جواب حقجن تره تكدرين افراح او شمس تضحين علمودي وتتزوجي شنو ذنبي عمري 16 اتزوج صارت مشكله بالمحكمة بس يطلع فلوس ويسكت حلكهم حتى القاضي سكت حلكه بالفلوس كرهت كل البشر كل همكم الفلوس ماتفكرون بحياة الضحيه هم فكرتن راعوث شلون راح تعيش ويا ناس غربه جدد وهيه اكله بيها حظ ماتعرف تسوي لو دراستي شلون راح اكملها اخخخ اتمنى عندي ام
افراح :- عكب باجر ؟
راعوث :- ليش جاوبتيني ابقي زعلانه عادي عاد اروح واني بالي محد يريدني بهاذا البيت
افراح :- جاوبيني راعوث عكب باجر
راعوث :- اي
افراح :- شلون بابا قبل
راعوث :- كال افكر بس كاله ابو شوارب اجي اخذها حتى لو ما جاهزه
– بقت صافنه مصدومه كمل اليوم وره الغده راح بابا لطبيب هوه وابو جاسم اخذ فلوس وراح اندكت الباب فتحتها شمس
ام راكان :- هلاو خاله هلا حبيبتي وداني الرائد عُقاب علمود عروسته احفلها انتي حبيبتي لو وينها
شمس :- استغربت حيل سواها صدك يعني ، هلا خاله هلا لا راعوث جوه تفضلي
راعوث :- طبت مره بالصاله كعدت حجت وياها افراح قدمتلها مي خبصتها اريد اشوف مرته واريد اشوفها طلعتلها
راعوث :- هلا خاله شلونج
ام راكان :- هلا حبيبتي انتي راعوث
راعوث :- هزيت راسي بـ اي
ام راكان :- اوووي فدوه هاي شكدوتج انتي ناعمه لو عمرج صغير
راعوث :- عمري 16
ام راكان :- يايمه 16 ياداده ماكو نسوان يله الف مبروك حبيبتي احسن الج تتزوجين بهيج عمر يدللج دللي عليه انتي
راعوث :- غمزتلي وتضحك مبينه بشوشه وتحب تسولف اكتفيت بابتسامه
ام راكان :- هم ياله يمه اريد احفلج
راعوث :- رحنه للغرفه وكعدت تحفلي كمت ابجي من الوجع دموعي تنزل لا ارادي واغلط واسب وادفر وهيه تضحك تسولف وياي وتحف كملت باوعتلي من فوك لجوه
ام راكان :- صلوات على محمد وآل محمد يمه شنو هاي الكيك شنو هاي الجبن فدوه يمه عزه لو يشوفج الرجال يتخبل الف ما شاء الله على جمالج ولج خاف اطكج بعين
راعوث :- استحيت من غزلها وكلامها الحلو بقيت اعضعض بشفتي الجوه بقت تسولف ويانه سالفة سالفتين وراحت
– اجه بابا من الطبيب تعبان وبيده علاكه ادويه ويبجي من صدره بدأ ياخذ كيمياوي ويبجي منه يحس جسمه كله متكسر وليل كله مصخن وماله خلك ولونه شاحب حيل متغير مو ابوي القديم نزع قميصه وصدره اعضامه مبينات حيل مرعبه حالة ابوي وهاي البدايات وياخذ علاج وهيج اذا يبقه بدون علاج شيصير بي
– خابره عُقاب وكاله على اتفاقنه ومايتغير كلامي والعرس بس كم واحد من اهلي عود بالبصره يشوفون مرتي ماريد هوسه سكت بابا وحسيته قنع سألني هزيتله راسي بـ معني اي وهاهيه
– وساعات وثواني اعدهن وباوع على البيت ركن ركن يوم مرعب نسمات الهوى البارده مرعبه شعور مخيف نضراتي تتجول بكل اركان بيتنه نسخت ملامح اخواتي بعقلي ماريد انساهن اريد ابجي اريد احضنهن احس كلبي مقبوض ودي اموت ما اكدر استوعب اتزوج واعوف اهلي وبيتي اخواتي جاي يسون بالعشه واني كعدت بالغرفه وانهاريت ابجي طبت ابرار شافتني وراحت بسرعه لاخواتي اجت افراح يمي
افراح :- ها راعوث ها حبيبتي شبيج يمه شكو
راعوث :- اني اسفه
افراح :- اسكتي لا تذكريني سامحتج
راعوث :- جنت ضايجه والله
افراح :- مستحيل يجي يوم من الايام اكرهج وازعل منج انتي بنيتي ما اعتقد اكو ام تكره وتزعل من بناتها
راعوث :- خايفه ماريد اعوفكم حاجي بابا
افراح :- لا يروحي لا يعمري والله العظيم حلو الزواج وترتاحين وطلعين وتاكلين وحدج براحتج محد يحاجيج شتلبسين محد يحاجيج حطي مكياج تونسي انتي مو تكولين اريد اتزوج ثمانيني ها وين راح الحجي اجالج مو ثمانيني شاب يخبل من ساسه لراسه هيبه ومبين ميت عليج وكلشي تردي يشتريلج ولا يضوجج انتي اذا صرتي خوش بنيه وتسمعين كلامه وحبابه والله كلشي تردي يسوي الج يله كافي يمه لا تبجين
راعوث :- اخاف
افراح :- مين يمه
راعوث :- عصبي
افراح :- ههههه عصبي ويا غيرج مو وياج هم فد مره عاط بيج
راعوث :- سكتت تذكرت الجكاير من خزرني كمت ابجي بالزايد حضنتني وباست خدي
افراح :- كافي لا تبجين تقبلين ابجي
راعوث :- لا
افراح :- اي لا تبجين
راعوث :- امسح بدموعي وبس افكر راح اتزوج ابجي وانااشغ سكتتني وتعشينه وكملنه بليل فرشنه والكل نام بس اني نايمه بفراشي وصافنه على السكف واتذكر قربنه صوته نضراته غمضت عيوني وغفيت
افراح :- فزيت راعوث بحضني ومثل التبجي وخاتله بصدري وتهمس
راعوث :- اخاف اخاف لا وخر عني وخر حباب
– وتشهك حضنتها فركت ضهرها بست راسها فتحت عيونها باوعتلي ورجعت غمضت اخذت ايدها بستها فتحت باوعتلي
افراح :- ها راعوث شبيج اني يمج
راعوث :- افراح
افراح :- ها يمه ها يروحي حلمانه لا تخافين
راعوث :- عُقاب
افراح :- شبي
راعوث :- كعدني بحضنه
افراح :- تباوعلي بخوف وتبلع ريكها ، كومي يروحي كومي نحجي بره عيب لا يسمع ابوي
راعوث :- طلعنه لصاله كعدت ع الكرويته كعدت يمي ولزمت ايدي
افراح :- شوكت كعدج بحضنه
راعوث :- كولي والله ماتكتليني
افراح :- والله ما اكتلج رجلج هاذا بس كليلي شوكت هسه لو قبل العقد
راعوث :- اليوم بالسياره
افراح :- بس كعدج بحضنه
راعوث :- اي والله
افراح :- لا تخافين احجي باسج
راعوث :- لا
افراح :- راعوث اسمعيني زين هاذا رجلج من تتزوجي ترحين عادي يحضنج ويبوسج مو تكلبين الدنيا وتخافين راعوث
راعوث :- ها
افراح :- اسمعي بيوم عرسج من ترحين ويا ودخلون للغرفه …………
راعوث :- حجتلي كلام صار وجهي احمررر وجسمي كله يرجف وكلبي مقبوض دموعي كامت تنزل لا ارادي زيدت الخوف عندي ماريد افمر اتخيل الحجته واني ازيد بالبجي حضنتها وابجي
راعوث :- ماريد حبابه حبابه حاجي ابوي ابوس ايدج والله ماريد يعني لازم يصير هيج بالزواج افراح والله اموت حبابه ساعديني ماريد اتزوج حبااابه
افراح :- جنت حيل متردده احجيلها لان صغيره ماكدر احجي يمها هيج شي احس ماكدر كلبي لجمني من شفتها تبجي وترجف بحضني بس لازم تفهم وتوعه بستها وطمنتها بكلام
– اخذتها لفراشها بيومها شفتها لصبح مانامت بس تسوي روحها نايمه وترجف وتتكلب لمن طلعت الشمس غفت
– عفتها نايمه ما خليت واحد يكعدها اجتي ابتسام بالتسعه الصبح حجت وياي وعلى العرس ومدري شنو وكالت عوفيها نايمه ماقبلت نكعد راعوث وراحت …
الفصل التالي اضغط هنا
يتبع.. (رواية راعوث) اضغط على اسم الرواية لتجد الفهرس كاملاً بجميع الفصول.