رواية راعوث – الفصل العشرون
part 20 ”
راعوث :- بعد نومه عميقه كعدت وره الغده صبيت اكل وكعدت بالغرفه اكل وباوع على افراح ترتب بغراضي والبنات كاعدات يباوعن وبابا طالع
ابرار :- راعوث
راعوث :- همم
ابرار :- والله حلو هاذا الفستان
راعوث :- وينه ، رفعته اليه شفته ابتسمت وأردفت ، اخذي
ابرار :- صدك؟
راعوث :- والله بعد شنو عاجبج
ابرار :- بس هاذا السوار والله
افراح :- ابراااار
راعوث :- اكلت لكمه ، اخذي ايشي يعجبجن اخذنه عادي ماريدهن اني بس اخذ غراضي القديمات ما عاجبني أي شي من الجابو
افراح :- ليش ما عاجبج يخبلن شوفيهن انتي شنو من بنيه تره اكو هواي بعمرج اتزوجن وفرحانات وخلفن وصارن امهات بيوت
راعوث :- بس اني مو مثلهن هنه يردن محد جبرهن هوه وين اكو عرس يكمل بـ 3 ايام مدري 4 تركضون ركض عبالك كاعده على كلبكم عفيه افراح لا تخليني احجي وهم نتزاعل
افراح :- جا بيدي راعوث هاذا زوجج هوه يريد بسرعه بسرعه
راعوث :- لا تكولين زوجج
افراح :- هههه والله تضحكيني بسوالفج يعني شكلج اخوج استغفرالله
راعوث :- ابو شوارب
افراح :- شلون عليه شوارب اخخ لو يجيني واحد بجماله جعلته اخي
راعوث :- اي ما تتزوجي صدك افراح وين ماهر ؟
– دنكت وسكتت رجعت ترتب بالغراض
راعوث :- هسه عليمن هاي الجنط كلها ماريدهن اريد بس غراضي القديمه
افراح :- ما تنجبين هسه هنه شلون غراض كلهن ماركه حتى فشله يشوفوهن
راعوث :- بس هذيج الجنطه ماريدها باوعتلها وضحكت
افراح :- هههههه هنه هذني اهم شي
راعوث :- والله ما البسهن لو تنكلب الدنيا
افراح :- بس مو باجر عكبه ينكلب الحجي اطب عليج الكاج بيهن
راعوث :- بس المخبلين يلبسوهن ، صدك يعني هم تجون اليه
افراح :- اكيد يمه شلون اعوفج
راعوث :- دنكت اكلت واحس عيوني نترسن دموع بعد مارفعت راسي خاف يشوفن عيوني كملت اكل وكمت غسلت اخذت نفس ورحت طلعت غراضي الي اريدهن حطيتهن بجنطه وحدهن
– بقن يرتبن البيت وغراضي سبحت ونضفت اتجهزت لباجر واني ادعي بكلبي يصير شي باجر وما اتزوج جسمي كله يرجف وما مستوعبه راح اتزوج نهائيا ماكدر ماتدخل عقلي احس الساعه تركض ركض وكل ثانيه اختل بزاويه وابجي بابا ابد ما حاجيته احس ماكدر احاجي بس هوه يباوعلي بنضرة انو هوه مذنب
– خلصن الساعات واجه اليوم الي راح اتزوج بي
– اجتي يمنه ام جاسم وكم وحده من جوارينه خابره عُقاب وكاله ام صالون تجي للبيت والبدله جابها سايق
– فتحنها البنات وتعجبن بيها حتى اني عجبتني احب هاي السوالف والبدله حلوه بس ما فرحت ابد
-اجتي ام الصالون ماصبغت شعري لان هوه راد هيج تسويلي مكياج واني ابجي يخرب وترجع تعيده وافراح تسكت بيه مرات تختفي من الغرفه تروح تبجي وكل وحده من اخواتي هيج حسيتهن مايكدرن يحجن وياي العبره خانكتهن ابد مو سهله حتى لو جنت ما مجبوره بس صعبه بثواني افارك اهلي
– سيطرت على دموعي كملتلي المكياج والتسريحه واني اكل لفة
– كل ساعه ام الصالون كرصت خدودي وتبوس بيه تروح بعيد تباوعلي وتصلي على النبي ومبتسمه
– كملت كلشي كمت ساعدتني افراح بلبس البدله الساعه بـ 6 ونص وعُقاب متصل كال راح اجي لبست البدله وطلعت لصاله وفززني صوت الهلاهل حتى افراح شافتني فز جسمي كامت تسمي عليه كعدت على الكرويته ومدنكه راسي نبضات كلبي سريعه انفاسي سريعه ومليون تفكير بالي
– لا راعوث لا كومي شبيج سكتي تكدرين تشردين او ما اوافق ليش وافقت ليش ماكلت لامه ماريد معقوله راح اروح من هاذا البيت راعوث عفيه استعجلي غمضت عيوني ضربت كصتي بيدي لا ارادي
ام جاسم :- يا اسم الله خاله ليش تضربين كصتج ما يصير مو زين يحبيبتي
راعوث :- باوعتلها وهستوني ردت اكوم سمعت صوت ابوي بره يكح
ناصر :- يالله بنيتي افراح لبسن على راسجن وصل العريس
راعوث :- هنا متت صخنتتت وارجف اريد ابجي يعني صارت صدك هاهيه نزلت البوشيه مال البدله على وجهي وكومتني وكفت
– طب عُقاب وصارت الهلاهل رفعت راسي باوعتله لابس قاط اسود فحم ويمشي بهيبه وثكل ورزانه صدره شعرضه معضل نضرته حاده ويباوع عليه ويتقرب مني بخطوات كلها ثقه من جماله وهيبته حسيت نفسي ماكدر اصد عيوني عنه اريد اباوعله ماكدر روحي تريد تشوفه
– وكف كدامي شطوله صرت جواه بكد النمله والبدله مختفيه بيها ويا كم وحده من النسوان وامه طبن وراه وتلاثه ولد كلهم مرتبين ومبينين من عائله طاكه بس ما فاتو كلش بره بالحوش
– رفع البوشيه من وجهي باوع عليه بقه صافن حسيته نسه احنه بين كل هذوله الناس واني كذالك رافعه راسي وباوع بعيونه وهوه مركز بعيوني نزلت عيونه لشفايفي باوعت على شواربه ونزلت راسي ايده حاوطت خصري قربني اله ورفعني شويه من الكاع دنك عليه وباس راسي ويبوس بوجهي بعشوائيه ونسوان ماوكفن الهلاهل اذاني انطرمت بدلنه الحلقات باس ايدي
– اجه ابوي وكف يمي باوعلي وعيونه متروسه دموع فتحلي حضنه ما حضنته مدنكه راسي
أردف بصوت مكسور ،
ناصر :- بويه ترحين لبيت عيالج زعلانه مني صدك بويه
راعوث :- هوه كال هيج واني شمرت نفسي بحضنه حضنته قوي وهوه حاضني ويبجي باس ايدي وراسي اخواتي اختفن مادري بيا ركن كعدن يبجن واني كمت ابجي احاول ما انزل دموعي ماكدرت وكلبي مقبوض ارجف راح اعوف اهلي وبيتي شعور مخيف واني افكر شنو راح يصير وين ياخذني هم ارجع اشوف اهلي
ناصر :- اخذ عروستك وحطها بعيونك ديربالك عليها ذمه بركبتك
عُقاب :- صدك يابه توصيني وداعت شيباتك صارت بنيتي ومريتي وامي وابوي جعل ايدي بالكسر اذا مديتها عليها ضامها بگليبي من اول مره شفتها تاكدت هاي مستقبلي وهسه ما اريد اتاخر هواي لان احترك جدي بجمالها
ناصر :- الله يسعدكم الف مبروك الف مبروك تتهنون عين الله تحرسج بنيتي راعوث
راعوث :- لبسني عُقاب البرنص الابيض مال عروس على كتفي ولبسني الكلاو مالته على راسي وشد الخيوط من يم ركبتي بعد ماشوف أي شي غطاني ماطلع اضفر مني وطلعنه كوه امشي كلشي ماشوف بس ارفع الكلاو ينزله تعثرت بالبدله ردت اوكع بس هوه لازمني شافني تبهذلت ماحسيت اله مرفوعه من الكاع وايدي محاوطه ركبته وهوه طويل حسيت نفسي طايره
– كعدني على الكشن الامامي بسيارته ركب السياره حرك الستيرن وانطلق نزع الجاكيت شمر الرباط فتح دكم القميص نصهن فتح الحزام اباوعله وارجف شنو راح يسوي
عُقاب :- اخخخخ بربوگه شطااالعه
راعوث :- سكتت مدنكه واحس اختنكت من الكلاو على وجهي سحب الكلاو باوعلي وعاط
عُقاب :- انعل ابوك يا حسام اخ الك*** المن خلفتني اشبع ضيم
راعوث :- احس دايخه وايدي ترجف فتح بطل مي ونطاني اخذته شربت منه ورجعته اله شربه ويباوعلي واني اباوع على الطريق خاف يصير حادث
– بقت بس سيارتنه راحن سيارات اهله وكل ساعه اخذت حسره اتذكر اهلي وبيتنه ومن طلعت منه وهسه وحدهم وشجاي يحجون شيسون نزعت الكعب وفتحت شعري التسريحه مو اوفر هم شعري كصير وهم هوه هيج طلب فـ بسرعه انفتح شعري نزعت الكلايد حطيتهن بيناتنه يم الكير بقيت بس كلادتي الصليب جاي افتح بالتراجي سمعته أردف
عُقاب :- ها بويه مستعجله على حقوقج
راعوث :- يا حقوق
عُقاب :- راح تنزعين
راعوث :- فتحت عيوني على وسعهن من المستحه ، ضحك واهتزت اكتافه
عُقاب :- شبيج بويه ليش راح تنزعين وفتحتي شعرج تتجهزين
راعوث :- اتذكر كلام افراح واحس راح اموت حر ، تعبت
عُقاب :- لا تعبين بربوگه بعد عدنه شغل
راعوث :- دنكت راسي والعب باضافري وهوه يباوعلي ويباوع على الطريق
عُقاب :- نطبك شويه ؟
راعوث :- باوعتله صافنه شكول
عُقاب :- تردين نطبك عندج شي
راعوث :- شبيك
عُقاب :- شنو بيه اكلج شنو بيه !؟
راعوث :- شنوه البيك
عُقاب :- بيه انتي بربوگه
راعوث :- لا تكلي هيج
عُقاب :- شلون هيج
راعوث :- هايه بربوگه
عُقاب :- بربوگه
راعوث :- رخيت روحي على الكشن شغل اغاني وانطلق بـ سرعه قويه ومندمج ويا الاغاني ويدخن غير الاغنيه وطلع اغنيه (بس اسمع مني) نصاها وباوعلي مبتسم تك خد
عُقاب :- تذكرين ؟!
راعوث :- هزيت راسي بـ اي
عُقاب :- جنت مو حلالي
راعوث :- اريد اهلي
عُقاب :- بويه محتاجج بعدين اخذج لاهلج
راعوث :- شوكت
عُقاب :- اششش كلت بعدين
راعوث :- اخاف اريد افراح
عُقاب :- تخافين مني !؟
راعوث :- سكتت اخذ نفس من الجكاره وزفر الدخان بوجهي باوع على الطريق طفه الاغاني وتغيرن ملامحه عقج حواجبه بعصبيه ومضيق عيونه وبعد ابد ما باوع عليه
الفصل التالي اضغط هنا
يتبع.. (رواية راعوث) اضغط على اسم الرواية لتجد الفهرس كاملاً بجميع الفصول.