رواية تجبر أبناء العم – الفصل الثاني والثلاثون
///////////////////////////////////////////
“” إيه””
رحيق : يماااا روحي شوفيهاااا
بل خدججج اروحلجج فدوة.
شنووو ماكووو ويننن سجاددد
صيحولييي ياااه
شكريه: حبيبيه سجاد راح يدورهااا
رحيق : ولكمممم شيدوررر شيدووررر
بنتي بنتيييي بعدهاااا طفله طفله
رضيعه ولكممم بنتي وينننن
ام سجاد: يبووووو راحت بنت ابنييي
نبراس : يمعودين استهدو بل الله
رحيق تخبلت وتريد بس تكوم
بس عمتي شكريه وعمه نبراس
لازماتها
رحيق : وينهاااا وينننن الممرضه
صيحيهاااااا الدكتورةةةة المديررررر
لجج شوفولييي بنتيييي وينننن لا تجلطونيييي
ايه : رحيق بس عله كيفج ويه
روحج هسه والله يلكوهااا كلهااا
راحت دور. عليهااا يا حبيبتي كولي
يا الله
عبير: كلام ايه صحيح يا عمري انت
عله كيفججج ويه روحجج عمامج
وسجاد كلهااا طلعت دور
رحيق : ولكممم وين راحتتتت راح
اتخبللل وينهاااا وينهاااا ربيي بنتي
بنتي وينن
ابلوعلهااا كامت تلوب تروح منا
وترجع منا وتبجي معنو بعدهاا
نفاس بس سالفه فضه كلش جبيرة
بس درو عمامي وسجاد ماكوو كلهاا
طلعت تركض وأمن المستشفى هم ..
رحيق : يمااا شوفيهممم دكيي
عليهممم بنتي وينننن وينننن
ولكممم شنووو هستونييي جبتهااا
هستونيييي وين خذوهاااا ماماتي
فضه ولكمم انتضرتهاااا كل هل فترة
ام سجاد: اخ يما كلبي
كلنه التفتنه عله كلامهاااا رحنالهاا
نركض لان داخت
عبير: صعد عدهاااا الضغط
ايه : بسرعه بسرعه صيحي الدكتورة
راحت عبير تركض تصيح الدكتورة
شكريه: ربي رحمتك يارب العالميين
نضرة نضرة وحده منك تكفينه
نبراس : نادي عليا مظهر العجائب
تجدهو عونن الك في النوائب
يا علي دخيك يا علي الكرار
رحيق : وين رحت بويةةة ويننن
بنتي راحتتتت كوم اكعدليي دورليي
عليهاااا قسور خويه قتام حاتمم
ولكممم تعالووو لاختكممم وينكممم
راحت بنتي يا خوال بنتي راحتت
ليث ليث وين
شكريه : يا يمااا نعمت عيني عليج
ماشفتي يوم ابيض نعمت عيني
نبراس: ليث خابروو هسه يجي
يا يماا ذكرتينه بل عزاز شي
الفتهم المكبرة وشي الفاهم السجننن
حطن شيلاتهن عله حلوكهنن وكامن يبجن
عبير: صدك چذب يعني احنه نهدئ
بيهااااا لو نشعلهااا ايه خل نطلع للبيت
ايه : اي والله احسن رحيق كومي
حبيبتي كومي خل نرجع للبيت
رحيق : مارجعععع مكانننن مابيييي
بنتييي مارجععععع منتضرتهممم
منتضرة بنتيي الماشفتهااا زين
كامت تبجي وتشهك بزياده شهكت
خلت يدهااا عله ص**هااا وكالت
رحيق : يجوزز جوعانه يجوز ماوكلوهااا ماشربوهااا حليبببب يمااا صدري يد* يمااا
ايه : هسه دكومي يا عيني امشيي
خل نرجع
شكريه: اي يما يلا خل اشوف ام سجاد
كعدت عبير كبال رحيق وكالت
عبير: يا رحيق يا عيني انت بعدج
نفاس كومي خل نرجع للبيت وهمه
بس يعرفون شي يجون يكولون
النه يلا حبيبتي يلا
وأخيراً اقتنعت كمنه غيرنالهااا
ملابسهااا ونبراس وعمتي شكريه
لأزمات ام سجاد واني وعبير
لازمين رحيق
صعدنه بسيارات ورجعنه للبيت
تلگونه الجهال …
جعفر: ماما نين فبه ( وين فضه )
زادت رحيق بل بجي
عبير: روح العب حبيبي روح
اخذناهاا للغرفه بس رفضت
تروح نمطلت بصاله عل تخم
وكعدنه ننتضر تقريبا لحد 5
الفجر وهمه ماكو كاعدين
بصاله شي تصلي شي تقرة
قران ومنتضرينهم عله نارر
واخيرا طبووو سجاد وعمامي وكالو ….
غازي : بويه دورنه عليهه نبشنه
الگاعععع ماكووو
رحيق : شنووو وين بنتيي ولكم
طفله رضيعه وين ترووححح
غازي : والله بويه ماخلينه مكان
بس كلشي ماكو بس خليت زلم
تابعين النه بكل مكان وانشاء الله
يطلع وياهم شي
باوعت رحيق عله سجاد وكالت
رحيق : سجادد ويننن بنيتنههه وينهااااااا
ساكت ميحجي ميرد اصلا
كامل : كولي يا الله رحيق خويه
والله راح ننبش الكاع عليهاااا……
///////////////////////////////////////
“” ساره””
كلت هيج ورحت غسلت وجهي
ولبست بشت فوك ملابسي لبست
شالي وتوجهت للاستقبال واكول
اليوم لو اني لو انتوووو اذا مافضحكم
الاستقبال مالتنه بي بابين واحد
داخلي واحد خارجي رحت للخارجي ومافتحت الباب لا ولا دخلتت كمت
اعيط واصرخ بعلو صوتييي
سارة:: ولكممممم طلعووووووو
تردوننننن تزوجونههههه واحنهههه متزوجاتتتت ويننن راححح الايمانننن
والتقوى التحجووننن بيهاااااا ولججج نوريههههه اطلعيييي تردينننن تزوجينهههه ورجولتنههه عايشينننننن ولكمممم ييوووووووو شكوووو واحددد
ماعندههه غيرةةة جاينهههه
نور: عزاااا ولججج صمييي حلكجج
كومييي سكتيييي عااادددد
هاله :: كافييييي فضحتينههه سارةةة
زهرة: ولججج اسكتي اسكتيييي
سارة: عوفونييييي خلللل احجيييييي
طلعووو ابوي وعمامي ونوريه مطككه عيونهاااا
/////////////////////////////////
“”ايلين””
طلعت بيبي تباوع عله سارةةة وعمامي
ابو سارة: تعالييي اليوم اعلمجج
عله هاايبيي العرامههه
نوريه: ادبهاااا بس لا تكتلهاااا
كلها لتفتت عله بيبي مصدومه
باوعت السارة وضحكت وكالت
نوريه : كص شعرهااا
فتحت عيونهااا سارة وكالت بصياح
سارة: لااااااااااااا ولعباسس قسوررر
من يطلععع ينحركممم لااااااااااا لااااا
كالت هيج وراحت تركض وركض
وراهااا عمي ابو سارة ولزمهااا
وهيه تصرخ وتعيط وتريد بس
تخلص روحهااا
اجه عمي باسم ولزم نور وهاله
والجهال وحته عماتيي وطببهن
للغرفه وسد الباب
معنوو البنات حاولوو يتخلصون
منهممم ويرحون السارة بس
حكم القوي عله الضعيف بقيت
بس اني بصاله رحت اركض الها
اجرهااا من ابوهااا بس انطاني
دفعههه وكعني عله ايدي احس
ايدي بعد ماحس بيهاااا
ماستسلمت رحت لهااا بس اجاني
ابوي وجتف يدي ضل لازمني حيللل
حاولتت وحاولتت أفلت روحي بس
ماكووو راحت بيبي جابت المكص
وانطتهه الابوهااا
سارة: لااااااا لااااا فدوةةة لااا اله
شعرييي الهه شعريييي لاااااا
ماهتمووو ولا حته التوسلات سارة
جانت ضافرة شعرهاااا ماهتم وكصو
شعرهااا كبال عيوني كصووو عاطت
بكل صوتهاااا
سارة: لااااا قسوررر قسوررر يحبببب شعرييييي يحبههههه قسوررررر يحبه
هوةةة هوةة يسويلييي ضفايرررر
هوةةةة قسوررررر يحبههه لااااااا
تلزم بشعرهااا مامصدكه ضفيرتهااا
كصوهااا وشمروهااا بل كاعع فلتت
روحي من ابوي بس اجيت اروحلهااا
لزمني من شعري حيل وبكفه ايدهه
ضربني عله حلكي احس شفايفي
نملتت شمرني بل كاع وطلعووو
كلهم بدم بارد
نوريه : علمود تتعلمين بعد ماتتتوكحين
لزمت ضفيرتهااا سارة وحضنتهاااا
الكلبهاااا حيلل وكامتتت تبجي رحت
ازحف الهاااا والبناتتت فلشووو الباب
بس ماكو رجليه ماتعيني افتحلهم
ايلين : سارة سارة تسمعينييي سارةة
احجي وابجي وياهااا وهيه ماكوو
عبالك احجي ويه الحايط حاضنه
ضفيرتهااا وتبجي كمت بيه مابيه
فتحت الباب للبنات بس شافني
شهكن راحن عماتي لسارة والبنات هم
زهرة: يمه يمه بنيتييي يمههه حبيبتي
سارة: كصووو شعررييي يمههه
كصووو شعررييي قسور قسور
يحبهه هوة يموت عله شعرييي
جان يسويلييي ضفايرررر هوةةةة
يكليييي احبههه كصوووو كصووووو
حطيت ايدي عله حلگي واني اشوفهاا
شلون كعطت روحهااا عله شعرهاااا
شعر سارة جان يوصل الركبه رجلهااا
بس هسه صار نص ضهرهااا اهواي
كاصين كتلت روحهااا
نور: حبيبتي كومي كومي يروحي
كامت ويه البنات وفاتنن للغرفه
فتت وياهمم
زهرة: اني رايحه اشوفه الابوجج
اليوم لو اني لو تصرفاتههه كافيي
عاد سكتنه اهوايي
راحت عمتي زهرة وعمتي دموع
لحكتهاااا وسارة عله نفس وضعهااا
بس تبجي وحاضنه الضفيرة منا
والكلاده قسور بيدهااا
هاله : حبيبتي اهدي شبيج
سارة: شهدئ وشعرييي اخخ وين
رحت قسور وينكك حبيبي تعالييي
تعالييي حسيننن خويه تعال الاختكك
نور: شحجي وشكول شلون تهدين
سارة: من اشوفففف. نوريه ولدهااااا
ميتينننن ساعتهااا أهدى
هاله : سارةةةة لا دكولين هيج ترة
الي جاي تحجين عليهم ابهاتنه رغم
معاملتهم السيئه ويانههه بس
يبقون ابهاتنهههه
سارة: اني بنسه اليييي ابوي من كص شعريييي مااااتتتت ماتتتتتت فهمتنننن مااااتتتت
ايلين : نور شفتي حيللل تحركنيييي
نور: تعالي اخليلج دهن تعالي
كمت وياها طلعت عصارة من
الجرار ودهنت شفتي بيهاااا عله كيف
سارة : عوفوني وحدي طلعنن برة
هاله : تمام حبيبتي براحتج يلا بنات
طلعت هاله وطلعنه وراهااا وسدينه لباب
كافل : مامي بيئه ثاله ( شبيه سارة)
نور: حبيبي مابيه شي بس هيه
شويه مريضه
كافل : اني ئبه ثاله ( اني احبها سارة)
نور: وهيه هم تحبك حبيبي
سكتنه من اجت نوريه وكالت
نوريه : بدلن راح نطلع للنجف يلا
تبادلنه النضرات اني والبنات
هاله : اي واحنه شعلينه
نوريه : تروحن ويانه
نور: وسارة
نوريه : ماتروحح
هاله : بس هيه مزايرة اخوهااا
نوريه : واني كلتت ماتروحح
نور: لعد اني هم ماروح
هاله : ولا اني
نوريه : علمود العب بيجن لعببب
يلاااا كلامكم زايد الي اكوله هوه
اليمشي بهللل بيتتت
نور: اي وترة هوة مو غصب كتلجج
ماراح نروح بدون سارة
نوريه : خوش لعد بهاي تصرفاتجن
جاي تخلني أزيد بتعذيب عليهااا
حسبن احسابجن كلما تعاندن اروح
العب براس ولدي وخليهم يطبون
يكطعوهااا تكطعع
///////////////////////////////////
“”منار””
كعدت عله لمسات عله وجهي فتحت
عيوني بل كوة الضوة بعيوني
وشفته جان عبد الإله
تقرب مني ومسح على راسي واردف ….
عبد الإله: الحمدلله على السلامه
يا وجع روحي
مابيه حيل حته احجي اكتفيت
بهزة راس
عبد الإله: شلون صرتي احسن
منار: اي
عبد الإله: كلش زين جنت منتضرج
تكعدين من البنج حته نروح البيتنه
منار: بيتنه يعني حنرجع التركيا
عبد الإله: لا بس احمد دبرلي بيت
انسي تركيا بعد
منار: عبد الإله ماريد ماريد ارجع
واشوف ابوي
عبد الإله: ابوج بسجن راح ياخذ
جزائه هوة وعمج الكو****
منار: منو اشتكه عليهم
عبد الإله: اني اشتكيت خليهم
يخيسون بسجن جنت اكدر اجي
واخذج منهم بس ادري بي راح
يطول لسانه ويصير براسي شريف
فء تصرفت بذكاء احسن بهواي
وقدمت بلاغ بخطفج من قبل
اهلج وجنت ادري راح يضربوج
منار: شفت الموت بعيني
عبد الإله: كله مني ماكدرت احميج
بس صدكيني من كالولي حسين توفى ماكدرت احس روحي نسلبت مني انت
كلش زين تعرفين حسين شنو يعنيلي
منار: ادري
عبد الإله: عله كولن خل اكمل
الإجراءات اللازمة وبعدها نطلع
راح يكمل الإجراءات بدون شعور
مني خليت ايدي عله بطني اتلمس
بيهه واحرك بيهه بلطف گلت
منار: جنت ماراضيه عليك جنت
مارايدتك بس رب العالمين مانسه
هل شي وخلاني اتعلق بيك واخذك
الحمد لله على كل حال
شويه ودخلن ممرضات ثنين ساعدني
اكوم وغيرلي ملابسي غسلت وجهي
ولبست شالي وحذاء ( تكرمون) اثاري
عبد جايبلي ملابس
كملت صرت جاهزة شويه واجه
أخذني ورجعنه البيت الي كال
عليه عبد حلو صح صغير بس
نضيف ومرتب حته اثاث بي
بس مو كامل
عبد الإله: خل نستقر بي واني
ادورلي عله شغل واجيب الباقي
هزيت براسي ومشت الايام
والاشهر والسنين وعبد الإله
مقاطع أهله لان عله حسب مافهمت
من شايفيننه بل انبار كايليله احنه
متبررين منك ماعدا أمه واني اول
بدايه اهواي اتاذيت عله طفلي الي
راح بس قدر الله
أن يرزقني بطفله جديدة مثل
النسمه ‘ نفس ‘ بنتي ورة سنه
تقريبا حملت بنفس جنت خايفه
ارجع اخسرهاااا لو يصير شي
بس جان عبد الإله يهديني ويكول
ماراح يصير شي ومن هل حجي
جان فعلا كلامه يهديني
استقرينه بل بيت وعبد كام يشتغل
عند فيترجي والحمدلله عايشين
عيشه كريمه ماقصر عبد لا عل بيت
ولا عليه دائماً أحسه متندم عله سالفه
لمن نساني مرات توصل ويااا يكعدني
بنص الليل يعتذر ويباوعلي مقهور بس
اني جنت دائماً اكوله …..
منار: هاذا قدرنه ورب العرش العظيم
هيج رايد منكدر احنه نغير شي واني
بنسبه الي مسامحتك ولو انت مو غلطانن
جنت دائماً اهدي عليه بهاي الكلمات
بس هوة معند انو هوة السببب…
رجعت من ذاكرتي عله طلعت الدكتور …
عبد الإله: هااا دكتور بشر
دكتور: مابيه شي اخي بس مجرد
ماخذة برد شربوهااا حليب
حار عليها العافيه
عبد الإله: الله يعافيك اشكرك حبيبي
اندار عليه عبد واردف
عبد الإله: شفتي منار ليش متلبسيهه
ملابس اهواي وتغطيهاا زين
منار: هااي شبيك عبد ترة يوميه
اغطيهااا بطانيه ولحاف
عبد الإله: لااا واضح
منار: اممممم غطيهااا انت العد
يل شاطررر
عبد الإله: اني رجال اشتغل وتعبان
منار: هوة انتم إلزلم حصرة كلنالكم
شي كبل كلتوو هيج
عبد الإله: هههههههه طيح الله حضج
منار: رحمه الله والديك
اخذنه نفوسه ورجعنه للبيت
شربتهااا حليب دافي ولبستهااا
ملابس اهواي وغطيتهااا
ونامتتت حته حجي كايمه ماتحجي
بسته وكلت …
منار: يا روح امج مريضه كون
بيه ولا بيج
عبد عود راح يجيب عشه من برة
دخل للبيت مهموم وعيونه مدمعه
معنووو طلع يضحك ويشاقه كمت
كعدت يمه وكلت
منار: شصاير عبد
عبد الإله: ابوي يريدني اخذكم
واعيش يمهم واصالحهم بعد ….
//////////////////////////////////////
“” إيه “”
كلها كاعده وحايره وين يدورون
ع طفله رحيق ماسكتت ابد وكلساعه
تصيح أريد بنتي وين راحت
سجاد كل ساعه طالع طاب
ومتوتر كعد يم كامل وويا كعدته
دك تلفونه
تبادلو النضرات كامل وسجاد
اشر كامل السجاد فتح خط وسبيكر
::::: هاا سجودي لكيتوو بنيتكم
سجاد : انت منووو ؟؟؟
:::::: اني اخو وليد الي كتلته غدر
وهسه راح انحرهااا البنتك واشمرهاااا
الجلاب ياكلونهاااا هههههههههههههه…
يتبععععع…………
/////////////////////////////////
الفصل التالي اضغط هنا
يتبع.. (رواية تجبر أبناء العم) اضغط على اسم الرواية لتجد الفهرس كاملاً بجميع الفصول.