رواية تجبر أبناء العم – الفصل الثالث والثلاثون
//////////////////////////////////////////
شلونك بل تراب شلون گاضيهاا ؟
هيج بصورتك ضليت احاجيهاا
المفروض الورد يندفن بل بستان
شجابك للكبور شعرفك بيه ؟
/////////////////////////////////////
“” ساره “”
سارة: اخذوني اشوف اخوي
نوريه : هههههههه ماكو روحه لو
تطلع روحج ماخليج ترحين طولج
ما انت معنده ورأسج يابس ومتسمعين
كلامي
سارة: انتم رايحينننن تشوفووو
كتلججج خلال اروحح وياكممم
زهرة: عمه اروحلج فدوة خل
نأخذها مزايرته
نوريه : جؤ امشو يلا
راحوو كلهم نوريه بعنادي حته
البنات أخذتهم غصب عنهم
احس روحي دتطلع كمت افرك
بركبتي حيللل درت وجهي وشفت
جيليكان النفط ابتسمت باخبال
وكلت بمكر وحقد
سارة: الي يحرگ كلبي ومايخذني
اشوف اخوي احرگ بيته گبال عينه .
اخذت الجيلكان النفط وضحكت
ضحكه احسهااا طلعت من كل كلبي
أخذته ودخلت للبيت عيوني تفتر
حواليه هستوني اريد افتح القبق
بس راحت عيوني عله غرفه اخو
ي حسين بابهاا مفتوح
بدون شعور نزلت الجيلكان ورحت
بخطوط هادئه جان الباب مرودود
هاي الغرفه صارلي اربع سنوات
مداخله الهااا دائماً امي تدخل
الهاا تنضفهااا وترتبهااا وتقفل
الباب بس هسه ليش مفتوحه
دخلت عيوني تدور عله صورته
جربايته ملابسه الي معلگه ضليت
اباوعلهاا نزلت دموعي لزمتي جهه
كلبي وضليت ابجي بكل صوتي
من كل كلبي
سارة: حبيبي منعوني من زيارتك
منعوني اجي ازورك انت مو جنت
متقبل ابجي مو من ابجي تجي
تمسح على راسي تعالي يلا
امسح عله راسي
رحت اخذت صورته المعلگه نزلته
عله كيف بلا شعور اباوعلهااا
واضحك وابجي صعبه كلش صعبه
من تشوفين صورة شخص انت
تحبي بس بعدها تذكرين انو هاذة
الشخص ميت ماله وجود
حضنت صورته حيل ابوس بيهااا
لا دكولون صارلج اربع سنوات
اني الي يقهرنييي مات ماتتت واني مامصالحته ملامح وجهه نضرته
لمن دفعته لهسه تتردد بالي
كعدت بل كاع خليت الصورة
والكلادة والضفيرتي الي گصوهاا
خليتهن كبالي وكعدت ابجي
عليهن اخذو اعز شي عله كلبي
اخوي وحبيبي وشعري
نمطلت بل كاع بوضعيه الجنين ودموعي صارت تنزل بهدوء تام كبالي هنه واني مگابلتهن ابجي
غمضت عيوني وكمت اهمس ويه روحي
سارة : يمته ترجعون مامليتوو من
فراگي ماتعبكم الفراگ مثل ماتعبني
حسين هيج اهون عليك تعوفني ؟؟؟
هيج اني ماسوة شي يمك وقسور
ياترى لهسه بعده يحبني لو نساني
؟؟؟ الم السجن نساه حبه الي لو
بعدني عالقه بذاكرته ياترا يمته
حيطل راح يطول ؟؟ راح يعوف
لبوته تموت عل بطيئه نتيجه
فراكهم ؟؟ راح ارجع اسمع كلمه
“””” نعناعه “”””
راح ارجع اتعارك وياا راح ارجع
انكد عليه ؟؟؟ زين اذا راح تجي
هل ايام ليش اتاخرت الانتضاررر
صعب ما ينحمل ولا يراد وخصوصاً
انتضار محبوب المحبوبته
بس لو مهما يصير ماراح انساكم
ولا راح أفقد الأمل والصبر اني
منتضرة قسور وراح ابقه انتضرة
لاخر يوم بعمري وهاذه اخر
كلام عند “”لبوة القسور “”
//////////////////////////////////
“” منار “”
منار : اي وانت شدكول ؟؟
عبد الإله: مادري ماعرف حاير من
جهة امي ماكدر امي كاسرة ضهري
تريدني يمهاا ومن جهه جدتي
وأبوي وعقده السيطرة
والعبودية الي عدهم
منار: عبد انت شوف الي يريحك سوي
زين منكدر نروح بس نصالحهم ونرجع لبيتنه ؟؟
عبد الإله: جؤ مستحيل ابوي يوافق
منار اني ماريد اكمل باقي حياتي
واهلي زعلانين عليه الإنسان مايعرف
الدنيه شضامتله وبعدين احنه عدنه
طفله هم تحتاج تعيش حنان بيت
الجد لازم تعرف انو ابوهاا مو وحيد
عده أهل
منار: حبيبي كول يا الله خليهاا عله
الله واهل البيت همه يحلوهااا
عبد الإله: ونعم بالله ونعم من أهل
بيت هم مايقصرون بس اني اريد
هاي الخلافات والنزاعات تخلص
منار: زين شنو اليمنع نروح نكعد يمهم ؟؟
عبد الإله: منار : كتلج جدتي عدهه
شي اسمه عبودية مستحيلل ارجع
يمهم اني اصلا جاي احاول اشتري
بيت اكبر واجيب البنات يمي لان
عشيتهن يم جدتي ابد مو مريحه
منار: صدكك اي عفيه جيبهم
عبد الإله: الله كريم
منار : هسه شحسوي ؟؟
عبد الإله: مادري بس اذا ابوي لح
ارجع يمهم نروح ناخذنه سبوع
سبوعين ونرجع
منار: تمام سوي الي تشوفه مناسب
عدلت كعدتي وكلت بابتسامة
منار: بس اتاكد اني وياك للموت يا
ابو نفس الغالي
ابتسم ومد ايده كرص ارنبه
خشمي واردف
عبد الإله: يا روح كلبي ام نفس
الحلوة الي سحلتني بدشداشته
الخفاش
منار: هههههههه ام نمر لهسه تذكرهااا ؟؟؟
عبد الإله: اي ام نمر الخفاش هههههههه
منار: عزااا جنت احس من جنت
البس ام النمر شكد جنت بلا ذوق والله
عبد الإله: هههههههه كولي الروحج
منار: اي جانت سارة تضحك عليه
دكولي انت ذوق العسكري
عبد الإله: ههههههههههههههههه ماتنلام
منار: اوففف اني شعليه زمن جانت
تجيبلي وتقنعني البسهم
عبد الإله: هههههههههههه اذكر ساره
جانت مسويتج مميز
منار: اي والله مسويتني طبله
وتضحك عليه هل حقيرة شكد
مشتاقله الهااا وسوالفهااا
عبد الإله: أن شاء الله اوديج تشوفيهم
منار: سارة الوكحه والعرمه
عبد الإله: اي وهاله الفطيرة
منار: ايلين الفاهيه
عبد الإله: نور العاقله ام الدين
منار + عبد الإله: ههههههههههههه
/////////////////////////////////////
“” نور””
طلعنه من البيت ومادري ليش
ضميري يانبني لان رحنه وماخذينه
سارة بس بنهايه هاذة الشي مو بيدنه
مو احنه الي قررنا احنه لو بيدنه جان
مارحنه اذا ساره مراحت بس ماكدرنه
لان تهديد بيبي جان واضح وصريح
اذا نغلط ماتعاقبنه احنه لا تروح
السارة
وسارة اكيد اذا تسمع الموضوع
متعلق بينه مستعده تشمر روحهااا
للموت اخيتي واعرفهاا صعدنه
بسيارات متوجهين للنجف طول
الطريق ايلين نايمه عله جتفي وكافل
بحضني انوب ماكدر احته اتحرك
خاف يفزون وهاله بحضنهااا مسك
وأخيراً بنص الطريق كعدت ايلين
تفرك بعيونهاا كالت ..
ايلين : اسفه نور ذبيت روحي عليج
وكافل بحضنج
باوعتلهاا بعدها منعسه بل
كوة فاتحه عيونه
نور: لا حبيبتي رجعي نامي يلا
باوعتلي ترمش فركت عيونها وكالت
ايلين : هااا مو اخاف عيب
نور: هههههههه دنامي والله
عندج سوالف
هاله : شيصير لو اجت سارة ويانه
نور: كله ترتيب من عند ربج
الله كريم والصبور يم ربه محضوض
بسم الله الرحمن الرحيم
قال تعالى :(( واصبرُ أن اللُّه مع الصابرين))
هاله : ونعم بالله
نور::عندي احساس كلش جبير انو كلشي
حيرجع مثل ماجان واحسن بعد اذا
مات جعفر راح ينولد الف جعفر واذا
مات حسين راح ينولد الف حسين
المهم احنه نكون راضين بحكمه
رب العالمين ورب العالمين ميسوي
شي اله اذا جان اكو رساله بي وكلشي
يسوي المصلحته الان هوة الي خالقنه
يحن علينه أكثر من الام الي تحن
عله طفلهاا
بسم الله الرحمن الرحيم
قال تعالى: ( ونحن أقرب إليه من حبل الوريد)
هاله : ونعم بالله
ايلين : لو سارة موجوده وسمعتج
جان كالت الج اي هوة انت كلما
حجينه وصلختينه بايه قرآنية وأحاديث
ضربتهاا عله رأسه ضربه خفيفه وكلت
نور: علمود تفهمين يل ذكيه يلااا
نامي الطريق طويل
رجعت نامت عله جتفي واني رجعت
أسبح بايد ولازمه ضهر كافل بايد خاف
يوكع وغمضت عيوني
فزيت عله راجديات كافل الخفيفه
وهوة يكول ….
كافل : ماميي وثلنه ( وصلنه)
نور: اي حبيبي يلا انزل عفيه
بابني السبع
نزلنه الأرض النجف الأرض الي
اخذت من عدنه كومه عزاز بس
النجف تبقى غير هواهه ناسهه
يكفي انو بيهها ابو الحسن بعل
البتول غمضت عيوني ورددت بكلبي
نور:علي هو سيد العرب وكشاف الكرب
هو نفس الرسول وزوج البتول هو
يعسوب الدين والحصن الحصين ابو
الحسن والحسين اللهم صل على
محمد وال محمد وعجل الوليك
الفرج القريب يا حي يا قيوم
نوريه : يمه خل نزور ابوك وابن
اخوك ونوب نزور الامام علي
‘ عليه السلام ‘
باسم : حاضر يمه
رحنه متوجهين عله كبورهم ضلينه
نمشي ونمشي لحد موصلنه الكبورهم
بس عمتي زهرة شافت كبر حسين
راحتله تركض حضنت كبرة حيلل
وتبجي بصوت عالي وخرت من
كبره واردفت ….
زهرة: يمه حسوني يبعد روح امك
وعمرهااا يمه البيت اضلم بلايك
يوم كوم اكعدليي واكعد الاختك
يروحي
خلت عباتهاا عله حلكهاا وكامت تنعي ..
زهرة : جبت ماي الورد يمه واجيتك
اجيتك
اكعد يمه تراني عتنيتك
اوعله نومت أمس نايم لكيتك
اشحلات الكبر من صار بيتك
كامت تبجي أو بل أحرى كلنه بجين
ه كملت نعي وكالت ..
زهرة: غدار يايمه زماني
طمني عله عيوني وعماني
طكاته توجع مرمراني
كون بمكان ابني خذاني
شهكت وكملت …..
زهرة: شفته كدامي مشه وبيه نتخيت
كتله يايمه نتضر تانيني
ومن شفت طوله وضحكته شكد بجيت
ونزلت دموعي جمر تجويني
حرفياً اجتنه نوبه بكاء عله حال
عمتي زهرة حمدت ربي سارة
مااجت لان لو جايه جا لا سامح
الله ماتت صعبه تشوفين شخص
تحبي محفورله كبر وصورته عليه
ومكتوب المرحوم لو انتقل الى
الرفيق الأعلى صعبه وتوجر بل
كلب الفراك مو هين ابد والله
يساعده الفاكد عزيز
دموع : كومي خيه كومي اروحلج فدوة
زهرة: عوفينييي يمه عوفينييي
يم ابني يم ابن بطني وروحي
يم وحيدي يم الماشبعت من شوفته
خايبه يايمههه ماكدررر ماكدررر
ابجي عليك اخافن لا تشوفني
اخيتك وافتح جروحهااا حسوني
يمههه شجنت دكلي مو تصيحلي
” يل عزيزة ”
من رحت بعد ماسمعتهه يروحي
يبعد كلب امك اخخخخ لو ماخذين
عمري ولا عمرك لو ميته اني يا حبيبي
نور: كومي عمه كومي حبيبتي
كومناهاا بل كوة علمود نغسل كبرة
غسلنالهه وجههه وغسلنه كبرة وكبر
جدي محمد العلي وقرينالهم الفاتحه وشعلنالهم بخور جنت حابه اكعد
اقرالهم قران بس للاسف ماضل
وكت قبل لا اروح تقربت عله كبر
حسين وكلت …
نور: حسين خويه سارة ماكدرت
تجي بس امنتني اسلم عليك واكلك
اختك مكدرت تجيك ودكولك هم
مرلي لطيف حته اشوفك واني نور
اكلك هنيالك عله هيج اخت بجت
دم بغيابك ودوم تذكرك سامحهاا
الله يسامحك دنيا وآخرة وان شاء الله شفيعك علي عليه السلام مع السلامه خويه
اخذت كافل بس عاف ايدي وراح
يركض للكبر باسه ورجع يبتسم
كملنه طريقنه نزور الامام علي عليه
السلام دخلنه للحضرة الي بس
عطرهااا يرد الروح صلينه ودعينه
مديت ايدي للدعاء وكلت ..
نور: يا علي احلفك بكسرة ضلع زهرتك
احلفك بحبك الرسول صلى الله عليه
وسلم تفرج هم كل مهموم وتقضي
حوائج كل محتاج وتنطي الذريه
الصالحه الكل مشتهي يا علي يسر
امري يا أبا الحسن فأنت امان
المخذلين والخائفين لن يخيب
من توسل بك
خلصت دعائي واحس شي بداخلي
ارتاح دعيت للبنات والشباب يطلعون
بخير وسلامه وينفك أسرهم دعيت
الرحيق والعبير وحته السماح هم
دعيت الله يهديهااا
كعدنه شويه بل حضرة وبعدها
طلعنه اشتريته العاب للجهال
واغراض وصعدنه بسيارة لان
اتاخرنه صارت الدنيا. المغرب
ردنه ندخل مطعم بس الوقت
اخذنه فء اخذنه الفات وحلويات
وكلت كافل وشربته مي خلص وكتله
نور: ماما كافل اني شنو علمتك
من تخلص اكل وشرب ؟؟؟
كافل : لمد الله ذي البني واتمني من
عيلاته وبلكاته لمد الله
( الحمدلله الذي اطعمني واشربني
من خيراته وبركاته الحمد لله)
نور: عفيه بل بطل وانت مسك
رجعت مسك كالت نفس كلام كافل
خليت راسي عله الجامه وغمضت
عيوني تعبانه حيل ومرهقه وارق
صاير عندي عل ايام بين سوالف
كافل ومسك وايلين الي اخذت
الطريق كله تاكل بل لفه وماخلصت
بعد عناء طويللل وصلنه البيتنه نزلت
ورجليه متكسرات تكسر
نزلنه للبيت دخلنه وجان اشوف
جيلكان النفط بنص الصاله بلعت
ريگي بخوف درت وجهي عله بيبي
الي ضلت صافنه عليه وكالت
نوريه : مااتوب مااتوب هاي البنت
دموع : شيسوي النفط بنص الصاله ؟؟؟؟
زهرة: سارةةة يمههه وينج
درت وجهي عله غرفه حسين بابهااا مردود
نور: عمه يمكن بغرفه حسين
كلت هيج ودخلت اركض
جفلت من شفتهااا نايمه ولامه
روحهه والصورة مال حسين وكلاده وضفيرتهاا كبالهااا
زهرة: يمه سارة
نور: اشش عمه عوفيهااا نايمه
زهرة: يمه اني قالفه الغرفه علمودهااا يعيونيي علمود لا تذكر
نور: ليش سارة نست مستحيلللل
تنسه امشي يروحي خل نطلع
هزت برأسه وقبل لا تطلع فتحت
باب الكنتور وطلعت غطوة غطت
سارة وجابت مخده خلتهاا جوة
راسهااا عله كيف
تحركت سارة عله كيف وطلعنه
من الغرفه
رحت بدلت الكافل وغطيته ضل
يحوس شويه بعدهااا نام وهاله
تنوم بمسك وايلين تسبح ركض
بدلت ورحت شمرت روحي عله
الفراش تعبانه حيل نمت بس واني
ونايمه اجتني أمراه جبيرة بل
عمر كالت الي
:: ﴿واصبر لحكم ربك فأنك بأعيننا﴾…
//////////////////////////////////////
“” اية””
سجاد : دحگ البنت الرضيعة ماله
شغل لا تشبج لا وحك رسول الله
اجي ادفنك
:: هههههههه خوش
باوع سجاد عله كامل الي راح
يركض جاب لابتوب وكعد مدري
شيكتب اشر كامل السجاد يكمل
كلام هز رأسه سجاد وكاله
سجاد : شوف اخوك كتلته لان
اتعده عله عرضي وسالفه العرض
موش هينه
:: مايهمنيي المهم احسب بنتك ماتت
سجاد : كول يا الله بشرفك تريد
فلوس ذهب سيارات بس ائمر
:: اريد أخذ ثار اخوي
همه يحجون وكامل مستمررر يكتب
ماعرف شيسوي ضل سجاد يحجي
ويا اخو وليد وهذاك جان يتلفض
بكلام جدآ بذيئ وفشاير باانواعهااا
أما سجاد جان يجاوب عله أعصابه
لحد ماسد التليفون هذاك الشخص …
سجاد : هااا كامللل بشر خويه
شسويتتت ؟؟؟
كامل : شلون خاطف عاطل شكد
اثول لا مخلي حمايه لا شي بسرعه
اخترقت الحساب وكدرت أخذ العنوان
صاحت رحيق بصوت
رحيق : يعني شنوووو بنتييي
راححح تلگوهااا لو لااا
كامل : هدي يخوي وداعتج رايحين
ومانرجع اله فضه ويانه
هاشم : ليش وين المكان يعمي
كامل : اهناا بل انبار بس بمنطقة
ال****
سجاد : يلااا خويه يلااا خل نمشي
اخذوو أسلحتهم بس كامل ركض
للغرفه جاب البيكيسي مالته وطلع
وراهم وسجاد يخابر وحته عمي
هاشم هم طلع وراهم دعيت بكلبي
كون يرجعون ويجبون وياهم فضه
رحيق بهل ليله تعلعلت صار الصبح
وكلهاا كاعده اجت عبير وياها بناتهاا
عبير جابت تؤام بنات وسمتهم
( سارة ؛ سرور )
راح تستغربون من اسم سارة بس
هاذة سر ماتعرفه بس عبير
ورحيق باقيه عله كعدتهاا لا تاكل
ولا تشرب بس تلوب شايفين السمجه
من تطلعوهاا من ألمي هيج صار حال
رحيق تروح منا وترجع منا
بعد مرور تقريبا ساعتين ونص
اجه الفرج وأخيراً
واتصل سجاد وكال..
سجاد: رحيق جبتهااا بنيتنه
جبتهااا ماخليتهاااا يوم واحد
بعيده عنج جبتهااا
بوكتهااا الغيمه السوده كلهااا نزالت
من عله روسنه وكملت فرحتنه الجبيرة
لمن دخل ليث يركض ويكول …
ليث : يماااااا البشارة البشارة يل
حنينه عادوو التحقيق يمااا اخواني
راح يطلعونننن طلع مالهم علاقههه
يتبععععع……..
//////////////////////////////////
الفصل التالي اضغط هنا
يتبع.. (رواية تجبر أبناء العم) اضغط على اسم الرواية لتجد الفهرس كاملاً بجميع الفصول.