رواية تجبر أبناء العم – الفصل الرابع والثلاثون
//////////////////////////////////////
///////////////////////
عِراقي ولگيت
بعِشرِتَك بَغداد ،
هَم شايف
عِراقي يعوف
بَغدادة؟ .
////////////////////////////
“” إيه”””
ليث كال هيج لو كبل عمتي شكريه
داخت وكعت بل كاع ركضنالهااا
كعدناهاا عله التخم ورشينه عليهااا
مي يلاا شوي صحت اردفت
شكريه: يماااا تحجي صدك يااا
عليييي دخيلككك يا أبا الحسن
الحمدلله الحمدلله والشكر
نزلت للكاع وسجدت سجده الشكر
ليث يمسح بعيونه ويضحك ورحيق
تضحك وتبجي
نبراس : يعني وحيدي راح يردلي
ليث : اي عمه اي عادوا التحقيق
اليوم خالي جان موجود بل محكمه
لمن عادوو التحقيق الحمدلله طلعو
ناس غيرهم هم عندهم ثار وياهم
رحيق : اخخ خويه راح يرجعولنه موو
ليث : اي يبعد روحو الأخوج راح يردون
شكريه: يما حبيبي يمته يطلعون
ليث : لو باجر لو عگبه لان جاي يسون
بل إجراءات
عبير: زين اذا رجعو راح يرجعون الشغلهم
ليث : ماطول همه طلعو برئين يعني
يرجعولهم الرتب وخالي حمزة يدة
واصله يكدر يرجع الرتب بكل سهوله
رحيق : الحمدلله ياربي الحمدلله
رحت يم عمتي شكريه واردفت …
ايه : الحمدلله على سلامتهم حبيبتي
شكريه: الله يسلمج يبعد بيتي واني
شمتانيه غير هيج اخبار هسه اكدر
اموت مرتاحه بس اشوفهم
ايه : لا عمه يروحي بعدج شباب
شكريه: يا يماا اني عمري وحياتي
وكلشي دفنته من دفنت ابو بيتي
جوة تراب النجف
عبير: هسه يرجعون الولد ويرجعون
البنات وترجع الايام الحلوة
ايه : اي ويرجع كلشي نفس قبل
عبير: أن شاء الله
ليث : يلا اني لازم اشوف خالي
علمود نعرف يمته يطلعون واذا
انطوني خبر اخابركم
شكريه: الله وياك يروحي
رحيق : هسه بس خل يرجعون
والله كريم بنات ليش اتاخروو
لهسه اتصل عله سجاد
ايه : شبيج كلج حيجون اهدي حبيبي
سكتت عبير تروح وترجع بصاله
وتليفونهااا بيدهااا عمتي شكريه
ونبراس راحن يصلن صلاه شكر
واحنه يم رحيق الي تحوس
عبير: ايه كومي خنسوي ريوك
يجوز يجون جوعانين
ايه : ديلا كومي
رحنه اني وياهاا نسوي الريوك لان
العاملات يتاخرن يلا يجن
عبير: مشتاقه للبنات اهواي
وخصوصاً سارة
ايه : منو مامشتاق الهم كلوبنه
خلصت عله متشوفهن
عبير: الي شافنه مو هين
ايه : اي والله لو جان جبل جان
نهد بس هاي قسمتهم ونصيبهم
عبير: اي والله شنسوي هوة منو
مرتاح بهل دنيا
ايه : تدرين نور راحت من يمنه حاملل
عبير: صدككك عليج الله
ايه : اي والله بس محد يدري
هيه كالت الي قبل لا تروح بس
وصتني مااحجي
عبير: تدرين لو كايله جان هسه
هيه مراحت وياهم
ايه : يعني البنيه وصتني مااحجي
شنو تردين احجي هيه اصلا لو
مامنه بيه مادكول
عبير: الله كريم
ويه كلامنه دخلت سارة بنت عبير
شايله بيدهاا صرصور فزت
عبير وصاحتت …
عبير: ولججج هاااي شنوووو
سارة: ثرثور ( صرصور)
عبير: ولججج المن جايبته بعدين
ويننن لگيتييي
سارة: نانا بيج هوة ثرثور
عبير: دهر دهرج عله هل وكاحه
ايه : برئيج عليمن طالعه
عبير: عله صاحبت الاسم الحقيقيه
ايه : هههههههههههههههه أتفق
واحنه دنحجي دخلو سجاد وكامل
وعمي هاشم
عبير: هاشوم جبتوهاا
هاشم : اي يروحو الهاشم
كامل : عمي صدك چذب مراهگ انت
حصرت ضحكتي بلكوة
درت عيوني عله سجاد الي
جان شايل فضه تلگته رحيق …
رحيق : يمه بنيتي يمه حبيبتي يا
كلبي لوعتي روح بفرگاج يعمري
عله صوتها كعدت عمتي ام سجاد
من نوم واردفت ….
ام سجاد: يمااا رديتوهاا
سجاد : اي يبعد عمري رديتهااا
ام سجاد: يا يماا فدوة اروحلكم
ابتسم واني اشوف شلون رحيق
شايله بنتهااا وتبوس وتشم بيهااا
وتفتر بيها ومالومهااا حقهاا الضنى
غالي
راحت عمتي ام سجاد اخذت
فضه هم بوستهااا وتقرة عليها
ايات
اخذاهاا سجاد يأذن الهه وقرب
رأسه يم اذنهااا وكال ..
سجاد : اشهد ان لا اله الا الله
وحده لا شريك له
واشهد أن محمد رسول الله
واشهد أن علياً ولي الله وأولاده
المعصومين حجج الله
همست يمي عبير ….
عبير: همه سنه لو شيعه
ايه : صارلج ويانه خمس سنوات
وماتدرين أحنه سنه لو شيعه
عبير: ولج اني مرة ردت اسئل
هاشوم بس بعدين كلت أحنه بل
انبار فء اكيد سنه موو ؟؟؟
ايه : حبيبتي همه سنه بس مستشيعين
سكتت عبير تهز براسهه
شكريه: يا ربي اهواي علينه نعمك
اهواي نحمدك ونشكرك يماا دريتوو
الولد راح يطلعون بعد عيني
سجاد : اي خابرنه ليث وكال النه
كامل : الحمدلله
سجاد : اي والله الحمدلله
كامل : يلاا سجاد خويه خل نروح
نبراس : وين يمه
كامل : يماا نروح يم ليث وهم
هاذة الكو*** اخو وليد الكو***
سلمنااهه خل نروح نشوف الوضع
سجاد : اي ونشوف الولد هم يلااا كامل
رحيق : ابقوو تريكو
كامل : لا خويه مانلحك
رحيق : براحتكم …
///////////////////////////////////////
“” ساره “”
كعدت الصبح عيوني يوجعني
وروحي مبهوته مالي خلك بس
كعدت صارت كدام عيوني
ضفيرتي همست بروح محروگه
سارة: لو احرك البيت بيهم لو
افضحهم بين الناس لو اموتهم
بيدي هم روحي ماتبرد
غمضت عيوني اهدئ بنفسي
كمت رجعت صورة حسين ولبست
كلادتي وأخذت ضفيرتي خليتها
بل جرار وطلعت غسلت وجهي
ولميت شعري ذيل الحصان بس
ناصي رحت للمطبخ وشفت نور
تسوي ريوك
سارة: صباح الخير
نور: صباح الخير يروحي همزين
كعدتي علمود تتريكين
سارة: نور ساعه بل 6 ترة !!
نور: شسوي يا عيني مشكل وياي
ارق بهل فترة وهواجيس ماتخلص
وبعدين اريد اسوي الريوك لان كافل
ومسك حيكعدون بعد شوي علمود
يلكون الريوك جاهز
هزيت براسي وسكتت مالي خلك
ومالي نفس بكلشي
انتبهتلي نور عافت البيدهاا
واجت كعدت كبالي اردفت ….
نور: شبيهه الحلوة زعلانه
سارة: كلشي مزعلني بل دنيه بس
اسوي روحي ماعندي احساس ولا
مشاعر ولا اهتم اني من توفى حسين
طفت روحي من عافني قسور نكسر
كلبي من كصو شعري نكسر خاطري
نور: كلشي يهون
سارة: تعبت واني اكول هل كلمه
واصبر نفسي بيها ماهان شي لا والله
ابد ماهان شي يكسرون كلبنه وخاطرنه
وتعالي كولي يهون ماكو شي يهون
نزلت دموعي وحجيت بقهر ..
سارة: اصلا احنه البنات ميصير
يكسرون خاطرنه حرام عليهم احنه
بنات لازم يعاملونه بطيب وإحساس
ومشاعر ليش هيج اغلب البنات حياتهن
حته أتعس من حياتنه زين ليش قسم
يتعاملون ويانه عبالك خدم عدهم وقسم الاهانه والذل بهذن يتعاملون ويانه وقسم يستعبدونه عبالك احنه عبيد عدهم
وقسم يكسرون كلبنه وخاطرنه ويضحكون علينه يلا يلا ديشاقوننن كافي لخاطر ربكم كافي الرسول شكال
(( رفقاً بل قوارير )) وين الرفق ؟؟!
نور: حبيبتي هيه هاي الدنيه
شنسوي لعد
تقربت مني ومسحت دموعي واردفت ….
نور: كافي يروحي عزااا احترك البيض
سارة: ههه ولج شنو نعديتي من ايلين
نور: شمدريني لهيتيني
سارة: اوي عيني يل شاطرة
ايلين : صباح النور
سارة: هلا تعالي كعدي خل
اضحك عليج شويه
ايلين : نوررر احجي وياهااا
نور: هاي شنو. بدينه من الصبح
سارة: ديلا عيني خوانم شسوينه
ايلين : اوي لا تصيحيلي خانم
سارة: لعد شصيحلج سنيوريت
ا مثلا لو انسه لو مدام
دنكت راسههه وكالت
ايلين : لاا صيحيلي ليلي مثل
مايصيحلي حاتم
سارة: بس اني مرة سمعته يصيحلج
جاسميه هههههههه
شالت علبه الاكلنس وشمرتهااا
رحت اركض واضحك عليها دخلت
للغرفه هاله نايمه تقربت عليه إلا
ودفرتهااا برجلي حيللل فزتت تتلفت
باوعتلي مطككه عيونهاااا
هاله : انت متبطلين سوالفجج
سارة: اويي شبيج قاسيه
هاله : ووحمس
سارة: لا هاله صايرة حيل قاسيه
وياي اوييي
هاله : عابتلججج مو نايمه
ليش داسوين هيج سارة اوفف
سارة: اعصابج عيني لا طگين
علينه صايرة سمنج
هاله : لا عليج الله
سارة: والله انت ونور
دخلت نور بيدهااا صينيه الاكل دكول
نور: منو السمينه
سارة: انت وهاله عوزجن بس دشداشه
ام النمر وتصيرن صدك ذوق العسكري ورجولتجن ضباط اجت عدله هههههههه
نور: انجبي وينه سمني
سارة: والعباس صايرة سمنج
نور: لا شنو السالفه
سارة : دروحن مصدكن
طلعت من الغرفه عاطت وراي نور ..
نور: والريوك
سارة: هسه اجي
صدك سمنانات البنات بس صايرات
يخبلن نور صايرة سمينه وهيه بيضه
ومدبدبه صايرة تخبل وهاله وجهاا
وجسمهاا هم سمنان وهم صايرة تجنن
هستوني داعبر اللغرفه بس صارت
بوجهي غرفه نوريه الوصخه بس
باوعتلهاا اجت بالي خطه ابتسم
بمكر ورحت اركض للغرفه مال
حسين فتحت الجرار وأخذت
المكص
سارة: مو اني الي يتعدون عليه
واسكت يبا أنه لبوه القسور
اخذت المكص ورحت للمطبخ
فتحت الكاونتر اخذت صبغ مال
اكل لون احمرر خليته بكاسه
وخليت فوگا مي خلطته وأخذت
الكاسه والمكص
طلعت من المطبخ متوجهه للغرفه
مالتهاا فتحت الباب عله كيف مديت
راسي نايمه تشوخر ويمها عكازتهاا
دخلت عله كيف امشي عله طراف
أصابعي
جانت نايمه وشعرهاا مسويته
كصايب اخذت المكص وتقربت
منهااا وعله كيف كصيت الضفيرة
الاولى من العرج بحيث صار ماكو
شعر رجعت سويت مثل الضفيرة
الاولى وهم كصيته من العرج بلكوة
لزمت ضحكتي صارت كرعه بس
اكو شعر براسها ناعم
خليت گصايبهااا عله الميز وخليت
عليهم مال الاكل الصبغ عبالك صار
دم وفتحت الشباك الشباك يطل عله
الحديقه فتحته ورشيت عله حافه
الشباك هم صبغ والكاع كلها من
الشباك لحد الجربايه صبغ احمر
صار عبالك دم
اخير شي رشيت عله العكازة
رحت يم الباب وكفت وهمست
بكلبي
سارة: قسور علمني اي شخص
ياذيني ارجع وأخذ ثأري منه
مربع وأخذ الضعف ضعفين
خليت وطلعت …
////////////////////////////////////
“” إيلين “”
كاعدين نأكل
نور: كافل مامي كوم كافي نوم
اكعد اكل مسك يلا ماماتي
انت هم اكعدي
هاله : عوفيهم نايمين البارحه
حيل تعبوو
نور: اي والله گضوهاا العب
ايلين : اوف
نور: شبيج
ايلين : ماريد هيج ريوك اريد
كندر وحليب شوكولاته
هاله : اي ترة اكو بثلاجه حلويات
وهم نور كلما تشتري للجهال تجيبلج
كندر وحليب
ايلين : مالاتكم مو طيبات الي
يجبلي ياهم حاتم اطيب
هاله : ترة نفس الشركه وهنه
اصلا نفسهن
نور: عوفيهااا يمعودة تريدلهه
شي تبجي عليه
ايلين: لا مو هيج
هاله : لا ابد مو هيج
دخلت سارة وجهاا احمر وعاضه
شفتهاا وبس تتبسم
نور: هاااا خيرج داده شو الوجه
ضاحك ؟؟؟
سارة: لا ماكو شي
هاله : لااا ترة العجينه احنه
عاجنينهاا ونعرف شلون نخبزهااا
احجي لج شكو
سارة: هاي شبيجن كلشي ماكو
ايلين : والله جذابه وراج شي
سارة: كولي والله
ايلين : والله
نور: اوفف منج سارة والله اذا
مسويتلج مكسورة اطيح حضج
انت شكلج ماتوبين
سارة: هاي شبيكم اكلتوني
بكشوري شمسويه اني بنيه
فقيره وحبابه وكاعده داتريك
هاله : انجبي هوة انت شماكله
سارة: والله حبيبتي ماحب اتريك
الصبح رايحه اسوي كوفي
ايلين تردين
ايلين : اي سويلي بس حلي
سارة: تمام راح اخليلج كل ايدي
بل كلاص علمود يصير يشحط
من الشكر
ايلين : عيعععع
سارة: اي المفهيه الوصخه واصلا
قاطع سارة صوت بيبي نوريه
وهيه تعيط
نوريهه : ولكمممممم يبووووووووو
اجاني عزرائيل
تبادلنه النضرات بيناتنه وكل
عاده كلنه باوعنه السارة رفعت
ايدهاا بحركه الاستسلام وكالت…
سارة: وداعت زهورة الحوله
مامسويه شي
طفرنه طلعنه وفتحت عيوني
وحلكي من شفت بيبي كرعه
والله كرعه ماكو كصايبهااا خليت
ايدي عله حلگي امنع ضحكتي
نوريه : يبوووووو راح ياخذونييي
غدرررر
باسم : يااايمهه شجاج شمالج
نوريهه : خذونييي يمهه يتعاركون
عليه عزرائيل والجاثوم
فتحت حلكي واني اشوف
سارة راحت يم بيبي وكالت …
سارة: ياا بيبي هاذة نفسه ابو الغرير
دموع : ابو الغرير منو
سارة: مو اني مكلت الكم
من رحتو الزيارة اجت علينه
لطيفه جيرانه وكالت هاذة ابو
الغرير مثل الجن والعياذ بالله
منتشر حاليا يكولون والعياذ
بالله ابن الجن
نوريههه : يمههههههه
باسم : شنو هل حجي
سارة: وداعتك عمي وداعتك ابو
الغرير منو ميعرفه زين بيبي انت
هسه صرتي كرعه واكو
دم بغرفتج لو لا
نوريه : اييي اييي
سارة: ياااا صخام لعد يجوز يجي
وياخذج قربان للشيطان
نوريه : شنهووووو
/////////////////////////////////////
“” إيه “”
تريكنه وخلصنه والعاملات أجن
وبدن بل شغل ورحيق بل غرفه
يم بنتهاا وعمتي نبراس وشكريه
راحن للسوك يجيبن كم شغله
محتاجينهن بل بيت لان ليث
خابر وكال الولد حيطلعون اليوم
وماوصفلكم الفرحه الي صارت بل
بيت سويت ريوك ورتبت صينيه
واخذتهاا البيبي هاشميه الي صحتهاا
جانت تدهور حيللل الجلطه حيل أثرت
عليها دخلت الغرفتهاا وكل عاده
سبحتهاا بيدهاا ….
ايه : تفضلي جده ريوكج
كالت بصوت تعبان ..
هاشميه : احفادي يمته يجون ؟
ايه : مادري والله ليث ماحدد بس
كال اليوم يطلعون أن شاء الله
هزت برأسهاا خليت وطلعت عفتهاا
تتريك ومرات اصلا متاكل حيل تعبت وتدهورت حالتهاا
سماح بعد ماراحن البنات رجعت
تجي للبيت وتسوي مشاكل ويه
عبير أكثر من مرة حاولت تخليهااا
تسقط بس الله الحافظ وهاشم
مل منهاا وطلگهاا بوكتهاا
كالهااا هاشم تعوف البنات
وماتاخذهم بس. القرار مجان
بيدهه لان البنات كبار فء المحكمه
سئلتهن وكلهن اختارن امهن ومن
بعدهاا اختفت سماح ابد مانشوفهاا
ولا نسمع عنهااا اخبار ابد
هاشميه بل بدايه ماتقبللت الوضع
ابد ورفضت هاشم يطلگ سماح بس
عبير موجوده ضلت تزن تزن وتلح
عله هاشم لحد مطلگهاا محد اهتم
ولا احد زعل عليها لان هيه ماسوت
زين ويه أحد يكولون تزرع طيب
تحصد طيب وهيه زرعت شر وحقد
وكرهه وحصدت شر أعمالها …
رحت يم عمتي شكريه لمن اجت ..
ايه : كواجن الله
نبراس + شكريه: گوة الله حيلج
عبير: شو اتاخرتوو
نبراس : والله السوك ازدحامم
مالج محط رجل بلكوة لملمنه
اغراضنه واجينه
شكريه: يماا اريد كون اليوم كلشي
من الاحسن اليوم جايين العزاز
ايه : تمام روحن انتن سبحن بدلن
اني وعبير حنتكفل بكلشي
شكريه: لا حبيبه اليوم اني ونبراس
احنه نطبخ
عبير: هاي شنوو جديده
نبراس : اي يلا عجل يدكم ويانه
علمود نخلص بساع
عبير: عمي اذا هيج يلا
وفعلاً بدينه أحنه نطبخ والعاملات
خليناهم ينضفون ويرتبون البيت
واحنه بلشنه نطبخ بكميات زياده
نطبخ ونسولف ونضحك وفرحانين
برجعت الغوالي …..
صارت تقريبا ساعه بل 6 العصر
مخلصين طبخ وكلشي ومنتضرين
الولد حته بيبي هاشميه كاعده عله
كرسيهااا المتحرك منتضرتهم ..
زاد صوت البجي والضحك بل صاله
من دخلو تلاثتهم للبيت يضحكون
نفسهم بس صايرين اكبر واضخم
من قبل أجسادهم تخوف وصايرين
سمر دخلو الضحكه ماليه وجوهم
فتح ايده قسور راحتله تركض عمتي
شكريه تحضن بي وحاتم راح يركض
لامه وقتام راح يم بيبي يبوس بيهه
حرفياً جان لحضات حلوة ..
قسور: ياعمري يا عمري مشتاقلج
شكريه: ياروحي يبعد عيني يمن
اندار فدوة الطولك
دارت وجهاا القتام
شكريه: قتام يمااا
راحلهاا قتام يسلم عليها ويحضن
ويبوس بيه رجع قسور عله بيبي
يسلم عليهااا وعله رحيق وراح
العمتي نبراس هم حضنهاا وهيه
تبسم وتحضن بي رجع حاتم
عله عمتي شكريه وهم نفس الحاله
استمر السلام لمن نص ساعه همه
كلساع يتحاضنون كال قسور …
قسور: وين سارتي ؟؟
قتام : صدك يماا وين البنات
باوعلي قسور وكال ..
قسور: ام سيف روحي صيحي نعناعه
سكتت ادور عيوني عليهم
طبك حواجبه قسور وكال
قسور: يوممم البناااتتت ويننن
سارةةة ويننن
حاتم : صدك چذب وينهنننن
شكريه: يمااا جدتكم نوريه بس
سمعت بيكم دخلتوو للسجن اخذت
البنات وردت البغداد
فتحووو عيونهمم على وسعهن
وصارو كلهم يصيحون
قتام : شلونننننن شلونننن
ياخذوهنننن ههههه بكيفهممممم
حاتممم : تحجوننن صدككك
شلونننن تخلونهااا تاخذهنننن
احنه ماصدكنه طلعناهمممم من
ضلمهممم ترجعونههه الهمممم
قسور : خوش حجي خوشش هيه
هاي الامانه كامل سجاددد هيه هااييي
كامل : خويه هدييي
كلب الطاوله قسور وكال
قسور: شهدييييي كامللللل
خذوهاااا ولككك نوريه تحبب
سارةةة تريدهااااا وخليتوهااا
تاخذهاا
غازي : عمي الحريم حريمكم
روحوو رجعوهنن
قتام : هوة هيج قسور
قسور: اي خويه اي ليث اتصل
على ولد خل سجون وحضرولنه
15 سيارة
ليث : 15 سيارة يطلعن البغداد
قسور: اي بسرعه
راح ليث يخابرر
حاتم : يلا بسرعه عجل خل نروح
شكريه: يمااا شنووو اكلو شربوا
وروحوو خل اشبع منكم
قتام : راجعين بس نرد نسوانه
يل حنينه
دخل ليث يركض وكال
ليث : خمس دقائق ويوصلن السيارات
قسور: عجل الكم خمس دقائق
تبدلون بيهم يلا بسرعه
صعدوو ثلاثتهممم فوك يبدلون
هاشم : شيوديهم هسه مادكلولي
شكريه: رايحين يردون نسوانهم
ولدي زلم ماينخاف عليهم
شويه ونزلووو لابسين دشداديش
ولافين عله رأسهم شماغ
وأسلحتهم بيدهم
قتام : سجاد كامل تجون
كامل : للموت وياكم
سجاد : عركه ومابيهااا اني
لاااا ابد ماتراد
قسور: عجل يلا بساع
طلعووو كلهم طلعنه وراهم
عمتي شكريه ونبراس يدعن
رحنه اني ورحيق وعبير نباوع
من الشباك …
عبير: مو اهواي 15 سيارة
رحيق : لا بالعكس اصلا فخامه واييي
ايه : الفخر طلع من خشمي
رحيق : اي عيني شنكول العزاز
رايحين يجيبون العزيزات
يتبععععع……….
الفصل التالي اضغط هنا
يتبع.. (رواية تجبر أبناء العم) اضغط على اسم الرواية لتجد الفهرس كاملاً بجميع الفصول.