رواية تجبر أبناء العم – الفصل الخامس والثلاثون والأخير
__________________________
-يلوموني احِسَك تِڪبَر بروحِي ويلوموني ،
– وأَنا بلا شوفِتَك شينفعَن عيونِي ؟
– يَشوڪي وفَرحِتي ودِنياتي ولوني ،
– وعَذابي ولوعتي وشَڪواي وظنوني ،
_____________________________
“” ساره””
فزيت من نومي دايخه راسي
يوجعني حيل باوعت لساعه
بل 2 كمت من فراشي وطلعت
بهدوء للحديقه
تمشت عليه الثيل بارد ابتسمت
لمن اجتني نسمه بروده كعدت عل
مرجوحه اتئمل السماء والنجوم
وافكر رب العالمين شكد عضييم
عله جمال النجوم والقمر والسماء
فززني صوت البنات ثلاثتهم ورايه
ضحكت ودنكت راسي
نور: عادي نكعد يمج
سارة: تعالو
هاله : اذا تردين تضلين وحدج
نرجع سارونه
سارة: لا داده تعالن
أجن گعدن يمي تسفطنه عل
مرجوحه خليت راسي عله جتف نور
ايلين : اليوم الجو يخبلل
هاله : اصلا اليوم كله حلو
هههههههه لان سارة زينت
راس نوريه
نور: هههههههه يابةةة متت ضحك
يمه شفتن شكلهاا
ايلين : هههههههههههههه
سارة: صارت جنهاا شرشبيل هههههه
نور: هههههههه بويه ههههههههههههه
ضحكنه كلنه بس سكنته بسرعه
صار الهدوء بل مكان كلها صفنت
هاله : شصار لو احنه من البدايه
ماتزوجنه احفاد هاشميه ؟
ايلين : شصار لو بقينه مثل قبل
لا زواج ولا هم يحزنون !
نور: شصار لو ما دخل حبهم كلوبنه ؟
سارة: شصار لو ما نسجنو ؟
نور: كومهه اسئله بس منو يجاوبنه عليها
هاله : محد الآن باختصار
محد عنده الجواب
ايلين : مرات اشتاق الايامنه قبل
جنه مانفكر بشي
سارة: بنات تتوقعن نهايتنه راح
تكون مئساويه لو سعيده
نور: اكو امل بكلبي احساسي يكلي
كلشي حيتصلح وحساسي
ماغشني بيوم ابد
قاطعنه صوت كافل ومسك جايين
يفركون بعيونهم
نور: يمه هلا والبيت والحوش
متله يمه هلا
هاله : شكعدكم مو جنتو نايمين
مسك : مامي ثنت نايمه بث تافل
كعتني وكال مامي نول ومش
نات بتالع
( ماما جنت نايمه بس كافل
كعدني وكال ماما نور
وامج والبنات بشارع )
سارة: والله كافل خوش يسوي
سيناريوهات
نور: هههههههه طيح الله حضج
هاله : ولك كافل ليش تجذب
كافل : مامثذب مو ثاله
( مامجذب مو سارة)
سارة: اي ياروحهاا السارة تعال
يمي
كافل اجه يمي
ايلين : سوسو تعالي
وراحت مسك يم ايلين
كاعدين ومانسمع بس اصوات
السلاح گبت بل منطقه صرخنه
كلنه بصوت عالي مانسمع بس
صوت الطلق طلع عمي باسم
يركض وبيبي وعمامي البقيه
بس فتح عمي باسم الباب ندفر
وكع بطرمه وصفنت كمت حته
مارمش من شفت قسور دخل
هوة وسلاحه وداس عله صدر
عمي باسم برجله وكال …
قسور: منووووو انتووووو وتاخذوننننن حريمنه
صفنت عليه يباوع العمي باسم
عيونه يجدحن نار دار وجهه عليه
فجئه ذبلت ملامحه صفن بوجهي
عضيت شفتي امنع شهكتي وهمست
سارة: قسوري
اجاني يركض ملهوف حضني
حيل بادلته الحضن احس ردت
روحي بشوفته اشم بريحته بعطرة
بشوغه حضنتهه حيل اريده ماريدة
يبتعد عني
وخر مني يسمح عله وجهي عيونه
تفتر عله كل وجهي خله يديه
منا ومنا واردف …
قسور: أنه بدونج اموت
شهكت رجعت حضنته ابوس
بركته وهوة حاضني مخلي رأسه
بركبتي همست بإذنه
سارة: قسور بعد لا تعوفني عليك
الله والله ماكدر بدونك والله كلهاا
اذتني من رحت
قسور: يا كلبو وعمرو القسور
ماعوفنج اني ماعوفنج يروحي
سارة: اني اهواي احبك والله اهوايي
هز رأسه وكال..
قسور: وأنه ميت بيج
عفته يباوعلي نضراته تشرح لهفته
عليه دورت عيوني عليهم حاتم
حاضن ايلين وهيه تبجي وتشهك
وتاشر بيدهاا ماسمعت شدكول
وقتام كاعد يبوس بنور من راسها
وكافل واكف عله صفحه يباوع
اتقرب من نور وكال
كافل : مامي
كلها التفتت اله حته قسور صفن
قتام عله كافل دور عيونه عله نور
نور: كافل حبيبي هاذة ابوك قتام
فتح عيونه كافل بفرح وقتام
يباوع مامصدك تقدم كافل عله قتام
كافل : نته بابي ؟
نور: هاذة ابنه كافل جبته وكبر
وصار عمرة اربع سنوات ونص
وهوة منتضر يشوفك
قتام : كافل ؟؟؟؟
نور: اي كافل
نزل قتام عله كافل وكال
قتام : انت اسمك كافل مو صح
كافل : ي تافل اثمي تافل
عتام معمد الي
قتام : ياعمري
حضنه حيل يبوس بيه شاله
وضحكت من شفت كافل اتفاعل
وياهه وهم بادله الحضن ويبوس بيه
ليث : احممم هاي بنيتي مسك
جابهه شايلهاا
راحلهاا قسور شالهاا يبوس بيهاا
ويشمرهااا بل هوة وحاتم راحلهم
وشويه وقتام راح باس مسك وقسور
وحاتم يبوسون بكافل هاذة كله
واحنه نباوع الهم مامصدكين
رجعتهم وعمامي وبيبي وعماتي
وامي واكفين عله صفحه محد بيهم
ادخل تقرب مني قسور وكال
قسور: يلا وينهه
سارة: منيه
قسور: بتنه ابنه نايمين موو
سارة: ابو شهاب شنو بسجن ضربوك
عله راسك منيلنه جهال
فتح عيونه وكال
قسور: شنهييييي عجلل مافرختييي
سارة: شنووو دجاجه
رفع رأسه للسمه يضحك من
كل كلبه باوعلي واختفت ضحكته
من شاف شعري
قسور: شبي شعرج سارة
سارة: مابي شي
قسور: سارةةةةةةة شعرجج
منوووو مسوييي بي هيجييي
كلها التفتت عله صوتنه
بلعت ريگي وگلت….
سارة: محد
قسور: سارةةةة احجييييي
درت عيوني عله ابوي عيونه
تشرح خوفه يباوعلي بخوف
ماكدر اكول ابوي لان بكل
بساطه يبقى هاذة ابوي
وكرامتي من كرامته
سارة: اني گصيته
قسور: هههههههه شايفتنييي
اثولللل كدامججج
سارة: هاي شبيك قابل داجذب
اني گصيته لان دايتعبني من
اغسله وامشطه ويزعجني بعدين
هوة بسرعه يطول
باوعلي مامصدك
قسور: احاول اصدگنج
دنگت راسي اتهرب من نظراته
عافني وراح وكف كبال بيبي واردف …
قسور: عش اخذتيهن من الانبار
ورديتيهن البغداد ؟
نوريه : حفيداتي واني حرة بل
تصرف بيهم
تقدم قتام وكال
قتام : ليش هنه فلوس وانت
حره بتصرف بيهن يا ست نوريه
حاتم : مايحقلج ابد تاخذيهن
وتصرفين بكيفج فهمتي لان احنه
بس الي يحقلنه نقررر
قسور: واحنه ماقررنه ولا گلنه يطلعن
من البيت ويردن البغداد واضح
ليث : لو لان شفتينه ماكو كمتي
تخيطين وتخربطين بكيفج
قسور: هلمرة ماراح نسوي شي
وراح نعديهاا عله خير بس الخاطر
البنات وكرامتن الهن بس
قتام: بس مرة ثانيه ماراح
يحصل خير ابد
حاتم : تاانحجي وياكم بسياسه
بس مرة ثانيه
رفع سلاحه ليث وكال
ليث : هذن اليحجن
كامل : يلا يولد عله ماضن وصلت
الرساله خل نرد ورانه طريج طويل
هزو روسهم وباوعلي قسور وكال
قسور: يلا نعناعه
سارة: مانرجع وياكم احنه
باوعلي عاكد حواجبه وگال
قسور: شنهيي
سارة: اي احنه اذا نريد ندخل لانبار
فندخل الهه بدلات بيض وبس
نور: وهااا مانقبل اذا مترجعون
تخطبونه من جديد وتجيبون مشيه
هاله : هاي المشيه نريدهاا الانبار
كلها تحضر بيهاا
ايلين : اي ونريد ذهب ونيشان
وعقد جديد وخطوبه وحنه
وعرس هم
حاتم : حلووو متفقات لازم
ايلين : اي ومنرجع اذا متنفذون
الشروط
سارة : اي ومن تتقدمون النه احنه
ناخذلنه شهر نفكر لو نوافق لو لا
نور: اكيد لعد احنه شنو لاگين
رواحتنه بشارع
هاله : أندري
قسور: اهااااا وهسه هيجي
تردن علمود تردن مو
سارة: بضبط
قتام : حلو والله
نور: احنه مدانطلب غير حقوقنه
هاله : اي اكيد لعد شطالبين
اكيد حقوقنه
نوريه : خوش لعد البنات ميرجعن
سارة: هاذا الشي راجع النه بيبي
حبيبتي احنه نقررر نرجع لو لا
كامل : عجل شنو هسه
تردن لا
نور: لا ابو سيف منرجع اذا
متنفذون الشروط
قسور: حقكم يابةة حقكم
عجل تحضرو عگب باجر
جايبين الانبار كلها علمود
نخطبجن ووراه بيوم الحنه
مالتجن وثاني يوم العرس
وبنسبه للنيشان احنه راح نتكفل
بي بس راح نوديلكم فلوس
تشترون كم شغله منا بس
عندكم يوم واحد
قتام : والبدلات والحفافه مدري
شسمها توصلجن للبيت ممنوع
وحده تطلع
ليث : هيه هم عوزهاا علمود نشد كرون
كامل : ههههههههههههههه شنو نوعهن
قسور: دنماركي
كامل : هههههههههههه
لتفتلي قسور وكال بصوت ناصي
قسور: حليانه
ابتسمت ودنكت راسي
قسور: جان بودي اخذنج وارجع
بيج البيتج والغرفتج بس انت جان
الج رئي اخر وحقج مامنعج اصلا
هاذة ابسط شي تطلبي
سارة: قسور
قسور: ها ياضيم گلبه
سارة: لا تعوفني يعد ابد لو شمهما صار
قسور: عش مخبل واعوفج مخبل
واعوف عيونج السحلني
سارة: حترجع
قسور: اي علمود احضر العگب باجر
سارة : تمام
قسور: اريد ابوس
فتحت عيوني
سارة: شنوووو
قسور: اريد ابوس بس وين عمي
عباد الله كلهاا أهنأ
سارة : اسكت لا يسمعون عيب والعباس
قسور: اني طالب حقي بس يلا
نعوضها بعدين اشبعج بوس
سارة: عزاااا شكد صاير فاسق
قسور: هههههههه بس سالفه شعرج
ماراح تعدي سارتي
سارة: شلون يعني
قسور: تابعي وشوفي مرات
العيون تفضحنه سارة
كال هيج وبتسم تقرب كرص
خدي بيده وباس ايده ودار وجهه
عله الولد وكال
قسور: يلا شباب ورانه طريج
حاتم : صعدو بسيارة هسه اجي
قتام : كافل بابا صير سبع ودير
بالك عله امك
تافل : حادل بابي
( حاضر بابا )
قتام : يا بعد عمري
رجع عليه وشاله وباسه حيلل
وباس راس نور وطلع
وليث هم نزل مسك وباسههه
وباس هاله من راسها هم
وسوالهم بيدة باي
طلعو ودخل حاتم وراهم بيده
كراتين اندومي وكندر وحليب
فتحت عيوني اباوعله
حاتم : ليلي هذولي الج
ايلين : حتومه شكرا اهواي احبك كومه
حاتم : هههههههه واني هم احبج
ودالهه بوسه بل هوة وراح
اباوعلهااا مكيفه تتمضحك
سمعت صوتهم لمن شغلو سياراتهم وشخطوهن وطلعووو فززني
صوت عكازة بيبي الي طگتهاا
بل كاع حيل درت وجهي اباوعلهااا
باوعتلي عيونهه ينفضن شرار
رفعتلهاا حاجبي وبتسمت وكلت
سارة: عله كيفج بيبي ليروح
يصعد الضغط
نوريه : رجع الي كبر راسج افرحي
سارة: اكيد افرح وكل شخص
آذاني وقهرني قسور راح
ياخذلي حقي منه
نوريه : رحمتي بحالج مساعه
لمن ماذكرتي اسمائنا
سارة: هى المايحجي لسان تحجي
لعين بيبي حبيبتي
ضربت عكازتهاا حيل ودخلت للبيت
دخلوو وراههه ولدهااا
تقدمت امي وكالت
زهرة: مبروك يروح امج مبروك
حبيباتييي
دموع : كلش زين خليتوهم يسوون
عرس وخطوبه وحنه عله
الأقل نفرح بيجن
نور: يا كلبي
ايلين: وايييي فرحانه
ام هاله: أن شاء الله دوم حبيبتي
هاله : جنه مفتقدين هل فرح
ام ايلين : الحمد لله رجعو وراح
يخلصوجن من الضلم الي عشتنه
/////////////////////////////////////////
“” نور””
دخلنه جوه تجمعنه بل غرفه مكيفين
صعدت ايلين فوك الجربايه تكمززز
وراحت وراهاا هاله باوعتلي سارة
وهم راحت تكمز وكافل ومسك هم
نور: مخابيلللل
سارة: لج تعالي والله ونسه ياااييي
نور: والله مو صاحيااتتت
ايلين : الله حتوممم جابلي كندر
وحليب واندومي
وكفت سارة وخلت ايدهاا عله
خصرهاا وكالت
سارة: انت مخبله والله مخبله فرحانه
لان جابلج حليبات وككوات وسلابيح
ايلين : ايييي لان مانسه اني
احبهمممم فدوةةة اروحلهههه
الحبيبي الحلوووو صايررر بيجننننن
سارة: ايي حبيبهااا الحلوووو
شلونه هوة عساس وجهه
يخلس الميت
ايلين : ديلااا عساس قسور حلوو
حاتم احلاهم كلهممم
هاله : لااا حبيبتي ستوب ليوثي
احلا واحد وخلص
نور: لا والله ليش هوة اكو بجمال قتام
سارة: لا عليجن الله ترة يخزونن
ماعدا ابو شهاب طبعاً
هاله : لااا ليث احلا واحد متشوفين
مسك تجنن طالعه عله ابوها
وعيونه الخضر
ايلين : بس عيون حاتم لحيته
وشواربه تجنن
سارة: اي يخضن بل لبن
ايلين : بس بي ميزة محلوة من
يبوسني يجكجكني
سارة: كوليله خل يزينهم
ايلين : اي بس اشوفه اخلي يزينهم
سارة: اي وشدكليله
ايلين : اكوله الشوارب للزلم انت
سكتت تستوعب صدمتها
باوعت للبنات وطكيناهه بضحكه
وهيه ساكته بس تباوع
البنات : ههههههههههههههههههههه
///////////////////////////////////
“” رحيق””
كاعده عله الجربايه وانوم بفضه
اباوعلهاا وابتسم حضنتهاا
حيل اشم بيهااا
رحيق : يابةة من اخذوج احس
اخذو روحي وراج شسصار بيه
من رحتي اخخ يا ماما اخ
يا بنت بطني
طلع سجاد من الحمام المنشفه
عله ركبتهه باوعلي وكال
سجاد : عله كيفج وياهه جعصتيهاا
جعص
رحيق : هههههههه فضه هاي سجاد
فضه روح امها
سجاد : وكلب ابوهاا
رحيق : هل ليلتين الي مرن نهبطت
بيهم حيل وحيل تعبت بيهم
سجاد : كلنه بس يلا كلشي مرر
مابقه شي عله حاله هاي فضه
وصارت بحضنج
رحيق : احمد الله واشكرة الحمدلله
عله نعمه
سجاد : الحمدلله
رحيق : باجر عندي كومه شغل
الولد وازونه اهواي
سجاد: هم حقهم صارلهم اربع
سنوات ينتضرون وبتالي البنات
يردون عرس
رحيق : هم حقهن بعدين اني
وعبير اتفقنه نلبس فساتين بيض
سجاد : حلووو هاي شلجن بيهاا
رحيق : اي عجل عش احنه وحد
واصلا انتم مسويتولنه عرس
سجاد : امممم
رحيق : اي احمد ربك ماطلبت
عرس والله هوة شوف اني لو
مو تعبانه وهستوني جايبه جان
طلبت تسويلي عرس بس احمد
الله بعدني نفاس
سجاد : هههههههه هاذة تهديد علن
رحيق : ينعم
كلت هيج ورفعت راسي
سجاد : هههههههههههه هاي
عود شسويتي
رحيق : هاي شبيك عود رفعت
خشمي وتااتكبر
سجاد : يااا خوش والله بلا
عيديهاا
رجعت رفعت راسي
سجاد : خوش حركه باجر
اسويهاا القسور علمود يفرغ
المخزن براسي
رحيق : هههههههه
نمطل سجاد عله الجربايه واني
كمت وديت فضه الكاروكهاا
ورجعت نمت بحضن سجاد
طبعا حاليا احنه بيت اهلي
لان ماكدر ابقه اهناك وحدي
جعفر يرادله اهتمام وعمتي ام
سجاد ماتكدر وحدهاا ولا اكدر
اعتمد عله العامله فء اجيت أهنأ
عله ما اطلع الاربعين وامي رفضت
يبقون عمتي ام سجاد وسجاد بل
بيت وحدهم فء أصرت عليهم
يبقون يمنه وبقوو بعد إصرار كلش
جبير على ماطلع الاربعين وشويه
ارتاح وبعدها اكدر ارجع البيتنه
كعدت عله صوت فضه تبجي كمت
لميت شعري وباوعت لساعه بل 7
الصبح رحت سويتلهاا مميه
المميه اني اغسلهاا واحضرها
من اليل من نولد جعفر لحد فضه
اني معتمده هل طريقه حضرت
الهه المميه وشربتهه لحد ماغفت
غسلت وجهي وطلعت لگيته العاملات
جاي يغسلن بل بيت وامي وعمتي نبراس مخبوصات بل مطبخ
رحت صبحت عليهم وو….
رحيق : صباحووو يا حلوات
نبراس : هلا يما صباح العافيه
شكريه : صباح الخير حبييه
يلا يدج ويانه
رحيق : هاي شبيكم اني مرة
بعدني نفاس عله الأقل عاملوني زين
عبير: اوي عيني هوة انت وجهج
مال وحده توهه جايبه
رحيق : عش شمبين
ايه : مبين مال وحده طالعه
الاربعين ورايحه
شكريه: هسه كافي كلام يلا كل
وحده تشوف شغلهاا شنلحگ
باجر نروح البغداد يلااا
وفعلاً بدينه نشتغل غسلنه البيت
وامي وعمتي نبراس وعبير يقطعون
بل الحم والدجاج علمود العزيمه
والولد كاعدين من الصبح جابو
غرف نوم جديده وطلبوا نيشان
مال عرايس كامل وصعدنه اني
وعبير وايه ونضفنه الغرف ورتبنه
الملابس والمكياج والعطور وبخرنه
وعطرنه الغرف وصارن يخبلن
بحيث بل 3 واحنه بعدنه كاعدين
نختار ملابس ….
رحيق : اكلجن هاذة الفستان يرهم
ايه : لا والله مفتوح عوفي للحنه
شوفي الماروني يخبل ترة
عبير: اي رحيق أخذي البسي
الماروني باجر وهاذة المفتوح
لبسي بل حنه و بل عرس هاذة
الاخضر يجنن عليج
رحيق : هيج دكولين يعني
ايه : اي والله رحيق ترة عبير ذوقها يجنن
عبير: اووييي اخجل
رحيق : وين سارة عنج
تلطخج عله حلكج
عبير: هههههههه هسه يلا اخذيهن
ونگلعي الغرفتج واختاري وياهن
شي تلبسي برجلج وشال لو تحبين
ارتبلج ياهم اني
رحيق : لا خلص اني ارتبهم
عبير: احمم اني رايحه الهاشوم هوة
ينسقلي فوديته
ايه : هههههههه كون يسمعج كامل يبووو
رحيق : ترة كامل اخوي أكثر شي
يكرهاا بحياته لمن مرة تدلع كدامه
لو رجال يتلوگ للمرة يماااااا
يموتتت والله
ايه : اي والله سوجي ميحب
رحيق : امممم سوجهه عمه
بعينج اي والله نعدت
عبير: يكلج من عاشر القوم أربعين
يوماً أصبح مثلهم
ايه : اي واني معاشرتج خمس
سنوات تقريبا مو
رحيق : همداجن اني اروح
السوجي احسن
عبير + ايه + رحيق : هههههههههههههههههه
طلعت منهن ورحت الغرفتي
بيدي الفساتين دخلت الكيت
فضه نايمه بحضن سجاد
ابتسمت ورحت يمهم وجعفر
يلعب بتليفون
رحيق : يمااا اروح فدوة العائلتي
الحلوة التخبلل
سجاد : جيتي يروحي
رحيق : اي حبيبي جنت اختار
ملابس ويه البنات
سجاد : اي وشختاريتي
طلعت الملابس بيدي اشوفه
رحيق : دحگ حلوات
سجاد : اي بس تلبسين فوگاهن
عبايه خوما تطلعين هيجي
رحيق : اكيد حبيبي
سجاد : وهسه تعالي نامي يلا
باجر اخوانج گالبينهاا گلب
رحيق : اي والله باجر يوم متعب
سجاد : مو عساس تلبسين ابيض
رحيق : ماريد غيرت رئي
سجاد : امممم تعالي
خليت ملابسي ورحت يمه….
//////////////////////////////////////
“” إيلين “”
نايمه وفزيت عله دفرات كمت
مفزوعه اباوع ولگيت الامه مگلوبه
بل غرفه رفعت راسي وشفت سارة
متخوصرة وتباوعلي مزغرة عيونهااا
ايلين: شكوو
سارة: وحمس مدكومين طاح الساني
واني اعيط امشي كوميي يلاااا راح
تجي الماكيرةةة
شنلحگ احنهههه يلاااااا وانتتت
مخمودههه
ايلين : يعني هسه انت ليش
داتعيطين عليه
سارة: يمه يمه كلبيييي ولجججج
كوميييي اسبحييييي شنلحگ
طفرت من مكاني بسرعه ورگضت
اخذت البرنص ودخلتت اللحمام
سبحت واحنه البارحه بل ليل
صادفه نسوي حلاوه خليت ايدي
عله حلگي امنع ضحكتي واني
اتذكر البارحه لمن سوينه حلاوه………..
((البارحه ))
سارة: اخخخخ ييبووووو ولجج
يمههه توجعععع توجعععع
زهرة: يمههه دعدلي رجلج
ايلين : ماما اخاف ماسوي
سارة: هيه عوزهااا ترحين للرجال
كلج شعرر عيعع
هاله : ههههههههههههههههه
ايلين : نورررر صيحي بيهم
نور: ولجج دسكتيي اني حايرة
بضيميي يمه ايديي عله كيفجج
سارة: ولكك كافللل لا تاكل هاي حلاوه
يل اثولللل يمههه رجلييي
ايلين : عزاااا ماما خنسوي بشفره
مو احسن
ام ايلين: شلون يصير تعالي كعدي
يلاا خنسويلجج يلا مابقه وقت
ايلين : مووو اخااففف والله
سارة: نعالللل عله راسهه الي
اخترع الحلاوه انييي شورطنييي
دهر دهرك يا ابو شهاب يمههههه
نور : خايباتتتت ايديييي
دموع : يمه منا دوري
زهرة : ولجج يمهه تعبتيني عدلي ايدج
سارة: يبووووو الله ياخذج نوريه
زهرة: ولججج اسكتييي اسكتييي لا
تسمعججج
هاله : والله لو مسوين بشفرة مو احسن اخخخخ
دموع : الشيرة تشيل حته الجلد
الميت يا عيني لعد شلون
……………..
فزيت عله تفليش الباب
نور: ايلين اجت الماكيرةةة يلااا
ايلين : يلااا طالعه
لبست البرنص وطلعت ولگيت
الماكيرة وياها المساعدات مالاتهاا
المساعده : تعالي ابدي بشعرج
رحت يمهاا ونور تسوي مكياج سارة
اضافرهاا واني شعري وهاله كذالك
تسريحه جففتت شعري وكوته
وسوتلي تسريحه وبعدها بديت
بل ميكب وجان مكياج كله
فخم ولا وحده بينه سوت
ميكب خفيف
بس سارة لان هيه ملامحه حلوة
فء اقترحت عليها الماكيرةةة
انو تسوي خفيف فقط تبرز العيون
وتبرز الملامح وافقت سارة وبلشت
بيهااا
خلصت اني بعد عناء طويللل رحت
بل حمام اني وامي وساعدتني
البس الفستان الوردي منفوش من جوة
ام ايلين: الهم صل على محمد وال محمد شطلعتي يروح امج كيكه
سندريلااا والله سندريلا
ايلين : ماماتي حبيبتي احبج كومههه
طلعت والبنات كلهم نصدمو من
شافوني وتقربو حضنوني جان
يوم حرفياً يجننن جنت بي كلش
كلش فرحانه
خلصت نور ولبست كذالك قفطان
مغربي بلون اللابيض وطلعت تجننن
كل لايگ عليهااا لو شما احجي مستحيل
تكدر اوصف شعورنه بهذاك اليوم شعور مختلط فرح عله سعاده عله ضحك
وسوالف جان احلا يوم بحياتي كلهااا
وكملت هاله والبست فستان بل لون
البنفسجي يجي من فوگ حصر وجوة
منفوش عكس سارة الي جان فستانها
بل لون الاسود
كلها رفضت تلبس هل لون بس
محد يكدر يوكف بوجهه سارة
البست الفستان الاسود طويل
مخصر عدل عل جسم وبس لمعه
ونازل من الضهر تول اسود خفيف
تسريحه بسيطه وتاج مزين شعرهااا
ملكه طلعت ملكه …..
//////////////////////////////////////
“” ساره “”
واكفه مقابيل المرايه اباوع عله
نفسي واكول هل الايام السودة
خلصت ماراح اشوف بعد حزن
ماراح ابجي ماراح أفارق أحد
عزيز وغالي عله كلبي ماراح اشوف
يوم حزين ومحلو بحياتي بعد أيام
الشؤم خلصت راح انزع ايامي
السودة مثل ماراح انزع هل
فستان
رجت هلهوله بأذني وشويه
ونفتح الباب ودخلت رحيق
لمعت عيونها بفرح من شافتني وگالت..
رحيق : سارة
ماتحملت ورحت الههه اركض
حضنتهه حيللل عله كلبي رحيق
مو شخص عادي بحياتي ولا
شخص عابر رحيق اخت وصديقه
وخرت منهااا عيونة ثنينه تذرف
دموع مسحت دموعي عله كيف واردفت ..
رحيق : يا روحي لا تبجين ياكلبي
اشتاقيتلج كلش أهوايه
سارة: واني همم كلش اشتاقيتلج
رحيق : البيت بدونكم مايراد ولا ينطب
دنكت راسههه وكالت…
رحيق : سارة لو تدرين اني بيش
مريت وشنو عشت سارة احتاجيتج
كلش كلش اهوايي احتاجيتج تهديني
توكفين وياي
سارة: كلنه تعذبنه كلنه عشنه ايام
مو سهله بس خلص أن شاء الله م
اراح نعيش شي محلووو بعد خلصت
الايام المحلوة راحت
رحيق : أن شاء الله يلا خل نطلع
طلعت عيوني دارت عله البنات الي
كل وحده كاعده عله كوشتهاا
رحت سلمت عله عمتي شكريه
ونبراس وعبير وايه سلام كلش
كلش حاررر واكيد البجي جان
سيد الموقف توجهت الكوشتي
وكعدت تقربت مني هاله وكالت …
هاله : يگلج الولد كالبينهه كلاب
نصهم كاعدين بشارع
سارة: شنوووو
هاله : راحو يجيبون كراسي
سكتت ماكدرت اخفي ضحكتي
وفرحي حسيت احنه شكد عزيزات
عليهم
شويه وبدلت الملايه تقرة هوسات
من دخلو الولد كل وحده لبست
البرنص مالتهاا بس غطينه شعرنه
دخل قسور لابس قاط اسود بلا رباط
وفاتح اول دكمتين عيونه عليه دخل
وكف كبالي واول كلمه كالهاا الي …
قسور: عيونج لو ترهم عگال
جا تشيخت بيهن
سارة: قسوري
قسور: يا روحوو
//////////////////////////////////////////
“” إيلين “”
دخل حاتم لابس قاط لون نيلي
تقرب مني وكال
حاتم : ايليني طالعه تخبلين
ايلين : وانت هم
حاتم : اروح فدوة أنه الحلگج الفاهي
ايلين : ههههههههههه
//////////////////////////////////
“” نور “”
وكف قتام گبالي واردف …
قتام : ام كافل الحلوة
نور: ابو كافل
قتام : طالعه حلوة
نور: شكرا
قتام : حياتي جانت ضلمه وانت
دخلتي ونورتيهه أنه ميت بيج
ياكلبه وكل عمرة القتام
//////////////////////////////////
“” هاله””
صفن ليث بوجهي وكال …
ليث : تدرين أنه شلون حبيتج
هاله : شلون
ليث : لمن بجيتي كبالي
هاله : شنووو يمته
ليث : لمن سويت حادث وانت
اجيتي تهدين بيه لمن بجيتي
دك كلبي الج
هاله : صدك عود
ليث : اقسم بالله العظيم
دنك رأسه واردف …
ليث : اني اول بنادم يعشگ البچيه
////////////////////////////////////////////
“” نور””
تقرب مني قتام ولبسني ذهب وباسني
براسي كعد يمي عيونه عليه يباوعلي
نضراته اكلتني اكل صرت ادور وجهي
عنه ماتحملت اخير شي وكلتله …
نور: قتام لا تباوع هيج داتوتر
قتام : لا بس جاي افكر شيجيب
عگب باجر علمود اكلهن الخدودج
وشفايفج
احس وجهي ولع الحرارة كامت
تطلع من اذني درت وجهي
عنه ماتحملت….
كعدوو الولد شويه ويرحون وحته
عمتي نبراس وشكريه كلهاا طلعت
وراهم بحكم همه بل انبار ميكدرون
يبقون اهوايي
معنو همه كالو تجون تكعدون بيت
من بيوت الي عدهم بل انبار كومه
بيوت عدهم بس احنا رفضنه هل
شي وطلبنه نطلع من بيت اهلنه
معززين مكرميين سلمو البنات
وطلعووو يرجعون
بقينه بس احنا طبعاً جان بودنه
نسوي يوم حنه ويجوون يحنونه
بس الظروف تحكم لهيج سوينه
حفله بسيطه بل ليل بس ركص
واغاني وفساتين بسيطه وطلبنه
اكل من برة وكيك وحلويات ورتبنه
الغرفه ودك ردح لصبح جان يوم
حلو ومميز ضحك وسوالف وركص
لحد الصبح محد بينه غمضت عيونها
/////////////////////////////////////////
“” ساره “”
واكفه گبال المرايه عيوني تدمع
كلساع امسحهم لابسه البدله البيضه
اجت نور تسحل بدلتهه وهاله شافتنه
واجت وايلين التمينه مقابل المرايه
مشاعرنه متخربطه ساعه نبجي ساعه
نضحك ولمن نبجي مانبجي عله اهلنه
لا نبجي عله الضلم الي عشنا بهل بيت
عله كميه الالم الي تعرضنالهه
مسحت دموعها سارة واردفت ….
سارة: كافي مو وقت البجي والحزن
خلص الولد طلعوو راح نرجع نعيش
حياه حلوة احلا من قبل
نور: الله يسمع منج
سكتنه بس عيونه جانت تحجي
اجت امي وعماتي
زهرة: يماا شلون بيه لبيت راح
يفرغ عليه
سارة: ماراح اگطع منج حبيبتي راح
اجي اشوفج كل فترة اني والبنات
دموع : يماا البيت الي بدون بنات ماينحمل
ام ايلين: ونستنه انتن يماما ونستنه
دموع : شلون بيه بيت مابي كافل
ومسك شلون بيه
دنكت راسههه تبجي
رحنه كل وحده حضنت امهاا ضلينه
تقريبا ربع ساعة وشويه ودخلت
شاه زنان دكول
شاه زنان: وصلتتتت الزفههه
ركض لبسنه الكبوسات وكفنه بصاله
صارت هوسه لزمت بدلتي من
حسيت اكو شخص گبالي رفعت
راسي لگيته قسور
جان لابس دشداشه وشماغ وعگال
وبشت نزع البشت ولبسني يااه فوگ
ملابس انتبهت انوو كلهم سووو
نفس الحركه
لزم يدي ولبدله وطلعنه من البيت
صعدنه بسيارات متوجهين للانبار
قسور صعد يسوق واني كعدت بصدر
قسور: نزعي هاذة الفوك راسج
نعناعه السيارة مضلله
نزعته اتنفس احس شي كابس عله
صدري خليت ايدي عله صدري
اهدي بروحي واستمرت السيارة
دگ بينه تقريباً 6 ساعات
ساعه انام ساعه اكل بس الحمدلله
قسور مشغل التبريد وبين سوالفنه
وعرايكنه وصلنه بعد ماروحي طلعتتتت
وصلنه وگبل صعدونه عله الغرف بحكم
انو الطريق طويل وتعبانين نزعت كبوسي والبشت مال قسور وفتحت البرگع وعدلت شعري ورتبت مكياجي
كلبي أحسه وكع بطني من فتح
الباب ودخل قسور
دنكت راسي اعضعض بشفايفي
قسور: نعناعه بيج شي
تقرب عليه رفع راسي
سارة: مادري بس كلبي يوجعني
احس ماكدر اتنفس
قسور: اسم الله شبيج يعمري
سارة: احضني واصير زينه
قسور: الف طلب مثل هل طلب
تقرب حضني خليت راسي بصدرة
حاضني نتمايل اني وياه ….
سارة: قسور اوعدني حباب
قسور: بشنو
سارة: اذا صارت عدنه بنيه ماراح
تجبرهاا عله شي ولا تضربها ولا
تاذيهاا خليهاا تعيش حياتها
براحتها خليها تكمل دراستها
واهم شي تتزوج الي تحبه
وتريده توعدني حبيبي ؟
قسور: اوعدج وعد الحردين ماراح
اجبرهاا عله شي ولا ائذيهاا راح
اكون الهاا سند مثل ماراح
اصيرلج سند
رفعت راسي اباوعله عيونه تفتر
عله شفايفي ورگبتي تقرب مني
وأخذ شفايفي بين سنونه
///////////////////////////////////
“” رحيق””
ملتمين بصاله اني والبنات بعد
ماتريگنه كالت ايلين ..
ايلين : بنات شنو رئيكم نكتب قصتنه ؟
سارة: شنسوي ؟
ايلين : شبيجن نكتب قصتنه اكو
كاتبه جديده اسمها ضحى اليوسف
نكتب قصتنه يمهاا
هاله : ضحى اليوسف منو؟
ايلين : كاتبه الجديده بس حبابه
اني راسلتهاا
سارة: لا لو كاتبه القصه ليش
كايلتنه بعد مرتبه الوضع انت
ايلين : هايي شبيجن خل نكتبهاا
رحيق : اني موافقه اكتب قصتي
بس علمود البنات مايغلطن غلطتي
لا اكثر ولا اقل
نور: تمام اكتبيهااا
هاله : أتفق ويه البنات
سارة: اكتبوهاا بس اني كلشي مااحجي
رحيق : ليش يماا
سارة: مابيه حيل
نور: مو عله كيفج تكتبين ويانه
سارة: اذا بستو ايدي اوافق
رحيق : هههههههه زين برئيكم
روايتنه راح تعجب البعض
سارة: لا اصلا محد يشوفهاا
نور: أن شاء الله
عبير: بنات روايتكم راح تعجب بس
أصحاب الاذواق الرفيعه
سارة: غير تستقر ام هاشوم
ايه : زين شراح ياخذون منها عبرة ؟؟
رحيق : بصراحه رسالتي للبنات انو
ميثقون باي شخص الان الدنيه مو
امان ثقي بامج وابوج واخوج وبس
ولا تثقين بعد بشخص واتاكدي
البدايات الي ماترضي الله
نهايتها ماترضيج
نور: والصبر اهم شي الصبر مفتاح
الفرج اصبروا لان نهايه الفرج راح
تعجبكم ورب العالمين ماياخذ شي
اذا مينطي شي(( سيأتي العوض ))
هاله : والتسامح شي كلش حلو
سامحي مرة ومرتين وثلاثه لان
المسامح كريم لان يجوز سامحتي
مرة ورجع سامحي مرة ثانيه لان
يجوز حيتعدل الدنيه حلوة لا
تخربوها بل حقد
ايلين : وعيشي شلون مجنتي لا
تتبدلين ولا تخلين الدنيه تغيرج
عيشي مثل ماانتي لا تحاولين
تغيرين نفسج لو اسلوبج وكلامج
علمود شخص عيشي كما انت
لان ماكو احلا من الطبيعه
سارة: ورسالتي الأخيرة الكم فكري
بعقلج ولا تمشين ورة كلبج وردي اللي
يحاول ياذيج الصاع الصاعين عيشي
بقوتج ولا تخلين أحد يكسرج أو يتجاوز حدوده وياج واهم شي كرامتج فوق الكل عيشي بكرامه وثقتج بنفسج لا تقل بل
عكس كوني مثال للقوة والثقه وحبي
نفسج لان اذا حبيتي نفسج
كلهاا راح تحبج ..
قاطع كلامنه دخول الولد
ويه دخلتهم دك فون نور راحت
للغرفه ترد دخلو كعدو بهدوء محد
بيهم حجه بس يباوعون بل وجوه
ويتبسمون
طلعت نور وجهاا اصفر كالت …
نور: بنات امي اتصلت دكول بيوتنه
الي بغداد والمحلات الي باسم عمامي
وأبوي وبيبي كلهاا محروگه
سارة: شنووو شحركهنن
نور: مادري
سجاد : شباب برئيكم منو حرگهن
قتام : ماعرف بلا قسور تعرف منو
حرگهن
قسور: ماعندي فكرة حاتم ليث
تعرفون شي
ليث : جؤ
حاتم : لا
قسور: خوش عجل امشو للمضيف
شيخ ازهر جايينه اليوم
طلعوو واحد ورة الثاني واحد
يغمز الثاني
ومرت الايام الحلوة ورة سبوعين
من عرسنه حملت سارة وراهاا
بيومين ايلين والفرحه غمرتنه
عبد الإله تصالح ويه اهلهه
وعاشوا عيشه كريمه هوة وبنته
ومرته وفاز حبهم عله الاشرار ومثل
ميكولون بل قصص الاميرات توته توته خلصت الحتوته واخير شي أكوله الكم
تعلموا الصبر مثل نور
تعلموا التسامح مثل هاله
تعلموا القوة والتضحيه مثل سارة
تعلموا تعيشون كما انتم مثل ايلين
وعملوا مني انو ماتثقون باي شخص
/////////////////////النهايه ////////////////
*مراح ننسه حب أبو شهاب لنعناعته*
*ولا راح ننسه عوض ليث بهيلايته*
*ولا راح ننسه حب نور لبنات عمها*
*ولا ننسه حب سجاد لحمامته*
*ولا ننسه حب عبد الإله لمنار وحبهم*
*ولا ننسه عوض إيلين بحاتم*
*وما ننسه تضحيات ساره وقوتها*
*وما ننسه مسك وكافل *
*ولا ننسه حب نور لقتام*
*وأخيرا مننسه طبعا حب عبير لعمو هاشوم*
**********
القصه كلش اتعلقت بيها وبابطالها
ماعرف شون راح انفارقهم بس
وصل حد النهايه
**أتمنى هواي تتعلمون من القصه
مو كلشي انريده يصير مرات أكو
اشياء انريده بس تنكلب علينه
ودخلنه بعالم ماكو مهرب منه **
**مرات الانسان يغلط مثل
غلط رحيق بس مرات الاشياء
توصل لشي محد رايده مانروح
نغلط ونعيد الغلط اتمنى تتعلمون
من غلط رحيق ومحد يغلط غلطها **
**ساره ياساره ماعرف شنو احجي
بس ساره وقوتها ووتضحياتها كلش
بلقصه كلش كافي ميحتاج احجي
شي عليها**
يتبع.. (رواية تجبر أبناء العم) اضغط على اسم الرواية لتجد الفهرس كاملاً بجميع الفصول.