رواية تجبر أبناء العم – الفصل الواحد والعشرون
////////////////////////////////////////////////
“” هاله””
گمنه كلنه عله صرخه ايه
ايه : يمههههه ابنييييي !!!
اباوعلهه راحت تركض عليه تريد تشيله
ماتكدر رجليهه بادت راحت سارة تركض
خلت شال عله راسهه وشالت سيف
وطلعت تركض بي شافتههه ايه
وراحت وراههه
بلكوة تمشي رحت وراهن
شفت سارة …
سارة: وينننن مفتاح السيارة ؟؟؟
الحارس : ماكدر انطيج ياهه يمكن
انت متعرفين سوقين عذريني
سارة: لا والله دجيبه الكك
اخذت المفتاح وخلت سيف اليورة
ركضت صعدت ايه وره باوعت عليهن
ايه وسارة وحته اني لابسين نفانيف
بس مو مال طلعه ماهتميت ركضت
صعدت بصدر شغلت السيارة سارةة
ودگت هورن للحرس يفتحون الباب
محد فتححح طلعت راسههه من
الجامه وعاطت
سارة : وحگ داحي باب خيبر اجي
اكسرررر الباب عله رؤسكمممم ولكمممم
افتحووو لولد حيموتتت وحق الزهراء
كامل يكتلكم كلكم.
فتحوو الباب داست بكل سرعتهه سارة
هيه حته مامتعلمه سياقه بس منين تعرف
تسوق درت وجهي لكيت ايه حاضنه ابنهه
وتبجي بسكوت وتبوس بي
هاله : سارةةة فدوة اسرعي الولد
حيموتتت لج يمه لحگيلي
صارت طيارة شفت من الجامه اليسرى اكو سيارتين ورانه هم
” دفع رباعي”
عرفت حمايه وصلنا للمستشفى وطبعا
عله الموقع لان احنه مانندل كلش هوة
الي دلانه نزلنههه نركض
اخذت سارة الطفل من يد ايه ودخلت
بي تركض لزمت ايه وهيه منتهيه من
البجي اخذوة السيف من يد سارة
وفوتو للغرفه
ايه : اوفف ربي لا تحرمني منهم ربي
همه ذوله طلعت بيهم من الدنيه ولك
يمه سيوفي حبيبي يمه كلبي يمه نضرب
وبعده جوعان مامتريگ كالي ماما العب
انوب اتريگ حبيبي يروحي فدوة ارجع
الحضني ولجج يمه تعالي ليه راح اموت
والله ماتهنيت بحياتي والله ماشفت
يوم ابيض كضيت عمري افتر بيك
بل مستشفيات سيوفي حبيبي ارجعلي
كوملي يمه اوففف
هاله : حبيبتي عله كيفج مابي شي
أن شاء الله
ايه : ولج هاله ربيتهم برموش عيوني
كبرتهم كل شبر بنذر ولججج اباوعلهم
مثل الهلال
سارة: مابي شي والله لا تخافين يروحي
دورت عيوني عله صوت عمتي شكريه ونبراس
شكريه : هااا بشرن وين حفيدي شصارررر
هاله : بعدهم مطالعين
شكريه: ياعلي دخيلك طلبت كرار وسيوفي
منك شافيهم وعافيهم
سارة: امين دخيلك يا داحي باب خيبر
انتضرنه تقريبا نص ساعه وماكو وراهه
بربع ساعة طلع الدكتور
شكريه: بشر يما
الدكتور: الحمدلله عدت عله خير خيطنه
رأسه 6 اخياطات وكدرنه نوقف النزيف
وانطيناه منوم ومهدء تكدرون طلعوو
نبراس : بعد كلبي يماا ماتقصر
طلعنه سيوفي ورحنه متجهين للبيت
وهاذه الكلام كله ولا واحد من الولد
يدرون محد گايل الهم وصلنه اخذت
ابنهه
ايه وراحت الغرفتهه انقهرت عليهااا
اهواي بجت بل مستشفى
نور + ايلين + رحيق : هاااا بشروو
هاله : لا الحمدلله 6 اخياطات بهاي
ولا بغيرها الحمدلله والشكر على كل حال
سارة: هايييي سماح البغله وينهه ماتعرف
اله تهامش وتكامش هل وصخه الجايفه
كبور تلفههه بكد المطي وجنههه زعطوطه
رحيق : خلص عوفيهه تولي
نور: بس مو هيج يعني راح نخلصهه
عرك ومكافش
ايلين : شنو رئيكم اكول الحتومتي
سارة: انت تسكتين الا اجي ارگع راسج
بل حايط
ايلين : اويبي شبيج قاسيه
سارة: وجعوييي
رحيق : بنات امشو خنشوف ايه
نور : تمام يلا امشن
/////////////////////////////////////
“” ايلين””
رحنه كلنه الغرفه ايه دگينه الباب وسمحت
النه ندخل دخلنه لگيناهه تبدل السيف
رحيق : الحمدلله على سلامته حبيبتي
ايه : الله يسلمج
سارة: طار الشر ايوته هاذه قدرة وإراده
رب العالمين
ايه : ونعم بالله
نور : حبيبتي اجينه نتحمد السيوفي بسلامه
خوما ازعجناج
ايه : لا حبيبياتيي شكرا بل عكس تعالو
فوتو
دخلنه وتوزعنه عله القنفات
كعدت ايه گبالنه وگالت
ايه : وكع كلبي اليوم حسيت نفسي كبرت
عشرين سنة
نور: حبيبتي قدر الله وماشاء فعل
نصيبكم وقدركم
ايه : الحمدلله على كل شيء اهم شي
طلعلي سالم يمن عمري عله عمركم
يبعد عمري
تحجي وتباوع عله اولادها
هاله : ايه يمكن مو وكتهه بس صار عندي
فضول اعرف شلون تزوجتي كامل
رحيق : جتي فصليه
سارة: شنوووووو فصليه !!!!
ايه : اي زواجي من كامل مو تقليدي
أو عن حب فصليه
ايلين : عليج الله احجيلي شوقتتتتت فدوة
صفنت ايه وبدت تحجي النه زواجها وحياتها قبل ……
“”” فلاش باك “””
ايه :: اني ايه عمري 14 سنه من الناصريه
اني من عشيرة معروفه واهلي معروفين
وأبوي وعمامي شيوخ اني الوسطانيه
بل عائله عندي اخت وحده وثتين اخواني
بس تكدرون دكولون اني المضلومه بيهم
امي ابد ما تحبني ولا حته ابوي وعمامي
محد بيهم يريدني عكس اختي الصغيره
جان عمرهااا 12 الكل يحبهااا ويقدسها
وتخيلوو اخواني يشترولهه ملابس
واكسسوارات وعطورات
واني محد يذكرني بشي عشت طول
عمري البنيه التعيسه الانطوائيه الي
منبوذه من قبل اهلهااا حته ثقه بنفسي
ماعندي من وراهم دائماً
يكلولي انت محلوة محد ياخذج منو
يلفيج اضحك وياهم بس اني من جوة
احترگ الدمعه تصيرر بطرف عيني بس
كل عاده ماكدر ابجي كدامهم لازم اكعد
وحدي وابجي وهاي تصير صدف عله
ماخلص كومه الشغل العليه
امي جانت تفرق بيني وبين اختي وبين
اختي واخواني ماذكر عشت طفوله حلوة
جانت حته لعابه متجيبلي بحجه كبرت
جنت اتحسر عله الملاعيب واحبهن واريد
العب بس هيه متخليني بس اني طفله
عمري 12 سنه اريد العب واشتري حته
ويه الاطفال متقبل العب جنت فرفوشه
اضحك اسولف اجتماعيه كلش بس
بسببهم صرت انسانه ثانيه انطوائية
ماحب أحد بسبب اهلي صار عندي
رهاب اجتماعي وكملوهه عليه من
صار 14 ابن عمي كتل أحد من هاي
العشيره ولأن همه ماعدهم اخوان
وجان الولد الي نكتل وحيد أمه
انطوني الابن عمه هوة مو ابن عمه
لا عمي غازي وهاذه الي ابنه نكتل
يصيرون ولد عم لهيج انطوني الكامل
بل بدايه ماوفقت وبجيت وصلت مرحله
انتحرر اي انتحرر بس لحگووو عليه
ورجعوو كتلوني وجابوني أهنأ اجيت
أهنأ طفله كلشي مافتهم رحيق جان
عمرهاا 13 واني 14 بكدهه بس عمتي
شكريه ونبراس ماقصرن عتبرني
حالي حال رحيق وحته كامل جان هديه.
الي من رب العالمين عوضني بي صارلي
اب مانسه وكفاته وسوالفه وكلشي سواهه
علمودي وعلمود يفرحني فعلاً صارلي سند
ومن صار عمري 16 حملت بسيوفي وجانت
اول بطن الي شفت الموت بعيني تتخيلن
حته من جبت محد من اهلي وصلني
وشافني وقدر الله يطلع سيوفي عنده
حول بعينه وراهه من صار عمري 18
جبت كرار وهم محد من اهلي وصلني
وقبل عرسكم بيومين رحنه الااربيل نسوي
عمليه العين سييف والحمدلله نجحت بس
يافرحه ما تمت هاي شوفت عينجن نضرب
برأسه وموزين عليه بس الي مانساهه لو
اموت همه اهلي وتصرفهم وياي كسرتهم
الي مو بس انتن اهلجن خذلوجن
وكسروجن حته اني تخيلي صارلي
10 سنين مشايفتهم غيرو مكانهم
اختفووو بس الحمد لله على كل شيء
بس هسه وين اكو فصليه بعد هاذه
الحجي قبل 10 سنين
////////////////////////////////////////////
“” نور “”
هاله : ياحبيبتي اني اسفه سئلتج فتحت
الدفاتر القديمه وفتحت جروحج ويه اهلج
ايه : مانسيتهم حته انت ذكرتيني
هاله اني عشت حياه صعبه بس
الله كريم اله ماتفرج
رحيق : ملاحضات شي انو كل وحده
بينه عدهه قصه شكل
ايلين : والحلوة كلنه نضلمنه من قبل اهلنه
سارة: يلا عساس شلون قصص هوة
احنه غير ماكلين خر***
نور: سويرة وحمس
سارة: يلا عساس حياتنه ماكو هيج تخبللل
خاببب شني هل لعبان نفس ويععع
انوب ولا قصه حلوة اريدلي وحده
عاشت حياتها مثل الناس ماكو
هاله : وقدر الله انو ننجمع كلنه ونسولف
قصصنه لبعض
سارة: لا بنات احنه لازم نفترق اني حضي
مصخم ونايم بطين وانتن هم هيج لهيج
اني اكول اكو وحده بينه فگر وفاگرتنه كلنه
هاله : يجوز انت الفگر
سارة: اياااا بنت الفگر انجبي اني خيرررر
رحيق : صدك بنات ذكرتني ليوم العاملات
اجازه گومن خل نضف البيت احنه
ايلين : ولج شينضفه بيتكم شكبره
رحيق : يلا عيني يلا خل نقسم الشغل
نور: اني ورحيق نمسح البيت
هاله : واني انضف الحمامات والغرف
وايلين وياي
رحيق : الكراج بي سيارات واصلا الحراس
واكفين منگدر نطلع وبعدين هوة نضيف
ميحتاج هوة والحديقه
سارة: بس لا دگلولي غسلي المواعين
رحيق : اي حوبي بصوت ريماس
سارة: اوفففف
سارة: زين دجيبيلي ماي
رحيق : شسوين بي
سارة: اشرب المواعين واغسل الماي
رحيق : هااا؟؟
نور: شنووو
ايلين : هاي شدگول
هاله : كامت تجفص
ايه : هههههههه عجبتني
سارة: يووووو اقصد اشرب الماي
واغسل المواعين شبيكم اكلتوني
وفعلا كمنه نضف وكل وحده راحت
لشغلههه بس ايه مانطيناهه شغل
معنوو أصرت تجي تنضف بس
خطيه خليناهه يم ابنهه
////////////////////////////////////////
“”هاله””
خلصت تنضيف ورحت صعدت فوگ
اذب دشداشتي صارت كلهاا ماي
طبيت سبحت ولبستلي دشداشه
خفيفه علمود انام لان تعبانه
هستوني مددت ودخل اليث
ليث : سلام عليكم
هاله : وعليكم السلام
ليث : عادي نحجي
هاله : عساس اذا گتلك لا راح تسكت
أو تروح
ليث : لااا
هاله : لعد تعال احجي الي عندك
اجه كعد يمي وكال
ليث : هيله اني شرحتلج موقفي اني
فعلاً ماريدهه الريهام بس گتلج هيه
نختني واني مشيت بعاداتنه وتقاليدنه
اني من ساعدتهه ماحسبتهه ريهام
حسبتهه وحده غريبه وخلص
هاله : هههههههه والله ولتريد تساعدههه
دكلك وينك حبيبي منتضرتك ؟؟؟؟؟!!!
ليث : ماعرف ليش هيج كالت وشنو
غايتهه من هل كلام
هاله : ليث اني مليت انطي فرص وترجع
تخذلني كلبي بعد مايتحمل أذى هلگد
ليث : يعني هاذه وضعنه عاجبج ؟؟
هاله : اي بس اني مو لهل درجه بلا كرامه
ليث : مو هيج هيله بس …
هاله : احتاج وقت حته افكر
ليث : أخذي وقتج
كاك وطلع من الغرفه واني كلبي قابل
اريد اسامحه بس عقلييي رافض هل
شي جنت دائماً اكول اسمعوو كلبكم
بس بعد الي صار اتجهت الكلام سارة
وهوة اسمع العقلي …
////////////////////////////////////////
“” رحيق””
بعد ماتصالحت ويه اخواني حسيت
روحي رجعتلي جنت اكول الدنيه
وكفت بيه من طردوني اخواني
وهسه احس الدنيه جعت تمشي
والأمور طبيعيه
وبعد الاكشن الي صار زواج هاشم
من عبير وابن اخوي سيف وايه واهلهاا
وخبر حملي الي مهدد بل اسقاط بسبب
الصدمات وقله الراحه
خلصت اجازتي وصار الوكت ارجع
البيت سجاد أصر ارجع واني بعد
ماتصالحت ويه اهلي مايهمني بعد
يمته مااجي رجعت البيتنه واني
فرحانهههه حيللل اول مره احس
هل لبيت حلوو
رحت بدلت وغسلت وحلكي مشكوك
من الابتسامه دخل سجاد واني كاعده
عل قنفه واتذكر اخواني شلون حضنوني
وسوالفوو وياييي واضحك وعايشه الحضه….
سجاد : هاااا جتي الحاله شبيج تتمضحكين
رحيق :اووو سجاددد متتخيل شكد فرحانهههه
سجاد: الله يديمه
رحيق :ولكك تخيلللل طلعو اخوانيييي
يحبونييي مايكرهونييي وايييييي
سجاد: ولك حلوو كملي
رحيق : اييي واخيرا تدري جنت احس
شي حاط عله صدري بس هسه لااا
ميتههه فرححح الله احلا شيي
سجاد: اي احنه مايلوحنه شي من هل فرحه
رحيق : مثل شنو
سجاد: بوسه حضنه كلام حلو اي مو والله
طكت روحنه
رحيق : سجاد
سجاد: اي ياالله اشتغلت الرومنسيه
ياعينوو السجاد
رحيق : تزوج عمييي هاشم
سجاد : ياطركاعه السوده
رحيق : صدك دريت اني حامللل مووو
سجاد: اي يعمري راح يشرفنه زين العابدين
رحيق : واذا بنت
سجاد : فضه
رحيق : فضه تصير جاريه ام البنين
عليها السلام مو
سجاد : اي
رحيق :الله سجاددد يخبلوننننن
سجاد : مثلج يعيونو السجاد
كلش فرحت لانو سجاد اختار
هيج اسماء
رحيق ::: حبيبي اني راح انزل يم
عمه شويه مشتاقتلها وصار كم يوم
ماشايفتها
هز راسه وصار يتصفح بجهازه
كمت من يم سجاد وأريد انزل
يم عمتي
بعدني توني حطيت رجلي
على الدرج أريد انزل واجتني دوخه….
يتبعععع……
///////////////////////////////////////////
الفصل التالي اضغط هنا
يتبع.. (رواية تجبر أبناء العم) اضغط على اسم الرواية لتجد الفهرس كاملاً بجميع الفصول.