رواية تجبر أبناء العم – الفصل الثاني والعشرون
/////////////////////////////////////////////
“” ساره””
بدلت ملابسي ولميت كفشتي لان والله
مابيه حيل امشط
دخلو الولد كلهم مرة وحده اجت شاهندا
الحيه كبلل ….
شاهندا : كامللل الحگ سيف ابنك وكع
عله رأسه وخيطوو رأسه ست اخياطات
كامل : شنهييييييييي
قسور: لج شجاي تخرطين انت؟؟
كامل : وينه هسه ؟؟
شاهندا : بل غرفه مالتكم
راح كامل يركض فات الغرفه لحگو الولد
التفتت على شاهندا وكتلها
سارة: انت السانج متعرفين تلمينه
شاهندا : عجل اخلي وماگلو غير ابنوو
ولازم يعرف
سارة: اي حبيبي طمني احنه اكيد راح
نگوله بس مو هيج هبطتي الرجال
نزلت ايلين
ايلين : شكوو
سارة: صخيمه بنت صخامه كالت الكامل عله سيوفي
ايلين : منو صخيمه منو صخامه
سارة: خالاتج
فزينه عله عياط كامل رحنه بل باب
مال غرفتهم واسمعهم ولولد بعدهم
جوة وحته الباب مفتوح
كامل: عش ماخابرتيني هاااا ايه اني
شكايلج مو شيصير تخابريني
ايه : صدكني ماكدرت اني بيا حال
بعدين انت بدوام ليش اكولك وتشغل
بالك بعدين احنه اطفالنه طلبناهم
من الأمام علي هوة يحفظهم …
كامل : لو كاننننن غيررر تنطيني خبر
اني رجللل كرسي اهناااا ؟؟؟
قسور: كامل هدي يخوي بعد صارت
الشغله بسرعه بعدين خويه ايه ليش
مكتيلوو لو حته مخابره عله واحد.
من عدنه
سكتت ايه مدنگه راسهه
قتام : هسه المهم هوة بخير والباقي
خلص راح وكتو
شكريه : حبيبي مصار شي هاذه قضاء
الله وقدره المهم طلع سالم
سكت كامل يبوس بابنه وايه مجتفه
يدهه وعينهاا بل كاع
عفتهم وصعدت فوك ناركم تاكل حطبكم …
فتت للغرفه وقفلت الباب وراي
ورحت لللكنتور فتحته ونكشت الهدوم
وطلعت الكتاب فتحته وجان ……
“مفتاح العوالم السبعة”
> الباب الثامن: نداء الظلال
“يا أرواح العوالم الخفية،
واسمعن صداكِ في أجنحة الليل البهيم،
أقفل الأقفال بالقفل الأول،
وأسقط الستار عن كل سر عميق كالقبر.”
> الباب التاسع: نشيد الطاقة
“يا قوى النار السماوية، يا أجنحة الهواء الخ Día…
أنيني الماء، وركض الأرض تحت خطاي،
أنادي:
يا زهرة العدم المتفتحة في قلب الظلام،
أنشري حمَر الدم ووردي قلب القمر.”
> الباب العاشر: كشف القناع
“من يجالس ماهو بيننا،
يظهر الآن بلا ستارٌ أو حججٌ،
كشِف، وانسحب،
أو التفت عليه الأعين السبع:
عين الحقيقة، عين الخوف، عين الخلاص.”
—
> اقرة بل كلام وأيدي ترجف شنو هاي طلاسم نشيد كلشي مامفتهمه رجعت كملت …..
> “باسم الرب، وباسم الجبار،
أربط قلب فلان بقلب فلانة،
ما يفترقون، ما يبتعدون،
ما ينسون، ما يملون،
حتى لو كان بيناتهم جبل،
يظلون مع بعض، طول العمر.”
> “باسم الفتاح، وباسم الرزاق،
افتح لي باب الرزق،
افتح لي باب القلوب،
ما يبقى باب مغلق،
كل الأبواب تفتح لي،
وكل القلوب تفتح لي
> “باسم الله، وباسم الطيب،
أرسل الشر بعيد،
أرسل الأرواح الشريرة بعيد،
ما يبقى شر، ما يبقى أذى،
كل شيء شرير يروح بعيد.”
> “باسم الله، وباسم الحافظ،
أحصن نفسي، أحصن بيتي،
من كل عين، من كل حسد،
ما يصيبني شر، ما يصيبني أذى.
سارة: شنو هاي طلاسم ؟؟؟؟
هستوني اريد اكمل وسمعت صوت الباب
يندگ وصوت قسور يگول
قسور: سارة انت أهنأ ؟؟
سارة ……
بسرعه گمت لميت ورجعت الكتاب المكانه
ورحت فتحت الباب دخل وهوة يكول..
قسور: ليش قافله الباب نعناعه ؟؟
سارة: دابدل
قسور: بس اكو حمام بعدين ملابسج نفسهن
سارة: هوة شنوو تحقيق
قسور: تدرين اني شاك بامرج
سكتت مارديت عليه ماريد اجيب الروحي
الشبه ضليت باوع عليه واكف مقابيل
المرايه وينزع بساعه
دار وجه وكال
قسور: تعالي اخذيلج راجدي
سارة: شكرا اني مو همجيه حته أعنف بناس
قسور: هههههههه يابةةة والله اموت عله سوالفج
سارة: هسه المهم شكو جاي خوماكو شي
قسور: لا بابا بس اجيت انام
سارة: لا والله خاف ماترضه حبيبي
قسور: حلوة هاي حبيبي
گالهه وغمز
كمت لملمت فراشي وكلت
سارة: نازله انام بغرفه رحيق
قسور: سارةةةةةةةة كافيييي عاد
يوميه بغرفه رحيق ترة ساكت لان
مالي خلك مشاكل
سارة: اليجي من يده الله يزيده
طلعت من الغرفه وعفته يكسر مدري
شيشمر لو دنيه كلهااا تجتمع وتلومني
عله الي داسوي بقسور ماراح يخف
وجع كلبي واهانته الي …..
/////////////////////////////////////////
“” نور””
بعد ما كملنة تنضيف البيت رجعت لغرفتي
وطبيت سبحت ورتبت نفسي شوي واحس
الباب نفتح طب قتام
قتام:مساء الخير يحلو
نور::مساء النور هلا بيك احضرلك العشة
قتام: اي لان كلش جوعان
رحت سويت العشة سويت بورك
وكبة وسويت زلاطة ورتتب الصينية
واخذته اله
قتام: الله شنو هل الريحة الطيبة
نور: بل عافية عيني
كعد ياكل وكمل وسئلني على يومي
شلون كضيته وكعدت اسولفلة
شسويت اليوم وكتلة على الي
صار بسيف وشلون سارة اخذتة لل
مستشفى وكام يعاتبني لان ما اتصلت
عليه ابلغة
قتام: صدك جذب حبيبتي غير تتصلين
علي تبلغيني بلي صار
كام غسل وراح سئل على سيف ورجع للغرفة
قتام: حبيبتي طفيلي الكلوب اريد انام لان
كلش تعبان
طفيت الكلوب وطلعت اشوف سارة
ورحت لسارة لكيته كاعدة بغرفة رحيق
نور: مساء الخير سارة ليش كاعدة هنا
ليش مو بغرفتج
سارة: مساء النور مالي خلك اصعد هسة
الكة ابو شهاب كاعد بل غرفة مالي خلكة
نور: يا هاي شبيج سارة شنو مالج خلكة
وتالي وياج
سارة: نور حبابة عوفيني لان حيل تعبانة
جاي نسولف اني وسارة وسمعنة صوت
قسور برة طلعنة اني وسارة
قسور: سارة ممكن تسويلي عشة لان
كلش جوعان
///////////////////////////////////
“” ساره “”
اجيت اهلهل عليه واكلة اني مو خدامة
بس شفت ريماس جاي تريد تكعد يم قسور
سارة: اي حبيبي تدلل هسة اسويلك احلة
عشة اجيبة الك للغرفة لان اريد احجي وياك بموضوع
اني كلت هيج لقسور وشفت ريماس
كامت تاكل بروحة اكل
“” نور “”
نور: اني ضليت صافة على سارة شلون
حجت وياة قسور وانتبهت على قسور هم
ضل صافن
قسور: هاي اول مرة من تزوجت سارة لحد
لان تكولي حبيبي وتحجي وياي بسلوب ناعم وحلو
لتفتت وشفت ريماس واكفة على صفحة
سارة: يلة قسوريي حبيبي يلة روح بدل
وارتاح على ما اسويلك العشة
قسور: يلة حبيبتي رايح بس مو تتأخرين علي
نور: ضليت اتلمس بسارة عبالي مصخنة
لو بيه شي
نور:: سارة حبيبتي انتي تعبانة بيج شي
سارة: هاي شبيج نور مبيه شي
“” ساره””
سحبتني نور للمطبخ وكلتلي
نور :: ليش هيج حجيتي وية قسور
ساره ::لان شفت ريماس
نور: وهسة شراح تسوين عشة لقسور
سارة: مادري هسة اشوف شسوي بس
اريدج تساعديني
نور: اي حبيبتي اكيد اساعدج
طلعنة كبة وبورك وسوينة ماعون زلاطة
ورتبنة الصينية واخذتها وريماس تباع
عليه عشتوو
دخلت للغرفة وفعلن لكيت قسور مبدل
وكاعد ينتضرني
قسور: هلا بحياتي عاشت ايدج حبيبتي
مبينة من الريحة الاكل طيب اكيد راح
يكون طيب لأن انتي سويتي
لاكاني قسور اخذ الصينية من ايدي وكعد
يمدح بل عشة
سارة : هسه لا تضل تحجي ترة لان نقهرت
عليك سويتلك
قسور: اممممم نقهرتي عليه يولي ؟
سارة: ايييي
قسور: حلو
سارة: دخلص علمود تمشطلي
قسور: شنهييييي
سارة: تمشطليييي لو هم عوزك ماتمشطلي
قسور: يا طركاعه السوده
////////////////////////////////////////////
“” رحيق””
بس اجتني الدوخه گبل لزمت المحجر
شافتني المساعده اجت تركض خطيه
لزمتني نزلت وياهه من الدرج احس
الصاله تفتر بيه
صاحت عمتي وسجاد خطيه اجو
يركضون لزمني سجاد يتلمس بيه
عباله وكعت فهمته المساعده شلون
شافتني واني حته مابيه حيل احجي
كالت عمتي ….
ام سجاد: يماا عادي يصير وياها هيج
بس لازم ماتصعدين وتنزلين اهواي
يا حبيبتي لان طفلج مهدد بل إسقاط
ولا سامحه الله كلشي يصير يايمه
سجاد : رحيق انتبهي عله نفسج انت هسه
بطنج روح
رحيق : صدكني ماعرف شلون اجتني
الدوخه فجئه
ام سجاد: طبيعيه هاي حبيبيه
سجاد : خلص عجل راح انضف الغرفه
هاي الجوة وانزل اغراضج وغرفه النوم
اهنااا لا تصعدين بعد
ام سجاد: زين تسوي يبعد امك البنيه
بعدهاا بدايه حملهاا وكلشي يصير لو
تريد يصير. وياهه مثل نور مرت اخوها
لمن وكعت وسقطت
يحجون واني مو يمهم راسي يفتر
وعبالك بي طبل يدگ
وفعلاً سجاد من ثاني يوم بده يشتغل
بل غرفه هيه مابيه شي بس مجرد
تصليحات ونزل غراضي وغرفه النوم
وصارت الجوة غرفتي …
/////////////////////////////////////
“” هاله “”
بعد ما فكرت وفكرت تعبت حيل بخصوص
هاذة الموضوع واخذ من حيلي هواي
اتأذيت بس كلت خلي اكوم اصلي
ركعتين واشوف الله كريم ذيج الساعة
كمت توضيت وصليت ورة دعيت
من كل كلبي
انو ما انخذل مثل كل مرة ومن انطيه
الفرصة راح يتغير ويصير احسن من قبل
ورة ما كملت مادري ليش احس نفسي
ارتاحيت رحت فتحت الشباك اجتني
نسمة باردة حيل ارتاحيت من اجتني
هاي النسمة وحسته اشارة حتة انطي
فرصة ثانية
بس جنت مترددة انو انطي فرصة ثانية
قويت نفسي وقررت اطي فرصة بس
خوما اروح اكلة اني راح انطيك فرصة
ثانية كبل واخلي يرتاح لازم اعلعلة يلة
اكلة رحت اتصلت علي اكثر من عشر
مرات ماجاوب بعدين اتصل علي واني
ارفضة وكام
يتصل علي وما ارد شوي واحس الباب
انفتح بقوة انداريت ولكيتةليث فحطان
وجه احمر وبل كوة يتنفس
ليث: هالة حبيبتي صايرلج شي بيج شي
ليش اتصل عليج وما تردين احجي ليش
دايرة وجهج مو احجي وياج
هالة: اني لو انت اتصلت عليك اكثر من
مرة وانتة مترد ها ويامن جنت تحجي
وياه وية ريهام مو جاوبني ليش ساكت
ليث: لا إله إلا الله استغفر الله ربي واتوب
اليك حبيبتي هسة شجاب ذيج بنص انتي
هسة كليلي بيج شي صاير شي مو وكعتي
كلبي ضل ليش اتصل عليج ومتردين ها
مو وكعتي كلبي عليج
هالة: صدك عود انته هيج خايف علي
وضال بالك يمي
ليث: اي حبيبتي صدك تحجين انتي هسة
كليلي بيج شي
هالة: لا ما بي شي بس ردت احجي وياك
بموضوع
ليث: كولي حبيبتي اسمعج يروحي
هالة: شوف اني فكرت وقررت اطيك فرصة
ثانية بس اتمنة من كل كلبي ما انخذل
مثل كل مرة وعلاقتنة تتطور
ما احس اله ليث كام وكعد بصفي
وباس خدي وراسي وحضني حيل
وحط ايدة على شعري ويلعب بي وكلي
ليث: مستحيل راح يجي يوم واخذلج
او انزل دمعتج بعد يروحي انتي
ما اعرف ليش ارتاحيت حيل وحسيت
كلامة من كل كلبة رفعت راسي وحطيت
عيني بعينة وكتلة
هاله::واذا عدته ترة اروح اكول لسارة اخلي
هية تتفاهم وياك
ليث: ههههههههه لا كلشي ولا سارة تروح
تكلب الدنية علينة مابي حيل هسة اني
تعبان كلش واريد انام راح افوت اسبح
واجيج مو تنامين
هالة: تمام بس انته مو تتأخرة ترة انام
واعوفك طب سبح واني بدلت الدشاشة
الخفيفة الي جنت لابستة ولبست وحدة
شوي مرتبة وحلوة لونه احمر طلع ليث
من الحمام واتمدد على الجرباية ومد لي
ايده حطيت ايدي بيدة وباسه وفجأ
سحبني علي بقوة مكدرت اسيطر علي لان
جان لازم ايدي حيل وكلي
ليث: بعد ماكو نومة كل واحد بفراش من
اليوم ورايح تنامين يمي وشرط بحضني
سحبني وحطاني بحضنة وضل يلعب
بشعري وما احسيت الة واني غافية
بحضنة لان جنت حيل تعبانة
/////////////////////////////////////
“” إيلين””
صعدت الغرفتي حته انام ولكيت حاتم
كدامي بل غرفه ……
ايلين : حاتممم
حاتم : هااا
ايلين : شبيك اليوم كالب خلقتك بيه
حاتم : مابيه شي
ايلين : لا بيك كلما باوعلك الكاك تخازر
بيه شبيك اني سويت شي ؟
حاتم : سئلي روحج
ايلين : هسه غير يحجي
حاتم : ليش مگتيلي عله سالفه سيف هااا
ايلين : هههههههه هاي شبيك هسه انت زعلان وزعلان عله هااي
حاتم : ايليننن ترة سيف بحسبه ابن اخوي
وجاي احجي صدك مجاي اشاقه
ايلين : وليش حته اگلك اذا ايه ماگالت
الابو اني ليش اجي واكول بعدين البنات
ولا وحده من عدهم كالت الزوجهه
حاتم : ايه ماحبت تخوف كامل عله ابنو
نور من شافته هم مادگت سارة متعاركين
هيه وقسور وهاله كذالك بس احنا علاقتنه
غيرر لازم تكولين الي
ايلين : انت متغير يعني هسه عله هاي تريد تسويلكك مشكله انت بعضمت السانك كلت
علاقتنه غيرر ليش داتخربهااا
حاتم : اني مجاي اخربهاا بس انت جان لازم دكوليلي لا اكثر ولا اقل
ايلين : تمام مرة ثانيه افتح وياك كامرة
خليت وطلعت لزمني وكال
حاتم: ويننن رايحه ؟؟؟
ايلين : انام بغرفه رحيق
حاتم: هيه شنووو. غرفه رحيق فندق
ياهي زعلت راحت تنام بيههه
ايلين : ايييي لان انت مليت منيييي
حاتم ؛ ليلي
ايلين : لا دكول ليلي
حاتم : ليلووو
ايلين : ولا دكول ليلووو
حاتم : لعد شكول جاسميه ؟؟؟
ايلين : روح بعد زاعلتكك وطلعت متحبني
حاتم : لا يروحي مو هيج
ايلين : لا هيج تصيح عليه
حاتم : بس اني ماصيحت عليج
ايلين : لااااااااااااا صيحتتتتتت
حاتم : صحيح اني صيحت
ايلين : ايييي وضربتنيي
حاتم. : بس اني ماضربتج
ايلين : لااااا ضربتت
حاتم : لا ماضربتج
باوعتله خازرته بسرعه كال
حاتم : صح اني ضربتج
جرني وكعدني عجربايه بس اني مثل
المطي ضليت ازاگط
حاتم : وينننن واذا اكلج اراضيح بدومي
مدري شسمه وحليب ككو وهذيج الثانيه
ايلين : يا ثانيه
حاتم : هاي البيهه ككو مدري شني
ايلين : كندرررر
حاتم : ايي
ايلين : تمام موافقه
اسفه يا كرامتي بس بطني اهم
ايلين : يمته تجيبيلييي حتومه
حاتم : الصبح لان والله مابيه حيل تعباان
سكتت لان باين التعب عله وجهه
ايلين : حاتممم
حاتم : هاا يروحوو
ايلين : دكوم تمشطلي شعري
حاتم : دهاك استلم تزوجنه حته نرتاح
اثاري حفيدات نوريه حته احنه نمشطلهن
ايلين ؛ ايي حبيبي لعد تكدر متمشط
انطيته المشط وكعدت كباله كام يمشط الي
حاتم : انتم هيج عدكم وراثه كثافه الشعر مو
ايلين : ااي هاي جيناتتت من بيبي بس سارة ماخذة ثنين كثافه الشعر من بيبي وطول
الشعر من امهه يخبلل شعرهاا
حاتم : اي اني شايفه شعر سارة حلو
ايلين : شنوووو
درت وجهي عليه خازرته
حاتم : لا حبيبتي لا تغارين
ايلين : لا والله ليش هوة منو الي يغارر
عليك اني اغار عله بنت عمي لا تتغزل
بوحده منهن كدامي
حاتم : يعني تغارين عله سارة ماتغارين
عله رجلج
ايلين : ايييي بنات عمي مالاتي لا تتغزلون
بيهن
حاتم : اي عود خوش
سكت داير وجهه بعدين كال
حاتم : زين اكلج اذا تزوجت عليج
شسوين
ايلين : ماسوي شي
حاتم : وليش مسوين شي ؟؟
ايلين : اكول السارة وهيه تصرف
وحق الامام علي تگلب البيت عله
راسكم هههههااااايي
الفصل التالي اضغط هنا
يتبع.. (رواية تجبر أبناء العم) اضغط على اسم الرواية لتجد الفهرس كاملاً بجميع الفصول.