رواية تجبر أبناء العم – الفصل الثالث والعشرون
نور: اني بنسبه الي سارة عز وسند وضهر
احنا كلنه شادين ضهرنه بيج كلنه نعرف
لو صار بينه فديوم شي انت راح تسندينه
وجودج يمنه مو رفاهيه احتياج بعدين
حتلوووو دخلتي هاذه من خوفج
وحرصج علينه
سارة: بناتت اني حياتي مو مستقرة
قسور بعالم واني بعالم ثاني
رحيق : انطي فرصه اخوي يحتاج تنطي
الان يحبج ويريدج
سارة: راح يرجع يخذلني ويكسرني اني متاكده
رحيق : لا تخافين سارة اذا ضلين هيج
راح يروح قسور من يدج بعدين والله
حرام الي دسوي
سارة: شنو الي حرام رحيق ؟
رحيق : حرام البنيه تمتنع من فراش زوجها
روحي بحثي وشوفي حراام وانتو
راح يصيرلكم سنه تقريبا من تزوجتوو
سارة: اني بس
نور: لا بس والله شي سارة احنه بس دنصحج
سارة: افكرر
رحيق: فكري زين
سكتت سارة تتصفن بل گاع دخلت عمتي
شكريه وياهااا مرة
شكريه: هلا هلا باام عماد نورتي
ام عماد : نوركم يبعد عمري
شكريه: كومن يماا سلمن عله ام عماد جارتنه
ام عماد : هلا هلا يما عين النبي تحرسجن
كمنه باوسناهه ورجعنه توزعنه عله القنفات
ام عماد: يمه فدوة والله عرفو يختارون احفاد هاشميه صدك خالتي هاشميه وينهاا
شكريه: والله الضغط نازل وكاعده
بغرفتهه مالهه خلك
ام عماد: يا يماا الله يبدگ الهه ( يباوعلها )
اي عرفينه عله الحلوات
كامت عمتي تباوع وتاشر علينه وتحجي
شكريه: هاي نور زوجه قتام هاي سارة
زوجت قسور هاله زوجت ليث وايلين
زوجت حاتم
ام عماد: يا يما فدوة ماصار عدجن شي
شكريه: لا والله بس نور وقضاء الله وقدرة
انو تسقط الحمدلله على كل شيء
ام عماد: يا يمه فدوة الله كريم اي يما
رحيق صدك تزوجتي وحامل
رحيق : اي خاله صارت بساع بساع
ام عماد: يا يماا الله يبدگ الجن ويترس
حضنجن
سارة: بعد بيتي خاله اروحلج فدوة
ام عماد: يا يمه فدوة لهل لسان الحلو
ام عماد: صدك وين شاهندا وامهاا
ويا حجايتها دخلت سماح
سماح : سلام عليكم
سارة: ذكرنه القط اجه ينط
ام عماد : وعليكم السلام هلا بام شاهندا
سماح : هلا بيج عيني
ام عماد: لعد وين شاهندا
سماح : بل غرفه دتنضف بنيتي نضيفه
حجت ساره بهمس
سارة: نهجم بيتهااا النضافه يمكم وبس
شاهندا : هلا ماميي صحتيني
سماح : اي مامي تعالي خل يشوفون هذولاك الناس شضيعووو من يدهم
سارة: حرام هوش الله بأرض الله
دخلت عبير وهيه تعوج بحلكها
عبير:هلاوووو كايز
سارة: هلاااااا بدة الاكشن
سماح : لا هله
عبير: هلاووو خالتووو
ام عماد: يععععع منهي هاي
شكريه : عبير زوجه هاشوم اقصد هاشم يخيه
ام عماد: يااااعع تزوج
نبراس : اييي ام عماد أن شاء الله
جيتج خير
ام عماد: اي يخيه ماطول خالتي هاشميه
ماهي موجوده انتن امهات البيت واكلجن
وفكرن
شكريه: كولي داده
ام عماد: والله اني جايه أخطب شاهندا
الابني عماد
سماح: شنوووووووو عماد االاحول
ام عماد: ثمني جلمتج ابنيى ماهووو احول
شاهندا: يبوووووو هاي تاليتي اتزوججج عماد الاحول
شكريه : يمااا جا هوة مو احول بس عنده
ردة بعينه
رحيق : وشبي عماد الاحول
سماح : جا انت عفتي الكل اجيتي تخطبين
الابنج عماد الاحول البنتي
شاهندا : هسه هوة هاذه حضي من قتام
العماد الاحول
سارة: هسه عماد الاحول صدك احول
رحيق: اي ولج احول مايشوف بليل
ايلين : عزااا لعد عماد الاحول بليل شلون
يفوت اللصحيات
سارة: هسه انت عفتي الكلام كلههه
وركزتي بهايي
عبير: ههااايييي هوة هاذة هواي عليجن
شاهندا وعماد الاحول
سماح :: احترمي نفسج لا اكوم اشك
حلكج أنوب عليه المطلقه
عبير: لجججج مو اجي اموتجج ام السحورة
اباوع عله سماح تحزمت وجلفنت ارداناتههه
وكالت
سماح : انت جبتيه الروحج
كمزت سماح عله عبير. وصارتلج مكافش
وشي دفررر بشي حته ام عماد خلت
عبايتهه بحلگهااا وراحت
///////////////////////////////////////
“”هاله””
متجمعين كلنه عل طاوله كاعد نتغده
كلهم موجودين حته الولد دورت عيوني
عليهم عمتي شكريه ونبراس وحده تغمز
الثانيه علمود سالفه ام عماد اخير شي
كسرت حاجز الصمت عمتي شكريه وكالت …..
شكريه : طبعاً اعرف ميصير احجي عل
اكل بس انتم تجتمعون بس بوكت الاكل
فء اني اريد اكوللكم اليوم اجت ام عماد
وخطبت شاهندا العماد
هاشميه : ياهو عماد الاحول
شكريه : ياا عمه عود انت الچبيرة هوة
بس عنده ردة بعينه
حاتم : ياردة بعينه عمه هوة غير ما يشوف
شاهندا: شفتوو ولد عمي يعني ترضوهاا
كل هل جمال والدلال ودلع والأنوثة
اتزوج عماد الاحول
سارة: اي ويعني اكيد يرضوهاا من اكوم
امدج بل كاع واجفص بطنج ؟؟
هاشميه : يبقى الشور الابوهاا هاشم
شدكول يما
هاشم : والله يما أنا….
قاطعته عبير وهيه دكول
عبير: هاشوم ليش متنطيهاا ترة هيه كبرت والبكدهاا تزوجوو وخلفوو وبعدين شبي
عماد الاحول مو بشر مو هيج هاشوم
هاشم : حاضر وتامرين
غازي : احممممم
سماح : هاشم شوف وحك الله بنتي
اكتلهااا ولا اعوفههه تتزوج هاذة الخبل
والاحول
هاشم : مو بكيفج بنتي المن اريد
انطيهه انطيهه
قسور: سمو بالله هدو يا جماعه شبيكم
سماح : ياك ثم ياك تفكررر تزوج بنتي
لهاذة فهمت اني امههه والي الحق
احجي وانطي رئي
هاشم : واني ولي أمرها وكلمتي هيه
التمشي عليج وعليهااا
سماح : لا والله خاااففف ماترضه ولككك
انت تعرف كلش زيننن انييي منوو
هاشميه : سماحححح كافيي عاد
ماعدكم حشمه للجبير مو كاعده كدامكم
اخذت عكازتهاا وراحت الغرفتها
قتام : عمي صدك چذب مو هيج
هاشم : ماشفتهااا والله اذا فتحتي حلكج
مرة ثانيه اشكه الج
سماح : جرب وشوف
كام عمي هاشم
قسور: هوة شنو مزامط تكعد يعمي اكعد
جراهه وكعده يمه
سماح : مو صوجكم صوج اليكعد يمكم
وانت هاشم لا تحلم ازوج بنتي
لهيج شكيولات
خلت وراحت تربد لغرفتها
وتقريبا بدو ينسحبون واحد واحد
الغرفهم معنوو يوميه ورة الغدة
يكعدون ويشربون جاي ليوم لا كلهاا
لغرفهاا راح ليث كمت وراهه ورحنه
الغرفتنه بعد مانزلت جوة لان
واضح راح يخلصوههه مشاكل بمشاكل …..
///////////////////////////////////////
“” منار””
كعدت بنص اليل اريد اشرب مي
بس احس بطني توجعني حيل حاولت
اضغط على نفسي واكوم بس ما كدرت
شوي وحسيت الألم كام يزيد بشكل.
مو طبيعي وكمت اصيح
اجاني عبد الاله طفر ما يدري وعثر
بل فرشة مال جرباية وكع على
ايده ورجع كام
عبد الاله: ها حبيبتي بيج شي يروحي
منار: عبد الإله بطننننيييي راح اموت
ولج يمةةةة لحكيليييي عبدددددد راح
اجيببببببب بطنننننيييي موووتتتتننننييييي
عبد الاله: يالله حبيبتي هانت يلة يروحي
هسة اوديج للمستشفى
كام عبدالإله يركض خطية كام ميشوف
دربة ونردم بل باب داخ بعدين كام جابلي
حجاب وعبايه ويلبسني بيهن واني اصيح
من الوجع
/////////////////////////////////////
“”عبد الإله””
اخذت منار وطلعت بيه طيارة
لل مستشفى مادري منين اجتني القوة
وكدرت اشيل منار وهية حامل ركضت
بيه كبل حولوه نسائية واخذوه الممرضات يركضون بيه جوة واني كاعد برة ادعي
من كل كلبي انو تجيب بل سلامة واني
ما اسمع بس صياح منار جوة
شوي وسكتت منار وطلعت الدكتورة.
عبد الإله::ها دكتورة بشري شلونه مرتي
وابني مدري بتي شلونهم زينين اكدر
اشوفهم هسة.
الدكتورة: هههههههه عفوا اخي بس
مرتك ما جانت عده ولادة جانت شوي
تقلصات
عبدالاله ::شنو يعني مرتي ما جابت
الدكتورة: اي وهاي الحالات تصير وية اي
حامل
عبد الإله: زين شلون صحته هسة زينة
اكدر اشوفه
الدكتورة: اي طبعن تكدر هم اليوم طلعه
من المستشفى بس خلي ترتاح شوي.
////////////////////////////////////////
“” ساره””
احوس بل غرفه منتضرة قسور يصعد
افتر بل غرفه وافكر من يدخل شلون
احجي وياهه شكله
كمت ادرب شلون احاجي
سارة: احم شوف قسور اني اعتذر
ساره::ومرض شبيج عله شنوو تعتذرين
لا ضلين تأكلين نعل زايد احجي عدل
سارة: اءءءء شوف قسور
هوة انت شلزكتي شوف قسور
وشوف قسور احجي عدل وحمس
سارة: قسور اني يعني لازم نصير مثل
المتزوجين وهيج
وحمس شنوووو مزوجينننن لعد احنههه
شنوووو هسه أرامل لو مطلقينننن
اوففف ربي ماعررف شكولللل معقولهههه
اني سارة لساني شطوله ماعرف اكولي
احجايتين حلواتتت ؟؟؟ يبووووو هسه
لو عركه فزعه اركضلهااا حجي مادبر
احجي من همداني اي والله
دخل قسور يلعب بتليفونه كلت خل ابادر
اني واحجي
سارة: هلو قسور شلونك ؟
قسور: هلا بيج الحمد لله زين !!
سارة: شلونك بعد شلون لاهل
قسور: شنهي !!!!
سارة: لا شوف اريد احجي وياك
قسور: اي تعالي بس شبيج
سارة: لا مو اني مربوكه
قسور: شنوو
سارة: ملبوكه
قسور: ؟؟؟؟؟
سارة: اقصد مممم متلبكه
قسور: من شنو سارة بويه شبيج مصخنه مريضه ؟؟؟
سارة: لا بس عادي نحجي مو؟
قسور: اي بويه تعالي
كعدت عل جربايه وكعد كبالي
بلعت ريگي دنگت راسي افرك بيدي
واحجي …
سارة: شوف اني بصراحه وضعنه مو
كلش عاجبني يعني اني فكرت بكلامك
هذاك اليوم لمن تعاركو هاله وليث وو
يعني كلت كلامك صحيح وشسمه
رفعت راسي اباوعله مجتف يده وبلكوة
لازم ضحكته
سارة: هاي ليش دتضحك عليه ؟
انت مو صوجك صوجي لان كاعد
ه وحاصرة نفسي واحجي وياككك
قسور: هههههههه لا لا كملي
سارة: مكلت شي يضحك
قسور: يلا كملي ست طنگورة
سارة: راح اختصرلك
قسور: لا كملي اني احب اللغوة مالتج
سارة: اي يعني اقصد اني انو نصير
مانتعارك ولا تحرك كلبي بريماس ولا
اني احرك كلبك انو انام بغرفه رحيق
قسور: زين شنو الي خلاج تغيرين رئيج
سارة: ماعرف كلام البنات واني هم تعبت
ومليت من المشاكل قسور اني الي داسوي
كله علمود خواتي مااحب يصير وياهم
شي مو حلو ماحب اشوفهم ينضلمون
لو يتاذون واسكت تدري اليوم شكالن
الي كالللي أحنه شادين ضهرنه بيج يعني
اني بنسبه الهم سند ماكدر اخيب ضنونهن
بيه كلهااا شاده ضهرهاا بسارة كلهاا مسنودة
عليه أو يمكن طفولتي والمشاكل الي صارت
لي خلتني ماعرف افكر هى طفولتي ليش
اني عشت طفوله مثل البنات تدري جانت
بيبي تحبسني بل مخزن وجان اكو بل
مخزن زرف وجان هاذة الزرف يطل عل
شارع جنت اباوع عل جهال شلون يلعبون ويشترون ماعشت شي حلو بحياتي ولي
حوليه كلهم يلوموني عله تصرفاتي
والله مو بيدي
نزلت دموعي بقهر سحبني الحضنه يمسح
عله راسي ويبوس بيه
قسور: اشش بعد ماكو راحت هذيج الايام
انت هسه يمي بحضني
وخر راسي من حضنه يمسح عله خدودي
قسور: راح اعوضج صدكي راح اعوضج
روحي من الدنيا انت
رجع حضني حيللل يحجي ويسولف وياي
علمود ينسيني ويشاقه كعدت بحضنه وكام يحجيلي مواقف صارت وياا بل دوام..
/////////////////////////////////////
“” نور””
نور: قتام اريد احجي وياك
طفى تليفونه وكال
قتام : اي حبيبي اسمعج
نور: قتام اني لحد هسه ماحبلت يعني
من سقطت لحد هسه
قتام : اي؟؟
نور: ايي فء اكول ليش منروح للدكتورة
مو احسن خايفه خاف من سقطت
بعد ماراح احبل
قتام : لا حبيبتي لا تفكرين هيج بعدين
كلشي بيد الله الدكتورة مو اكرم
من رب العالمين
نور : ونعم بالله بس كلبي مامرتاح
والله احجز خل نروح نشوف الخاطري
قتام : خوش اني احجز بس مو هسه
متشوفين الوضع شلونه بل بيت
نور: تمام
قتام : يلا تعالي نامي يروحي
كمت انام يمه واني بالي مشغول قتام
يبين الي مايريد الاطفال ومايفكر بهل
شي بس واضح وضوح الشمس هوة
يريد هوة مو صغير عمره 31 سنه اني
هم والله كلبي ناطف عله عله طفل من
سقطت لحد هسه كلشي ماكو وصارلي
اهواي هم بس الله كريم كل تأخيره وبيهه خيره …..
مرت الايام والوضع بل بيت مو كلش
مستقر عبير وسماح اربعه وعشرين ساعه
مكافش اذا يلتمن بمكان اني اطلع منه لان
لعبت روحي من العرك ليث و هاله علاقتهم
زينه احسن بهواي من قبل حاتم وايلين
نفس وضعهم وسارة وقسور هم علاقتهم
تحسنت
صارو يضحكون سوة ويشاقون وسوالف
بس لحد هسه مصاير بيناتهم شي مجرد
تعدلت العلاقه واني وقتام هم نفس الشي
بس الفرق حجزلي يم الدكتورة وبهل فترة
أن شاء الله راح اروح الههه
ريماس يوميه رايحه جايه ورحيق هم
بين يوم ويوم يمنه مرات تجي من الصبح
وماترجع للعصر لو بليل وتجيب وياهه
ام سجاد وسجاد هم تسحله وتجيبه
ومخلصتهه يمنه
وبنسبه العماد الاحول رفضو وماقبلو
ينطو معنوو عمو هاشم وافق بس الولد
رفضو وكالو حته لو هيه بنت سماح
مستحيل نكسر رگبتهاا ونزوجهاا
العماد الاحول
وايه وكامل علاقتهم شويه توترت
من سيوفي وكع بس هسه الحمد الله
رجعو مثل قبل وسيوفي تحسنت
حالته الشكر الله ومرة جنه مجموعين
بصاله نكرز حب ونسولف
وسماح كاعده يم بيبي ويسولفن ويتبسبن
وسارة عينهه عليهن دخل عبير وكالت
عبير: احمم احمم بنوتات باركولي
طلعت حامللل
سارة: كلللللللللللووووش بل مبارك
بل مبارك
سماح :شنووووو
يتبععععع…….
////////////////////////////////////////
الفصل التالي اضغط هنا
يتبع.. (رواية تجبر أبناء العم) اضغط على اسم الرواية لتجد الفهرس كاملاً بجميع الفصول.