رواية تجبر أبناء العم – الفصل السادس
/////////////////////////////////////////
“”” هاله”””
مدت يدها تصافح ساره
دورت اعيوني عل كل كلها ساكته
وبس يباعون بصدمه
درت عيوني عله ساره الي گامت
تباوع القسور وهوة يبادله النضرات ببرود
صدمتنا كلنا ساره من مدت أيدها وصافحت ريماس !!!
وگالتلها
ساره: تشرفت بيج
ريماس : الي الشرف
فتحت عيوني عله وسعها واني اشوف
ساره راحت عله الطاوله الي چانت گبال
التخم وعليها كلنس سحبت كلنسايه ومسحت
يدها الي صافحت بيه ريماس !!!!! كلها
فتحت حلگه
باوعت ساره عله ريماس وبتسمت
وجوهت انضارها للكل وگالت
ساره :: من رخصتكم لازم اغسل ايدي !
خلت وراحت تمشي وتتمايل بمشيتها وشعرهاا وراهاا طايرر
باوعت عله قسور الي جان شويه وراح
ينفجر من العصبيه راح صعد فوگ
يربد عل درج ……
ريماس :: قسورر وين رايح قسور
مشت تريد تصعد ورا فوگ لزمتها عمتي
شكريه وگالت
شكريه:: روحي الغرفتي امشي اريد
احاجيج اخذتهااا وراحو
اباوعلهم واحد ضل يصفن بوجه الثاني
وطبعا هذه الوقت كله مشفت لا بيبي
هاشميه ولا حته واحد من عمامهم
أو بل أحرى عمامي !….
///////////////////////////////////////
“” ساره””
صعدت الغرفتي وسديت الباب
اريد انفجررر من العصبيه
خطيبته !!!!!
طلع خاطب واكيد كلها تدري بي
خاطب بس محد گلي
ندفر الباب وطب قسور قبل لا احجي
گام يعيط ويگول
قسور :: انت شلونن تنزلين هيج شعرج
والفستان گصيرررر انت بيجج شييي
مريضهه
ساره :: شوف لا تضيع السالفه طلعت
خاطب استاذ قسور غير دكولي
چنت البارحه باركتلك
قسور :: اي خاطبها الريماس واموت
عليهاااا عندج يمي شي كولي اني
البارحه عرفتج وجايه عايشتلي دور
المرأة الغيورة
ساره :: شوففف لا تستفزني بكلامك
لا وحگ سبع الكنطره الي تحلفون بي
اشوفك شي ماشايفه كل عمرك عود
عبالك لان اهلي غصبوني عل زواج
منك اتقبلك واتقبل عيوبك وتفرض
عليه قرارات واني لازم اقبل واخضعلك
لا انت كلش غلطان وحگ داحي باب
خيبر العب بيكم طوبه واخليكم طشارر
قسور :: ماراححح استغرب لان بكل
بساطه حفيده نوريه شترجه منج ومره
الثانيه اذا عليتي صوتج ماتلومين اله
نفسج هاي وكاحتج وعرامتج طلعيهه
يم اهلج مو يمي
وهسه تخلين لسانج بلهاتج وتلصمين فهمتي
وترحين تغيرررين هذه الزفت للي لابسته
وتلمين كفشتج
ساره :: مره وجايه بمصباح عرسي الاكشر
ودكولي اني خطيبه زوجك شنو تريدني
اكولهااا يا هلا لو ارحب بيهاااا احجي
هلكد اني بلا كرامة
قسور :: شبيج بابا شبيج انت مخبلهه
اني ويامن جاي احجي ويه الحياطين
گتلج اسكتي
ساره :: ليسگت عن حقه شيطان اخرس
لا عبالك اني داغار عليك بس اني مو
بدون كرامه علمود اشوف وحده
ماتسوالهه فلس واگفه گدامي ودگلي
اني خطيبج زوجج
كلمه مني وكلمه منا وعلت أصواتنا
فلش الباب قتام وهوة يصيح
قتام :: قسور افتح الباب قسورررر
قسور : روح منا قتامم
قتام : قسور وحگ سبع الكنطره راح
اكسر الباب گتلك اطلعع
فتح الباب گبل دخلت نور تتفحص بيه
وتگض بوجهي
نور : شنو صار ضربج ليش أصواتكم عاليه ساره
ساره :: شحدهه يضربني اصلا ماكو شي بس دانتناقش
نور : تتناقشون !!!
ساره : اي ليش محسستني داچذب عليج ؟
نور :: مو هيج حبيبتي
ساره : نور اريد ابقه وحدي حبابه
هزت برأسه وطلعت وقسور وقتام
اختفى صوتهم اكيد نزلوا جوة
طلعت نور قفلت الباب وراها
گعدت بل گاع اشهگ الهوة شهگ
هديت شويه وبعدهااا گمت ومسحت
عيوني الي چانن يردن يبجن بس مو
اني الي ابچي
بهاذه الوقت وبحرگه گلب گلت
” وحگ داحي باب خيبر يا قسور
اذا ماندمتك واذا مالعبت بيكم طوبه
واخلي عاليها واطيها ماطلع بنت امي ”
///////////////////////////////////////
“” رحيق””
بعد الي صار محد اله نفس ياكل
مثل ماحطيت الاكل شلته
ساره وقسور فوگ أصواتهم عاليه
ليث كاعد عله تلفونه وهاله
گاعده گباله تباوعله ساكته
ايلين گاعده يم حاتم ماعرف شيحجون ..
وامي بغرفتهااا هيه وريماس
سماح من يوم العرس راحت الاهلها
هيه وبناتها وبعد مابيت وعمتي
نبراس ام حاتم خطيه ويانه ويانه
ابد متعوفنه
واكيد بيبي كل يوم جمعه لازم تاخذ
ولدهااا وتروح الكربلاء لليل يلا ترجع
نزلوا قسور وقتام
قتام يهدي بقسور وقسور يريد
يفوت يطرد ريماس !!
طبعا تعالو خل احجيلكم عن ريماس
هيه تصير. بنت خالتي وحيده اهلها
ماعدها لا اخوان ولا اخوات بعد ماتوفه
ابوهاا امي نقهرت عليها وگالت القسور
يعقد عليها بس اكيد قسور رفض. لان اصلا مايطيقهااا الريماس بس گالو خلص راح
نوگفهاا القسور قسور طنش ومارد ابد ومن
يومها الكل عبالهم قسور الريماس وريماس
القسور بس تغيرت الأمور لمن ساره دخلت
الاحياه قسور …….
وهيج مشت الايام
نور وقتام الضحكه ماليه وجوهم
ايلين وحاتم دائما ويه بعض حته
من يروح للشغل يوصيني عليها
ساره وقسور اربعه وعشرين ساعه
عرك مايصافون ابد وكلما گعدو واحد
يخازر بثاني قسور عصبي ومايتحمل
الكلمه وساره استفزازيه وعصبيه
واليدوسلها عله طرف مايلوم اله نفسه
هاله دائما صافنه وسرحانه
وليث دائما تليفونه ميطيح من يده
وريماس بعد آخر حادثه صارت راحت
وبعد مابينت ومر تقريبا شهرين عله
هاي الأحداث ماكو اي شي جديد ……
مره چنه. گاعدين كلنه عل ريوگ ماعدا نور ماموجوده نزلت نور وبيدها جهاز مال حمل
وگفت كدام الاكل واردفت
نور :: اني حامل !!!!
رحيق ……
كلنه نصدمنا بل خبر بس بنفس الوقت
فرحنا گمنا نبارك الهه
وقتام راحلها گدام الموجودين
وحضنهه ساره والبنات طارو من الفرحه
چان يوم كلش حلو كلها فرحانه وبيبي
كلساع تبچي وتضحك
ودگو عله اهل البنات. وگالولهم على الخبر وعزمناهم يمنا بس رفضو انو يجون لانو گالو مشغولين وگاعد ندور بنيه العبد الإله …….
من رفضو شفت الخيبه بعيون نور
بس قتام وامي وعمتي نبراس ابد
مقصرو سوينه عزيمه وعزمنا گل گرايبنا
المقربين علينا …..
بس مچنت ادري انو بهاي العزيمه
راح يصير وياي شي يگلب حياتي فوگ جوة ……..
/////////////////////////////////////////
“”ساره””
بعد مادرينه نور حامل حرفيا كلنا
فرحنا عفتهم كلهم ملتمين بصاله
يباركون اله واني رحت للحديقه
نزلت دموعي بفرح همست
“الحنينه راح تصير ام ”
كمزني صوت قسور وهوة يگول
قسور : اي راح تصير ام
بسرعه مسحت دموعي وگتله
ساره :: واحلا ام
قسور: وانت يمته ناويه تصيرين ام ؟
بتسمت بمكر ودرت وجهي عليه وگتله
ساره : تدري يمته ناويه اصير ام ؟
رفع حاجبه بمعنى يمته ؟
ساره : لمن اتطلگ منك وأخذ الي يستحقني ويحبني ويحتويني ويسويلي عرس مثل البنات
وبعدها اصير ام من الرجال الي يستحقني !
فتح عيونه مصدوم من كلامي عفته وفتت جوة واني عله ثغري ابتسامه انتصار ومكر واگول بگلبي
‘ بعد مشفت شي وحگ الله اذا ماسودنتك ‘
////////////////////////////////////////////
“” هاله””
كلها تقريبا عاشت حياتها
نور صارت حامل
ايلين وحاتم احسهم متزوجين عن حب
ساره وقسور رغم مشاكلهم بس احسهم واحد يكمل الثاني
اكثر شي مصبرني هوة حياه البنات وفرحهم
واني محد فكر بهاله محد جاي يعيش
بتعاسه الي عايشتها اني معنو نور
وساره وحته ايلين دائما ياخذني
عله صفحه ويسألني ويحاولن يضحكن
ويسولفن وياي مبين الهم انو ماكو
شي بس اني من جوة جاي احترك
جاي اموت الف موته بل ليوم من اشوفه مامعبرني مايريدني روحه بل تليفون
اربعه وعشرين ساعه لازمه بيده واذا
عافه شويه عل شحن التليفون يحترگ
حرك بل مسجات والمكالمات صعبه حتلو
چنت متزوجته غصب بس محد تكدر
تتحمل زوجها يراسل ويحب ويريد
غيرها والله لو ادري من البدايه هيج
چا ماوفقت چا گتلت روحي وماوفقت
ابد بس محد يحس بنار غير صاحبها
شهرين مرن واني اگول يجوز باجر احسن.
من اليوم لاكن عبس كلشي ماتغير بل عكس
ديزيد وماينقص بس بنهايه اني هم عندي احساس ومشاعر واغار اني مو روبورت
ساكته ومتضره النهايه شنو بس اذا أطر
الأمر اني الي راح اسوي هاي النهايه بدايه !!!!
////////////////////////////////////
“” رحيق””
متربعه بل گاع الگط الخضره اللعزيمه
ولبنات خطيه وياي ساره تركب التمن
وهاله تسوي مقلوبه وايلين تثرم زلاطه
والجداري مال الحم والدجاج تفوررر عل نار والعاملات خطيه يسوون بل حلويات وامي
وعمتي نبراس گاعدين يم الخطار ونور
كلساع تريد تجي تساعدنه ولازمها بل گوة
قتام شويه وطبت عمتي ام سجاد تهلهل
وتطش جكليت اجت امي تستقبلها وفترت
علينا وحده وحده باوستنه عمتي ام سجاد
تصير بنت عم ابوي بس كلش نحبهه عدها 2 ولد وماعدها بنات كريم مزوج وعنده بنوته وسجاد مامزوج وطبعا سجاد يصير صديق قسور الروح بروح…
وره ساعه تقريبا طب اخوي كامل
ويا زوجته ايه
طبعاً همه جانو باربيل ديسون عمليه
السيوفي لان من نولد عنده حول بعينه واجو وسوها مفاجاه وصارت الفرحه فرحتين
اجت ايه وسلمت عل البنات وتعرفت
عليهم لان من سافروا وره يومين صار العرس وملحگو يشوفو
ايه حبابه كلش ولطيفه صارله متزوجه
من كامل 10 سنوات ماشفنه منههاا كل
خير حبابه وطيوبه وأبد ماله دخل بأحد
……………………………………….
صبينه عشه وفرشنا سفره لان الطاوله
متكفي ونترست السفره اكل من كل الانواع
كلها لتمت تاكل وقتام يجيب ويخلي اكل
كدام نور وحاتم يوكل بايلين عبالك بنته
وقسور يخلي اماعين الاكل كبال ساره بدون لا تنتبه بس اني ماشاء الله عندي ليزر مو عيون عله كلشي انتبه خلص العشه بين المتنة وضحكنا وسوالفنا وكامل يسولف النا عن العمليه وشنو صار وطبعا العاملات يجون يگعدون ويانه عل سفره وياكلون حالهم حالنه ابد مانخليهم يأكلون بل مطبخ أو نطيهم لاكل الزايد لا نصبلهم ونحسب احسابهم بل اكل لان هنه يتعبن أكثر منا بصراحه
وبعد ما خلص االعشه وغسلنه المواعين
وكاعدين نشرب جاي وگهوي حجت عمتي ام سجاد عن الزواج والخطوبه وشغل ابنها الي يشتغل نفس شغل اخواني
تعالو خل نحجي شويه عن شغلهم
قتام وليث وحاتم
ضباط استخبارات
وقسور وسجاد
ضباط مخابرات
أما بنسبه العمامي وأبوي
فهمه تجار مال مواد غذائيه وعدهم
أكثر من 10 شقق وعمارات بغداد
وباربيل وبل انبار ماجرينهه
ام سجاد :: انت تعرفون سجاد وتعرفون
أخلاقه وتعرفوني كلش زين اني اليوم
جايتكم بطلب بس كون ماتردوني
غازي :: ابشري خويه عد عيناج
كولي وانشاء الله ماتطلعين اله وانت راضيه
رحيق ::: گاعده بأمان الله اشرب بل
چاي مستمتعه ماحس اله ام سجاد گالت
ام سجاد: اني اجيت اطلب ايد رحيق
الابني سجاد
بس سمعت هيج ذبيت الجاي من حلگي
وختنگت كمت اگح ركضولي بل ماي
احس الجاي طلع من خشمي
شربتلي گلاصين ماي يلا ردت روحي
باوعت الام سجاد فاتحه حلگي وعيوني
دورت عيوني عليهم گلهم يباوعون عليه گمت ورحت ركض صدت الغرفتي ……….
////////////////////////////////////////
“” ساره””
بعد ما ام سجاد طلبت رحيق السجاد
كلها سكتت
كال عمو جعفر
جعفر :: خويه اني عن نفسي موافق
وين نحصل نسب مثل نسبكم بس
الرئي اللحجيه وهم لازم نسئل البنيه
گامت وگفت
أم سجاد:::اخذو راحتكم خويه فكرو وردولي جواب يلا اودعناكم
خلت وراحت كال عمو جعفر
جعفر :: ها يمه شدكولين
هاشميه :: يمه لا تسئلني أخذ رئي بنتك قابل
اني راح اعيش وياههم لو هيه
گال قسور
قسور :: تره سجاد خوش ولد
غازي:: اي عمي ماگلنا شي بس رئي رحيق
هوة الاهم
عفتهم يحجون ورحت صعدت فوگ
تعبانه ليوم اهواي اشتغلت وحيلي
مهدود فتحت الكنتور اخذت ملابس
ورحت للحمام سبحت وشسورت شعري
وكويته ومشطته وضفرته كلش احب
شعري امي معتنيه بي من جان عمري
3 سنوات دائماً تخليلي حنه وسدر علمود
يطول ويثخن وجينات هم لان امي شعرهاا شطوله گملت طلعت من الحمام لگيت قسور موجود يخابر بمدري منو ماهتميت عفته ومددت عل جربايه طبعاً طول هل فتره هوة ينام عل قنفه واني عل جربايه
بس خليت راسي عل مخده غفيت ……..
//////////////////////////////////////
“”” رحيق”””
ضليت افكر بكلام ام سجاد
اني دائما يتقدمولي شباب بس
دائما ارفض بحجه الدراسه ودرست
وتخرجت ودرست وصرت ” مهندسه ”
بس اهلي مقبلو اتوضف حجيت دگيت
الطمت ماقبلو شلت الفكره من راسي
احس التفكير نخل عقلي نخل گلت
انزل اسويلي حليب علمود اشربه
وانام نزلت وهستوني داطب المطبخ شفت شاهندا واكفه بل مطبخ اجيت اسئله
شنو تسوين أهنأ بس فات قتام من الشارع
رجعت ليوره صرت يم الثلاجه اسمعهم
واشوفهم بس همه ميكدرون يشوفوني
نصدمت من وكفت قتام
وكالت
شاهندا : قتام اريد احجي وياك
قتام : تفضلي خويه محتاجه شي ؟
شاهندا : اي محتاجتك قتام انت
تدري بيه احبك واموت بيك !
قتام : شاهندا اتدبي احسلج شنو احبك
شنو اموت بيك اني رجال متزوج ومرتي منتضرتي وعن قريب راح اصير اب
تحجين صدك ؟
باوعت الهه تقربت عليه ولزمت يدها
بيده وكالت
شاهندا: بس جربني بس ليله وحده صدكني
راح اعجبك
ماسمعت بس صوت الراجدي
الي من قوته خلاها توكع بل كاع
كال قتام
قتام :: وحگ سبع الكنطره عيدي هاذه
كلامج وشوفي شسوي بيج ياطايحه
الحض تفووو عليج وعله امج الي
بس تعلف بيج ومماعرفت تربيج
خله وراح الغرفته هستوني اريد
اطلع وطب عمو غازي ولگا شاهندا تبجي
كاله
غازي : هاي شبيج عمو منو وياج
جاوبته وهيه تشهك
شاهندا:: عمو عمو قتام
راد يعتدي عليه !!!!!!!!!!
يتبعععععع……
////////////////////////
الفصل التالي اضغط هنا
يتبع.. (رواية تجبر أبناء العم) اضغط على اسم الرواية لتجد الفهرس كاملاً بجميع الفصول.