رواية تجبر أبناء العم – الفصل الخامس
……
//////////////////////////////////////
“” ساره””
ساره :: نعم قبلت وانت وكيلي
كلبي أحسه طلع من صدري
حاربت علمود متنزل دموعي بس……..
نزلت ماكدر احس حمل شكبره
صار عله كلبي ليش اني من دون
البنات ماعندي أهل بيهم خير لو
كفو ليش هيج ديصير وياي ….
///////////////////////////
“””” نور””””
جاوبت ساره ونزلت دموعها
بس كبل راحتلهه أمهه وحضنتهه
كلبي تكطع عليهه وعل بنات حرت
ازعل عله نفسي !؟؟ لو عل بنات ؟؟
طبت رحيق تصيح راح يطبون الولد
البسو شالات أجن لبسنه كل وحده
بركع مال عروسات وعله كل بركع اسم
العريس عرفت هاي سوالف رحيق
طبو كلهم واحد ورة الثاني تقرب
واحد منهم يمي ماعرف شلون عرفني
وكعد بصفي احس عطره تغلغل بريتي
جان قوي بس كلش طيب كلبي أحسه
وكع بطني اريد احجي ماكدر كعد يمي
والملايه تقره وتغني طلبت منها رحيق تقرا هذه البيت من الغنيه
عرسان هاي ليله
جننن مراسيم الفرح
وثنينهم حبهم ربح
عرسان هاي اليله
لعيونهاا مقدم الكلب محبس
تريده گلاده گالللهه لا هذه مهر
للموت أريده وساده
هليله زفينا الكمر وسمه نورت بل خبر شفتو الشمس ويه الگمر عرسان هاي اليله…….
تقرب مني ولبسني مداليه
وسوارين وثنين بتوت منا واحد
ومنا واحد ومحبسين وحلقه
واني لبسته الحلقه وبعدها تقرب
مني وباسني من راسي
وكعد بصفي …..
////////////////////////////////////
“”” ساره “””
طبو ونصدمت صدمه عمري من
عرفته هاذه الي تعاركت ويااا
باوعلي مصدوم وكال
قسور :: نعناعه
ساره :: ابو شهاب
قسور :: منو ابو شهاب ولج
ساره :: انت غيرر كلما شفتك لاف
شماغ عله رأسك جنه ابو شهاب
بعدين منو نعناعه ؟؟؟
قسور :: انت الان بيبي دكول عليج
جنج شطب الريحان وسميتج نعناعه
اني ليش ماعجبج يولي
ضليت اخزر بي الوصخ ولو هوة ينكرط من النضافه بس حتلو انوب عليه ابو شهاب
تقرب لبسني الذهب وانتبه عله فتحه
الفستان من فوك باوعلي يعض بشفته
ساره :: تشيل عيونككك لا افكسهن
كام يضحكك بصوت عالي
بحيث كلهه انتبهت علينه
لبسني الذهب والحلقه وتقرب باسني
من راسي ومن خدي وبتسم الي …..
//////////////////////////////////
“”” هاله “””
عبالك مو يلبسني الذهب لا عنده
عرگه وياي يعيط عله اتفه شي
ليث :: هاييي شبيهه الترچيه ممجايييي
تنسددد
شكريه:: عله كيفك يماااا شبيكك
تقربت هيه وسدت الترچيه وحته من
خلص تلبيسه الذهب ماباسني من گصتني
لمن غمزتله أمه يله باسني بس طخت شفايفه گصتي وخر ومكلف نفسه وكعد يمي گبل خله وطلع لحگو ولد عمه البقيه بقه بس زوج ايلين يسكت بيهه وهيه تبجي اخير شي راحتله امهااا وگلتله روح يمه اني يمه راح وعينه عله ايلين ……
//////////////////////////
“”” ساره”””
بعدنه كاعدين ومانحس اله طبت
عمتي شكريه شايله بيدهه عبايه وتهوس
” فرح گلبي يوم الدگن طبوله ”
طبن وياهه باقي النسوان الي يمهم
يهوسن عله نفس الرباط ويكمزن
رجعت طبت مره متوسطه وگالت
” والحاكم گال هذه العرس منين
عمامه شيوخ واهل أمه سلاطين ”
رجعن طبن كلهن ويهوسن عله الرباط مالتهه
طبت عمتي شكريه وكاالت
” اعذرني يمه موش حيلي الأولي”
رجعن يكمزن ويهوسن عله الرباط هاذه
بعدها شغلت رحيق اغاني وطبت
تردح وترگص وطبن وياه ثنين
بنات وانوب طبت عمتي شكريه
والنسوان كلهه ذبن لحم …
وبعدها جابو العشه
وكعدو يأكلون أجت رحيق وكالت
يلا بنات خل اوديكم الغرفكم
مشت كدامنه واحنه وراها گضت
ايدي نور وحضنتني حيل وتبجي
اجت هاله حضنتنه واجت وياهه ايلين
حضنه بعض مانريد ندخل للغرف
تمنيت الزمن واكف بيه أهنأ ماريد
الوقت يمشي اريد اضل حاضنتهم
ماريدهم يرحون منيي….
اجت رحيق وكالت
رحيق :: لعد شنو اني بنت البطه السوده
حرام عليجن اني ماعندي اخت
جرتهه نور وحضناهه ويانه وخرتهم
من حضني امسح بدموعهن
رحيق بصياح:::خرب المكياججج
هسه انتن وين رايحاتتت يبووووو
تعدل بينه وبل مكياج خليتهن يطبن
كل وحده الغرفتهه يلا فتتت الغرفتي
اول مطبيت كفختني بروده وعطر
يجنن هادء وحلو اباوع غرفه بل لون
لأسود والبيض چربايه عله صفحه
وحائط نصه كنتور ونص الثاني
باب عرفته حمام ميز تواليت صاير
زاويه وبصفه شجره صغيره وبصفهه
قنفه صايره هم زاويه وكدامهه طبله
واكو شباك شويه جبير تقربت عليهه
وطلع يطل عل حديقه …….
///////////////////////////////
“””حيق “””
وديت البنات الغرفهن خطيه كلبي
تكطع عليهم
رحت صعدت عله غرفه من الغرفه
مسوينهه مثل المخزن تطل على
الحديقه فتحت الشباك اريد اسمع
واجاني صوت اغنيه مال
حرام حرام عل سيه وليد السيه
حرام نبقه شيوخ الغربيه
حرام احنه الكتبنه التاريخ
حرامم وتلوگنه الروسيه ……
ضليت اسمع بيههه بعدها بدأ المطرب
يغني اغنيه مال چوبي گامت فرقه الچوبي
يچوبون
وراح المطرب جاب الولد خله ليث
وحاتم وياهم قسور لازم راس الچوبي
ومن ذيج الجهه قتام ويدبچون باحترافيه
واني مستمتععه وكاعد اباوع اجت
وحده من الفروخ تصير گرايبنه
رقيه : خاله خاله عمه شكريه تريدج
رحيق :: وخلخاله تخلخل اعضامج
امشييي نزلي خاله بعينج يلا جايه
رحت وياهه ونزلت
لكيت امي مخبوصه
شكريه : وين جنتي ولججج تعالي
نضفي ويانه امشي شيصيرن العاملات
خطيه هسه شويه واصرفهن البيتهن
تعبن من الصبح ليجاي عله فرد وكفه
هزيت براسي ورحت اكرف …..
//////////////////////////////////
ضليت اباوع عل حفله وشلون يدبچون
وبعدها خلصت وكلهه طشت
بعدني مدايره وجهي نفتح الباب
وطب ابو شهاب اقصد قسور
قسور :: مساء الخير نعناعه
ساره :: مساء النور ابو شهاب
قسور :: شنو مابدلتي
ساره :: لا هسه راح ابدل
رحت خليت الجنطه عل جربايه
وفتحتهه وطلعت دشداشه قصيرة
وهذه الي يمسح المكياج ورحت
للحمام مسحت الميكب وجان
اكو كم ماشه بشعري فتحتهم
وذبيت ملابسي وسبحت كملت
وبدون تنشيف لبست دشداشتي
وطلعت لگيته جاي ينزع بساعه
طلعت شعري ينگط
قسور:::نشفي شعرج يولي لا تتمرضين
ساره :: مالي خلك
قسور :: ليش بويه ؟
رفعت اكتافي بمعنى ماعرف
قسور :: عجل انشفه الج أناا
سكتت مالي خلك حته اجاوبه تقرب
جاب الشسوار واجه كعد وراي
وشغله وكعد ينشف بشعري !!!!
ضل تقريبا 10 دقائق طفى االشسوار
وجاب المشط يمشط بي ماحاجيته
لان ابد مالي خلك
ضليت ساكته ضفرلي شعري
وشدا من جوة اجه
وگف كدامي وكال
قسور :: الله نعناعه شكد حلوة صرتي
ضليت اباوعله وگتله
ساره :: ليش دسوي هيج عبالك
اذا تصرف بهاي الطريقه اگوم
احبك واسلمك نفسي ؟؟؟
قسور :: اول شي اني مايهمني هاي
السوالف الاسف فكرتج عني خطأ ثاني
شي حبيت بس اخفف عنج ثالث شي
والأهم تراها احنه كلنه مجبورين عله
هاذه الزواج ست نعناعه
كال هيج وقبل لا يروح اتقرب مني
وهمس يم اذني
قسور:::وخلي بالج اني اذا اريد
شي أخذه بل غصب او بل رضى
وقبل لا يروح جريته من يده وتقربت
يمه وحجيت بنفس طريقته
ساره:::واني اذا اريد انتقم انتقم بل
علني أو بل سر
باوعلي وكال
قسور:::: فعلاً صلفه
أخذ ملابس من للكنتور وراح للحمام
رحت لفيت راسي ونمت والله ياالله
أنوب عليه ابو شهاب
///////////////////////////
“”” نور””””
نور…….
كلبي يدگ بقوة
احس نفسي مسموع
اگل بضافيري واعضعض بشفايفي
من الخوف راسي موتني من الالم تعبانه
حيل احس مالي خلك بكلشي گعدت
عله القنفه خليت راسي عله يد القنفه
غمضت عيوني رحت بنوم…..
بس بين النايمه والگاعده احس
شخص غطاني وشال گذلتي من
عيوني بطبيعتي نومي كلش خفيفه
گبل فزيت ودفعت يده
حجيت بدهشه
نور : قتام هاذه انت !
قتام :: اي لعد منو غيري يگدر يدخل أهنأ ؟
سكتتت اطگطگ بصابعي رجع أردف وكال
قتام :: اسف خاف فززتج
نور :: لا عادي
قتام :: ليش مو مبدله كومي بدلي
هزيت براسي وگمت للجنطه فتحتهه
اخذت غسول ودشداشه
رحت الحمام عيونه تترقبني وين
ما اروح يباوعلي أحسه يريد ياكلني بعيونه
عفته ورحت للحمام گبل فتحت شعري
غسلت وجهي بل غسول وفتت سبحت
خلصت نشفت شعري عفته مفتوح ولبست الدشادشه وطلعت من الحمام لگيته
مبدل ومخلص وگاعد يلعب بتلفونه
بس طلعت رفع رأسه شافني
طفه الفون وكال
قتام::: تعالي نور اكلي
نور :: لا ماشتهي
قتام : ميصير تعالي اكلي
نور :: صدگني ماشتهي شكرا
گام من مكانه تقرب لزم يدي
وگعدني عل چربايه وگعد كبالي واردف
قتام :: نور اني اعرف بشنو مريتي انتي
واخواتج من جدتي گالتلي راح ازوجكم
من حفيدات نوريه كلشي عرفت وفهمت
ومن شفتج بل خطوبه وشلون ضايجه
اتاكدت انو حته انتن مغصوبات عل زواج
لزم اديه ثنينهن ورجع كمل
قتام :: صدگيني راح اكون الج اب واخ
وصديق وزوج واذا تردين اكون الج ام
اني حاضر راح اخليج بعيوني وحگ
سبع الكنطره وخذيهه من هل شارب
دنگت راسي وبدون شعور نزلت
دموعي كلامه اثر بيه اهواي اول
مره واحد يحن عليه بعد امي والبنات
من شافني ابجي تقرب وسحبني الحضنه
يهدي بيه
گمشت دشداشته حيل وخليت ايدي
ورة ضهره حضني أكثر يمسح عله راسي
وخرني من حضنه مسح دموعي وكال
قتام :: خلص هاي العيون الحلوة بعد
ماريدنهه تبچي
صفنت بوجه تفاحه ادم تنزل
وتصعد صفن عينه عله شفايفي
بلع ريگ وتقرب أخذ شفايفه
بين شفايفي وو………
////////////////////////////
“”هاله”””
گاعده وحدي بل غرفه اتصفن وافكر
واكول لو هاشميه ماجت علينه ولا
درينه عدنه ولد عم ولا درينه جدي
متزوج شنو راح يصير وين راح نكون هسه …..
واني دافكر ماحس اله ندفرت الباب
مال الغرفه وطب ليث
اول ماباوعلي عگد حواجبه وگال
ليث :: انت شسوين أهنأ
هاله : شنو شسوي أهنأ هاي مو غرفتك
ليث :: اي غرفتي
سكت وبعدها صفن وكآنو تذكر شي
ماحس اله طگههه بضحكه
ليث :: ههههههههههههههه
يااا نسيت انت الي تزوجتج
وكعد يضحك من كل عقله هاذه شنو
مخبلل بي شي
هاله : وليش داتضحك
ليث :: مو نسيت انت الي اهلج غصبوج
تتزوجيني ههههه تدرين يعني شنووو
اهلجن كلجن انطوجن بدال الفلوس
ههههههههه
كلامه أحسه سجاجين وطب بكلبي
تمنيت يمي ساره وترد عليه
تمنيت يمي نور تحضني وتمسح عله
شعري
تمنيت يمي ايلين بدال ماتسكتني
تگعدل تبجي وياي
رجع كال
ليث :: تدرين شنو تره اني من زوجتج
زوجتج لان عطفت عليج لا اكثر ولا اقل
اصلا مايهم لان عن قريب راح اطلگج واخذي ريهامي
هاله : ريهامك ؟؟!
ليث :: اي ريهامي واگولهه بياء التملك
بعد شوفي لج من هسه احجيهه اني
مالي شغل بيج بس بل اسم مرتي تجين
أهنأ تسبحين وتبدلين وتنطمرين بل
گاع فههمتيي اني احب ريهام بس
ريهام بگلبي ومستحيل اخونهه
لو اتقرب لو حده غيرهااا فهمتي
لج انت تروحيلههه فدوة
وميحتاجج بعد اعيد كلامي ….
أخذ ملابس وراح للحمام بقيت مصطكه
بمكاني تمشيت بيه مابيه اللقنفه
وگعدت رفعت راسي وگلت
ياربي ليش هيج اني شمسويه بحياتي
حته هيج جاي تعاقبني ماعصيتك
فديوم ولا قصرت بصلاتي ولا ضلمت
أحد من عبادك عشت طول عمري مسالمه
مالي شغل باي أحد شنو احجي شنو اگول
فوگ ضيم اهلي انوب اجاني ليث ريهامه !!!!! طلع يحب واني لعد المن تزوجني اذا هلكد
يحبهه وين اروح وين أولي ياديره تلمني
فزيت عله فتحت الباب ماهتملي ولا كانو
اني موجوده عفته ورحت اخذت ملابس
ورحت للحمام طبيت فتحت شعري وكعدت
جوة الدوش حته مالي خلك امسح الميكب دموعي تخالطت ويه ألمي ضليت تقريبا ساعه صافنه عل حايط وألمي يجري گمت طفيت الدوش لبست ملابسي وشسورت شعري ومشطته ماريد اطلع اريد ابقه أهنأ ماريد اباوعله أو يشوفني احس نفسي بعينه وحده رخيصه بس خلص
الفاس وگع براس ماكو مهرب طلعت لگيته مدد عل چربايه وتليفونه بيده ومدري ويامن يحجي ماحتاجيت افكر اهواي عرفته البنيه الي اسمه “ريهام” لگيت مشموره عله صفحه دوشگ والحاف ومخده فرشتهم بل گاع وتمددت غطيت حته راسي دموعي نزلت اريد امي احتاجهه يمي بچيت وبچيت اخير شي خدر جسمي من البچي ونمت بعد ماحسيت بروحي ……
////////////////////////////////
“””ايلين”””
كلشي بداخلي يصرخ اريد امي
اني بعدني ماشبعت من اهلي لا من
امي ولا ابوي ولا شاه زنان ولا حته
من اخواني اريدهم يمي كاعده بزاويه
الغرفه حاضنه نفسي وابجي من كل كلبي
بچيت كل بچيه حاصرته بكلبي ابجي
لحد مفات حاتم للغرفه طب يدورني.
بعيونه لحد مشافني صفن عليه واجاني
ملهوف
حاتم :: ايلين شبيج ليش كاعده أهنأ
بيج شي يوجعج شي ؟؟
ايلين : لا حباب اريد ماما وينهه فدوة
صيحلي ياهه ابوس ايدك
گومني يمسح بدموعي بيده ويهدي بيه
من شافني ماسكتت وضليت ابجي سحبني
الصدرة يمسح عله شعري راسي صار بصدرة ضميت راسي بصدرة وزدتت بل بجي
بچيت لحد مامليت ابد ماحاچاني
ولا گالي شي عافني ابچي عله راحتي
ولا مل من وگفته وهوة حاضني عله گلبه ….
وخرت من حضنه مسح دموعي وكال
حاتم :: ارتاحيتي هسه
هزيت براسي
رجع أردف
حاتم :: عله شنو تبچين هسه انت عله
امج يأبه والله گل ما تطلبين تروحين
الهه راح اوديج والبنات يمج واني انت
مو وحدج أهنأ
سكتت اهز براسي
حاتم :: يلا روحي ذبي هاذه الفستان
هزيت براسي
ورحت علمود اطلع من الجنطه اريد اشيله
واخليهه عل چربايه ماكو متنشال
باوعتله مبرطمه شفايفي ….
ابتسم واجه شالهه وفتح السحاب وگال
حاتم:::شنو تردين
ايلين :: هاي الدشداشه
انطانياه اجيت اروح للحمام بعدها
تذكرت الفستان من ورة صاير قيطان
مو سحابه
رجعت درت وجهي اباوعله سد الجنطه
وخلاهه بل گاع دار وجه الگاني موجوده
حاتم :: ها شو بعدج أهنأ
بلعت ريگي بلا هسه هاذه شگله
وبكل ثول وغباء بدال ماكوله افتح قيطان الفستان گتله
ايلين :: عادي تنزعني الفستان
سكتت يباوعلي ويرمش
بعدها كال
حاتم :: قصدج افتحلج الفستان ؟؟؟
ايلين :: اي
درت وجهي انطيته ضهري وهوة
وخر شعري من ضهري وكاعد يفتح
القيطان بس خلصهن اريد اروح
ماحس اله ايده صارت عله بطني
احس گلبي وگع بين رجليه
ايده عله بطني وسحبني اله تقرب
وخله رأسه برگبتي يشتم ويبوس
بيهه اريد احجي ماكو تبلعمت ضليت
ابلع بريگي وهوة مستمر بعدما خلص
دارني اله توسلته بعيوني مارد عليه
عيونه صارت حمر تقرب سحب شفايفي بين سنونه خليت ايدي عله صدره امنعه بس مفاد دفعني عل چربايه ووو……….
/////////////////////////////
“”” رحيق “””
لابسه البدله واكفه بنص القاعه
الي مليانه ورد ابيض ولازمه ابيدي
باقه مال ورد ابيض
بعدين گمت امشي وافتر بل قاعه
وبدلتي منفوشه تارسه القاعه
ماحس اله اكو ايد صارت عله
ضهري درت ضهري اشوفه……
شكريه::: لججج رحيقه ولججج گومي
شنوووو ميتههه ولجج يمااااا گومي ساعديني
فتحت عيوني واني منزعجه
كمت واني احجي
رحيق ‘::: اوففففف يماااااا شبيججج
ماخليتيني اكمل حلمي هسه شلون اعرف شكله
شكريه :: ياهوة ولج
رحيق : ها
شكريه:: ياهووو التشوفين شكله
يمصگوعه
رحيق :: الملائكه يمااا اجوني اربعه
ملائكه وكلولي ففزتي بجنه
هستوني اريد اشوف الجنه وانت كعدتيني
شكريه ‘:: دكومي لجج فازت بجنه
هيه كوميي ساعديني
خلت وطلعت گمت غسلت وجهي
وفرشيت اسناني باوعت الساعه 7 اوف
يمه باع بيش الساعه
بدلت ملابسي ولميت شعري وطلعت
ساعدهم بل ريوگ
واني وگاعد اطگ البيض تذكرت
وين اهل البنات رحت ركض وسئلت امي
شكريه::: راحو من الصبح مابقو
زعلت عل بنات لان خطيه ماودعو
اهلهن فزيت من تفكيري عله هلاهل
رحت ارگض وشفت نازلين قتام ونور
لابسين ثتينهم ابيض وجوهمم منورة فدوة يخبلون رحت وباركت الهم ونور خطيه
فرحانه كلش
بعدني مراجعه للمطبخ وشفت
نزلوا هاله وليث ليث مطنگر وهاله
تبتسم مجامله رحت باركت
الهم جاوبتني گوة
راحت وكعدت يم نور
عفتهم ورحت اكمل الريوگ بعدهااا
تقريبا بنص ساعه نزلوا ايلين وحاتم
هم فرحانين وايلين گبل من نزلت
سئلت عن امهه كتلهه راحو برطمت شفايفهه وباوعت الحاتم الي. تقرب وحضنه
وماعرف شنو همس الهه وهيه هزت براسهااا
رحت رجعت كملت الريوگ ويه العاملات وخلينا. عل طاوله نزل قسور وحده
سئلته امي وين ساره وجاوب
قسور :: نايمه خطيه وماحبيت اگعدهاا
نجمعو كلهم عل سفره بعدنه ماحاطين الگمه بحلگنه وجان طب “ريماس”
كلهاا انصدمت من. وجودها هسه
وبيناتنه راحت طبت وراحت گبل
عله قسور وهيه دگول
ريماس :: قسور صدگ تزوجت!؟
قسور: وانت شعليج
ريماس : شنو شعليه تحجي صدك قسور
راحت گبل عله امي وهيه تحجي
ريماس : عمه صدك الحجي الي سمعته
قسور تزوج
شكريه :: اي حبيبتي تزوج
دارت وجهه وهيه تصيح بعلو صوتههه
ريماس:::وينههه هاي الي. فضلتهه
عليه وينههه
عله. صياحهه نزلت ساره من فوگ الي
جانت. طالعه جنه اميره
فستان رصاصي بي لمعه خفيفه من جوه كلوشه شعرهااا فاتحه عله طوله ومكياج خفيف
اول منزلت من الدرج كالت ريماس
ريماس ؛: حلوووو هيه هاي مرتك
تحجي وتاشر عله ساره
باوعتلهه ساره وعگدت حواجبهه
باستغراب وگالت اله
ساره :: اي اني زوجته ليش منو انت ؟؟
مدت أيدها ريماس بطريقه السلام
وگالت
ريماس ::: خطيبته !!!!!!!
يتبعععععع………
الفصل التالي اضغط هنا
يتبع.. (رواية تجبر أبناء العم) اضغط على اسم الرواية لتجد الفهرس كاملاً بجميع الفصول.