رواية تجبر أبناء العم – الفصل السابع
///////////////////////////////////
“”” ساره”””
نايمه وفزيت عله اصوات عاليه
جوة بس گمت لگيت قسور جاي
يلبس بنعاله ( تكرمون )
كمت وكتله
ساره :: شديصير جوة شنو هاذه الصوت ؟؟
قسور :: مادري هسه نازل اشوف شنو
گمت وياااا بعدني مطالعه ماحس اله
لزمني من ايدي وگال
قسور :: هاي شنو
ساره :: هاي شنو
قسور :: لج تردين تنزلين هيج جوة بهاي الدشداشه المشلتحه وكفشتج ناثرتهااا
ساره :: هاي شبيك خل ننزل نشوف
شكو جوة هوة منو ينتبه عليه !؟
قسور :: اي منو ينتبه عليج شكلج يجيب
التايه امشي تذبيهه لو تلبسين شي
فوگاهاااا ولبسي شال يلا
سكتت ورحت لبسيت روب فوگاها
وخليت شال عله راسي
يلا خلاني انزل نزلنه وچان نشوف الدنيه محترگه ……
قتام واكف وباسم واكف گدامه ويحجي
غازي :: ولككككك ماتستحييي تتحارش
بنت عمككك
قتام :: عمي بيش تريدني احلفلك
مامسويلههه شيبيي
هاشم :: ولككك قصدكك بنتي تجذب
يااا طايح الحض تفووو عليكك وعله
تربيتك يا ساقط
بس العتب مو عليك العتب عله ابوك
الي كبر راسك
غازي :: احترم اني اخوك الجبيررر
واكف كدامي وتحجي عله تربيتي
هاشم :: لا اخوييي الچبير ولا بطيخ
تريدني اسمع ابنك متحارش بنتي
واسكت والله اخوي الچبير
ربيهم بدال ماتكبر براسهم
قسور :: تراااا ساكتتت لان انت عمي
لا تخليني انسه انت عميي واسوي شي. مايعجبككك
غازي :: قسورررر
كامل :: گولو يا الله ياجماعه يجوز
مفتهمين غلط عمي ابو اروى عل كيفك
ليث :: اي اگص ايدي منااا اذا ما طلعت
هيه وامهااا ورة الموضوع
رجعت سماح تحجي وتصيح
سماح::؛ ايييييي بعددد اگتلووو العمكم
اگتلوووو ولججج يماااا الحگيلي
5 ذيابه عله رجلي الوحيد يبوووو
شفتتت شفتتت هاشم كم مرة گتلكك
ذوله يكرهوك مايحبوكك بعد بعد تعالو
اكتلووو واكتلوني وياااا
رحيق ::: بابا والله شاهندا چذابه
انييي شفتههه بعيني هيه واكفه گبال
قتام وتسوي حركات وتتقرب منا
وحگ علي مداچذب
سماح :: اسكتي لجج العانس تچذبين
بنتي عينك عينك والله ياالله انوب
عليه العانس
عاط عليهم عمو غازي وگال
غازي :: كافيييي عاددد شاهنداا تعالي
عمووو احجي شنو صار؟
شاهندا:: عمو چنت واكفه وو
هستوهه تريد تكمل وسمعناا ضربت
عوچيه درت وجهي لكيته بيبي واكفه
كلها سكتت بعد محد حچه باوعت عليهم
. واحد واحد
واردفت
هاشميه :: ها يولد بعدني مامتت وتعاركتو
لعد لو اموت شسون أضن من الصبح
تتكافشون وتبيعون البيت موو؟؟
غازي:: يمااا عمرج طويل بس
هاشميه ::: تلصمممم وصوت ماسمعلكك
قتام وشاهندا ورحيق تعالو وياي
قسور جده انت هم تعال
أخذتهم وراحت رحت گعدت يم نور
الي چانت كاعده عل تخم وساكته
ماحچت أو أدخلت بحرف واحد……..
ساره :: نور حبيبتي لا تزعلين تراا واضح
قتام مو مال هاي السوالف
نور :: ادري والله اني ثاقه كلش بقتام
واعرف هوة مادخله بس شاهندا شنو
تستفاد من تسوي هيج ؟؟؟
ساره :: الله اعلم !
ايلين :: بنات تتوقعون شراح يصير
هاله :: ماعرف بس تراا رحيق گالت
شفتهم وهيه تقربت علي وتراا
واضح رحيق متچذب
ايلين :: انت مشفتي سماح شلون گامت
تهلهل علينا تهلهل
سكتنه من أجت ايه وهيه دكول
ايه :: بنات شنو صاير جنت أسبح بسيوفي ؟
هاله :: كولي شنو الماصار
عگدت حواجبهه باستغراب گعدت
يمنه وگعدن ايلين وهاله يسردلهه
وهيه فاتحه حلگهه
////////////////////////////////
“””رحيق”””
خذتنا بيبي لغرفتهااا طبت وگعدت
عله الكرسي مالتهه وگالت
هاشميه : شاهندا احجي شنو صار ؟
شاهندا:: بيبي چنت واكفه داسوي چاي
الامي و هوة طب من براا وگام يحجي
وياي ويگول اني ما مرتاح ويه نور واني
چنتت رايدج انوب گام يتقرب مني ومن
مانطيته مجال گام يتمادى أكثر واكثر
قتام :: جده وسبع الكنطره چذابه هيه
تعرفيني اني مومال هاي السوالف
والگم ياعالممم ياناسس راح اصيررر
اب اني لو اريدهااا چا خذتهااا
من البدايه مو هسه بعد مازوجت
ومرتي حامل !!!
رحيق :: بيبي اني شفتهااا بعيني هيه
گامت تتقرب من قتام والله
سكتت بيبي تباوع النه وقسور مخلي
يدي وره ضهرة ومزغر عيونه يباوع
عله شاهندا
گالت بيبي
هاشميه :: عجل تحلفون عل قران الكريم گدام الكل ……
//////////////////////////////////////
“”” ساره “”””
بعدنا واكفين وطلعت بيبي ووياهاا
قسور وقتام ورحيق وشاهندا
رحت يم قسور وگتله
ساره :: شراح يصير
قسور : هسه تعرفيني
تقرب مني ولزم يدي حيل
ساره :: هاي شبيك هد ايدي هدهه
قسور :: اشش
هستوني اريد اهلهل عليه واعرس عليه
وارزله ذيج الرزاله الناشفه
بس التفتت عله صوت بيبي وهيه دگول
هاشميه :: شكريه يما جيبي القران الكريم…
راحت عمتي شكريه وجابت القران
گالت بيبي
هاشميه :: طاهرين ؟
هز رأسه قتام و قبل لا تحجي شي
شاهندا اجت امها وگالت
سماح :: ميصير بنتي تحلف
هاشميه : ليش ؟
باوعت عله بتهااا وگالت
سماح :: لان عدهاا عذر شرعي
سكتتت بيبي مزغره عيونهااا تباوع
الهاا بعدم تصديق
كال عمي غازي
غازي:: اذآ ميصير نخليهاا تحلف يمه
من رخصت امي اريد اگول شي
هاشميه :: شعندك احجي ؟
غازي:: أضن السالفه ماتت بگاعهاا مو هيج يمااا
هاشم :: غازي انت شكاعد تكول شنو ماتت بگاعهااا يتحارشون بنتي واسكت تريدني ؟؟؟
قتام::: اگلك هوةة منو متحارش بتكككك
لا تخلونييييي اهج حتى من البيتتت
گتلكككمممم مامتحارش لو اله اگلكم
بتكم ماعدهاااا تربيه واخلاققق
هاشم ::: قتاممممم احترم نفسكككك تشكك
بتربيه بنتي كدامييي
جعفر ::: هاشم اني ثاق بابني كلش زين وانت بذات تعرفه ولدي كلهم ماعدهم هاي السوالف صارلهم دهر عايشين سوى ولدي كلهم عزابيه چانوو ليش ماتحارشووو بيهن لو اله من زوجوو
حاتم ::: عمي اعصابك
كامل :: هسه يجوز شاهندا فهمت غلط اهدو
كلشي ينحل بتفاهم
هاشم ::: ماكوووو شي ينحل بتفاهم هلمرةةة يتحارش بس المره الجايه الله اعلم شيسويي
قتاممم ::؛ اگله ثور يگلي احلبووو يولييييي مامتحارش بأحد اني يا طرگاعه السوده
قسور :: عميييي ترااا انت جاي تكبررر بكلامكك اهوايه ساكت لان جدتي وأبوي وعمي واكفين فهمتتت
غازي :: قسوررررر
قسور :: عميييي ماتشوفووو شلون يكبر
بكلامووو
وصار بينهم حرفيااا نقاشات حاده كلش
شي تكبس وشي ترفع اخير شي مانحس
اله بييبي داخت وگعت
كلهم رگضو الهه وبسرعه صاحح قسوررر
قسور ::: سارهه سويج السياره بسرعه
رحت اركض فوككك جبت السويج
والمحفضه انطيتهم اله وطلعو شايلينهه
هاشم وقتام وحاتم وليث وغازي وعمو جعفر. طلعووو وراهم راحت تركض عمتي شكريه هيه وعبايتهااا شغل سياراتهم وطلعووو اللمستشفى …
نور :؛ صخام بعيني راحت بيبي
ايه :: يمعودخ اسكتي لا تفاولين عليهاا
بعدين تعالي اكعدي مو زين عليج بعدج
بدايه حملج
هاله :: شبيهااا شنو صار عود ليش داخت
ساره ‘: ماعرف يمكن هبط الضغط
ايلين :: بنات راح اصعد فوگ اصليلهه وأقره
قران وادعيلها
هزيت براسي وراحت تركض صعدت
فوگ وايه اخذت هاله ونور وگعدن بصاله
وعمتي نبراس هم كاعده يمهن
سماح من شافت الوضع شلون صار
اخذت بناتهااا وراحن لغرفهن
گمت ادور عله رحيق ماكوو ضليت ادور
عليها اخير شي صعدت الغرفتهاا لگيتهاا
گاعده وبيدها تليفونهااا وتبچي
وتشهگ
رحت يمهااا وگتلهاا
ساره ‘:: رحيق شبيج حبيبتي ليش تبچين
رحيق :: وليد عافني ساره !!!!
رحيق : وليد عافني ساره !
ضليت صافنه بوجهه
ساره : منو وليد ؟
رحيق : وليد روحي من الدنيا والله
احبه واموت عليه عافني ساره عافني
راح يروح الغيري مالي حض بكلشي
حته الاحبه مايريدني. !!
ضلت تلطم عله رجلهه حيل
كضيت يديهه امنعهه بس ماكو ولا عله بالك
ساره : ولج فهمينيي منووو وليد خل
افتهم گومي وياي گومي غسلي
اخذتهه للحمام وغسلت وجهه
ورجعتهه للغرفه گعدتهه عله القنفه
ورحت صبيت الهه مي وانطيته تشرب
يدهه ترجف
ساره : حبيبتي رحيق گوليلي منو وليد ؟
رحيق : وليد يصير ابن خال امي بس
هوة زغير مو چبير تعرفت عليه من صار
عرس أخته رحنه وشفته اهناك بوكتهه
چان عمري بس 18 سنه ماانكر ماحبيته
بل بدايه بس هوة طبلي خاص عله الانستا
وگالي اني حبيتچ ماهتميتله بل بدايه بس
بعدين صار يحجي وياي اهوي يطمن عليه احتاجيت هيج شخص بحياتي لان حسيت من صدگ يحبني كبرت وكبر حبي اله يوميه احجي
ويا تعلقت بي ادري ميصير وحرام بس حبيته شسوي الحب من الله يجي وهسه دازلي رساله يگلي امي راح تخطبلي وانت سمعت بيج سجاد خطبج خل كل واحد يشوف حياته ساره اني ماكدر بدونه والله ماكدررر
ساره: حضنتهه تبجي من كل كلبهه
وخرت من حضني وگالت
رحيق :: عود ليش لي يحب من صدگ
هيج يصير بي والله حبيته حب صادق
ليش هيج مالي حض ربيييي وگلبي شلون
أطلعه من كلبي ربيييي عينك عليه ربيي خليت
حبه بكلبي وانوب عافني ليش
ساره :: باعي رحيق دائما خلي بالج مو
كلشي نريده نحصل عليه اكو اشياء نحبه
ونريدهه ونسوي كلشي علمود تصير
من نصيبنه بس رب العالمين يكون
اله رئي اخر
بسم الله الرحمن الرحيم
قال تعالى
” وقل مايصيبنا إلا ما كتب الله لنا”
ساره::انت مؤمنه والمؤمن مبتلى الله كريم صدگيني رب العالمين راح يعوضج كلشي
بدنيه وكلشي يصير ويانه رب العالمين
اله بي حكمه
اباوع لها بس دموعهاا تنزل
كالت
رحيق :: ساره اني بس
سكتت صفنت وكانو تذكرت شي
وبعدها كالت بدهشه
رحيق :: صوري ساره اني دازتله صوري بلا حجاب !!!
يتبعععععع………
الفصل التالي اضغط هنا
يتبع.. (رواية تجبر أبناء العم) اضغط على اسم الرواية لتجد الفهرس كاملاً بجميع الفصول.