رواية بريئه بين قيود مجرم – الفصل الرابع والتسعون
بريئه بين قيود مجرم
***************************************
نور….
كاعده بالغرفه وصافنه بالفراغ وكفت ورحت عالمرايه اباوع على روحي لابسه تراك اسود وشعري مفلول وعيوني مورمه وحمر ورحت يم الباب اضربه واصيح
نور… افتتتتحلييييي البابببب افتتتتحههههههه اوووووففففففففف
ورحت للجربايه وكعدت ابجي وايدي على وجهي ودموعي ماتوكف صار يومين حابسني بهاي الغرفه وفجاه انفتح الباب ودخلت ميار شايله بيدها اكل رمته عالميز واجت كعدت يمي وسمدت ايدها على كتفي وكالت
ميار…. يلا حبيبتي اكلي
نور…. لا انتوا مااااتفهمووووونييييييييييي
ورحت واخذت كلاص الماي وذبيه عالحايط بكل قوتي وصيحت شويه وطك حنجرتي وكلت
نور…… مااااااااااررررررررررررريييييييددد مااااااارررررررييييييد منكممممممم شييييييييييي
ميار… بس اسمعيني
نور…ماااررريييد اسمععع شييييي طلعوووتي طلعونييييي مااااررررريييد ابقى هناااااا
ميار…… ماكدر اطلعج نور الله يخليج لاتضغطين على نفسج هيج
ودخل هوه وكال
علي الاكبر…. تريدين تطلعين؟
نور… اي
علي الاكبر…. تعالي اشوفج اول شي وبعدين روحي وين ماتردين ميار جهزيها
وراح طلع وهيه طلعت عبايه ولبستها وخلت الشال على راسي واني مستغربه وكلت
نور…. وين يريد بيه
ميار… مادري حبيبتي يلا تعالي ياروحي انتي
ولزمتني من ايدي واخذتني وطلعنا بره للحوش الجبير وانصدم واني اشوف ياسين وعامر وخالد ويسار واحمد وانور وجاسم كلهم وكاعدين بالكاع وادينهم مربطه وهوه اجى وكف يمي وكال
علي الاكبر… شفتي كلتلج اني اذا مااجمعهم كلهم وروسهم مربطه وهيانهم كلهم يمج
نزلت دموعي اكثر وجاسم يباوعلي بحسره وكال
جاسم… ماكدرت احميجن اني اسف حبيبتي
نور…. لا لا الله يخليك عووفهم لااا الله يخليك
علي الاكبر…. مكانهم السجن وانحكم على عمامج ابدي وعلى اخوانج 15سنه
هزيت راسي ومصدومه وكلت
نور…. لا لا
ميار…. اهدي حبيبتي
وفجاه دخل عمر وهاله اجت بسرعه عليه وحضنتني وشافتهم وكالت
هاله…. جاااااسم انورررررر
واجى عمر عليه ولزم ايده وهيه صارت تبجي وتباوعلهم واني عيوني عليهم ودموعي تجري وهمه يباوعولنه وبعيونهم حجي هوايه رجعت ورحت ركض ابجي وميار اجت ورايه طلعت خارج البيت وكعد رجلي صارت ماتحملني بقيت ابجي واجت ميار لزمتني وكعدت وحضنتني سندت راسي على كتفه وابجي وفجاه دخلن حور وميرال واجن بسرعه اليه
حور… نور نور شبيج ها نور انتي زينه
ميرال… نور احجي شي انتي زينه نوررر
واهز براسي انفي هذا الشي ودموعي تجري وصيحت وكلت
نور…. سجنووووووهمممممم سجنوووووهممممم……..
………………………………………….
بعد مرور اسبوعين
(النجف الساعه العاشره صباحا)
نسرين… نور يلا حبيبتي كومي
هاله… شوفي نور شرايج اسويلج الاكله التحبينها
حور…. اذا تريدين نطلع نفتر ها شكلتي
ميرال… زين شرايج نشوف المسلسل التحبينه
براء…. نور ليش مانكعد بالحديقه ونحجي مو تحبين ها؟
متمدده عالجربايه وصافنه بالفراغ عيشها بصدمه وماتحجي النا شصار وياهه حتى هيج تغيرت وصارت جسد بلا روح
نسرين…. نور صدكيني ماراح اسوي اي شي اذا انتي ماموجوده
وهيه كعدت وكالت بهدوء
نور… ماليه نفس الكلشي صدكيني
نسرين…. اني هم كلشي مااسوي لان انتي ماتجين بطلت راح اجل عرسي
نور… لاتاجلينه علمودي صدكيني مااكدر ولله تعبانه
هاله…. نور راح يطلعون لاتخافين
نور… اعرف وكلش فرحانه بس تعبانه
براء… ماراح تحجيلنا
نور… ماكدر ماريد اتذكر اي شي
ليام…. اذاج بشي؟
نور… لا
ليام….. راح يطلعون لاتخافين
نور…. ان شاء الله
نسرين…. راح تجين
نور… ماك..
هاله… عادي حبيبتي انتي براحتج
أيه…. جوعانه نسويلج شي تاكلينه
نور… لا مااشتهي شي ولله
نسرين… تمام حبيبتي شنو تحبين نسوي
نور… اريد انام لان تعبانه
نسرين… تمام حبيبتي
ورحنا طلعنا وخليناهه وحده ورحنا كعدنا بالصاله سندت ايدي على فكي وكلت
نسرين… ماراح ترضه
هاله… بسسس لوووو اعررررف شمسووويله وهييييج تغييييرت اوووف
ليام… تغيرت كل…
ماكملت كلامه وراحت ركض لحكناهه خايفات وراحت للحمام تتقيئ
حور… شبيج حبيبتي هاي خامس مره هيج يصيرلج
ميرال… ليام
وهيه طلعت لازمه بطنها وكالت
ليام…. اليوم ماعرف شبيه تعبانه كلش وبس اتقيئ
أيه…. لججج خاااف حااامل
ليام… لا مامعقوله
أيه… لا حامل اكيييد
حور… خلي تسوي اختبار ونشوف
هاله…. ياااا يلا بسرررعه
حور… اروح اجيب
ميرال…. اجي وياج
وراحن بسرعه طلعن وسدن الباب ورحنا للصاله وكعدنا بالصاله ننتضر وليام احسها متوتره وايدها على كلبها وكلت
نسرين…. ليام شبيج
ليام… بنات ماريد
هاله…. يااا شبيييج ليييش
ليام… ماريد اصير حامل وهوه بالسجن حبيت يعرف هوه الاول
نسرين…. لا لاتحجين هيج ان شاء الله حامل
وانفتح الباب ودخلن حور وميرال
هاله…. شبسرعه
أيه…. يلا يلا بسرعه
واخذت الاختبار وراحت للحمامات وبقينا ننتضرها لحد ماطلعت وتباوع الوجهنا
هاله….. ها؟
نسرين…. شطلع
ليام…. انييييييي حااااامل
وصارت تكمز وتصفك وحضناهه بسرعه فرحانات وياهه
أيه…. لاتكمزييين ولجج لاتكمزييين
ليام… تمام تمام
هاله…. خلي نكول ال نوررر يلااا
ليام… يلا بسرعه
ورادت تركض ولزمتها من ايدها وكالت
أيه…. لاتركضييين ولج
ليام… بعددنا من البدايه
أيه…. حتى لو اهم شي مايتعب حبيب خالته يلا
ومشتها بطيئ ورحنا صعدنا فوك وفتحنه الباب وهيه فاتحه عيونه وصافنه بالفراغ ورحناله بسرعه وهيه كعدت
ليام…. نونه
نور… ها حبيبتي
ليام… اني حامل
وهيه ابتسمت وضحكت وكفت وحضنتها بقوه وكالت
نور… صدددك حااامل
ليام…. اي اي
ونور صارت تكمز وتصفك بيدها فرحانه
هاله… الحمدلله ليام حامل ونور ضحكت واخيرا
نور…. يمه الحمدلله الحمدلله اكيد جاسم راح يتونس بس يعرف
ليام…. اي اي
نور…. نسرين ابدي بتجهيزات عرسج
نسرين.. صددك
نور….. اي اي ونروح نزور جاسم هم ونكوله تمام
نسرين… تمام حبيبتي
نور… خلي نروح هسه نبدي بتجهيزاتج
هاله…. يلا خلي نروح
وراحت وطلعت ملابس ودخلت للحمام باوعت عليهن وضحكنا وكلت
نسرين…. رجعت نور القديمه
هاله…. الحمدلله ياربي
حور…. الحمدلله
ميرال… يلا ولجن
ورحنا طلعنا ملابسنا وبعد وقت خلصنا ونزلنا جوه واتصلت على اركان واجى واخذنا للسوك واشترينا ملابس هوايه وفساتين وكلشي نحتاجه اشترينا بالكامل ورجعنا للبيت دخلنه الاغراض وكعدنا بالصاله وحور جابت الاكل اشتريناه وحهزت كلشي وكعدنا ناكل ونحجي
حور… اخخ لو ليام من قبل حملتي جان احسن الحمدلله رجعتلنا نور
نور… ياا شبيكم
براء… ولله جنتي كلش تعبانه
نور…. بس مريت بفتره صدمه المروا بي جاسم وانور بس اكيد هذا الحمل راح يفرح جاسم
ليام…. شحده مايفرح غير طفله
حور…. ههههههههه من هسه مسيطره
ليام…. طبعا هههههههههههه
ميرال…. اي نسرينو احجيلنا
نسرين… شنو؟
ميرال…. اخبار الحب
نسرين…. يااااا اسكتي
نور… هههههههههههههههههههه احجيلها يلا
نسرين…. مستحيييل اشش يلا خلي نروح نام
نور…. مايصير تنامين انتي عاروس
نسرين…. ياااااا
هاله… مثلي خليتني واني ضليت كاعده
أيه… صح صح من هذا الصبح نكعدج وانتي خلوني خمس دقايق خمس دقايق
هاله… نشوووفج من تعرسين
براء…. اخووويه ينتضررر
أيه…. امممممم
حور… لحضضضهههه خلي استوعب
ميرال…. يمممه
حور…. ماااعااارضت مثل كل مره
نور…. ها أيه ها
أيه… شكو؟ شسويت
براء…. توافقين على اخويه
أيه…. اممم افكر
حور…. وربي حابته
أيه… لااا يعنيييي ءءءءءء
براء…. عررررفناااا وربيييييي عرررفنا هههههههههه
أيه… لاااا مااحبه وهوه يحب غيري اصلا
حور…. شمدددرررريييج هاا شمدرررريج يحببب غييييرج هااااااا
أيه…. هااا ءءءء هييييج مادري عوفوني اروح انام
حور… اليوم الا تحجيييلييييي
براء… مااايحب غيييرها حتى كرم دائما يسألنيييي علييييهااااا
أيه…. صدددك شيكووول هااا
براء… هههههههههههههههه
نور… ودكول ماحبه يممه شوكت حبيتي اعترفي ها ولج
أيه… مم ماكوا شي
حور… صح صح
نسرين… عوفنها كافي
أيه… يمه اروحلج فدوهه
واجت حضنتني وبادلتها وبقينا نحجي ورحنا صعدنا فوك ونمنا….
…………………………………
هاله…. كعدت باوعت الساعه 12 متاخرين للصالون وباوعت البنات نايمات ونسرين ماكوا عرفت رايحه للصالون بس ليش ماكعدتنا ونزلت جوه احضر شي ناكله ودك موبايلي وجان عمر جاوبته
هاله… حبيبي
عمر… حبيبت گلبي شلونها
هاله… الحمدلله وانت شلونك شتسوي؟
عمر…. طلعت بشغل وهسه انا يم الاكبر
هاله…ها تعال من وكت لان اليوم العرس لاتنسى
عمر… لا ماانسى وحتى قنعت الاكبر يجي
هاله… ها ءءء تمام
عمر… شبيج حبيبي
هاله… نور راح تجي هم قنعتها
عمر…. اي زين خلي يلينون شويه
هاله… ولله اذا عرفت شسوي عود
عمر… انا ادبرنها حبيبي
هاله… تمام حبيبي
سمعت صوت باوعت وشفتها نور وسديت الخط وكلت
هاله… ها حبيبتي جوعانه
نور… اي ولله خلي اسويلي شي
هاله… لاا انتي ارتاحي اني اسويلج
ورحت للثلاجه وهيه اجت ولزمت ايدي وكالت
نور… هاله اني زينه مابيه شي حتى ارتاح
هاله… اعرف حبيبتي بس
نور… مايحتاج حبيبتي اني اسويلكم الاكل تمام
هاله… بس
نور… تماام
هاله… تمام
ورحت صعدت فوك وكعدت البنات ورتبت الغرفه وهنه صارن يتجهزن ونزلن وكعدنا ناكل وخلصنا وشلنا المواعين وغسلتهم حور ونضفنا البيت ومر وقت صعدت فوك طلعت فستاني اجهزه وطلعت كل اغراضي وكعدت اسرح شعري واجهز نفسي لبست فستان ازرك طويل حبري كلش حلو طلعت براء لابسه فستان وردي طويل يجنن عليها وحور فستان احمر يجنن وميرال فستان سمائي وأيه لبست فستان اخضر كلش حلو عليها وليام لبست فستان نيلي وطلعت نور لابسه فستان اسود كلش حلو عليها مو كلش طويل مابي اكمام وبي لمع مع تسريحت شعرها ومكياجها وحمرتها الحمره كلش حلوه طالعه
نور.. شلون طالعه؟
هاله…. تخبلين حبيبتي
حور…. هنييياله ولله
ميرال… احمممم
حور…. ءءء اقصد غير شي
نور…. مو مشكله يلا
وطلعنا خارج البيت واجى غيث ونزل وكال
غيث…. حووووريييااات شنو هالجمااااال
حور…. شكرا
غيث… بويه ونوب تتكبر علينا يلا عيني مريه اخويه شلونها
ويباوع على نور وهيه بقت ساكته وهزت راسه وحور خزرته وكالت
حور… ممكن تسكت شويه بس شويه
غيث… يابه شكلنا هسسسه يلا عيني
ورحنا صعدنا كلنا
أيه… وحده تصعد كدام
ميرال…. نور؟ حرره؟
غيث…. شنووو سااايقجن وحده هنا يلا
حور… اني راح اصعد بس اذا سقت سريع اصيح
غيث….. لا لا مانسوق لاتخافين
وراحت صعدت وساق وصلنا للقاعه بعد طريق ودخلنا ورحت ادور بعيوني على عمر وشفته كاعد مع علي الاكبر ورحتله وكعدت بسده
عمر… شلونها حبيبتي
هاله… الحمدلله وانت
عمر…. الحمدلله شنو وين البقيه
هاله…. هياتهم
ودخلن ميرال وحور وأيه واجن كعدن استغربت نور وينها وصرت التفت بعيوني ادورلها
عمر…. شدورين؟
هاله… نور ماكوا؟
حور…. هياته اجت
باوعت عالباب وشفتها دخلت والتفت وشفته يباوعلها وعيونه ماغابت ولا لحضه عنها وهيه دخلت وشافتني واجت يمي مامنتبه الوجوده وكالت
نور…. ليش عفتيني ها؟
هاله… ياحبيبتي اسفه
وهيه لفت راسه وشافته وكعدت بسدي ولزمت ايدي وكرصتها عرفت قصدها وكلت بهمس
هاله…. هم اسفه
نور… اني الج
هاله… ولله اسفه
وبقينا كاعدات واباوعلها عينها تتلفت الكل مكان الا عليه وهوه يباوعلها من وكت مادخلت وكلب عيونه ولزم موبايله بقيت هيج اباوعلهم وعمر همسلي
عمر…. يمكن ماترهم
هاله… مستحيل ترهم
نور… اني رايحه
هاله… وين رايحه
نور…مااطول
هاله…. تمام حبيبتي
وراحت وهوه عيونه عليها لحد مااختفت من انضاره والتفت على عمر مثل المعصب وعمر يباوعلي وحابس الضحكه
هاله…. اني وياك لازم نصير فاعل خير الهم
عمر… هسه هوه يريد واحد يضربنه بوكس على وجه حتى يريح نفسه
هاله…. يااا هههههههههههههه هذا اليحاجي اختي هيج يصير بي هههههههه
عمر…. واني هم ماقبل على اخويه
هاله… عمر ويايه لو وياا ها
عمر… ها؟
هاله… شنو؟
عمر… وياج
هاله… تمام
التفت وشفت نور جاي تمشي وتعدل بفستانه واحى شخص وانضرب بيها وجان بيده ماي وكع نصه على فستانه وهيه كالت
نور… انتبببههه
وكفت بسرعه وهوه كاللها
سليم… اني اعتذر كلش اعتذر منج
نور… تمام مو مشكله
ورادت تروح ولزم ايدها وفجاه هوه كال
علي الاكبر…. ومنهووو هذااااا هسه ها؟
عمر… هذا سليم بل ادله
علي الاكبر…. وشنهوووو شغله هنا
حبست ضحكتي بصعوبه وعمر ماتحمل وضحك وهوه يباوعله معصب وشرب ماي دفعه وحده ورجع يباوعلها بهدوء وهيه تحجي ويا وهوه يحاول يعتذر منها….
………………………………….
نور…. لا عادي مو مشكله ماصار شي
سليم… اعتذر مره ثانيه انسه…
نور…. نور
سليم…. تشرفت بيج اني سليم
نور… الي الشرف
ورحت للحمامات ونشفت فستاني وعدلت مكياجي ورجعت كعدت معاهم وهوه جان يباوعلي ويخزر بيه ماهتميت وفجاه انفتح الباب ودخلوا العرسان التمنيتهم اشوفهم سوه وتحققت امنيتي باوعت على نسرين كلش حلوه مثل الملاك وجاي تمشي تخبل كلش صفكولهم كل الموجودين صفكتلهم وراحوا كعدوا وصارت انضارنه عليهم واصوات الاغاني علت كلش ونسرين تضحك فرحانه واركان هم نفس الشي فرحتلهم كلش وفجاه علت صوت الاغاني واركان لزم اي نسرين ونزلوا وسط القاعه وصاروا يركصون على اغنيه
“” ”
جديده عالحب مامجربه…
لاتباوعيلي هيج مستغربه….
جديده عالحب مامجربه…..
لاتباوعيلي هيج مستغربه….
نامي نامي بين حضيني نامي….
ايا عشگي ويا أول غراميي….
“” ”
واركان يفتح ايده يركص ويغنيلها وهيه تركص ويا ورحنا
نركص وهاله لزمت ايدي وصرنا نركص اني وياهه وسحبنا نسرين ويانه وصرنا نركص ونهز وهيه بالوسط تركص كلش حلوه الاجواء جانت وحولوا على ركص ثنائي رجعت المكاني وكعدت وصاروا كل ثنائي يرگصون سويه وكعدت يمي أيه واجى كرم هم كعد وراح فرات على براء وكال
فرات…. اميرتي ام العيون الخضر تسمحيلي بركصه
وهيه باوعت على كره التفت اله يباوع معصب ولازم نفسه مثل المهدده ضحكت وكالت
براء… موافقه
ولزم ايدها وباسه وهوه ضرب الميز واخذها وسط القاعه وصاروا يركصون وعمر وهاله نفس الشي وايد انمدت كدامي باوعت وشفته سليم استغرب وهوه كال
سليم… تقبلين تركصين ويايه
انصدمت عزاااا شراح اسوي هسه وباوعت على علي الاكبر يباوعله وعيونه حمر خفت اكثر وكلت
نور…. اعتذر ماريد
سليم… ولو براحتج
وراح وبقيت كاعده بمكاني وهوه ضرب الميز وكال
علي الاكبر… منين طلعلي هذا همم
نور… عفوا
علي الاكبر… منهو هذا
نور… صديق
علي الاكبر… صديق؟
نور… اي
علي الاكبر…. ومن شوكت هالصداقات صايره
نور… هذا الشي راجع ليه اني الي اقرر
علي الاكبر…. لا مو انتي لاتنسين اني رجلج
نور…. راح نتطلك
علي الاكبر…. ههههههههه مصدكه وتريد تطلك
نور…. اي وانت راح تطلكني
علي الاكبر…. مااطلكك
نور… مو مهم
ورحت مع البنات وخلصنا العرس كله ركص ونسه لحد مارجعنا للبيت تعبانين بدلت وسبحت ونمت…….
………………………………………
بعد مرور تسعه اشهر
النجف الساعه ثانيه عشر مساء
ليام…. يممه بطنيييي
ميرال… نوديج مستشفى؟
حور…. خاف تولدين
ميرال…. لااااا
نور…. يااا
ليام…. يمممههه لا لا ماريد
وفجاه اندك الباب ورحت فتحته وانصدم واني اشوف جاسم وانور واكفين گبالي نفسي وكف والبنات اباعلهم وجاسم وانور مبتسمين
ليام… منو؟
حور… منو ولج؟
واجن وشافنهم وانصدوموا مثلي
نور…. جاااااسممممم انووور
جاسم… اميرتي
يتبع….
///////////////////////////////////////////////////
الفصل التالي اضغط هنا
يتبع.. (رواية بريئه بين قيود مجرم) اضغط على اسم الرواية لتجد الفهرس كاملاً بجميع الفصول.