رواية بريئه بين قيود مجرم – الفصل الثالث والتسعون
بريئه بين قيود مجرم
***************************************
هاله…. شووو روحنن عنيييي عفتني وهسه تريدن آيس كريم
حور… هسه دخلي يجيبلنا وبعدين نراضيج
هاله… لا صدك تراضيني وخري عني
وطفيت الموبايل وغطيت راسي ونمت
حور… هاي نامت
نور…. صددك هاله
براء… زعلتي؟
ابتسمت وغمضت عيوني ونمت بعدها ماحسيت على شي…
كعدت على هزه بجسمي فتحت شفت البنات جاي يكعدني
نور… يلا ولج الساعه عشره بعد ساعتين تروحين للصالون وانتي بعدج نايمه
هاله…. بس شوويه نعسانه
وهنه يحجن استوعبت كلامهن وكعدت بسرعه فاتحه عيوني بصدمه وكلت
هاله…. يااااااااااااااا شلووووون انسى
ورحت بسرعه للحمام وهنه يضحكن سبحت ورطبت جسمي ولبست الخاولي وطلعت انشف بشعري وكلت
هاله… بنات لازم اروح للعنايه وراهه للصالون كلش متأخره ملابسي ياالله ملاابسي
وطلعت قميص بني مع بنطرون ابيض ودخلت الحمام وبدلت وطلعت نشفت شعري وسرحته والبنات ويايه ورحت نزلت جوه انور لازم موبايله وكاعد ينتضرني وكلت
هاله…. يلا انور بسسرررررعه
انور…. ثواني
هاله…. لا ثواني ولا اي شي بس بسرررعه
انور…. حتى انتي مستتعجله خررررب امشييي
وراح طلع وطلعت وراه وصعدت السياره وصلني وسويت العنايه ورحت للصالون وصارت تجهزني…
……………………………………….
نور…. راحت هاله للصالون وبقينا احنه نجهز الفساتين بعد مااجن من الكوي ورحت نزلت جوه نجهز القائمه اني وليام ونزلن البنات وصرنا نتجهز على راحتنه لحد مامرت اربع ساعات وخلصنا كامل
ليام…. حبيبي وينك
جاسم…. اجيت
ونزل جاي يلبس بساعته جان كلش حلو ومرتب ويباوع على ليام لابسه فستان وردي ومسرحه شعرها ومسويته تسريحه كلش حلوه ضل يباوعلها وكلت
نور… ياا راح نتأخررر يلا بعدين عود ضل باوعلها
ضحكت ليام ونزلن براء ونسرين لابسات الفساتين كلش حلوات طالعات ورحت طلعت خارج البيت اشوفهم اذا اجوا وكفن سيارته ونزل منها جان لابس لبس رسمي اسود كلش طالع حلو ويباوعلي تقربلي وكال
علي الاكبر…. ليش طالعه يولي
نور… جنت انتضرك حتى نروح
علي الاكبر…. لاتضلين هنا ماريد احد يشوفج وابتلي اني
نور….. ماشافني احد ولله
علي الاكبر…. شنو جمالج هاا شسوي هسه اني كوليلي وين اضمج من عيونهم
نور…. يااا
علي الاكبر… اي جريها جر واني الواگع بيها
نور… هههههههههههههه
علي الاكبر…. يمه يولو الكرز مالي شلون يضحك
نور…. يمهه وحبيبي شكد حلو طالع
علي الاكبر…. اشتعلوا كون
نور…. ياحبيبي صار مثل غيث
علي الاكبر…. هسه حسيت بشعوره ولله
نور… ههههههه
وتقرب باسني بخدي ونزل على رگبتي ودفعته وكلت
نور… راح نتأخر
علي الاكبر…. خلينا مانروح نبقى هنا
ودخلني جوه وحاصرني وكال
علي الاكبر…. اليوم ترجعين ويايه
نور… اممم
علي الاكبر… تعرفين…
نور… هههه ياا كاااافيييي
علي الاكبر…. خلي هسه نروح مو شفتي اختج واني شفت عمر يلا خلي نرجع وهمه يضلون براحتهم
نور…. لا لا اريد اشوف اختي بل بدله
علي الاكبر…. واني اريد اشوفج شلون
نور… اووييي
علي الاكبر…. يمه يمه لهل لسان الحلوو
حاوطت ايدي على ركبته وهوه حضني بقوه ودفن راسه برگبتي يبوسني وخر وباوعلي وتقرب باسني بشفتي بقوه خنكني بعدت عنه وهوه يباوعلي بكل تمعن وتذكرت العرس وكلت
نور… ياااااا العررررس
علي الاكبر…. ابقي وياي شويه مامرتاح
نور… ليش حبيبي
علي الاكبر…. احس اكوا غدره
نور…. ها؟
علي الاكبر…. اكوا غدره جايتني يولي
نور… لاتخوفني حبيبي صاير شي
علي الاكبر… يمه يولو كلشي ولاتخاف كرزايتي
نور…. اكوا شي صاير احجيلي
علي الاكبر…. ماصاير شي كرز لاتخلين ببالج
نور…. تمام
ولزم ايدي واخذني للسياره وصعدنا وصلنا للقاعه ونزلنا واخذنا مكانه وهوه جان صافن عليه استغربت وكلت
نور…. الاكبر
علي الاكبر…. ياروحه انتي
نور… شبييك ها؟
علي الاكبر…. مابيه شي كرزايه لاتخلين ببالج
نور… لا بيك شي واخلي ببالي
وهوه بقى ساكت يباوعلي انغثيت كلش ليش مايحجيلي ليش باقي ساكت ماعرف ومستمر يباوعلي بنضرات اكلني بيها اكل كلبت عيوني اباوع عالباب انتضر البنات وبعد وقت اجوا ودخلن وراحن كعدن باوعلي ويضحكن ابتسمت الهن والتفت اله يباوعلي نفس النضرات
نور…. ماراح تحجي
علي الاكبر… لا
نور… تمام
وكفت وردت اروح وجرني من ايدي ولزمها توجعت كلش وكال
علي الاكبر… وين تريدين
نور… اروح مع البنات
علي الاكبر… لا ابقي هنا
نور… بس اريد اروح
علي الاكبر… نور كلت ابقي هنا وجر كرسي وكعدني بسده ولزم ايدي قوي وكلت
نور… جاي توجعني ترى شبيك
علي الاكبر…. مو مشكله تحملي
نور… شتحمل علي الاكبر وخررر ايدك
علي الاكبر… نووور كلت اسكتييييي
نور…. اريد ارجع المكاني
علي الاكبر…. لا هنا تبقين احسن
نور… هففففففف
علي الاكبر… لا تتأفأفييين
بقيت ساكته ماريد ازعل بااحلى يوم الاختي ماهتميت اله وبقيت انتضرهم اجوا جاسم وليام وجاسم اشرلي اجي ردت اروح وضغط على ايدي قوي وكلت
نور… آيييي ليش هيييج
علي الاكبر… نووور ماتتحررركييييين افتهمتيييييي
نور…. لاتصيح اشوفه شيريد
علي الاكبر… ماتروحين اششش وابقي هناا
نور…. لا انت اليوم الا بيك شي
علي الاكبر… نوووور
نور… تماام
وسكتت والتفت مااباوع بعيونه مر وقت ومااجوا لزمت موبايلي اشوف بيش الساعه وجره من ايدي قبل لا افتحه وكال
علي الاكبر… شتريدين تسوين ها؟ ليش لزمتييي ها؟ شعنددج؟
نور… هاي شبيك
علي الاكبر…. لاتلفييين الموضوووع شعندددج كلتلج
نور… ماعندي شي اريد اشوف الساعه
علي الاكبر…. اني اشوفها
وفتح موبايلي وضهرت صورتي بالشاشه لابسه فستان احمر قصير مع مكياج وحمره لونها احمر كلش استحيت وهوه بقى يباوع حتى ماكال بيش الساعه وكلت
نور… اررريد الموووبايل انطييينييي يااه يلا
وهوه طفه الموبايل وذبه عالميز قوي وضغط عليه وايده ترجف خفت كلش وهوه بقى ساكت وكلت
نور… ليش هيج جاي تسوووي هاا
حك ارنبه خشمه والتفت ماعرف المن يدور ردت اسحب الموبايل ولزم ايدي وكال
علي الاكبر… عووفي الموووبايل هسه
نور…. كافي!
علي الاكبر… الشنو هممم
نور… التصرررفاااتك مامفهووومه
علي الاكبر… تريدين نتصايح هنا؟
نور….. انت التريد مو اني انطيني موبايلي
علي الاكبر…. ليش شنو البي المهم حتى تضمينه عني هممم؟ بعد اكوا شي ضامته عني وماعرف؟
نور… اني شضاامه عليك ها؟
علي الاكبر…. مدري انتي شدكولين
نور… ماكول شي اني ورايحه
وكمت ورجع لزم ايدي وكلت
نور… عوف ايدي
علي الاكبر…. ليش وين تريدين
نور… اليعجبني
علي الاكبر…. لا مو على كيفج خوش
نور…. خوش
ودفعت ايده ورحت اريد اطلع خارج القاعه ورجع لزمني من ايدي وكلت
نور… عوووفنيي
وهوه جرني ودخلني الغرفه وسد الباب وكال
علي الاكبر…. اني مو كلت ماتروحين
نور… واني كلت اروح
علي الاكبر… مو على كيفج
نور… لا على كيييفي
علي الاكبر…. نوووووور
نور….. الاكبررررررررر
وتقرب عليه رجعت ليوره وكال
علي الاكبر…. اريد اكولها بس ماكدر
نور…. لاتحجي شي تمام وخر عني
علي الاكبر…. ماتروحين المكان الا اني بي
نور…. هاييي شبيييك
علي الاكبر…. لشوووووووكتتتتتتتتتت هاااااااا لشوووووكت
مور… لشوكت شنو؟
علي الاكبر…. ليييييششششش مااااتحجيييييين
نور… شحجييييي هااااا شبيييييك
علي الاكبر…. كل هذا وتبقين ساااكته لييييش
نور…. ماباقيه سااااكته كاافي لتصيييح
نزلت دموعي لاارادي وهوه يباوعلي دفعته ورحت اخذت كلينكس ومسحت دموعي ورحت للمرايه اعدل مكياجي طلعت من جنطتي حمره وحطيت منها وهوه يباوعلي تقرب عليه ولزمني من خصري وحضني واني اعدل بمكياجي بهدوء وجر الحمره من ايدي واخذ الكلينكس يمسح حمرتي وكلت
نور…. لا تمسحهاا
علي الاكبر… لاتحطييين مايحتاج
نور… اني اريددد
علي الاكبر…. واني ماااريددد
نور…. يااا ليش هيج تسوي
علي الاكبر…. شسوي؟
اخذت العطر وردت ارش منه وهوه جره مني وكلت
نور…. انطيني ياه؟
علي الاكبر…. مانطي
نور…. الاكبر انطيني ياه
علي الاكبر…. مانطي
نور… تمام
وردت اروح وجرني وكال
علي الاكبر… وين تريدين؟
نور…. اروح راح يجون
علي الاكبر…. اني وياج نروح
ولزم ايدي وطلعنا ورحنا المكانه وكفت وهوه لزم ايدي حسباله اروح وكلت
نور…. اوكف هنا
وهز راسه وبقيت واكفه لحد ماانفتح باب القاعه وانفتح باب گلبي واني اشوف اجمل عاروس اشوفها بحياتي اختي حبيبتي تحقق حلمي وشفتها بهذا اليوم بسرعه نزلت دموعي وهيه مبتسمه ولازمه ايد عمر مع فستانه الابيض وتسريحه شعرها الحلوه وتاجه اليخبل وصلت مكانه وكلها تصفكلها بقوه باوعت على انور وجاسم عيونهم مدمعه ويباوعولها ماكدرت اتحمل ونزلت دموعي وكعدت واخذت الكلينكس امسح دموعي حتى مايخرب المكياج سحب الكرسي ولزم الكلنكس ويمسح دموعي بهدوء ويباوعلي ومبتسم وكال
علي الاكبر…. لاتبجين كرزايه مايلوكلج البجي
هديت ورجعت وكفت اباوعلهم وشغلوا الاغاني وصاروا يركصون ضحكت واصفك بيدي وصاروا يرگصون كلهم وفرحانين ونزلوا عمر وهاله يرگصون كل ثنائي صار يرگص ورحت كعدت اباوعلهم وفرحانه باوعت عليه صافن عليه ويباوعلي نفس النضرات خفت…..
………………………………………
عمر… حبيبت گلبي
هاله…. حبيبي
عمر…. يمه مامصدك
هاله….. واني همم يعني بدايتنا وهسه
عمر…. احبنج ياحبيبت گلبي
هاله…. واني هم احبك ياروحي…
وصرنا نرگص ونتمايل حاوطت ايدي على رگبته وهوه استحوذ على خصري بيده ونتمايل على صوت الاغنيه وفجاه لزمني من خصري ورفعني من الكاع وصار يفرني نص القاعه ضحكت ورفعت راسي ونزلته اباوع بعيونه ونزلني وحضنته وهوه بادلني وفجاه تغيرت الاغنيه واجوا الزلم سحبوا عمر وشالوا وصاروا يذبونه ليفوك فرحانين بي احس گلبي راح يوكع كل مايذبونه خايفه واجن البنات عليه يركصن وسحبني نركص فرحانات وشالن التول مال فستاني ويركصن ويغنن رفعت ايدي واباوع فوك واركص واجت نور وشغلنا اغنيه ساجده عبيد ولزمت ايد نور ورحنا وسط القاعه نرگص ونضحك وشلت وردتي اهزها بيدي والبنات يمي يصفكن واجن يركصن ويايه وفرحانات واجت أيه وكالت
أيه…. ذبي وردتج خلي نشوف منو يلزمها يلا
هاله…. ههه تمام
ورحت وكفت والبنات كلهن صارن ورايه ولزمت الورده قوي ورفعتها وهزيتها وذبيتها والتفت وكعت الورده وميار لزمتها وصارن يصفكن بقوة ويهوسن ويهلهلن الها وهيه صارت تضحك خجلانه ورحناله وكملنا ركص
خلصنا الوقت كلوا نركص ونهوس لحد ماخلص وقربت الناس تروح انفتح باب القاعه ودخل ياسين انصدمت وخفت واجى عمر عليه وجرني وراه وهوه صار يصفك ويضحك وطفت كل الاغاني منتبهين الوجوده وسوه روحه متاثر ويمسح دموعه ودخلوا ويا يسار واحمد واخوته عامر وخالد خفت اكثر من جيتهم گلبي لزمني خايفه
ياسين…. ولله مع الاسف مع الاسففف
عمر…. شجاااابكككككك هناااااااا
ياسين…. يعني بنت اخويه المرحوم وماتعزميني على عرسج وانت جاسم اني حزنان على موت ابوك ومسوي فاتحه وانت جاي تعرس يايابه شفضحتنا
جاسم…. اطلععع برررره
يسار….اششششش لاتسمعنااا صووووتك
احمد…. سويتيهااا يااااكلبببه خنتيني مع هذذذاااااااااا
هاله… الله ياااخذذذك شجاااي تحجيييييي
نور…. روووحوووو من هنااا
ياسين… الصراحه اجينا ننطي هديه العرس ونروح ابن اخويه
يسار… اي عمي
ياسين…. شوفنا شغلك
يسار…. احممدددد
احمد…. نعم ريس
يسار… يلا حبيبي
………………………………..
نور… راح وصعد المنصه بيده قرص خفت كلش نفسي صار ضعيف وعلي الاكبر يباوع وعيونه حمر وشغل الشاشه الجبيره وانعرض بيها انور جاي يقتل شخص ماعرفته خفت كلش وحطيت ايدي على حلكي ودموعي صارت تجري واني اشوف شلون جاي يكتله بكل دم بارد باوعت على انور عيونه حمر ويباوع عالشاشه وراح جاسم وكال
جاسم…. موووو هووه وربييييي مو هووووه ماااله ذنببب موووو هوه القتله ياااااسسسسييييييين
ياسين…. هاي هديتي ياابنت اخويه اتمنى تعجبج
وراحوا طلعوا وعلي الاكبر راح طلع وعمر لحكه واني بقيت واكفه واباوع بالفراغ
انور….. انعل اهللللهممممممم لشووووووكتتتتتتت اضل اتحملهممممممم لشوووووووكتتتتتتتتتتت
وراح طلع وهاله شالت فستانه واجت عليه وكالت
هاله… نور نور نور شبيج ها نور
وتضرب على خدي دموعي ضلت تجري وابجي ولزمت ايدي وطلعنا خارج القاعه وصعدتني سياره جاسم وهيه صعدت ورجعونا للبيت دخل جاسم وكال
جاسم…. ماااراااح يصدكووونا لازم اهربه اني
نور… شلوووون هاااااا ليييييش يقتله ليش هيج جاااايييي يصيييير
انور…. بعد مااتحمل راااح اكتلهم راااااح اكتلهم
جاسم…. ماااايفييييد هذذذا الحجييييي امشيييييييي
وجره من ايده يريد ياخذه ودفعه انور وكف وكال
انور… استاهل كل الجاي يصير متقبل كلشي استاااهل كلشيييييي
جاسم… انووور انت جنت مخدر ومو بوووعيييييك
انور… عادي المهم اخذ جزائي رايح اسلم نفسي اله
وراح طلع وجاسم لحكه بقيت كاعده وايدي على راسي افكر بكلشي وفجاه انفتح الباب ودخل علي الاكبر ولزمني من ايدي خفت كلش وكال
علي الاكبر…. تعاليييييي
نور… وين تريد بيه هااا
علي الاكبر…. اشششششش لاتسمعيييينيييي صوووووتتتتجججججججج تعااااالي….
…………………………….
هاله…. اخذ نور وكفت وكلت
هاله… عوووفهااااا
وهوه مااهتم وطلعها بره ولحكتهم صعدها السياره وهوه صعد وساق وراحوا رجعت للبيت ابجي ونزعت التول من راسي والتاج وكعدت افكر ماعرف شسوي خايفه واجى عمر رحتله بسرعه وكلت
هاله… عمرر اخذهاا الله يخليييك راح يسويلها شي
عمر… ماكدرت اوكفه ماااكددرررت
هاله…. لا لا هيه مالها ذنب ماتعرف كلشي مالها ذنب ولله ماتعررررف عمرررر الله يخلييييك
عمر…. تمام حبيبتي امشي بدلي فستانج حتى نتفاهم وياهم
هاله… عمررررر
عمر… يلا حبيبتي
وجرني من ايدي وطلعني بره وسد الباب وصعدنا السياره وصلنا بيتهم ونزلنا وفتح الباب ودخلت وطلعوا بوجهي ام عمر وليام وزهراء وليام تبجي واجت عليه
ليام… وينه ها وين راح
هاله… راح يسلم نفسه
وكعدت ابجي ودموعي شلال وهيه كعدت هم تبجي وتضرب على وجها ودكول
ليام… ماله ذنبببب لاتدخلووونه السجن ماااله ذذذذننننبببب
وعمر كومني وكومها وكال
عمر… تمام هسه نعرف شكو اهدن واخذني للصاله وزهراء اخذت ليام وكعدت ودموعي تنزل وصافنه بالفراغ…
……………………………….
نور…. ويييين جبتنييي هاااا
وهوه وصل البيت ونزلني باوعت نفس البيت الجابني اله من اول مااخطفني ودخلني جوه وهوه معصب وعيونه دم مايشوف من ورى عصبيته جرني من ايدي كلش قوي وصعدني فوك وقفل الباب وكال
علي الاكبر…. عرفتي شبيه؟
نور… بس اسمعني…
علي الاكبر…. شسممممعع هااااااا شسممممع اخوووووج جتاااال اخوووووويييييه هاااااااا
نور…. ماعرف شي وهوه ماله ذ….
علي الاكبر…. لجججججججج لاتداااافعييييله لاتداااافعيييييييله
وشال المزهريه وركعها بالكاع بقوته تكسرت رجعت ليوره خايفه وهوه يكسر بلاغراض ويصيح
علي الاكبر…. لاتدااااافعييييييله لاتدااااافعييييييله
وتقرب عليه ودفعني عالحايط ولزم زنودي وكال
علي الاكبر… اخوج جتال اخويه وانتي الرهينه مالتي وراح اطلع كل ضيم گلبي بيج…..
يتبع……
///////////////////////////////////////////////////
الفصل التالي اضغط هنا
يتبع.. (رواية بريئه بين قيود مجرم) اضغط على اسم الرواية لتجد الفهرس كاملاً بجميع الفصول.