رواية بريئه بين قيود مجرم – الفصل الخامس والتسعون
بريئه بين قيود مجرم
حسين… بمناسبه جيت البنيه على هاي الدنيا ونسأل الله يحفضها النا من كل شر
جاسم… امين
ليام… امين
حسين….. واليوم احنه…
حمزه… ابدي بالموضوع
حسين… انطينا مجال احنا اجينا نبارك الكم عالبنيه وعلى طلعتكم انت واخوك انور
حمزه… احمم الموضوع الرأيسي
انور… صار عندي فضول اعرفه؟
حسين… اجينا بهاي المناسبه الحلوه نطلب ايد بنتكم ميرال الابنا حمزه على سنه الله ورسوله
انور…. شنوووووو مااننطي
حمزه… اهووووو هم تدخل
انور… شلووون ماادخل غييير اختيييي ماننطي
جاسم… انور خلي نتفاهم
انور… لاتفاهم ولاشي مااننطيييي
حمزه…. هييييه بكييييفكككك
حمزه… لعددد بكيييفكككك هااااااا
عمر… ياااابه خلي نتفاااهمممم شبيييكم
حسين… حمزه؟
حمزه… كمل خويه
حسين… وطبعا اذا انتوا موافقين حتى نتوكل على الله
انور… لا
جاسم… ناخذ رأيها اذا بنتنا راضيه ليش لا ميرال خويه شنو رأيج؟
ميرال…. موافقه
انور… شنووووووووو
ميرال…. بكيفك اذا تريد مااوافق
حمزه…. شنوووووووو
ميرال… هاا ءءء موافقه
جاسم…. انطيناكم ياهه
حسين… يابه هاي هيه تمت على خير
حمزه…. باجر الخطوبه وراهه العرس
ميرال… شنووو لا اريد مع خطوبه حره وغيث احنه هم
حمزه… انا وغيث متفقين باجر الخطوبه وراهه العرس
حور… لاا نريد باجر الخطوبه ونبقى فتره بيها وبعدين العرس لان عرس براء قرب
حمزه… خوش متفقين
وبقوا كاعدين ويحجون ماكدر اتحمل وكمت ورحت صعدت فوك ذبيت روحي عالجربايه ونمت….
…………………………………..
هاله… نور راحت باوعن حور وميرال مستغربات ورحنا صعدنا فوك وشفناهه نايمه وجها اصفر
حور… اليوم شبيها؟
ميرال… مبين تعبانه كلش خلي نعوفها ترتاح
هاله… ليش هيج اكلت شي؟
ميرال… اي اكلت
هاله…. خلي نطلع
ورحنا طلعنا ونزلنا جوه بقينا كاعدين وياهم وردنا نروح وكلت
هاله… عمر
عمر… عيونه
هاله… اني راح ابقى هنا
عمر… ليش
هاله… نور مريضه ابقى يمها
عمر… خوش حبيبتي
وباسني من خدي وراحوا طلعوا ودعتهم ورجعت جوه كعدت بسد ليام واخذت عشق بحضني
هاله…. عشوقتي الحلوه ياعمري حبيبت عمته يممه فدوه اروحلج
وهيه هادئه مابجت ابتسمت وبستها من خدها وكلت
هاله…. يممه اروح فدوه للهادئه اني
حور… انطيني ياهه
ميرال… اني هم خلي اشيلها
هاله… خلوها بحضن عمتها يلا ولن من يمي
حور… ياااا انييي اريدها اني هم عمتها ومن حقي
هاله… العمه الجبيره اني
حور…اني وياج نفس العمر انتي واحد وعشرين واني هم واحد وعشرين
هاله… مو مهم
حور… وحتى اني اكبر منج بشهر واسمعي كلامي وانطيني ياهه يلا
هاله… مااااا
ميرال… اني عمري عشرين يعني ماكوا فرق بيناتنه انطني ياهه
انور… شووو انطوني ياهه يلا
جاسم…. بنيييتي اذا بجت افلشكم
ليام… يمه بنيتي ماشبعت منها انطوني ياهه
وكفت وصرت امشي وهنه ورايه يريدن ياخذنه ويضحكن دك الباب وراحت فتحته ميرال ودخلوا فرات وبراء واركان ونسرين
براء… ياااگلبييي انطيني ياهه
هاله… ابدددد اني اول
نسرين… بس خلي اشووفها يمهه فدوه
وكفت وانطيتها الها وشالته وراحت كعدت تلعبها وتضحك وياهه وراحت براء تشوفها وكلت
هاله… برراء وين مختفيه انخطبتي ونسيتينا
براء… مشغوله بتحضيرات عورسي حبيبتي
حور…. اووويييي عيني وخلصتي تحضيرات عورسج
براء… يعني نص ونص وانتي ميرال ماتحجييين هاا
ميرال… صارت فجاه وختشيبي گال خليها سكته لحد يوم الخطوبه عيوني
حور… اهووو هسه عاد تخبصنا بخطوبتها
ميرال…. اوي عيوني ليش غيرانه رايحه اخابر ختشيبي
حور…. الله وياج
وراحت صعدت ونسرين كالت
نسرين… وين نور؟
هاله… فوك نايمه
براء… ليش نايمه من وكت؟
هاله… مريضه
نسرين براء…. شبيها!
هاله… نفسها لعبانه وراسه يوجع
حور…. اي حيل تعبانه
نسرين… ان شاء الله خير
براء… ان شاء الله
وبقينا نحجي الوقت كله وكمنا نجهز تجهيزات عرس براء بعد يومين لحد ماصار اليل وراحن البنات ورحت صعدت فوك وشفت نور راحت للحمام بسرعه ولحكتها خايفه وكلت
هاله… نوور شبييج ها نوور
وره شويه طلعت شعرها ماي وجها وكالت
نور… مابيه شي
هاله… لا بيج شي لازم تروحين للمستشفى
نور… لا لا ماريد اروح لا
هاله…. شنو ماتريدين لازم تروحين
نور… اني هسه زينه ومرتاحه
وراحت كعدت عالجربايه وتمددت واخذت ملابسي ودخلت الحمام وبدلت وطلعت وشفتها نامت صايره تنام هوايه استغربت ليش ماعرف ورحت كعدت ودخلن حور وميرال
حور… بعدها نايمه
ميرال… ياا خاف بيها شي
هاله… كعدت تقيئت وهسه هم رجعت نامت
حور… ولله وضعها مايطمن هاي
ميرال… معقوله….
حور… لا طلعيها من راسج لان بعيده كلش
هاله… شنو؟
ميرال… معقوله نور تكون حامل؟
هاله… لا ماتوقع مستحيل عوفن الموضوع
وبقينا نحجي بمواضيع مختلفه لحد مانمنا…..
……………………………………………
(بعد مرور يومين)
حور…. وييينجننننن يلااااا راح نتأخررر
ونزلت نور لابسه فستان وردي كلش حلو اليوم عرس براء وخلصنا تجهيواته حتى نروح للقاعه ونزلت ميرال
نور…. جوعانه
حور… مووو معقوووله گبل شووويه اكلتي
نور… جاااي تحسبييين هاااااا
ميرال… لا ماتحسب بس انتي مو اكلتي
نور… وذا مايصير اكل يعني وخرن عني
وراحت طلعت زعلانه
حور… هرموناته صاااعده
ميرال… اذا ماطلعت حااامل اكص ايدي
حور… اني هم صرررت اشككك بيها
ليام… وديت عشق يم امي واجيت وين نور
حور… طلعت زعلانه لان كلت تاكلين هوايه
ليام… نفسي من جنت حامل
ميرال…. ياااااااااااااااااا
حور… ولج صووووتج خلي نروح ولله اذا سمعتنا تبجي وتكعد وماتروح واريد بطله تقنعها حتى تجي ويانه مستحيل تقبل
ميرال… اي ولله يلا امشن
ورحنا طلعنا وصعدنا السياره وهيه ماتحجي ندستها من كتفه
حور… نون
نور… ممكن تسكتين
حور… هسه انا شحجيت ها؟
نور… ماحجيتي شي
حور… ليش زعلتي
نور… مازعلت شنو قصدج يعني اني ازعل واطنكر على اي سالفه هااا
ميرال… اكص ايدي
حور… هسه اني شحجيت؟
نور… اشش لاتحجين اصلا
وصلنا القاعه وهيه دخلت قبلنا وراحت كعدت يم هاله وعمر وعلي الاكبر واركان ونسرين علي الاكبر جان موجود وهيه زعلانه يعني انلاصت وكعدنا بسدها وهيه زعلانه
هاله….. هاي شصاير
حور… زعلت
هاله… ليش؟؟
ميرال…. لان حره كالت تاكلين هوايه
هاله… يااا
ميرال… اني كلت اكص ايدي اذ…
حور… احمممم اييييي نسرين شلووونج
وكصرتها من فخذها وهيه ادركت جفصتها وسكتت
نسرين… الحمدلله وانتي
حور… الحمدلله
التفت على نور تباوع بكل مكان مثل المتوتره والتفت على علي الاكبر يباوعلها وعيونه مثبتها عليها وهيه صارت حمره راح تبجي وكلت
حور… نور نطلع بره؟
نور… اي
هاله… ياا وين بره هسه يجون العرسان
حور.. موو ءء تمام
والتفت الها واشرتلها بمعنى لاتبجين وهيه لزمت خدودها والتفتلي تباوعلي بقت الوقت كله تباوعلي
حور… نور شبيج
نور… ماعليج عوفيني
حور… شهالنضرات اني مو الاكبر
نور… هاااااااا شنو قصدج
حور… اسسسفههه ماااقصدييي شيييي اسسسفه
وهيه نزلت دموعها وكامت وراحت للحمامات طميت راسي وهاله باوعتلي وميرال كالت
ميرال…. اكصص ايدييييييي
باوعت على الاكبر مستغرب ويباوعلها لحد مااختفت من انضارها وكال
علي الاكبر…. خييير؟
حور… هاا ءء ماكوا شي زعلانه مني رايحتله
ورحت بسرعه دخلت الحمامات وجانت مدمعه وتبجي وكلت
حور… نور شبيج؟
نور… اوووف مادري شبيه ليش هيج حساسه مادري
حور… نور خاف انتي…
نور… لا لا ماكوا شي مابيه شي
حور…. حامل
نور…. لاااا مو حامل مابيه شي مابيه اي مابيه شي مو حامل
وراحت طلعت من جنطتها كلينكس تعدل مكياجه وطلعت حمره وحطت منها ورحتلها وكفت بسدها وطلعت من جنطتي عطر ورشيت منه وهيه لزمت خشمها وكالت
نور…. ايييييعععع روحي عنيييييي
حور… نووور اصلا تحبين هذا العطررر ليش هسه همممم
نور… مدريييي
حور…. حامل عرررفت وربي عررررفت حااااامل
نور… ياااا كاااافيييي وخررري عنييي
وراحت طلعت ولحكتها وطلعنا سويه ورجعنا كعدنا وبعد وقت انفتح الباب ودخلوا اجمل عرسان اشوفهم فرات وبراء لازمين ادين بعض ويمشون وسط القاعه وكلها تصفكلهم وكرم صار يصفك بقوه ويصوفرلهم وصلوا مكانهم وكعدوا وكلها مستمرين يصفكولهم بحراره وبقوه
حور…. كلللللليييييييشششششش
غيث… هلأ هلأ امشي نركص
حور…. يلا
وجرني من ايدي ورحنا بوسط القاعه نركص وكلها اجت تركص وبراء وفرات هم نزلوا يركصون ركص حماسي كلش حلوه الاجواء حلوه كلش جانت……
……………………………………
بقيت اضحك واباوعلهم شلون يركصون واجت أيه جايبه عصير وياهه وانطتني وكلت
نور… مااارريد وخري من يمي ولججج
أيه…. مووو تحببينه
نور… لا لا مااحبه ابددد وخرري وهيه بعدته مني وتباوعلي ورافعه حواجبه ومغلضه عيونها عليه وكالت
أيه… نور؟
نور… ها
أيه… شبيج؟
نور…. مابيه شي
أيه…. نوووورررر
نور…. ولله مابيه شي
أيه…. امممم نشوف
ورحت مع البنات نركص وخلصناهه ركص ونسه وصاروا كل ثنائي يركصون ورجعت كعدت حسيت روحي تعبانه وهوه جان يباوعلي باوعت على فرات وبراء يركصون وبراء كلش حلوه طالعه
……………………………………………
فرات… اخذت حبيبتي وفستقتي ام العيون الخضر
براء… واني اخذت حبيبي الصلف
فرات…. انا صلف ولج
براء…. اي من الدرجه الاولى
فرات…. يمه اروح فدوه لهل وجه الحلو حبيبتي ام عيون الخضر الحلوات احبج فستقه
براء…. احبك ياصلف….
وكملنا ركص….
………………………………….
واني كالعاده نزلت دموعي وابجي بفرح واباوعلهم وهوه همس
علي الاكبر… شلون بيه اني
نور… شنو
علي الاكبر… ليش البجي يولي
نور… هيج اني اريد ابجي
علي الاكبر… لاتبجين مو زين عليج
نور… شنوو قصددك ابجي هوايه ها احجي احجي كولها
علي الاكبر… شبيج يولي
نور… شبيه كلشي مااابيه انت تضغط عليييه هووايه
ورحت وعفته مصدوم وكفت مع البنات وخلصنا العرس ركص وونسه رجعت للبيت وحور ندستني من كتفي وكالت
حور…. اخذي
وانطتني جهاز اختبار حمل انصدمت وشهكت وكلت
نور…. شنووووووو هاييي شبييييج
حور… اليوم لو اني لو انتي يلا
وجرتني من ايدي ودخلتني الحمامات وسدت الباب
…………………………..
حور… بقيت انتضرها على نار واجت ميرال وكالت
ميرال… اقتنعت
حور… بالغصب
ليام… شسون؟
حور… راح نشوف اذا حامل او لا
ليام… ان شاء الله حامل
حور… ان شاء الله
ميرال… ان شاء الله
بعد وقت طويل ماطلعت دكيت الباب وكلت
حور… تطلعين لو اني اطلعججج هااااااا
وانفتح الباب وتباوع وعيونها مدمعه وكالت
نور…. اني حامل…
يتبع……
///////////////////////////////////////////////////
الفصل التالي اضغط هنا
يتبع.. (رواية بريئه بين قيود مجرم) اضغط على اسم الرواية لتجد الفهرس كاملاً بجميع الفصول.