رواية بريئه بين قيود مجرم – الفصل السابع والثمانون
***************************************
هاله… رحنا بنص القاعه نرگص ورحت على ليام جانت كاعده ولزمت ايدها وهيه كالت
ليام… لا لا
هاله… يااا حنتج شبيج گومي
وجريتها وهيه كامت ورحنا وسط القاعه وصرنا نرگص واهز بجسمي وهيه تضحك وتهز ويايه خلصنا الوقت كله نرگص واجت امها وكالت
ام عمر… يلا لازم نخليلها الحنه
وحطينا كرسي وسط القاعه وهيه گعدت وشلت بيدي شلت بيديناتي الاثنين شمعات اني ونور وبراء ونسرين وأيه وحور وميرال وميار ونفتر حوالينه وغطينا راسه بتول احمره
أيه…. يااا واخيييرا تحقق حلمي
زهراء… ام المسلسلات حولنا حنه ليام مثل. ماردتي
أيه… احلى شي ياااااا الا اسوي عرسي كله تركي
زهراء… اي والعريس يحط ايده عالتراب ويشمه ويضربه على صدره مو
أيه…. ياااااييي شوكت اعرس
براء…. اخويه موجود
أيه… بطلت ماريد
نور… هههههههههههه ليش ولج
أيه…. هذا مايفيدني مايشبه مهند
هاله…. شنو شنو ههههههههههه تريدين منو بربج
أيه… اريد مثل مهند
حور… سلميلي اذا لكيتي مثل خلقته
ميرال… بس غيث احلى منه مو
حور…. غيير تعوووفني وانتي يلا ابجي عاد
ليام… بأحلى يوم بحياتي ابجي ليش؟
أيه… ماعليه اليوم الا تبجين الا يتحقق حلمي
ليام…. شنوو حلمج ابجي
نسرين… لا تبجونها خلوها
ميار… لج عوفيها
وراحتلها أيه ووخرت عنها التول وكالت
أيه… ابجي
ليام… ما
أيه… ابجيي
ليام… مااا
أيه… بشنو اذكرجج بشنوو
زهراء… ولججج عووفيييها
أيه… تذكرين من ماتت بزونتج
وهيه فجاه عبست ودمعت عيونها
وخرت أيه ورجعت التول وكالت
أيه…. تحقق الحلم ههههه
وصرنا نفتر حوالينه وحطولها الحنه وباوعت عليه جاي تبجي وتشهك انصدمت وباوعت على أيه تضحك
هاله… لج ليش خطييه
أيه… اشش العادات رجاء هاي العادات بليز
وخلصنا ورحت وخرت عنها التول وهيه مسحت دموعها وراحت تعدل مكياجه وشغلنا الاغاني وهيه رجعت وصرنا نرگص ونهوس بصوت عالي كلش تونسنا مر وقت واحنه نرگص ولازم يدخل العريس علمود الصور واني ونور جاي نرگص وماخذنا الواهس وفجاه باوعت وشفت عمر وعلي الاكبر وشافونه وانصدموا جريت نور ورحت بسرعه
نور… شكو ولج
هاله… عمر وعلي الاكبر
نور… لا دكوووليهااا شاافونه
هاله.. ايي ولج
نور… رحتت بيهااا
هاله…. حتى صور ماراح نكص من وراهم
نور… لا اهم شي الصور معليه
هاله… امشي خلي شيصير خلي يصير
نور… امرنا ال الله
ورحنا رجعنا للقاعه واجى جاسم وكصينا صور وكفت بسد جاسم ولزمت ايده وكصينا صور هوايه وخلصنا حتى نرجع للبيت طلعت وطلع بوجهي عمر وكال
عمر… مو كلت لاتركصين
هاله… حنه اخووويه وبس بنات وماركص؟
عمر.. لججج كلها شافتج وانتي تركصين لييش تركصين
هاله… ماعليه اني اريد اركص
عمر… يلا امشي لاتخليني
هاله… وين تريد بيه
عمر… نرجع للبيت
هاله… لا ابقى يم اهلي
عمر…. هااله كافي لج صااار اسبوووع
هاله… غير ليما اخويه يتزوج
عمر… لاتخليني هسه انعل اخووج كااافي
هاله… يااا بس العرس وارجع
عمر… لاتنسين عررسنا قررب
هاله… شنو شوكت
وره عرس جاسم بأسبوع
هاله… هااااا
عمر… اي وماكوا تغيير بالوقت
هاله…. بس…
عمر…. اششش يلا امشي
واخذني من ايدي ورحنا للسياره وصعدنا…
………………………………..
نور… طلعت خارج القاعه وشفته وهوه اجاني بسرعه رجعت بس اسرع مني ولزمني وكال
علي الاكبر… شكلت اني
نور… شلونك
علي الاكبر… نوور
نور…. جانت حلوه الحنه
علي الاكبر… لاتخلييينيييي شكلتلج
نور.. كلتلي لاتركصين
علي الاكبر… وانتي شسويتي
نور… شسويت؟؟
علي الاكبر… احجي
نور…. ركصت
علي الاكبر… ومع العلم اني مانعج
نور… شسوي كلها ركصت ضلت عليه
علي الاكبر…. اني اعلمج
وجرني من ايدي وكلت
نور… لحضضهههه!
وهوه وكف وكال
علي الاكبر… خيير!
نور…. وين تريد بيه ها؟
علي الاكبر….. نرجع للبيت
نور…. ماارجع
علي الاكبر…. مو هييه بكيفج
نور… ولله اصيح
علي الاكبر… صدك؟ اعاونج واعيط بدالج
نور…. مايصير هييج
علي الاكبر…. نووور
نور… بس هالمررره ولله
علي الاكبر…. انعل اهلججج امشيي
وجرني من ايدي بسرعه وكلت
نور… ماراح ترجعني مو
علي الاكبر… لا مارجعج يلا امشي
وصعدني السياره وهوه صعد وساق….
………………………………………
براء… طلعنا اني ونسرين ودعتها وراحت مع اركان يرجعها البيتها وردت اصعد السياره وكفني صوته
فرات… وين تردين ها؟
براء… وين غير للسياره
فرات… انا اوصلج
براء… لا هسه يجي كرم
واجى كرم يباوع مستغرب وكال
كرم… شكو
براء… ماكوا شي يلا خلي نروح
كرم… فرات الصبح انت وصلت براء
فرات… اي
كرم… خااابرني
فرات… ليش يابه
كرم… لان اختييي خووش
فرات… افتهمنا اختك مو ش…
كرم… هااااا
فرات… اهووو
كرم… اجيب موبايلي وارجع انتضريني
براء.. تمام
وهوه راح وفجاه اجت أيه بسرعه وكالت
أيه…. لججج برراء
واجت بسرعه تتنفس سريع وكالت
أيه… نسيت انطيج الحنه
براء… ليش تعبتي روحج يعمري
أيه… عادي حبيبتي
وبوستني وكالت
أيه… يلا بايي
ورادت تروح وكرم اجى وانضرب بيها وداس على فستانها شهكت وكال
أيه… يااااااا
براء… شكووو
كرم… اعتذر ماشفتج
أيه… كل هالطوول وماشفتني لحضه؟
ولزمت فستانه وشافته مشكوك وكالت
أيه… انشكككك فستااانييييييي
براء… ياا
كرم… اني اسف
أيه…. شيييفيييد اسفكك هااا شييفييد
كرم… هسه شسووويت
أيه…. كل هذذذااا وتسأل
كرم… اعتذر
أيه…. مااايفيييدددد
كرم… شنوو تريدين اسويي اشتريلج اخر
أيه…. ياااا تشووووفنييييي طاااالبه منككككك فستاااان هاااا هيييه منيييييه
كرم…. لااا مووو هييييج قصدي
أيه… هيييج قصدددك هييييج اعرررفك كلش زييين هيييج قصدددك
كرم…. بس حبيت اصلح الوضع
أيه…. اي اي احجي…
كرم… اعتذر بسسس لاتشبهيني بممثل لان بزززعتتتتتت
أيه…. لاتصييييييح
كرم… اني اعتذر لان دعمتج وشكيت فستانج وصيحت عليج وعرضت عليج اشتريلج فستان ممكن تتقبلين اعتذاري
أيه… لا مااتقبل وانتي براء هذذاا مااتزوووجههه تمام لان هذا بجه ومهند بجهههه
وراحت وعافتني وهوه يباوع مصدوم عليها لحد مااختفت والتفتلي وكال
كرم… شنو؟ مهند منو؟
براء… ها؟
التفت وشفت نفس الرجال الحان يراقبني بالجامعه انصدمت شيسوي هنا….
يتبع…..
///////////////////////////////////////////////////
الفصل التالي اضغط هنا
يتبع.. (رواية بريئه بين قيود مجرم) اضغط على اسم الرواية لتجد الفهرس كاملاً بجميع الفصول.