رواية بريئه بين قيود مجرم – الفصل الثامن والثمانون
///////////////////////////////
***************************************
براء… انصدمت هذا شيسوي هنا ونوب يباوعلي التفت وفرات ان يباوع عليه مستغرب وكال
فرات… منو هذا؟
براء… شفته بالجامعه واحس جاي يراقبني
فرات… شنو؟ ليش ماتحجين؟
براء… بعدني مامتأكده
فرات.. رايحله
براء… فرات بس…
ماكملت كلامي وهوه راحله ولحكته وكف يمه وكال
فرات… خير؟
ناصر… خير
فرات… شعندك هنا؟
ناصر…. جاي انتضر احد
فرات…. انتضر بغير مكان يلا
ناصر…. ليش مسجل بأسمك
فرات…. اي عندك اعتراض
كرم…. هذاااا هم انتتتتت شعندددك هناااا
ناصر… كلت ماعندي شي وياكم ليش تلحون
كرم…. يلا ولي من هناااا
براء… خلص كرم عووفه
فرات… امشوا يلا
ورحنا للسياره وصعدتها ورحنا للبيت…
……………………………………
هاله…. رجعنا للبيت ورحت صعدت فوك ذبيت روحي عالجربايه ونور اجت كعدت وكالت
نور… يمه رجليني تكسرت
هاله… هففف تعبنا اليوم
نور… العرس بعد يومين خلي استعيد طاقتي بل اول
هاله…. كلوا بسبب ياسين الكلب هسه وذا عرف شراح يصير
نور… مادري اروح اشوف جاسم بلكت يخلي بعد ثلاثه ايام
هاله… اي صح صدكت راح يخلي
نور… وانتي بعدلج شكد
هاله…. والاستاذ هم مستعجل شايفه يااا اني عاااروووس اريد اعيش اجواء المخطووبه مو بهالسرررعه
نور.. تسوين خطوبه
هاله… طبعا من يخلص عرس جاسم ابدأ بتجهيزاتي
نور… هاي السنه كلها اعراس
هاله… ههههههههه اي ولله من عرس ال عرس
نور…. يااا احلى شي نخلصها ركص وونسه ههههههه
هاله… شفتي شلون تغير كلشي يعني بدايتنا بقهر وحزن وهسه؟
نور… اي ولله كلشي تغير بلحضه
هاله… احلى شي المهم خلصنا من كلشي شر حوالينه
نور…. اي ولله واتمنى ياسين يعوفنا نرتاح اكثر
هاله… ان شاء الله
وفجاه انفتح الباب ودخلت حور وكالت
حور…. يلا عيني يلا
نور… شكو
ميرال… حره طلعيها من رااسججج من هسه
حور… هيييه شنوووو كومن نسوي ماسكات ومرطبات شبيجن
هاله… تعبااانه مااابيه حييييل
حور… وبعدين انتي هم عاروس لانسيتييي روووحج
هاله… خوما من هسه نتحضر بعد اسبوعين يمعوده
حور… ايي عادي
ميرال…. اروح ابدل وانام لان الكعب كسرني
واخذت ملابسه ودخلت للحمام
هاله… اني هم ولله هسه كلشي مااسوي
ورحت اخذت ملابسي اجهزهن….
…………………………………….
نسرين… دخلت البيت بعد ماوصلني ورحت صعدت فوك طلعت ملابسي ودخلت للحمام وسبحت ولبست ملابسي وطلعت انشف بشعري اجاني اتصال اخذت الموبايل باوعت وشفته رقم غريب ماجاوبت واستمر يدك وماجاوبت ودك مره ثانيه واخذته متنرفزه وجاوبت وكلت
نسرين… نعممم؟
شريف… صار اسابيع ادور الرقمج ومن ادك عليج ترفضيني تعرفين شكد سعر الرصيد الاخذته
نسرين… الله ياخذك شتريد مني
شريف…. تؤ تؤ تؤ انتي شكد ماعندج احترام وبعدين انتي ليش ماتجين تعيشين مع امج ليش تعيشين وحدج ها
نسرين… شدخلك ها ممكن ادكلي شعليك انت
شريف…. ادخل لان اني اب…
نسرين… انتتتتتتتت مووووووو ابووووووويييييه مااااااعندديييييي اببببب انيييييي فهمممممتتتت
وسديت الخط بوجه وذبيت الموبايل عالجربايه وكعدت ونزلت دموعي تذكرت يوم الحريق وخفت كمت ورحت للمرايه اباوع على روحي ونزلت دموعي لا ارادي هاي هيه نهايتي اهلي يعوفني ويروحون زين شسويت اني؟ معقوله مسويه شي وماحاسه على روحي كل هاي الاسئله جاي دور براسي دك موبايلي
نسرين… اووووفففف شترريد
واخذته وجاوبت وكلت
نسرين… شتررررررييييد منييييي
اركان… نسرين؟
وخرت الموبايل اباوع عالمتصل اركان تداركت نفسي ومسحت دموعي واخذت نفس ورجعت الموبايل وكلت
نسرين… اركان
اركان… بيج شي
نسرين.. ها ءء لا مابيه شي
اركان… ليش تصيحين وتبجين ها
نسرين…. مابيه شي
اركان… جايج حتى نطلع تحضري
ردت احجي وسد الاتصال ورحت طلعت ملابسي وبدلت وسرحت شعري ونزلت جوه وفتحت الباب وصل اركان ونزل واجى عليه بسرعه لزم خدودي وكال
اركان… شبيج حبيبتي ها
نسرين… شريف اتصل عليه
اركان…. هذا تجاوز حددده
نسرين… عووفه اصلا حذفت رقمه
اركان… مو كافي اضل اعوفه خلي اروح ابرد كلبي
نسرين… الله يخليك لاتورطنا بي عوفه
اركان… تعالي
نسرين… وين
اركان… نروح ناكل
نسرين… ماايصير
اركان… اشش انا مو خطيبج
نسرين… ياا اني مو فصخت ونزعت الخاتم
اركان… بس اني مافصخت
نسرين…. ههههههههههه ياربي يعني هسه مخطوبين
اركان… طبعا وشحدج ادكولين لا
نسرين… بس.
اركان… اشششش يلا تعالي كتلني الجوع
وجرني من ايدي وصعدني السياره وهوه صعد وساق وصلنا عالمطعم ونزلنا ودخلنا جوه جان كلش حلو وضخم وجان حاجز المكان ورحنا وهوه سحب الكرسي ابتسمت وكعدت وهوه هم كعد ولزم ايدي وكال
اركان… خطيبتي الحلوه عاافيتي ودنيتي
نسرين…. ياااا
اركان…. لادكولين لاتحجي اضل احجي مااكف خوش
نسرين…. هههههههه تمام تمام ماراح احجي شي
واجى النادل واخذ طلباتنا وراح وهوه بقى صافن عليه ومبتسم نزلت راسي وهوه كال
اركان… عاينيلي اريد اشووف عيونج
نسرين… يااا اركان كافي
اركان… تؤ تؤ يلا لج
رفعت راسي وهوه يباوعلي ومبتسم بعد وقت اجى طلبنا واكلنا وهوه خلص الوقت يتغزل بيه ويوكلني واني اموت من خجلي وفجاه طلع شي من جيبه علبه لونها احمر انصدمت وتوترت اكثر وهوه فتحها وجان بيها خواتم اثنين وكال
اركان… تقبلين تبقين ويايه طول العمر
نسرين… اركان
اركان… روحه وعافيته
دمعت عيوني وضحكت وهزيت راسي وكلت
نسرين… موافقه
وهوه طلع الخواتم ولبسني واخذت الخاتم ولبسته واجى النادل شايل قالب كيك واكوا اثنين ويا يصفكون وحطوا القالب عالميز مشتعله شموعه واركام كال
اركان…. كل عام وانتي بألف خير عافيتي
انصدمت اكثر واني اسمع كلماته اليوم عيد ميلادي ضحكت ونزلت دموعي اكثر واباوعله وهوه كال
اركان… طفيهن يلا
نفخت عليهن وطفن وصفكولي كل الي بالمطعم كعدت وراحوا واركان يباوعلي وكال
اركان… كل سنه وانتي يمي حبيبتي عافيتي
نسرين…. حبيبي كل سنه وانت يمي وتحتفل بعيد ميلادي
باس ايدي وابتسم بادلته الابتسامه وخلصنا الوقت كلوا سويه رجعني للبيت وردت ادخل وكال
اركان… خلي نبقى شويه
نسرين… لا اركان ماايصيررر
اركان… بسس شوويه
نسرين… لاا يلا حبيبي رووح
وهوه راح ورجع ضحكت وهوه باس خدي وراح ودعته ودخلت جوه اضحك رحت للمطبخ صبيتلي ماي ردت اشرب واندك الباب ضحكت ورحت فتحته وكلت
نسرين… ياا اركان رووح
وانصدمت وخفت وكع الكلاص من ايدي وارجف….
يتبع…..
///////////////////////////////////////////////////
الفصل التالي اضغط هنا
يتبع.. (رواية بريئه بين قيود مجرم) اضغط على اسم الرواية لتجد الفهرس كاملاً بجميع الفصول.