رواية بريئه بين قيود مجرم – الفصل التاسع والثمانون
بريئه بين قيود مجرم
***************************************
هاله…. كعدت ورحت غسلت وجهي وفرشت سنوني وبدلت وسرحت شعري وشديته ونزلت جوه مالكيت البنات استغربت وينهم واندك الباب عرفت هنه ورحت فتحته وشفت عمر انصدمت شجابه وهوه لزمني وسد الباب وحاصرني يم الباب وحط راسه برگبتي وكلت
هاله… يااا عمرررر
وخر راسه وكال
عمر… مشتاگلج
هاله… هسه يجي احددد
عمر…. خلي يجون شنو انتي مرتي
هاله… مايصيررر
عمر… لا يصير
ورجع راسه بركبتي يبوسني ولحيته تحسست رگبتي غمضت عيوني خدرانه وخر ولزم خدودي وكال
عمر…. احبچ
هاله… و ءءء روح
عمر… احجيها يلا
هاله… شنو؟ شحجي؟
عمر…. احجيييهاا الخاطري
هاله.. شنوو غير اعرف؟
عمر… احبك كوليها بس انطقيها مو طلعت روحي
هاله… ءء اني ءء
عمر… انتي شنو يلا كوليها
اخذت نفس احاول اجمع كلماتي واباوع بعيونه وهوه يباوعلي بكل تمعن وكلت بصوت واضح وهادئ
هاله…. عمر اني احبك
عمر… بووووويييييه گلبييييي واني هااايممم بيج يادنيتي انتييي
وباسني من خدي بقوه ضحكت ورجع باسني من خدي الثاني وكال
عمر…. ميييت بيجج حبيبت گلبي
هاله… امم كافي
وهوه تقرب وباسني بشفتي بقوه قطع انفاسي ماكدرت اتحرك خدرت بين ايده هوه صار يتحكم بيه حاوطت اديناتي على رگبته وحسيت روحي اختنكت ودفعته وهوه وخر بصعوبه واحاول استجمع انفاسي
عمر…. احبج حبيبت گلبي
هاله… احبك حبيب روحي
وفجاه حسيت احد راح يجي فتحت عيوني بصدمه وكلت
هاله… عمررررر
عمر… ياروحه
هاله… ولك احد راح يجي
عمر… شنو ولك لج
هاله… الله يخليك اختل بمكان فدوه
عمر…. شختل لا خلي يجون عادي انتي مرتي وين الغريب؟
هاله… لا لا عمر الله يخليك بس ماريد يشوفونك بس اختل
وجريته من ايده وامشي بسرعه وهوه كال
عمر… لججج وييين اختل تعااالي
وجرني من ايدي وكلت
هاله…. عفييييه اسكتتت هسسسه يسمعننككك
وفجاه انفتح الباب خفت اكثر وكلت بصوت خافت
هاله…. عزززاا تعااال
وجريته بسرعه ودخلته الحمام وسديت الباب وهنه اجن
حور…. رااحت اديناا وندك الباب
هاله… ها ءءء ايش ماعدكم مفتاح
ميرال…. الخاتونه ضيعته هسه ليكينا
نور… شمدريني غير وكع من يمي
هاله… وو وين جنتن؟؟
حور… طلعنا نتمشى ردنا نصيحلج بس جنتي نايمه
ميرال… احسن لان كلش حاره اريد اغسل وجهي
ورادت تدخل وكفت يم الباب امنعها وكلت
هاله…. لااااااا
ميرال… شبيج؟
هاله… ها يعني اني اريد ادخل
ميرال…. اغسل وجهي وادخلي
هاله…. لا لا شغله ضروريه وفتحت الباب ودخلت وسديته وقفلته اضرب على وجهي
عمر… هاي شنوو حبستينا بلحمام
هاله…. عمررر رحتتت بيهاااا يبووو عمرررر
عمر…. هسسسه شكووو چا غيييير مرتييي انتيييي
حور… هاله شوو تحجين ويا نفسج ها؟
هاله…. هاا ءءء ماجاي احجي بس اريد اسبح
حور…. شلون ماجايبه ملابس البنات راحن فوك؟
هاله…. ءءءء جااايبه انتي لحكيهن اني اخلص واجيح
حور… تمام براحتج؟
هاله… يلا لازم تررروووح
عمر… يلا سبحي
هاله…. ها؟
عمر… شهاا مو تردين تسبحين
هاله… عزززا متستحي
عمر… چا انتي التستحين كدامي ادكولين اريد اسبح وانا وياج بلحمام
هاله… عزززاااا
وهوه جرني من خصري وقربني اله وكال
عمى… تردين تسبحين لو..
قاطعت كلامه وكلت
هاله….. لااااا ماريددد امشييي لازم تروووح من هناااا
عمر… لبسجج حلو
انتبهت على لبسي لابسه شورت قصير مع تيشيرت مابي اكمام استحيت اكثر ودفعته وكلت
هاله…. متستحييي
عمر… چا انتي لحضههه انتي هيج تلبسين كدام اخوانج
هاله…. يااا
عمر…. احجي
هاله… شنو البس هيييج ماالبس بس من انام
عمر…. انتي فتحتي البابب بهيييججج لبسسسس واني انسطرررت ونسيتتت ابووو لبسسسسجججج
هاله…. حسبااالي البنات
عمر… ابقيي هنا لاتطلعييين هسه يجووون اخوااانج
هاله… شنو اضل هنا؟
عمر… اييي لحد مايجيبلج ملابسس خوووش
هاله… بس
عمر… خوووش
هاله…. هففف تمام خوش
عمر… عفيه اروحنلج فدوه حبيبت گلبي
وراح فتح الباب وطلع وردت اروح افتح الباب وانفتح ودخل عمر وكال
عمر…. انا شحجيت؟
هاله… هلاووو
عمر…. مو كلت لاتطلعين
هاله…. منو يطلع اني؟
عمر…. هااله
هاله… هاا؟
عمر… تردين تطلعين
هاله…. لااع
عمر…. ديري بااالج واكفلج بره ترى
هاله… مااطلع شنو متثق بيه يااا
عمر…. خرررب هوه اليشووف لبسججج يضل ثقههه راح ابقى هنا
هاله…. عزززااا لااا اطلع ولله ماطلع اني
عمر… مراقبج
وراح طلع وسد الباب فتحت الباب شويه وتاكدت راح وصحت
هاله…. حررررره نووور ميرررال
نور…. ها حبي
هاله… انور وجاسم هنا؟
نور… لا بعدهم مااجو
هاله… وخري راح اطلعلج ركض
نور…ليش
هاله…. هسه وخري وشوفي
وخرت وطلعت ركض للدرج وصعدت ودخلت الغرفه وسديت الباب
حور…. يمممهههه
ميرال…. دخيلك ربي
هاله…. واخيييرررا وصلتتتت هسسسه ارتاحيت
حور…. ولله اني مامرتاحتلج حبي
ميرال… اليوم شبيج
هاله… ها شبيه كلشي مابيه شنو تتوقعون بيه شي
حور… طكن الضاهر
ميرال…. الضاهر هيج
وانفتح الباب ودخلت نور بيدها صحن فواكه ورحتلها واخذته وكعدت بلكاع بسدهن واكل خوخ
حور…. اليوم نشطه
هاله… ياااا شبيجن حتى ماتخلني اكل براحتي
ميرال… اكلي حبيبتي بس انطيني خوخايه
هاله… ماااا بس اليه اكلي تفاح انتي
حور… واني هم احب الخوخ اريد
هاله…. لوتموتين
حور… هااا مااعلييه اني طلبت بل اول
نور… نتقاسمهن
هاله… هوه اني بس احب الخوخ واريده اليه
حور… انتي عااروووس لاتاااكليييين لاتسمنين وعمر يشرد
ميرال… يطفر طفره
نور… ههههههههههههههههه
حور… ههههههههه
ميرال…. هههههههههههه
هاله… ههه ههه ههه مايضحك
ورميت الصحن ورحت بدلت ولبست تراك وردي وكعدت وياهن اكل خوخ وفجاه انفتح الباب بقوه ودخلوا انور وجاسم
حور…. مامتعلم شي اسمه طرق الباب
انور… لا اريد اتعلمه منج ممكن تعلميني
حور… مو مشكله تعال وليدي
انور… لا هالمره صدك اسمحولي
وراد يجيها وجاسم لزمه وكال
جاسم…. استقر حبيبي
انور…. هذا كطع مهر وصار حنين اكثر من گبل
ميرال… يااا شعووور حلو
انور… شنوو لججج
نور… قصدها غير شي
ميرال… اي اي صح
نور…. يعني لاتفهمنا غلط
جاسم…. كومن يلا
نور… وين؟
انور…. ماعليج بيهم كومي سويلي اكل
نور… شنووو؟
انور… اي جوعان سويلي اكل
جاسم… لا اكل ولا بطيخ نروح نتسوك
انور… اكلك انت لاتزوجت وتورطنا احنه ماعليناا
جاسم… يلااا
هاله…. نخابر البنات هم يجن
جاسم… خوش
وراحوا طلعوا وسدو الباب
………………………………………….
براء…. دك موبايلي ورحت اخذته وشفت هاله المتصله جاوبت وكلت
براء…. هلا حبيبتي شلونج
هاله…. الحمدلله عمري شخبارج
براء… الحمدلله
هاله…. اكلج باجر عرس جاسم تعرفين اكيد
براء… طبعا
هاله…. حلو تعالن انتي ونسرين معانه علمود نجهز التحضيرات اتصلت عليه ماجاوب هيه يمج
براء… لا مو يمي مااتصلت عليها
هاله… تمام اتصلي عليها وكوليلها
براء… تمام
وسديت الخط واتصلت عليها مباشرتا وماتجاوب بقيت اتصل ومتجاوب جان مغلق استغربت ورحت طلعت ملابسي ولبست وتجهزت كامل وشديت شعري ونزلت جوه اتصل عليها وشافني كرم وكال
كرم… ها وين؟
براء.. راح اروح مع البنات للسوك بس جاي اتصل على نسرين ماتجاوب
كرم… يجوز مع اركان لان هم مايجاوب
براء… ماعرف ماحجيت ويا
كرم… لا ماكدرت اوصله خلي اني اوصلج
براء… تمام
ورحنا طلعنا وصعدت السياره وبل طريق جاي اتصل عليها وماكوا جواب
كرم… ها؟
براء… ماكو
كرم.. عجيب راح اخابر عمر
واتصل على عمر وجاوبه وكال
كرم….وين انت؟ اركان يمكم؟ خوش
وسد الاتصال باوعتله وهوه كال
كرم…. لا ماموجود
براء… غريب؟
كرم… هسه راح نعرف
وصلني ونزلنا ورحنا دكينا الباب وفتحه جاسم ودخلت جوه وصعدت فوك يم البنات
حور…. هااايييي مااالتييييي
نور… مااالتييييي
براء..هلاوووو
ميرال…. هلا حيااتي
واجن وسلمت عليهن وكعدت وياهن
هاله…. ها وصلتيلها
براء… ماتجاوب
نور… اني هم اتصلت عليها متجاوب
هاله…. راح نتأخر
براء… خلي نروح يلا
وكمنا ورحنا ونزلنا جوه صعدنا السياره وصلنا للسوك واخذنا هواي شغلات نحتاجهن ونروح المحل المحل لحد مامر وقت وخلصنا كامل واجى جاسم وصعدنا السياره
جاسم… نروح المطعم نتعشى ونرجع للبيت
هاله… احلى فقره
وفجاه دك موبايلها وجاوبت
هاله… الو هسه خلصت تمام
وسدت الخط وبعد وقت وصلنا للمطعم ونزلنا وطلبنا كص لحم وكعدنا ناكل ونحجي
حور…. جاسم لازم تردلي المعروف عيوني
جاسم… شنو؟
حور… من اتزوج انت تتكفل بكلشي
ميرال… لججج
حور… شنو خلونا نحجي
براء… حبيبتي انتي اخذج الواهس لو شنو هممم؟
جاسم…. ماخذه ميانه ويايه
حور…. اي ضلعي
جاسم… ها؟ ولج؟
ميرال… من تتعب ماتعرف تحجي ابن عمي ماعليك بيها
هاله… صح صح يطكن يمها
نور…. اتفق
براء…. هههههههههههههه
جاسم… اشش يلا سكتن وخلصن ورانه شغل
حور…. شنسووووي؟
جاسم…. تسون دولمه ناكلها الصبح
نور… شنو من الصبح
هاله… من الصبح
جاسم… لو دولمه لو باميه
هاله…. لااااااااا
جاسم…. لججج صووتججج
هاله… ليششش تجييب طااري البامييه هااا؟
جاسم…. صيحتي لان جبت طاريهاا؟
هاله…. ايي مااحبهااا
نور… انتي فهميني شتحبييين
هاله… بس الكص الدجاج والحم
جاسم… ماتشوفين راح تختفين
حور…. اي ولج صيري مربربه مثلي مو مثلهن
واشرت علينا
ميرال… شبي الضعف ها اشو يخبل
حور…. امم امم صح ههههههه
براء… يااا شبيج ولله حلو
جاسم… يلا خلي نروح
وكمنا وهوه دفع الحساب وطلعنا وصلنا للبيت وكعدت مع البنات
هاله… براء اليوم تبقين هنا
براء…. ماكدر ولله
نور…. اشش تبقين هنا حتى نلف الدولمه حبيبتي
براء… راح اتصل على كرم اشوفه
حور… تمام حبيبتي
ورحت واتصلت عليه وجاوبني وكلت
براء… الو كرم اكلك
كرم… كولي حبيبتي
براء… اني راح ابقه يم البنات
كرم… تمام حبيبتي براحتج وانا راح ابقه يم ربعي
براء… تمام حبيبي
وسديت الاتصال ورجعت كعدت وياهن
هاله… انطيج من ملابسي حتى نكعد نلف
ورحنا صعدنا وانطتني فستان بيتوتي كلش حلو ودخلت الحمام بدلت ولبسته وشديت شعري وطلعت ونزلت جوه
وكعدت وياهن وهنه حضرن اغراض الدولمه وسويناهه وبلشنا نلف بيها
حور…. نسرين ماجاوبت؟
براء… لا
وفجاه اندك الباب وراح جاسم وفتحه ودخل اركان وكال
اركان… نسرين ماشفتوها؟
براء.. ليش مو يمك؟
اركان… لا وانا حسبالي يمكم؟
هاله… من الصبح نتصل عليها مغلق رقمها
اركان… رايح اشوفها وين
جاسم… جاي وياك
وراحوا طلعوا وسدوا الباب باوعت عليهن بأستغراب وكلت
براء… وينها؟
هاله… غرريب ليش هيج
نور… خاف صاير شي
حور… لا مااتوقع
ميرال… معقوله تكون يم امها؟
هاله… لا لان ماطول هذاك الرجال هناك هيه متروح
حور… لعد وينها
براء… ان شاء الله يلكوها
هاله.. كملن كملن
وبعد وقت طويل خلصنا لف الدولمه وكمنا غسلنا المواعين والمطبخ والبيت ونضفنا كامل ورحت للحمامات غسلت ايدي ووجهي وعدلت شعري وطلعت كعدت مع البنات وميرال جابت فواكه وحلويات وشغلت التلفزيون وكعدنا نباوع على فلم بقينا الوقت كلوا ناكل ونباوع وكعدت هاله وكالت
هاله… جاسم تأخر
نور… لا هالمره اكيد اكوا شي
هاله… راح اخابره
وطلعت موبايله حتى تخابر وانفتح الباب ودخل جاسم رحناله بسرعه
نور… ها لكيتوها
هاله… اكيد لكيتوها وينها قابل
حور… جاسم
ميرال… صاير شي
براء… جاوبنا شبيها نسرين؟
جاسم… نسرين دزت رساله ال اركان انوا هيه مسافره وانتهى كلشي….
يتبع………
///////////////////////////////////////////////////
الفصل التالي اضغط هنا
يتبع.. (رواية بريئه بين قيود مجرم) اضغط على اسم الرواية لتجد الفهرس كاملاً بجميع الفصول.