رواية بريئه بين قيود مجرم – الفصل الرابع والسبعون
***************************************
هاله… ودخل باوعت وانصدمت هذا الراموث بس شلون عز الدين شنو استغربت وبنفس الوقت انصدمت وهوه دخل وكال
عز الدين… اليوم اجيت حتى اشهد ضد بناتي لان حاولن يقتلن ابن اخويه
وكمت بسرعه وكلت
هاله… جذاااب ولله جذا حضره القاضي لاتصدكه
ووكف شريف بنفس الوقت وكال
شريف… شفت حضره القاضي مو كلتلك هذني مجرمات مكانهن السجن
عمر…. نطلع ونشوفك منو ماكنهن السجن
شريف… شفت حضره القاضي يهدد ولله العضيم الكريم اني بريئ من كلشي
القاضي… هدوووووء
نسرين…. حضره القاضي هوه يكون زوج امي ودائما يزعجنا ويتحرش بينا
وكامت براء وكالت
براء…. اي حضرة القاضي هوه حاول يتحرش بيه
فرات… شنو؟؟
باوعت على فرات يباوعلها بصدمه وهيه هزت راسه بمعنى اي وهوه تخبل وراح على شريف وضربه بوكس على وجه وتمدد فوكاه وضل يضريه وراحوا اركان وعمر وعلي الاكبر يفاككون وبقيه الولد والقاضي ضرب عالميز قوي وكال
القاضي… شنو هالاستهتاااار هاااا المحكمه تأجلت لبعد شهر
وراح طلع مع شهوده وطلعونا بره وكفت وطلع الراموث وكلت
هاله…. الله ياااخذذذذك ان شاء الله
نور… منين جبت اسمك هذا هممم لو هم تحاول تخدعنا بشي
عز الدين… هذا اسم ابوجن الحقيقي لبواتي اما المستعار الراموث
نور….. لييييشششش اجيييييت هااااا لييييش
عز الدين… يا اما تجن ويايه ونسافر او تبقن هنا وشرط بالحبس
هاله…. لو ابقى طول عمري بالحبس مااجي ويااااك لووو تموووت
عز الدين…. مو مشكله جربي حياة الحبس شويه
وراح طلع وطلع شريف يباوعلنا وجه كله دم وكال
شريف…. متهجمممييين اني الكم
وفجاه دخلت ام نسرين وشافت شريف وضربت على وجهها وكالت
ختام… يممه رجلي شصااايررر بيك
شريف… ختتااام مرتي تعالي تعالي شوووفي هاي التعتبرينها بنتج جايبتلنا عصااابه مجرمين وخلتهم يتهجمون عليه اخخخ اخخخ وجهي الحلو ورم شلوون هسه اروح على مقابله شغلي ها ختام هيج استقبل شغلي هاا
وهيه راحت على نسرين ولزمت ايدها قوي وكالت
ختام… ليييششش هييييج تخلينهم يضررربووونه هاااا لييييش هذذذااا ابووووج
نسرين… ماما الله يخليج عوفيني وعوفي هالرجال المتحرش والحقير
ختام…. حقيره هييييج تحاااجيييينييي هاااااا
نسرين… شحجيييت اني انتي بس بعينج هالرجال ماتفكرين ببنتج وينها كل هالمده واحب ابشرج بنتج رجلج اشتكى عليها وراح شنووو تدخل السجنن
وهيه باوعت باستغراب وكالت
ختام… اعرف بالموضوع
نسرين… شنو؟؟
ختام… اي لان تتهجمون على رجلي اشتكييي عليكم واساستا اجيت اشهد مع زوجي
شريف… تخيلي اتهمتني انو اني متحرش بيها اخخ اخخ فوك مااعتبرج بنتي
ختام…. شنو شنو سوت؟؟
شريف… اتهمتني اتحرش بيها
وهيه فجاه ضربتها راشدي خلتنا مصدومين وراح اركان بسرعه جر نسرين وعاط بيها
اركان…. ايييييددددج تخبببلتييي شلوووون تضرررربييينهاااا موووو بنتجججججج
ختام… بنتي خلي تحترم نفسها واعتبرها بنتي حقيييره ولله بس تجيبين طاري رجلي ماارحمججج فهمتييي مارحممممجججججج
وجرت ايد شريف وراحوا طلعوا وشريف يهز براسه يتوعد وراحوا طلعوا باوعت على نسرين مصدومه ولازمه خدها نزلت دموعها وراحت طلعت واركان لحكها وطلعنا كلنا صعدنا السياره ورحنا على بيت عمر نزلنا ودخلنا جوه وكعدنا بالصاله كلنا ومر وقت ودخلت نسرين عيونها حمر وياهه اركان وكعدوا
عمر…. لازم نحل الموضوع گبل المحكمه
علي الاكبر… هذا عز الدين مو امان لازم نضمهن بمكان
نور…واني اكول منو عز الدين تاليته طلع الراموث الحقيير
علي الاكبر… ليش ماتعرفينه يولي
نور… لا ولله ماعرفه
علي الاكبر… وين نوديهن
عمر… لازم غير محافضه
حمزه… بغداد
عمر… تؤ يلكوهن بسرعه
كرم… البصره
علي الاكبر… شغلنا هناك بسرعه يلكوهن
غيث…. ديالى
عمر…. لا مكان أمن نريد
نسرين… شنووو بضاااعه وذبووونا شبيكم
اركان… حتى نأمن
فرات…. نوديهم يم اهلي
عمر…. خوش فكره يم اهلك أمن
علي الاكبر… مافكرنا بيها ولله خوش فكره
فرات… جهزوا اغراضكم بسرعه
هاله… گومن ويايه
ورحنا صعدنا فوك وجهزت كل اغراضي ونزلنا جوه وكفت وكلت
هاله… بنات خاايفه
نسرين… مايكدرون يسون شي بدون دليل
نور… زين وفيديو يسار
براء… اكيد راح يهددنا بي
هاله… مايكدر لان جاي يهددهم جاسم
ورحنا حتى ندخل بالصاله وسمعناهم يحجون
عمر… المخدرات شوكت تستلمهن
حمزه… الصبح اطلع اخذهن
كرم… حلو واني استلم الاسلحه
فرات…. ومايبقى عدنا شي مو
علي الاكبر… اي نصفي كل حساباتنه
باوعت عليهن مصدومات ونسرين بالاخص مامتوقعه وكالت
نسرين… تجار مخداررراات ومجرمين
أيه… شش شنو
التفتنا بسرعه باوعنالها وهيه مصدومه وبيدها لفه وكالت
أيه… عمر وجماعته تجار مخدررررااات
وانفتح الباب وطلعوا عمر وحمزه وعمر كال
عمر… لجججج جنتي تراقبينا
أيه… وربي سمعت بالصددفه مااا توقعتتتتت
حمزه… وهسه انتي شسوين
أيه… شسوي
حمزه…. تلطمين حلگج وماتفتحينه الاحد وجيبي هاي الفه
واخذها من ايدها وباوعتله وكالت
أيه…. وانت منو سمحلك تاااخذها اذااا ماحجيييت مااطلع مره
وطلعوا الولد وكرم شافه وكال
كرم… بس لا هاي عررررفتتتت
عمر…. مع الاسف
كرم… بووووويه رحت بيها
أيه… انتتت همممم ويييياااااهممم طلعتتتتتت
وردات تروح وجرها حمزه وكال
حمزه… حسبو حسابه همين
عمر… مضمون لاتخاف يلا امشي شيلي اغراضج نطلع
أيه… وويننن
عمر… ال كربلاء
أيه… شنو زياره؟؟
عمر… لا نروح عدنا شعل وهم نزور يلا
حور… ندبرها يلا تعالي وياي
وجرنها وهيه وكفت وكالت
أيه…لحضضضضهههه
عمر…خير!؟
أيه…تريدني اضل ساكته؟؟
عمر…اي
أيه….ليومه اريدها وياي تجي
عمر….لا مو أمن
أيه…وانااااا
عمر….خووووش تجييييي
واخذناهه فوك وحضرنا اغراضه كامل وجهزناهن
هاله… خلصنا كامل
أيه… اذا مااشتكي عليكم تاخذووني غصب
نور… ههههههههههههه
حور… يلا ولج هم نغيير جوو
ليام… اي ولج لاتضلين ساكته فوك مااخذتيني غصب وياج
أيه.. شسوي قابل هم اسفط حجي وياج
ليام…. يلا يلا
وجهزنا فرشنا ونمنا وصار الفجر گعدنا وتجهزنا وشلنا اغراضنه وطلعنا وبعد ساعات وصلنا الكربلاء تحديدا بيت فرات وجان كلش جبير وحلو اول مره اشوفه وانبهرنا بي وفتح الباب فرات ودخلنا واهله جانوا گاعدين واستقبلتنا مره جبيره وكالت
نهال… يمه هلا بأبني يممه الف هلا نووورتنااا
وراحت وحضنته وهوه بادلها وباس راسه وكال
فرات… هلا بيج يمه شلونج
نهال… يمه صرت احسن من شفتك
فرات… بعد عيني يمه هاي الامانه
نهال… يمه احطنها بعيوني لاتشيل هم
فرات… بعد عيوني انتي
وباس راسه وادينها وحضنها وهيه كالت
نهال… فوتو للديوان هلا بيجن بنياتي هلا بيجن
ورحنا بوسناهه وسلمنا عليها ودخلنا للديوان جان كلش جبير وكعدنا وسوولنا ريوگ ورحنا تريگنا وخلصنا كامل وفرات كال
فرات… يلا يمه احنه نتوكل
نهال… يمه دير بالك على نفسك مااوصيك وليدي
فرات… صار يمه
وراحوا طلعوا وبقينا بس احنه البنات وياهه وهيه باوعتلنا وتضحك وكالت
نهال… هسه يلا نور البيت بجيتكم احطكم بعيوني
هاله… تسلم عيونج خاله
نور… تسلمين خاله
نسرين… خاله تعبناج بجيتنا
نهال… لا على بختج الف هلا بيكم نورتونا ولله
حور… بنورج خاله
ميرال… شكرا الج خاله
نهال… الف هلا هسه تجي رسميه تدليكم غرفكم
وهيه راحت واجت مره بكدها وكالت
رسميه… يلا تعالن
ولحكناهه دلتنا على غرفتنا جانت غرفه وحده كلش جبيره بيها كنتور وفرش وكالت
رسميه… ماكدرنا نجيبلكم جربايه عذرونا
نور.. عادي خاله مو مشكله شكرا الج
هزت راسه وراحت طلعت
أيه… المريه الاولى تفتح النفس والثانيه تسد النفس
حور… اي ولله
ميرال.. بنااات عييب
ليام.. هاي شبيجن
نسرين… خلي نسفط ملابسنا ونطلع يلا عيب من الناس
وسفطنا هدومنا بالكنتور كامل وسوينا سره عالحمام نسبح وخلصنا كامل وبدلنا وتجهزنا ونزلنا جوه وجانن هوايه نسوان واجت رسميه كافه اديها وكالت
رسميه… يلا يبنيات اثنين عالديوان واثنين عالبيت واثنين عالاكل واثنين عالخبز
حور… شنو قصدج؟؟
رسميه… طبخ وتنضيف وخبز تشتغلن يلا بنياتي
واحنه كل وحده تباوع للاخرى بصدمه وگعنا بيدها بعد….
يتبع……
///////////////////////////////////////////////////
الفصل التالي اضغط هنا
يتبع.. (رواية بريئه بين قيود مجرم) اضغط على اسم الرواية لتجد الفهرس كاملاً بجميع الفصول.