رواية بريئه بين قيود مجرم – الفصل الخامس والسبعون
بريئه بين قيود مجرم
***************************************
هاله…. نعم؟
رسميه… تنضفن البيت ماطولجن باقيات هنا
أيه… شني خاله باقيات على گلبج
رسميه.. لا خاله ماباقيات على گلبي بس حالجن حال البنيات
براء… تمام خاله مو مشكله
رسميه… يلا عفيه
وراحت والتفت على براء معصبه وكلت
هاله… حبيبتي انتي جنتهم روحي نضفي اني شعليه
براء… ولج عيب فوك مااستقبلونا ببيتهم
هاله… بلا باقيين منيه هنا اكوا كومه فنادق وخمس نجوم الاكل يجي الغرفتي شنوو ننضف
ليام… لاا عفيه اني ببيتي ماخلصانه نوب هنا
أيه… مانضف اني
نور… بيت شكبره بس احنه ننضف هاي شبيها
نسرين… كلنا نجتمع ونضفه ونخلص اصلا راح نروح بعد يومين
هاله… منو گال؟؟
نسرين… اكيد همه راح ياخذونا ويحلون الموضوع واخوانج يوكفونهم عند حدهم
هاله… اخواني؟ الله يعلم وين همه هسه ماشايفتهم من لكينا نور وعلي الاكبر همه اختفوا
نور… بس لا رجعوا العمامي
ليام… لا مااعتقد
هاله… يعدين تعالي المسعد خطفج
ليام… لاتذكريني يريد يزوجني غصب انفضحنا
نور… منوو جاسم
ليام… اي ولج
نور… ياااا اخويه رومانسي
هاله… ماتوقعته
أيه… ههههههههه الحب ومايفعل
نسرين… هههههههههههههه
ليام… يلا خلي ننضف
هاله… يااربي انضف الديوان وحده ويايه
أيه… اني وياج يلا
نسرين… اني ونور نخبز
نور… ها خبز؟ بس اني ماعرف
نسرين… عالساس اني اعرف ندبر نفسنا لانروح نتفشل
نور… هففف يلا
براء… واني وليام نطبخ
ليام… سهله
حور وميرال… واحنه ننضف البيت
وكل اثنين راحن بجه ينضفن واني وأيه رحنا للديوان انصدمت شكبره واجت رسميه وكالت
رسميه… اكوا ثلاثه مثلهن هم نضفوهن
هاله… شنووو
أيه… تمام
وهيه راحت طلعت باوعت عليها بصدمه وهيه هزت راسه وكالت
أيه… شنسوي مجبورات يلا عيني
هاله… لا لهنا وكافي على شنو مجبورات مادكليلي؟؟
أيه… يلا حبيبتي انطيني فلوس خلي نروح نحجز فندق ست نجوم هم مو خمسه يلا انطيني
هاله… ها؟ فلوس؟
أيه… اي حبيبي فلوس يلا انطيني وخلي نروح ويخدمونا
هاله… مم ماعندي اوووف مااخذذذت حتى
أيه…. جيبيلي الزاهي يلا حبيبي
ورحت بضوجه جبته وانطيته ياه وخلته بصطله لونها اخضر حطت هوايه واجت رسميه عاطت وفززتني
رسميه… ولجججج على كييفجججج
أيه… شبيج خاله
رسميه…. راح تفرغين كل الزاهي حطي قليل وهوه يصير وغف بعد عدجن هوايه شغل يلا
وراحت طلعت فار دمي وكلت
هاله…. ياااارررربييييي حطيييييي كلههه يلااا اليوم لو اني لو الزاهي يلا حطي كلههه
وهيه حطت هوايه وكلت
هاله… اكثر اكثر
أيه… ههههههههههههه ولج راح يخلص
هاله… افيييش كون يخلص ارتاح ولله
وهيه رمت الزاهي وجابت الصونده وترست الصطله واجت الحجيه المنرفزه مره ثانيه جايبه شالات استغربت وكالت
رسميه…. هاجن شدن روسجن حتى مايگع شعر وننفضح
هاله… لا عيني خاله اني شعري مايگع مسويته يم احسن صالون
أيه… اي خاله واني هم مايحتاج
رسميه… لاا شدنها هسه يجونا خطار ويشوفون شعرجن عود شحجيلهم ها يلا اروح انطي اخواتجن
وذبتهن علينا واخذناهن وهيه راحت وكلت واني اشد الشال على راسي
هاله… هاذي اذا جت مره ثانيه ارگعها براشدي
أيه…. ياااربببي شووورطني واجيت ساعه السوده السمعت كلامهم كون
وترست الصطله وذبت الماي بالكاع وانطتني فرچه وهيه هم وكالت
أيه…. يلا خيه جلف ممتاز
هاله…. امري ال الله يلا
وجلفناهه كامل بقينا وقت طويل نجلف بيها وردنا نكب ماي حتى نمسحها واجت وكالت
رسميه… بعد بعد انوب جلفن شنو هالجلف بدوون فهاوه يلا
هاله…. ترى جردنا الكاع جرد شبيج خاله
أيه…. ترى تكسر ضهري ولله العضيم
رسمه… يلا جلفن لاتضيعن وقت يلا راح يجون الخطار
وراحت طلعت وكلت
هاله….. اروح اكتلها ولله
أيه…. مستفزززه
هاله… حجيه منرفزه
ورجعنا نجلف بيها…
……………………………….
ميرال… اخخ ضهري يمه بقت كم غرفه
حور… بقن ثلاثه
ميرال… ماضل بيه حيل ولله
حور… اني راح اتخربط اكلج
ميرال… كولي
حور… الدرج جبير منو يجلفه
ميرال…. انتي
حور…. انتي ماعليه اني تعبت
ميرال…. عالساس اني جنت اركص غيير هممم تعبتت
حور… لعد هيه تنضفه
ميرال… طبعا هسه اروح اكوللها يلا خاله نضفي الدرح لان الانسه حره امرت هذا الشي
حور… يلا عليج الله هسه ني اروح احاجيها
ورادت تروح وجريتها من شالها وكلت
ميرال… دتعااالي انتي وشالج وين موليه هسه اذا نكوللها تفضحنا
حور… يااااارررربييي ماااااريييد
وراحت وتزحلكت بالماي ووكعت بالكاع على ضهرها رحتلها بسرعه اضحك وكومتها وهيه لازمه ضهرها وكلت
ميرال… شبيج خيييه مثووله
حور…. اررررررووووووححح اكتلهاااااااااا
ميرال… يمممه انفضحنااا صوووتججج
واجت رسميه بسرعه وكالت
رسميه… شنووو هالعياااط هااااا
وحره كامت على حيلها وكالت
حور… شوووفي ولججج بنت
رسميه…. شنوووو ولجج
سديت حلگها وكلت
ميرال… هههههههه خاله لاتفهمينا غلط قصدها عليه تريد ادكلي بنت الاوادم لان وكعت
رسميه… ثووول كون يلااا خلصنننن تورررطنا بفاااهيييييات
ميرال… ها خاله
حور…. منوووو فاااهيييااات
رسميه… انتن يلاا خلصن الدرررج والغرررف يلا
وراحت نزلت وحور رادت تروحلها وجريتها وكالت
حور… ان شاء الله تكع من الدرج كولي امين
ميرال… لا يمه نتوررررط
حور… كووووووليييييي اميييين
ميرال… امين امين بس يلا…
……………………………………..
براء… اخخ يمه عيييونييي وهذا الشال بزززعنييي
ليام…. يبووو هالريييحههه يمممه عيييوني
كاعدين وبسدنا بصل هوووايه لازم نگرضه كله اني وليام
براء… شنووو هالبصل يطلع طن لازم كله نخلصهه مستتتحييييل
ليام…. خلصيي بااقيي الطمااطه
براء… مسسستحييييل هااي عشيييره عاازمييين مووو خطااار خلصصص استقيييل
وكمت وهيه جرتني وكالت
ليام… تعالي ولجج هييه شغل وتستقييلين بعديين هذوول بيت عيالج المستقبليين
براء… مسستحيييل ابقى وياااهمممم دقيييقه وحده من هسه بيت وحدي
ورجعت كعدت اقطع البصل وهيه ويايه وعيوني حمر وادمع ابجي ودخلت هيه وكالت
رسميه… هاي بعدجن هذا لو اني جان خلصته شبيجن مادكللي
براء…. خاله اذا عاجبج تعالي كملي الشغل
رسميه… شنوو اني مره جبيره ماكدر
براء… والنسااوين الجوه الكاااعداات مايجن احنه خطاار مايصير تشغلينا
رسميه.. ولج انتي ماتستحييين
ليام… براء يمعوده سكتي
رسميه… يلااا خللصصصصن بسررررعه يلااااا
وراحت طلعت ورجعت كملت باوعت على ليام وجها احمر وتبجي نفس حالتي
ليام… ادرري الشاال ليييش متت من الحر
براء… حتى مايكع شعر كون اكص شعررري بنص الاكل وافضحها يم المعازيم
ليام…. ههههههههههههههههه
براء…. اوووف الطماطه مااسووويهاااا وطبخ مااطبخخ عبااالي سهلل
ليام… اني هم عباالي سهل كملي كملي
وبقينا نكطع ونبجي من ورى البصل….
…………………………………
نور… واكفات ولثمنا روحنا بالشال بس عيونا تبين يم التنور الغازي ونسرين جاي تقطع العجين وتفتحه وتحطه عالماده وكالت
نسرين… يلا نور
نور… شنووو لا لا مااعرف ولله اوكعه
نسرين… لا مايكع بس الزكي
نور… انتي سوي واني اقطع
نسرين… يبوو احنه ماراح ندبرها
نور… خلي ننهزم
نسرين… وين نروح ولج
نور… ماعرف المهم مانبقى هنا
نسرين… ولج اجت يلا بسرعه
وانطتني الماده وهيه اجت ووكفت يمنا كفت ايدها وتباوعلنا واني باوعت عالتنور وعالماده وعليها وهيه اشرتلي سميت بسم الله ولزكتها غمضت عيوني وفتحتها باوعت عليها بصدمه وكلت
نور… ولله صاااارتتت
نسرين…. واااخييييررررااااا علمييينيييي
وانتبهنا الوجودها وهيه تهز ايدها وكالت
رسميه… هاي بعدجن يحضي جان هسه مخلصاات
نور…. يووو خاله انتي بس تحجين
نسرين… اي ولله تعااالي جربي
رسميه… كملن كملن يلا راح يجون المعازيم وبعدجن
وراحت وبقينا نقطع بالعجين ونخبز والحر كتلنا كتل خلصنا كامل ونزعت الشال اتنفس ورجعنا للبيت بعد ما صارت مغرب ورحنا فوك للغرفه دخلنا وباوعت شفتهن كلهن كاعدات ورحت ذبيت روحي عل فراش وباوعت عليهن براء وليام يفركن بعيونهن وهاله وأيه يفركن برجلينهن وميرال وحور يفركن بضهرنهن
نسرين…. لازم اتشااهد واخيييرا صااار من الصبح نشتغل لحد المغرب شساالفه
براء…لا لا بعد ماابقى هنا
نور… اني هم
هاله… وياجن
نسرين…. مادكللي وين نروح؟؟
نور… بالشاارع وماابقى هنا
وانفتح الباب بقوه فزيت وكمت وباوعت وشفت..
يتبع……..
///////////////////////////////////////////////////
الفصل التالي اضغط هنا
يتبع.. (رواية بريئه بين قيود مجرم) اضغط على اسم الرواية لتجد الفهرس كاملاً بجميع الفصول.