رواية بريئه بين قيود مجرم – الفصل السادس عشر
بريئه بين قيود مجرم
هاله….. رحت ركض حتى بس انهزم واخلص منهم واني جاي اركض انضربت ببنيه خرمشتني من ايدي قوي اله صار يطلع دم باوعت عليها جان اكو سلسال على وجها مايبين وكالت
اني اسفه اسفه ماشفتج
وراحت كملت ركضها جان صوتها مو غريب عليه كاني اعرفها لحضه هاي صوتها يشبه صوت نور معقوله هيه؟ قاطع افكاري احد جرني من ايدي باوعت وشفته عمر راحت من ايدي الفرصه وكال
عمر… تردين تشردين؟
هاله… لا مااريد بس طلعت من الحمام ادور اليام ها هيانه
ورحت الها ولزمتها من ايديها ورحنا نمشي وصعدنا السياره واني ضليت افكر بيها منو هاي معقوله نور هنا اوفف
ليام… هاي شبيها ايدج
وعمر وكف السياره والتفت عليه
عمر.. شكو؟
هاله… ها هاي انضربت
عمر… مايبين مضروبه عبالك بزونه خامشتج
هاله… لا يا بزونه اني انجرحت بس مااتذكر بشنو
عمر… شبيج اليوم احسج مو طبيعيه؟
هاله… ها مابيه شي قابل شبيه
عمر… خوش
بينما اني ضليت افكر بالبنيه الطريق كلوا
………………………………
براء…. استاذ انت تكدر تطلعه مو
اركان… طبعا طبعا اكدر بس لازم اخذ معلومات عن…
قاطع كلامه دخول فرات
فرات… خلصت الجلسه يلا حبيبتي لازم نطلع
براء…. شنو لحضه؟
فرات… يلا عيني لازم نروووح
وجرني من ايدي وكال
فرات… اركان بعدين تاخذ المعلومات لان هسه عندي شغل وياه وغمزله وسد الباب طلعني بره ودفعته وكلت
براء… انت مخبل شجااابك هنا هاااا
فرات… ولله طلعتن مو قليلات شنوو هاي الخطط الحاطينه هااا
براء.. يا خطط
فرات… تشردن انتن الثلاثه
براء… نووور سووووتهاااااا
وكال
فرات… اييي سوووتهااا وشردتتت
براء… ولله كفووو
فرات… شنو؟
براء… كفو عليها
فرات… خرب بحضي امشيي
ورحت صعدت السياره وهوه هم صعد وبنص الطريق اجاه اتصال
فرات… الو عمر؟ هاااااااا خرررببببببب شلووون صاررر هيييج هاااا شلوووون خرب بحضيييييي وسد الاتصال
براء… هاي شكوووو
فرات…. عمر انسجن
براء…. شنوو شلون؟
فرات… مااادري رايحلهم
وساق سريع يريد يروحلهم….
…………………………………
نسرين…. كاعده يم ابويه احجي وياه عن يومي وهوه مايستجيبلي صار فتره على هاي حالته واني راقبت اركان ومااكتشفت عنه اي دليل وصرت اراقب فرات حاليا ولحد هسه ماكوا اي دليل وكاعده ابجي يم ابويه
نسرين… بابا للاسف مالكيت اي دليل يخص قضيتك لحد الان مااعرف شسوي الله يخليك اكعد وانطيني حل اوووفففف
واجاني اتصال من براء جاوبت
نسرين… هلا حبيبتي شلونج
اني مو براء
عدلت كعدتي مستغربه اباوع للرقم وكلت
نسرين….. انتي منو؟
ماراح اكلج بس عندي دليل يخص عمر وعلي الاكبر وفرات بمتاجره اسلحه ومخدرات
نسرين… زين اكدر التقي بيج
لا مااكدر
نسرين… دزيلي
ودزتلي اوراق كومه وصور وصوتيات تخصهم حفضتهم يمي ورحت طلعت بره المستشفى وصعدت سيارتي ورحت للمركز ودخلت على مكتب اركان
نسرين… شووف هاااي الصور
وشوفته وهوه كال
اركان… حوليهن يمي وتعالي وياي
وحولتهن وهوه راح للضباط والشرطه وشوفهم ودزو ويانه مجموعه من الشرطه ورحنا البيت عمر ودكينا الباب وطلع النا عمر
نسرين… ولله طلعتوا خوش تلعبون بس مو عليه
عمر… خير؟
نسرين… انت محاكم بتهمه تعاطي المخدرات وتجاره الاسلحه
اركان… طبعا هاي الاوراق تخصك وهسه تكدر تتوكل ويانه للسجن
وهوه صفن عالوراق واجى اخوا باوع علينه
حمزه… عمر
عمر… اي
وهوه راح دخل للداخل بينما الشرطه اخذوا عمر للسجن وجزء منهم دخلوا يفتشون واني دخلت وياهم وشفت امه متخربطه وشايلينه ورحت اخذت اساميهم كلهم وطلعت افكر بزوجته اله وراه فد موضوع واركان كال
اركان… تفضلي محققتي الذكيه خليني اوصلج
نسرين… تسلم
ورحت صعدت ويا ورحنا…….
………………………………..
هاله…… رجعنا للبيت ورحت بدلت وكعدت عالجربايه اجى عمر كعد يمي وبيده معقم ولفاف
وعقملي ايدي كلش توجعت بس مابينتله وخلص وكال
عمر… ليش حاولتي تشردين؟
هاله… لا..
عمر… احجي هاله
هاله… لان تعبت من وجودي هنا ومااعرف شي لا عن امي وابويه ولا عن جاسم ولا عن نور تعبت
عمر… اوعدج بس اخذ بثاري ارجعج
هاله… ثار شنو ترى اني ماجاي افهمك شنو يعني تكتل اخوي؟
عمر… اخوج مد ايده على اختي هم انتقم منه بس اول شي لازم اخذ بثاري من ابوج
هاله… ولله ابويه مالله ذنب على احد بشنو احلفلك ها؟
عمر… انتي جاي تستغبين لو تضحكين عليه ها شبيج؟
هاله… اني بس جاي احجيلك الحقيقه
عمر… انتي كلشي ماتفهمين حاليا
وراح طلع وطلعت وراه وكلت
هاله… عمر شنو قصدك وضحلي ها؟
عمر… بعدين تعرفين
ردت احجي واندك الباب وراح عمر يفتحه وجانت الشرطه وكالوا لازم ياخذون عمر بتهمه تعاطي المخدرات وتجاره الاسلحه باوعت من الجام واجت ليام
ليام… هاي شكو؟
هاله… ماادري منو هاي البنت
ليام… هاي حسب ماعرفت انو اسمها نسرين والي بسدها اركان
هاله… شوووفي اخذوا عمر شلون هسه ها؟
ليام…. يمهههه اخويه
وراحت على ام عمر وام عمر جانت تبجي ودكول
ام عمر…. يمهههه ليييش هيج يصير ويانه ليييييششششش اخ گلبي
وفجاه اغمى عليها وراحوا ليام وزهراء وحسين وحمزه راح ركض للداخل على غرفه عمر ورحت وراه ركض اعرف شكو وهوه طلع كومه اجياس مثل الطحين بيها وحطهن بجيس اسود وطلع اسلحه هوايه وهم شالهن واخذهن وراح طلع من الباب الخلفي وفجاه دخلت كل الشرطه للبيت يفتشونه ودخلت المحققه تفتش وتفتر تباوع علينه واحد واحد اجت يمي وكالت
نسرين… اسمج؟
هاله.. اسمي هاله
نسرين.. تمام
وسجلت معلوماتنه كلنا
نسرين… انتي زوجه عمر؟
هاله… اي
نسرين… حلو
وراحت طلعت بينما احنه ضلينه بمكانه وصار اليل وماكو اي خبر عن عمر نمت وكعدت الصبح اندك الباب وراح حمزه يفتحه وشفته وانصدمت…….
يتبع…. 💙✨
……………………
الفصل التالي اضغط هنا
يتبع.. (رواية بريئه بين قيود مجرم) اضغط على اسم الرواية لتجد الفهرس كاملاً بجميع الفصول.