رواية بريئه بين قيود مجرم – الفصل الخامس عشر
بريئه بين قيود مجرم
نسرين…. جنت جاي انتضر وفجاه الدكاتره كلهم دخلوا غرفه ابويه
ورحت ركض اريد اعرف شكو شصار وياه
نسرين… احجوااا شكوووا شبيييي ابووويه هااااا
ابجي واحجي وهمه راحوا دخلوا باوعت من الجام جانوا جاي يسوله جهاز كهربائي وابويه مايستجيب واني ضليت ابجي واصيح
نسرين… بابااااا لاتعووووفنيييي بابا الله يخلييييك منو يبقاااليييي بابااااااااااااا
وهمه مستمرين ويزيدون واني ادعي وابجي واخيرا بعد وقت رجع نبضه وطلع الدكتور وكال
الدكتور… الحمدلله كدرنا ننقذه وهسه هوه زين بس
نسرين… بس شنووو دكتووور احجييي بس شنو
الدكتور…. انسه نسرين ابوج داخل بغيبوبه ويمكن مايصحى منها
نسرين… شنو؟
الدكتور.. للااسف اتمنى اله الشفاء العاجل
وراح وخلاني بصدمتي حسيت انكفخت على وجهي شنو يعني بعد مايكعد ابويه داخل بغيبوبه وهوه راح يخلص عمره بالغيبوبه ورحت ركض دخلت الغرفه وكعدت يمه وبلشت ابجي
نسرين… بابا حبيبي يلا اكعد لاتضل نايم بابا الله يخليك خلي نرجع للبيت بابا تسمعني بابا اني اخاف ارجع للبيت وحدي بابا الله يخليك تسمعني بابااااااا واهزه وهوه ماكوا منه اي رده فعل ولا يسمعني وحطيت راسي على صدره ونمت حسيت احد يهزني ويكول
انسه نسرين انتي زينه اكعدي تسمعني؟
فتحت عيوني وشفته المحامي اركان
نسرين… انت شتسوي هنا؟
اركان… سمعت بحادثه ابوج واجيت اشوفه شلون صار
نسرين… شوفت عينك دخل بغيبوبه وبعددد مايكدر يصحى منهااا بس لوو اعرف منو الي فجر المبنى اذا ماانهي
اركان… تمام تمام انتي بس اهدي
نسرين… شلوووون اهدء وابويه مايستجيب وياي هااااا شلوووون كلييييي
اركان… حقج ولله حقج
نسرين… اوففف ياربي ليش هيج يصير ويايه اني صوجي خليته يروح للمبنى صووووجييييييي انيييييي
ابجي واضرب برجلي
اركان… نسرين اهدي اهدي ان شاء الله يصير زين اهدي
ولزمني من ايدي يفركها وخرتها وكلت
نسرين… اني راح افتح قضيه تخص المبنى وابويه وراح اكتشف منو الي فجر المبنى
اركان… اساعدج؟
نسرين…. لا شكرا اني راح اتصرف وحدي
وشلت اغراضي وطلعت بره وهوه لحكني وكال
اركان… انتي شلون راح تتصرفين وحدج ها شلون راح تحلينها
نسرين… مااااعررررف لازممم اتاكد من شي
وصعدت سيارتي وهوه اجه وصعد ويايه وكال
اركان… مستحيل اخليج وحدج
هزيت راسي وسقت السياره وصلت للمركز وطلبت اسوي قضيه تخص المبنى وبدوا يدورون عن القاتل وماله اثر حاسب حساباته كلش زين واركان راح عنده شغل بس شكيت بي
اريام…. انتي منو تتوقعين السوه هيج؟
نسرين… واحد من هذول الخمسه
اريام… يعني
نسرين…حاليا شكوكي يم اركان
اريام… المحامي اركان؟؟
نسرين…اي هوه واني لازم اراقبه حتى اتاكد اذا هوه اواخذ شي دليل
اريام… مااتوقع هوه لان هوه يدور خير مو شر
نسرين.. واني اتوقع عنده علاقه مع عمر وعلي الاكبر وفرات وكرم
اريام… بس حسب معرفتي انوا همه يكرهون بعض؟
نسرين….مااعرف بعد واني هسه لازم اشوف شغلي….
…………………………….
علي الاكبر…. احنه لازم نروح من هنا
نور… شنوووو وين نروح؟
علي الاكبر… على اهلي اخليج هناك امان
نور… اني اريد ابقى يم اختي شبيييك
علي الاكبر… يولي انسي انتي عندج اهل ماااكووو بعد اني بس الگي ابوج واعرف منو من اخوانج جاتل اخويه اكتلهم وافضها
نور… اخواني؟
علي الاكبر… اي واحد منهم
نور… انت تقصد جاسم او هاله
علي الاكبر… لا جاسم و….
دك موبايله وما وكال منو وجاوب عالتصال
علي الاكبر… الو؟ هاااا شلووون رااااحت اله خرررب جاااي سد الاتصاااال
نور… شكووو
علي الاكبر… اننننتتننن حييييل مصختنهاااااا
نور… شنوووو اني شعلييييه
علي الاكبر….نور
نور… ها
علي الاكبر… اني هسه راح اطلع
نور… اي روح
علي الاكبر… نور اذا شردتي ماارحمج هاي المره وغلات عيونج عندي
نور… مااهرب
علي الاكبر… اني كلتلج ماارحمجج.
وراح طلع وقفل الباب كلش زين واني رحت ركض صعدت فوك للغرفه وضليت انتضره نمت وحسيت احد يهزني وشفته هوه وكال
علي الاكبر…. يلا يولي خلي نروح
نور… بس..
علي الاكبر… نور كلت لازم نررروووح
وهزيت راسي وردت البس ملابسي وهوه انطاني ملابس جانت عباره عن عبايه لونها اسود وشال اسود مع سلسال ينحط على الوجه استغربت منه وكال
علي الاكبر… هذا لبسي خووش
نور… ليش
علي الاكبر… اني اريد تلبسينه
نور… بس اني ماريد؟
علي الاكبر… نوووورررر تلبسييييينه
نور… اوووففف تمام
وهوه راح طلع واني لبستهن كامل ولبست السلسال وطلعت وهوه شافني وكال
علي الاكبر… يلا نروح
ولزمني من ايدي وصعدني السياره وهوه صعد وكال
علي الاكبر… اول شي لازم اشوف عمر
وخابره
علي الاكبر… انت وين؟ خوش جايك
وسد الخط وصار يسوق واخيرا وصلنا باوعت وشفت مرقد الامام علي (عليه السلام) وهوه راح نزل يدور العمر بس نسى يقفل الباب وراه واني استغليته حتى اهرب بعد مااختفى من عيوني فتحت الباب ورحت ركض جانوا اكو هواي عالم واني جاي اركض انضربت ببنيه وخرمشتها باضافري بدون قصد باوعت عليها جانت ملثمه وجه وكلت
نور… اني اسفه اسفه كلش
ورحت كملت ركض…..
…………………………….
عمر…. اليوم اني اروح
هاله… وين
عمر… اروح زياره
هاله… اخذني وياك الله يخليك اريد اروح
عمر… لا
هاله… الله يخليك اريد ارووح اخذنيييي
وبعد ماضليت الح عليه وهوه قافل واخيرا وافق وكال
عمر… بس نزور ونرررجععع افتهمتييي
هاله… اي ولله بس نزور ونرجع
وهوه راح دخل للحمام واني هاي جانت فرصتي حتى اهرب منه وبدلت وتجهزت كامل ورحنا طلعنا…
وصلنا ونزلنا كلنه ودخلنا وزرنا وردنا نطلع وكلت
هاله… اريد اروح للحمامات
عمر… لياام
ليام… ها حبيبي
عمر… هاله بامانتججج
ليام…. احطها بعيوني لاتخاف
واخذتني ورحنا للحمامات دخلت ونزعت شالي وغطيت بي وجهي حتى ماتشوفني وطلعت مع مجموعه من النسوان وهيه جانت واكفه ماملاحضه ورحت ركض حتى انهزم…….
يتبع….. ❤️🔥👑
الفصل التالي اضغط هنا
يتبع.. (رواية بريئه بين قيود مجرم) اضغط على اسم الرواية لتجد الفهرس كاملاً بجميع الفصول.