رواية القسوة تشع من عيناه – الفصل التاسع والعشرون
بارت 29
فكيت عيني الدكتوره فوك راسي تفتر تفحصني باوعت بعيوني كالت
– شلون صرتي
كعدت اباوع المياسه وكفت يمي تعدل شالي
مياسه :- ها يمه بعدج دايخه
ترف :- لا شبيه؟
مياسه :- شاكين بيج حامل
ضربت وجهي حيل مياسه لزمت اديه فاكه عينها
مياسه :- لا لا بس شاكين
ترف :- ماريد والله ماريد هسه اكتل روحي والله اكتل روحي فهمتيييي اذا كالو حامل اكتل روحي
طلعتني بره كعدنه ؏ الكرسي مدنكه لازمه راسي باثنين ادين ومياسه تمسد ؏ ضهري
مياسه :- شبيج يمه شبيج جا ماتكيفين تجيبين اخي لقاهرة ها ماتكيفين تكونين عائله والله هذوله باجر يفيدوج من محد يبقالج تلكيهم بضهرج
ترف :- ماريد مياسه ماريد مافهمت شي من عمري مياسه فهميني گلبي يوجعني فهموني مره وحده
– ترف صفاء
رفعنه راسنه اثنينه فاكه عيني عليه منتظرته ينطق اشر علينه وگـال
– ترف صفاء
مياسه :- اي اي بشر
– الف مبروك حامل
زلغت خدودي باثنين ادين ومياسه تلزم بيه تهمس
– فضحتينا عفيه فضحتينا اششش اششش ميخالف اني يمج اني يمج
رخيت ضهري ؏ الكراسي وبجيت منهاره ، شبيه شبيه كافي استوعبي هاي حياتج ولازم تعيشيها لازم تخلفين وتهتمين وترضعين واتعبين وبنص العمر من كلهم تزوجيهم التفتي النفسج تلكين نفسج عجوز بعد مابيها حيل تكوم تحقق حلم واحد من احلامها مابيها حيل تكوم منا الباب الغرفه لازم واحد يكاودها ويوصلها هيه هاي حياتج هيج راح تكضيها هاهيه تقبليها هاهيه هاهيه
عفتها وكمت ومياسه تركض وراي تلزم بيه وتمشي وياي تهمس
مياسه :- عفيه لا تفضحينا اني يمج بس اهدي وفكري والقرار التردي يصير
ترف :- رجعيني رجعيني تعبت اريد انام
مياسه :- يلا هاي سيارة مهاب وصلنه يمه وصلنه
صعدت كدام وطبكت الباب حيل ملتفته ؏ جامه صعدت مياسه وطبكت الباب تتحسر مهاب التفت الها مستغرب
مهاب :- خير ان شاء الله
مياسه :- حامل
مهاب :- انتِ
مياسه :- لا خويه مرتك ترف
مهاب :- صدككك كولي والعباس
مياسه :- والله العظيم
اتقرب عليه جر وجهي يبوس بيه فرحان الضحكه ما فاركت وجه
مياسه :- يمعود ارجع للبيت وبوس
مهاب :- اخخخ شيصبرني راح يصير عندي فرخين من ترافة گلبي
گلب وجهي يمنى ويسرى اختفت ابتسامته گـال
– وجهج مخرمش؟
مياسه :- امشي مهاب امشي بالبيت نسولف فدوه وصلنه
ابتعد ساكت وصلنه ونزلنه للبيت اخذت قاهرة بحضني وكعدت اشربها ممه مهاب ومياسه بالمطبخ اسمعها تحجي ويا بصوت ناصي
مياسه :- ليش مهاب ليش والله حرام عليك اني شوصيتك مهاب المره من تجيب تحتاج سنتين حتى ترجع هرموناتها طبيعيه سنتين حتى تتوازن كيمياء دماغها سنتين حتى ترجع طبيعيه وانته اجيت شسويت حبلتها بالثاني وهيه بعدها مامستوعبه ولادة قاهرة صدكني راح تخبلها ؏ ايدك صدكني
مهاب :- صار بالغلط
مياسه :- ههههه هوَ شنو بالغلط مهاب خلي تسقطه خايفه عليها
مهاب :- يشهد الله اليسقط انعل والدي
مياسه :- جا ديربالك عليها والله العظيم ترا تخسرها هيه والطفل اني اكلك مو تكول ما كالت
بقت مياسه يمي شويه وراحت البيتها بقيت ابتعد عن مهاب كد ماكدر حتى مالي واهس نحجي سوه ؏ هذا الحمل ولا اريده يفرح بي
كاعده وقاهره بحضني انيمها كعد مهاب بصفي باسني بخدي ورفع شعري ورا اذني
مهاب :- حبيبي
ما جاوبته مدنكه ؏ بنتي رجع باسني وگـال
مهاب :- يلا بنيتي لشوكت تبقين هيجي ماترديني راح يصير عدنه طفل ثاني انسي الماضي وخلي نعيش عائله حلوه عائله بدون مشاكل
ترف :- مهاب ليش حبلت ليش والله تعبانه بنتي بعدها صغيره حرام عليك وعدتني ماتحبلني ليش تجذب ليش
مهاب :- يشهد الله ماردت ولا بالي الفكره بس هاي مكتوب يصير عدنه طفل ثاني اني موجود عليه قاهرة وعليج ابني الثاني
ترف :- مشكور اخذ السهله وعاف الصعبه
مهاب :- هاهيه قاهرة عليج
ترف :- يعني راح اكمل حياتي وياك؟
صفن عليه ثواني وكام ماعنده جواب السؤالي
صحة مهاب حيل تعبت واني تعبانه ودوم اتعارك ويا وهوه يحاول يصلح كل مشاكلنه واني مدري شبيه مثل مخبله كل ساعه سويت مشكله مرات من اصفن ع نفسي اشوف بيه ابوي صفاء نفس الصفات نفس الحركات نفس المشاكل اليخلقهن لعد شكد صرت مكروها
ومهاب يوميه ؏ الموعد يروح الدكتوره النفسي صار عنده مجر كامل ادويه واني ما جاي اسامحه ولا اتعلق بي الكوابيس مافاركنه يوميه مخرعني ؏ كابوس يفز منه مثل مخبل
جنت كاعده بالصاله بالكاع مدده رجلي اثنينهن ومخليه قاهرة ؏ رجلي اهزها انيمها دخل مهاب شمر علاكه مال صيدليه مليانه علاجات ؏ التخم وكعد بصفي تمدد وخله راسه ؏ رجلي سحب ايدي خلاها ؏ شعره
ترف :- المن هذا الدوه
مهاب :- اليه
ترف :- نفس هذنيج الي بالمجر
مهاب :- لا ، اكتشفو بايدي ورم احتمال اذا ما عالجته ايدي تنبتر
شهكت ايدي ؏ حلكي ابتعد شال قاهرة وراح للغرفه يبوس ويشم بيها
ومن الصدمه وكفت اسوي عشه واضحك وحدي مدري شبيه بداخلي مقهوره عليه بس ليش جاي اضحك دخيلك ربي ثبت عقلي
تعشينه واني صافنه ؏ مهاب وهوه يباوعلي ويدنك
ورده :- تباوعين العمو مهاب تحبي
ترف :- ايعع ، يا لا اي
ورده :- شنو
ترف :- احبج اكلي
ورده :- صايره حلوه جنه كيكه
دنكت اضحك كرصت خدودي تهمس
– حبيبي
ترف :- هاي انتَ معلمها
مدنك ياكل باله مو يمنه اني هم سكتت اكل لمن تاكل شبع شلت المواعين دخل مهاب وكف يغسل المواعين لزمت ايده ادني
ترف :- لا ايدك روح
فك عينه عليه دنكت اغسل المواعين وهوه راح يصفي بالمطبخ لمن كملت عفته يدخن ورحت سبحت واكفه كبال المرايه الزم بطني
بقيت ساعه اسبح ماودي اطلع لمن سمعت مهاب صاح
– ترف
ترف :- ها
مهاب :- لا ماكو شي
بقيت شويه ولبست وطلعت نشفت شعري ولميته طلعت اطمن ؏ ورده نايمه بغرفتها واطمنت ؏ قاهرة ورحت نمت مهاب فتحلي ايده
ترف :- توجعك ماكدر انام عليها
مهاب :- تعاي نامي بنص گلبي قابل والله
ادنيت نمت ؏ ايده اباوع بعيونه حاوط خصري بايده الثانيه باس كصتي غمضت ساكته باس شفتي وضم راسه بركبتي بقيت مغمضه لمن غفيت
وفزيت ع صوت انفاس مهاب العاليه شمر الغطه صافن ؏ مكان واحد فاك عيونه بشكل مو طبيعي يرجف والعرك ينزل ؏ وجه شربته مي كوه صحصح ورجع نام ساكت غطيته اتقربت منه اباوع لوجه
ترف :- شبيك اني يمك
مهاب :- لا تعوفيني اخاف ضميني يمج اخاف وحدي ترف
حضنته وتقربت يم اذنه همست ..
ترف :- نفس الكوابيس الجنت اشوفهن شوفهن الك ربي بس اعتقد انتَ اقوه ..
الفصل التالي اضغط هنا
يتبع.. (رواية القسوة تشع من عيناه) اضغط على اسم الرواية لتجد الفهرس كاملاً بجميع الفصول.