رواية القسوة تشع من عيناه – الفصل الثلاثون
بارت 30
ما جاوبني غفى تعبان ، تعب حيل مهاب كل يوم تزيد حالته ايده بدت تورم اكثر واكثر كوابيس مستمره يوميه يفز ويفززني ويا افز مرعوبه ؏ تصرفاته ونظراته وخوفه
الساعه بـ2 بليل ما جايني نوم نهائيًا مهاب نايم ع ضهره بصفي جان نايم وفجأة فك عينه صافن بالسكف ثابت مايتحرك بس عيونه تحركت الغير مكان
ويصفن ويحركهن للجهة الثانيه عرك حيل كمت اضرب ؏ صدره بيدي ما يباوعلي ولا يتحرك صافن ؏ مكان واحد ضربته حيل فز كل جسمه كعد ؏ حيله يبلع ريكه
فرك كصته وابتعد راح يم الميز يضرب بي بيده ركضتله لزمته من اكتافه رافعه راسي اباوع بعيونه متخبله
ترف :- مهاااب ايدككك ايدك اني يمك شبيك كافي مهاااب
لزمني من اكتافي يباوع بوجهي بتوسل صار ينزل للكاع واني انزل ويا
مهاب :- سامحيني ابوس ايدج سامحيني من كل كلبج جاي اعاني تعبت جاي اموت
جر رجلي يريد يبوسها تخبلت جريتها منه متخبله حضنته اهمس
ترف :- شجاي تشوف مهاب
مهاب :- ملك الموت
من نطقها حسيته جاي يتأذى اكثر من أذيتي حجيت بسرعه طلع الكلام مني لا ارادي
ترف :- سامحتك وداعت قاهرة
مهاب :- كولي والله سامحتك من كل كلبي
ترف :- والله سامحتك من كل كلبي
مهاب :- مايفرقنه بس الموت
ترف :- لا تخاف اني يمك
حضني بكل قوته يهمس
– والله احبج وروح صاحبي العزيز وروح اهلي ماشوف حياتي بدونج بداعت قاهرة لا تعوفيني اسويلج كلشي تردي بس لا تعوفيني
مسدت ؏ كتفه وكومته للجربايه غطيته وكعدت يم راسه العب بشعره واعدل بحواجبه بشواربه وهوه مغمض انفاسه مو طبيعيه
ترف :- جنت يوميه ابجي قبل لا انام يوميه انام مرعوبه يوميه اشوفك بكوابيسي تجيني ؏ شكل شيطان يخوفني بكل نومتي يلحكني وجهك كانما مشوه افز مرعوبه بس ما جنت الكاك يمي حتى لو لكيتك الكاك مركز بشهوتك الكاك تتحرش بيه لو تضحك عليه لان افز لو تضربني راشدي لو تصيح بوجهي تخرعني اكثر وتضل تضحك
– ماتتخيل شكد اكرهك يابه والله هذا گلبي يلچمني بس اتخيل ابقى عايشه وياك العمر كله يوميه اموت الف موته وجهك يذكرني برائتي السلبتها مني
– ذليتني هواي هواي ماتتخيل شكد ، جنت احس روحي جلبه عندك تدري لو لا أساسًا انتَ تكلي غلطي ؏ روحج جنت تخليني اكول اني جلبه جنت اخاف منك اخاف بشكل مو طبيعي وجنت من انزل واشوف امك تخزر بيه ودي اتفل بوجها اسفه بس هاي الصراحه جنت ودي اكطعها بسنوني
– يعني ليش ماتكدر عليك ليش ماتساعدني ليش ماتجيني مو حرام عليها هيه هم عدها بنات وبنات بناتها اذا صار بيهن اليصير وياي تقبل اكيد لا
– اني صح سامحتك بس مستحيل انسى الماضي العيشتني بي
عفته وطلعت للصاله مدنكه لازمه راسي باثنين ادين بقيت للصبح ماكدر انام مليون فكره بالي وكلهن اتخطاهن واشوف الحل الوحيد اسامحه واتقبل عيشتي ويا ..
صح سامحته بس ماعندي حب اتجاهة ولا نسيت الماضي مجرد سامحته وهاهيه
بقى يعاني من مرضه فترة طويله الكوابيس بعد مايشوفهن اهون من قبل بعد معاناة 6 اشهر بدا يتعافه ؏ العلاجات واني بطني صارت شكدها متحسنه حالتي النفسيه والصحيه شويه
رحنه للمكبره زرناهم كلهم قرينالهم الفاتحه وكعدنه شويه مكابلين كبر عباس مهاب راح الكبر عباس باسه وضحك بغصه كال
مهاب :- شلونك شسوه بيك التراب يا حزام ضهري بعد ماحبك عبيس اكرهك عفتني انتَ مو كلت ماعوفك ها؟
– ضحكت عليه لو ماعندي عائله جان هسه اني نايم بصفك والرسول اجتني بنيه وهسه مريتي حامل بالثاني تذكر من كلتلي شوكت اشيل جهالك يلا تعال شيلهم تعال شيل بنيتي
– مو كلت اشتريلها غراض وابوسها وازوجها لابني واخليها يمي شهر جنت ماقبل هسه قبلت يلا تعال وينك طلعت جذاب اكرهك
– باوع جبتلك ورد ابيض ادري بيك ماتحب اللون الاحمر وهذا باكيت جكاير النوع التحبه وهاي جداحه خاف ماعندك بعد شتريد اجيبلك أمرني
ترف :- يلا خلي نمشي كافي
رجعنه للبيت قاهرة هلكدتوها صغيرونه لبستها فستان احمر شكبره طلع عليها اجه مهاب شالها بيد وحده يباوعلها بكل حب
مهاب :- يمه يمه شنهاي الفصمه ولكم گلبي شنهاي ابلعها شسوي
ترف :- لك مهاااب بنيتي عوفها مو هيج تشيلها ديربالك يالله مهاااب
مهاب :- وج شلعتي كلبي يغديلج فدوه مهاب وعشيرة مهاب
ترف :- شبيك
مهاب :- بيه انتِ شبيه يعني احبج ام لسان فصمتي
ترف :- ما يلوكلك الحب ودور الاب ترا
جريت قاهرة من حضنه ورحت للغرفه نيمتها بحضني ابوس بيها اهمس
– معليج بابوج مخبل
دخل مهاب شال قاهرة نيمها بالكريكوت واجه دفعني ؏ جربايه ونام فوكي لازم اديه لفوك اثنينهن باس حنكي باوع عليه بعيون ذبلانه
مهاب :- نسوي عرس
همست برجفه ، لا
مهاب :- ليش بويه
ترف :- ماريد
مهاب :- اسويلج حفله ولبسج بدله بيضه ومكياج
ترف :- ماريد
مهاب :- بكيفج بنيتي ماجبرج ؏ شي
سكتت اباوع بعيونه باسني بركبتي رمشت بهدوء باوع بعيوني وكال
مهاب :- تحبيني
ترف :- چؤ
مهاب :- شوكت تحبيني
ترف :- منو كال راح احبك
مهاب :- بنيتي كاعده يمنه كولي احبك
ترف :- ماحبك
مهاب :- احبج
ترف :- اي فهمت كوم بطني توجعني
مهاب :- والله تحبيني
ترف :- اضحك ؏ روحك بهذا الكلام
مهاب :- وعلي تحبيني
ضحكت خله راسه بركبتي يبوس بيه يدغدني انفتح الباب ودخلت ورده بسرعه دفعته كام عني كعدت اعدل بروحي ركضتلي حضنتني تباوع لبطني تبوس بيها
ورده :- راح تجيبين وحده ثانيه مثل قاهره
مهاب :- اي راح تجيب وحده ثانيه حلوه مثلج
ترف :- شبيك انتَ يمكن ولد
مهاب :- اي عادي
ورده :- زين عادي انام يمكم بس اليوم بس اليوم حبابين
مهاب :- بس اليوم ها؟
ورده :- اي اي والله
مهاب :- يلا اليوم تنامين يمنه
شكت حلكها الضحكه ونامت بنص الجربايه فاتحه اديناتها
ورده :- الله حلوه غرفتكم مال مزوجين
مهاب ضحك بعلو صوته وهيه تضحك الضحكته كمت انيم قاهرة كوه نامت غطيتها ورحت انام شفت مهاب حاضن ورده ويضحكون يسولفلها قصه
ترف :- مهاب
مهاب :- ها بويه
ترف :- ادنه عن ورده شويه
مهاب :- وروح ابويه العزيز البالج مو بالي مو بس ويا ورده ويا أي وحده
ورده :- كالت برائة ، شنوا
مهاب :- ماكو شي هيجي سالفه
ورده :- صبرولي هسه اجيبلكم شي واجي
طلعت تركض واجت بيدها اربع مصاصات انطتني وحده وانطت المهاب وحده وراحت خلت يم راس قاهرة وحده واجت نامت بحضن مهاب مدتله مصاصتها
ورده :- افتحلياها
فتحها الها وانطاياها باوعلي وگـال
– افتحها الج؟
ترف :- تؤ
كعدت اكل بالمصاصه بنية صافيه وانتبهت ؏ مهاب يتحرك ؏ الفراش صافن عليه ورده كامت تباوعلي وتباوعله الغرفه هدوووء
مهاب :- طاحظ ترررف
رجعت المصاصه بالجيس مالتها وشمرتها بالسطل جريت ورده
ترف :- كومي تعاي بهاي الجهة كومي
كامت تمشي ؏ جربايه صرت اني بالنص ورده بحضني ومهاب وراي حضني يهمس
مهاب :- تغارين
ورده حست بينه رفعت راسها كالت
– ها
مهاب :- ماكو شي نامي عصفورتي المهلسه
حضنتها اضحك ومهاب يحضن بيه يبوس بخدودي وايدي ورده تبوس بيه ويا ومن يدغدني واصيح ادفع بايده هيه تموت ضحك صوت ضحكتها طاقة إيجابية اتمنى اعيش العمر كله واني اسمع هاي الضحكه
باس ورده وحضني گـال
– يلا نامو
ورده :- اسولفلكم قصه
مهاب :- سولفي بعد ابوج سولفي
بقت تسولف شكددد وتخبط بالقصه لحد ان دغني مهاب برجلي باوعتله مغمض فاك حلكه عود نايم ورده تسولف اني هم غمضت فاتحه اديناتي ؏ اساس فاقده من النعس
اسمعها تضحك كوه لازمه ضحكتي جرت ايدي تعدلها غطتني وباستنه كامت طلعت من الغرفه سمعت طبكت الباب فتحت ادور عليها
ترف :- وين راحت
مهاب :- اششش نامي نامي
غمضت شويه وانفتح الباب طفت الضوه واجت نامت بصفي حاضنتني فتحت باوعتلها جايبه غطاها ومتغطيه وحدها بي حضنتها ونمت
وفزيت ؏ لمسات ايد مهاب جوا ملابسي قشعر بدني جرني اله انفاسه نار برگبتي ضميت وجهي بالمخده ادفع بايده
مهاب :- اششش
باوعت الورده اتاكد نايمه رايحه بسابع نومه التفتت اله اضرب بكتفه رافعه راسي حضني يرفعني اله صرنه ؏ مخده وحده باس شفتي دفعته اهمس
ترف :- ورده
رفع شعري يباوع بعيوني يرفع برموشي ابتعدت مسافه عنه جرني قوي اله غمضت عيني وهوه يبوس بيه لحد ان لزمته من كتفه
ترف :- ورده
اصابعه بين شعري انفاسه عاليه يباوع بعيوني عين عين
مهاب :- نطلع
ترف :- لا اريد انام
مهاب :- عفيه بابا
ترف :- چؤ چؤ
نمت ؏ ضهري عيني بالسكف رجع يتقرب عليه دفعته حيل عافني وراح للحمام حضنت ورده ماكدرت انام بعد لمن طلع مهاب سابح نام بصفي تغطه وياي غمضت عيوني اسوي نفسي نايمه
ثاني يوم اجت مياسه يمي واني طايره من الفرح بيها احبها حيل من تجي نفسيتي كليًا تتغير حيل لطيفه
الي سمعته من حجيهم هيه ومهاب ساره حبيبة عباس مريض بالكانسر واصل مرحله مايفيدها لا كيمياوي ولا علاج ..
الفصل التالي اضغط هنا
يتبع.. (رواية القسوة تشع من عيناه) اضغط على اسم الرواية لتجد الفهرس كاملاً بجميع الفصول.