رواية القسوة تشع من عيناه – الفصل الأول والثلاثون
بارت 31 الاخير
مهاب جاوبها بس بالله يشافيها وطلع من البيت بقت يمي مياسه تأخر الوقت لليل ومارجع مهاب اجه محمد اخذ مياسه بقت توصيني وراحت البيتها
البنات نامن واني بقيت كاعده ما جايني نوم منتظره مهاب كاعده بالصاله لمن سمعت صوت المفاتيح رفعت راسي دخل من باب المطبخ باوعلي ودنك عيونه حمر ملابسه كلهن تراب
ترف :- وين جنت
كعد بصفي رخه ضهره ؏ ضهر التخم مغمض عيونه يدور ؏ باكيت الجگاير بجيبه
سحبت ايده بهدوء وطلعت الباكيت والجداحه انطيته جگاره ورثها وباوعلي زفر الدخان بوجهي ابتعدت اكح سحب راسي يبوس بگصتي
مهاب :- مشت مياسه
ترف :- اي
مهاب :- اكو عشه بويه جوعان
ترف :- وين جنت؟
مهاب :- يم جماعتي
ترف :- ههه
مهاب :- هممم؟
ترف :- وين جنت مهاب
مهاب :- احبج
ترف :- وين جنت
مهاب :- يم عبيس
ترف :- ليش ما اخذتني؟
مهاب :- اخاف عليج من المكبره ردت ابات يمه وحدي بس خابرتني مياسه كالت ترا ترف وحدها واجيتج
عفته وكمت بين ماحميت الاكل لكيته سابح ولابس خليت الصينيه بالكاع كعد ياكل واني رحت للغرفه نمت ع جربايه ساعتين واني بدون نوم مدري شبيه
لحد ان دخل كعد ؏ جربايه مدنك لازم راسه باثنين ادين يستغفر كعدت بصفه اندار يباوعلي واني صافنه عليه شكد متغير
مهاب :- شبيج
ترف :- شيب برموشك
مهاب :- مشتاكله ترفه بكلبي هواي حجي جنت كلهن اطلعهن يمه هسه احس جاي يخنكن بيه كل ماروح اله احجيهن مايجاوبني ماينطيني حل يبقى ساكت سكوته گتلني
ترف :- شتريد تحجيله احجيلي
مهاب :- ترفه مشتاكله صوره گتلني وج لهسه احس جثته بحضني محروكه لهسه برودته بيدي لهسه شكل وجه المحروك بعيني شلون انساه شلون اطلعه من گلبي مشتاكله يشهد الله مشتاكله رايد اضمه بروحي
ترف :- ليش هيج صار
مهاب :- مادري مادري ع غفله راح مني
ترف :- مهاب اريد اسكت بس ماكدر انتَ واحد خايس بسببك مات
مهاب :- هههههه ، ههههه
ادنيت يمه رخيت راسي ؏ كتفه حاضنه ايده اضحك ع ضحكته يسكت ويرجع يضحك
ترف :- تخبلت
مهاب :- بحبج
ترف :- جذاب انتَ ك****
مهاب :- اشششش
حضني يباوع لوجهي باس عيوني خليت ايدي ؏ شفته ابعده باس اصابع ايدي يهمس
مهاب :- احبج
ترف :- تف
مهاب :- حبيبي انتَ حبيبي وين ابوسك ها كلي وين ابوس وين ابوس؟
ترف :- اش قاهرة نايمه
مهاب :- وين ابوس
ترف :- لا تبوس
مهاب :- چؤ چؤ وين ابوس ترا اذا ماختاريتي ابوس كل مكان بيج
ترف :- ما
مهاب :- وين ابوس
ترف :- ماريد ماريد ايع
مهاب :- وين؟
ترف :- ما
بعد ملابسي من كتفي يطبع بوساته بكل مكان كدامه ادفع بي ويرجع سحلت روحي لورا رافعه ايدي اهدده
ترف :- لا تتقرب
لزم رجلي يثبتي ويتقرب عليه يضحك يبوس بوجهي
ترف :- كافي كافي
مهاب :- وين ابوس؟
ترف :- خدي
عض خدي حيللل لمن صحت اله هدني يضحك لزمت خدي عاكده حاجبي
ترف :- ايع تفاللل
رجع عليه سحب ايدي من خدي باس مكان العضه حيل
– بعد وين
ترف :- لا ما كلت مرتين بس مره
مهاب :- اشششش ، اشش اش
اخذ شفتي بين شفايفه حاضني حيل خنست جوا كوه اجر النفس القشعريره مجاي تفارك جسمي ولمساته ذوبني لحد ان شفت نفسي مستسلمه الي مدري شصارلي كلبت خلقتي ادفع بي
ترف :- كافي اريد انام
مهاب :- اشش بويه اش تستحين مني؟
ترف :- كلت كاااافي اريد انام تفهم لو لا
مهاب :- هاهيه هسه تنامين هسه
ترف :- كاااافي كااافي كلت كاااافي جاي تسمعنيي لو اصيح اعلى شبيك انتَ شبيك ليش تلح ليششش
ابتعد عني يلبس ملابسه جريت ملابسي البس مقهوره روحي طالعه لفيت روحي بالغطه ونمت دايره وجهي ادعي ، يارب نسيني يارب نسيني كل الصار وخليني اعيش ويا طبيعيه يا تنسيني يا تاخذ عمري يارب ..
بقينه ع هذا الحال يوم زينين ويوم لا لحد ان اجه موعد ولادتي جبت بنيه وسميناها جُمانه مهاب طاير من الفرح بيها
كانما هاي اول بنيه اله يعزهن معزه مو طبيعيه مرات من اصفن اكول معقوله هذا نفسه العيشني هذنيج الايام السود !
بعد مرور اكثر من سنه واحنه سوا ومن بعد بناتي الثنين وورده أيست من سالفه الطلاك لا اكدر اعوفهن ولا اكدر اعيشهن وحدي وخصوصًا اني بعدني صغيره احس صعب ابني بيت وعائله وحدي ..
مياسه يمنه تبات مخليه عليها قاهرة واني كاعده بالغرفه انيم جمانه واتغزل بملامحها انفتح الباب ودخلت مياسه
ترف :- ها
مياسه :- اليوم الجهال يمي لا تحيرين ولا تفكرين بيهم اريد اليوم تسون اجواء وتعيشون ليله بدون جهال وبدون تفكير واني جبتلج ملابس انتِ من تشوفيهن تعرفين شنو قصدي بس اريدج تصيرين نادره اكيد جهال وتعب ماتلحكون تفهمون حياتكم
شمرتلي علاكه واخذت جمانه من حضني فتحت العلاكه اباوع للملابس بقرف
ترف :- هاي شبيها ، هيج البسهن بدون شي جواهن
مياسه :- يا ثول صرتي ام لثنين بنات مثل الورد وبعدج ماتعرفين شلون ينلبسن
ترف :- والعباس مالبسهن
مياسه :- زين ليش كليلي ليش هوَ يمنعج لو انتِ تستحين ترا زوجج هذا ؏ اساس كلشي ما شايف جا منين اجن هذني البنات من شيب الخلفوني دكومي لبسي عدلي شبيج يحظي
ترف :- لو تموتين مالبسهن
مياسه :- اني راح اخذهن واخلي البيت سنطه كانما وحدكم وبكيفج بقت يمج
اخذت جمانه وطلعت كعدت عاكده حاجبي ضايجه منها شمرت الملابس اخزر بيهن تفلت عليهن روحي طالعه
ترف :- شبيجن تباوعلي والله مالبسجن
ادنيت نمت بمكاني غمضت عيوني خلي انام همزين اخذت الجهال من زمان ما نايمه زين
ربع ساعه احاول انام ماكو نوم لحد ان دخل مهاب قفل الباب ينزع قميصه ويتقرب عليه باوعتله بطرف عيوني وغمضتهن اسوي روحي نعسانه فد مره
صار فوكي جريت النفس وزفرته تلمس خدي بيده يرفع شعري ليورا ويبوس بوجهي بوسه بوسه لحد ان ثبت ؏ شفتي وايده تتحرك ؏ جسمي بهدوووء تشجنت القشعريره تسري بكل جسمي تقرب يم اذني شواربه اطخ بيه بهدوء همسلي
مهاب :- بادليني
رجع اتملك شفتي واني ماعرف شلون ابادله عشت عمري ويا يشبع رغبته بطريقته ويبتعد عني نزل ؏ ركبتي يبوسها وتقرب لاذني يهمس
مهاب :- بادليني حبيبي
باس شفتي بست شفته نفسه شبكني حيل متلهف يبوس بيه واني مدري شلون صرت ابادله وكل ماتجي الافكار السيئه بالي شي يبعدهن واعيش مشاعري حاليًا مو القديمه
لحد ان ابتعد واني اجر النفس من حلكي اباوع بعيونه متوتررره جسمي كله يرجف بشكل مو طبيعي بطني تلويني لوي
مهاب :- نزعي
خليت ايدي ؏ قميصي افتح الدكم اباوع بعينه انفاسي عاليه لحد ان استوعبت لزمت القميص ؏ صدري مغمضه حيل استوعب الجاي اسوي
ترف :- ماريد ماريد
ما اهتملي تقربلي واني ذبلانه مدري شبيه لحد ان لكيت روحي بحضنه يبوس براسي
مهاب :- جنت مطي يكرم الله مطي شلون أذيج شلون ارتاح من أذيج وج روحي انتِ روحي انتِ احلى شي صار بحياتي
مديت ايدي ؏ ضهره حاضنته خانسه لمني حيل الصدره يبوس بيه بشوغة
مهاب :- شكد حابججج
غفيت وفزيت الصبح ؏ صوت جمانه تبجي لبست وغسلت وركضتلها اخذتها من حضن مياسه
ترف :- ها حبيبي ها بنيتي ها ليش البجي ليش مياسه ماتسويلج حليب
مياسه :- بشري
ابتسمتلها مدنكه وهيه طارت من الفرح عبالها لبستله
مياسه قبل الغده راحت البيتها مهاب اتفق نطلع العصر سوا احنه والبنات ورا الغده شويه نيم الجهال وتمددنه راسنه مسطور من دوخة البنات
نايمين كلنه ع جربايه قاهرة بحضن مهاب ورده بصفها واني ماده رجلي وفوكهن جمانه اهزها انيمها الكل نام اله هيه
صافنه ؏ جمانه وفززتني لمسة ايده ع ايدي التفتله يباوعلي ابتسمتله لزم ايدي يحرك ابهامه بهدوء ؏ ايدي
مهاب :- احبج ، تحبيني
انداريت ساكته اباوع بعيون جمانه شكد احبهن كلش حلوات
مهاب :- لفظيها سمعينياها قبل لا اموت
ترف :- شنو
مهاب :- بداعت ورده
دنكت ساكته عصر ايدي قوي باوعت بعيونه يباوعلي بتوسل باوعت الورده صفنت عليها ثواني وگلت
ترف :- احبك
مهاب :- عليج الكاظم عليج الحسين هذا حلم لو صدك لا يابه حلم اصحى مهاب اصحى
كعد يفرك بعيونه حيل رجع باوعلي دنكت ؏ قاهرة مبتسمه مو من كل گلبي
نهائيًا مانسيت ولا امي ولا ابوي ولا الي سوا مهاب بس هوَ حيل تغير واني ماكدر اعيش وحدي ويا ثلاثه بنات
واكيد اذا رجع مهاب القديم ما ابقى ويا لو عندي عشره جهال طلعنه سوا طلعه عائليه ورده تلعب بالالعاب قاهرة بالعربانه ومهاب ساحب ايدها يبوس بيها
وجمانه ماتسكت اله بحضني باوعت ؏ فرحة ورده وضحكتها الي ؏ وجها تغيرها ولبسها وطفولتها العاشتها مثل ما ردت
باوعت المهاب يباوعلي ابتسم بوجهي اخذت نفس عميق وابتسمت ..
يتبع.. (رواية القسوة تشع من عيناه) اضغط على اسم الرواية لتجد الفهرس كاملاً بجميع الفصول.