رواية القسوة تشع من عيناه – الفصل السادس والعشرون
بارت 26
غمضت عيني وغفيت ؏ آمل اشوفها بحلم من احلامي ..
كعدت ع صوت قاهرة تبجي ، كعدت فارغه بلا امي ولا بيتنه ولا شفت امي بحلم ولا فزيت من هذا الكابوس العايشه بي
كمتلها اسكتها انفتح الباب ودخل مهاب عيونه حمر عينه ؏ قاهرة تقرب عليه واخذها من حضني راح يغيرلها واني رحت اسويلها ممه
كملتها سحب الممه من ايدي وكعد يشربها مبتسم مركز ؏ ملامحها
طلعت للحوش كوه اجر النفس فركت صدري مخنوكه دخلت غسلت وجهي سويت ريوك شلون ما جان صبيته وعفته رجعت نمت
فزيت ؏ صوت قاهرة تبجي كمت ؏ حيلي الساعه ب11 الصبح شلتها بحضني اسكتها ماتسكت طلعت ادور ؏ مهاب ورده بعدها نايمه
دخلت للمطبخ لكيت الريوك ؏ حطته ومهاب كاعد فاتح لابتوبه ؏ خرائط بيوت
ترف :- ماتسكت
اندارلي فاتحلي ايده عينه ؏ قاهرة مبتسم خليتها بحضنه باسها وجر الكرسي بصفه
مهاب :- كعدي
كعدت بصفه خله قاهرة بحضني مد ايده ؏ دكم قميصي لزمت ايده ابعدها
مهاب :- رضعيها
التفت يغير بالصور كلهن خرائط تصميم بيوت قرب الابتوب يمي عينه ؏ صور ما يباوعلي گال
مهاب :- شنو رأيج اني حاب بالبيت اكو مساحه جبيره حوش وحديقه
ترف :- هذني شنو
مهاب :- راح اشتري كاع ونبنيها واسويلج بيت ؏ ذوقج نطلع من هذا البيت الكله ذكريات نعوفه ونبدي حياه جديده
ترف :- اممم
مهاب :- اممم ، باعي هاي الخريطه شنو رأيج
ترف :- حلو خوش
مهاب :- زين وهاي
ترف :- اي حلو
مهاب :- لا ماحبيته كلش باعي هاي الخريطه ولا غلطه
ترف :- اي
التفت الي يباوعلي مستغرب تقرب عليه لزم وجهي يباوع بعيوني
مهاب :- وياي انتِ
ترف :- اي
مهاب :- كلهن عجبنج
ترف :- اي
مهاب :- زين اول بيت عليمن المدخل الرئيسي ؏ المطبخ لو صاله لو استقبال
ترف :- مادري
مهاب :- جا ليش تكولين وياك
ترف :- نسيت ماتذكر
مد ايده ؏ ضهري يحركها بهدوء غمضت عيني انفاسي بدت تعلى لمن ثبت ايده فتحت عيني عينه ؏ صدري قرب ايده ؏ ركبتي ينزل بهدوء همست
ترف :- كافي
ورده :- ترف
ابتعدت بسرعه اغطي بصدري ومهاب اندار يفرك بوجها
ورده :- ترف
ترف :- ها
ورده :- جوعانه
ترف :- هس.. ، هسه بس تنام بس تنام قاهرة اسويلج اكل
مهاب :- وردتي تردين غده لو ريوك
ورده :- غده
مهاب :- بعيني
سديت الدكم وكمت للصاله كعدت ارضعها ورده اجت يمي تباوع القاهرة وتبوس بخدودي
ورده :- احبج احبج
ترف :- حتى اني حبيبي اموت عليج
ورده :- احبج انتِ حلوه
ترف :- حبيبي ما اوصل الجمالك
ورده :- احبج انتِ حميتيني هوايه اني اخاف من بابا همزين عافنه
ترف :- اي يمه
ورده :- انتِ ضايجه ماتردين تعيشين هنا؟
ترف :- لا اريد
ورده :- احس مادري شبيج
ترف :- مابيه شي يمه بس تعبانه من الحمل
ورده :- ان شاء الله تصيرين زينه وترجعين تضحكين وتلعبين وياي
ترف :- ضحكت مستهزئه، شنلعب
ورده :- نلعب تُكي وختيلان نلعب باللعابات ونلعب بالتراب نطبخ ونسوي مواعين بالطين
ترف :- ههه يمكن اطيب ، يمكن اموت
مهاب :- اسم الله الزهرة
ترف :- ههه
درت وجهي اضحك مستهزئه مدري شبيه جاب غده جاهز كعدو ياكلون واني ماشتهي صافنه ؏ الاكل
مهاب :- اكلي
ترف :- اي
مديت ايدي اكل احس اللكمه صخره تنزل بمعدتي كل ساعه اغص كعدت افرك بمعدتي ومهاب يفرك ضهري
مهاب :- شبيج بويه ماي
ترف :- اي انطيني
كام جابلي واجه شربت المي ارتاحيت التفتت ؏ قاهرة كعدت تبجي دنكت لازمه راسي صافنه بالفراغ
روحي مامتحملتها دخيلك ربي صبرني ماجنت هيج جنت احب الاطفال اقبل ؏ تعبهم ليش هسه تعبت ليش بعد وكت ؏ التعب مو لازم بهذا عمري اكون بكامل نشاطي وكلي طاقه ليش احس روحي عجوز ؏ فراش الموت
مهاب :- اني كايملها كملي اكلي براحتج
ترف :- هوَ شنو اكل ؏ هذا الصوت اكل
مهاب :- هسه اسكتها هسه
ترف :- تعبانه مهاب
ورده :- شبيج
ترف :- تعبانه گلبي يوجعني ولج احس مدفونه واني ماميته
ورده :- شبيج ترف ناخذج للطبيب
عفتهم وكمت للحوش كعدت برا لمن هدائت رجعت ولا كانُ كعدت اكل وياهم
العصر مهاب بالشغل واجتي مياسه بس هيه من اشوفها ارتاح مادري ليش ، الحب البگلبي اتجاها مو طبيعي
جايبه وياها غراض من السوك ملابس ولعابات وغراض القاهرة فتحتلي علاكه كلهن ملابس نوم فاضحات
مياسه :- كوه لكيت قياسج لو يصيرن لو مايصيرن اريدج تكومين تجربيهن حتى اذا ما صارن اخلي الجهال يمج واروح ارجعهن
ترف :- ايع شنو هذني
مياسه :- شبيج حظي لبسيهن وتونسي العمر كاضي
ترف :- صدك تحجين لج مياسه شنو هاي كلاده قماش يعني موده جديده لو شنو
مياسه :- اسكتي فضحتينه يا كلاده **** ابو الخيط
ترف :- ايعع يعني وين البسه هذا جوا ****
مياسه :- لا ولج لبسي وحده عادي لبسي المهاب ومعليج بالباقي
ترف :- لا بالله حتى ينجلب اكثر ياكل ال*** انوب
مياسه :- هههههه دخيل بختج يمعوده
ترف :- هاي شبيها والله مالبسهن اخذيهن وياج لبسيهن لمحمد
مياسه :- عزززه على كيفج انفضحنا اكوم احسن الي
اخذت الغراض للغرفه واجت باوعت ؏ البيت وكامت نظفته كله وسوت عشه وكعدت وياي شويه لليل واجه محمد اخذها واني بقيت ملتهيه بقاهرة
ورده نامت واني رحت نمت بالغرفه وقاهرة بصفي ؏ جربايه غافيه عيني عليها خاف اغفى واجعصها جواي خاف تنكلب خاف يصير شي
رجعتها للكاروك ونمت صافنه بالسكف ربع ساعه انفتح الباب دخل مهاب غمضت عيني حسيته قريب يمي جفن عيني يرجف بلعت ريكي صار فوكي يتلمس بوجهي بهدوء فتحت عيني عينه ؏ شفتي
رفعت ايدي ؏ وجه لزمت خده بهدوء عيني ؏ شفته طبعها بهدوء ؏ شفتي غمضت هادئه ثواني ودفعت وجه عني انداريت امسح بشفايفي
كام عني راح للكنتور يطلع ملابسه التفتلي يضحك بيده الملابس الداخليه الجابتهن مياسه
مهاب :- احح لج هذني منين
ترف :- مياسه جابتهن
مهاب :- ونعم الاخت ، جا ماتلبسيهن
ترف :- ماريدهن البسهن انتَ
مهاب :- بربوگه مالج چاره
دخل سبح وطلع جاب تلفونه نام بصفي يبوس بيه ريحته شامبو فتح تلفونه مخلي صورة عبيس خلفيه للجهتين باس تلفونه ودخل ؏ صور
طلع صوره اله واكف بصف بدله عرس ع مليكانه جمال البدله ولا غلطه
مهاب :- متحمس اشوفها عليج ونصور مثل هاي الصوره توصلين لهنا بصفي ، بس لا نجيبلج اعلى كعب بالسوك
ترف :- شنو هاي
مهاب :- نسوي عرس بابا نبدي حياه جديده
ترف :- عادي احجي شي؟
مهاب :- احجي كلشي تردي احجي بنيتي ترافة گلبي
ترف :- تريد راحتي
مهاب :- اكيد اهم شي عندي راحتج
ترف :- طلكني
مهاب :- قصرت بشي وياج من كلتي سامحتك لحد هسه هم فد يوم أذيتج هم نمت وياج غصب كليلي الشي السويته ضوجج بس كليلي ذكريني
ترف :- ماسويت شي وسامحتك بس ماكدر اعيش وياك
مهاب :- ابوس اديج ورجليج وتسامحيني؟
ترف :- كلت سامحتك بس ماكدر اعيش وياك افهم
مهاب :- والحسين جاي اعالج نفسي وداعتج ترف حتى علاجات جاي اخذ
كام ؏ حيله متخبل يدور بالغراض طلع علاكه ادويه فرغها ؏ جربايه دور بيناتهن ؏ علبه رفعها الي يشوفني
مهاب :- الله لا يضوكج هذا العلاج شايفه شكد يأذي جسمي كله جسمي يتكسر من اخذ منه بس متحمل علمود اتغير تكومين تحبيني حتى مأذيج شايفه شكد تغلطين بالحجي بس اسكتلج لان احبج والله ماشوف حياتي بدونج بروح امج ترف سامحيني وانسي الماضي والله اموت اذا تعوفيني
ترف :- والله ماكدر اعيش وياك ماكدر كل ما جاي اتقبل الأمر وذكرى من العشته وياك ترجعني للصفر جاي اموت يوميه مهاب ماكدر اعيش وياك ماكدر
اخذني الحضنه حضني حيل حسيته تخبل يهمس بأذني
مهاب :- ما ما ماتعوفيني ما اني ماحب امي وابوي وعباس ماحبهم لان عافوني ابقي يمي لا تعوفيني احبج اني اشتريلج لعابات وملابس وصبغ اظافر وقراصات حلوه انتِ بنتي ماحب ولا واحد بس انتِ احبج اكثر من قاهرة ماتعوفيني ما
نيمني بحضنه حاضني حيل مايهدني ابد لمن غفى وخرت عنه باوعت لجروح بطنه رفعت عيوني الوجه مبين عليه التعب والعلاجات شكد مأثره بي
ادنيت عنه ونمت واني افكر شسوي اعوفه يتأذه زين وين اروح اذا عفته معقوله اكدر اعيش وحدي
زين اعوف قاهرة عد مهاب ووردة دراستها شلون نعيش منين اجيب مصرف هم ارجع اشتغل بيت ناس وتعرض الموقف ثاني لو شريد بالضبط
زين هوه صار زين وياي ليش ما ابقى ويا الثواني تذكرت شكله جاي يغتصب بيه شكله هوه ويضربني شكله وهوه يذل بيه ويخليني اهين نفسي اخذت نفس وكلت ترف اطلكي واكلي خ** ونامي ..
الفصل التالي اضغط هنا
يتبع.. (رواية القسوة تشع من عيناه) اضغط على اسم الرواية لتجد الفهرس كاملاً بجميع الفصول.