رواية القسوة تشع من عيناه – الفصل الخامس والعشرون
بارت 25
ترف :- شبيك
مهاب :- كولي مسامحتك حتى لو جذب بس اريد انام هاي الليله مرتاح بس هاي الليله ترف جذبي عليه كولي مسامحتك تعبت
دنكت ايدي ؏ عيوني مغمضه شحجي شسوي وين اروح المن اشكي تعبت ياربي ساعدني بس مره وحده بس مره
ترف :- عندك قران
مهاب :- شتسوين بي
ترف :- عندك؟
كام ؏ حيله جاب قران واجه كعد كبالي مقدملي القران
ترف :- اسامحك بس اريدك تخلي ايدك ؏ القران وتحلف وتوعدني بعد ماتضربني ولا تهيني ودللني وكلشي اريده تسوي وتصير الاب الثاني الورده ومهما سويت ماتضربني لو مسويه اكبر غلط
خله ايده ؏ القران وحجه من كل گلبه
– وحك هذا القران احلف يمين بعد ماضربج ولا اهينج وادللج واعيشج ملكه واذا مجذب الله يبتر ايدي
ترف :- سامحتك
شكت حلكه الضحكه سنونه كلهن طالعات وعيونه يلمعن گال بفرحه
مهاب :- حلفي عليج الزهرة عليج الحسين صدك ترف سامحتيني ترف شسوي وين اروح
كام للباب حسيته فقد مايدري شيسوي من الفرح وده يطير مامستوعب يعرف الي سواه مو قليل وماكو واحد يسامحه ؏ سواه
راح جاب تلفونه وكعد يمي يتصل مدري على منو فرحان يضحك
ترف :- راح تخابر مياسه
مهاب :- لا عبيس بلكت يجاوب اكله ترف سامحتني
حجاها برجفه وغصه سحبت الموبايل منه طفيت الاتصال وحضنته همست باذنه
ترف :- اشش الله يرحمه
حضني حيل نام ونيمني بحضنه يبوس بيه طاير من الفرح جانت هاي احلى ليله بالنسبة اله مبتسم وحاضني ومن كد فرحته بقى للصبح مايكدر ينام حاضني يبوس بايدي ويباوع بوجهي واني رحت بسابع نومه
فزيت ؏ صوتهم جوا الساعه ب7 اول ما التفتت ؏ قاهرة مالكيتها طلعت لبرا لكيتهم بالمطبخ مهاب ورده
وقاهرة مخلينها ؏ طاوله نايمه روحي راحت ركضتلها جريتها بحضني غمضت عيني بنفاذ صبر
ترف :- صدك تحجي
ريحة الحريك واصله الهذاك الصوب اتقربت ؏ الطاوه محروكه الطماطه
مهاب :- امداك يمهاب عود اريد اصير رومانسي **** اي والله
ترف :- ورده هناااا
خليت قاهرة بحضنه اخذها وطلع يضحك وكفت اسوي ريوك كملت وكعدنه نتريك وبـ9 اجتي مياسه
مياسه :- لازم اجي ماكدر اعوفكم شلونها قاهرة ولج ترف شمسويه بنتي
ترف :- بنتي ترا
مياسه :- صلوات ؏ محمد وال محمد خو ما مشربج شي مهاب
ترف :- شبيج احبها بنتي؟
مياسه :- يابعد روحي انتِ وبنيتج الله يخليها الج
اخذت قاهرة بحضنها وكعدت تسألني شلوني مهاب جان يسبح ونزل بس شاف مياسه ركضلها يضحك حضنها كسر ضلوعها
مياسه :- هاي شبيها الوادم اليوم شذابين بالحوش
مهاب :- ترافة گلبي سامحتنييي
مياسه :- شلون يعني
مهاب :- والله سامحتني سأليها بعد ماتعوفني
ترف :- اي سامحتك كافي سد الموضوع
ابتعد عنها مهاب ومياسه غمزتله اتسكته
مهاب :- شو الدنيا طالعه من خشمج
ترف :- لا من ****
مياسه :- يا يا كافي
عفتهم ورحت للمطبخ نار واجه بروحي هيه هاي تاليتج سامحتي كبر الج والكرامتج والله وسفه ولج وسفه تسامحين هيج واحد صرتي مثل امج راح تسكتين العمر كله ؏ واحد تعرفين شنو حقيقته هوا هذا اختيارج الاب لبنتج ولج والله وسفه
بس افكر راح ابقى عايشه ويا احس گلبي يلجمني بس اتمنى انسى الصار اتمنى
مهاب راح الشغله وكعدنه اني ومياسه نسولف بحضني قاهرة ومياسه تسوي الغده
مياسه :- شلونج زينه مرتاحه عمليتج شلونها
ترف :- زينه
مياسه :- والله ياروحي احسن شي سويتي سامحتي مهاب والله خطيه اني اخته واعرفه يحبج وعمري كله ماشفت هيجي مهاب فرحان ومتغير والله جاي يحاول يغير روحه علمودج وداعت عيونج من جان هنا مهاب موبايله جان يمي شفت رساله من صاحبه كاتبله
– اكو دكتور نفسي اسمه ……. خوش دكتور
– والله خطيه يريد يعالج روحه وانتي عندج بنيه منه تفتركون وتخربون حياتها البنيه ليش
ترف صارت حمره دم وعيونها انترست دموع وبجت تشهك خنكتها الغصه اله شويه توصل الموت وخرت قاهرة من حضنها وغسلت وجها شربتها مي وهيه تجر النفس كوه
ترف :- مياسه اذا متت ديرين بالج على وردة وقاهرة
مياسه :- اسم الله ترف اسم الله كافي لا تبجين ولج راح تموتين ترررف اسم الله عليج
ترف :- والله تعبت عفيه مياسه علميني شسوي تعبت ماعندي حل اطلك وين اروح ماعندي واحد محد يرحمني واذا ابقى ، ابقى اكل بروحي مياسه اخوج بس اشوف وجه اتذكر كلشي اتعب اتعب والله اوصل الموت ماكدر انسى
مياسه :- كافي يمه كافي والله الماضي كله يصلحه اني اعرفه مهاب والله اذا اذاج بعد تعاي كليلي واني اعرف اتصرف
ترف :- مسحت دموعي وكمت اخذت قاهرة كعدت بالصاله اسكتها وبوس بيها
للعصر اجه مهاب ومشت مياسه ورده ضايجه تريد تروح وياهم مهاب جايب علاليك خلاهن بالكاع وكعد بصفي باس خدي ابتعدت اخذ حسره ونزل كعد بالكاع يفتح العلاليك يشوف ورده شجايبلها
ورده فرحانه تسولف ويا نست مياسه والجهال خلاها تلعب وكام للمطبخ تأخر كمت ؏ حيلي وكفت باب المطبخ اباوعله
يدخن ومطلع صورة عباس بتلفونه وبس شافني طفه تلفونه
مهاب :- عفيه بنيتي صبيلي جاي بس لا تخلين شكر
رحت نزلت كلاص وعلبة الشكر
مهاب :- لا تخلين شكر
ترف :- فهمت
صبيت جاي بالكلاص وسحبت علبة الشكر افتحها
مهاب :- كلت لا تحطين شكر
ما اهتميت فرغت الشكر كله انترس الكلاص وصار يوكع ؏ الميز رجعت صبيت جاي فوكه والشكر امتص الجاي كله اخذته وقدمته اله
مهاب :- عاشت ايدج
كعدت بصفه اباوع بعيونه
– شربه
اكل الشكر بالخاشوكه شويه وشحط كام يكح بسرعه كام شرب مي
ترف :- طيب؟
مهاب :- اي بويه
عفته وكمت جايب عشه جاهز كعدنه ناكل ومن كملت هوَ غسل الماعين واني كعدت ارضع قاهرة واباوع ع تلفزيون ويا ورده
كمل مهاب بدل وطلع ورده غفت بمكانها وقاهرة كل ساعه كعدت تبجي مدري شتريد احير وياها لحد ان ترجع تغفى
ب11:30 دخل مهاب واني مندمجه ؏ فلم اجنبي منصيه الصوت واقرا بس الترجمه كعد بصفي يتلمس خد قاهرة باصابعه مبتسم بعدتها عنه عيني ؏ تلفزيون
ترف :- راح تكعد
خله راسه ؏ كتفي ابتعدت ادنه يمي فركت وجهي روحي لاعبه مدري شبيه هيجي صايره شوصلني لهاي المرحله
مهاب :- اممم بابا نسوي عرس؟
ترف :- كلشي ماريد بس عوفني مافهمت شصار بالفلم شكاللها يالله شكد لزكه انتَ
مهاب :- بدله بيضه وغرفه جديده؟
ترف :- كلت ماريد
مهاب :- بهدوء بابا
ترف :- ماريد
اتقرب يمي حضني رفعت راسي اتأفأف غمضت بهدوء انداريت اله عيني بعينه
ترف :- مهاب اني تعبانه افهمني
مهاب :- ادري بيج حبيبي ادري انتِ تعبانه ومخنوكه وماتحبيني وماترديني بس لازم نصلح كلشي لخاطر البحضنج
ترف :- جاي احاول بس عوفني انتَ
مهاب :- ليش اعوفج مو لازم سوا نصلح كلشي لازم نتفاهم بابا ليش تبتعدين عني ما راح تتقبليني بهاي الطريقه
ترف :- عفيه مهاب عفيه
مهاب :- اششش شتردين اني يمج كليلي
ترف :- عوفني نعست اريد اروح انام
مهاب :- حبيبي يشهد الله تعبان ابقي يمي
اتقرب لازم وجهي باثنين ادين كصته ع كصتي انفاسه عاليه يحرك اصبعه الابهام ؏ شفتي بهدوء غمضت مسترخيه قرب شفته وطبع بوسه على شفتي
مهاب :- وكلتيني حلو زايد اليوم
رجع باسني وابتعد شال قاهرة من حضني واني ع كعدتي اخذها للغرفه واجه جايب بطانيه غطه ورده وعدل نومتها يرفع شعرها عن وجها باسها براسها وطفه التلفزيون
مهاب :- يلا بويه كومي للغرفه
ترف :- ماطيقك گلبي يوجعني
مهاب :- اشششش كومي بابا
لميت رجلي الصدري صافنه بالفراغ ما مهتمه اله كعد بصفي يرفع بشعري ويبوس بوجهي رفعت راسي اباوع بعيونه عيوني مليانه دموع
ترف :- بس مره ردت اشوفها بس مره
مهاب :- منو حبيبي منو هسه اخذج الها
ترف :- بعد شيفيد تاخذني اشوف تراب لو اشوف اسمها المخطوط ؏ الكبر لو احاجيها وما تجاوبني لو ماكدر احضنها لو اتعب واني اتوسل بيها ترجع بعد المن تاخذني بعد وكت مهاب كلش بعد وكت
مهاب :- حتى انه مشتاكلهم نروح الهم
ترف :- مانلكاهم مهاب اتمنى اشوفها بالحلم بس مره وحده والله بس مره وحده بعد ما اطلب مره ثانيه تعبت متت يوميه ادعي تجيني بحلم وماكو مهاب امي من اتوفت لهسه ما اجتني بحلم ليش مو دوم افكر بيها ليش ماتجيني ماتحبني معقوله زعلانه عليه تعبانه اني مهاب
مهاب :- نمشيلهم
ترف :- چؤ خليني متأمله بعدها عايشه ماريد اشوف كبرها
مهاب :- لازم تشوفي
ترف :- لا لا اتعب
مهاب :- لا ترتاحين صدكيني ترتاحين
ترف :- جذب والله جذب تاخذني كبر مو كبرهم ماميته امي ماميته بعدها بالبيت ادري بيها
مهاب :- اخذج للبيت
ترف :- لا لا جذاب اطلعها من البيت وتخلي فارغ تريد تكسر گلبي تريد تعذبني
مهاب :- معقوله بعدج مامصدكه
ترف :- مامصدكه ولا راح اصدك
عفته وكمت للغرفه نمت لامه روحي فاكه عيني ماريد ابجي كلشي جذب حلم حلم هسه تفزين غمضي وكلشي راح يصير بخير غمضي ..
الفصل التالي اضغط هنا
يتبع.. (رواية القسوة تشع من عيناه) اضغط على اسم الرواية لتجد الفهرس كاملاً بجميع الفصول.