رواية القسوة تشع من عيناه الفصل العاشر 10 – بقلم الكاتبة زهرة

رواية القسوة تشع من عيناه – الفصل العاشر

بارت 10

بس طلع كلشي مابي هنا زاد كرهي اكثر واكثر للطفل البيه الطريق كله ادعي يموت واخلص منه رجعنه ونمت ع جربايه لافه روحي ابجي دموعي جمر

 

ومهاب من دخلنه وهوه واكف بمكانه مايتحرك التفتت عليه صافن ؏ سلة الزبل باوعلي وگـال

 

مهاب :- انتِ ادخنين

 

كعدت اسحل روحي لورا فاكه عيني عليه اهز راسي لا لعدة مرات سد قبضة ايده بقوه شراين كصته برزت شال السطل وكسره شمره لبعيد روحه شايطه

 

مهاب :- وحك الحسين المات عطشان اذا لكيتج محاوله او بس لازمه الجگاره وحك مصيبة زينب ادفنج انتِ وعايشه وحك ابو فاضل وحك ابو فاضل ماعندي مانع اكتلج انتِ وعايشه سمعتي لو لااا

 

هزيت راسي اي لعدة مرات ارجف ابلع ريكي اباوع بعيونه بخوف

 

مهاب :- حيواااانه

 

عافني وطلع لميت روحي ونمت ارجف عيني ؏ سله اخاف اتوبه ادخن بعد ..

 

وفزيت ؏ ايد مهاب يرفع خصل شعري من وجهي يهمس

 

– اسم الله بويه شبيج تفزفزين

 

درت وجهي عنه ادفر برجلي ضايجه من بوساته حضني الصدره ثبتني برجله

 

مهاب :- ترفه

 

سكتت ما جاوبته دارني اله فتحت عيني شفت عيونه مليانه شراين حمر مسد ؏ كتفي بهدوء

 

مهاب :- بابا ترف

 

ترف :- والله ماعيدها

 

مهاب :- تحبين ابوج

 

ترف :- لا بس لا تضربه خطيه

 

مهاب :- ترفه

 

ترف :- ها

 

مهاب :- حبيبي

 

ترف :- ها

 

مهاب :- تخافين من الموت

 

ترف :- ابوي مهاب ابوي بي شي

 

مهاب :- انتِ ماتحبين ابوج ها

 

ترف :- ابوي مهااااب

 

مهاب :- دخلت لگيته صاير خشبه جسمه كله مورم ازرك بطنه منفوخه ونايم هوَ وفاتح عينه مكلوبات لزمت اديه مثل الخشبه بيدي مابي نفس

 

ترف :- ماااات كتلتتته مااات

 

مهاب :- راح بعد ماكو بابا صفاء

 

ترف :- لا مهااااب لاااا شلون كلبك ينطيك تناااام وكاتل ابوي يممممه منو بقالج ياروحييي يايييمه ورده ورده صارت يتيمه الله لا يوفقكككك الله يحركك بالدنيا قبل الاخره الله يطلع حوبتي بيكككك

 

اضرب بي متخبله عافني وطلع ملخت روحي املخ بشعري نزلت اصرخ اريد اطلع وباب الشارع مقفول ابجي مفرفحه جرتني ام رافت لازمتني منا وام سلام منا

 

ام سلام :- شكو فهمينه شكووو

 

ترف :- كتل ابووووي كتله بدم بارد يتمنه امي محد الها مريضه ولج يممممه تعاي اخذيني يمممه

 

دفعتهن وهنه يدكن ويلطمن خاف افضحهن ويروح مهاب للسجن دخلت للمطبخ جريت كرسي خليته يم الحايط ردت اصعد ولزمتني ام سلام متخبله

 

ام سلام :- حامل حااامل وييين

 

ترف :- سواها صدك ارتاح مهاب ارتاحيت سويتها صدك وكتلته يلا كتله ميخالف كتله اكتلني ويا خلي اخلص حباب اكتلني

 

بديت افقد وعي كعدتني بالكاع واني اهمس ، حباب اكتلني خلصني

 

صحيت لكيت نفسي بغرفه ام رافت وكاعداتلي منا ومنا غمضت عيني هادئة خلي تخلص الحياه بعد شكو مكمله راح يجي دور امي واختي ماريد اكمل يارب اعمي عيوني ولا تخليني اشوف اهلي بالمكبره ..

 

غفيت وفزيت الصبح ؏ صوت صراخ طفله تبجي مفرفحه فكيت عيني متخبله عقل ماباقي براسي طلعت لبرا ورجلي انشلت من شفت ورده بحضن مهاب تناشغ متخبله تدفع بي وكعت بالكاع فاكه عيني رجليه ماتن ولساني انربط ماكدر انطق حرف حالي حال واحد صابته جلطه ..

 

..
ورده :- اندك الباب طلعت اركض صحت
– منو

 

مهاب :- اني مهاب صيحيلي امج

 

فتحتله الباب اباوع بعيونه
ورده :- عمو ماما نايمه وين ترف ليش ماجبتها وياك

 

مهاب :- بابا روحي كعديها

 

هزيت راسي موافقه ركضت دخلت جوا كعدت امي ماتكعد صحت يم اذنها ادغ بيها ماتكعد ولا تتحرك

 

ورده :- ماما كعدي اجه عمو مهاب مامااا ماما يمكن جايب ترف كعدي

 

ما كعدت نهائيًا ضربتها حيل ماتكعد عفتها وطلعت

 

ورده :- عمو ماما ماتكعد نايمه

 

مهاب :- مكشفه؟

 

ورده :- ها

 

عافني ودخل دخلت ورا فتح الباب ودخللها كعد يمها جر شال خلاه ؏ راسها وكعد يتحسس نبضها ثواني والتفت الي فاك عينه

 

ورده :- شبيها امي

 

مهاب :- ترحين وياي الترف حتى اخذ امج للطبيب ومن اصير زينه ارجعج الها ها؟

 

ورده :- لا ابقى يم امي هسه تكعد نعسانه يمكن لان بليل ما نامت گلبها يوجعها

 

مهاب :- ماتردين ترف

 

ورده :- اريدها بس ماروح وياك امي ماتقبل خلي هيه تجي

 

سكت داير وجه ؏ امي دقايق وكام شالني بحضنه ومن شفت راح يصعدني بالسياره اتخبلت ادفر بي اصرخ صعدني وراح قفل باب بيتنه واني اصرخ متخبله اريد امي

 

اخذني البيتهم ومن طلعت ترف من الغرفه ركضت ختلت بحضنها خايفه من مهاب وهيه ما بادلتني الحضنه فاكه عينها ؏ مهاب واديها مادتهن

 

ورده :- ماما بعد ماتكعد اريد امي

 

حجتها واني شكيت ملابسي من الطول للطول املخ بروحي واصرخ روحي مفرفحه ورده شردت عني بعيد ومهاب اجه بس يريد يثبتني واني متخبله املخ بروحي وازلغ بخدودي

 

لحد ان وكعت فاقده بحضنه وفكيت عيني لكيت نفسي بالمستشفى وام رافت كاعده لازمه ايدي وبس شافتني كعدت ايدها حاوطت صدري

 

ام رافت :- والله ما تكومين نامي

 

ترف :- اخذوني الورده

 

ام رافت :- ميخالف هسه يجي مهاب وياخذنه

 

سكتت عيني بالسگف ودموعي جمر ينزلن ع خدي بس حس ماطلعت عرفت هاهيه بعد ماكو سند بعد ماكو أمل صرنه بين ايده اني ورده حلاله الجو هوَ هذا الجان رايده وصار مثل مايريد

 

راح ابقى طول عمري عايشه بذل واغتصاب وخوف ومسؤوليه ورده لازم احميها منه لازم عيني ماتغفل عنها ثانيه وحده لان كلشي اتوقع من هذا البشر ممكن تدنه نفسه عليها مثل ما دنت عليه

 

ماريد تعيش العشته لازم اصير اقوه لازم اتحمل لخاطرها ..

 

تأخر مهاب اله اجه ماخليت عيني بعينه صعدت بالسياره ورجعنه للبيت لكيت ورده بحضن ام سلام تبجي مفرفحه صايره حمره من البجي

 

وبس شافتني اجتني ركض كعدت ولميتها بحضني اشهكها بيها ريحة امي

 

اخذتها وصعدت للغرفه طبكت الباب وكعدت لامتها بحضني ماريد اهدها اريد اضمها بروحي

 

ورده :- رحتو لماما

 

ترف :- اي هسه هيه مريضه خليناها يم الدكتوره لمن تصير زينه نروح نجيبها هناك الدكتور تنطيها اكل طيب بلاش وغرفتها بارده وحلوه وتنطيها دوه بطنها تصير زينه بعد ماكو شي يوجعها راحت ارتاحت

 

ورده :- شوكت تجي

 

ترف :- لمن اطيب

 

ورده :- اريد امي اخاف

 

ترف :- اني مو يمج ، اني هنا ضايجه وحدي ليش ماتبقين يمي نلعب سوه وناكل ونام بغرفه حلوه وبارده

 

هزت راسها موافقه بستها ورخيت ضهري ؏ جربايه ودموعي وحده تسبق الثانيه ماكدر انسى ذكرياتها امسح بدموعي ويرجعن ينزلن ورده باوعتلي وتقربت يم اذني همست

 

ورده :- جوعانه

 

مسحت دموعي وهزيت راسي موافقه كمت ؏ حيلي طلعت صايه سوده من الكنتور ولبستها نزلت جوا ماهوه مهاب بس ام رافت وام سلام

 

دخلت للمطبخ سويت اكل والتفتت ؏ صوت ورده وراي

 

ورده :- بيتكم حلو

 

شلتها كعدتها ؏ الكاونتر سويتلها لفه بين ما اكمل الاكل كعدت تاكل بيها وتسولفلي

 

ورده :- ماما يوميه تبجي بليل

 

ترف :- ليش

 

رفعت اكتافها بمعنى مادري

 

ترف :- وانتي شتسوين

 

ورده:- امسح دموعها وابوسها اكللها ماما ليش تبجين هيه تسكت تمسح دموعها

 

ترف :- حضنتيها بستيها شبعتي منها

 

ورده :- اني ما اشبع من ماما احب كل يوم ابوسها واحضنها

 

رفعت راسي كوه اجر النفس احبس بدموعي اهمس ، لا اله الا الله

 

حسيت بيني وبين الموت شبر شفت الحياه بلا معنى اريد اصرخ واطلع وجع كلبي كله لو مو ورده موجوده بالحياه جان هسه يقرون الفاتحه ؏ كبري

 

كملت الريوك وكعدت اوكلها وهيه تاكل بشراهة كانما سنين ما ماكله تخلي لفتين بحلكها وتضحك تلزم بخدودها

 

اوكلها وابوس بيها ومن شافتني ما اضحك وبالي مو يمها گـالت

 

ورده :- تحبيني

 

ترف :- علمودج عايشه احبج اكثر من امي وابوي انتِ روحي من الدنيا اعشق تفاصيلج

 

ورده :- وعمو مهاب

 

ترف :- ورده حبيبي معليج بمهاب ولا تدنيله اذا لكيتي روحج وحدج ويا عوفي وطلعي ابد لا تبقين وحدج ويا حتى لو فد يوم صاحلج وهوه وحده بالغرفه لا ترحيله ابد ابد تعاي اليه وكليلي عمو يصيحلي خوش

 

ورده :- اي ميخالف اني احبج تحبيني

 

ترف :- اي

 

بقى كل اهتمامي بورده ولا اهتميت لام رافت او ام سلام لليل ونيمتها بحضني وهيه تبجي اشتاقت لامي كوه غفت واني وراها بجيت حالي حالها اريد امي

 

انفتح الباب ودخل مهاب نزع قميصه يباوع الورده ويباوعلي

 

مهاب :- هاي تنام يمنه؟

 

ترف :- اي

 

اجه راد يشيلها دفعت ايده متخبله ماريده يلمسها
– عوفهااا

 

مهاب :- اششش بابا اش راح تفز

 

ترف :- اني اشيلها بس وين تنام خلي افرشلها

 

مهاب :- بالغرفه الثانيه

 

التفتت ؏ صوت ورده تبجي بصوت عالي لميتها بحضني اخزر مهاب روحي مفرفحه

 

ورده :- اريد انام يمج اخاف

 

ترف :- نامي اني يمج لا تخافين ماخليج وحدج

 

مهاب طلع من الغرفه واني كمت جريت دوشك وفرشته الها بالكاع خليت مخده ونمت بصفها حاضنتها

 

ورده :- من انام مو تكومين

 

ترف :- لا ماعوفج

 

بست راسها غمضت عيونها ونامت بحضني ربع ساعه واجه مهاب نام ؏ جربايه ما حاجاني شميت ريحه جگاير غمضت عيني خانسه

 

هستوني ردت اغفه وحسيت ايده ؏ خصري يهمس
– ترف

 

بسرعه باوعت الورده بسابع نومه ابتعدت عنها بهدوء التفتت صارت عيني بعينه همست ، ها

 

رفع شعري ورا اذني مركز بشفتي
– كومي بابا بحضني

 

ما جادلته كمت نمت ؏ جربايه طفه الضوه وصار فوكي اصابعه شبكن اصابعي وراسه بركبتي يتنفسني سكتت رفع راسه خله شفته بشفتي جنت قابله كلشي يسوي المهم ورده ماتفز وتشوفنه

 

لمن كمل كام مني لبست ملابسي والتفتت اله تقربت عليه وخليت راسي بصدره لاول مره بحياتي شميته بهذا الشكل

 

ترف :- امي

 

رفعت راسي خليت عيني بعينه ريحة امي كتلتني

 

ترف :- شلون شلت عافيتي شلون گلبك انطاك تشيلها وانته السبب بموتها كفنتها ها لفيتوها بهاي الوصله البيضه صارت اسمها المرحومه خليتوها جوا التراب شلونهن ملامحها عفيه بعدها حلوه

 

– زين هيه فرحت من ماتت ارتاحت؟ خلصت من العذاب ارتاحت زين انتَ ليش هيج سويت لان ابوي كاتل ابوك ما كتلته ليش اخذتني ليش خليت امي تموت وحدها ليششش

 

– اتمنيت اشوفها حرمتني من شوفتها الله يحرمك من ريحة الجنه الله يحركك بنااار جهنم

 

گـال ببرود :- اشتاقيتي الهم

 

هزيت راسي لا حتى اكسر راسه همس بتعب

 

مهاب :- اني مشتاق لابوي

 

ترف :- هههههه تستاهل

 

عفته وكمت نمت يم ورده عافني وطلع من الغرفه ما حاجاني

 

كعدت الصباح انداريت شفت مهاب نايم ؏ بطنه بدون قميص كعدت ورده ونزلنه جوا ام سلام ماشيه بس ام رافت كاعده صافنه

 

سويت ريوك وكعدت تاكل ورده وام رافت صعدت حتى اسبح ولكيت مهاب عيونه حمر يخابر ومن شافني سلم وسد المكالمه

 

مهاب :- ليش لابسه صايه بالبيت

 

ترف :- اريد ملابس سود

 

مهاب :- ها يابه خيرج

 

ترف :- البس اسود ؏ امي والله ما ذبه لو تموووت فهمت

 

اجه عليه ضربني راشدي متخبل لان اصيح عليه شك الصايه عليه وشال كل الصايات شمرهن فوك الكنتور

 

مهاب :- وحك الحك اذا لكيتج واصلتلهن اشمرج وياهن

 

ترف :- ان شاء الله تموووووت الله ياخذك كرهتنييي بحياتيييي الله يضوكك الضكته الله يحرمك من امكك

 

دخلت للحمام روحي مفرفحه وهوه ولا كانُ فتح الباب ودخل عليه يضرب بيه وتقرب عليه واني اصرخ بعلو صوتي كمل وراح يسبح

 

كمل وطلع واني دخلت سبحت روحي مفرفحه ابجي لفيت روحي بالخاولي وطلعت لبست ملابسي الالوان ما بقى عندي اسود

 

فتحت الباب وطلعت ولكيت ورده كاعده بالممر مال الغرف تستفرغ عيونها دم وجها اصفر عقل ما بقى براسي رجليه ماتن شيوصلني الها شبيها معقوله دنت نفسه عليها ..

 

 

الفصل التالي اضغط هنا

يتبع.. (رواية القسوة تشع من عيناه) اضغط على اسم الرواية لتجد الفهرس كاملاً بجميع الفصول.