رواية القسوة تشع من عيناه – الفصل التاسع
بارت 9
مهاب :- شجاي تسوين
ترف :- ماسوي شي ماسوي شي جاي احضره لخاله ماسوي شي
مهاب :- امي ما تاخذ الحب اله بيدها شجاي تسوين احجيييي
ترف :- صدكني ما سوي شي
شمر العلاكه من حضني وطلعني يعت بيه عت صعدني للغرفه ودفعني ؏ باب الحمام
مهاب :- طبي سبحي وبدلي
اخذت ملابس ودخلت سبحت لبست وطلعت لكيتهم يتريكون كعدت اكل وياهم وشعري مبلل ينكط مي
مهاب كام ؏ حيله صعد للغرفه واجه بيده مشط وقراصه وگف وراي يمشط شعري وام رافت فاكه عينها علينه
ام رافت :- ماعدها ادين
سكت ما جاوبها كمل تمشيط ولمه الي طلع من البيت وبعدني ما مكمله ريوك اجه بيده علاكه طلعلي صايه وحجاب لبسني واني ساكته شيسوي خلي يسوي
ام رافت :- وين
مهاب :- نروح نطمن ؏ بنتي
هزت راسها موافقه رحنه للدكتوره وجان كلشي ما مبين مجرد ايجابي اكو حمل وصتنه ورا 3 اسابيع نرجعلها رجعنه للبيت وصعدت كبل للغرفه
جان تلفونه الثاني ؏ الكومدي سحبته وفتحته مابي رمز دخلت ؏ حسابات التواصل واني كلشي ما فاهمه بس اعرف اكو شي اسمه مراسله بالتلفون وصور
كله جماعته وحجيهم ماينفهم حتى الرساله مايكتبون الجمل عدل مدري شلون يفهمون ؏ بعض
دخلت ؏ صور ولكيته مليان صوري يصورني بدون مادري وصوره ابوي من بيناتهن دخلت عليها اكبرها ؏ وجه ودموعي وحده سبقت الثانيه
طلعت دست تحديد الكل وحذفتهن ورجعته لمكانه دخل مهاب باوع لدموعي اشر براسه ها
مهاب :- خير يابه منو مات
ترف :- كتلت ابوي
مهاب :- وداعت عيونج لو مو حامل جان گتلته كبالج
ترف :- بس كلي شسويتله حباب
مهاب :- هسسس
ترف :- خطيه خاف جوعان
تقرب عليه عينه بعيني لازم اديناتي يحرك ابهامه بهدوء
مهاب :- نسيتي؟ نسيتي من جان يضربج واجيت اخذتج وهوه كلشي ماسوه نسيتي من باعج ب600 نسيتي من طلعتي من بيتنه ورجعج سحل ومافكر يسألج منو مضوجج هذا كله نسيتي
اتذكرت كلشي كلشي انعاد بذاكرتي الضرب والشرب وجماعته وفلوس شغلي الياخذهن دنكت عيني بالكاع همست
ترف :- ان شاء الله يموت
مهاب :- اي عفيه بويه خليج هيج سباعيه
هزيت راسي موافقه باسني بكصتي وراح للكنتور نزلت جوا لكيت مياسه الضحكه شكت حلكي ركضتلها حضنتها
مياسه :- شلونج ولج
ترف :- شوكت اجيتي
مياسه :- هستوني شلونج يروحي شلونج زينه
ترف :- حبابه ابقي هنا حبابه
مياسه :- دباعي شجبتلج
كعدنه فتحت العلاكه جايبتلي ملابس وشغلات نسائيه احتاجهن حضنتها ابوس خدها
ازهر :- اني جبتلج ملابس حلوووه
ترف :- حبيبي اليجيبلي ملابس حلوه حبيبي
ماحس غير مهاب شايله من حضني ونزله بالكاع كعد يمي وسحبني الحضنه واني ساكته صافنه بوجه ازهر
مهاب :- روح خالو روح اكعد هناك صير عاقل روح حبيبي
ترف :- هاي شبيك
مهاب :- بيه ابوج ****
مياسه :- مهاب الجهال كاعده
مهاب :- حاضنها وهيه فرحانه عيد عدها هاي لو اني جا صارت صريخه هسه مال احجي حجايه
مياسه :- اني احلف واتوب ماجي وارجع اجي شبيه ماتوب شبيه
مهاب :- شنو مفتحه بسطيه
ترف :- مالاتي
مهاب :- منين اجن مالاتج
مياسه :- اي خويه جنت بالسوك وعجبني وجبتهن لتروفه
مهاب :- بيش صارن عليج
طلع محفظته يحسب بالفلوس منتظر جوابها
مياسه :- لا والله العظيم هديه
مهاب :- احجي شكد
مياسه :- والله العظيم ازعل اذا صدك خليتني اخذ
سكت انطه لجهال كل واحد خمسه ومن وصل لازهر انطاه الف وهوه كام يبجي ردت انقذ الموقف وكلت
ترف :- لعد واني
انطاني عشره شلتها وانطيتها لازهر اخذها وضل يضحك بعناد مهاب ومهاب ضل صافن يستوعب السويته
مهاب :- لوتيه
اخذت غراضي ورحت للغرفه سمعت مهاب گال
مهاب :- شلون تمشي
خليت غراضي ؏ الجربايه ونزلت جوا كعدت اسولف ويا مياسه انطتني علاليكها وگالت
مياسه :- وديهن لغرفة امي هسه يطشروهن الجهال
اخذت علاليكها ورحت للغرفة خليتهن وكع عطر من العلاكه جذبني شكله فتحته ورشيت منه ورجعته بالعلاكه
رحت للمطبخ واكفه يم مياسه تطبخ وتسولف وياي واني افتر وياها
مياسه :- ما كعدتي خاف تعبانه
ترف :- لا اريد ابقى يمج
مياسه :- لك يابه شنو هذا عطرك اليخبل شسمه عفيه شما اجيب مو هيج ريحتهن حلوه
ترف :- شسمه باعي مو تزعلين بس رشيت شويه شويه نقطه من العطر المشتريته انتِ لونه احمر
مياسه :- لا بربج
ترف :- والله لا تزعلين حبابه والله عجبني ورشيت نقطه
مياسه :- ههههه عليج سوالف ترفه
ام رافت :- ترررف
ترف :- ها
طلعتلها لكيتها تسفط بملابس مهاب جانن ؏ الحبل وجايبتهن مياسه
ام رافت :- تعاي صعديهن الغرفه مهاب
اخذتهن وصعدت دخلت للغرفه فتحت الكنتور والتفتت عليه كاعد يدخن بحضنه لابتوب
ترف :- عمو وين احطهن
مهاب :- حطيهن ب*** شنو عمو
شمرتهن ؏ جربايه اباوعله صفح عاكده حاجبي بضوجه
مهاب :- تعاي بالله هاي البنيه مو تشبه ورده
ترف :- وينها
مهاب :- تعاي
اتقربت يمه شمر الابتوب من حضنه وجرني شمرني ؏ جربايه تقرب ؏ ركبتي يشهكني
مهاب :- بوووويه عطرج يكعد الميت
اتقرب عليه صرخت لمن استسلمت اله وكعت روحي ذبلانه كمل ونام بصفي لامني بحضنه يبوس بشعري
مهاب :- شسويتي بيه بويه ما جاي اكدر اعوفج
غمضت عيني بتعب باسني وكام سبح ونزل جوا يتغده ورا بشويه صعدتلي مياسه لفلفت روحي بالغطه حتى مابيه حيل اكوم ابدل باقيه ؏ وضعي
لمتني الحضنها تجر بملابسي تريد تلبسني
ترف :- خلصيني
مياسه :- يلا يمه يلا اتحملي جا منو الج
ترف :- لا حبابه لا تكولين هيج اخاف يعني ابقى طول عمري يمه
مياسه :- لا تخافين لا تخافين اني يمج كومي سبحي كومي يمه
لبستني وكومتني للحمام فتحتلي المي وطلعت جابتلي ملابس علكتهن وراحت سبحت وبدلت وطلعت نزلت جوا كلهم يتغدون بالمطبخ دخلت الغرفه ام رافت ونمت بمكانها وغفيت بسرعه من التعب
فزيت من نومي لكيت نفسي بغرفة مهاب ومحد يمي صوت مره جبيره جوا بقيت نايمه بمكاني صافنه بالسكف لمن دخل مهاب
ترف :- منو عدنه
مهاب :- ام ابوي
ترف :- بيبتك؟
مهاب :- اي نزلي سلمي لا تبقين نايمه
كمت ؏ حيلي نزلت جوا شفت مره اكبر من ام رافت كاعده يمها يسولفن ومياسه وجهال ماهمه رايحين
سلمت وجرتني تبوسني تباوعلي من فوك لجوا
ام سلام :- بالله كعدي كبالي خلي اشوفج
كعدت كبالها وهيه تباوعلي من فوك لجوا
ام سلام :- شو ماعدها صدر
فكيت عيني عليها متخبله ؏ جرأتها ودي اغط نفسي بملابسي من الخجل
ام رافت :- مدري شعاجبه بيها مهاب
ام سلام :- شو طلعي رجلج شيلي البجامه
فكيت عيني مهاب نزل باوع بوجهي مستغرب من ملامحي
مهاب :- يشهد الله مشتاقلج موت بليل اجي نتعشه سوه مو تمشين ازعل عليج
ام سلام :- براحتك بعد روحي براحتك واني هم مشتاقتلك من ريحة المرحوم ياروحي اريد اكعد وياك مشتاقتلك
مهاب :- يا بعد عيني تدللين ما تأخر عليج مع السلامه
طلع واني ركضت ورا لبرا لزمت كتفه رافعه راسي اباوعله
مهاب :- ها بابا
ترف :- شبيها هاي العجوز
مهاب :- شبيها بويه طبي جوا اريد افتح الباب
ترف :- شو مستهتره
مهاب :- هههههه كرصتج لو غمزتلج
راح للباب فتحها ما مهتملي يضحك طلع وقفل الباب دخلت جوا كعدت يمهن مدري شيسولفن رجعت باوعتلي ام سلام وكالت
– شو هاي فرخه
خزرتها ودرت وجهي وكمت للمطبخ كعدت وحدي استمع السوالفهن لمن ام رافت صاحت
ام رافت :- سويتي عشه
ترف :- تعبانه
ام رافت :- ولج هيج تجاوبيني جان استحيتي يمنه مره خطار بس منين تعرفين الاصول انتِ يلا كومي سوي عشه كومييي لا اجي اكطعج
سكتت ما جاوبتها ربع ساعه ودخلتلي للمطبخ شافتني كاعده تخبلت
ام رافت :- انتِ دواج مهاب خلي اخابره يجي يفرك حلكج بالنعال
جرت كرسي وكعدت تتصل عليه واني صافنه عليها اكوم اسوي واسحك كرامتي لو ابقى كاعده
ام رافت :- الو ها يمه وين انتَ ها ، اكلك يمه مهاب هاي ترف من عفتها لحد الان كاعده حتى عشه مامسويه اكللها كومي سويلنه لگمه تكلي تعبانه
مهاب :- خليها حجيه راح امر ؏ مطعم اجيب جاهز لا تكوميها فدوه لعينج
ابتسمت اول مره بحياته يسوي شي بي خير
ام رافت :- والله خوش معلمها
مهاب :- مو علمودها علمود بنتي
ام رافت :- هاهيه خوش تعلوم منا وبعد ماتسمع كلمتي الله وياك الله وياك
قفلت الموبايل بوجه باوعتلي مبتسمتلها بشر عافتني وطلعت كعدت تتحركن وتشتكي عليه يم ام سلام
لمن اجه مهاب شافني كاعده ما اهتملي يدخن مضيق عيونه حضر الاكل وكعدنه نتعشه وام رافت تخزر بيه ومهاب وام سلام يحجون لمن صار هدوء خلص موضوعهم التفتتلي
ام سلام :- شو هاي فرخه
سكتنه محد جاوبها اكلت ورجعت كالت
– اكلج بيبي شو ماكو بطن هذا وينه الطفل
ترف :- ب****
مهاب غص بالاكل يكح مختنك كوه لازم الضحكه وام رافت فكت عيونها
ام رافت :- وحك علي اكوملج
ام سلام :- الطيور ؏ اشكالها تقع نسخة مهاب
مهاب دفرني برجلي دنكت اكل ساكته ما منطيه اهميه مهاب اكل شويه وصعد للغرفه باوعت عليهن يباوعلي
ام سلام :- من تشتهين شي احجي مو تحكين جسمج
ترف :- اكلج بيبي
ام سلام :- كولي
ترف :- اذا ادخن يموت الطفل
ام سلام :- جا شي اكيد
ترف :- امممم
كمت ؏ حيلي صاحت
– وين وين
ترف :- شبعت
ام سلام :- دكعدي كعدي اكلي ولا مبين حامل اكلي خلي يكبر الطفل
ترف :- ماشتهي
عفتها وركضت للغرفه وهيه تصيح وراي مهاب بدل ملابسه ونزل جوا نزلت بالدرج شفته كاعد يدخن مندمج وياهن بالسوالف بالمطبخ
صعدت وسديت الباب فتحت المجر طلعت باكيت الجكاير سحبت وحده ما ورثتها عدل ذبيتها بالسطل وطلعت ثانيه كوه ضبطت وعرفت ادخن كملتها ؏ نص واختنكت اكح اكتم بصوتي شمرتها بالسطل ايدي ؏ حلكي اكح
نمت ومهاب بعد ما اجه نهائيًا وكعدت ثاني يوم الصبح كلهم عدنه فاطمه ومياسه ومها والجهال نزلت جوا الم بشعري
فاطمه :- كلللليش كعدت العروس
كل الانظار صارت عليه لميت شعري وتثاوبت ارمش بعيوني اسوي نفسي بعدني نعسانه
ترف :- اريد ريوك جوعانه
فاطمه :- لا بربج
ترف :- اليوم مشتهيه كاهي وكيمر
فاطمه :- بنت الفكر هوَ انتِ منين تعرفين الكاهي
مياسه :- كااافي فاطمه
فاطمه :- والله مجذبه بشي
عفتهن ودخلت للمطبخ احاول اتخطى والعبره تلزمني سويتلي ريوك وكعدت اكل ودموعي وحده سبقت الثانيه وبنت مياسه نور واكفه كبالي صافنه عليه
نور :- شبيج تبجين
ترف :- اريد امي
نور :- جا وين امج
ترف :- زوجتني المهاب
نور :- انتِ مو صغيرونه ليش امج زوجتج
ترف : مادري يمكن ماتحبني
نور :- انتو ماعدكم فلوس
سكتت امسح بدموعي واكل
نور :- من يجي خالو مهاب اكله ترف تبجي وخاله فاطمه تصيح عليها
هزيت راسي موافقه عافتني وطلعت وللضهر نست كلشي اجه مهاب طلعتله واكفتله بالباب دخل باوعلي باستغراب باوع ؏ نعالي وضحك
مهاب :- باع النعال اطول منها
باوعت نعالي مدري مال منو جبير اتقربت عليه وكلتله
– مهاب
مهاب :- ها يابه
ترف :- اني بنت فكر؟
مهاب :- اي
رجعت لورا مصدومه بجاوبه منتظرته من الصبح لحد هسه وتالي هيج يجاوبني بالمختصر شلت روحي وركعتها بالكاع من القهر
صعدت للغرفه وابد ماطلعت ولا واحد فكدني ورا الغده والجاي والسوالف والضحك صعدلي مهاب
قفل الباب وجان جاي بس علمود يفرغ شهوته بيه حتى ما سألني ليش مانزلتي ولا تغديتي
كمل ونام واني دخلت سبحت ونزلت جوا كاعده ؏ بايات الدرج اباوع ؏ البنات ملتمات يم امهن ضحك وسوالف اتمنيت اعيش هيج حياه بس يمكن مامكتوبلي
ومن لمحتني مياسه اجتني جرتني كوه كعدتني يمهم ومحد جان طايقني بس مياسه وام سلام
للعشه وكلهم راحو بقت بس ام سلام ومياسه واگفه تغسل ماعين وتسولف وياي ؏ مواضيع خاصه تفشل واني فاكه حلكي واگفه ع حيلي بيدي باكيت جگاير مال مهاب اريد ادخنهن دخل ازهر عاطت بي
مياسه :- امشي برا مو كاعدين نسولف سوالف نسوان
ازهر :- ما شتسولفن
عاطت بي ما مشه خليت جگاره بين شفايفي ضيكت عيوني خازرته عاقده حاجبي وعطت بي اقلد مهاب
ترف :- امشي لك لا اجي اخلي النعال بحلكك ، لا اله الا الله جيبولي نعال مايمشي هذا اجيتك لك اليوم اطفي الجگاره ب***
رفعت راسي وكلبت عيوني بضوجه لمحت مهاب باب المطبخ وكعت الجگاره من ايدي وطلعت امشي بهدوء من المستحه
دخلت الغرفة ام رافت لكيت ام سلام كاعده اصلي كعدت خجلانه
ترف :- بيبي ادعي لامي اطيب
كملت صلاه وگالت :- شسمها
ترف :- منى بنت بسمة
دعتلها بالصحه والعافيه اشرتلي بيدها تعاي رحت يمها حصنتني وباستني
ترف :- والله مشتاقه لامي مهاب مبين يحبج ماتحاجي يخليني اروح الها والله مشتاقه اكعد واسولف وياها اخاف افقد امي اخاف بليله ويوم تنام وبعد ماتكعد واني ما شايفتها مايخليني بعد انام بحضن امي بس بحضنه مشتاقه لامي والله وحتى لورده هيه تحبني ماعدها غيري
ام سلام :- ميخالف احاجي واخلي ياخذج الها
ابتسمتلها بستها بخدها وبقيت كاعده يمها مكيفه عليها شكد سولفنه تعشينه سوا وحدنه وبقيت لليل لمن غفيت وفزيت ؏ صوت مهاب يصيح
– وين مرتي يمعودييين ها حجيه منيمتها يمج اني رجلها لو انتِ
ام سلام :- دخليها يمي اني باجر لو عكبه رايحه خلي اشبع منها
مهاب :- تؤ تؤ
كومني واني امشي دايخه نعسانه اول ماوصلت الجربايه نمت سحبني الحضنه يبوس بيه
مهاب :- منو اليوم يقلدني بالمطبخ ويريد يطفي الجگاره ب*** ازهر
انفاسي علت خنست جوا وهوه يبوس بيه لحد ان حاول يتقربلي كمت اصيح ماريده ما اهتملي اخذ اليريده مني ولا كانما مرته حالي حال وحده يغتصب بيها اصرخ جوا وهوه يهمسلي
مهاب :- لزمي نفسج بويه شهرتينه
ترف :- بطني عموووو بطني عفيه راح اموت توجعني
ما انطاني ذره اهتمام من نصير سوا بغرفه وحده يفقد عقله لا يبقى باله يم ابنه ولا يمي اهم شي يشبع رغبته لحد ان فقدت الوعي دخل سبح واجه عليه صوتي رايح من الصياح اون من الوجع ولا واحد اجاني ودك الباب
حضني يهمس يم اذني
– شبيج بويه خدرانه
فاقده افرفر براسي اون عاصره بطني بيدي ضربني ؏ خدي يصيح باسمي كعدت لافه روحي بالغطه
ترف :- ابوس ايدك بطني خلصنيييي ماريد
لبسني واخذني للمستشفى كل ضني الطفل مات رغم الوجع بس جنت طايره من الفرح ..
الفصل التالي اضغط هنا
يتبع.. (رواية القسوة تشع من عيناه) اضغط على اسم الرواية لتجد الفهرس كاملاً بجميع الفصول.