رواية القسوة تشع من عيناه – الفصل الثاني
كعدت الصبح ؏ لمست ايدها الاحبها التفتت عليها مبتسمه باستني بخدي
كلشي يهون الها حتى النوم اعوفه لخاطر عيونها لخاطر ماتعيش طفولتي سويت الريوك تريكنه بدلت وطلعت
فتحت الباب ودخلت للمطبخ فزيت متراجعه من شفت مهاب كاعد ؏ الكرسي گباله لابتوب وبين اصابعه الجگاره ومن شافني طبك الابتوب ورفع راسه اخذ نفس جگاره وگال
مهاب :- انتِ هلكد تتأخرين؟
ترف :- والله ما متأخره
التفتت ؏ ام رافت دخلت تمشي ؏ عكازتها كعدت ؏ الكرسي وگالت
ام رافت :- ما طبين شبيج واكفه بالباب مهاب اخيج لا تستحين
مهاب :- قبل لا اطب اريد جواب مقنع ليش تأخرتي
ام رافت :- لا ما تاخرت خليها براحتها اني ستوني كعدت وهيه واصله
مهاب :- حجيه اغديلج فدوه جاي احاجيها ماعدها لسان
ترف :- والله خاله ما تأخرت بس امي مريضه وسويت الريوك ريكتهم واجيت
مهاب :- اني جاي احاجيج تحاجين امي لويش
عيني ؏ ام رافت ودموعي نزلت وحده ورا الثانيه انهضمت حيل
دفع الكرسي لورا ورخه ضهره ع الكرسي باوعت بعيونه ودنكت راسي مهضومه والغصه بلعومي
مهاب :- يلا ؏ شغلج بت صفاء
دخلت اسوي ريوك ودموعي عشره عشره احلف بعد رجلي ما دوس هذا البيت اكتم بصوتي كوه لحد ان شهكت مخنوكه
روحي شاطت من سمعت صوت ضحكته عاليه وام رافت تبسبس مدري شتحجي ويا وهوه يضحك بعلو صوته
مهاب :- بنت صفيوه عليمن تبجين
تركت كلشي وطلعت لبست خذائي وطلعت امشي سريع بالشارع ابجي بهيستريا لاكاني ابوي بالشارع عقد حاجبه يسألني
صفاء :- وين وين
ترف :- ماريد اروح والله ماروح بعد لو تموت
لزمني من كتفي عينه ؏ شارع خاف واحد يشوفه
صفاء :- ليش يابه
ريحته واصله لهذاك الصوب لعبت نفسي اجر بيده مني مايوخرها
ترف :- والله مذلوله هناك والله تقبلها ؏ نفسك والله حرام عليك
صفاء :- دمشي امشي يعني خدامه شتردين يعاملوج معامله عروس
ترف :- يغلطون عليه وعليك تقبل
صفاء :- جا شكو بيها اذا اني ما اسمع يغلطون من ورا ضهري مابيها شي
ترف :- بوووويه
جرني حيل يدفع بيه دفع
ترف :- والله ماريد عوفني وخررر
صفاء :- والله اكطعج تكطع وعلي اكطعج انتِ وامج اسكتي اششش تاكلين *** وتمشين تكملين شغلج وترجعين
سكتت اذا ابوي هيج شترجه من الغريب ومن وصلت شفت مهاب بسيارته هز راسه متأسف يضحك حرك السياره وانطلق
دخلت ساكته ام رافت كاعده تاكل مسويلها ريوك مهاب
ام رافت :- ها خاله وين رحتي
ما جاوبتها دخلت نظفت وكعدت بالصاله بجيت لمن طكت روحي
ومن دخلت ام رافت رحت للمطبخ اسوي روحي اسوي غده استحي اخلي عيني بعينها شكللها رجعت لاهلي ورجعني ابوي شكول
ام رافت :- اني ماشتهي صبي الج واكلي اذا جوعانه
صبيت وكعدت اكل شويه وفززني صوت ام رافت اصيح مخنوكه هديت الخاشوكه وطفرت لگيتها تجر النفس كوه
ترف :- ها خاله شبيج اجيبلج مي فدوه حاجيني شبيج
ام رافت :- انطيني تلفوني
جبته الها خليته بيدها اديها يرجفن ادور بالارقام وتغمض تعبانه مدت ايدها تنطيني التلفون
ام رافت :- اتصليلي ع اسم رافت
طلعت اسمه واتصلت عليه انطيته الها خابرته
ام رافت :- الو يمه رافت مر عليه يمكن ضغطي صاعد اشوف البيت يفتر بيه
رافت :- عذريني ماكدر اجي الشغل واصل لفوك راسي خابري البنات او مهاب
ام رافت :- فدوه لاسمك يمه راح اموتن ؏ الأقل خليني اشوفك قبل لا اموت يمه الو رافت حرام عليك اسوي هيج بيه مو ربيتك وكبرتك الوو
ما جاوبها باوعت ؏ تلفون ساد الاتصال بجت روحها مفرفحه وكع التلفون من ايدها ولزمت كلبها شهكت وغمضت عيونها شفتها بيضه
تخبلت اضرب ؏ وجها ماتكعد غسلت وجها شربتها مي ماكو وكعت فاقده جريت التلفون واتصلت ؏ مهاب سمعته گال
مهاب :- گولي حبيبه
ترف :- تعال امك تخربطت وما جاي تكعد
ترف :- انتظريني لا تسوين شي لا تنطيها شي وحدج جاي جاي
سد الاتصال واني بقيت كاعده يمها افرك ايدها اكعد بيها ماتكعد لحد ان انفتح الباب ودخل مهاب ركض ؏ امه يكعد بيها
مهاب :- جيبيلي عبايتها
ركضت جبتها جرها مني لفها بيها نيمها ؏ تخم قبل لا يطلع گال
مهاب :- طبي جوا
التفتت وراي دخلت بغرفة ام رافت سمعت صوت رجال برا اتصنتت الهم جايب الدكتور للبيت
لمن راح صار هدوء طلعت شفته كاعد بالكاع لازم ايدها يبوس بيها يباوع ؏ وجها
رفع راسه باوعلي ودنك يستغفر عينه ؏ امه ردت امشي للمطبخ گال
مهاب :- روحي
ترف :- وين
مهاب :- الجهنم ، روحي لا تبقين هنا
عفته وطلعت ركض لبست حذائي اتلفت وراي خاف يجي فتحت الباب ورجعت لاهلي لكيت امي نايمه ورده فتحتلي الباب تلعب تُكي بالحوش
ترف :- بابا هنا
ورده :- لا ، ليش اجيتي من وكت
ترف :- ام رافت كلتلي روحي ، تغديتي
ورده :- لا
دخلت جوا اطمنت ؏ امي نايمه ورحت حميت اكل وكعدنه ناكل اني ورده
كمت غسلت الحوش ورده تلعب يمي انفتح الباب ودخل ابوي ومن شافني بالبيت گلب وجها
صفاء :- يعني سويتيها ورجعتي
ترف :- لا والله بس همه كلولي روحي
صفاء :- ليش يابه
ترف :- ام رافت تخربطت وابنها بالبيت وحده گال روحي اني يمها
صفاء :- متاكده
ترف :- والله
دخل لجوا واني بقيت اغسل الحوش والتفتت فازه ؏ صوت امي اصرخ
هديت الصونده وركضت متخبله فتحت باب الغرفه مقفول اسمع صوت ابوي جوا وامي اصرخ كسرت الباب اصيح اريده يعوفها ماكو
ادفر بالباب برجلي متخبله ورده واكفه باب الصاله فاكه عيونها تستمع للصوت مرعوبه
ترف :- الله يخليك بابا الله يخليك انطيك كلشي تريده والله بس عوف امي عوفهاااا بويه الله يخليكككك عفيييه احلفك بروح اعزازك احلفك بروح امك بابااااا
كسرت الباب وهوه ولا كانُ لحد ان صار هدوء دقايق وطلع يضحك اسنانه سود كلهن مطلعهن
دخلت اركض لامي لكيتها نايمه لافه روحها بالبطانيه ودايره وجها للحايط ركضتلها اجر بيها ومن التفتت اليه شفت وجها كله كدمات شفتها مورمه وركبتها مزلغه
ترف :- ليش ضربج ليششش
منى :- طلعيها طلعيها
التفتت ؏ ورده فاكه عيونها ؏ امي ترجف وامي غطت وجها تبجي مفرفحه جريت ورده طلعتها برا وسديت الباب
منى :- ملابس
التفتت عليها طالعه اكتافها بدون ملابس عيوني رأسًا راحن ؏ ملابسها المشككات بالكاع كشت روحي فاكه عيني عليها
منى :- ملابس ترفه ملابس
طلعتلها ملابس من السله وكعدت يمها اريد البسها دفعت ايدي تهمس ، روحي
ترف :- شبيج يمه
منى :- طلعي كومي عوفينييي
لزمت ايدها صرخت متخبله مني عفتها وطلعت سديت الباب وراي التفتت ؏ ابوي ماخذله ركن نايم ويباوع بتلفونه
رحت عليه اصرخ متخبله
– ليش تضربهااااا ليشششش
باوعلي وجه محمر وعيونه يلمعن مد ايده ؏ رجلي يتلمسها بهدوء دفعتها مبتعده فاكه عيني عليه
صفاء :- شبيج تعاي اكلج ليش ضربتها
جريت ورده وركضت للمطبخ طبكت الباب وكعدت ارجف عيني ؏ الباب كلشي انعاد بذاكرتي كلشي انعاد من الصفر غمضت عيني بداخلي ختمت القران
جنت طفله وامي من تروح لبيت عمها تحاول تطلك من ابوي ويرجعوها ثاني يوم جان ابوي يستغل الفرصه ويشوفني مقاطع ما لازم طفله تشوفهن جان يكعدني بحضنه ويتلمس جسدي الصغير يشوفني ويسألني ، تحبين هيج نسوي
واشرد منه خايفه ومن تجي امي اكللها تتخبل تفرفح روحها تاخذني وترجع البيت عمها لعلى وعسى يحنون علينه لخاطري بس جذبوني وگـال ابوها مستحيل يسويها جذابه هاي
ومن كبرت بعد ما تقربلي لان امي بعد ما عافتني وعلمتني كل ما يتقربلي اضربه واصيح بعد يخاف يوصلي
وبجيت مخنوكه لحد ان سمعته صاح
صفاء :- ورده وريده
جريت ورده لحضني اهز راسي لا فاكه عيني ؏ الباب
ترف :- لا لا لا ترحين ماخليج لا ترحين
ورده :- اخاف
ترف :- ماترحين اني يمج ماترحين
صفاء :- بنت السگط وينججج
خليتها وكمت وكفت بالباب منزله عيوني ماكدر اخلي عيني بعينه اخجل
صفاء :- جيبيلي النفاضه
وديتها اله اخذت ورده ودخلت الغرفه امي وصرخت متخبله من شفت امي لابسه واكعه فاقده الوعي طلعت اتوسل بابوي ياخذها للطبيب
طلع اجر تكسي مال جيرانه واجه اخذها وراحو وبقيت منتظرتهم ؏ نار لحد ان اجو
ركضت الامي اسأل شبيها وهيه ساكته دخلنه للغرفه جبتلها مي شربت وبجت مخنوكه
منى :- المن عايشه ليش الله ما ياخذ عمري
ترف :- شبيج يمه شكال الدكتور
منى :- مصران اعور
ترف :- شنو يعني
منى :- مرض بالبطن وهذا ابوج حتى كبسول ما جابلي والله جاي اموت من الوجع ربي اخذ روحي ولا تعذبني شمسويه بدنياي حتى هيج اتعذب جبتها من الطفوله للكبر شوكت ارتاح
دموعي نزلت ؏ خدي امسح بدموعي فاكه عيوني عليها وهيه تبجي بحسره بست ايدها ماعرف شلون اواسيها..
مرت ايام وامي كل يوم تزيد حالتها وابوي ابد ما رحمها ومن تبجي موجوعه يجذبها ويضحك عليها واليوم ام رافت تنطيني الراتب وقررت اشتري علاج لامي بيهن عسى ما يموتني ابوي
واكفه اسوي غده وام رافت كاعده بالحوش تتشمس اندك الباب صاحت
ام رافت :- تعاي يمه شوفي منو
رحت فتحت الباب دخل رافت ومرته وجهاله سلمت ورحت للمطبخ اكمل غده
ومها مرت رافت ابد ما طايقتني ولا عاجبها العجب حتى تعاملها ويا ام رافت مدري شلونه للعصر وراحو كملت الغده غسلت وطلعت للحوش رافعه راسي لسما صوت دعاء مسحت وجهي جريت حسره مخنوكه
هسه تصيحلي وتنطيني فلوسي يارب ذكرها يارب والله استحي اني اكللها
ام رافت :- ترف
التفتت مبتسمه عدلت روحي ودخلت
– ها خاله
ام رافت :- روحي جيبيلي جزداني بالغرفه
رحت للغرفه دورت ؏ جزدان ماهوه سمعت صوت برا صحت
– خاله وينه الجزدان ماهوه
ما جاوبتني بقيت ادور شلت مخدتها لكيته جواها اخذته الضحكه شاكه حلكي التفتت اطلع وشهكت فازه على وگفت مهاب بالباب مكتف ايده مبتسم تك خد عينه ع تفاصيل جسمي ..
الفصل التالي اضغط هنا
يتبع.. (رواية القسوة تشع من عيناه) اضغط على اسم الرواية لتجد الفهرس كاملاً بجميع الفصول.