رواية القسوة تشع من عيناه – الفصل الثالث
بارت 3
عصرت الجزدان بيدي فاكه عيني عليه شلون اطلع وعرضه ماخذ الباب كله
اتقدم عليه بخطوات بطيئة ابتعدت اريد اطلع وسحبني اله محاوطني بايد وايده الثانيه تخلت ع خشمي وحلكي جريت النفس متخبله اريد اصرخ ماكدر
بس استنشقت ايده بديت افقد والظلام ياكل النور الي بالغرفه باوعت بعيونه بتوسل يعوفني وكعت بين اديه فاقده الوعي ..
رحت العالم ثاني افز وارجع للظلام افز اسمع صوت ضحكتي وجها اديه لمساته ضحكته صوته وهوه يكول ، بنت صفاء
لحد ان صحصت راسي صاير طبل وجسمي متكسر وعيوني جمر اسمع صوتي اون الغطه ملامس جسمي كانما ولا قطعه لابسه
كعدت ؏ حيلي ومن حسيت روحي بدون ملابس لزمت الغطه فاكه عيني التفتت شفت مهاب كاعد ؏ الكرسي يدخن عينه عليه مبتسم تك خد
مهاب :- مرتاحه
فاكه عيني كلشي مامستوعبه احلف كل هذا حلم مو حقيقه
كام من مكانه وكعد بصفي حضني مدنك عليه يهمس يم اذني
مهاب :- مرتاحه؟
شغل تلفونه وعرضلي فيديو باوعت ؏ الفيديو والقشعريرة ما فاركت جسمي شعر راسي وكف من هول الاشوفه فاكه عيني عليه اريد استوعب بس عقلي ما كادر
ولا قطعه قماش عليه واني ومهاب بوضعيه بذيئة واضحك كانما صاحيه وقابله بكل الجاي يصير
عصر خصري بايده يحرك خشمه بهدوء ؏ اذني يسألني
– عجبج
دفعته اصرخ متخبله وهوه يقرب التلفون ؏ وجهي يضحك
ترف :- شسويت اني شسووووويت
املخ بروحي طفه التلفون وخلاه ؏ جهة دفعني ؏ جربايه يتلمس جسمي بقذاره عينه بعيني
مهاب :- توافقين لو تشوفين هذا الفيديو بكل الموبايلات
ترف :- وخرررر عني وخرررر خااااااله
مهاب :- صيحي بعد ابوج صيحي
اصرخ وادفر بي اريده يعوفني لزم وجهي عاصره بين ايده يفره عليه
– توافقين لو شلون لا اتعبيني
ترف :- شتريد منييي شتررريد
مهاب :- اجي اخطبج وتسمعيني الموافقه واذا ما سمعتها هذا الفيديو يوصل لابوج ولاهل ابوج وللمنطقه كلها شلع قلع
دفعت ايده املخ بوجهي اصرخ متخبله ادفر برجلي دموعي عشره عشره ؏ وجهي
ترف :- حلم والله حلم كله حلم هسه تفزين هسه لا تخافين هسه تفزين حللللم حللللم
مهاب :- اشش اش اشششششش
قيد حركتي بيده يضرب بيه راشديات يفر وجهي يمنى ويسرى يبوس بيه وروحي تكش بقرف ضربني راشدي يخنك برگبتي يضحك
مهاب :- راحه نفسيه
اصرخ عقل ماباقي براسي خنكني حيل وصلت الموت هد ركبتي وراح يشرب مي واجه عليه يشربني المي كوه كله تبده عليه باوع ؏ ركبتي عيونه نار
لميت روحي بالجرجف ارجف اصيح متخبله لا بيه اكوم ولا بيه ابقى ، ادور ؏ ملابسي ماهنه
مهاب :- شدورين ؏ هذني
رفعلي ملابسي بيده ضميت وجهي بالغطه ابجي بهستيريا ادفر برجلي
ترف :- حباب حباب ابوس ايدك اريد امي اخذني لامي الله عليك احلفك بروح ابوك وديني لامي كلشي ماريد منك والله بس اخذني لامي
حسيته قريب يمي من گال
– شتردين
كعدت اباوع عليه يتقربلي ابتعدت اجر بالغطه عليه اصرخ لعلى وعسى واحد يسمعني
مهاب :- اخذج لامج بس شتسوين
ترف :- اسوي كلشي والقران بس اخذني لامي
مهاب :- توافقين سبق وحذرتج مو تنسين
هزيت راسي اي لعدة مرات شمر الملابس عليه وطلع من الغرفه لبست بسرعه بسرعه شلون ما جان
كمت واحس بطني انلوت لويه قويه صرخت موجوعه لازمه بطني الوي بيها نار وجت بروحي جزئي السفلي كله خدران كعدت افرك برجلي اريد يشيلني وماكدر
دخل مهاب اتقرب عليه نزل لمستواي يفرك برجلي
مهاب :- شبيهن
ترف :- هههههههه
مهاب :- ههههه
ترف :- ماريدهن اكطعهن اريد امي
باوعلي يضحك واني اضحك الضحكته بدون وعي مد ايده عليه ينزعني فكيت عيني ؏ وسعها اضحك ادفع بيده
مهاب :- لابستهن مگلوب
ترف :- هههههه عادي
مهاب :- اي عادي بابا عادي
عدلهن الي وشالني نيمني ؏ جربايه ايده يحركها ؏ خدي بهدوء يهمس
مهاب :- نامي نامي
غمضت عيني اضحك وهوه يضحك الضحكتي وفعلًا غفيت وفزيت لكيت روحي بالسياره طبك يم بيتنه ونزلني الدنيا ليل
دكيت الباب فتحتها ورده بسرعه دخلت وقفلت الباب ارجف
ورده :- وين جنتي ليش تاخرتي اني وماما اجينه البيت ام رافت دكينه الباب وماطلعتي النه
عفتها ودخلت للحمام ركض سقفلت الباب وكعدت بالكاع حاضنه جسمي بيدي اضحك حالي حال مخبله
روحي فزت من سمعت الباب اندك وصوت امي المتعوب كالت
منى :- يمه وكفتي گلبي عليج وين جنتي
ترف :- هسه هسه
حجيتها وبلعت الغصه كوه الوي ابطني دموعي تنزل لا ارادي من الوجع دخلت جوا المي بدون ما انزع اخاف انزع اخاف اشوف جسمي تلعب نفسي منه مستحيل انسى الفيديو مستحيل يروح من بالي
ترف :- ورده ملابس
جابتلي اخذتهن منها وقفلت الباب نزعت كوه عليه لبست بدون ماشوف اصبع من اصابعي لبست وطلعت كعدت بالمطبخ صافنه بالفراغ ماريد اخلي عيني بعين امي احس تدري بكلشي
دقايق واجت ورده باوعتلي باستغراب
ورده :- شبيج
ترف :- مابيه شي
ورده :- ماما تصيحلج
ترف :- اي هسه اجي
ابتسمتلي وراحت فركت وجهي حيل اضرب ؏ رجلي ابجي متخبله شلون اوجه امي شلون
بقيت كاعده مارحت ورده رجعتلي شافتني ابجي گالت
ورده :- ليش تبجين
لزمت بطني ابجي اعصر بيها عيني ع ورده شعشت اشفت واني بهذا العمر معقوله الله يحاسبني ؏ ذنوب ابوي اليسويهن ليش اني وكعت بيها ليش
عافتني وراحت وراها اجت امي ركضتلي حضنتني متخبله تلطم ؏ وجها تسألني شبيج
ترف :- بطني توجعني
لطمت ؏ خدها باثنين ادين باوعت بعيوني فاكه عيونها
منى :- ليششش يمه ليششش شبيها وين جنتي ووووين ليش تاخرتي سوده بوجهج منى راحت بنتج من اديج
ترف :- مادري شبيها مادري
منى :- بس كليلي وين جنتي
ترف :- خالتي ام رافت تخربطت واخذناها للمستشفى ورحت وياها وتأخرنه اله اجينه
منى :- جا شبيها بطنج شماكله لا تخافين احجيلي اني امج صاير شي ليش هاي الدموع كلها ليش محومره شبيج ترفه كليلي اني امج
ترف :- مادري بطني كلش تأذيني
لمتني بحضنها تبوس براسي
– لا تخافين يجوز راح تنزل عليج الشهريه
باست اديه ومسحت دموعي
– كومي يمه كومي للغرفه
كومتني للغرفه خلتلي مخده ونمت عليها راحت تحميلي الاكل واني عيني بالسگف ابجي بهستيريا لازمه بطني كل ما اغمض كلشي ينعاد كبالي
ورده :- ابوس بطنج واطيب
درت وجهي انطيتها ضهري لفيت روحي بالغطه طبكت رجلي ؏ صدري ابجي وامسح بدموعي اشهك بصوت عالي
لمن اجت امي حاميتلي الاكل شكد حاولت توكلني وما اكلت اجه ابوي بوقتها وصار الاكل اله
منى :- ترف تعبانه متأذيه من بطنها
صفاء :- شسوي هسه اني
منى :- اخذها للطبيب
صفاء :- الله كريم الصبح
منى :- والله حرام عليك كل لگمه تاكلها كون سم اطب بطنك
هوَ يرد وهيه ترد لحد ان كام ملخها تملخ واني اول مره بحياتي ما ادافع لامي بقيت نايمه بمكاني هوسه براسي لحد ان غفيت وجسمي وجهي صايرات جمر
فزيت الصبح ؏ ايد ورده تكعد بيه دفعت ايدها وتغطيت استرجع كلشي بذاكرتي معقوله كل الصار حقيقه
حاولت تكعدني وما درتلها بال رجعت نامت بفراشها وصوت الساعه يدك بأذني ؏ جنازتي ماروح بعد
للـ9 وابوي كسر الباب علينه
صفاء :- ليش حذاء ترف بالباب يعني ما راااايحه فتحي الباب منااااوي
ما جاوبته فاكه عيني صافنه بالفراغ امي فزت من نومها ركضتلي تكعدني واني ما اجاوبها نهائيًا ولا اتحرك گلبتني خليت عيني بعينها
ضربت خدودها باثنين ادين متخبله
– شبيهن عيونج ترررف يمممه سوده بوجهي ترررفه ترفه حاجيني شبيهن عيونج يوجعنج شبيهن كليلييي
وابوي كسر الباب يهيع دفعت ايد امي وكمت فتحت الباب لزمته من ياخه دشداشته عيني بعينه افور بركان بداخلي وانفجر
ترف :- شترررريد شترررررريد
ضربني راشدي بكل قوته دفرني برجله وكعت بالكاع
صفاء :- وين الرااااتب جيبيييي
ترف :- راتب تحلم تشوفه بعد
صفاء :- جيبيييي الراتبببب لا اشكج وصلتين وحك هوَ علي جيبييي وين ضامته
ترف :- ههههههه خطيه انتَ
ضربني متخبل يجر بشعري يفشر ويغلط وامي تحاول تبعده عني
عيني بعينه مبتسمه وهوه متخبل يضرب ويغلط لحد ان اندك الباب دفع امي يتفل عليها وراح للحوش
امي لمتني بحضنها تسمي عليه واني اضحك عيني ع الباب دخل ابوي يفرك بلحيته باوع لامي وكال
صفاء :- كومي هاي ام رافت بالباب
منى :- ام رافت؟
صفاء :- اي دكومي بلكي فلوس شي
كامت امي واني ركضت للغرفه طبكت الباب وختلت بالزاويه بصف الكنتور كعدت لامه رجلي الصدري اهز راسي لا ورده وكفت كبالي صافنه عليه
ترف :- حبابه ضميني حبابه
ورده :- مايكتلج لا تخافين راح
ترف :- خلي يكتلني خلي بس لا ياخذوني ماريد والله اخاف ماريد اعوفكم اريد امي بعدني صغيره ماريد والله اخاف
ورده :- منو راح ياخذج
ترف :- حبابه ضميني
كعدت يمي تباوع بعيوني عيونها مدمعه
ورده :- شبيج ترف
بجيت اضم بوجهي سمعت صوت ام رافت برا وامي ترحب بيها وتشيل الغراض من الكاع متفشله تتعذر عن الهوسه البصاله وتذبها براس ورده
ام رافت :- لا عادي ماكو اشكال كلنه هيج بيوتنه
منى :- بعد روحي بعد گلبي شجابج يروحي بس لا ؏ ترف ترا والله متخربطه عذريني اليوم ما اجتج
ام رافت :- هوَ جايه ؏ ترف بس مو علمود الجيه غير شغله
منى :- تفضلي كولي عيوني الج
ام رافت :- وينها شنو ماتسلم عليه
منى :- هسه اصيحها الج هسه
فتحت الباب ودخلتلي ادور عليه باوعتلي واجت عليه تكومني تمسح بدموعي وترتب بشعري
منى :- كومي يمه خالتج ام رافت برا فشله سلمي عليها وتعذريلها
ترف :- ماريد حبابه ماريد
منى :- شبيج يمه فشله المره مريضه امس غير تجين تشوفيها شلون صارت
ترف :- ماريد يمه
منى :- شبيج بس فهميني شبيج
ترف :- ماريد والله ماريد
عافتني وطلعت قدمتلها مي وگالت
– عذريني تعبانه كلش ترف ونايمه بالفراش ماتكدر تكوم
ام رافت :- براحتها اني اجيت اطلب منج طلب واتمنى ماترديني
منى :- كولي
ام رافت :- بنيتج اعرفها كلش زين بعد بنيتنه هيه صارت واني حبيت اخلاقها وشغلها واجيت اطلب ايدها لابني مهاب حتى بعد تحل على وليدي وتشتغل براحتها واني حابتها واريدهن
منى :- يا صدك تحجين بس ترف ، شكلج ترف صغيره
ام رافت :- يمعوده جا احنه مو زوجونه 13 و 14 والبنيه اخليها بعيوني
منى :- بس بنيتي صغيره شلون ازوجها ميخالف اني انطيها وين الكه مثلكم بس خلي تكبر شويه
ام رافت :- جا خلي يعقد عليها والله العظيم لا يدنالها ولا يجيسها بس يعقد عليها حتى تبقى براحتها بالبيت لشوكت ماتريد اتضل ومهاب يرجعها واني اكلج والله العظيم يبقى حاله حال اخيها
منى :- الله كريم اسأل ابوها
ام رافت :- فدوه لعينج وافقي والله ماتلكون مثلنه ولا نلكه مثلكم وبنيتج حاطتها بروحي
منى :- ان شاء الله خير ان شاء الله
..
نمت بفراشي ابجي متخبله الم الغطه عليه واعصره بديه ارفع شعري لفوك يارب دخيلك يارب اخذ روحي قبل لا اشوف روحي اني ويا بغرفة وحده
كعدت شويه ام رافت وراحت وراها ابوي دخل يطك اصبع
صفاء :- وينها هاي وينها
دخل للغرفه عينه عليه يضحك
صفاء :- خوش سحلتيهم للطريق عفيه عليج بنت صفاء بعد
منى :- شنو سمعت
صفاء :- سمعت وموافق واني الممنون راح اخلص من هم واغرك بالفلوس
منى :- انتظرنه اسأل البنيه
صفاء :- دولي يابه اني ابوها والي الرأي منو انتِ منو ترف كلشي يمشي بموافقتي
منى :- بس صفاء ترف بعدها صغيره 14 سنه اتزوجها والله حرام عليك
صفاء :- يابه مو كالت ما يطخها بس عقد دخلي تعقد نتونس ناكل جكليت كيك
واحد يرد ؏ ثاني لحد ان تعاركو امي ما قابله وابوي قابل ، يضربها وهيه تصرخ موجوعه وهوه يصرخ عليها معصب
كمت من فراشي وكفت باب الغرفه روحي ذبلانه وعقلي مو براسي
ترف :- اني موافقه
التفت عليه يضحك هد امي واجه عليه لزم راسي يبوسني ابتعدت قرفانه
صفاء :- هاي بنتي الربيتها صدك
طلع وامي بقت فاكه عيونها عليه عفتها ودخلت للغرفه كعدت ؏ فراشي لامه رجلي الصدري ساكته دخلت امي بالباب ماكدرت توكف ؏ حيلها كعدت بالكاع وگالت
منى :- ليش
سكتت ما جاوبتها اهز بجسمي كلشي ينعاد كبالي لمساته احسهن لحد الان طابعات بجسمي روحي تكش اغمض لاعبه روحي
منى :- ليش توافقين ليششش بعدج بنيتي الصغيررره ماخليج توافقين ماخليج ماريدج تعيشين العشته مااااريد
ترف :- ليش خلفتيني المن جبتيني
منى :- كلت يتغير من يصير اب بس ماتغير زاد ماجنت ادري هيج راح يصير مادرييي
ترف :- شنو ذنبي يمه شنو ذنبي
منى :- ليش توافقين اذا ما رايده
ترف :- لا رايده موافقه اني موافقه معليج بيه موافقه اريد اروح هناك موافقه والله موافقه
منى :- ترف شبيج كليلي شبيييج
غطيت روحي ونمت مغطيه وجهي عيوني جمر بجيت منهاره الم روحي باديه اريد اخلص اريد واحد يحميني شوداني شعرفني بيهم ليش خليته يتقربلي ليش جنت اضحك بالفيديو ليششش ليش ليش الف ليش وماكو جواب
وبقيت بفراشي للضهر حسيت روحي مشلوله ماريد الحياه بعد مليت اريد اموت بفراشي اموت عطش وجوع
اجه ابوي يدفع بالبيبان ومن شافني نايمه ضرب الباب بيده
صفاء :- يلا كومي راح يجي الولد يعقد عليج لا تبقين نايمه
امي تخبلت روحها فرفحت واني كعدت ضربت وجهي حيل دفعت الغطه وكمت للكنتور وهوه فاك عينه عليه لبست بشت وخليت شال ؏ راسي وكعدت يم الكنتور اجر بشعري متخبله ابجي
صفاء :- هاي شبيها هاي
هز ايده وطلع من الغرفه وامي مفرفحه روحها ؏ هذا الزواج الاسرع منه ماكو فاكه عينها عليه لان ساكته
ترف :- شكو تباوعيلي شكووو
منى :- ليش توافقين اذا ما اريده ليشش كليلي اني امج
ترف :- ليش تمنعيني كلتلج رااايده
منى :- ليش جاي تملخين بروحج وتبجين
ترف :- اتخبلت جني دخل بعقلي شلون ماتتحملوني
منى :- هاهيه
انداريت امسح بدموعي صارت عيني بعين ورده ضربت الكنتور وراي بكوع ايدي متخبله ابجي
شويه واندك الباب وابوي اجه معدل روحه ولابس ومزين
صفاء :- يلا مو تفشليني
راح وامي كامت ورا شويه واجت وياها بنات ام رافت فاطمه ومياسه جابن نيشان كم لبسه بجنطه صغيره والمهر فوكهن
وطلع ابوي متفق ويا مهاب ؏ المهر وكلشي وجان مهري 600 الف كعد ابوي والسيد ومهاب بالصاله والبنات يمنه واحنه كلشي ما فاهمين كلشي صار بسرعه وبيوم
كملنه العقد واني دموعي ما وكفت راح السيد والبنات باركن الي شلون ما جان وراحو وراهم بربع ساعه دخل ابوي للغرفه يلطم ؏ راسه
بيده التلفون الصوت اعلى درجه وصوت ضحكتي شلني بمكاني فره علينه بدون خجل وخوف المقطع معروض بالعرض واني كما خلقني ربي ومهاب فوكي ؏ تفاصيل جسمي غواش
ورده فاكه عينها ؏ تلفون وامي شكت دشداشتها من الطول للطول غمضت عيني واجاني الضرب من امي وابوي
لحد ان وكعت الدم يجري من خشمي والجروح البوجهي وامي تجر بملابسي وتلطم ؏ وجها
منى :- شمسووووويه فضحتيييينه شمسوووويه
ترف :- حرام عليكم
صفاء :- والج عين تحجين والله ماخليج اموتج ؏ ايدي اريد اغسل عارج يا **** يا ****
الباب انكسر بالدك وابوي ولا هامه لازمني يملخ بيه وشعري نصه راح بيده وامي مفرفحه تملخ بروحها خايفه من عاري وصدكت كلشي شافته بالفيديو ماخلت عذر واحد كدامها جنت احسها امأني الوحيد وطلعت غلطانه
ورده اختفت من يمنه ثواني واندفع ابوي من فوكي كومني صرت بضهره باوع لابوي يضحك وگـال
مهاب :- بس ردت اشوفك تربيتك شنو
جرني الحضنه لازمني حيل ومشه يضحك مستهزئ
صفاء :- جذاب انتَ مسوي المقطع جيبهاااا وين موديها وووين
مهاب :- ركز بي زين ابو ترف الشريفه بنت الشريف
ابوي يحاول يجرني منه دفع ايده واخذني للسياره يضحك يدردم باغنيه بصوت ناصي
حرك السياره يباوع ورا ع الطريق باوع عليه ضحك مد ايده ع جسمي واني ساكته ماتحرك كانما جثه بلا روح يمه
يباوع ع طريق وعليه ومن شافني ما انطيت رده فعل بعد ايده شمرلي الكلينس
بقيت ثابته بمكاني ماتحركت ولا اخذته والكلنس بحضني طبك يم باب بيتهم سحب كلينس وادنه عليه يمسح بالدم النازل من خشمي
نزل ونزلني دخلت للبيت شفت ام رافت كاعده ؏ الكرسي روحها طالعه خزرتنه ودارت وجها
دفعني ؏ المطبخ وراح قفل باب المطبخ الي ؏ الحوش ورثله جگاره واني واكفه بمكاني عيني عليه ضحك يهزلي راسه ها رافع حاجبه
ترف :- مو وافقتتتتت
مهاب :- اضحك ؏ عقلج لو ما موافقه ما دزله الفيديو
ترف :- ليش جاي تسوي بيه هيج ليشششش
مهاب :- بمزاجي
ترف :- الله ياخذكككك ان شاء الله اشوفك تحترك بنار جهنم
اتقرب عليه لزم ركبتي يخنك بيه تقرب ؏ شفتي يبوس بيها
مهاب :- حلوه انتِ
ضربني راشدي يبوس بيه دفعته عني اصيح متخبله ايده انمدت ؏ جسمي بجرئه بجيت اصرخ ادفع بي
ضربني راشدي وطلع قفل البيبان وراح واني روحي شايطه اصيح بعلو صوتي وابجي
ام رافت:- برد شرج ؏ عمرج شبيج تصيحييين تردين تكتليني
طلعت من المطبخ باوعت عليها تخنزر بيه همست ، الله ياخذج
عفتها وصعدت لفوك اكو غرفه من الغرف مشكل بابها مفتاح فتحتها ودخلت قفلت الباب عليه وضميت المفتاح التفتت وراي جربايه نفر عليها فراش وميز مرايه ودواشك بعدهن بالجيس مسفطات بالكاع
بقيت كاعده بالغرفه وام رافت شكد صاحت ولا نزلت الها بقيت بالغرفه ابجي ؏ حظي ونصيبي ابجي ؏ الحياه الراح اعيشها واشوفها
لحد ان ورمت عيوني من البجي ودموعي نشفت تمددت بالكاع بلا مخده ولا فراش عيني بالسگف كل ذكرى ويا اهلي تنعاد بذاكرتي
اذا امي مو كد المسؤولية المن خلفتني
شراح يصير بحال ورده من بعدي ياربي دخيلك ارحم بحالي وحال ورده
لليل وماطلعت من الغرفه ومن سمعت صوت مهاب جوا عقل ما بقه براسي كعدت اسحل بروحي لورا لامه رجلي الصدري وفاكه عيوني ؏ الباب
خطواته ؏ درج يدور عليه بالغرف لحد ان وصل لباب الغرفه الاني بيها من مانفتحت دفر الباب برجله
مهاب :- فتحي الباب بابا
سكتت ما جاوبته بقى يدك بالباب واني جسمي كله يرجف ودموعي تصب ؏ خدي كسر الباب ولا كمت ولا حجيت لحد ان صار هدوء ثواني وسمعت صوت مفاتيح
لزمت المفاتيح اتاكد بعدهن موجودات عندي كمت ؏ حيلي حرت وين اروح رفعت جرجف الجربايه وختلت جواها ادعي ما يلكاني
انفتح الباب ودخل مهاب دور عليه بالغرفه واتجهن خطواته عليه غمضت عيني النفس حبسته ، يارب مايجي يارب مايشوفني يارب
الفصل التالي اضغط هنا
يتبع.. (رواية القسوة تشع من عيناه) اضغط على اسم الرواية لتجد الفهرس كاملاً بجميع الفصول.