رواية تراث النهروان – الفصل الثاني والثلاثون
part-32
صرت اتلفت بيها وافتح واغمض ماكدر اشوف عيوني مغوشات
حاطيلي جهاز اوكسجين على حلكي، بس احسه
خانكني، اريد انزله بس خايفه ضليت ارجف
ودموعي
تنزل على وجهي حيل خايفه، اني ما متت يم عُثمان
اموت بهذا المرض!!
سمعت اصوات برة، انفتح الباب فتحت عيوني بتعب
باوعت على الباب، شفته بــارون فات للغرفه
عيونه
حمر ويباوعلي ولابس كمامه عرفته باجي
رفعت
ايدي اأشرلة اطلع وهو رفع ايده مسح عيونه وجر كرسي
كعدي بصفي واني ادفع بي كوة ماكدر اتحرك جسمي
تعب ماكدر احركه!
بــارون- روان ما اتفقنه هيج احنه، اني اطلع واطب
ومبتعد عنكم خايف عليج، تالي تنصابين انتِ؟
شسوي بروحي؟
تصيرين زينه بسرعه افتهمتي؟ والله اكتل روحي وراج.
بلعت ريكي اباوعله واهز راسي بـ لا ودموعي تنزل
رفع ايده مسح وجهي ونزل الكمامه من وجهه
دنك
باس راسي واني ادفع بي لا ينصاب مني وهو ولا ابتعد
باس راسي حيل وابتعد يباوعلي
بــارون- طيبي بسرعه ترى مو حمل فراكج وعلي!
هزيت راسي كوة وعيوني يغمضن وحدهن
لحد
ما فقدت بعد ما ادري شصاير وياي.!
” غـيـد ”
واكفه بالمطبخ اغسل مواعين وسمعت صوت مريم صاحت
– تحجييي صدگ!!
سديت المي وركضت عليها للهول شفتها شايله
تلفوني وصوت بــارون يصيح
– ايييي نـــهروان انصااابت بكارونا.
شهكت وحطيت ايدي على حلگي، ركضت بسرعه
جريت التلفون منها واسمع صوته راح ويرجف
– بــااارون شكوو شبيهاا؟
– لج غيدد نـــهروان انصابت بهذا المرض.
– يمةة عززا، وهسه؟ وينهاا انتوا وين؟؟؟
– بالمستشفى، غيدد امووت اذا صارلها شي والله.
– لا لا اسم الله مابيها شي ان شاء الله تتعالج والله
على كيفك اهدئ هسه اجيك هسه.
سديت الخط وركضت بدلت وماما تصيح ماتقبل اطلع
– ماماا شلون اعوفهم بــارون متخبلل عليهاا.
– لاا تنصاابين وين انطيي وجهي؟؟؟
– ماعليّ شي والله بسرعه اجي.
لبست الكفوف والكمامه والمعقم ترست روحي وطلعت
اجرت تكسي ورحت للمستشفى لان اقرب مستشفى
هنا هي اكيد بيها، نزلت هناك الحمدلله جانت
فارغه
مابيها مصابين هواي، دكيت على بــارون گتله
– اني بره تعال.
سد الخط وضليت واكفه بره، طلع يتلفت يدور عليّ
من شافني اجه يركض بسرعه عليّ رحتله
وصلت يمه اباوعله روحه رايحه وجهه صاير اصفر
وعيونه حمر وفحطان ويرجف، منزل الكمامه لجوة
ولابس كفوف، مديت ايدي لزمت ايده وعصرتها بين ادية
– لا تخاف بــارون.
– شلون ما اخاف!.
– تطيب والله هواي تشافوا منها بس دير بالك على نفسك
ولا تتقرب منها هواي خليها بالحجر فتره نـــهروان
سباعية تكوم منها بالسلامه ان شاء الله.
هز راسة وبلع ريكة صعد الكمامه على وجهه وباوعلي
– ليش اجيتي؟ شلون تطلعين بهيجي وقت وحدج!
– من سمعت صوتك خفت ماكدرت ما اجي.
سكت
وضل لازم ايدي، دخل للمستشفى، تلكونه ممرضين
شايلين مشرات كبار بيها معقم رشونه رش من فوك
ليجوة اختنكنه من وراهم بس منكدر نحجي
مشيت ورا اسئله
– لعد سيف وين؟
– بالبيت، عفته نايم حطيت التلفون مال روان يمنه وقفلت الباب.
– عاشت ايدك، وين حاطيها شمشون؟
– بالحجر بغرفه فوك.
– كالوا شكد نسبتها؟
– لا بعدهم جاي يفحصون بيها.
صعدنه للطابق الثاني ننتظر الدكتور يطلع من الفحص
حتى يگلولنه شكد النسبة مالتها، باوعت على
بــارون
متوتر حيل والعرك يصب من جبينه واديه يرجفن
حرت شنو اكله واكدر اطمنه لان اني ذات نفسي
ماعرف شسوي وخايفه اكثر من عنده على شمشون
مر وقت طويل واحنه ننتظر لحد ما طلع الدكتور
وكفنه كدامه بسرعه هو باوع علينه كال بــارون
– بشر دكتور؟
– الحمدلله النسبة كلش قليلة بيها بس.
– بس شنو؟
– الي اذاها هي كليتها تحتاج سوائل هواي ناشفات
بسبب الوباء وبنفس الوقت لان وحده ما تتحمل
كل هذا الضغط.
باوعنه واحد على الثاني مستغربين وحده؟
بــارون- ما افتهمت دكتور شنو وحده؟
– كليتها؟ لان كلية وحده ما تتحمل الضغط هذا
وبنفس الوقت
هي هامله نفسها كليتها كلش تعبانه وكارونه تعبتها اكثر.
بــارون- شنو السالفة دكتور شبيك؟ شنو كلية وحده؟
ترى نـــهروان كليتها كاملات الحمدلله مابيها شي.
باوعلنه الدكتور مستغرب
– اني شفتهاا بالأشعه بس وحده شنو تعلمني بشغلي؟
هاي اله اذا ما تدرون بيها.!
– دكتورر رحنه لـ ااهلك بس فهمه شلون وحده شلوون!!!
كال اخر كلمه بصياح والدكتور ما مفتهم شي
حسيت
كلبي يريد يطلع من مكانه من الخوف والدكتور
يحلف ويرجع ليورة شافها بس وحده عدها وتعبانه
كعد بــارون وحاط ايده على راسه مايعرف شيسوي
كعدت كدامه بسرعه كال الدكتور
– تريد تشوفهن وتتأكد؟؟
– ايي اريد اشوفهن.!
كام بسرعه مشه الدكتور كدامنه واحنه مشينه ورا
طب لغرفه واحنه ورا، طلع مجموعه صور واوراق
فتح وحده منهم وحطها كدامه على الميز
– تعال شوف.
بلع ريكة واجه وكف كدامه، اشر على الصورة الكدامه
– شوف هاي الكلة، بس هاي موجوده الثانية ماموجوده
هاي الجهه فارغه تمامًا، ركز زين بيناتهن وشوف.
باوعنه اني ويا صدك اكوا وحده بيها كلة والجه الثانيه
ماموجود بيها اي شي
باوعنه اني وبــارون واحد على الثاني بصدمه!!!
” بـــــراء ”
من يوم الجابوا تُـــراث للبيت لحد هسه اني ما عفته
ولا دقيقة مگابلته وكاعده، اطلع اكمل شغلي وارجع
للغرفه، باوعتله ورجعت باوعت على بـرهوم
– شوكت تنطي علاجه؟
بـــرهـوم- بعد فد ساعه هيج، لان قبل شوية انطيته الابرة.
هزيت راسي بـ اي وهو كام طلع من دكوا عليّ
طلعت
من الغرفه مال تُـــراث رحت لغرفتنه عفت عزيز نايم هناك
دخلت لكيته كاعد، من شافني نزل من الجرباية
اجة عليّ، دنكت ردت اشيلة هو رجع ليورة كال
– لاا ماماا مو اختي بطنج.
ابتسمت ومديتله ايدي
– تمام لعد الزم ايدي.
لزمها اخذته وطلعت من الغرفه كعدته بالهول
وحطيتله
اكل كدامه كعدت اوكل بي، انفتح باب الهول
دخل
بـــرهـوم من برة كال
– اكلج راح يجون الولد لهنا يردون يشوفون تُـــراث
اخذي عزيز وطبي بالغرفه.
” بـــرهـوم ”
هزت راسها بـ اي واخذت اكل عزيز ومدت ايدها اله
لزمها وفاتوا للغرفه، سدت الباب واني طلعت
فتحت
باب الشارع دخلوا آدم وحمزة ورائـد وزيـد
سلموا
ودخلوا للبيت، طبيت كدامهم وفتحت باب غرفة
تُـــراث الهم لا يرحون يچفتون على مريتي
دخلوا كلهم لابسين كفوف والكمامات معقمين نفسهم
كلش زين يله اجوا
حـمزة- زين الحمدلله حاله متحسنه.
بـــرهـوم- اي الحمدلله، وجسمه صايرة بي حركه
خفيفه يعني مرات من احركه اريد ابدله لو انطي العلاج
جسمه يحركه بس بطيئ كلش يعني حركته كلش
بطيئة.
رائـد- ماسمعت الدكتور لعد شگال؟
يكلك حركته تصير بطيئه لان نايم فتره طويلة.
هزيت
راسي بـ اي كال آدم
– شلونكم ويا كارونا؟
بـــرهـوم- الحمدلله ماشيه، حدي للسوك والعياده
اجيب علاج ومسواگ وارجع والصبح اروح للشغل
وبين يوم يوم سووا علمود الوباء وين الربط ما ادري!!
كام زيد كعد على الجرباية بصف تُـــراث مدد
وجر تلفون
فتح تصوير واحنه نباوعله مستغربين شجايسوي؟
گلب الكامره يصور بـ تُـــراث ويضحك، مد ايده
ضربة
راجدي فتحت عيوني ورحت بسرعه اريد اجره
لزمني
رائـد والولد يضحكون
بـــرهـوم- وووولك زيددد مطييييي انتَ!!
لاا تضرربة!
زيـد- انچب من سويت عملية الفتق شبعني دگ بالبنج
عباله انساها؟؟
رجع يصور بي ويضحك ويگله
– هذا الراجدي عني وعن والدية.
ورجع ضربة راجدي، ويكرصه من خشمه حيل ويجر بشاربة
تنرفزت حيل وهم يضحكون، دفرت رائـد وكعته
بحضن حـمزة، جريت زيـد من رجلية وكعته من
الجرباية واخذت تلفونه
– مطيي انتَ شلون تضرربة هيج حيوااان.!
جريته
كومته من شعره وهو يضحك ويصيح شمرت
تلفون
على آدم وسحلته طلعته من الغرفه واشرت لـ رائـد
– يله ويااه يله.
– هاا انيي شعليةة؟
– لعد ليش تلزمني؟ يله كداامي.
طلعتهم وسديت الباب عليّ كعدوا بالهول
حـمزة- عبالك امه مو صاحبه.
بـــرهـوم- اني وتُــراث علاقتنه مو علاقة صداقة
اخووي هذاا اخوي.
– انچب.!
– عودد يغار.
آدم- الصراحه بـــرهـوم كلنه نغار على تُـــراث منك
شني اربعه وعشرين ساعه يمه وفوگاه ما نشوفة هواي.
– طبكم مرض كايللكم لا تشوفونه.
زيـد- اعطس عليك لو تسكت؟
باوعتله صفح
– اعطس، واخليك بالحجر الگبري مو الصحي.
ضحكوا
الولد بعلوا صوتهم وهو رافع تك حاجب
رحت جبتلهم مي وجاي وكعدت افهمهم تُـــراث
يحبهم كلهم سوة ومايفرق بين احد
بـــرهـوم- بس تجون للصدگ؟ يحبني اني اكثر منكم.
باوعولي كلهم بنظره تگول(لا والله؟)
ضحكت وكعدت بصف زيد وآدم وحمزة ورائد
گاعدين گدامي، التفتت على زيد ورفعت تك حاجب
– الفديو تمسحه؟
باوعلي بنفس النظره وهز راسة بـ لا
– ما امسحه.
– خل يگعد ويعلسك لعد.
– عادي.
طلع جگارة ورثها وباوع لـ آدم
– اريد اروح لـ آيران.
آدم- اخذك على المطي؟ سادين المطارات ومانعين السفر.
– من ينفتح!
– ما اروح لـ إيران بعد.
– والله تروح وياي وغصبًا عليك.
حـمزة- شعدك؟
– اريد اتزوج.
باوعنه كلنه عليّ مستغربين
بـــرهـوم- خلصن نسوان العراق؟
زيـد- لا، رايد وحده مثل ام قمر.
– شگد ناقص.
آدم- ترى ام قمر ما راح سافر وشافها وخطبها
اهلها
جانوا يبيتون تُـــراث يمهم من يسافر لهناك لان
مايعرف احد هناك، وشافها عجبته وخطبها.
زيـد- السالفة مطولة خوية بطلت.
ضحك آدم يهز براسة مأيده، ضلوا كاعدين شوية وطلعوا
بس طلعوا، طبيت لغرفة تُـــراث حطيتله الأبرة
طبت
بـــراء وعزيز يركض وراها
– ها راحوا؟
– اي، جاي احطله الأبرة ماضل شي ويخلصن حتى اجددهن.
بـــراء- يعني بعد هم تجددهن؟
– اي لحد ما يصحه ان شاء الله، ويغير العلاج.
– ان شاء الله.
عـزيـز- بابا اليد فندر.
– من عيوني.
كملت العلاج مال تُـــراث، طلعنه من الغرفه
شلت
عزيز وباوعت على بـــراء
– رايح اجيبلة فنگر، عينج على المغذي اذا خلص
قبل لا ارجع سدي.
– تمام.
وعبالك منتظرتني احجي رأسًا عافتي وراحت للغرفه
يم تُـــراث، ابتسمت وباوعت على عزيز
– نروح؟
– اييي.
طلعنه اني وعزيز، سديت الباب وفتحت السيارة
صعدنه وحركتها، اخذته لاقرب مطعم واخذتله فنكر
عزيز يحب الفنكر ومايحب هذا الي نسوي بالبيت
لا لازم من المطعم وبالباكيت مالته يله ياكله
اخذتله
واخذت اكل للعشة، بـــراء ما اخليها تطبخ وتتحرك
هواي اخاف عليها تتعب..
رجعت للبيت، نزلنه اني وعزيز وهو لازم العلبة
مال الفنگر
وياكل وحده وحده، طبينه للبيت لكيت بـــراء
بعدها
كاعده يمه والابره مالته ما خلصت لان بطل
المغذي
حبير والابره قوية لهل سبب تطول واني فاتحه
على البطيئ
انطيتها العشة راحت تحطه بالصينية واني تانيت
الابره خلصت سديتها وباوعتله، ركزت على جسمه
حرك اصابع ايده مثل اليريد يسدهن وبعدين رخن!
ابتسمت فرحان بي، مديت ايدي لزمت ايده
وكمت
افرك بيها بسرعه اريد الدم يتحرك الي بجسمه
افرك بيها واباوعله اريد اشوفة يرجع يتحرك مره ثانيه
بس ماتحرك بعد ولا شوية
تنهدت ونزلت ايده رفعت الغطه على جسمه اكثر
ونصيت السبلت، لان الدكتور يكول الحرارة احسن
اله، طلعت من الغرفه وسديت الباب عليّ رحت
دگ تلفوني، فتحت خط وجاوبت
– ها آدم؟
– اگلك اجاني اتصال من إيران.
– من منوو؟
– اهل ام قمر.
عقدت حاجبي مستغرب كعدت على التخم وگتله
– منو بالضبط؟
– خالها.
– شيريد؟
– يگول اريد احاجي تُـــراث واعتذر منه بس اني تهددت
من العُثمان حتى اجي اخذ قمر مو بيدي ولحد قبل كم يوم يله عرف بقمر متوفية.
طلعت جكارة ورثتها ورديت عليّ
– ايي خوش، كله خل يصحه تُـــراث وهو يرد عليك
وهاا كله خل يندل گبر العُثمان وين ويحفر واحد اله بصفه.
آدم- بـرهــوم!
– آدم تُـــراث اذا كعد وسمع يكلب إيران على راسة مهدده كال.
سديته من آدم، اجت بـــراء گعد بصفي
– شكو؟ منو هذا؟
– ماكو شي حبيبي.
سكتت من ما جاوبتها، التفتت عليّ گالت
– اريد اشتري ملابس لـ طفلة.
– مو هسه بـــراء، كارونا ومسوين حضر تجوال
مانكدر نطلع
خليها شوية بس تهدئ الاوضاع اخذج.
– تمام.
خلت راسها على صدري وتعدد اسماء البنات الي تريدهن
اكلها هذا حلو تكلي لا مو حلو هذا اكلها هذا مو حلو
تكلي لا حلو، حسيت بـــراء صارت طفلة بالحمل
صارت تدور اهتمام مو مثل قبل هي الي تهتم
بينه
كلمه وماخذه دور الام علينه هسه صايرة ماتتحمل
الكلمه وتنسى واقل شغله تخليها تبجي..
” مــريــم ”
لازمه التلفون ومنتظره اي خبر صغير من غـيـد
حتى
تطمنه على نـــهروان بس ما اتصلت ابد ومن اتصل ترفضة
مالحيت عليها بعد، بس ماما خايفة عليها كل شوية وكالت
– دكي عليهاا شوفيها.
– مدا تجاوب ماما.
– شو جيبيلي تلفوني من الغرفه اريد اشووف شلون متجاوب.
رحت جبتلها تلفونها، انطيتها طلعت رقم غيد
ودكت عليها
رن مره بالثانيه جاوبت!! والادبسزز صارلي ساعه ادك عليها اني!
باوعتلي ماما وكالت الها
– هاا غيد؟؟
– هاا ماما.
– شبيها نـــهروان؟
– هو كارونا، شوية واجي واسولفلج التفاصل اني هسه
اني يم الدكتور ويا بــارون.
– اي تمام، اجيج اني اخذج؟
– لا بــارون يوصلني.
– ديري بالج على نفسج.
سدته وباوعتلي كالت
– شو صوتها بي رجفة شبيها؟
– اي يمكن علمود نـــهروان.
هزت راسها ساكته، اجتني رساله على تلفوني
فتحتها
من هُـمام كاتب
– هلا مريم، اكلج نـــهروان يمج؟ ادك عليها ماتجاوب
ولا ترد على الرسائل بيها شي؟
اخذت التلفون وطبيت جوه رديت عليّ
– هلا هومي، لا نـــهروان بالمستشفى.
دزيتها
وبعدني اريد اكله انصابت شاف الرساله واتصل فورًا
فتحت خط وجاوبته
– ها هُمام؟
– مرريم شكووو شبيهاا نـــهروان!!!
– بــارون اخذها للمستشفى يكولون انصابت بكارونا
ولحد هسه دا يسوون الها فحوصات يمكن ما مبين شي.
سكت شوية واسمع بس حسراته، رجع كال
– بيا مستشفى؟
– بمستشفى الولاية هناك.
– تـمام.
سد الخط بسرعه وراح، مو صوجهم والله بعد فلا اجاوب احد
مددت على الجرباية وماما ضلت بالهول تنتظر غيد شوكت ترجع
اجت رساله على الكروب من نـدى كاتبة
– صدگ عودد نـــهروان انصاابت؟؟
رديت عليها اني
– ايي، شمدريج؟
– دكيت عليها وجاوبني سيف وكال، خايفه عليها والله
بنات ومن سمعت شصار بـ ابو هُـمام خفت اكثر
يكولون تعبان كلش وحالته حرجه.
مــريــم- الله يشافيهم ان شاء الله.
نـسرين- عززة صدك نـــهروان انصابت؟
رومه
ديري بالج لا تنعدين منها عفية التزمن بالوقاية.
– ان شاء الله، انتِ هم انتبهي على نفسج وعلى عبود.
– عبود مدايكعد بالبيت ويسكت بس يفتر خبلني.
– ماعليّ شي لا تخافين وتخلين بالج.
دزت اوكِ، خرجت من المُحادثة لكيت مصطفى مُتصل
بس مامشاهد الرسائل الي بالگروب، ضلت داخله
على الرسأل ردت ارجع ادخل للكروب وفجأة
دز
مصطفى رساله دخلت على حسابة، فتحت عيوني
مصدومه شمرت التلفون كدامي واباوعله
جريت
ايدي عضيتها حيل وكمت اصرخ واكمز على الجرباية
– لاااااا مطيةةةةةة.!
جريت نفس وباوعت على الرساله كاتب
– شعجب گاعده لسه؟
مسحت وجهي وتحمحمت وكتبت
– منتظره غيد.
– ليش وين غيد؟
– شوف الكروب.
خرج شوية ورجع كتب
– لا بربج؟؟ شوكت هااي شوكت انصابت؟
– اليوم وغيد يمها هي وبــارون بالمستشفى.
– رايحلهم.
– لاا اكعد هُـمام هناك وغيد وبــارون لا تروح.
مصطفى- شلون ما اروح؟
– شعندك؟ مايصير ترحون كلكم يمها هو غير مُعدي
والمستشفى كلها امراض اله كلكم تنصابون!
– ماعلينه شي.
– شكد عنوددي.
– عنودج؟
– ماكلت بـ ياء التملك ترى كلت عنوددي يعني انتَ عنيد.
– اها قريتها بـ ياء التملك.
– لا اقره عدل.
– ليش لا ان شاء الله تصير.
– لا تضل تلمح لو تحجيها طك بطك لو تغير الموضوع.
– صلفة.
– الحقيقة!
– ياحقيقة هاي؟
– صوفي انتَ ابو البنات.
– بابنات هذني؟ هو اني شايف غيرج؟؟
فتحت عيوني ورفعت تك حاجب
– شنو؟
– مريم، اني من دخلت للكلية لحد هسه غير شلتنه
ماحاجي ويا بنات مجرد كدامكم بالشقة مستحيل
افكر بالبنات هيج اني، ومن اكول كلمة اعنيها.
– كلتها بشقه!
– ميخالف توضيح هذا.
سكتت ما رديت بعد وهو رجع كتب
– تضايقتي مني؟
– لا.
– لعد ليش ساكته!
– هيج، راح اروح.
– تصبحين على خير.
– وانتَ بخير.
خرجت من المحادثة حطيت التلفون بصفي صافنه
تذكرت من كال انُ ابراهيم عباله اني ويا عدنه علاقة
سوة، فركت وجهي بسرعه ماريد اتذكر هذيج الأيام..
” غـيـد ”
كاعدين كدام الدكتور مامستوعبين شنو دايحجي
بس فجأة تذكرت شي، باوعت على بــارون ولزمت ايده
باوعلي يجر نفس بسرعه والدكتور مدنك يشوفة بالاورق
هزيت راسي بمعنى خل نطلع، عقد حاجبة
وهمس
– شكو!
– خل نطلع اختنكت.
هز راسة والتفت على الدكتور
– شوية واجيك نكمل.
– براحتك.
طلعنه من غرفة الدكتور واني لازمته من ايدة
طلعنه
بره المستشفى باوعلي ولزم ايدي وجرني
– اووكفيي شكو غيد شبيج!
غـيـد- بــارون تذكررت شي!
– شنوو؟
– تتذكر من اجت نـــهروان من المركز من جانوا خاطفينها؟
– اي؟
– من دخلتها اريد اسبحها لكيت اثر بطنها گتلها شنو هذا
كالت هناك دخلوني لغرفه وشگوا بطني بالسجينه
اكيد بــارون من نـــهروان انخطفت اخذوا كليتها
لان الضابط كال الي خطفوها تجار اعضاء.!
بعده بــارون مصدوم بكلامي راد يحجي اجه صوت
مره من ورنه يكول
– شنوووو؟؟؟؟
التفتنه ثنينه بسرعه، واشوف ام هُـمام وهُمام
واكفين
ورانه وفاتحين عيونهم بصدمه
ام هُـمام- نـــهروان جانت مخطوفة؟؟
غـيـد- خالة؟ شجابكم!
– لااا تسألين جاوبيني صدگ نـــهروان جانت مخطوفة؟؟؟
هُـمام- يمة اوكفيي..
التفتت على هُـمام خزرته وصاحت
– اسكتتت انتَ اسكتتتت.
بــارون- ساالمين ام هُـمام شو تصيحين؟
عود ماتدرين؟
كلها تعرف نـــهروان جانت مخطوفة والله واهل البيت رجعوها سالمه.
باوعتله ولطمت على وجها تصيح مصدومه
– تضحكوون علينه انتوا؟؟؟ تردون تمشوها براااسي؟؟؟
فتحت عيوني وباوعتلها بسرعه
– شنووو خاالةة؟؟؟ وشبيها هي ونمشيها براسج احجيي عدل!
خزرتني وصاحت
– الله يعلم شمسووين بيهاا هناك وشلاعبين تدرون
تزوجوها لـ ابني وفووك هذاا كله طلعت مبيوگة
وحده من كلياتهاا شااايفيينةة ؟؟؟
بــارون- صووووتج لا تعلينه علينةة ام هُـمام
لحد هسه
لاازم روحي عنج اكول مرره جبير ماريد اتجااوز
بسس تطعنين بشررف نـــهروان هنااا اسحك اكبرررر
واااحد يجيببب طااااريها اشررف منكم هييّ.
ام هُـمام- خلوهااا على كلبكم ياا نـــهروان ما تصير چنه اليّ
محددد كالي كل هذا صاير بيهاا شامرينهاا عليّ انتواا؟؟
ليشش محدد حجةة وكاليييي؟
بــارون- اخليهااا على كلبيي وانيي الممنون طووول العمر اخليها
وابنج يدررررري بكلشي يصير كليلة ليش مااكاالج
مو هو يرررركض ويانه من مركز لـ مركز لو انيي غلطاان؟؟؟
راد تحجي ام هُـمام جرها هُـمام من اديها حيل
خلاها
تلفت عليّ باوعلها وصاح بعصبية محترگ كلبة
– كااااافي يمةة شبيججج!! انيي ادررري وقااابل بيهاااا
ليشش تدخلللين؟؟؟؟؟ نـــهروان كلشييي ماابيهاا
واني اعرفهااا ورااضي حتلو انطيهاا كليتيي انييي قااابل
ليششش تدخللين وتحجييين عليهاا.!!!
دفعت اديه منها ودفعته تصيح فضحتنه فضيحه
تعدل بعباتها وتصيح كدام المستشفى
– والله يااا هُـمام نـــهروان ماا تطب للبيت چنه
لو تنكلب الدنياا اذاا اخذتهاا اني دقيقةة وحدده
ما اضل بيت وروحها لـ اميييي.
لزم اديها حيل وباوعلها مصدوم
هُـمام- يمةة.!
تقدم بــارون عليها لزمته بسرعه من ايده وهو رفع اصبعه يهدد وينتر
– واني ما انطي بنت اخوي لهيج عاالم تفكيرهم متخلف
وهمج خل يفيدج تفكيرج اظفر نـــهروان ما تشوفينه
ترحولهاا فدوة كلكم اطهررر منكم واشرررف
بنص
الزلم والكتل والاسلحه وطلعت سالمه حتلوا خسرت
كليتها المهم ثبتت نفسها وانعرف معدنها شنو
الله
يحبها وكشفج هسه ولا بعدين اخذي ابنج وروحي مني
مالكم مره يمنه بعد وفلوسج كلها ترجعلج وجهكم ماريد اشوفة بعد.
هُـمام- بــارون بــارووون بسس اسمعنيي مو هيججج بــارون.
جرني بــارون من ايدي يرجعني للمستشفى
وهُمام
يصيح باسمه ورانه وامه تصيح عليّ وتدفع بي بجهة السيارة مالتهم
غـيـد- بــارون على كيفك فدوة.
التفت عليّ، رفع راسة لفوك يجر نفس محترك گلبة هد ايدي وكف بالممر
يفرك
راسة حيل وايده ترجف خفت عليّ حيل صعدت
الكمامة على وجهه وجرته كعدته على الكرسي
غـيـد- بــارون بــارون شبيك؟ شو باوعلي؟
– مابية شي غيد وخري.
وخر ايده من ايدي يفرك راسة حيل التفت باوعلي وكال
– شفتي حجيها؟ شفتي شتححي؟ تكلي غشيتونه
بايعها الج اني؟ ياا محمدد لو زلمه هي اذا ما اراويها الشرف على اصولة.
مديت ايدي لزمت ايده حيل اهدي بي
– بــارون كافي فدوة، اني هم انصدمت والله
عبالي
تدري ماتوقعت هذا الكلام يطلع منها جانت فرحانه
بالعقد حيل وبس تريده يتم والله انصدمت منهاا.
– لج اخخ شلون تحرك بدمي.
– كافي يله افصخوا كلشي والسلام عليكم مانزوجها الهم بس اهدء.
– ولج تحجي بشررف نــهروان كدامي!! تكلي لاعبين
بيهاا نــهروان ينحجي عليها هيج؟ والله اكص لسانها
وعلي اكصه شلوون تصيح بنص الشاارع.
غـيـد – كافي كافي شبيك! امشي نشوف الدكتور كووم.
– ماكدر اكوم اوكفي شوية غيد.
طلعت بطل مي بسرعه من الجنطه فتحته وانطيته اله
شرب شوية وغسل وجهه وكام يجر نفس بتعب
كام وكف يمسح بوجهه ويرفع بشعره ليورة ويعدل بي
اخذت البطل منه ضميته بالجنطه وكمت، مدلي ايده
لزمتها ومشينه اني ويا لغرفة الدكتور، دك الباب ودخلنه
من سمحلنه بالدخول، باوعلنه الدكتور واشر على الكراسي
– تفضلوا استريحوا.
كعدنه على الكراسي باوع الدكتور على بــارون
– طلعت الك صورة اشعه ثانيه تبين بيها كلشي بوضوع
اذا تحب تشوفها وتتأكد بنفسك طبعا؟
بــارون- لا ماكو داعي عرفت، بس اريدك تشرحلي حالة نــهروان
شسويلها وين اوديها وشبيها احجيلي كلشي.!
– تمام، شوف اولاً كارونا نسبتها جدًا قليلة جدًا يعني ممكن
بالوقاية والعلاج تصير زينه وماعليها شي.
جرينه
نفس اني وبــارون براحه وهو دنك يفرك براسة ويهمس
– الحمدلله.
غـيـد – وموضوع كليتها؟؟
التفتوا عليّ اثنيهم بسرعه والدكتور طلع مجموعه اوراق
حطهن كدامه وشبك اديه سوة وباوعلنه
– بالنسبة لكليتها، اولاً هي شايلينها بعملية جراحيه مُحترفه
يعني ما تضرها ابًدا، بس هي لان صغير وتتحرك هواي
تعبت كليتها وما تاخذ علاج مُخصص الها ولا حتى تشرب
مي هواي وبهيج حالة تعبت حيل وبنفس الوقت جفت
واذا تضل اكثر ممكن يصير عدها رملّ او حصة بالكلة
وهي عدها بس هاي الكلة ممكن تتسبب بوفاتها.
شهكت وحطيت ايدي على حلگي مصدومه، باوعت
على
بــارون بهت وجهه حط ايده على كلبة وهمس
– وفاتها؟
– احتمال قريب، لا تخاف ما اقصد هسه بس هي هامله
نفسها واذا ضلت على هذا المستوى ممكن كلش يصير بيها شي.
– دكتور اموت وراها لا تحجي هيج.
يحجي وحاط ايده على جهة كلبة ويجر نفس كوة
الدكتور- لا كتلك احتمال بعيد بس لازم احنه نتوقع كلشي
حتى نكدر نسيطر عليها.
– وهسه؟ شراح تسوي؟
– راح تقوم بكامل العلاجات بخصوص كليتها وبعدين
نباشر بعلاجها من الكارونا لان اصابتها مو قوية وهي
مناعتها زينه، يعني المهم هسه هو الكلة مالتها.
بــارون- سووي اي شي دكتور انطيها كليتي اني اتبرعلها
بس لا تكلي يصير عليها شي امووت امووت اني مستعد
اتبرع بيها وكلشي يصير اني مستعد اتحمله.
باوعت عليّ كلبي يوجعني واحس روحي مشتعله نار
عليّ لزمت ايده اهدي وهو يحجي مختنگ كاله الدكتور
– لا بــارون كتلك احتمال بعيد ما نحتاج كلية هسه
لان
كليتها مجرد تعبانه بالعلاج ترجع احسن ان شاء الله.
بــارون- هسه شوكت تباشر؟
– بس توقعون على علاجها وتاخذ موعد من دكتور اختصاص كلة
ونباشر لان اني مو اختصاصي هذا.
– تعرف دكتور زين؟
– دكتور يونس افضل دكتور كلة موجود عدنه.
– ماشي اخذلي موعد منه باقرب وقت علمود يتابع حالتها.
– ان شاء الله.
تشكر منه وكام، كمت ويا طلعنه من الغرفه وتلفوني كلساع يدك اسده وترجع تدك لحد ما ماما دكت طمنتها، وسديته بسرعه، باوعت على بــارون يفتر بالممر روحه
رايحه ويفرك بركبته يريد يجر نفس مايكدر رحت بسرعه
لزمته من ايده كعدته على الكراسي وهو عيونه حمرر صارن
من كد ما حابس دموعه ما يريد ينزلها
غـيـد- بــارون على كيفك ويا نفسك فدوة.
– شلون على كيفي غيد شتحمل اني ما تكليلي؟
خسرتها مره روحي طلعت شلون اتحمل مره ثانيه!
– لا تحجي هيج مابيها شي ان شاء الله سمعته شكال؟؟
يكول اذا الزمت تصير زينه احنه وياها وان شاء الله تصير زينه.
ضل ساكت ويدور وجهه منا ومنا مايعرف شيسوي
ضلينه كاعدين بالممر هو وكف وكال
– خل ارجعج للبيت حتى ارجع.
– اضل يمك!!
– لا غيد الوقت تأخر كلش مو مال تضلين هنا وامج خايفه عليج
ارجعي وعود باجر تعاي.
– بــارون.
– امشي غيد.
تنهدت وصعدت الكمامه على وجهي طلعنه من المستشفى
ورجعنه للبيت، بس وصلنه نزلني ومشة رجع للمستشفى
دخلت للبيت تلكني ماما ومريم بسرعه يباوعلي منتظراتني احجي
مـامـا- شصاااير غيدد طولتييي وما رجعتيلنه خبر!!
اشرتلها
هسه ومشيت كعدت على التخم وحطيت راسي بين اديه
وماما تفتر فوك راسي وتحجي واني احس من التعب
ماكدر احجي شي
مـريـم- دحجييي عااد غيد!!
مـامـا- اسكتي مرريم.
كعدت بصفي ماما تمسح على ظهري
– شبيج حبيبتي؟ شصاير؟
تنهدت والتفتت عليهن، جريت نفس وبديت اسولف الهن
على كلشي صار وهنه من الصدمه ما عرفن شنو يحجن!
مـامـا- صخام الصخمها هااي عود هي مره جبير بالعمر
شلون تحجي هيج على نــهروان لا وكداام بــارون!
– ماماا انصدمت والله ما توقعت ابد شلون تصيح وتهدد
تكول شمرتوها علينه خلت بــارون يفور يفور حتى خفت عليّ
لا يصير بي شي من وراها وهي ولا مهتمه! تصيح وتدفع بـ هُـمام
حتى مايحجي وياها وفوك هذا القهر كله بــارون من سمع
الدكتور يكله تتسبب بوفاتها راد ينجلط.
مـريـم- خطية نــهروان انشلع كلبها من الصغر لسه.
مـامـا- والله كون احاجيها لـ ام هُـمام هااي اله اعلمها
شلون ملعوب بيها، بالله مره شكبرج شكدج وكدام ابنج
وزلمه غريب تحجين هيج؟ يااابة الصلافة العدها.
– صدمتني اكلج ماما ضليت صافنة والله.
مـامـا- باجر اروح وياج خطية هم اشوفهم مايصير اعوفها وحدها.
– اي روحي ماما، امها ماكالولها خطية متكدر تجي
لان
منطين حظر من محافظة لـ محافظة ماكو بس داخل المحافظات.
– اي لعد شلون اروح اشوفها احسن.
هزيت راسي بـ اي وكمت من يمها، دخلت سبحت بسرعه
وعقمت جسمي ودخلت اريد انام بس بالي كله يم بــارون…
” نــهروان ”
بين الصاحيه والنايمة اسمع صوت همس يم راسي
اريد
افتح عيوني بس احس جفني ثگيل وراسي يوجعني، فتحتهن على كيفي وعيوني تفتر بالمكان
عرفت
روحي بعدني بالمستشفى، بلعت ريكي ودرت وجهي
شفت بــارون لابس كمامة وكفوف وكاعد يم راسي
على كرسي وحاط ايده على راسي ومغمض ويهمس بأية قرآنية
بلعت ريكي وهمست
– بــارون.
فتح عيونه بسرعه باوعلي، صدق وجر ايدي باسها حيل وهمس
– بنيتي، رواني ضوة عيوني شلونج؟
ابتسمت وهزيت راسي
– الحمدلله احسن، بس راسي يوجعني شوية وبطني.
– يابعد راسي، هسه تصيرين زينه لا تخافين طلع مابيج
كارونا الدكتور يكول نسبتها خفيفة هسه تطيب.
هزيت راسي بـ اي واحس نفسي احسن بس صفحتي
توجعني حيل ومن اجر نفس اختنك اله اتنفس على كيفي
– هم اجه احد لهنا؟
– اي، غيد جانت هنا توني وديتها واجيت و.
– و؟؟
– وهُمام وامة اجوا.
– خطية شجابهم؟ هو ابو هم مريض شعجب عافة؟
– اجوا رادوا يشوفونج بس الحمدلله من اجوا وطلعت وجوهتهم الحقيقية.
عقدت حاجبي مستغربة طريقة كلامة يحجي بضوجه
ومقهور ومحترك كلبة ومنفعل
– شكو بــارون صاير شي؟
– نــهروان، عرسج انتِ وهُمام انلغة.!!
– شنو؟؟؟ ليش شكو شصااير؟؟
تنهدت وبده يسولفلي كلشي صار واني مصدوومة مصدومة
اريد انطق كلمة بعد ما اعرف شنو احجي!
منين ابدي ومنين انتهي شنو كلية وحده؟
شنو لاعبين بيها؟
شنو ماكو عرس وشنو انحجه عليّ! ليش؟؟
ما اجه
بالي غير موقف واحد وبس! من تُــراث دخلني لغرفه
وانطوني مخدر! نــهروان تُــراث خلاهم ياخذون كليتج!!
اختنكت وكمت اجر نفس كوة احس روحي طلعت صرت
اتذكر كلشي كلشي صاار تُــراث السبب! حطيت ايدي
على بطني مختنگه شهكت ابجي وحاطه ايدي بطني بخوف
شلون انطاه كلبه يسوي بية هيج شلوووووون!!!
كعدت من السدية حضني بــارون بسرعه واني ابجي واشهك
بخوف ماهمني هُـمام ابد ولا فكرت بكلامهم الشي الذبحني
هو تُــراث ماكالي ولاا فتح موضوع جان يدري يدري اخذوها يدري ويشوفني واني كدامه ما كالي ماحجه
ضميت روحي بحضن بــارون اشهك وابجي حيل وهو يهدي بية
– كاافي نــهروان لا تخليني اتندم لان حجيتلج راح تصيرين
زينه واني وياج مابيج شي والله الدكتور على العلاج تصير زينه
وهاهي اهدي يروحي اهددي!
كمت اناشغ بحضنه، وخرت من حضنه وباوعتله
– كلللة من تُــراث باارون كله منه هو السبببب اخذني لـ عثماان
هذا الرجال الخطفني خلاهم ياخذوهاا اياام اني اعالج
كداامة وابجي من الم بطني ماعرف شمسويلي ماعرفت
اخذوا عضوا من جسمي بدون ما اعرف وهو يدري ومخليني على عمة عيوووني.
– موو تكوولين هو سااعدني شلون اخذج الهم!
– ايي ايي اجاني بيوم وليلة اخذني الهم كال ماكدر اساعدج وداعت بنتي
هيجي كاال وفوتني عليهم للغرفه واخذوهاا.
فتح عيوني مصدوم جرني ضم راسي بحضنه حيل ويهمس
– اشش اهدي اني وياج ما يصيرلج شي ماطول اني يمج
كافي روان لا تبجين كافي.
ضليت ابجي بحضنه لحد ما غفيت واني اشهك حسيت
بي ينزلني على السديه ويمسح على راسي لحد ما غفيت
حسيت ثاني يوم على اصوات يم راسي فتحت بسرعه
افرك بعيوني والكانونه بايدي اوجعتني نزلتها بسرعه
تلفتت بالغرفه، شفتهم بــارون وغيد وام غيد
ابتسمت الهم وهنه من شافني سلمن عليّ من بعيد
ام غـيـد- عندج العافية يمة روان لا تخافين حبيبتي
تخلص ان شاء الله وتصير سوالف.
هزيت راسي بـ اي واني بداخلي مشتعل نار والقهر
ماكل
كلبي شلون جان يحط عينه بعيني وهو مسوي بية
هيج؟
اختنكت والدمعه صارت بطرف عيني، شلون حبيتي نــهروان!
فوك كل هذا المسوي ما كفاه، اريد ابجي اريد اصرخ بس من اشوف بــارون والبنات شلون بس يردون ينسوي
اخنك روحي واضل ساكته
جاب بــارون اكل وكعد على كرسي بصف السديه
وكام
يوكل بية وخاله وغيد يسولفن وياي وخل يولي هُـمام وامه هيج
وامه هيج واني بالي مو ويا هُـمام اصلا ولا بالي
والقاهرني
هي عملت تُــراث وبس حارگة كلبي حرك
التفتت على بــارون وهمست
– كافي حبيبي شبعت.
– الف عافية.
– سيف وين؟ شلون عايفة وحده بالبيت.
– مريم يمة ماعليهم شي.
هزيت راسي بـ اي وهو كام وشال الاكل ويا
بــارون- شوية ويجي دكتور يونس ابو الكلة يفحصج
لا تخافين ولا تفكرين مجرد يسويلج فحوصات وهاهي.
هزيت راسي بـ اي متوتره وخايفه بس مابينت اله
طلعوا
من الغرفه ودخلت سستر حطتلي علاج بالكانونه ولبستني
كمامه جديه ورشت معقم بالغرفه هواي وطلعت
دخل
دكتور سلم، رديت السلام جان رجال جبير بالعمر
ما تقيدت ويا
عدلت شالي وهو بدة يسوي الاشعه والتحاليل كلها
وصور
وسحب دم وسوة سونار ومن كملهن كال
– عندج العافية.
– الله يعافيك.
طلع من الغرفه واني بس طلع غمضت عيوني اجر نفس
مختنكه روحي مفرفحه اريد اموت من القهر ليش هيج
تُــراث جنت اشوفك السبع بيهم شلون تسوي بية هيج
ليش! وثقت بيك وأمنت تخدعني وتعذبني هيج!
كمت
افرك بجهة صدري لان حابسة البجية اختنكت حيل
ماريد
احسس بــارون واقهره واخوفة فوك القهر مالته..!
” بـــراء ”
امشي كوة اريد اوصل للغرفه واكعد على الجرباية
تعبانه
واحس رجلية موتاتني الحمل حيل متعبني خاصه هذا
كعدت وعزيز يفتر يمي ويلعب بالحصان الجابة اله
ابوا
كدرت ارتاح شوية واخلي يلتهي ويعوف التلفون ماريده
يلزمه هواي لان يتعبن عيونه من عنده بـرهـوم طالع
ويا الولد اصدقائة وصاني على علاج تُــراث بس بعد
وكت هواي كمت دخلت للغرفه، باوعتله وجريت نفس
حيل مشتاقه لصوته بالبيت وصوت ضحكته
اريد
اسمعه شوكت تكعد تُــراث يـا روحــي انتَ
كعدت على الجرباية وكمت اقلد بـرهـوم من يلزم ايده
ويكوم يفرك بيها يكول حتى يتحرك الدم بجسمه
واني
جريت اديه كمت افرك بيهن ساعه رجلية ساعه راسه
ومركزة عليّ اريد اشوفة شوكت يحرك جسمه
بس ماتحرك، تنهدت وكمت طلعت وسديت الباب عليّ
طبيت للغرفه مالتي اخذت ملابس وطبيت للحمام
سبحت
وطلعت، لفيت شعري بالخاولي وكمت افتر بالبيت واصيح
– عزيزز، عزيزز ماماا وينك؟
راح كلبي من مالكيته، اجاني الحيل كله صرت ادور بالبيت
وبالحديقة ماكو باب الشارع مقفولة من جوة يعني ماطالع
رجعت اركض بسرعه وايدي على بطني فتحت باب غرفة تُــراث
بسرعه، جريت نفس براحه من شفته، جار ايد تُــراث
الي مابيها كانونه وفاتحها ونايم بحضنه ومتغطي ويا
ابتسمت وتوني اريد ادخل للغرفه سمعت الباب انفتحت
التفتت شفته بـرهـوم، باوعلي وابتسم
– ها شعدج؟
– تعال شووف تعال.
عقد حاجبة مبتسم واجه، مد راسة وياي من الباب
فتح
عيونه وكام يضحك
– لا يا نغل، هذا شعنده هنا؟
– غير انهبطت، عبالي شو وين لكيته نايم بحضنه.
ضحك وخر راسه من الباب و باوعلي
– غير يوميه خابصني اريد بابا تولاث شوكت يكعد.
– سوده عليّ.
سد الباب عليهم وطلع من الغرفه وحط ايده على ظهري
حاضني مشينه اني ويا للهول وهو باوع للساعه
– انطيتي العلاج؟
– لا بعدني مو كلت بالـ5 العصر؟
– اي.
كعدني على التخم وهو راح للغرفه شوية واجه
نزل
الخاولي من شعري، رفعه وخله شعري فوكاه وفرشة
على الخاولي وكام يمشط بي واني مبتسمه مشط
شعري
وسرحه على كيفة بس كمل مد ايده انطيته القراصة
شد شعري واني مبتسمه واضحك خجلانه منه
لزم
راسي وباس بداية الظفيرة وجرني حضني صار ظهري
على صدره واديه حاوطن ركبتي من يم صدري
ابتسمت ورجعت ظهري على صدرة وحطيت اديه فوك ادية
نزل ايده حطها على بطني ودنك راسة يم اذني وهمس
– بتنه راح اسميها روان.
ابتسمت مستغربة والتفتت عليّ
– روان؟
– اي حلو؟
– هههههه هو حلو، بس احسه يذكرنه بـ نــهروان.
– حسيته حلو وبنفس الوقت هم على كولتج يذكرنه بيها
احس تُــراث راح يحبة.
ابتسمت وهزيت راسي بـ اي
– اكيد راح يحبة.
ضلينه كاعدين بالهول وهو حاضني ونسولف شوية وكام
– وقت علاج تُــراث.
كمت ويا اخذ العلاج وفتنه للغرفه رشيت معقم بيها
وسديت الباب
راح يخبط بالابر واني جريت عزيز من حضنه وخليته
بالجهه الثانية مال الجرباية وغطيته
وكفت يم بـرهـوم وهو سحبهن وانطانياهن
– هاي اضربيها بالمغذي، علما اضربة هاي بالكانونه.
هزيت
راسي واخذتها منه دفعتها بالمغذي شوية شوية حتى تنخبط
وهم الدوه قوي ما ينزل بسرعه من الابرة
كمل بـرهـوم سحب الابره اخذ المغذي علكه وعافه جر ايد تُــراث
فتح القبق مال الكانونه وكام يدفع بالعلاج، وكل ما يدفع شوية
يكوم يمسد على ايده من فوك حتى يمشي العلاج
مركزين
ثنينه ويا الكانونه ونباوع على العلاج وفجأة بدون اي مقدمات
التفتنه بسرعه على تُــراث من كال وهو مغمض
– قــمر، قـمر بابا.
الفصل التالي اضغط هنا
يتبع.. (رواية تراث النهروان) اضغط على اسم الرواية لتجد الفهرس كاملاً بجميع الفصول.