رواية تراث النهروان – الفصل الثالث والثلاثون
حاطين معقم بالباب رشينه منه ودك بــارون الباب
سمح النه بالدخول، دخلنه لكينا كاعد على الكرسي
من شافنه كام وابتسم
بــارون- السلام عليكم.
– وعليكم السلام، تفضلوا.
كعدنه على قنفة محطوطه على صفحه وهو كعد كدامنه على كرسي
الدكتور – ردت اودي عليكم توني.
بــارون – واحنه اجينه، بشرني بحالة نــهروان؟
– لا حالتها جدًا زينه ماعدها اي اعراض ولا مسوي فرق
لان هواي ناس عايشين على كلة واحده بس!
بس همه
يعرفون ومدارين نفسهم وياخذون علاج الها هاي اذا شالتها لسبب!
يعني تعبانه او بيها مرض هنا يستأصلوها وينطوها
علاج خاص بس هي حالتها جدًا زينه بس شالوها بدون اي علاج مستمر
وكذالك زينة بس حاليًا تعبت حيل وما راجعت بيها ولا اخذت علاج الها اكيد هيج تكون النتيجة.
بــارون – يعني هسه ماعليها شي؟ لو هم الها علاج؟
– اي الها علاج خاص مجرد حبوب تلتزم بيها لفتره ومن يخلصن
تجي مره ثانية لهنا هم نعيد الفحص ونشوف اذا تحتاجه او لا.
– الحمدلله، شكرًا دكتور.
– لا ولو عدها العافية ان شاء الله، واجبي هذا.
تشكرنه منه
وبـارون طلب مني ارجع للغرفه علما يدفع تكاليف المستشفى ويجي
مشيت للغرفه لكيت ماما كاعده على قنفه بالغرفه ومدده
وشمشون كاعده وصافنه وعيونها تلمع بالدموع
من
دخلت باوعتلي بسرعه، ابتسمت الها ودخلت للغرفه
وكفت يمها وهي همست
– وين بــارون؟
– هسه يجي.
غـيـد – لا تخافين شمشون الدكتور يكول زينه وكليتج ما مأثرة عليج بشي
هسه تصيرين زينه والله، راح يكتبلج علاج كم يوم وتصيرين زينه.
– مقهوره اني غيد محروك كلبي.
تنهدت وكعدت على الكرسي وجريت اديها لزمتهن حيل
وكمت امسد على راسها
– لا تضوجين خلص، مو مهم واذا انلغه العرس؟
الف من يتمناج
لا تفكرين بكلام ام هُـمام خل تولي ولا تشغلين بالج بيها.
جرت اديها مني تمسح بدموعها وهزت راسها
– ماضايجة على العرس اني، غيد تعرفين الولد الاسمه تُــراث
الي ساعدني هو الي خلاهم ياخذوها اخذني الهم وضربني كدام الخاطفين الهناك ومن اساله شبيها بطني يكلي رادوا يتأكدون من شي بيها جذب عليّ
ويشوفني
كدامه ابجي من بطني ومتأذيه ومايحجي مايكلي ليش
اني اني ميته من القهررر.
– نــهروان خلص خل يولييي لا تخلين
بالج وياا شتردين تسووين اكثر؟ الحمدلله كليتج ولا غير شي.
– غيدد مداا تحسين بيةة اني جنت اشوفة الشخص المنقذ الي
الي طلعني منهم وساعدني ليش ماكالي؟ ماكالي حتى اعرف اتصررف.
– هسه هو مات شتكدرين تسوين!
باوعتلي والدموع بعينها ونترت بهمس
– لااا ما ميتت عاايش هو عاايش.
عقدت حاجبي مستغربة وهو كامت تحجيلي كلشي بصوت ناصي خاف احد يسمعها
حسيت عقلي قفل شوكت صار هيج وشصاير وياها نــهروان!!
باوعتلها وهي تحجي بقهر لزمت اديها وضغطت عليها حيل ونترت
– اذاا ما متأكده من مشاعرج لـ هُـمام ليش وافقتي؟؟
واذاا عندج تواصل وياهم ليش ما حجيتي!
نــهروان- غيدد مايحبني هو ما يحبني ولج هو مو مثل ما فكرت بيي يريد يتونس وبس يحب البنات كلهن ويفتر من بنيه لبنية اني ما نطيته مجال شسوة وياي البنات الي ساعدهن شسوة وياهن؟
اني وافقت
لان ادري تُــراث مو الي اني ويا نختلف من السمة للكاع
ماكو اي تشابه بيناتنه وشفت هُـمام شخص يحبني ويختلف عن تُــراث وافقت عليّ.
جريت حسره بقهر ومسحت دموعها
– وليش ما اتصلتي عليّ وگلتيله؟
– مو هنا اخته تكول بإيران، ماريد اني من هاي اللحظة
ماريد اتواصل ويا اريد انسا لان بس اني محترك كلبي
بس اني فوك هذا كله ماكال ماحجه شي ما وضح ولا فهمني ولا شرحلي ليش ناسيني غيد ناسيني
يريد بس يضحك ويتونس برااسي شافني شلون انطي مجال يلمسني ويتقربلي عباله عادي الموضوع عندي
ميدري روح تحترك بقربة لان حراام وبنفس الوقت اضعف يمه غيد اضعف!
كالتها ومسحت عيونها ميته قهر حرت شلون اواسيها، جانت ضامه كل هذا بكلبها وساكته
مسحت وجها وبست خدها اريد اسكتها شوي
– يله كافي
هسه نرجع للبيت وتصيرين زينه ولا هُـمام ولا غيره ضلي يمنه اني وبـارون مو راح نتزوج وضلي يمنه.
ضحكت وضربتني على ايدي وكالت بصوت مبحوح من البجي
– حتى تخليني اشتغل وانتِ يم بــارون بالغرفه موو موو؟
ضحكت وغطيت وجهي وهي تضحك، فزت ماما على صوتنه وباوعتلنه
نــهروان – هاا خاله صح النوم.
ضحكت ماما وكامت تعدل عبابتها خطية نامت متأخر وكعدت من الصبح واجت كبل على لهنا
حجت ويا نــهروان شوية وكالتلي ضلي يمهم اني راجعه
غـيـد – ماما روحي لبيت بــارون احسن مريم هناك
ومن نطلع نــهروان نجي للبيت ونرجع سوة.
– هاا اليوم تطلع؟
– اي.
– الحمدلله، يله اني رايحه، مع السلامه.
– الله وياج.
طلعت ماما واني وشمشون رجعنه نسولف وهي كامت من السديه تكول تضايقت منها
ساعدتها تنزل وعدلت ملابسها، كامت تمشي بالغرفه وتفتر
تكول رجلية خدرن من النوم اريد اتحرك شوية
كعدت اني وهي تمشي بالغرفه وتسولف وياي، شوية
انفتح باب الغرفه، التفتنه ثنينه، دخل بــارون شايل علاليك
ادوية بايده، باوع على السديه وباوع بسرعه على نــهروان من شافها واكفه ابتسم الها وهي ضحكت وراحت حضنته
حضنها حيل ويبوس براسها وخدها، ابتسمت وكمت اخذت الادوية منه وهو ضمها بحضنه باثنين اديه، ابتعد يعدل بحجابها رفعت عيونها اله وكالت بخفوت
– نرجع للبيت؟
ابتسم الها وهز راسة بـ اي
– راح نرجع.
طلعت الها حذاء لبسته وعدلت شالها ولبست كمامه ورشت معقم ولزمت ايد بــارون طلعنه من الغرفه
ونزلنه لجوة
تلكانه الدكتور بالطابق الجوة سلم وحجه ويا نــهروان وتحمدلها بالسلامة، تشكر منه بــارون وطلعنه، وكفت سيارة كدامنه حاجه بــارون عرفنه هذا صديقة
الي ينطي السيارة كل مره، صعدنه ورا وهم صعد يمه بالصدر
جان يعرف نــهروان هو من شافها كاللها
– الحمدلله على سلامتج روان، ازمه وتعدي ان شاء الله.
– الله يسلمك، الحمدلله على كل حال.
وصلنه للبيت نزلنه وهو حجه ويا بــارون ومشه نزلنه وطبينه للبيت، تلكانه سيف بسرعه ركض حضن شمشون حيل وضم راسة بحضنه يبجي وهي حضنته تهدي بي
– سيوفي حبيبي مابية شي ليش تبجي؟
مسح عيونه وضل حاضنه، وخره بــارون وكال
– روح غسلل يله غسل وتعال.
هز راسه وهو يمسح بعيونه وراح يغسل، ماما ومريم
كاعدات على التخم بالهول كعدنه يمهم وبـارون طلع
العلاج مال نــهروان وكعد يعلمها عليّ ويكلها
– خاف اني طالع او ماموجود بهيج وقت تاخذينه انتِ خوش؟
هزت راسها وكامت
– راح اروح اسبح جسمي كله تعقيم لعبت روحي.
راحت للغرفه اخذت ملابس وراحت بجهة الحمام، كامت ماما تريد تسوي غده كالها بــارون
– اكعدي خاله اجيب من بره واجي هسه.
– لاا عليمن هسه بسرعه اني اسوي، منوو يكول اكلهم بره نظيف.
ابتسم بــارون وكعد وهي راحت بجهة المطبخ ومريم راحت وراها
باوعتله وغمزت رفع تك حاجب وابتسم ضحكت وهو مد ايده كرصني من زندي عقجت وجهي وفركت مكان الكرصه
– اووي هاي ليش.؟
– زايعه المستحه غيداان.
ضحكت عليّ شلون كالها وهو ابتسم ورجع روحه على التخم
غـيـد – والله اني ما استحي من عندك اكوا وحده تستحي من حبيبها؟
عض شفته كاتم ضحكته ويباوع بجهة المطبخ
– ناوية عليّ اليوم ولج اسكتي!
– والله هسه يعني لو اجي ابوسك هم عادي غير خطيبي وحبيبي.
فتح عيونه واني مبتسمه واحجي براحه بس احرك بدمه لان ماطول ماما ومريم هنا مراح يسوي شي
بس خاب كل توقعاتي
من جرني عليّ وحضن وجهي وباس شفتي بوسة قوية وسريعه وابتعد بسرعه
فتحت عيوني وحطيت ايدي على شفتي مصدومه
– هاي شسويت!
– اسكتي اسكتي.
كالها وعصر ايدي بين اديه
ابتسمت خجلانه وهو رفع ايدي لوجه وباسها ورجع نزلها
باوع على ايدي اليمنه شاف بيها حلقة ابتسم وباوعلي
– احبج.
– احبك.
كبرت ابتسامته فرحان واني فرحانه لان كدرت اغير موده، كلبي يوجعني من اشوفة ضايج وماكدر اسوي شي
هد ايدي بسرعه من اجت مريم كعدت كدامنه تباوعلي
وتباوع على بــارون نظراتها كلها شك، عقد حاجبة بــارون وهز راسه
– شو تباوعين صفح؟
ضحكت وهزت راسها
– لا لا مو يمكم.
– لا علينه تباوعين؟
– لااا موو عليكم على الحايط الوراكم.
ضحك بــارون يشاقيها، اجه سيف من الغرفة ضايج
كعد بصف مريم ساكت، طلعت شمشون من الحمام لافة شعرها بالمنشفة
اجت عليّ جرتني من ايدي كمت وياها عبالي شو تشريد دفعتني على مريم
وكعدت بصف بــارون وضمت روحها بحضنه، ضحك بــارون
ولمها لحضنه اكثر ومريم وسيف ضحكوا يتشمتون بية!
بــارون – ها شبيج؟
باوعتله عاقده حاجبي، جريتها ردت اكومها وهي جلبت بــارون
ضحك بــارون وحضنها حيل وخزرني يضحك
– لج لا.
– بــاروووون شنوو لا؟ مكاااني!
– عوفيها عوفيها بعد اخذته روان.
هي ضامه راسها بحضنه وهو يغمزلي ويضحك ويأشر عليها عود دا تضحك
ضحكت وكعدت بصفها وحطيت راسي على ظهرها وهي كالت
– خنكتيني وخري.
فتحت عيوني مصدومه وحطيت ايدي على صدري
– انييي خنكتج؟؟ نااازلة 5 كيلواات يا حيوااانةة انتِ جنج ابو بريص انيي شنو ذنبي!!
باوعلي بــارون وعقد حاجبة
– صدك نازلة خمس كيلوات؟
شهكت اكثر وكمت شلت المخده وكمت اضرب بي بالمخده
– بــاروووون شبيكككك!!!
ضحك بعلوا صوته ومريم وسيف يضحكون نــهروان شالت راسها من حضنه وباوعتلي
– ترى صدك ما مبين عليج؟
– لج شمشووووون!!!
كرصتها وهي ضحكت وكامت كعدت بحضن بــارون وهو يضمها مني ويضحك
اني مو سمينه بس جسمي رشيق بس اني تحب الضعف
واريد اضعف نفسي اكثر مع انوا كلها تكلي جسمج هيج احلى
بس اعرف اذا يضلون يكولون هيج ما راح التزم واخرب جسمي
نــهروان مو ضعيفه حيل بالعكس جسمها كلش حلو مرتب بس هي ناعمه واني اطول منها الفرق بيناتنه كلش خفيف بس هي ابد ما تسمن بسرعه واني جسمي ياخذ السمن فورًا فـ اضطر اضل محافظة عليّ
كمت وكفت كدامهم اجر بالتشيرت من يم خصري واصيح
– هاا هاا مو نازلة 5 كيلواات؟
بــارون- لا.
فتحت عيوني وشهكت، كعدت بعيد عنهم ولميت رجلية لصدري وجتفت ادية بزعل
مريم وسيف يباوعولي ويضحكون ونـهروان ضامه راسها بحضن بــارون وهو يباوعلي ويضحك
سويت روحي زعلت وما باوعت عليهم بعد صاحت ماما
– بناات تعالن اخذن الاكل.
كامت مريم بسرعه وشمشون كامت وياها وصاحت لـ سيف
كام وياهم بس كام اجه بــارون كعد يمي، ابتعدت عنه ورجع تقرب وضليت ابتعد ويتقرب لحد ما وصلت لنهاية القنفة
جرني ضمني لحضنه واني دفعته
– وخررر بــارون وخرر.
– بربج؟ صدك زعلتي؟
– اييي، وخر يله وخر.
– تتشاقة وياج ولج.
– لاا مضايجة من شمشون ضاايجه منك شنو قصدك يعني اني سمينه؟
– ماعرف شكد وزنج بس مو سمينه انتِ!.
– بااارووون وزني 65 ترررى!!
– ايي ياحبيبي جسمج مثالي ويخبل اصلا لا تنحفين نفسج بعد خليج هيج.
– لااا قصدك ما مبين عليّ؟
راد يحجي سمعنه البنات جايات لهنا ابتعد بسرعه واني ضليت على طنكورتي
اجن حطن السفرة وحطن الاكل واني كمت وياهن كالبة وجهي
شمشون تضحك وتقلد عليّ ردت اكتلها بس خطية توها طالعه من المستشفى مابيها راجدي
ساعدتهم بالاكل، وكعدنه نتغده بس اني مطنكره على بــارون وهو يريد يصالحني بس يستحي كدامهم
كملنه وكامت مريم تغسل الماعين وسيف اخذ البلي مالته وكعد يلعب
ماما كالت خل نروح، كمنه انريد نروح وشمشون كالت
– خالة عادي تضل غيد يمي؟
باوعتلي ماما وباوعت على شمشون ابتسمت وهزت راسها بـ اي
– اي يمه عادي خليها، واذا ردتي شي دكي عليّ اني هم اجيج.
ابتسمت الها شمشون وشمرتلها بوسة
– احبج خالتوا..
ضحكت ماما ولوحت الها، طلعوا ماما ومريم وبـارون راح يوصلهن يكول دنيا لظهر مايصير تطلعن وحدجن
جرتني شمشون من ايدي من طلعوا وكرصتني
– لاا ترضين بسرعه ازعلي عليّ وادلعي.
– عابتلج عود تعلمني.
– ادري بيج ماينرادلج تعلوم.
ضحكت وهي كعدت على التخم بصف سيف تباوع ويا
ذبيت الصاية والشال واخذتهن لغرفتها هناك رجعت للهول
طب بــارون من برة باوعلي وابتسم كلبت عيوني وهو رفع تك حاجب، جاب العلاج مال شمشون وفتحه وكام ينطيها العلاج وهي كاعده يمه
من كملت كامت وكالت
– اني راح انام نعسانة غيد لا ترحين احتاجج بشغله من اكعد.
هزيت راسي وهي طبت لـ غرفتها وسدت الباب
باوع بــارون على سيف جان ملتهي بالبلي اجه عليّ
جرني من ايدي اخذني لـ غرفته جريت روحي منه وهو ماهدني
فتح الباب ودخلنه اني ويا عاف الباب مفتوح ما سده والتفت عليّ
– اي احجيلي شبيج؟
– عود ما تعرف؟
ابتسم وتقرب اكثر حاوط خصري وجرني عليّ شهكت وحطيت اديه على صدره قرب راسه اكثر يم ركبتي وهمس
– هسه نتأكد من وزنج.
بلعت ريكي جسمي مكزبر من حرارة نفسة بركبتي وبحركه سريعه رفعني من خصري وشالني فتحت عيوني وردت اصرخ بس حطيت ايدي على حلكي بسرعه
وهو باوعلي وحركني بحضنه يضحك
– اافاا طلعتي بس شكل شو خفيفه؟
– بااارون.
نزلني وايده بعدها على خصري جرني اكثر عليّ ورفع ايد حضن بيها وجهي ويحرك ابهامه على وجناتي
خلاني اذوب بين اديه غمضت عيوني واديه على صدره ثابتات
بلعت ريكي من حسيت بنفسة قريب تقرب اكثر وطبع بوسة بخدي ويحرك شفايفه عليهن بهدوء
ابتسمت واني مغمضة وحركت راسي من نعومت شفته على خدي
نزل اكثر وطبع بوسة بصف شفتي بلعت ريكي وهو همس
– افتحي عيونج.
– چؤؤ.
كلتها وردت ابتعد، جرني اكثر عليّ ونزل شفته لحد شفتي بدون ما يبوسني
زفرت نفس وبعدني اريد اسحبه حسيت بشفايفه استغلن الموقف وحاوطن شفايفي بوسة عميقة
ابتعد يباوعلي واني كوة واكفه فتحت عيوني على كيف اباوعله
ابتسم يمسح على شفتي ويمشي اصبعه عليها حط عينه بعيني وهمس
– احب شكلج هيج، اعرف روحي شكد الي تأثير عليج.
ضليت ساكته، حطيت راسي على صدره وهو ضمني لحضنه حيل وهمس
– ياروحي.
باسني براسي وايده تمسد عليّ بهدوء واني مبتسمه فرحانه بي
” بـــراء ”
شايفين من تكون الدنيا مظلمة بعيونكم وفاقدين الأمل انُ يجي يوم
وتشوفون الضوة؟ اني هيج فقدت الامل بكلشي بعد تُــراث، استغرب من اشوف اخوان يتعاركون لو اخ يكره اخته او اخت ما تحب اخوها
اريد اجيبهم واشوفهم علاقتنه اني وتُراث اريد الكل يشوفها
تُــراث مو اخوي لا هو ابوي وامي وصديقي صارلي كلشي يله صار اخ
حياتي بدونه ظلمة احس روحي بغربه بدونه ما اكدر اتخيل روحي اعيش بحياة مابيها تُــراث
امووت
عندي استعداد اذا صار شي لـ تُــراث انتحر ورا وعادي
انتحر المهم ما اكمل حياتي بدون تُــراث ولا اعوفة
طول الفتره الفاتت روحي مقبوضة واحس بخنكه وعايشة على بصيص امل صغير
والي هوه انُ تُــراث يشتم الهوه بس هذا المعيشني
يوميه ادعي واقنع نفسي
لا تخافين بـــراء تُــراث يصحه ويرجع مثل قبل لا هو عنده غيرج ولا انتِ عندج غيره
ما انكر بــرهـوم صارلي كلشي من بعد تُــراث بس بــرهـوم زوجي
ماكو اي احد يعوض مكان اخوي ولا اي شخص
وهو ماعنده اخوان
بس جان يعتبر تُــراث اخوا الصغير رغم فرق سنه بيناتهم بس يعتبر نفسة المسؤول علينه كلنه والحمدلله ما قصر بـ اي شي ومن كل النواحي
عنايته بـ تُــراث وبية وبكل شخص يقرب اله وقريب على گلبة تخليني افتخر بي وافتخر هو الشخص الي مكمله ويا حياتي
اباوعله وهو ينطي العلاج لـ تُــراث بكل حب وخوف واهتمام
بس في سبيل يصحه ويكوم بالسلامه، والحمدلله
ما راح تعبه بالخالي بلاش
تُــراث – قمر، بابا قمر.
شهكت بسرعه وباوعتله حطيت ايدي على حلكي وبـرهوم
ما تحرك ضل يباوعله وهو مغمض عيونه ويحرك براسة ويهمس بصوت متقطع
– بابا قمر، بنيتي.
كمت ارجف اريد احجي ماكدر بــرهـوم صار اشطر مني كعد كدامه بسرعه ويفرك بكل جسمه، لان الدكتور يكول اذا صحه
جسمه يكون خدران من النوم ومايكدر يتحرك فـ لازم تحركون جسمه بالتدليك او الحركه يعني
ضليت اباوعله وكلبي يدك بسرعه
وجسمي يرجف وبـرهوم يفرك بجسمه ويباوعله وهو يون
بـــراء – تُــراث؟
كام يفتح عيوني ويرجع يغمض مايكدر بسبب الضوة القوي
خفتت الاضائة بسرعه وهو كام يفتح شوية شوية شهكت
ابجي واحمد الله بصوت وبـرهوم ساكت بس يباوعله ويفرك بكل جسمه
كام يباوع علينه ويرجع يغمض
– قمر، قمر وين..!
بــرهـوم – اشش تُــراث اهدئ لا تحجي.
كالها وكام يبوس براسة ويحجي ويا مكيف وهو بس يكله
– قمرر وين بــرهـوم وينها.!
كالها ورجع غمض عيونه، اشرلي بــرهـوم جيبي تلفوني
رحت بسرعه جبته من الغرفه واجيت امشي بسرعه
انطيته اله
كام طلع بره بسرعه يخابر واني كعدت بمكامه يم تُــراث
جريت ايده ابوس بيها وابجي وارجع ادنك ابوس بوجهه وهو يباوعلي مستغرب ويهمس بتعب
– شبيج بـــراء.
– يااروح بـــراء يااروحهاا حبيبي انتَ.
بلع ريكة وغمض عيونه ورجع فتح يريد يحجي وصوته كوة يطلع
– ليش تبجين؟
– عليك عليك يااروحي، شلوون ينطيك كلبك هيج تسوي بية؟
تُــراث صاارلي اكثر من شهر فاقد شلون تعوفني هيج!
عقد حاجبة وغمض عيونه ورجع فتحه عيونه تدور بالغرفه مثل اليريد يتذكر
– شصاير؟؟
ردت اسولفله بس خفت ماعرف شحجي اجه بــرهـوم، كعد كدامه بالكاع يم الجرباية ويحجي ويا
– الحمدلله على سلامتك يمعود النوم مو الك.
– شكد نمت؟
– شهر وكم يوم تقريبًا.
– شصار بالضبط.؟
– صير زين ونحجي.
جر حسره ودار وجهه ورجع باوع على بــرهـوم
– جسمي يوجعني احس كله خدران ماكدر اتحرك.
– اي من النوم والعلاج، هسه يجي الدكتور ويخليك تكوم.
هز راسة ساكت ومدلي ايده، لزمتها بسرعه وهو يباوعلي بقهر
– لا تبجين بـــراء.
– شتاقيتلك تُــراث هوااي اشتاقيتلك روحي مفرفحه على شوفتك.
– اشش ياروحي اشش.
بــرهـوم- شلون تحس نفسك؟
– زين زين، بس جسمي اريد اتحرك.
باوع على الباب وصفن ورجع باوع على برهوم
– قمر وين؟
– تُــراث!
– قمر بنيتي وينها؟
بلعت ريكي خايفه من هاي اللحظة، جبر روحه يكعد ساعده بــرهـوم، كعد ورجع روحه على الجرباية وهمس
– بس كلي شصار بــرهـوم لا تخليني اتعذب هيج.
تنهد بــرهـوم وسولفله الي الشغلات الي هو مايدري بيهن
ولا يعرفهن الي صارن بعد ما فقد، سولفلة كلشي وهو ساكت ويتسمع اله وساكت سكوت مخيف!!
تُــراث- اريد اطلع.
– وين تطلع؟؟؟؟؟
– اريد اطلع بــرهـوم.
بـــراء- تُــرراات وين تطلع والله اكوا وباء منتشر هسه لا تخبلنييي!
عقد حاجبة مستغرب ما افتهم شي، حجينه اله على هذا الوباء وما صدك لحد ما شوفة كم مقطع يحجي عليّ
هز راسة ساكت بس اعرفه تُــراث مستحيل يسكت اكوا شي باله يريد يسوي وراح يسوي
اندك الباب كام بــرهـوم بسرعه واشرلي البسي لبست شالي وعباتي بسرعه ورجعت للغرفه
فات الدكتور
للغرفه ويا بــرهـوم باوع سلم ودخل للغرفه باوع على تُــراث فورًا وكال
– الحمدلله على سلامتك، شنو هذا النوم كله.
باوعله تُــراث ورد عليّ بدون روح
– الله يسلمك.
وكف الدكتور يمه يحجي ويا ويسألة اسالة على جسمه
ويفحص بي وطلب منه يكوم، ساعده بــرهـوم وكام وكف ورجع كعد بسرعه
– ماكدر دكتور رجليّ يرجفن ما اسيطر عليهن.
– اكيد شي طبيعي هذا بس لازم تحاول.
رجع ساعده يكوم وهو كدر يتحرك فتره كال الدكتور
– هسه هرول بمكانك.
كام يتحرك تُــراث بمكانه بسرعه لحد ما ضبطت حركته
رجع يتحرك بمكانه والدكتور غير علاجه ويحجي ويا بــرهـوم وباوع على تُــراث وكال
– لازم هسه تلتزم باكل الفواكه اكثر شي لان فاقد هواي حديد من جسمك كثر اكلات صحيه والحمدلله صحتك زينه.
– شكرًا.
هز راسة وطلع ويا بــرهـوم يحجي ويا واني بس طلعوا حضنته حيل
وهو ضمني لحضنه يبوس براسي وبخدي
روحي فرفحت عليّ بجيت بعلوا صوتي وهو مايحجي بس
يمسح بعيوني وحاضنه لصدره حيل، كعد على الجرباية وكعدني ويا ضامني لصدرة
– كافي بـــراء.
– لاا موو كاافي اني ميته على شووفتك اشتاقيتلك ردت امووت من ورااك اني انيي شعندي غيرركم انتَ وبرهوم وعزيز شعنددي؟؟
ضل ساكت وحاضني ماحجه كلمة بعد، ابتعد مني، باوعلي ومسح عيوني
– كافي حرگـتي كلبي بدموعج.
– اشتاقيتلك.
كلتها وشهكت بصوت ضمني لحضنه اكثر ويبوس بية لحد ما سكتت واني اناشغ ما مصدكه صحه
ابتعد باوعلي وباوع على بـرهــوم وكال
– اريد انام.
بـرهــوم – مو زين، رايح ابدل علاجك واجي كوم ويا بـــراء افتر بالبيت شوية وحرك جسمك.
هز راسة بـ لا ودنك يحجي
– ماكدر.
بـــراء – اكوا شي يوجعك؟ هاا؟ تريد شي؟
– لا، لا.
بعدنه كاعدين وسمعنه صوت عزيز من ورانه
– بابااا تووولااث!!
التفتنه عليّ، من شاف تُـــراث نزل من الجرباية بسرعه يركض
وافتر لجهة تُـــراث وركض كمز عليّ، حضنه تُـــراث وشاله لحضنه وباسة
– يابعد روحي.
– بااابااا تولااث كعددد.
كام يبوس بـ تُـــراث ويضحك
نزل من حضن تُـــراث وراح بحضن بـرهــوم من شاف تُـــراث كوة كاعد جسمه يرجف ميكدر يتحرك هواي
طلعنه بـرهــوم وانطاه علاجه ويا عصير برتقال وخلاه يشربهن وينام، طلع يمنه بالهول واني من الفرحه ضليت بس ابجي واباوع على الباب
– خل ارجع يمه؟
– لا حبيبي خلي يرتاح شوية، جسمه هسه تعبان حيل من العلاج وما مستقر.
هزيت راسي واخذت عزيز ورحت للمطبخ اسويله اكل توه كاعد وجوعان
وبـرهوم يفتر يمي بالمطبخ وايده على راسة
بـــراء – شبيك برهوم؟
– مابية شي.
كالها واخذ السويج من الميز وكال
– ماتأخر حبيبي.
– الله وياك.
طلع من البيت واني سويت اكل لعزيز وكعدت اوكل بي
لليل وتُراث ما كعد ولا بـرهــوم رجع، قلقت عليهم
رحت لـ غرفة تُـــراث فتحت الباب ودخلت شهكت بسرعه مصدومه من شفت تُـــراث كاعد
على الجرباية ومغمض عيونه وبأيده جگارة
حطيت ايدي على بطني ومشيت بسرعه اخذتها منه
-تُـــراااث!!
باوعلي بتعب وغمض عيونه ورجع باوعلي
– بـــراء.
– تُـــراث ماصارلك كم ساعه من صحيت من غيبوبة، وهيي اخت الموت شلوون تدخن!
– سولفيلي كلشي بـــراء شصار.!
كعدت كدامه وسولفتله شصار ورا بالتفاصيل لحد ما صحه
– وين دفنتوا قمر.؟
– بالنجف قريب على اهلي.
هز راسة صافن، استغربت هدوئه لان تُـــراث مستحيل يصير هادئ هيج
هدوئه مُخيييف كلش خفت منه
سمعت صوت الباب مال الهول انسد، التفتت على الباب
دخل بـرهــوم شايل ويا علاكه مال علاجات باوع علينه، ابتسم وباوع لـ تُـــراث
– هااا اشووفك صرت زين ولك.
– الحمدلله، بس بعدلي شوية.
– ان شاء الله ماضل شي.
فتح علاكه العلاج وطلع منهن وخلاه يشربه وتُـراث بس صافن
كعد بـرهــوم كدامه وكال بضحكه
– نـــهروان تنتظرك.
باوعله بسرعه ولمحت ابتسامه خفيفة على وجهه وخفاها بسرعه
رفع ايده فرك وجهه بحركه سريعه وهز راسة
– تنتظرني شلال تنتظرني.
اشرلي بـرهــوم بايده وكال
– بـــراء سوي اكل لـ تُـــراث بس خلي صحي وبدون اي زيوت حبيبي.
هزيت راسي وكمت وهو كعد بمكاني قريب على تُـــراث
عرفت يريد يحجي ويا عفتهم وطلعت
وكفت بالمطبخ سويت اكل لـ برهوم وحد وتُـراث وحد، وسويتله عصير، عصرت البرتقال
بالخلاط
وحطيت ويا نص يلمونه وشوي نعناع وسويت صينية كامله
ردت اشيلها بس صارت ثكيلة رحت للغرفه وصحت بـرهــوم
اجه شالها ودخلها للغرفه مال تُـــراث حطها على الجرباية كدامه
بـرهــوم- لك شووف شسوتلك بـــراء خاليي.
ابتسمت وكعدت يمهم
على الجرباية جر ايدي تُـــراث باسها حيل وهمس
– عاشت ايدج ياروحي.
– الف عافية.
ابتسم بهدوء وهد ايدي، جريت عزيز لحضني اوكله واحاجي تُـــراث اريده ياكل وهو يريد يشرب بس العصير
– تُـــراث اكل شويةة حباب.
– ماكدر بـراء والله.
– صاراك فتره بس على المُغذيات مو زين.
راد يحجي
قاطعه بـرهــوم من حط بحلكه لفه غصب عنه
فتح عيونه متفاجأء وبـرهوم صاح بي
– تااكل وتنجب لا تضل تمسلت.
– لا يامطي.
– اكلهاا يله لا الطمك على حلكك ما يكدر صارلي بزر نسلته تالي وكت.
– لا تضل تدردم انچب.
– اششش لك.
– راح احط راسة بالصنينه.
ابتسمت فرحانه بشقاهم وهم يتعاركون وبرهوم يعاند ويرجع يسوي لفات ويحط بحلك تُـــراث
وتُـراث ياكل ويرجع يتعارك ويا التهيت اني اوكل بـ عزيز واباوعلهم
اكلت شوية وبـرهوم شال الصنينه طلعت ورا
سويت جاي اله
وعصير لـ تُـــراث باوعله وكال
– اريد جاي.
بـرهــوم- ماكو جاي.
– بررهوم لا تضل تمسلت.
– ماكو شي وانجب، الحديد بجسمك مصفررررر تريد تموت انتَ؟
– صب شوية.
– ولا نقطه.
اخذ العصير من ايدي وانطاه لـ تُـــراث خلاه يشربة غصبًا عليّ
وهو شربة ساكت ماحجه بعد كلمه ويا، رجع انطاه
علاج ورا الاكل وضل كاعد يمه يشاقي ويحجي ويا بس تُـــراث باله ابد مو ويانه
صافن وساكت بس ساعه يرد ساعه يغلس
شوية وطلعنه من الغرفه لان كال اريد انام طلعنه
وطفينه الضوة، باوعت على بـرهــوم ولزمت
ايده اهمس
– شبي تُـــراث؟ خايفه عليّ شوف مايحجي ويانه ولا يرد؟ راح يضل هيج؟
– اهدي برائـي مابي شي، بس طبيعية حالته فتره ويرجع مثل قبل واحسن.
هزيت راسي ساكته وهو طب للحمام وعزيز راح للغرفه مدد هناك
عزلت البيت تعزيلة خفيفه وطبيت للغرفه مددت على الجرباية وجريت عزيز لحضني
اريد انيمه
دخل بـرهــوم ينشف بشعره بالمنشفه باوع على عزيز وكال بضحكه
– ها باباا راح تنام؟
هز راسة عزيز واشر بايده
– بابا اني ماليد بس ماما جبلتني.
– ماما جبرتك؟ لا براء احنه ما نحب الاجبار عوفي.
نزل من حضني يركض لحضن ابو ضحكت ورجعت روحي على الجرباية
– خوش لعد اني نعسانه اريد انام وخلي بابا يحير بيك مو من يعوفك وينام تجي بحضني؟؟
فتح عيونه عود مصدوم وباوع على بـرهــوم وبرهوم فتح عيونه يباوع عود هم مصدوم ويضحك
– بااباا ثمعت؟
– اي بابا، هاي ماما شنت الحرب امشي خل انام بسرعه.
جابة واجه يمي بسرعه، ضحكت وهو نيم عزيز بيناتنه
ويلعب ويا ويضحك لحد ما عزيز نام، شاله حطه على جربايته الصغيرة
وطفه الاضوية واجه، ابتسمت وتقربت لحضنه جرني نيمني بحضنه وكال بضحكه
– انيمج مثل عزيز؟
ضحكت وضميت راسي بصدره
– اني انام وحدي.
ضمني لحضنه اكثر وغفينه بسرعه من التعب جان يوم طويل ومُتعب صدك
بس كعدنه من وكت لان هو عنده شغل وهم علمود تُـــراث
بـرهــوم – علما تطلعين ملابس راح اشوف تُـــراث نايم لو لا.
هزيت راسي وهو طلع من الغرفه وراح لغرفة تُـــراث
وكفت طلعت ملابسه وحطيتهن على الچرباية
طلعت من الغرفة لگيت بـرهــوم واكف باب غرفه تُـــراث
– بـرهــوم؟؟
التفت عليّ بسرعه وگال بخوف وقلق
– تُـــراث ماموجودد بالبيت.!!!
” نـــهروان ”
نايمة بغرفة ظلمة بس مو اظلم من حياتي صرت اشوف كلشي اسود
كلشي كـدامي يقهرني وكلشي يذكرني بي
ماعرف ليش ضل ساكت! ليش ماكلي اريد اسألة واكله
ليشش!! احط ايدي على بطني وكلبي يشتعل نار القهر اكل كلبي
وروحي تريد تطلع اريد اشوفة واحاجي اريد تبرير لكلشيي سواا بية!
ردت ادك عليهم واسألهم بس احس اذل نفسي لان بكل مره اتصل احصل رد بارد منهم
وما اتصلت بعد
ولا اريد لان كلهم مأيدينه ولا احد منهم كال هاي البنيه فوك كل الضيم العاشته
يجي تُـــراث ويزيد عليها اكثر!
جريت حسره وضليت مدده على الجرباية للمغرب
يله سمعت الباب يندك
– فووتي.
فتحت غيد الباب وفاتت، ابتسمت الها من شفت وجها والفرحه عليّ ومبينه خجلانه
كعدت يمي ولزمت ايدي
– شلون صرتي؟
– الحمدلله زينه.
– ان شاء الله، يله تعاي سويت العشة اني اليووم.
ضحكت وهي ضمت وجها
– زين خوش چـنه انتِ.
كومتني من الجرباية ولازمه ايدي حيل، مشينه اني وياها للهول
لكيت بــارون كاعد هو وسيف كدام الصينية
كعدت يمهم وغيد كعدت يمنه
بــارون – شلون تحسين نفسج روان؟
– الحمدلله زينه.
– ان شاء الله زينه، هسه تاكلين وتاخذين علاجج وتصيرين احسن من الزينه.
– ان شاء الله.
تعشينه وكملنه وغيد الچـنه شال الصنينه وغسلت الماعين
كعدت بصف بــارون كام ينطيني العلاج حباية حباية
كملت وكمت على اعصابي
كعدنه بالهول كلنه ورا العشه ساعه نسولف ساعه نصفن وسيف ملتهي بالكتب مالاته
فاتح يوتيوب
ويقره بيهن لان بأي ساعه يباشرون بالدوام
سمعنه الباب اندك
كام بــارون يريد يفتحه ويحجي مستغرب
– منو هذا يجي بهيج وقت؟
كمنه وكفنه يم الباب مستغربين، سيف ركض جابلي حجاب واجه
لبسته وطلعنه اني وغيد ورا بــارون، تفاجاة
من شفته هُـمام.!
مشينه يمهم وسمعت حديثه ويا بــارون
– باارون ليش تقرر بتسرع والله حاجيتهاا مالعا شغل بعد.
– هُـمام اسمعتي، انتَ خوش ولد ومابيك قصور بس اني قررت بعد نـــهروان مو من نصيبك
افهم هُـمام خلص انتهى الموضوع.
راد يحجي وباوعلي من شافني واكفه ورا فات بسرعه وكف كدامي
– اسمعيني نـــهروان اني اني مستعد اخلي امي تعتذر من عندج ماكو داعي تلغون كلشي صدكيني هي كالت هيج بعصبية والله.
ضليت ساكته
واباوعله مقهوره عليّ وبنفس الوقت ماكدر اوافق بعد
هُـمام – والله العظيم اخليها تعتذر منكم كلكم بس اسمعيني.
– هُـمام هُـمام اعررف انتَ مالك اي علاقه بيها وهي الحچت
بس مو بادينه خلص موضوعنه لهنا وانتهى.
– نـــهروان لاا تحرگين كلبي هيج!
حطيت ايدي على وجهي بقهر وهو ضل يحجي جره بــارون يحجي ويا
– اسمعني هُـمام هذا الشي مو يعني مالنه علاقه بيك بعد
تكدر تجي لهنا بـ أي وقت وتحجي ويانه وياها وتشوفها وتطمن بس! بصفتك كَـ زميل وبس
لان
الموضوع بعد ما نتقبلة ومستحيل اخلي نـــهروان تعيش ويا امك مستحيل لان الشي الي يصير بدون رضاة الام هذا ما ينجح.
باوعله هُـمام وكال بتعب
– بس اني قنعتها.
– هُـمام اعذرني بس نـــهروان مو الك.
بلع ريكة وهز راسة مشه بجهة الباب ويحجي بقهر
– بس اني حبيتها، والله اخليها تعتذر منكم اني حبيتها.
سد بــارون الباب ورا ورفع ايده يعدل بشعره اشر لغيد وكالها
– يله اوصلج.
هز راسها وراحت لبست صايتها وطلعت اخذها وطلعوا من البيت
سديت الباب وراهم وكعدت بالهول صافنه وحايرة بزماني…
” بـرهــوم ”
باوعتلها فتحت عيونها بخوف لزمت اديها بسرعها اريد اهديها
– اهددي هسه اكيد رايح للولد هسه اشوفهم.
رجعت للغرضة بدلت بسرعه واخذت السويج التلفون والسويج
وطلعت بسرعه من الغرفه اركض، صعدت بالسيارة
باوعت سيارته ماموجوده.! شوكت اخذتهاا ولك وين رحت!
دكيت الولد واحد واحد اسالهم وياهو الأسأله
يسأل ميت سؤال ورا
دكيت على آدم هذا يعرف وين يروح تُـــراث اذا صحه
– هاا آدم!
– بـرهــوم.
– شكووو؟ تُـــراث يمك؟؟؟؟
– اخذ جوازه مني يريد يروح لـ إيران.
فتحت عيوني بسرعه وكفت السيارة
– شنو؟؟؟؟؟ شيسوووي بإيرااان؟؟؟
– مااعرف ولك تعارك وياي واخذه وطلع حتىى ما ادري منين عرف جوازه يمي.
– انعلل روح الجابك عليّ.
– مااشفته من اجه اريد اتحمدله بالسلامه ركعني راجدي.
– حيللل، شوكت اجاك بيا سااعه؟
– من زمان من الليل .
– وتوك حجيت؟ طيح الله حظك.
سديت الخط بسرعه وادك على تلفونه مغلق لعد عليمن ادك عليك
اذا تلفونك مغلق شكد سرسررري هذااا
مشيت بسرعه للنجف وطول الطريق اني ادور عليّ
بلكت الحك واشوف سيارته بين السيارات
بس
ماشفتهن ولا لكيت سيارة اله، وصلت لمطار النجف
فريته فر لمن وكعت رجلية بس مالكيت احد هناك
چان فااارغ ماكو احد بي ولا حتى سيارته مجرد كم شخص يفترون بي
طلعت ورجعت للبيت حاير وايدي على راسي هسه هذا وين الكاه؟
عرفت من ضل ساكت مو لـ الله، دخل الزمك اليوم تُـــراث
اذا ما طيحة حظك بسيطه، صايرلي فد نـعاال
تطب بكيفك
وتطلع بكيفك، وصلت للبيت روحي طالعه
تلكاتني بـــراء تريد تبجي
– هاا لكيته؟
– لا حبيبي، مااعرف وين رايح سودني والله.
كعدت على التخم، طلعت التلفون من دك آدم
– هاا؟؟
– هذا تُـــراث حاجز لـ إيران ومارايح طيران رايح بسيارة .
– شعنددددة؟؟؟؟؟
– مادري، هسه اشوفة وارجع اتصل عليك.
– بسررعة آدددم بسررعة!
سديته من آدم وحاط ايدي على راسي وبـراء تفتر يمي بخوف
خفت عليها لا يصير بيها شي كعدتها وشربتها مي
– مابي شي لا تخافين هسه يرجع.
– مايرجعع بـرهــوم مايرجع شعندده رجع لـ إيران!
– كلب ابن كلب.
ضلينه اكثر من ساعه ننتظر رد من آدم وما رد اتصل
ردت اروح ورا لـ إيران بس ماكدر بـــراء وعزيز ماكدر اخليهم
وماعرف وين رايح اصلا.!
مر وقت واتصل آدم، جاوبته بسرعه
– هاا بشر؟؟
– ولك هذاااا شبييي؟؟ مخبلللل تُـــراث مخبللللل اخذووا لمستشفى ماللل مخاابيللل احسننن.
– شكوووو شصااااار آدددم؟؟؟؟
آدم – وولك رااايح لهنااك مدور على گبرر عُثمااان ومفلشةة ومطلعه من الكبرر وجاايب جلااب تاكللل بي!!
لطمت على گصتي واسمعه يصيح گلبي اشتعل ناار بلعت ريكي وكتله
– شصاار بـ تُـــراث وينه هسه؟!
– مااخذيةة الشرطه ذاابينه سجن هناااك انتهااك المقبرة الإيرانيه مدريي شنوو ومصورته الكامراات وماخذينه.
يتبع…
الفصل التالي اضغط هنا
يتبع.. (رواية تراث النهروان) اضغط على اسم الرواية لتجد الفهرس كاملاً بجميع الفصول.