رواية تراث النهروان الفصل الثالث 3 – بقلم الكاتبة زهراء

رواية تراث النهروان – الفصل الثالث

انكب مي على وجهي صرت افرك بيهن بسرعة واصيح
– عميتتت ولجج يماما عميتتت .
هُمام – بس اسكتيي خل نفتهم .
غسلتهن شوية صارن احسن فتحت عيوني على كيف
باوعت عليهن جانوا كلهم واكفين ويباوعون عليَ

 

ضحكت وفركت عيوني
– هههههه لا صرت زينة .
ضحكوا كلهم عليَ واني مسحتهن وباوعت على الولد الجان كاعد كدامي
– ترررى التتن مال جكااايرك طب بعينييي اكو واحد هيجي ينكثة!!

 

باوعوا الولد كلهم عليَ والسايق صاح بي هو واستاذ سمير
– ممنووووع منعاً بااتاً اي شخص يدخن مفهوووم ؟
– مفهووم .
رجعوا كعدوا بمقاعدهم وهُمام ضل واكف فوك راسي
– حرامات جا راحن عيونج الحلوات .
– هُمام تروح من يمي لا اعمي عيونك وعلي .
ضحك ورفع ادية ورجع لمقعده

 

اخذت مراية من غيد امسح بيها وجهي واعدل شعري المسكارة سايلة
مسحتها اصلا وما حطيت بعد لان ما متعوده عليها مو دائما احط احسها تثكل عيوني
طلعت بس واقي حطيت ومرطب لا وجهي يكشب من البرد

 

شغلو الولد اغاني بالسيارة ويغنون ويهوسون وكفت وصحت
– شهلل ذووووق عووع شبيكم !!
هُمام – شبييي ؟
– عشك مووت ؟؟؟؟؟ برررربكك ؟؟؟؟؟؟
– مو الكبلات هنا تريد تتونس .
– وانيي شنوو ذنبييي !!

 

مصطفى – امووتن بيك يلغااالي غيرر انتَ النفسسس ماااااااااالي .
حطيت ادية على اذاني وهو يصيح عود يغني والله مو صوجهم صوج هذني التسرسحن عليها

 

نــهروان – استاااذ عليك الله خل يغيرونهااا .
استاذ سمير – شباااب غيروهااا .
عبد الرحمن – استاذ هذا مصطفى الرابط بلاتوث ماعلينة .
– لو تديرة لو تطفييي مصطفى .
رفعت تك حاجب واضحك ابتسم وطفى ربطت التلفون اني وشغلتهم اغنية اريد رباي

 

ضحكت من وكفوا الولد يركصون ويغنون وياها خربت ضحك عليهم
درتها وطلعت الهم ساجدة ردح وهذولة ركصوا ركص فحطونه كضوا الطريق كله ركص

 

بعد فترة طووويلة من الطريق وصلنه لمكان فارغ وبعيد
اصلاً صحراااء حرفياا
باوعت على غيد
– هاي وين جايبينة !!
– نفس المكان الخيمنة بي العام .
– بربج ؟؟ دشوفي شلون هيمة بالله طلعنه طنطل منـ…
بعدني احجي وحسيت بصوت يم أذني
التفتت بسرعة وصرخت ويا صرختي ضربت احد راجدي

 

شهكت وحطيت ايدي على حلكي من شفت هُمام
– عزززة !! اسفه والله ما قصدي بس اخترعت .
لزم خدة مسح عليّ وابتسم
– يله فدوة فدوة .
ضحكت وصحت بي
– ليشش تخووفنيي انتَ ؟
– اعتذر حقج عليّ صوجي اسف .
ابتسمت ودرت وجهي

 

صاحوا الولد حتى ينصبون الخيم نصبوا ثنين كبار وحدة النه كلنه للبنات جنه عشر بنات و١٤ ولد عدى الأستاذ سمير والسايق
طبينه للخيمة مالتهم ونثبتها من جوة وهم يثبتوها من برة
مصطفى – ابراااهيم بربك الزمهااا راح تطيرررر .
ابراهيم – خل تطيرر اصريلكم خيمة .
مراسل – همزين حجيت، استااااذ خل نرجع للبيت بطلنه مانريد نخيم .

 

استاذ سمير – ابراهيم اشتغل وانتَ ساكت .
دنك ابراهيم يسويها وياهم وكالب وجهة ماراضي
دك تلفوني جان بــارون
ابتسمت وكفت على صفحه اجاوبة
– هلا بارونتي .
– ها بناتي وصلتي ؟
– اي حبيب تونه وصلنه والأستاذ سمير والطلاب دينصبون الخيم
وحدة للبنات كلنه انام سوة وحدة للولد .
– ها زين اتونسي يروحي وها تلفونج خلي يمج نــهروان .
– صار .

 

سديته منه ورجعت اسوي الخيمة ويا البنات
مريم – يوووه مدااتصيرر بنات مداتصير .
نــهروان – لا تجريها مناك تنشك عوفيها .
اجة مصطفى وابراهيم وعبدالرحمن وهُمام
مصطفى – اوي اووي مداتسيرر شبااب مداتسيرر .
هُمام – لا تجورينهاا منا تونشك عوفيهاا .

 

ضحكنه وهم يقلدون علينه وينكثون بالخيمة عود ما يعرفولها

 

مصطفى – خل نلعب ماطوول الشمس طالعة قبل لا تبرد الدنيا .
كالها وجر حبل طويل
– يله راح نقسم نصين ونجر والفريق اليوكع الثاني يفوز .
ضحكنه وركضنه كلنه جلبنه بالحبل عبالك جهال

 

انقسمنه فريفين وهٌمام صار بداية الحبل الكدامنه واحنه صار عبد الرحمن
نسرين – يله عبودي اسحب .
– اسحبهم كلهم لعيونك ياحلو .
ضحكنه ونجر حيل وهم يجرون والأستاذ سمير يضحك علينة

 

جرو حيل انجبحنه واحد فوك الثاني ركض هُمام كومني ويضحك بصوت عالي
– ههههههههههههههههههههه خرررب شجاااكم فاهين .
نسرين – عبوديييييي شبيك خسرتنه .
عبد الرحمن – حبيبي كلجن بنات وهم كلهم راحوا هناك ضربونه بوري وين اكدرهم كلهم اني .
برطمت تتعارك ويا وهو يضحك ويراضي بيها

 

راحوا الولد يكملون الخيم والأستاذ يصيح عليهم
الأستاذ سمير – شباب كلموها حتى نسوي كعده قريب الخيمة ونشعل نار بدت تبرد .
صدك بردت بسرعه بسرعه نصبوها طلعنه اني وهُمام وغيد ومصطفى وعبد الرحمن ومريم نفتر وندور من هذا الأعواد الصغار للنار
انقسمنه اثنين نص ويا الأستاذ ونص احنه

 

طبعا ما جانت الفكرة نشعل نار الفكره نكعد بالخيمة بس حب الأستاذ يسويلنا اجواء للونسة
مشيت كدامهم وشفت عودان صغار مال زرع يابس ركضت كدامهم اصيح
– هذننيييي هذنيييي .
والله العظيم الطفل مو مثلي ركضت ركضه اليشوفني يكول لكت مليون بالكاع
بحيث نهايتها تخبل قبل لا اوصل يمهن وكعت على وجهي

 

شهكت وحسيت بس اصوات الركض مالتهم
كوموني واني من الفشلة ساكته اباوعلهم حابسين ضحكتهم وجهم احمرر
شهكت ولزمت رجلي ابجي باوعت عليها انشك البنطرون ورجلي انشخطت

 

هُمام – لاااا شجااج نــهروان بربججج!!
مريم – شوو اووي سودة علية توجعج ؟
نــهروان – رجليييي رااحتت يماما رجليي راحت .
مصطفى – انتِ ضلي كلساعة مسويتلج سالفة وصيحي يماما .
كوموني واني اعرج ولازمة وملابسي كلها تراب والشعرب بجهة وجهي وملابسي اعرف روحي مو مال طلعة والله

 

لزمني مريم وغيد وصلني للخيمة مالتنه
شافني الأستاذ سمير وكف واجة ناحيتي يركض هو والطلاب
مروان – لااا هاي شبيها شمشون .
ندى – ولجج شجااج باعي شسوويتي بروحج!!
الأستاذ سمير – نــهروان ! شبيج بيمن تعورتي ؟؟
نــهروان – استاذ وكعت على رجلي .
ابراهيم – شافت خشب بالكاع ركضتله وكعت على وجها .
الأستاذ سمير – لاا خوما تأذيج ؟
– شوية استاذ .

 

كعدوني على الكرسي جايبين كراسي تنطبك وياهم نكعد عليهن
كعدت وهم ملتمين داير مدايري
غيد – شمشون بعدها توجعج ؟
نــهروان – توجعنيي غيد تحركنييي .
برطمت احس صدك اريد ابجي واريد بــارون يمي

 

باوعت على غيد وكلت بصوت مهضوم
– دكيلي على بــارون .
ابراهيم – لااا شمشون بربج ليش تقلقينه عليج ويضل ياكل بروحه .
مصطفى – هي عورة صغيرونه هسه تصير زينه .
نــهروان – اريد احاجيي حبابين والله هسة ابجي .
ضحكوا واني صدك اريد احاجي بارون

 

جرت غيد تلفوني دكت عليَ وفتحت سبيكر
بــارون – هاا بناتي ؟
بجيت وهم ضحكوا كلهم
– نــهرواان ؟؟؟ تبجين!!
شهكت ومسحت عيوني
– بــارون تعورت برجلي .
– صدك والله ؟؟؟ شلوون تعوررتيي نهرروااان!!
غيد – جانت تركض وكعت على رجلها وتعورت لا تخاف مابيها شي بس هي كامت تبجي وتريد تحاجيك .

 

نــهروان – باارون تعورت برجلي وتوجعني .
– سودة علية يابوية بية ولا بيج خوما تأذيتي حيل ؟
– هو انشك بنطروني وانزلغت رجلي .
– ياابوية يابووية سودة علية بنيتي غير تديرين بالج يا بابا.
– بارون تحركنيي .

 

امسح عيوني واحجي ويا وهم صافنين عليَ ومبتسمين
بــارون – اجيج ؟؟ أأجر تكسي واجيج ؟
الأستاذ سمير – لا بارون لا تجي والله ما تسوة عورة صغيره بس بعد تعرف نــهروان
مابيها شي لا تخاف بس هي رادت تحاجيك .
– ههههههه ياروحي مو هي متعودة لو تنخدش خدش صغير تكعد يم راسي وتضل تبجي ولازم اواسيها لحد ما تسكت .

 

ضحكوا الطلاب كلهم واني مسحت عيوني وضحكت
– هاي شبيك بارون فضحتني روح يله روح سكتت .
ضحك وكال
– يله تمام ديري بالج على نفسج والبسي هواي ترى بارده لا تتمرضين وخلي تلفونج يمج .
– تمام .

 

سلم وراح الطلاب صافنين عليّ واني امسح وجهي واضحك جني مسودنه
مصطفى – وعلي لو عندي من هذا بارون ما اطلع عتبة الباب .
هُمام – هو هذا عمج ؟
نــهروان – اي بس بيناتنه سنوات قليله فـ اصيحله بأسمة .
– الله يحفظة الج .
ابتسمت وتشكرته

 

ضحكن البنات كلهن وحدة منهن كالت
– اووووي فدووة شكد محبوب هذا عمج عنده المبالغه اليحبها كلبيييي .
ابتسمت وباوعت على غيد الرفعت تك حاجب وباوعتلي
ضحكت ودرت وجهي

 

راحوا الولد يكملون لم الخشب وضلوا بس هُمام وغيد وابراهيم البقية راحوا كلهم
هُمام – غيد اخذيها جوة خل تبدل ملابسها شوفي البنطرون شصاير بي
وعقميلها رجليها هسه راح اجيبلج معقم .
غيد – تمام .
كومتني غدير وهو راح للخيمة مالتهم طبيت للخيمة مالتنه حطتلي كرسي كعدت
ساعدتني اغير ملابسي لبست تراك شتوي ابو الأرنب ثخين لون وردي وبي اذانات ارنب
همزين جبته عرفت روحي ثولة وكلشي يطلع مني

 

لميت شعري كباي ولبست الكبوس ضحك غيد وكعد كدامي بالكاع
– شكلك ما حضن وعلي .
ضحكت وهي رفعت البجامة وراحت جابت المعقم من هُمام ورجعت
عقمتها ولفتها ونزلت البجامة

 

كمت وهي سندتني حضنتها وبستها حيل من خدودها
– اذا ما اخذج لـ بــارون اتفلي عليّ .
ضحكت وصارن خدودها حمر ضحكت ولبست حذائي
طلعت وياها

 

لكيتهم كلهم موجودين واكفين البنات واكفات على جهة يصورن
والولد محاوطين الأستاذ سمير يشغلون ويا النار
من طلعت انتبهوا عليّ
الأستاذ سمير – ها روان شلون صرتي ؟
– لا استاذ زينة .
– الحمدلله تعاي اكعدي هنانة .
كعدت يمهم مع انو مابية شي بس اني انسانة احب الأهتمام المبالغ بي على كولة البنات

 

وكفوا الولد كلهم يشغلون النار والأستاذ يرشلهم البانزين وشغلوها
طلعوا السمج وكفوا الولد يشوون والبنات مدن فراش وكعدن عليَ يثرمن طمامة وخيار ورارنج وليمون ويا السمج
عبد الرحمن – بنات منو تعرف تطبخ التمن ؟
باوعنه كلنه وحده على الثانية محد تعرف تطبخ التمن

 

باوعلنه مصطفى
– بربجن ؟؟ كوم نسوان محد تعرف تسوي التمن؟
غيد – شوف الولد .
موسى – انطيني اني اعرف اطبخة .
ضحك استاذ سمير علينه واحنه خجلانات مانعرف نطبخ التمن الأحمر

 

وكفوا الولد يطبخون والبنات يثرمن كلهن شمرو عليهن روس بصل
جواد – يلة يلة سون هذا شيااف وحطنه ويا الطمامة .
نسرين – عووع جوااد مانريد هذا البصل منو يااكل بصل بليل ؟؟
جواد – حتى خر* ناكل بليل اثرمي يلة .

 

خربت ضحك عليهم واكفين يم روسهن ويتعاركون وياهم
سجاد – برببججج نسرررين مو هيج كتااكيت احنه بس كصي من النص .
مدينه روسنة نباوع لكيناها ثارمته ناعم وحاطته فوك الطماطة

 

هُمام – بنات نثرهم احنه احسن ؟
ابراهيم – درووح كملي نسرين عسما تسوي شربت قابلين بس سون شي .
غيد – اهمشييي نثررررم !!
– اييي ويلة كمليي ثررم .

 

نــهروان – جا ساعدتجن بس اني مُصابة .
مصطفى – انتِ اي خطية واكعه وصله من رجلج انتِ والله لو تبطلن عيارة اني بخير .
ابراهيم – وياك والله شنو داكة على الرجال تبجين متعورة برجلي مو عيب اكبري بابا اكبري .
نــهروان – والله حلوووة تغاارون لان محد يهتم بيكم مثلييي .
هُمام – والله تردين الصدك ؟ صدك غرنه .
كالها وضحك وكلهم ضحكوا ويا

 

ابتسمت وحضنت ادية لصدري
– هذا بارونتي فديتة .
لكزتني غيد بعكسها وهمست
– والله لو يسمعج تكولين هيج كدامهم اله يطلع الأهتمام من عيونج .
ضحكت وغطيت وجهي

 

هذا كلة بكفة ونسرين بكفة دموعها تنكط وتثرهم البصل والولد يضحكون عليها
كعد بصفها عبد الرحمن يمسح دموعها وهي تبتسم وتثرم ودموعها تنكط
اعترف نسرين اكثر بنية حلوية وكيوت بينة وتحب تعتني بروحها صح شايفة روحها
بس حبابة ومحبوبة وبس الي يعاشرها يعرف هاي المميزات عنها
واحنه صرالنه ثلاث سنين سوة احنه الدفعه كلنه بختصار وهي وبعد الرحمن من زمان يحبون بعض وبس تخلص هاي السنة يتقدملها

 

نسرين – عبود شوف كُحلي سالت ؟؟
– لا حبيبي مابيج شي تخبلين .
ابتسمت وهو كومها خلاها تغسل وكمل هو ثرهم ابدالها وهي كعد كدامة تسولف ويا
ابتسمت على شكلها حضنت ادية لصدري وصحت بحماس
– عبووووديي استعجلوووا انريد نفرح بيكممممم .

 

ضحكوا اثنينهم وهي باوعتله وادنكت بخجل ضحكوا الولد كلهم وهو رفع ايدة واشرلي السنة التجي واشر على اصبعه
– يوووه مطولين .
هُمام – عبود حبيبي اخطب والمهر علينة .
ضحك وصاح
-لا اهلها يخوفون .
نــهروان – لا تخاف اروح وياك اقنهم .
ضحك ورفع ايدة يأشرلي
– ما اخطب اذا مو انتِ وياااي شمشموون .
– صاااار .
ضحكنه كلنه وهي تبتسم وتسولف ويا

 

كملنه الأكل والاساذ سمير شوة السمج هو والولد حطوهن فوك التمن
وحطوا اماعين الزلاطة وكعدنه ناكل ونسولف جانت صدك أجواء من العمر
بس كملنه لفينه الماعين جانن بلاستك ذبيناهن كلهن بجيس وحطيناهن بالسيارة حتى من نرجع نذبهن

 

نــهروان – استااذ انريدد انصليي وين القبلة ؟
هُمام – انتِ تصلين ؟
– جا شكلولك عليّ يهودية.
– لا مو شفتج ما محجبة ما عبالي تصلين .
– جا الماتلبس حجاب ما تصلي اصلا كلنه انصلي بس مانحب الحجاب .
– كلنه منو ؟
اشرت على زميلاتي البنات كلهن مامحجبات بس غيد ومريم لابسات
– كلنه انصلي .

 

ابتسم والأستاذ دلانه القبلة وين اتجددنه كلنه وطبينه للخيمة انصلي
كملنه وعدلنه شالاتنه وملابسنه وطلعنه

 

التمينه كلنه داير مداير النار نشرب جاي ونسولف والأستاذ يسألنه ويحجي ويانة
شوية وطب هو ينام والسياق نام قبلة لان هم يكعدونة باجر
اتقربت من النار اكثر برداانة ارجف ارجف رفعت الكبوس على راسي وحضنت نفسي
باوعت هذولة كلهم جايبين بطانيات جا وحظي الزفت ما ضلتلي بطانيه

 

سحل هُمام كرسية صار بصفي نزع الغتره او الفروة وحطها على اجتافي
ضحكت بلعوا صوتي وهم ضحكوا وياي على حركته
نــهروان – هُمااام بربك لا تصيرر لطيفف هيج وتتحمل البرد علموديييي .
غيد – برربج ؟؟ صدك بردااانة .
-لاا والله ، هُمااام اخذهاا اصلا لابسة هواي بس اني لو يحطوني بجهنم ابرد .
ضحك ورفع تشيرتاته
– لابس اربع والله ضلي بيها من ابرد اخذها منج .

 

ابتسمت وما جذبت خبر اتلفلفت بيها ضلينة نسولف وشوية وكامو كل اثنين سوة يتمشون
ضليت بس اني وغيد وهٌمام ومريم ومصطفى غيد كامت من صاحتلها وحدة من صاحباتها
ومصطفى يسولف ويا مريم وهاي تضحك وتسولف ويا

 

التفت هُمام عليّ
– شلون صارت رجلج ؟
– لا زينة الحمدلله .
– هههههههه لعد شبيج خوفتينه ؟
– مو شسمه احب الأهتمام .
– يلوكلج .
باوعتله ابتسم ودنك راسة يحك بشعره
– جفصت مو ؟
– كلش .
ضحك ودار وجهة ابتسمت ودنكت راسي

 

هُمام – لا تفهميني غلط بس روحج حلوة .
– شلون يعني ؟
– ماعرف بس انتِ محبوبة يعني ماعرف شلون اشرح بس روحج الرياضية حلوة .
– مافهمت ؟
– بيج شي مميز يجذب المقابل الج ما اقصد بغير نية لا الله يشهد
اقصد بشكل عام يعني .
ابتسمت وهمست
– وصلت وصلت .

 

ابتسم وطلع جكارة ورثها
– تدرين من طلعت من كليتي وانتقلت لهنا كلت مستحيل اكدر اتعود بسرعه وانسة زملائي واصدقائي
بس من شفت شتلكم حسيتكم العوض عنهم .
– اي احنه مجاليب انذب ميانه بسرعة بس نرجع اعلمهم يثكلون .
ضحك بصوت وهز راسة
– لج لاا مو هيج .

 

ضحكت على ضحكته وضل هو يسولف وعيونه تباوع بعيوني وتلمع
ماعرفت سببها بس من يباوعلي عيوني تضل تضحك كبل وجهة
خفت من ملامح وجهة وتمنيت الي بالي غلط

 

رجعوا الولد كلهم والبنات يضحكون ويسولفون شصار هناك وشلون واحد يخوف الثاني
كعدنه نضحك وياهم

 

الولد طلعوا تلفوناتهم انطوهن للبنات وهُمام انطاني تلفونه بحكم عنده ميانة وياي اكثر
وكالو صورنه وهم يردون يغنون ، والله كلت راح يغنون اغاني حلوة وكيفت بيهم استوري اشو هذولة كامو يصفكون ويغنون

 

مصطفى – كالوا هلي خذلك مرة .
– يابوية .
ابراهيم – وديت خطابة اربعة .
– يابوية .
عبد الرحمن – جابولي مرتي مكبعة .
– يابوية .
هٌمام – كل السنون مشلعة .
– يابوية .
جواد – جابوها الي تمشي صفح .
– يابوية .
موسى – واليل متنامة تكح .
– يابوية .
كرار – واعلى هل الرنه للصبح .
– يابوية .
مروان – وبحلى صورة مصورة .
– يابوية .

 

انصور بيهم وميتات ضحك وهم يضحكون ويصفكون صاح عبد الرحمن
– واجااني من عدها طفل .
– يابوية .
اشر على نسرين وصاح
– وطلع على امة هم خبل .

 

حرفيا ردنه نـ*ـول من الضحك فحطنه كامت نسرين تضرب بي وتضحك وهو يضحك ويلزم بأديها وهي تضربة
نسرين – انيي خبلةة؟؟
– لا حبيبي على مصطفى .

 

عبد الرحمن – شبابات طلعولنه الشاعر البداخلكم وانطونه اشعار .
مصطفى – اني عندي .
– يلة ابو الصوف اقرة .
– أسئل ليش احبك حتى اكلك ليش
وليش شما تسوي وياي اقبلك
لحضه موت عمري سنيني كلهن خوف
بس وياك أئمن لمن اوصلك
وانت اخر نفس وشكد عزيز يصير
وبلحظة الموت تريدنة نملك
خيط على جرح باللحم صرت وياي
لو كل الجروح تطيب ما افلك .
باوعنه عليّ كلنه وهو يحجيها بحسرة ابتسمنه وصفكنه اله ابتسم ورجع دنك راسة

 

ابراهيم – يله عبود انتَ .

 

عبد الرحمن – و ازعلنك
لذتڪ بـ العشگ من تغتاض
تتگطر إشفافك عسل گنطاري
واراضيك بـ ولك يا بعد هاي وهاي
و اتعذر سنه و ما تقبل اعــذاري ؟
ضحكنه كلنه وهو يقرة ويباوع على نسرين وهاي صارت حمرة من الخجل

 

ابراهيم – اني اني خلوني اقره .
عبد الرحمن – اطربنه .
– انه جدري ما غلة ميه وابد مافار
وما بقى ابيتي لاجريذي ولافار
ولانه مكمل الخدمه ولافار
اركض والعريف ايدك عليه .
فحطنه من الضحك عليّ وعلى عبد الرحمن كام يركض ورا ويصيح
– زرربة على رومنسيتكككك كووم كوووم .

 

مصطفى – شبابات .
التفتنه عليّ كلنه بلع ريكة وهمس
– انحصرت بولـ*ـة .
شهكنه نضحك كلنه بصووت والولد يضحكون بصوت عالي
غطيت وجهي اضحك وهو من كل عقلة يصيح
– ووووين ابـــ*ـول !!

 

ابراهيم – روح هناك احفرلك حفرة وطمها .
مصطفى – يرادلي كرك .
فحطنه من الضحك صدك حتى دمعنه وهو حاير وين يروح
عبد الرحمن – كرررك شكوووو ؟؟؟؟ تريد تدفن روحك لوو تبــ*ـول !!
مصطفى – منو يكول بس بـولـ*ـة .

 

صحنه احنه البنات بصوت
– عووووووووووع .
شمرنه تلفوناتهم وطفرنه نركض للخيمة وهم يضحكون علينة

 

طبينه للخيمة نضحك وهم ضلوا برة ضلينة نسولف ونلعب ونصور
بعدين نعسنة كلنه مدينة الفرش والمخاد ونمنه كل اثنين تغطن بطانية
من البرد اندحسنه كلنه سوة وتغطينة

 

مرت فترة طويلة وفزيت على صوت قوية بس صوت مو عادي
لا صوت حيوان والله العظيم صوت قوي حيل كمت ارجف اباوع البنات كلهن متغطيات ونايمات
بلعت ريكي وحصرتني البجية من الخوف ندست غيد
– غيددد غيدد .
– همممم .
همهمت ورجعت تغطت دفرتها وهمست بعصبية
– غيددد اكو وحششش بررة غيددددد .

 

اكعد بيهن محد تكعد وصوت مبين قريب كمت ابجي واكعد بيهن
كعدن كلهن أشرتلهن اش اش وهمست
– بناات اسمعن .
سكتن كلهن وجوهن منفخه من النوم صار صوت برة شهكت كلهن وكامن يرجفن
نسرين – يمه يمه كلبي حيوكف بنات كلبي .
كامت ترجف خفنه عليها زحفنه كلنه يمها وهي مجلبة بينه وتبجي ولازمة كلبها

 

اتخبلنه كلنه كمنه نبجي على كيف لا يطبلنه وخفنه على نسرين لازمه كلبها وتشهك
– راح ياكلونه يمه راح ياكلونه الحكيني يمه .
نــهروان – اشش اشش رايحه اكعد الولد .
غيد – لااا وين ترحين لا يشوفج اشش هسه عباله نايمات لا تطلعين لا يطبلنه .
مُنى – هسة شلون دكن عليهن دكن اني راح اموت والله .

 

حضنه وحده الثانية وونرجف طلعن تلفوناتهن كلهن يدكن على الولد
ولا واحد جاوب بجينه زايد والصوت قريب علينة
شهكنه من حسينه الصوت قريب على الخيمة مالتنه
نــهروان – راح ياكلنه الطنطل يماما راح ياكلنه .
جرينه البطانيات وتلفلفنه بيهن ونرجف
نسرين – بناات احضنني كلبي حيوكفف .

 

حضنتها اني وهنه يدكن على الولد ومحد يرد
غيد – عززه خااف اكلهم !!
نسرين – لااا عبد الرحمن الطنطل اكل حبيبي يمهه .
كالتها وبجت
صفنت على الخيمة وهنه يبجن

 

توني اريد اكللهن هذا خيال صار يم فتحتة الخيمة ماحسينه غير بشي طويل طبلنه يصيح
صرخنه كلنه بعلوا صوتنه وطلعنه نركض من الخيمة من الجهة الثانية ونصرخ
– يمااااااااااا .
طلعنه نركض وحتى خيمة الولد نسيناها نركض بالصحراء ونصرخ

 

نركض ونصرخ والمكان اضلم وباااارد وكفنه من سمعنه صوت الولد يصيحون
هُمام – وينننن تعااااااااااالن بنااااااااات روااااااان غيددددددد .
التفتنه عليهم شفناهم واكفين كلهم يم الخيمة ويمهم زلم اثنين لابسين دشايش وجراويات ررجعنه نركض ونبجي وهم تلكونه

 

الحلو كلمن حضنت حبيبها واني وغيد ضلينه صافنات
الأستاذ سمير – شكوووو شبيجنننننن ؟؟؟؟؟
نــهروان – استااااذ طنطل طب علينةة والله سمعنه صوووته استااااذ .

 

نسرين – عبوودييي حسبالي الطنطل اكلك عبودي .
حضنته وهو حضنها يهدي بيها

 

ختلنه يمهم ونبجي ونلتفت على خيمتنه
عبد الرحمن – طنطل ؟؟؟ شبيج شمشون!!
– والله طنطلل طبلنه للخيمةةة .
ركضوا كلهم للخيمة مالتنه واحنه نجر النفس كوه ونرجف من البرد
طلعوا بسرعة يضحكون كلهم واحنه لازكات وحدة بالثانية
نــهروان – هااا استااذ ؟
الأساذ سمير – نــهروان تحجين صدك ؟؟ تعالن شوفن الطنطل التحجن عنة .
استغربنة صدك يحجووون!!

 

مشينه سوة ونرجف مدينة روسنة من الفتحه مال الخيمة
شهكنه مصدومات من شفنا
معقولة هذا الصوت اليخوف الة !!! جان بعير او بالفصحه جمل
كاعد على فراشنه ويصيح بصوت ناصي

 

نــهروان – هذاااا الصوووووت الة ؟؟؟؟؟؟
التفتنه وحدة على الثانية مصدووومات حرفياا الصوت يخووف اليسمعة ميكول هذا الصوت الة التفتنه على واحد من الزلم الي لابسين دشاديش كال
– انه اعتضر منجن بنواتنه خوفناجن .
الأستاذ سمير – بنات هذا البعير مالتهم وجانوا يمشون منا والولد شافوهم وكلولهم يستريحون بالخيمة يمنة والبعير مالتهم ضل برة .

 

كلبن البنات وجهن ضايجات وسكتن بس اني اسكت ؟ بجيت وكعدت بالكاع
– يعني هي هااي عملة والله كلبي كام يوجعني ردت اتخبلل من وراااكم .
– بوية اعذرينة بالله ماندري بي ما سمعنه صوته .
مارديت عليّ لزمت كلبي يدك سريع خايفة يعني دنيا اليل والمكان اضلم وفارغ وصوته يصيح المكروص يصيح بعلي وكف كلبي

 

كعدت غيد يمي وحضنتني
– اهدي شبيج ، بناات ميي فدووة .
انطني مي اشرب وافرك بصدري الاستاذ كعد كدامي
– نـــهروان ؟؟ اهدي بنيتي ماكو شي اصلا هذا المكان كل سنة نخيم بي ومابي شي أمان ومحاوط كله سور ومناك اكو بيوت والسيطرات قريبة منا ماكو شي .
– استااذ لا تحاول والله التوووبة اطلع وياكم بعد ردت اتسوودن والله هذاا بعيرر هذاا ؟؟؟

 

باوعت على الزلم وصحت
– هذااا هم توكلوونه حشيش ؟؟؟ باع شكبررة وصوته تكول طنطل .

 

ضحكوا كلهم واني ارجف وابجي
كعد كدامي هُمام يضحك وجر ايدي كومني
– كومي ماكو شي هاي ما راح انام كاعدين كلنه يم الخيمة مالتجن
طبن بنات كملن نومتجن بعد وكت توها بـ٣ .
جريت ايدي منه
– وخررر ماريد اناام بعدد .
نسرين – اني ماكدر انام وهذاا الجمل نايم بفرااشي .
مصطفى – اااااااااااااوووووووووي جمللللل .

 

ضحكوا كلهم على صوت مصطفى احنه البنات كالبات وجهنة
صدك يخووف بعيدا عن المبالغة صوته حيل يخووف
اقسم بالله اليسمعة ميكول صوت بعير !!
ردت اتصل بـ بـارون بس ما خلوني
هُمام – نــهرواان كل عقلجج تردين تسودنينه ؟؟ الساعة بـ٣ والله يتسودن فوتي نايم كلنه كاعد ما راح انام .
بالكوة اقتنعت

 

طبوا الزلم طلعوا وربطوا بالخيمة مالتهم عود مربوط هو بعد عيني
طبينه للخيمة اتغطينة ونمنه وحدة بصف الثانية
نسرين -ويععععععععع هذاا عاملها بفرااااااااشي .
كشولنه وجهنه وطفرنه كلنه من الدواشك
طلعنه من الخيمة لعبانه نفسنه هم بعدهم واكفين برة

 

جر نفس استاذ سمير بتعب وتخصر
– ها بنات هم طلعجن طنطل ؟
نسرين – استاااذ هذاا الجمل عاملهاااا بفرااااااااشي !!
ضحكوا الولد بعلوا صوتهم وكاموا يكحون من الضحك واحنه انريد نتقيء
استاذ سمير – روحن بالخيمة مالتنه امشن امشين اتوبة اخذ بنات بعد .
طبينه اخذنه بطانياتنه وركضنه لخيمتهم وانطيناهم بطانياتهم ورجعنه نمنه بالخيمة مالتهم

 

غفينه كوة ونمنه
ثاني يوم كعدنه الصبح طلعنه من الخيمة لكينه الولد واكفين شعلون نار يردون يسوون ريوك
صبحنه عليهم وكعدنه
خدروا الجاي الزلم ماشين من زمان الحمدلله هم والبعير مالتهم مدري طنطل غدي توضينة وصلينة ورحنه يمهم

 

صبولنة جاي واجبان جايبين تريكنه وسالوفة وضحك وطبعا ما خلصنه من تصنيفهم
سجاد – طنطللل طبب علينهه يماا طنطلل .
عبد الرحمن – عبودييي عبالي الطنطل اكلك عبوديي .
نسرين – تقلد عليّ عبودي ؟
– لا حبيبي مو عليج اروحلج فدوة شهل صباح هذا .
ابتسمت ودنكت تعدل شعرها
رفعت ايدي غميتها
– ضحك عليج اهمداج .

 

مريم – هههههههههه لا هاي كلها بجهة وشمشون بجهة تصيح راح ياكلنه الطنطل يماما راح ياكلنه .
ضحكو كلهم واني غطيت وجهي اضحك بخجل منهم

 

كملنه اكل وطبينه وحدة وحدة تبدل طلعت بنطرون غير هذاك لان انشك
لميت غراضي ومشطت شعري ورفعته ذيل حصان
غسلت وجهي وخليت واقي وحمرة خفيفه على الوجنات والشفة
وخليت مسكارة طلعت السترة لبستها وطلعنه الغراض حطيناهن بالسيارة
راحوا الولد فتحوا الخيمة وصعدوهن بالسيارة كلهن

 

صعدنه كلنه بالسيارة وحرك السياق كعدنه نشوف التصوير
ضحكت من شفته
كل تصوير مصورته اكول بي
– بــارونتي شوفي .
صورت كلشي علمود من ارجع اشوفة انطيت التلفون لغيد ونمت حتى خاف يدك هي تحاجي

 

حطيت راسي على الجامة ونمت
كم ساعة هيج وكفت السيارة يم بانزين خانة كال الأستاذ
– اليريد ياكل اليريد يروح للتواليت خل يحجي بسرعه ماطول وصلنه لهنا ترى بعد ما نوكف والطريق طويل .
صدك نزلنه كلنه هذا راح يشتري جكاير وهذا للحمام

 

نزلت ويا البنات دخلنه للحمام جان هواي بس بنات الحمام اضطرينه نوكف بالسرة
غيد ضلت نايمة ما نزلت ونزلت بس اني وكم ومُنى ومريم
دخلن قبلي وطلعن
دخلت للحمام وبس طلعت وكفت اعدل شعري على المراية
طلعت من الحمام اعدل بالستره مالتي
وكفت اباوع على الكوستر مالتنه ماهية!!

َكِّرْ فَإِنَّ الذِّكْرَىٰ تَنفَعُ الْمُؤْمِنِينَ ﴾ ‏- سُبحان الله

الفصل التالي اضغط هنا

يتبع.. (رواية تراث النهروان) اضغط على اسم الرواية لتجد الفهرس كاملاً بجميع الفصول.