رواية تراث النهروان – الفصل الرابع
نزلوا كلهم وابو الكوستر واكف والأستاذ يصيح الأسماء
– مريم ؟
– موجودة .
– نــهروان ؟… نــهرروااان ؟؟
التفتنه كلنه اندور عليها بيناتنه ماهي !!
هُمام – استااذ خاف ضلت بالسياارة ؟
فتحنه الباب وصعدنه اندور عليها ماهي بالسيارة
نزلت الجنط وكمت ابجي
– وينهاااااا ؟؟؟؟؟ شمشون وينن ؟؟؟
مُنى – صخااام بسلا نسيناها بالبانزين خاانة !!
لطمت على وجهي والأستاذ كام يصيح والبنات وجوهن انكلبن صفر
والولد يصيحون
هُمام – استااذ سيارتي هنا بالكرااج امشوااا نروح .
غيد – مريم اخذيي الغرااض وارجعي للبيت .
كلتها وركضت للسيارة وياهم صعد استاذ سمير وهٌمام ومصطفى واني وابراهيم
شخطها هُمام ومشه سريع
صار يسوق سريع واني ابجي وجسمي يرجف من الخوف عليها
اذا صار عليها شي ما اسامح نفسي محد غيري لح عليها تجي !!
وبعد وفتره وصلنه البانزين خانة نزلنه نركض كلنه وندور عليها
ركضت لحمامات النساء طبيت ادور خاف هناك ماكو
دورت بكل مكان
والولد وياي ماااكو نـــهروان اختفت !!
ركض هُمام وكف الولد وكام يصيح
– اكوو بنية هناا ساافرة لابسه ستره جوزي شفتوهاا ؟؟
باوعوا واحد على الثاني بسرعة وكال واحد منهم
– ايي ايي اجتني تبجي تكول الكوستر عافتها وراحت ودزيت صاحبي حمودي يوصلها بس ..
استاذ سمير – بسس شنووووووو ؟؟؟؟
– يكول وكفتهم سيارة ونزلوا البنية اخذوها وياهم .
لطمت على وجهي وهم بهت وجهم
هُمام – شتحجيي انتَ !!
– اي والله هذا حمودي اسألة .
– اي صدك وكفتنه سيارة بيها اربع زلم نزلوها واخذوها وهي جانت تبجي وتصيح
تكللهم منوو انتوا وهم يصيحون كالولها انزلي واخذوها وياهم .
استاذ سمير – يااشارع زين شسمه ؟؟؟
– على طريق الــ***** .
طلعنه نركض من البانزين خانه ضليت الطم على وجهي وابجي دخيلك ياربي
وين راحت منو اخذهاا ؟ هي ماعدها احد اصلاً
وكف هُمام على شارع وصار يتلفت بي جان فارغ وبالسنه حسنه تفوت بي سيارة
بس بي كامرات !
استاذ سمير – خل نرجع نبلغ عمها ونقدم بلاغ .
رجعنه للكلية نزل الولد وصلني للبيت ويحلف يلكاها
هُمام – لا تخافين نلكاها والله .
– هُماام شمشون صح لسان بس هي جبااانة وتخاااف والله هي خواافة وبريئة
تصور اذا انشخطت شخط تبجي وتخبص الدنياا واذا محد اهتم تضل تبجي
وهي وحدهااا ومحد يمهاا الله اعلم وين هيي!
شهكت ابجي اكثر واشهك
وكف باب بيتنه
– لااا هُماام اخذني وياك لبيتهاا باارون يتسودن اذا عرف منك .
هز راسة ومشة دليته بيتهم وصلنه للبيت دكينه الباب طلع سيف
ضحك وحضني
– هلااو غيددد .
حضنته وشهكت
– شبيج ؟ ونونه وين؟ وهذا منو ؟
– اصبر حبيبي اصبر .
طبينه للبيت وهُمام يمشي وراي دخلنه لكينه بــارون كاعد وحاط كدامة ماطور يسوي بي
بــارون – غيد ؟؟؟ يا هلاا الحمدلله على سلامتج سفرة سعيدة .
شهكت اكثر وكعدت كدامة
– غيددددد ؟؟؟؟؟؟؟ نــهرواااااان شبيهااااا ؟؟؟
بعدني ماحجيت طب هُمام
– السلام عليكم .
– وعليكم السلام منو انتَ وروان وين ؟؟
– خوية هسة نكلك بس اهدء .
– اهدءء شنووووو ؟؟ منووو انتَ ونــهروااان وين ؟؟؟؟
غيد – بـــااارون نسينه رواان بالبانزين خاانة وهي رادت ترجع وبالرجعه وكفتها سياارة واخذتهاااا .
فتح عيونه ويباوع بعيوني همس وعيونه يلمعن بالدموع
– غيد شكلتي ؟
– ماااهيييي بــاارون ماهيي مانعررف نهرواان وين .
هُمام – خوية بس..
بعده ما حجة كام يصيح بارون وشمر الماطور وراد يكوم ماكدر
سند روحة على التخم وجر العكازات مالاته وكام يصيح
– غيد وينهاااا وينهاا شنوو ماااهيي لاا تخبلووونيي راحت وياااااكم .
– والله العظيم ماامدري بيهاا وكفنه يم بانزين خانه وهي نزلت بدون ما تكول لاحد ومشت السياارة وعافتهاا
رجعنه لهنااك بس ما لكيتهاا السايق الموديها يكول وكفتنه سيارة واخذتها .
جر تلفونه بسرعه ورفعه يدك وجسمه يرجف
سنده هُمام وكعدة على القنفه
بــارون – نــهروااااان وين ؟؟؟ شنو ما تدرين منوو غيرج يسويهااااا !!
ازدهار لاا تعلبيهاا ويااي جاي اكلجج نهرواان وين ؟
شنوو بنتي توج اذكريتهاا كليلي وينها لا تطلعيني من طوري
شنووو مو عنددددج نــهرواااااان وين !!
شهكت وباوعت على هُمام
ازدهار هي خالة ام نــهروان وهو شك بيها بس مايدري هي اخر وحده ممكن نشك بيها
سد التلفون وكام يفرك بكلبة ويهمس
– نـهروان وين ؟
ركضله هُمام يفرك بكلبه ويحجي ويا
– اهدئ نلكاها والله نلكاهاا والعبااس اطلعها لو جوة الكاع
بس اهدئ هسه راح نبلغ عليها وننطي اسم الشارع ويطلعون الكامرات ونعرفها والله نعرفها اهدء .
طلعنه كلنه ويا هُمام صعدنه بالسيارة مالته
غيد – هُمام اخذنه لبيتنه خل نودي سيف يم مريم وماما .
اخذنه بسرعه لبيتنه
نزلت سيف خليته يمهن ورجعت صعدت يمهم
رجعت للكلية اخذنه استاذ سمير ومصطفى اصر يجي ويانة
الطريق كله بـارون يصيح ويرجف والولد يهدون بي
وصلنه للمكركز قدمنه بلاغ
وطلعت دورية للمكان الي كال بي الولد
وطلعنه كلنه لنفس البانزين خانة
نزلنه والدوريات والقوات الأمنية والمكافحه كلها وكفت بالشارع
اخذوا السياق حمودي ماعرف شسمه وراحوا للشارع
رحنه كلنه وياهم
راحوا يشوفون الكامرات والطامة الكبرى من طلعت الكامرات ما يشتغلن !!
طلبوا منه نرجع للبيت وهم راح يدورون بهذا المكان
رجعنه للبيت
وهم انتشروا يدورون هنا خاف ماخذينها لمكان قريب منا
هُمام – لا تخافون ان شاء الله يلكوها .
وصلنه لبيت بــارون نزلنه كلنه يمه وهو يجر النفس كوة ويريد يبجي بس يلزم روحة
صفن على الباب وكام بسرعة وراد يوكع لزمه مصطفى وانطا العكازة مالته
بـــارون – زين زين خاف يسوولها شي ؟ خاف مسويلها شي ؟
باوعت على هُمام عض شفته الجوة ودار وجهة
مصطفى – كول يا الله مابيها شي ان شاء الله لا تخاف بــارون خليك قوي .
– ماكدر مصطفى ماكدر هي هي خواافة والله خوافة هي تخااف
اكيد هسة تريدني تلكاها تبجي عليّ تريديني !!
شهكت ابجي على طريقة كلامة وهم خزروني كلهم حتى ما ابجي كدامة بس ماكدرت الزم روحي
التفتنه كلنه على الباب من طبت خالة ازدهار تصيح
– بــااااارون .
كمنه كلنه تفجأت من شفتها متغيرة وصايرة حلوة ومثل كل مرة فاتحه الشعر ولابسة بنطرون اسود كيلوت وهاينك جوزي وكوت طويل اسود وملامحها المسحوبة الحلوة اليشوفها ميكول هاي مرة جبيرة ومتزوجه اصلا
ازدهار – بـــاااارون وين نــهروااان شصااااير بيهااا !
بـارون – هسةةة تذكريتهااااا ؟؟
– باارون بدوون كلاام زايد عوفك من المشاكلي كلي نهروان وين ؟
– مااندرري .
سولفلها مختصر الصار كامت تبجي وتمسح بدموعها
راح مصطفى انطاها مي ومسح على ظهرها
– اهدي نلكاها ان شاء الله طلعت دوريات كلها تدور لا تخافين .
هلو هذا مصطفى جنة خيل عليها
استاذ سمير – اني طالع ضلتي هنا ماراح تقدم او تأخر شي رايح وأي شي يصير بلغوني .
هزينه روسنه وهو طلع واخذ ابراهيم ويا
ازدهار – بــارون سولفلي شصااير لا تسودني صح اني ما عايشة وياها بس تضلل بنتيي .
– ازدهار ماندري كلشي ماندرري لحد هسة مانعررف شي .
بس كمل دك تلفونه
بــارون – هذا الضابط دك عليّ .
هُمام – جااااوب شمنتظرر .
– مااكدر اجاووبة ماكدر خايف ما لكوها .
يرجف ويباوع على الرقم اخذه من عنده هُمام وفتح خط
هُمام – نعم سيدي ؟
– للأسف جاي ندور بكل بيت موجود بهاي المنطقة بس نستبعد يطلع موجود بنفس المكان
يمكن من غير محافظة مانعرف بس النطقة هاي مالكينه بيهاشي.
– اي شي ؟؟؟؟؟ كامرات تصوير سياارة .
– حسب وصف الشاهد احمد يكول سيارة لاندكروز سوودة مظللة انطيت اسمها للسيطرات وبلغتهم اذا لكوا سيارة بهاي المواصفات عبرت أي محافظة يبلغونه ويفتشوها .
حجة ويا شوية وسده
خالة ازدهار كامت تبجي ومسح بوجها
– شلون تخلوهاا وحدهاااا هيج بالله سوولها شي!!
مصطفى – رحمة لربج خالة لعد ماخذينها يلعبون وياها
شي اكيد راح يسوون شي .
باوعنه كلنه عليّ بصدمة وهو دار وجهة على الباب
– اقصد يعني ان شاء الله ما يسوون .
سكتنه بس ما هدئنه
كلمن ماخله زوية يدعي بيها وخايفين عليها حيل ضلينة ننتظر خبر من الضابط وندعي مابيها شي
ومرن يومين كاملات ونــهروان مختفية!!
بــارون متخبل يصيح ويتعارك ويا المكافحه وخايفين لا يتعاركون ويا ويسوولة شي
بس الحمدلله جانوا متفاهمين وفهموا حرصه وخوفوة
خالة ازدهار هي ورجلها هم ماقصرو اخذت سيف وياها للبيت لان مانكدر نخلي وحدة ومحد ضال بالبيت اصلا
هُمام ومصطفى وعبد الرحمن وابراهيم و ولد دفعتنه كلهم هم ما عافونه
وكلها صارت تفتر بالمراكز بس حتى نعرف شي عنها بس ماكو شي جديد
لحد اليوم الصبح واكفينه كلنه بالمركز وطبعا ماما ماخلتني اعوفهم
واكفين اني وبــارون وهُمام ومصطفى
الضابط – طبعا عرفنه شي جديد بس مو لصالحكم .
التفتنه واحد على الثاني خايفين
هُمام – سيدي لا تلعب بأعصابنه كول شصار ؟
– السيارة الي جانت بيها عرفنها ولكينها بس لكينها محروكه وفارغه!
انصدمنه كلنه والتفنه على بــارون من وكع بنصنه
صرخت وركضت عليّ
وكع بالكاع فاقد كمت الطم على وجهي واصرخ
– هُمااااااام مصطفىىى شيلوووواااا .
ركض هُمام شالة هو ومصطفى لان بارون خشن صعدوا بالسيارة ورحنه كلنه للمستشفى
غيد – كله من وراااااي اني صووجييي ماارادتت تروح هيي كله من وراااي .
بجيت وهم يصيحون عليّ
مصطفى – غيدددد مو وكتجججج اسكتييي .
وصلنه للمستشفى دخلوا بسرعة لغرفة الطوارئ واحنه وكفنه برة
وهُمام يحجي ويا الدكتور دخل ورا واحنه نفتر بالممر حتى حلكي يبس من الخوف
هُمام – لو ماجايبج احسن .
– كل عقلك اعووفكم!!
طلع الدكتور
– لا تخافون ماكو شي يخوف مجرد هبوط بالضغط وحطينالة مغذي والحمدلله على سلامتة .
راح الدكتور وهُمام راح ويا علمود يدفع
مصطفى – زين منو حركها للسيارة اذا فارغه ؟
– يمكن ميردون احد يعرفها وغيروها من شافوا السيطرات تسأل عنها .
– ما استبعد هذا الشي .
– يمة والله خايفة عليها الله يعلم شنو حالتها هسة!
– هنة اثنين لو يغتصبوها لو يكتلوها لو عدهم شي وياها لان من نزلوها من السيارة ومتقصدينها بس هي
مبين يعرفوها .
– بربك مصطفى اسكت لا تخوفني والله كوة واكفة .
سكت بس المشكلة كل كلامة صح!
طلعوا بــارون على كرسي الدفع محد حجة ويا كلمة
طلعنه صعدوا بالسيارة وهو ساكت بس عيونة حمر دم دم
رجعنه للبيت
وهو كلساعة يخابر على الضابط ويكله
– ماكو شي جديد لسة ندور .
مرن كم يوم وحالة بــارون بالنازل تعب حيل عليها وماكو اي خبر عنها
الولد عافوا الكلية وصار يدورون ويفترون بالمراكز حتى الأستاذ سمير ماعافنه
محمل نفسة ذنب بالصار بس ميدري بية احس اريد احرك روحي الف مرة
وما ارتاح هي كل سنة ما تروح ليش هاي السنة نكيت اله اخذها!!
سيف بيت امه ما جبنا وهي يومية تجي تسأل وحتى هي خايفة عليها
طلب بارون نرجع نداوم كلنه لان ضلتنه بدون فايدة
عفنا وحده بالبيت واخذنه هُمام
وصلنه كلمن لبيته وراح ، طبيت للبيت امشي كوة وجسمي يرجف تلكتني ماما
– ها يمة بشري ؟
– ماكو شي جديد ماما شمشون اختفت محد يعرف وين هي والله احس اريد اشيل مخي واشمرة على كد الافكار التجيني عليها ماكو شي ماخطر بالييي راح اتسودن .
ماما – سودة علية خطية متستاهل والله العظيم كلما اصلي ادعيلها بلكت يلكوها .
– اي والله ماما محتاجين دعاء بهاي الفترة .
– الله كريم ، وبــارون شلون صار ؟
– والله ياماما بارون حالته بالنازل ضغطه ما مستقر ولو تشوفينة نوم منايم وكلساعه يخابر
لو ياخذ هُمام ويروح لنفس البنانزين خانة يكعد هناك كل عقلة يلكاها .
– سودة علية .
مريم – والله اني خايفة عليج يا غيد لا يعرفونج تكربين لشمشون ويخطفونج وياها .
ماما – صخاام الصخم امج وليش بيش طاالبتنيي .
غيد ٠ لا ماما لتخافين ماكو هيجي شي المكافحه محاوطة المناطقة كلها اصلا
وبعدين ما راح نروح بــارون كال ارجعوا للدوام واذا صار شي جديد يبلغونه .
كلتها وطبيت للغرفه وسديت الباب
بدلت وكعدت على الجرباية طلعت جنطتي احس كلبي وكف من شفت تلفونها بجنطتي
فتحته ما انفتح حاطتله رمز رجعت ضميته بالجنطة وغطيت راسي وضليت ابجي لحد ما غفيت بمكاني
كعدت ثاني يوم الصح بدلت بدون نفس ورحت للكلية
لكيت الولد كلهم مداومين
التموا الطلاب كلهم علينة يصيحون
– صدكك شمشووون مخطووفة ؟؟
مصطفى – اي صدك .
البنات كلهن شهكن بخوف ونصهن صارن يبجن عليها
محمود – زين ماكو اي خبرر عنها ؟
ابراهيم – ياااريت بس فص ملح وذاااب .
هُمام – شباب وبنات اعرف مابديكم شي بس ادعولها دعوة اربعين غريب مستجاااابة .
رفع ايدة وصاح بصوت عالي
– يااااارب اقسم عليك بقسيم الجنة علي ابن ابي طاالب
ترجع شمشموون بخير وسلامة .
صحنه كلنه امين ضحكن البنات والدموع بعيونهن
– هسة تلكون شمشمون مسودنتهم بلسانها .
مريم – تذكرون من كالت يله اني ارجع وحدي للبيت وابراهيم كاللها ما تخافين احد يخطفج
ومصطفى كال هي منو يخطفها ثاني يوم يرجعوها علينة .
ضحكوا كلهم بحزن
غيد – صارلهم اسبوع ولسة ما رجعوها .
كلتها ودنكت ابجي
– والله كلبي يوجعني خاف صايرلهاا شي والله والله خاف كتلوها سوولها شي
اني بعد ما اتحمل والله كلبي رااح يووكف .
حضنني البنات واني اشهك وابجي كلبي محروك عليها
مسحت عيوني من كالت مريم
– يلة غيد المحاضرة راح تبدي .
هزيت راسي وفتت للقاعة كعدت بمكاني واباوع مكانها فارغ
حطيت راسي ادية وبجيت
رفعت راسي من سمعت الأستاذ يسلم مسحت عيوني وكعدت عدل
الاستاذ سمير – صباح الخير .
– صباح النور .
باوعلي وهز راسة
– ماكو شي جديد ؟
– لا.
سكت وبلش بالمحاضرة
الدوام كله خلصته بالقاعة لحد ما طلعت
ردت اروح للبيت
بس مريت على بيت بــارون انطي تلفون شمشون ضل يمي
وصلت لبيتهم فتحت الباب وطبيت لان ادري بي ميكدر يكوم يفتح
دخلت امشي على كيفي ، وكفت بمكاني متفاجأه من سمت صوت شهكات !!
طبيت للهول لكيته كاعد على سجادة وحاط ايدة على وجهة ويبجي بحركة ويشهك
انمرد كلبي مرد حطيت ادية على وجهي ودموعي صارت تنزل على حالته
غــيد – بـــارون .
رفع راسة باوعلي عيونة حمر من كد البجي وشعره مخربط ونازل على وجهه
مسح دموعه بسرعة وجر العكازة سند روحة عليها وكام لم السجادة
بــارون – هلو غيد .
– بــارون .
شهكت ابجي اكثر كعد على القنفه وحط ايده على عيونة ميردني اشوفة يبجي
– بــارون لا تضم شي بكلبك لا تستحي تبجي كدامي ابجي ترتاح .
بــارون – حتى البجيي ماماكدر ابجييي ولجج ناار بصدري والله العظيم نار تجووي روحي جوي
مااعرف شي عنهااا خاايف خايف عليها لج غيد ما انام اذا ما اشوفهاا بفرااشها
وهسة صارلها فوك الأسبووع مادري عنها شييي راح اتسودن وعلي .
رجعنه نبجي اثنينة وهو كلما يمسح دموعه ينزلن اكثر
طلعت تلفونها ومديته الة
– تلفون شمشون بس ماعرف الرمز مالته .
مسح عيونة وباوعلي اخذه مني وكتب الرمز انفتح كعدت بصفه
دخل على الصور طلعن صورها ايدة ترجف وهو يطب على صورتها
كل صورها جانت تضحك بيهن وتسوي حركات بوجها
دخل على فديو هي كاعده بالخيمة ودنيا اليل مبين كلنه نايمات هنا بس هي كاعدة مخلية راسها يم التلفون وضوة خفيف وتحجي
– هلو بارونتي شوف بارون اني ردت ادك عليك هنا بس كلت نايم
باع هذا طب علينة بعير يصيح مووووع مووووع مدري يزئر
ههههههههههههههههه والله يخوووف بــارون صوته يخوف
ادري ماكدر ادك عليك ف صوت هذا الفديو اشوفة الك من نرجع
شوف هذنيي شووف .
دارت الكامرة علينة كلنه نايمات ومتغطايات
– كلهن نامن وعافني وحدي وانتَ خطية ادك عليك واخوفك ف صورت هذا الفديو .
باوعتله صافن على الفديو ودموعة تنكط بهدوء
مسحت عيوني وهو دارة طلع فديو ثاني
جانت كاعدة يم النار واني يمها وهُمام واكف يمنة
نــهروان – بااارون شووف وين كاعدات مكانك خاليي والله
ولو باردة ، تدرري لو مرايحة احسن محد يهتم بية مثلك خاايب اتوبة اطلع بدونك والله .
وصار يطلع صور الها واكفة يم النار لو بالخيمة والبسيارة من الولد يركصون مصورتهم وتصيح
– باارون شوف شوف اني كاعدة بدون صوت والله همه يسوولي واهس حتى اركص بس اني اسمع كلامك مراح اركص .
درت وجهي ابجي وهو ظل يشوف الفديوهات من خلصن طفا وحطة بجيبة ظل ساكت فترة واني هم لحد مكال
بــارون – جانت من تطلع تاخذ تلفونها وتصور حتى متخليني اخاف عليها
من جانت اصغيره تروح سفرات مدرسية تضل تصور حتى من ترجع تشوفني تريد تحسسني اني وياها
عودتها على اهتمامي جانت تكلي احب اهتمام المبالغ بي
عبالها اسوي هيج حتى اخليها تحس روحها هي كلشي بالنسبة الية وهي صغيره وتدلل عليّ
ماتدري كلشي اسوي الها من حبي الها صح فرق السنين بيناتنه مو هواي بس تعاملنه مثل اب وبنتة .
سكت وكام
– رايح للمركز كومي ارجعي لبيتكم لا تقلقين امج عليج .
– اجي وياك .
– غيد !!
– بــارون اروح وياك يعني اروح لا تخليني الحكك بتكسي .
سكت واشرلي اطلع طلعت قبلة قفل البوب وطلعنه اني ويا رايحين للمركز
وصلنه للمركز لكينه الضابط يريد يطلع من شافنة كال
– همزين اجيتوا توني ردت اجيكم .
باوعنة اني وبارون واحد على الثاني بسرعة والتفتنه عليّ
بــارون – خير سيدي ؟؟
الضابط – ….
يتبع …
الفصل التالي اضغط هنا
يتبع.. (رواية تراث النهروان) اضغط على اسم الرواية لتجد الفهرس كاملاً بجميع الفصول.