رواية تراث النهروان – الفصل الخامس
فتحت عيوني بصدمة واحس راح يطلعن من مكانهن
معقوووولة ؟؟
نفس الشخص الي انلطمت بي بالسوك مال الأمام الكاظم كاعد على كرسي ونفس ملابسة ونفس نظراته
نـــهروان – هذاا انتَ ؟؟؟
ابتسم وكام وكف كدامي وهمس بفحيح
– الحمدلله تتذكريني .
– ليش اني اكدر انساك ؟ شلون دست على نعمة الله وما خفت
هو انتَ الله شمسوي بيك وانوب تدوس على النعمة هسة يكلبك قرد .
ضحك بعلوا صوته
لزمني من ايدي وجرني عليّ لوة ايدي ورا ظهري حيل
– تدرين ليش اني ردتج ؟ صعبة وجريئة واني الاثنين احبهن .
– حبك عزرائيل واخذك يمة عوف ايدي وخرر عني .
– انتِ حاليا بأيد الـعُثمان .
– الله يلعنك .
دفعني على الولد الواكف وصاح
– رجعها للغرفه بسرررعة .
جرني راد يطلعني جريت روحي منه وصحت
– وين يرجعنييي الغررفه بااردة شبيك والله اتمرض وامووت .
ضحك واشرلة
– حطها بالغرفه الثانية لا تتمرض خطية .
طلعني واخذني بغير ممر وهم الدكاترة تفتر وممرضات
تعجبت شنو هذا المكان ؟
باوعت على هذا اليسحل بية
– اكلك شنو هذا المكان ؟
– امشي بدون صوت .
سكتت وهو فتح غرفة مقفولة ودخلي بيها
فتحت عيوني مصدومة من شفت الي بيها
جانت كلها جهال صغار يمكن اكبر واحد بيهم عمرة ١٣ سنة!!!
جانوا كلهم ملتمين واكعدين واحد بصف الثاني ويرجفون
شهكت والتفتت على الباب اباوع على هذا الي جابني لهنا
رفع تك حاجب على رد فعلي وطلع وقفل الباب
ركضت كعدت كدامهم يطلعون عشر او ١١ طفل
نــهروان – شنو تسوون هنااا منووا جاابكم ؟؟
يباوعولي وساكتين كلهم يرجفون مديت ادية الزم اديهم باردة ثلج
سودة عليّ الغرفه دافية مفروشة وبيها صوبة نفطية مشتغله
صح فارغه بس بيها زويلة طويلة وبيها فراشات وبطانيات
بس هم يرجفون !!
نــهروان – كلولي منو جابكم هنا ؟
ضلوا ساكتين بس واحد اكبر منهم همسلي
– جنت العب بالشارع وجابوني هنا .
– شكد صارلك هنا ؟
– خمسة ايام .
– وهذولة ؟
– ماعرف منين جابوهم بس كل خمسة ايام يطلعون واحد ويجيبون واحد ابدالة .
– زين عرفت شنو هذا المكان ؟
– لا ماعرف شي .
– شنو اسمك ؟
– سيف .
صفنت عليّ اذكرت سيوفي اخوية سودة عليّ
بنفس الوقت انفتحت الباب ودخلوا اثنين اشرو للولد الي حجة وياي وصاحوا
– كوووووووم بسرررررعة .
بلع ريكة بخوف وباوعلي باوعتلهم وصحت
– وين مااخذينة شتردون منه ؟؟؟
ماجاوبوني اجوا بأتجاهة جروا من ايدة لزمته حيل وصحت
– وين ماخذينةةةة ؟؟
ضربني واحد منهم على وجهي شهكت وحطيت ادية على وجهي
جروا الطفل وطلعوا بدون كلام !
لزمت خشمي ابجي كام يوجعني من ضربتة
كعدت بالكاع لازمته وابجي
– راح خشمي يماما .
التفتت عليهم اباوعلهم يباوعولي وساكتين
نــهروان – خشمي يوجعني تعالوا شوفوا هذولة كسروليااا .
اتقرب واحد منهم لزم وجهي بأثنين ادية وحط ايدة على خشمي
– مابي شي .
– لا لا كسروليااا شوفووا .
– مابي شي والله بس هيجي صار احمر .
– كول وام البنين ؟
– وام البنين مابي شي .
ابتسمت ومسحت خشمي على كيف الله ياخذهم
كاموا كلهم جروا بطانيات لفوا روحهم وناموا باوعت بالغرفه مابيها ساعة
دنكت على ساعة ايدي بـ٨ بليل شهكت وكمت بسرعة
– بــارون !!
كمت افتر وابجي بالغرفه
– بــارون هسه اكيد خايف عليّ يماما وهسة اكيد البقية يدورون عليّ.
كعدت وحضنت رجلية وابجي
– شلون بية شلوون اطلع منا راح يكتلوني حالي حال هذولة الجهال
بــارون يموت والله يموت اذا صارلي شي.
ضليت ابجي واتخيل شلون يركض ويدور عليّ بس نسيت هو ميكدر يركض
بس يكدر يكمز ؟ اي يكمز ويدور عليّ بس خاف يوكع ؟
اعتقد ما يركض يكعد والشرطة ادور عليّ
سكتت صافنه على الجهال شلون ساكتين ليش ميبجون
معقولة ماخايفين ؟؟
اني ارجف من الخوف وهم عادي لفوا روحهم وناموا
هسة اكيد اهلهم يدورون عليهم وخايفين عليهم ضليت افتر بالغرفه
بنفس الوقت انفتحت الباب دخلوا ولد اثنين ملثمين
باوعوا واحد على الثاني واحد منهم عرفته الي جابني لهنا والثاني جان ويا اليغنون بالغرفه الي كالي يماما
– هي هاي؟
– اي.
نــهروان – شتريد مني ؟ شنو هي هاي تعرفني انتَ ؟؟
كال الي جابني
– هاي شكد تحجي .
– ما احجي ما احجي والله سكتت بس كلي وين اني وشتردون مني ؟؟
اتقدم الي جابني وكف كدامي ابتسم وباوعلي من فوك لجوة
مد ايدة لزم ايدي
صرخت ودفعتها وهو رجع جرها
– انتَ منو ؟
ابتسم وباوع بعيوني
– الكمر اني .
– شنووو ؟؟؟؟
– الكمر اني النجم اني اني الخليت علة بـ**** . عدواني .
فتحت عيوني على وسعها ودفعته عني
ضحك الي واكف ورا ودفرة
– تُــــــــراث شبيك!!
تُــــراث – برهووم برهووم .
جرة بـرهوم عني وكفه بصفه وهذا عيونة عليّ
بـرهوم – شسمج انتِ ؟
بلعت ريكي بخوف وهمست
– شمشون .
باوعولي اثنيهم بصدمة مسحت وجهي وهمست
– اقصد نــهروان .
بـرهوم – جا شمشون منو ؟
– هذا الشرير الويا سبونج بوب .
ابتسم بـرهوم
– تعترفين انتِ شريرة ؟؟
– زملائي يصيحولي ونسيت اسمي .
تُـــــراث – شكد عمرج ؟
– 22 سنة .
– وين عايشة ؟
سكتت ما جاوبة خاف يروح لبيتنه وممكن كلشي يصير
– ماعرف .
– ماتعرفين ؟؟؟
سكتت ودرت وجهي عنهم
بـرهوم – يلة امشي .
– وين ؟
– نحطج بغير غرفة .
– ليششش ؟؟؟
– امشي .
جرني من ايدي والأسمة تُـــراث قفل الباب على الجهال واجة ورانه
نــهروان – وين ماخذيني ؟
بـرهوم – احد كايلج هواي تحجين ؟
– ترى انتوا ماخذيني ماعرف وين وتفترون بية وتردوني ما أسأل؟ ماكو هيج وام البنين .
تُـــــراث – طبي طبي دوختيني تنرفزت .
سكتت غصباً عليّ
طبيت طببوني لغرفة هم مفروشة وبيها صوبة وبيها جرباية حديد بيها مخده وحدة وبطانية ودوشك وبنهاية الغرفه باب مبين حمام
بـرهوم – اكعدي هنا .
مشيت كدامهم بدون صوت وكعدت عليها
طلع من جيبة كلبشات وجر ايدي جريتها منه وصحت
– مووو جلبةةة انيي وتربطنييي .
– ما اربطج اكلبشج .
لزمها حيل وحط الكلبشات بيها وحطها بالحدايد مال الجرباية
استهضمت على حالتي باوعتلهم وهمست بصوت مهضوم
– حرام عليكم تربطوني والله .
تُــــراث – ادري والله بس شنسوي .
بـرهوم – امشي .
– خل اواسيها واجيك .
– امشيييييييي .
جرة وطلعوا من الغرفة
جريت البطانية حطيتها على رجلية ثلجت وخرت شعري عن وجهي ومددت ميته نعاس والله
كلما تغمض عيني اذكر بــارون وسيف وارجع ابجي وانام وارجع اكعد
فزيت على فتحت الباب
فاتن بنات اثنين لابسات سيتات نوم وفوكاهن روب ومكياج ولبسهن غزييييييييي
نـــهروان – منو انتن ؟؟
– مو يمج حبيبتي كملي نومتج .
طبن وكفن بالغرفه شوية وطلعت وحدة مدت راسها من الباب وصاحت للثانية ورجعت طلعن ؟
ماعرفت شبيهن هذني بس الأعرفة هذني مو مثلي هذني جايات بأرادتهن
بجيت بعجز يارب طلعني منا اذا مو لخاطري لخاطر بـارون وسيف
والله كلبي مامرتاح اعرفهم هسة قلقين عليّ ويدرون عليّ
ضليت صافنه ودموعي تنزل بهدوء على المخده تمنيت هسة عندي تربة حتى اصلي وادعي عليهم
انفتحت الباب رفعت راسي تفاجأت من شفته
هذا العُثمان
فزيت بسرعة عدلت كعدتي وصحت
– لا تدوسني .
حضن ادية لصدرة وكعد كدامي على كرسي
– لا لتخافين مو هسة ادوسج بس اخذ الأاريدة .
– منين ؟
– منج!
فتحت عيوني وصحت
– شعندييييي انيي شتريد منيييي ؟
– خل نخلص من الجهال وتعرفين شنو انريد منج .
– شتسوي بالجهاال ومنين جبتهم ؟؟
– ما اريدهم اريدد البداخلهم .
سكتت اباوعلة وجسمي يرجف من الخوف حتى ما اكدر ارد عليّ
همست
– روح عوفني واطلع .
– صار .
كالها وفتح الباب وطلع
شهكت وغطيت راسي ابجي
– بـــارون وينك تعال طلعني مناا
يماما راح يغتصبوني ويكتلوني ويشمروني وخاف النبي يوسف لكوا قميصة حتى لبـ*ـاسي ميكلونة .
مسحت عيوني واتغطيت بالبطانية ارجف من الخوف ومن البرد
ضليت يومين هنا محد طبلي مرة ثانية غير وحدة من البنات شالن الكلبشات ويحطلي اكل ويطلعن
باليوم الثالث بعدني بنفس الغرفه
انفتحت الباب رفعت راسي اشوف منو دخل واحد سمين ويمشي وتطوطح ويحجي كوة
– هلوو شلونج .
شهكت وطفرت وكفت على الجرباية
– منووووو انتَ !!!
– انا الحمزة .
– ياااا حمزززة ؟؟؟؟
– الأمام الحمزة انا ما تعرفيني ؟
– شاالك وركعك الحمزززة امشيييي اطلععع مناااااا .
– انا الأمام الحمززة .
يحجي ويرفع ايدة لفوك ويحركها عود سِيف
كمت اصرخ عسى ولعل احد يسمعني بس ماكو اي احد سمع صوتي
نــهروان – سااااااااعدووووووني يمااامااا يااعلييي مروتك .
كمت اصرخ حيل وهو جرني من رجلي وكعني من الجرباية على ظهري
كمت ادفر بي وهو يجر بملابسي ويحط راسة بصدري ويهمس
– اووف اصبرريلييي لا تتحركين .
– يمااااااااااااامااااااااااااا لحكوووونيييي يماااااا .
كمت ادفر بي واصرخ
ماكدر احرك منه ولو شوية من كد ما سمين ونايم فوكاااي !!
صرت ادفر بي على بطنه واضرب بي بس ولا تحرك
كمت ابجي واصرخ
– يماااااماااا لحكوننيييييي .
ماحسيت الة انجر مني وانشمر بالكاع صرخت بسرعة طلعت اركض من الغرفه وابجي واشهك
– يم البنين مروتجج يم البنين .
بعدني اركض وحسيت احد جرني من ايدي وشالني على جتفة
كمت اصرخ واضربة على ظهرة
– نزلنيييييي نزلنييييي ولك نزلنييي .
– نرفزتيني .
سكتت من سمعت صوتة
فتح وحدة من الغرف ونزلني بيها دفعته وكفت ابجي والطم على رجلية
– اريدددد ارجععع يم اهليي رجعوني الله يخليكم رداوا يغتصبونييي
شتردون منييييييي .
تُــــراث – كتلج وارجع اكلج هو يريد مو احنة .
– طلعني منا .
– جا طلعتها .
كالها وراح يمشي للجرباية الموجودة بالغرفه نزع تشيرتة وضل بالفانيلة وشمر روحة عليها
حضنت روحي وخليت راسي على رجلية وابجي
تُـــراث – اسكتي نرفزتينييي !!
شهكت بصوت ومسحت عيوني
– صوتج !!
– غير دا ابجي .
– ابجي بصوت ناصي .
سكتت بس الشكهة مجلبة بـ بلعومني رفع راسة وصاح
– شكد مزعجة خرب ابليسج .
– هسة شتردون مني ؟
– خااايبة مو احنه هو يريدد .
– شيريددددد ؟؟؟؟
صفن بوجهي وكام كعد ركبة ونص كدامي لزم وجهي دفعت ايدة وصحت
– لاا تلزمنيييي .
– اصبرري .
رجع لزم وجهي ويفر بي يمين ويسار
– انتِ حلوة .
– وخررر ايدك .
– تخبلين .
– ايدك نزلها .
– بعلي اطكين بالكاع .
– راح اكسرها .
– صاكة .
ضربتة بوكس على بطنة هدني ولزم بطنة
– اخخ خرب ابوج والله عليها أيد .
– طلعني منا .
– عبالي فاهية.
– شيريد مني عُثمان .
– يريدج ألج .
– شيسوي بية ؟
– مثل اليسوي بالجهال بس انتِ راح ياخذ اكثر .
– متخافون من الله .
– لا نخاف .
– طلعوني .
كام من كدامي طلع جكارة ونزع اللثام عن وجهة
باوعلي وابتسم
صفنت على ملامح وجهة احس شايفتة بس ما اتذكر وين
عيونة مسحوبة ورومشة من كد ما طوال يوصلن لحواجبة
وعبالك مكحلات لحيتة خفيفة خشمة وسط وبي شامة قريب عينة اليسرى
فكة حاد منطي لمسة حلوة لللحية مالتة
كعدت على الجرباية وهو كعد بالكاع وكام يغني
– حبيبي هد هد حيلي
– وخلاني اسهر ليلي
– منة صحت ياويلي
– أووف يـــابــــة .
فتحت عيوني مصدومة هذا يحجي صدك
صوته حيل حلوو وهو يغني ابتسم من شافني اباوعلة وغمزلي
دنكت راسي وهو كمل
– حبيبي تعديت انتَ
– دست على كلبي وخنتة
– انوب مخليها سكته
– اوووف يــــابـــة .
حاولت الزم نفسي ما ابتسم لان صوته حيل حلو وهو يغني
ضليت مدنكة وهو يغني رفعت راسي وصحت
– كاافي اسكت اسكت .
كام وكف كدامي وجر نفس من الجكارة ونفخة بوجهي
– حبيبي بس بس كافي
– وياي ابد مو صافي
– بحضن غيري غافي
– اوووف يـــابــــة .
– بذيج السنين الفاتت ، مرت علينة وراحت، عشرتنه لعبة جانت
– اوووف يــــابــــة .
تــــراث – اوووف يااابة .
نــهروان – شبيك انتَ ؟
– كلشي مابية .
شمر الجكارة سحكها برجلة وجر تشيرته لبسته ولبس اللثام وطلع من الغرفه بس ما قفلها
ضليت صافنة على الباب خاف يرجع يقفلها بس ما رجع
كمت على كيفي مديت راسي من الباب
لكيت سسترات واكفات يم باب ويسولفن بس مبينات خايفات
باوعت الجهة الثانية فارغه باوعت عليهن جانن ملتهيات
فتحت الباب وطلعت على كيفي
لكيت ممرات شكد وكل ممر بي غرف هواي ويتبعة ممر اطول منة
دورت على مكان بي درج حتى انزل بس ما اندل حتى تيهت اني منين اجيت
بلعت ريكي بخوف من سمعت اصوات بغرفة بنهاية الممر
مشيت على كيفي وكفت يم الباب اسمع
صار هدوء ورجع صار صوت تكبير بصوت عالي وبعدين صار هدوء
فتحت الباب على كيفي اتفاجأت من الي شفته
جانوا خمسة زلم وكلهم ملثمين وفارشين سجادات ويصلون !! وعلى ترب يصلون ؟
ضليت واكفة بمكاني اباوعلهم ومتفاجأة
وين اني ومنو هذولة وشنو يسوون ؟؟ الأطفال شتسوي هنا الدكاترة ؟
وهم اصلا شديسوون ؟
فزيت من صفنتي من كملوا صلاتهم ردت اطلع بس طفر عليّ واحد ولزمني
باوعت بعيونة عرفته هذا ” تُــــراث ”
– شلون طلعتي وشتسوين هنا ؟
باوعت على الواكفين ورا عرفت بس بـرهوم البقية ما شايفتهم
نــهروان – عود انتوا تصلون ؟؟ تخطفون الناس وتعذبوهم والله يعلم شنو تسوون بيهم وتصلون ؟؟ ديانة هاي ؟؟
ضحكوا كلهم وتُـــراث كال
– أمكانية يعجبوج ، شايفة هذا حاج بيت الله مرتين وكتل اربع زلم .
كالها وأشر على واحد متجتف واكف يباوع علينة
شهكت وحطيت ايدي على حلكي
– انوب تكتلون ؟
بـرهوم – نكتل ونذبح ونصلخ ونكصكص ونشوي مو كالج تُــراث امكانية احنة .
نـــهروان – عليكم الله رجعوني لبيتنه .
دفعني تُــــراث على بـرهوم وصاح
– بعلي بس تعديها بعد طلقة براسها وأقرب حاوية اشمرها .
سكتت بس دموعي تنزل بهدوء طلع الموضوع مو مثل ما اني متخيلة
الموضوع يخوف اكثر وخطر
لزمني بـرهوم من ايدي وجرني من ايدي ويحجي
– شطلعج انتِ ؟ ماتخافين ؟ ترى المكان هنا مو مثل ما عبالج اليلزمج ما تطلعين من ايدة اذا مو جثة .
سكتت بس جسمي يرجف بين ايدة اتمنيت بــارون يمي
لو يحطون بنص الاف المجرمين وبــارون يمي مستحيل اخاف
وصلني للغرفه ودخلني راد يشد ايدي بالجرباية حجيت بصوت مخنوك
– لا تربطني .
– اذا اعوفج اتطلعين والعُثمان ميقبل اقفل الباب .
– ما اطلع والله .
ما سمع مني شد ايدي وطلع
شهكت ابجي ولازمة ايدي ضبها حيل بالحديدة مال الجرباية
جريتها اوجعتني حاولت افتحه ماكدرت كلما احاول افتحة ينضب اكثر
عفتها وضليت صافنة بالغرفة ماكو سالفة ما خطرت بالي
هسة يطبون يكتلوني
هسة يطب احد يغتصبي
هسة يحركوني
هسة بارون شنو يسوي ؟
هسة شصاير بيهم هم يدورون عليّ لو أيسوا ؟
مسحت عيوني وضلت اباوع بالغرفة ساعة امدد حرت شنو اسوي
انفتحت الباب دخل تُـــراث جر كرسي وكعد عليّ
– شعدك اجيت هنا ؟
رفع راسة خزرني ونتر
– انتِ ملاحضة نفسج اتماديتي هواي ؟؟ ترى انتِ مخطوفة ماجايبينج نلعب وياج حلكج سدي واسكتي كلمة زايدة اشمرج من الطابق السابع .
فتحت عيوني وصحت
– اكلنييي وشربنيي اكلنيي وشربنيي شحجيت انييي ؟
– باع باع لسانج شطولة ماتعرفين تسكتين ؟
– جاوبني واسكت .
– لا اله الا الله .
– والله لو الزمكم احرك البيت مدري الشقه مدري شنو هاي فوك روسكم .
– بيج حظ .
سكتت اخزر بي وهو رجع راسة على الكرسي ويدخن
باوعت على ايدي صارت حمرة من الشدة مالت بـرهوم ومن البرد احسها تصل عليّ
نــهروان – افتحلي ايدي .
ما جاوبني دفرتة برجلي هم ما رد صحت
– اااافتح ايديييي .
فزيت من صاح
– ولججججج اسكتيييييييييي .
استهضمت من صاح بي دنكت راسي وهمست
– ايدي توجعني .
رفع راسة باوعلي ، شمر الجكارة بالكاع وكام راد يفتحها ما انفتحت
طلع سجينة من جيبة اصغيرة وكصة جريت ايدي امسح عليها
نـــهروان – شوف ايدي شصاير بيها .
باوع على ايدي حط السجينة بحلكة جر ايدي لزمها وباوع على الحمار مالتها
تُــــراث – يرادلها كص اذا تظل تموتين .
فتحت عيوني بصدمة وهو لزم السجينة حطها على الوريد
صرخت وسحبتها
– يماامااا .
ضحك ونزل السجينة وكام طلع برة سحبت ادية لصدري اباوع على الباب واشهك
– مطية مطية انتِ تريد مجرم يساعدهاا وهو لو بيدة يكتلني اليوم كبل باجر .
ضليت بهاي الغرفه ومرن كم يوم ماشفت احد مجرد بـرهوم يحطلي الأكل ويطلع
بيوم هم ما قفلوا الباب وهاي المرة كلت لازم لازم اشرد منا
فتحت الباب وطلعت اتمشى على كيفي عبرت الممرات مثل هذيج المرة
بس هلمرة وكفني اصوات مديت راسي من يم الحايط اباوع جانوا دكاترة اثنين واكفين يسولفون
– شنكلة ؟
– يدري يدري بس نزلة جوة وهم يتصرفون .
– اذا درة يذبحونة .
– لاااا تكلة ! ماراح يشوفة وراك هو نزلة ومثل كل مرة كلة ” مات ماتحمل ” وهو ماراح يحجي شي .
– ميخالف بس اذا درة اكله انتَ .
– بس اسكت ونزلة بهدوء ولا تبين ماراح يدري لان راح يمثل بيها !!
فتحت عيوني على وسعها عليمن يحجون هذولة ؟؟؟
بعدني ما متحملة الصدمة انفتحت باب طلعوا منها سدية مغطاية بجرجف ابيض ومشى بيها واحد منهم
شهكت بخوف ورجعت ليورة
هذولة منو ؟؟
يتبع …
الفصل التالي اضغط هنا
يتبع.. (رواية تراث النهروان) اضغط على اسم الرواية لتجد الفهرس كاملاً بجميع الفصول.