رواية الموروث نصل حاد – الفصل السادس عشر
مسحت دموعي بملابسي وبلا حواجز خليت عيونه
بعيونه تخربطت حالته يحتار وين يدير مني
بكف ايده يضم التشوهات بحجة يلزم راسه متوجع
ميمونة : ومتندمة ، صار سنتين أتعالج من انهيار عصبي
انا ما انام منظرك مايروح من راسي الف مرة اموت باليوم .
گعدت على ركبي مقابيله جريت ايده من وجهه وهمست
_ استاهل تموتني اذا ترتاح بموتي موتني .
بندر: تموتين بدون ما تتعذبين مثل ما عذبتيني .
ميمونة : اذا تظن ماتعذبت بالفترة الفاتت
عادي مثل ما سويت بيك سوي بيَّ احرگني .
بندر : كلام سيد مصطفى صحيح ؟
وهمتيني بحب حتى حصة امي تصير المهر مالتچ .
ميمونة : انا حبيتك ، بس .
بندر : بس اكو هيچ خطة
ساجر مايحب يطلع املاك ابو واجداده للغربة
وانا غريب ورث امي راح يرجع لبندر ابن السيد .
مسحت دموعي حاولت اجاوبه
حتى يفهمني قبل لا نوصل للنهاية
ميمونة : هذا تفكير ابوية صح ، بس انا والقران حبيتك .
بندر : امداني ظنيت انتِ تختلفين عاندت الدنيا
الخاطرچ غلطت عمري انتِ ميمونة غلطت عمري
شگد رخيصة وعقلي وهمني انتِ ذهب صافي .
أريد أجاوب صاح بصوت مخيف حضنت نفسي
وجروح الماضي كلها انفتحت من كلامه
بندر : لا تكملين لا تسمعيني صوتچ لا تكملين
وانا الغبي فرحان تزوجتها طلعت مجبورة عليه .
ميمونة : والله ما ارتاحيت والقران بيش احلف
انا ما جنت بخير ولليوم مو بخير
ما هنت عليَّ انتَ ما هنت وما نسيتك
صح انا ما اريدك بعد ، وعلاقتنا صارت
مثل جبال مبتعدات ما نكدر نتقبل بعض بس ما هنت .
سحبني من ايدي يسد بعيوني مارضيت
استسلم وانا ثبتت بين ايده استمع يعاتبني
بندر : اتذكر حياتنا قبل واحلامنا
تخطيطنا اتخبل تريدين اتخبل
الحلفان انتوا تعبدون الله وتحلفون بي جذب
هسة انا شلوووون انسى شلوووووون .
عصر فكي بين ايده فقد اعصابه ضربني
ضربات ما عرفت منين انكفخ منا ومنا بكل حقد
يمردني مرد شمرني بزاوية الغرفة
يرفعني ويرگعني يصيح
بندر : لچ روحي خليت روحي بيدچ
ريحي گلبي دبري حل فكري انا ما ظل عقل براسي
افكرررر بي شبعتوني ضيم من ارتكب بيكم
جريمة كلكم احد يلومني .
ضحك بهستريا ومرد فكي اصرخ
وسد بشفايفي حتى اسمعه رفض صوتي
بندر : يگولون مخبل من ارتكب جريمة مو ؟
موت زوجته واهله وشكو عار تعرف عليَّ
ومر بحياته هسة اريد واحد فات حياتي بي خير
ولكم ضيعتوا حياتي موتكممممم حلال ضيعتوني
شلون اصلح گلبي گلبي ولكمممم گلبي شلووووون يتصلح.
صرت جثة بلا روح ماعندي قوة ادافع عن نفسي
دموعي تصب ما شلتها من عيونه
ضرب على راسه جن جنونه
_ وهذا عقلي شنو يهدي أعيشه بوهم
اخلي عقلي يعيش بوووهم اريد اتوهم كل هذا ما صار
بيه ، اوهم روحي ابوي وامي واحد يحب الثاني
وانا عايش مرتاح بينهم وكلشي اتمنى يجي
عندي ودموعي عزيزة وانام مرتاح ما اخاف
وفراشي مرتب بيتنا دافي وانام على ضحكات اهلي .
ضغط على رقبتي وكمل اعتاب
بندر : وانتِ وابوچ ما ضحكتوا عليَّ وبعدنا
متزوجين انا مو مشوهه وعايش طبيعي
وامي مو مريضة وتاكل كلشي وانا
ما انحرم من الاكل الخاطرها حتى
لا يصير الاكل بنفسهاااا من اكل يمها
وانتِ حامل انا انتظر طفل منچ وكل
ليلة نخلصها بحبنا مرتاحين
يا محلى الوهم من واقع ظالم .
ميمونة : كافي تضرب راح اشرد منك راح اخلص منك والله .
بندر : عبالچ اموت مو خيبت ظتچ من عشت .
استسلمت تحت تأثير خوفي وملامحه
بأخر ضربة منه على راسي فقدت الوعي
ماعرفت شكد مر وقت صحيت جسمي
يتعرق من حرارة المكان ، استوعبت بعد فترة
مكاني اختلف والبيت مو نفسه هل بيت
دخل بكامل قوته يخطي بكل ثبات
ثابت ونظراته مثبتها عليه ، ابتسم بخبث .
قبض گلبي وفقدت الأمل اخلص
خليت إيدي على راسي وصرخت بصوت
هز گلبي وما اهتز هوَّ ، بالعكس تقرب
متشمت نزل ساند ايده منا ومنا على سريع وهمس
بندر : هسة غدرتيني مرة والثانية شايفتني زوج
واخليچ تغدريني الثالثة ، الملعب ملعبي
انتَ خلّص شغلچ راح استلمچ بالثگيل .
طگطگ رگبته وگعد بصفي سحبني
وايده مثبته وجهي متعمد يخليني اطول نظر
بوجهه ، ومتقصد يريد ابعد عيني حتى يرجع يضرب
شهگت ودموعي بحرارة تنزل على خدي توگع على ايده
بندر : انتِ ما تبچين لأن ما شردتي واخوچ وصل
المشكلة تعرفيني ناوي اموتچ وخايفة من نهايتچ .
هز راسه متحلف وبتوعد نتر
_ وروح امي ناوي اموتچ موته .
_ أهون عليك ؟
_ وروح امي تهونين ، مثل ما هنت تهونين
وتستاهلين كلشي يصيّر بيچ .
ضغط على وجهي وصاح بگلب محروك
بندر : سمعت منهم عشتي حياتچ طبيعي
وتصلين وتصومين صحيح ؟
ميمونة : بس ا…
_ جاوبي على گد السؤال .
_ اي .
_ چا من قريتي قران ما عرفتي صلاتچ
وصومچ الله ما يتقبلها دام انتِ على عصمتي
وزلمتچ ما راضي عليچ ، لو تتعبدين ليل ونهار
الله ما يتقبل منچ يا مجرمة .
سحبت وجهي منه وزاد انهياري من كلامة
عاشرته وحفظته بندر مو سهل وتهديداته راح تتنفذ
ميمونة : كرهتني ، اكو كره بعيونك .
بندر : وياويلچ من بشر حب وثمن حبه خذلان
يا مصيبه اذا تحول الحب بيوم حقد اضعاف الحب .
ميمونة : ما اسامحك اذا تعذبني ، موتني بلا تعذيب
وابريك الذمة والله مـا اشيل بگلبي عليك اذا موتتني .
بندر : ههههههه تموتين هيچ بسهولة بدون وجع ؟
المهم ما استعجل مو هسة وكت موت
اخذ حقي منچ والباقي محلوله .
ميمونة : شلون راح تاخذ حقك ؟
بندر : احتفظي بسبب جريمتچ بعد ما اريد اسمعه
واي تبرير تبررينه اگضي بيچ التوبة ، ما اريد تبريرات
هي جريمة مايفيد كل الكلام مايفيد ، ما تستاهلين
اخلق اعذار حتى اجمل صورتچ بعيوني .
زادت دموعي وگلبي احس بطابوگه
على گلبي ، اهز بجسمي رافضه تهديداته
راح يمشي وقبل لا يطلع بلغني
بندر : ساعتين وتعرفين شلون اخذ حقي منچ
ارتاحي بالساعتين لان بعدهن اطير النوم
من عيونچ عمرچ كله .
صوفر وجهي احس الدم بعد حتى ما يمشي
وكل اطرافي جمدت ، على طول هل ساعتين
اصوات حد السجاجين والحديد يرن ويرج بالمكان
وما رخت اعصابي بعد ودموعي ما نشفت
ريحة حرق حديد عبالك حديد مايع قوية ريحته ذباحه .
الساعتين عدن والثالثة راحت تركتني على اعصابي
اموت بالدقيقة الف موته ، بالرابعة رجع وسيخ
النار بيده وبالثانية بطل شرب كحول
صاحي ملامحه عبالك بس مو بوعيه عرفته من كلامه
بندر : مو لازم اتمم زواجنا ؟ وين اكو واحد يتزوج وصار
سنتين وثلاث اشهر وما متمم زواجه ؟
رفعت اصبعي بوجهه رافضه هل مبدأ
ميمونة : ما أرضى ولا اتقبل واذا تجبرني يعتبر اغتصاب .
بندر : مو اغتصاب للعلم اذا الرجال راد
زوجته بفراشه وهيَّ رفضت الملائكه تلعنها
وتخيلي صار سنتين واشهر اريدچ بفراشي
حتى الجن تعب بگد ما لعن بيچ مو بس الملائكة
بس هم انا شريف ما اجبرچ برضاتچ كلشي يتم برضاتچ .
يحچي ويتقدم صار قريب مني رفع السيخ حامي مجمر
لونه صاير دم بگد ما باقي على نار لزم رگبتي ضغط عليها
ويقربه مني ، انبلع لساني اريد اصرخ ما اگدر گلبي
بعد ما يگدر ارعش بخبال من التشنج الصار بجسمي
بندر : تريدين نتمم زواجنا .
_ اي اقبل اريد اريد نتمم بس بس عوفني .
_ بطلة مريتي بطلة .
ابتعد شرب من البطل وبالسيخ
يأشر بنبرة تهديد هددت موقفي
بندر : دقيقة وحدة اريدچ گدامي
بلا ستر الله كما خلقچ توكلي .
_ بندر حباب لو تروح تنام باجر ها باجر حباب مو
تگعد ويرجع وعيك حتى نتفاهم حتى نحچي .
رفع ايده بيها البطل واصبعه على شفايفه بمعنى ” اسكتي ”
رجفت شفايفي غصيت اكح وهوَّ ولا أبالي
ميمونة : أبوس ايدك لا والله من تصحى .
بـندر : ضحكتيني اصحى تريدين اصحى وين گلبي
ينطيني اعذبچ وارخصچ واذل بيچ وانا صاحي ؟
حرت وين انطي وجهي وشلون ادافع على نفسي
كل الكلمات ماتفيد وياه قافل ومل من الانتظار
رجع ودفعني على سرير ضغط على وجهي
بيده وبيده الثانية قرب السيخ من شعري
اسمع بس صوت شعواط وريحة عطاب
رفست واتوسل بي يعوفني من صوتي
عرف گلبي راح يوگف بعد من الخوف هاي هيَّ .
نهض ثابت على نفس هيئته الثابتة
شكد شارب بس قوووووي ومفتح عبالك ما شارب
بندر : يلة حيوووووووانة .
وكفت والموت بهل ذل اهون ولا يحسسني بهذا الضعف
قرب السيخ ويأشر بمعنى نزعي الملابس
تجردت منهن بقمة الضغط والإجبار
حضنت جسمي بيدي مو بس خجلانة
تمنيت اطم روحي على هذا الوضع
الدنيا كلها تفتر بيه راسي عقلي هذا
عقلي وگف وعيوني تبث حرارة مو بس دموع .
بـندر: اكعدي جوا رجلي .
ميمونة : مو …
قبل لا افكر حتى ازيد حروف واكمل الكلمة
دگات گلبي وگفت وبمعجزة عشت من قرب الحرارة
من جسمي رجفت تعذبت تعذبت احتار وين اطم
روحي من هل عذاب والذل ريتني ميته
وهوَّ براسه انا استاهل كل هذا ولازم اركع تحت رجله
تمنيت اكو حل لو يسمعني ويفهمني خايفة
خوف مرعوبة رعب ايام عرسنا وهوَّ يحبني
ويتفهم ما سويتها شلون بيَّ هسة .
ركعت تحت اقدامه ، قرب ايده جر القراصة فتح شعري
صرت اهتز من الضعف عكفت نفسي
ونزلت جسمي على رجلي اغطي بروحي خجلانة
ما نشفت دموعي ابد ما نشفت
بندر : ارفعي راسچ شوفيني واشوفچ .
خليت عيني بعيونه وشفايفي السفليه تهتز
وعيوني انتهت بعد من البجي نظرت نظرات عتب
على ثباته وقفت رگع البطل بالحايط وصاح
_ لاااااا تعاتبين نزلي عينچ .
تغير من الثابت للمدافع ايد بيها سيخ
والثاني بطل الكزاز وبوضعيه الدفاع رسخ نفسه
يحارب حتى ما يضعف ، نزلت ايدي من جسمي
وبلحظة ما طاحت دمعتي تخردل عبالك حاجز
بيناتنا يريد يقترب ويتراجع كل خطوة يتقدمها
يرجعها بخطوتين ، ما راضي على تراجعه بين
يكسرني وبين ضعف ولازم ينفذ كلامه احتار
انقهر من روحه رفع السيخ وحرق نفسه
حرك ايده من المعصم فوك الوريد وتحرك سريع
يطلع ويحفر بالحايط بالسيخ يضربه بقوة .
سلب روحي خلاني فاتحة عيوني ما مصدگه
جريت ملابسي البس بيهم واركض طلعت
صرت بوسط صالة فارغة ، فتحت باب مسدود
طلع المطبخ ، وباب ثاني غرفة فارغة بيها مشروب
والبيت بكبره فارغ ، الملم بشعري وبقيت
بالباب انتظر دخلته اطحل من القهر عافني وطلع
خلاني اموت ، يزيدها على روحه مستمر يزيدها
دخل متعمد يتعداني فات للغرفة من ملامحه
مكشفوف تعبه تعبان تعب مخيف .
شمر روحه على مخده على ارضية گعد
وجر البطل قبل لا يشرب تمسكت بيده
ميمونة : اصحى عوف هل سم .
_ احچي عدل .
_ تمام حباب خليني اخذ هذا منك .
_ كتلت همام وانتِ السبب .
بهتت وفتحت عيوني بعدم تصديق
احسه ضربني سجين بكلمته
ميمونة : مات ؟ كتلت اخوي ؟
اخذ البطل شرب وهز راسه بمعنى ” اي ”
_ اي ، شنو اي مات .
بندر : خابرت وارث وحذرته يعوفني يبطلون
يدورون مو اوادم كتلته واكتل بعد شكو واحد يدورنا .
وكفت رجلي بعد ما تعيني ملخت وجهي
فرفح روحي فرفحهاااا بكل برود يحاجيني بكل برود
ميمونة : كتلت همااااام لا تجذب يعني موتت اخوي
خلاص بس فهمني احچي عدل فهمني .
بندر : انتِ السبب خابرتي سمعت من خابرتي
وانتظرت يجي ومن اجاني كتلته ومثل الچلب شمرته
بالبيت ، باطل اهلچ كلهم باطل دام يعرفون بتهم
شوهتني وغلطانه ويحمونها اذبحهم .
فار دمي من طريقة كلامه ، صدمني صدمة ما بعدها صدمة
جريت بطل من الأرضية ولزمته بكل قوتي ضربته
بي ضربة بعد الثاني وهوَّ مكتفي يرفع ايده يتفاداها
توسلت يحچي الحقيقة يتجاهلني ، فلشت البطل
وخليته الباقي من الگزاز على رگبتي وابتعدت
من انتفض ونهض على حيله مرتعد
بندر : ميمونة ذبي هاي منچ شمريهاا .
ضغطت على كزازه جرحت طرف رگبتي
سال الدم منها سريع ، بس ما حسيت بوجهي
عقلي فصل على اخوي بصريخ حاجيته
ميمونة : تموووووت اخوووي وبكل برود تحاجيني .
بندر : راح اموتچ لا تتهورين لا ..
_ لاااا شنووو تضربني ، تغتصبني ، تعذبني
لاااا شنووووو ول اخووووي وين حاجيني .
رفع يجاوب يأشر بيده روحه فرفحت حتى انزلها وما نزلته .
جريت بداية رگبتي بدون وجع ما مهتمه
دموعي وحزني وخوفي عند همام
ميمونة : تريد اتوسل بيك وابوس بيدك .
بندر : لا كافي الدم راح يخلص شمريها واحجي كلشي .
_ وين اخوووووووي وينه احچي أحسلك .
رفع ماي شرب ريگه يبس وجهه صوفر بطريقك مخيفه
بندر : تضاربنا انا وياه وگع عفته هناك .
بيدي الكزاز وألطم ما مستوعبة كلماته
بندر : لاااااااا اوكفي بس اكمل راح
يطير راسچ بالگزاز خليني اكمل .
_عزا العزاني صخام بوجهي يموت اخوي
ويگلي بسببچ يضرب اخوي ويفرها عليَّ .
رفع تلفونه اسمعه يرن وبين مايرد يفهم بيَّ
بندر : تهجم عليَّ بالسلاح ضربته چا اصفن
بوجهه اطيح صبغه ، ومن طلعنا بالسيارة
خابرت الغبير مالتكم غير يجاووووب .
سمعت صوت وارث يجر بالكلمة جر
بگد ما تعبان نقبض گلبي اكثر من قبل
وصوت رمي واضح قريب منه وترني
بندر : اخوهـا بي شي ؟
وارث : بندر ضربت اخوي اذيته والله يعلم
شمسوي بأختي ، قربت وراح اطيح بيدي ما ارحمك
اخووووووواني خط احمرررررررررر اخواني ما ينضربون .
سد الخط بوجهه حتى ما فهمت منهم شي
زين مو زين ما اعرف وعاند ما يرجع يتصل
غلق الخط جنني دفرت كل ابطاله السم تكسروا
وصاروا يمشن من تحت رجلي ، اريد اطلع
من غرفته نهض يريد يلزمني اذا اوگع بيده يملخني
رجعت الگزاز على رگبتي وصرخت
_ والله وداعت امي اموت روحي لا تقتررررب
شتريد مني شتريدددددد ما اريدك افهم ما اريدك
تعبتني انتَ تعبتني .
بندر: لا تشوفيني ساكت وتخربطين بالكلام
ولا تفكرين خايف عليچ وروح امي مو خوفاً
عليچ بس اذا تموتين ما يكولون انتحر يتهموني بموتچ .
يريد يدخل يرجع للغرفة عطت
ميمونة : وشكو بيها جديدة عليك القتل
متمرروس صرت مريض وهم مثل ما گال ابوك
لو مو مجرم ماتضرب اخوية وتعرفه ماتدري ميت عايش
بس ليش مصدومة
” إلي يتاجر بالنسوان كلشي اتوقع منه ”
توقف مصدوم من اخر جملة نطقتها
والتفت عبالك صوبته طلقة ، وجهه محتقن
صاير احمر وعيونه مصبوغات دم
ودمار على طول راسه وحاجبه بين بوضوع
هجم عليَّ عطيت راسي و..
ملكِه ..
اول كفخه مرعبة خلستني اخذتها من الموروثين
مشهد قتل مُـرجانـة منظّرها يتراوالي دمها يسيل
مذبحه من كل صوب ، من خوفي عليها مدري
منين إجت الجرأة لفيتها حتى استرها
ما اكدر اتخطى ركضت بيرغ ولطمي وصراخي
ودخلت وارث زادت فزتي من جحظت عيونها
وبحالة جنونية مثل الطفل تحول بهيبته
وضخامته يهتز ويسأل وخايف من الجواب
وارث : بروح ابوك لا تگول موتوهاااااا .
بيرغ : عايشة بيها نفس اخذها .
اريد امحي هل مشهد حتى صوتي بلعته
راح انتهيت من الرهبة ، فك الباب مفرفح
متعوب متحير حيرة الله لا يبلي عبده هيج بلاء .
سحبه بيرغ صعده بالسيارة وراح بيها
خابر على همام وسهم ، واخذني للسيارة ركبني
يضرب على ستيرن جن جنونه ويردد
” كون مو امي ، بجاه كلمن عنده جاه مو امي ”
لعدة ثواني ماشلت عيوني منه يرجف
مدري شلون يسوق على ساعة نسوي حادث
ويفوتنا بالسيارات ، حتى ما ادري وين رايحين
بچيت من تذكرت المنظر همست من بين شهگاتي
ملِكه : مغتصبيها ، البنية صغيرة .
نظر بعيوني بنظرة عجزت افسرهـا غير تفسير
شفتها خوف ، عبالك يعرف منو وشاك بأحد بس
يجذب بنفسه حتى مايخسر وارث
ملِكه : احسك تعرف منو وراهـا .
بيرغ : مو جنت وياچ منين اعرف عندي علم الغيب .
فرك وجهه ولم شفته بأسف ، شخط السيارة وبادت قوتو
أيده نزلها فاقد وكأنه استهلك كل قدرته على تحمل
يباع على سيارات وعيونو تلمع مثل الطفل واگع
بمصيبة وخايف من ردات فعل العالم اذا عرفت .
دحگ على ايدي مليانة دم وترتعش بطريقة مبالغ ببها
اختلست بعد حتى عقل ماعندي ، نزل من السيارة
وافتر على صندوق وافتر على جهة الباب مالتي فتحه
وسحب رجلي طلعها من السيارة واخذ ايدي
فتح بطل الماي يصب عليها ويفرك بيها حتى يطيح .
ملِكه : انا خايفة بيرغ ، بعد ما ارجع لذاك البيت .
بيرغ : مانرجع ، منو گال نرجع ، لا تخافين انا موجود .
مد جسمه داخل السيارة من جهتي صكيت
ومستمرة انوح واون وادگ وألطم على رجلي
اخذ كلينكس يمسح بيدي نشفها حجيت بضياع
_ وين رايحين ؟
_ ارجعچ ألبيت اهلچ .
احس بضغطي هبط وجع بعيوني ، ذب حسرة وشغل
السيارة عض اصبعه متحسف مايدري بنفسه
بگد ما معصب وضايع صار يفكر بصوت عالي
” تعرفه حبها دعوفها دنت روحك عليها ”
يبس الدم وزاد خوفي منهم كلهم هذا شقصده
حتى اخاف اسأل ما احزر ردت فعلو اخاف تكون
عنيفه ويجرحني ، كمل الجگارة شمرها وعيونه
حزينة لأبعد الحدود بعد فترة رجع يهمس
” حالفين تكسرونه ، شحالك لو تعرف اغتصبها ”
وصلنا على بيت اهلي بدون مايخلي عيونه بعيني گال
بيرغ : ممنوع اسرار بيتنا تطلع ، ما اريد ازيد كلام
اكتفي بهل حد تحذير بسيط اعتقد مو طفلة انتِ
وتفهمين كائن من يكن حتى اهلچ مايعرفون .
نزلت اول ما فتحوا الباب شخط السيارة وراح
جنى تفحصني من فوك لتحت ، اريد انزع حذائي
اكتشفت ماكو شي برجلي واجيت حافية
امي كاعدة بالصالة عينها على رجلي افكارها
تاخذها وترجعها وحقها على هل منظر يفشل خزي .
ام ملِكه : يا يمه بس لا ضاربها هل ضويبط
ول جنى اخيتچ لا اطيح جيبيها عندي .
سمعت صوت امي ساحت روحي اخذتني جنى
يمها وفشلت بالزايد من اشم ريحة الدم تخنگ بيَّ
مدري شصار بيه اريد ابرر افهمها فارق الهوا ريتي
نمت على مخدتها غطتني تمسح على راسي وهمست
_ امشي جنى خابري ابوچ يجي يدحگ
حال بنتو شعامل بيها هذا الضويبط فلا ارتاحلو .
على صوتها وركضتي ومنا وجع حرق رجلي
يصل عليه بألف يا ويلاه نمت بالساعة والساعتين
والنهار مر كلو وصار اليل ابوية طفح عندو صبرو
گعدني بحنيتو المتعودة عليها ، رفع راسي من المخدة
وباس راسي وطول بيها من ابتسمت همس
_ جوعان تعالي يمي بعد ابوچ ناكل انا وياچ .
ماحبيت ارفض طلبه غسلت وكعدت بصفه
مستنده على رجله ، تلعب روحي من الأكل
ونار بگلبي نفسي اسمع اخبار هل بنية المظلومة
دمعت عيوني على ذكراها انوب تركتها وحدها
ابوية فسر دموعي مشاكل وضغط وكسره من بيرغ
_ مو جنتوا عدنا شبلاه مهبول يضربچ ويطردچ .
ام ملِكه : شحچي من يسألوني رجعها ثالث يوم عرسهم .
جنى : طبقت كلامنا من نگول ما يتحملچ
ثاني يوم عرسكم يرجعچ عدنا .
ملِكه : أكلتوني وشربتوني احتاج فرصة اوضح
انا وروغان ما بيناتنا مشاكل .
اووي ماتوقعت بيوم احچي بهل طريقة
شنو ما بيناتنا مشاكل بعد دافعي عنه
ملِكه : عدهم مشكلة ومحب يبقيني گال
خلصي هل يومين عند اهلچ لبين تنحل .
شما احچي مايفيد وياهم ويجذبوني
مليت وطلبت من ابوية يتصل بي
رفض يخابر بليل على ابو مايگول مستثقلين
بنتهم ، سلكوها ويايَّ وثاني يوم الصبح اتصل بي
مايرد روغانه ، للظهر رجع اتصل يتجاهل الأتصال
السويقط ، اخر محاولة بليل ونفس الحالة عافني
بوسط شكوكهم ، وابوية يگول لماما دام ذبها
جدام الباب بلا كلام ولا سلام وراح ومايرد
يعني اكو مشكلة بينو وبين بنتنا .
مرن يومين بالثالث العصر ورن تلفون ابوية
صاحني من بعيد ويأشر على تلفون عود زوجج
جاوبه بعد السلام بهدوء تكلم
_ اذا موجود اريد امر عليكم اليوم .
جاوبة ابوية : هلا بيك بوية .
ماكذب خبر بالنص ساعة ودخل سلم على ابوية
بقيت بغرمة امي أسمعه يتفاهم ويتعذر لان مايرد
ونهائي مذكر اسباب ، وابوية مدري شبي بوجود
بيرغ مايحب يتجادل وياه مدري يخاف منو
رن جرس البيت طلع ابوية فتح بابنا
رحت بالتلفون يتصفح من شافني همس
بيرغ : بعدچ ما مبدلة استعجلي تراني مشغول .
تكتفت مراضيه على تصرفاته ابد، ذبيت انفاس غاضبة
وخزرته بزعل ، شغل جگارة وصفن يستمع لكلامي
ملِكه : اعتقد عيب ماتجاوب على مكالمات ابوية ؟
_ بالبيت نتفاهم .
_ لا هنا ، وعلى ما اظن وصيتني ما احچي اسراركم
اضطريت أسكت وانتَ جايبني سحل عبالك مجديه
حتى نعال ماكو برجلي ميصير ابد ميصير .
رجع ابوية بقيت مكتفه ايدي وخازرته
راح على مطبخ يجيب صينية الچاي
بيرغ : يلة فضيها .
_ ما اجي وياك .
_ ضحكتيني بهاي .
_ استمر بالضحك اروح انام .
تركتو يطحل من العصبية الخايس يبيع ثگل
والكلمة تحتاج دفرة عود تطلع من حلگه
شايف روحو فرد شوفه مايعرفني من ارعص عليه
ارعصو هو واهلو وحق القران بس غير
انا بنت اوادم وساكتة عنهم متحمله غثتهم .
تمددت على چرباية اقل الخمس دقايق رجع
ابوية يطلب ابدل صعبة أتجادل واهبط ابوية
بدلت وامي تلملم وين الغرض الزين لو فد اكل احبو
رتبتهم بجنطه صغيرة وطلعت ، سلمنا وطلعنا
الدنيا بلشت تغرب ، ما صدك عبرنا منطقة اهلي
مد ايده گرص خصري صرخت بوجع ما تاب
وگرص ايدي كلها ،
بيرغ : اريد توگعين بيدي يا ملِكه اتوبچ من عنادچ .
ملِكه : انا غبية ما حجيت لأهلي وشهرتكم العصابة .
صمت بدون رد منو واضح التعب على ملامحو
وضوح الشمس ، كف قميصو وظل يمشي هواي
بالسيارة ما يباع عليَّ عبالك شفافه ، سويت مثلو
تجاهلتو هو والماكو اخوان ، وصلنا على بيت
مشرعه بيبانو وماي طالع منو يجري على رصيف
بيرغ : من تنزلين تفوتين على بيت هرولة .
ملكِه : شنو البيت للمستعجلين .
بيرغ : ملكِههههههههه .
نزلت عناد بي اخطي خطواتي على مهل اتمايل
بهداي ، امهاتهم الثلاثة موجودات يشتغلن بتنظيف
البيت الجديد ، بقيت بالگراج منبهرة بالمساحة والشكل
ام بيرغ : اجت بنت الفگر شلون تباع بروو من عيونچ .
خزرتها وصلت عدها نترت بيها دامها ما تستحي
ولا تحترم اصير مثلها هسة اني يمها بگرباها شهل حيونه
ملكِه : بنت الفگر شنو شايفتنا نجدي بالشوارع .
ام بيرغ : عجل انتِ وبيتكم گن الدجاج وين مر
عليچ تعيشين بقصر خلف الله على ابني يلفي شكولچ .
دخل يخابر ومن سمع جدالنا تقرب رديتها
ملكِه : يلفي شكولي شبيها شكولي ؟
ام بيرغ : بينچ وبين ابني فرق هو فوك وانتِ تحت
المهم مو هذا موضوعنا شمري عباتچ ونظفي يلة .
سد الخط دخل ايده بجيب البنطرون يريد يرد سبقتو
ملكِه : شنو فايدة قصر وبيوت وتتذابحون بيناتكم
على اقل بيت الفگر بي حنية لو سنين ما توصلوها .
تنرفزت من جوابي اعتبرتها اعيرها وقلة تربية مني
تخزرني وتريده يجاوبني لو يسكتني
فاتوا ام وارث وام همام على اصواتنا
ملكِه : واذا على المقامات بيني وبين ابنچ
ماتنقاس بفلوسكم المقامات تنعرف برجولتو وتربيتو .
وقبل لا ارجع اطلع من قصرهم صحت بقهر
_ وهاي شمري عباتچ ونظفي مو انا انذل
واصير خدامة تخدم قصركم ، اذا ردت انطف هاي
زيادة مني ما اسمحلچ تقللين مني هل مرة عبرتها
بالجايات وراس ابوي ما اعبرها وتشوفين مني
مثل ما اشوف منچ .
نويت اطلع صار بوجهي وجهه محتقن وأعصابو
نار اعترض طريقي لازمني من زندي همست بيني وبينو
ملكِه : كبرت عقلي من ردت انطق واعترف اكره ابنها
وما اريدو وهوَ جبرني اتزوجو ما اتقبلو
بس تربيتي ماتسمح اقلل مقام زوجي وافشلك جدامهم .
جريت ايدي منه وخطيت خطوة تقدم باثنين
رفع صوته وبعالي صوته يسمعهم جاوبني
بيرغ : مقامچ محفوظ ، وقدرچ عالي الصار
ما يتكرر ، الفقر مو عيب العيب بخلاقهم
الغلط راكبهم وتعداچ بنـت الاصول ما تنعاب .
حضن كف ايدي بين كف ايده من كلامه حصرتني
العبرة وتلخبطت مشاعري ، دخلني للبيت امو
وجهه تجرد من الدم وصار اصفر ، ام وارث مر منها
طبطبت على كتفو ، صعدني فوك وبعدها ايدو
متمسكه بيدي يمشي قبلي انا وراه ، فتح وحده من
بيبان الغرف فوك صاير سويت كامل
ناصب اخشاب بيها نفس غرفتنا ، تغير من دخلنا
الغرفة طلع منها وتركني مزعوج .
بدلت ومسحت الغرفة من نثر الخشب منثور
اخذت حمام ونزلت رحت على ام وارث سألته
_ خالة شلونها مُـرجانـة .
_ والله خالة مو زينة البنية تشريح وتشرح جسمها .
_ وينها اكدر ا.
_ ب10 بليل يجيبها وارث هنا .
خفت عليها بس خجلت يحسبوها تدخل
دام بعدهم مايعرفون منو السبب شلون
يأمنون عليها ويرجعوها بالله رجعت وضربوها
وهل مرة ما تطلع منها هي شنو باقي بيها البنية انتهت .
كملوا كل شغل البيت جهزت عشاهم
بمساعدة ام همام ، عمتي الزينة ماكو
بيرغ شخط السيارة ودخل علينا اخذ ام
همام گعدها على كرسي ويفهم بيها
بيرغ : يمه لا تهبطين وصياح وتتخربطين .
ام همام : ميمونة مو مووووتهاااا اجاكمممم خبررها .
ملخت روحها تملخ وهو يلزم بيدها يمنعها
فرفحت تفرفح بين ايدها صرخ بعلو صوتو
ببرغ : مووو ميمونة همام يمه همام .
الحرمة هي سمعتو فرفحت غسلت وجهه واغسل
بيدها تربطت ايدو ورجلو يريد يطلع ما خليتو
اجت ام وارث تركض تلزم بيها ولا تسمع فقدت
لطم وصريخ ، دخلت سيارة وارث لنص الگراج
راح بيرغ يركض نزلوا همام ملابسو دم على حالهن
راسو ملفوف وجهو كلو مورم ورم مخيف ايدو
مچبسيها مكسورة ، عساها لا لمحتو حالها يبجي
العدو وارث شكلو معصب عيونو بگصتو رفع
اصبعو وهمس بصوت مسموع : اشششش .
ودخلوا على وحدة من الغرف ينوم ويعدل بي
ام وارث : يمه وارث شبي اخيك .
جاوبها ولو مو امو فلا يرد شرايينه تريد اطگ
بگد ما ضاغط على اعصابو وتعبان منهم
وارث : الغبي رايح وحدة على بندر صاير طرزان
هو بندر وحش من يصير عصبي زين ما موتو .
ام ميمونة: همام وهيچ عامل بحالو عجل ميمونة
شعامل بحالها هذا دخيلك ولك يمه دورها .
راحت على همام باس ايدهـا وطمنها
همام : لا تخافين عليها فلا ارتاح اذا ما ارجعها .
ام همام : ما طاحت عينك عليها يمه ما لمحت اخيتك .
همام : فوتني على بيت عبالي زلمة كلف ونتفاهم
حتى لو خطفها وعصبي انا ضبطت اعصابي
واعتذرت منو يضحك يجاوبني اعتذار ما يصلح الصار .
لزم راسو متألم وكمل كلامو بتعب
همام : ريتني ما دحكت عليهممممممممممم
وارث حلفت انتَ وارث اذا ما ادور عليها ويايَّ أتبرأ منك
ملخها تملخ فاقدة من الضرب مدري شنو يمها مخدرات
وايدها حارگهاااا خرب ضربتها كسرت راسو بس
هوَّ يگول معترف عار يگول ما اموت ما يصير بيه شي .
طلعوا بيرغ وارث برا يتناقشون فات عليهم
سَــهم مضروب بوكس وارث امعن النظر يتفحص بي
وبعالي صوتو صاح
_ شبيهممممم وياكمممم يحاربوني بيكم
السفله انعل ابهاتهمممم كل ساعة واحد بيكم واصل موت
وين اخذكم واولي منهمممم بعد وين .
بيرغ : هذا يا ساقط مسوي بيك هيچ ؟
سَــهم : خلف العكموس ابن العكموس .
طلع وارث السلاح من صندوك السيارة وصعد
سيارته ما ناوي على خير ، ركضت امو ما يتفاهم
صوتو يزمجر من الغضب تمسكت بيدو تتوسلو
سَــهم : انا من البارحة وياهم ال ضليل للصبح
ما تركوا مضيف لا ديوان ما هدموهن
ومن تهديداتهم نص عمامي طلعوا من بيوتهم
وكل بيت يفرغ يتفلش من الرمي اسلحتهم بيكيسي
اذا يرمي ما يسكت هجموا بيوتهم وشيخهم يوجههم
لان سامع تهديدك .
بيرغ : مو على تهديد مغتاظين لأن هجمنا على بيتهم
مغتاظ سمعت من ناس يگول بيتو خط احمر
ودام رمينا على بيتو راح يهدم بيوتنا
وما ينطي هدنا اذا مايعرف عنوان بيت وارث
وعمامنا بلغوهم حتى صار بيها حلفان مايعرفون
عنوان بيتك ، وال ضليل بركان وثار يظنون عمامنا
يغطون عليك ويحمونا منهم وراضين .
ام وارث : استعجلت يمه من رحت على بيتهم غلط
بي جهال نسوانهم هناك هسة هذا شلون يسكت عنه .
سَــهم : طبهم مرض خليهم يفلشون بيوتهم
نوم ما نايم الخاطر جـبر ، واشكال الغلط والطعن
صار يطعن بس من حجه بالشرف ماتحملت
وغلطت عليه ضربني .
وارث : شنو حجه عمك حتى وصلت المرحلة تسب بي .
سَــهم : سوالف ما ينلبس عليها ثوب خزي .
وارث : مثل شنو .
سَــهم : وارث عوفهم ما ار..
وارث : احجي لا اكمل عليك احچي بالله .
سَــهم : يگول عليك مستگعد نسوان اثنين و *****
يقصد زهرة ومرجانة ، وعلى أساس مُـرجانـة انتَ شردتها
ومصورين كم صورة ألك بيت المزرعة انتَ وياها بالحديقة
وحتى الصور راسليها لتمار ومقتدر واولاد عمها .
طبگ الباب فاير عيونها بگد ما عصب تريد تطلع
من مكانها ضرب الستيرن بفلش بي ويصيح
امو متمسكه بي هرجنا هرج بصياحه والمسبات
وارث : من اتلگاهااااا البنية هناك شرحوها
هذا الثاني تملخ من الكتل ، هذا حال الضيم حالة
وين اروح وياهو احمي منهم .
ام وارث : الخاطري ولك يمه بعدين حاسبه
على هذا الطعن بالشرف يريدون يخربون سمعتك
اشكال ألوان طلعوا عليك بقت على هاي
روح جيب مُـرجانـة البنية وحدها هناك وهيّّ
وزهرة مو صحبة عفتها تبچي فدوة اروحلك
يمه اشمر هل سلاح ما اريد اخسرك .
وارث : لا والكفل زينب اليوم يا خلف ويا ربع
خلف اذا مـا أخليهن يتوسلون بيَّ شاربي ازينه .
هرج ومرج البيت طلع السيارة وراح وام وارث
تتوسل بيهم يركضون وياه ، بيرغ جابهم بالتسلسل
العشيرة من الچبير للصغير مسبات واخذ السلاح وراح
واخذ سَــهم وياه ، اخذت ماي لأم وارث شربت وتبچي
گعدت يمها افرك بظهرها واصبر بيها ، ام بيرغ
تراقب من شباك الاستقبال ما راضية رفعت ايدها
غمتني وراحت همزين الحرمة ما شافتها بيا حال هيَّ .
خابرت حرمة خلف تصرخ صريخ واصوات الزلم
صاخبة بينهم تخوف من خشونتها وناس تهدد بناس
واسمع خلف يصيح على وارس اسلم راسك
لشيخ ال ضـلـيل ، من بيـن الاصوات ماكو صوت وارث
مسيطر جان تارك القيادة الإخوانو وطلعوا
وام وارث محتارة بزمانها ، رجعوا بيرغ وسهم كلشي
ما افتهم منهم حتى ما يحچون ساعة والتلفونات
ما هدت ترن وارث يتصل عليهم يمنعهم يجاوبون احد
همام مايعرف جاوبهم وصاح على بيرغ
اسمع بهمام يسأل بيرغ من راح عليه عباله بي شي
همام : شمسوين خلف يتوسل ويگول
اريد وارث اعتذر منو انا ولدي وعوائلنا گ**** .
بيرغ : ههههههههههه هذا والله ملعب وارث .
_ شصاير هم رجع يخابر انوب يخابرون دمج .
التفتت على باب من دخل وارث سيارتو ومرجانة
بالصدر ركضت عليهم خجلانة سبقني وراح عليها
فتح بابها وعبر ايده خلف ظهرها ، نزل رجلها
اثنينهم ولبسها حذائها ، السيارة عالية صعبت
عليها النزلة، ومن يمي ختلت بهدومي من يريد
يشيلها ينزلها عاطت وتدفع بي من صدرو
وتأشر عليه يربي عبالك طفلة
مُـرجانـة : ملِكه تساعدني حباب .
شو هذا رمقني بنظرة مدري خزره صفح
ما عاجبو وجودي اخاف واحدهم مخبل بهل بيت
رجع واشر بيدو عود روحي ولساني ما استقر جفصتها
ملِكه : نظرتك مال واحد خرب عليك ، خربت عليك شي ؟
وارث : لا ابد وجودچ خفيف الظل .
ملِكه : ملامحك عدها رأي مختلف .
وارث : اتحكم بالكلام بس ملامحي صعب .
طلعت ام وارث من أمن تركنا وطلع برا شغل جگارة
دخلناها للبيت بيرغ مكتف ايدو ومستند على باب المطبخ
بيرغ : الحمدلله على سلامتچ .
مُـرجانـة: ها .
بيرغ : يول الحمدلله على سلامتچ .
مُـرجانـة: شكراً .
بيرغ : ملِكه ام السان طويل خلي تنطيچ شوية من لسانها .
ملِكه : والله ما انطي هم يلة يكفي عليك .
بيرغ : اذا ما اشگه معتب .
ام وارث : يا يا يا ولك عيب شنو تشگ .
بيرغ : لسانها يمه لساااانهااااااا .
ملِكه : تعلم الهدوء من اخوك ، حتى انطيها من لساني .
بيرغ : ما ترهم ضابط انا الهدوء محذوف من قاموسي .
فوتنا البنية للبيت لو ما تخجل تكفخنا
لان وگفناها وهي رجلها متملخه تملخ
ام وارث : فوتيها على غرفتي يمه انومها عندي .
دخل وارث علينا وبتردد وجه السؤال
_ مو رتبت غرفة فوك وهم تاخذ راحتها .
ام وارث : لا خليها عندي ادير بالي عليها
حتى طلعة من البيت بعد ما اطلع .
جرت ام وارث الشال من راس مُـرجانـة
رحت عليها عضيت شفايفي اذكرها
_ خالة البنية محجبة وارث هنا .
ام وارث : اي صح يمه راح من بالي .
بيرغ : وارث عمامك شيب راسي منهم .
سَــهم : اجاوب .
وارث : اكل خـ**** .
صعد وارث على درج وصاح بيهم بكل رزانه
_ غلقوا تلفوناتكم وخلوهم نارهم تاكل حطبهم
المهم عندي خلّف انكسرت عيونه وگعد يعتذر
وعلمته شيصير اذا گ*** بيهم ضرب اخوي .
ضرب بيرغ سَــهم على ظهرو وراسو وهمس
_ بعد شتريد اخذ حقك ومربع ومخمس هم .
سَــهم : وتلومني احبه وافتخر بي .
ملِكه : جوعانة مُـرجانـة ؟
_ لا .
ام وارث : عدها علاج بعد الأكل معليچ
بيها فد صينية مرتبة من ايدچ الحلوة .
ملِكه : من عيوني .
رحت على مطبخ بيرغ يقفل بالبوب
الدنيا عجت تراب وهواها يدوخ فات
غسل وجهه وام همام اجت تاخذ ماي همست
_ ياا خلصنا شغل وعجت تراب .
ملِكه : غضب الله علينا من ذنوب الزلم .
بيرغ : ذنوب النسوووووووان .
كملت الصينية وديتها ورجعت اخذ ماي
المطبخ فارغ ما احس غير سحل دخلت على مخزن
نشف الدم بيه انوب ظلام ورجع منظر مُـرجانـة
تخايلي وكل تفكيري راح اتشرح مثلها قشعريرة
ضربت كامل جسمي والدمعة بطرف عيني صارت
بيرغ : هاي انا .
ملِكه : خوفتني عبالي زلمة .
ضغط على فكي ظل يرجف بين ايده صاح
_ عجل انا شنووووو المشرشبة .
_ اقصد غريب زلمة غريب .
ضحكت من رجعت الكهرباء شفت ملامحو صاير دم
دفعتو من صدرو فكرتها بهل سهولة اتخلص منو
بيرغ : عندچ شغل مهم .
_ وهو ؟
_ مو هنا تعالي .
جرني من ايدي وطلعنا بعدنا نصعد طلع
همام من الغرفة لازم راسو همس بتعب
_ ياطير الحر شلونها الصيده .
غلس خلصت روحي من ايدو يسحل بيَّ
عبالك ساحل ذبيحة فات قبلي ويريد افوت
ملِكه : الصراحة انا حالفة ما ادخل وياك بنفس الغرفة .
_ استري على نفسچ وفوتي .
_ وين الستر بالموضوع ، استر على روحي من ما افوت .
تذكرت دگته الناقصة من استنقص مني قبل كم يوم
عاندت ما دخلت والكبرياء احتل روغان
طبگ الباب ، نزلت اتنفس براحه منو سويت
لفه وخدرت جاي وانا اكل كاعدة على ميز الطعام
نزل لابس لابس عسكري يعدي بالبيريه العسكرية
سند ايدو ونزل نفسو لمستوى طولي ، بلعت ريگي
وتخربط وضعي من قربه عطت اخفي رجفت ايدي
ملِكه : متوهم هنا مو غرفة تحقيق روح حقق بالدوام .
بيرغ : تغزلي بيَّ .
ملِكه : هههههههههه معوز عزل .
بيرغ : اممممممم معوز .
دفعت الكرسي رحت اغسل الگلاص گعد بمكاني
لابس حذائه العسكري بنص البيت طبگ رجل على رجل
وسحب المسدس على ميز مسبل عيونو تلمع
بيرغ : عوفي الشغل تعالي اتفاهم وياچ .
رجعت الگلاص واستندت على كاونتر
صار مقابيلي عيونو اخترقتني بجرأة زايدة
عن الزوم خليت ايدي خلف ظهري افرك بيها
من ابتسامته هيچ مبتسم بأريحية وبدون مقدمات طلب
بيرغ : تعرفين ترگصين ؟
ملِكه : يمتى تنتقم .
_ ارگصي واسلمچ كل راتبي وحلالي .
ملِكه : جايبني من ملهى ؟
بيرغ : جسمچ مال هز ورگص .
ملِكه : شوف لا تستفزني حتى ما اهفك
بعجل اطيرك انتَ والرتبة .
بيرغ : اويلي بووووية .
فتحت البوري حتى يصحصح على زمانو
ورشيت ماي عليه ، وهميت اطلع سحلني
وطبگ باب المطبخ قفله ودفعني يحاجيني من كل عقلو
بيرغ : انتِ حلالي مو حرام .
رفعت اصبعي بوجهه متنرفزة من طلبه
وجسمي اشتعل نار من لمساته الحقيرة
ملِكه : لا تنسى سبب زواجنا .
باس طرف شفتي وهمس بهيام
بيرغ : ذكريني بالسبب .
دفعته من صدره شكبره ما يندفع ولا يتأثر
ملِكه : تنتقم مو گلت اعيد تربيتچ .
بيرغ : وعيدي تربيتي .
أبعد بجسمي وجهي منه حتى ما يقترب
هو رايح العالم مو يمي لا يحس ولا عبالك بوعيه
ابتعد ومثبت جسمي مايخليني اتحرك وعيونه
خردلتني ثولني ثول ومتت بدمي من گال
بيرغ : مربربة من يـوم العركة صفنت بيچ
تخيلت ترگصين جدامي الشرسة .
ملِكه : يا عركة من لزمتك وكتلتك .
بيرغ : جعل محد يكتلني غيرچ بربوئه .
فسرتها يريد يستفزني حتى بعد ما اعايره
بالعركة يحجي سخيف حتى اخجل ارجع افتح الموضوع
دفعتو وطلعت من تحت ايدو بالزور اتنفس سريع
عكس هو مدري شبي تحول عبالك فقد عقله بس بهدوء
وماكو ذرة عصبية بالعكس اول مرة ادحگ عليَّ بهل هدوء .
ملِكه : افتح الباب اريد اروح انام .
بيرغ : اصعد وياچ .
_ لا ابد .
بيرغ : عجل اكمل هين .
_ تكمل شنوووو افتح الباب شنو تريد مني هيووو
والله اصيح اخلي البيت كلو هين يجتمعون على راسك .
_شرسة .
ملِكه : هذا شبي سويقط ما يستحي بلا تربية
عيب عليك شهل نظرات شيل عينك لا افقسهااا فقس .
بيرغ : بالله تعالي شلون تفگسيها .
جريت المسدس مالتو من الميز وسحبت
اقسام وجهته بتجاهه فد ثگيل هو صحصح
مثل الحباب ورجع روغان الچلب المعروف عصبي
وخازني وفتح الباب مثل الشطار يسب ويتوعد
طلعت ركض عاط بصوت زلزل گلبي من الخوف
بيرغ : اسلااااااااااااااااااااااحي .
خليت السلاح على درج وصعدت
بيرغ : انا اعلمچ بسيطة اذا ما اكسر راسچ
يا مـا متربية تربية سززز اعلمچ شلون
ترفعين السلاح بوجهي .
جريت شالي من راسي انفتح شعري بسببه
وحتى أغيض بي طيرت شعري بالهوا ومشيت
وانا أترنح وأتمايل ، بهت لثواني معصب .
قفلت الغرفة وسمعت صوت سيارتو
مبين طلع وخلصت منو ، ساعة ونزلت انام عند
مُـرجانـة وام وارث احسن من الغرفة مو أمان صارت .
غـاليـة ..
ايام صعبة مرت على كل البيت بالكامل والمذنب
وأصابع الاتهام متوجهة على غـاليـة صعبة
يلومون نفسهم على اغلاطهم، لو ما طغيانهم
ما انكسرت نقش ، وما شردت بنتي للغربة
وضليل شگد احاول ابرر وانسى افعاله
بس هو المذنب الأول بهل مصايب .
ابو الشبابيك يركب بالجديدات وابو البناء
يعمر ويغطي اثر الرمي وعمتي متربعة تدعي
الزلم كلها اليوم الرابع طافشين من البيت
مترصدين الموروثين والاخبار ما تبشر بخير
ضـلـيل يتعمد ما يرجع للبيت واخر مرة شفته
بيها بيوم رجعتنا من بغداد ، حالتي يرثى لها
صحتي بالنازل نفسي اعرف بنتي ليش بالمستشفى .
تحملت الكلام والدعاء وانواع المسبات وثبتت بالمطبخ
عيوني على ديوان بلكي يرجع ويطمن گلبي
ننوس تعبت من الانتظار فاتت عيونها وارمه من البچي
شلتها وصعدنا فوك سبحتها واخذتها بحضني
فاتت نقش بيدها ماعون اكل وكلتها واخذت شماغ
ابوها اغطي وجهه بي وتنام على عطره .
ساعة وفز گلبي من سمعت صوته طلعت مستعجله
شافتني امه انزل كشت وتأشر بيدها عود اصعدي
وعفاف ودلال عدهن ركضه وحده بيدها ماي وملح
يغسل بي رجله ، والثانية شايلة ملابسة كاويتهم
ومعطرتهم وبكيس نزلتهم عبالك مو ملابس عادية
شايلة ذهب وفاتوا على غرفته .
ام ضـلـيل : الزلمة تعبان امشي ولي فوك
من يريدچ ادز يدزهم عليچ .
غـاليـة : ما حجه وياچ شصار ما صار بعد .
ام ضـلـيل : شيصير فلشوا بيوتهم وبعدهم
ما تبرد نارهم اذا ما يرجعون بنتچ .
طلعت دلال مخبوصه خبص على مطبخ
ورجعت بيدها صينية مليانه ماي اكل
طلعت عفاف وبقت بس دلال عنده وقفلت الباب .
جرتني عفاف من ايدي حتى تاخذني من كوثر
غسلت ايدها وبهدوء همست
عفاف : سألني عليچ ؟
_ منو ضـلـيل ؟
_ عجل ياهو ، وحجيت الصار اخاف اجذب
يكشفني بلغته صار اربع ايام معارك انتِ وامه
بس والله فلا جذبت انتِ وكحه وامو ما تنجرع .
راحت للمخزن طلعت شكر تعبي
بالعلبة سألتها متعجبة منها
غـاليـة : عفاف .
_ ها .
غـاليـة : انتِ شلون تحچين هيچ ما تغارين
هسة انا عود ما احبه ذاك الحب بس دمي يغلي
من دخلت دلال وقفلت الباب ؟
عفاف : هههههه لا تغارين ما يتگرب عليها
ولا يتگرب مني صار چثير .
غـاليـة : ما فهمت قصدچ .
عفاف : سألتيني أغار وروح امي اغار
ليش ما اغار وتاكلني الغيرة وبودي مرات احطچ
واذبحچ واخافن واگعد واسكت .
غـاليـة : لا مو بس مني حتى من دلال و .
عفاف : دلال حالها من حالي حتى صرنا خوات
تردين الصدك نضوج بس منچ ههههههه .
غـاليـة : بس انا م..
عفاف : لا تجذبين على روحچ وتگولين ما احبو
كلنا نعرف تحبي ، وريت يعرف تدرين مرات ادعي
تحبي وتعترفين حتى بالله اعرف اذا يكشف حبچ
يبرد حبو لو يظل متعلگ بيچ وهاويچ .
غـاليـة : اسفة اذا تنقهرين مني .
عفاف : هههههه ول شعجب بنت ذياب تعتذر صدمتيني .
غـاليـة : شلون تبقين عنده وكل هذا الحمل بگلبچ .
عفاف : احب ضـلـيل انا وبيناتنا عشرة عمر طويلة
صح عصبي بس ماكو مثل گلبو ولو يريد روحي
ما اعزها عليَّ ، هوَ كل اهلي ، وحق الله غـاليـة
ضـلـيل يخاف الله قبل فترة اجاني گال يا بنت الناس
انتَ عزيزة عليه وبيني وبينچ عشرة عمر اذا
تحسين انا مقصر ومو عادل لا تترددين تبلغيني .
غـاليـة : اي وشنو رديتي ؟
عفاف : ما مقصر وهوَ صدك لا يقصر عليَّ ولا على اهلي
ولا حتى على أختي الأرملة كل شهر يدز راتبها هي
وأيتامها مفضل على اهلي جثير ورافع راسي بينهم .
نطتني استكان چاي وكملت
عفاف : وعلى سالفة عادل بيناتنا صح احنا زوجاتو
بس الله ما رزقو الخلفه من عدنا سبحان الله .
ضحكت وجرت كرسي كعدت وكملت
عفاف : هسة انا ليش اجذب ، من الأخير ختمها
هو مو بيدو يحبچ وما يگدر يتگرب من حرمة ثانية
ماعندو نفس بغيرچ ونفس الكلام دلال هم مثلي
وگال ما احب أظلمكم ويايه اطلگ وروحن عيشوا
حياتكم ويسجل بأسم كل وحده من عدنا بيت
ومبلغ وقدره احنا احرار بالتصرف بي .
احتاريت وخجلت منها بس جانت تحجي
بدون تقيد عبالك منتظره هل لحظة من زمان
تريد تفتح گلبها أليه بالذات
عفاف : ما قبلت ولا دلال قبلت لو ترجعلي فكرت
بيها ويمكن اقتنعت صح هو زلمتنا بس مو بيدو
بعد الگلب وما يهوى ، مثل ما انا ودلال ما نگدر نحب
غيرو وما يملي عيونه زلمة غير الشيخ ، هوَّ ما يحب
ولا تملي عيونو حرمة غير غـاليـة بنت ذياب .
تقربت مني ما تريد امو تسمع بخفوت تحاجيني
وايدها على شفايفها ركزت وياها بكُل اهتمام
عفاف : هو حتى اجت فترة امو عرفت ما يريدنا
ما فكرتي ليش تلح تريد تزوجو الرابعة تگول
حتى بلكي يقتنع بالجديدة ويصير ألو نفس بيها
وما تبقين بس انتِ حرمتو ومتمم كلشي وياچ
دخلت بضغط نفسي حتى تمرضت من كلامو
كل ما يگعد وياها تفتح وياه الموضوع ويخليها
ترعص من يگول احب بنت ذياب .
رجعت صبت استكان ثاني وهمست
عفاف : مرة تكاونت انا وياچ وضربتچ بالماسحة
تتذكرين على راسچ من صادف هو بالديوان ودحگ
شصار من رحتي حجيت علينا عندو وعاند وياچ
ما قبل يدخل ورزلچ بوكتها لان قبلها متعارك وياچ
اجاني ليلية وجهو اصفر گال من ضربتيها
چن ضربتيني ما قهرتيها قهرتيني
ونعلتي شيب الخلفني يومي كلو لوعتيني
وحق ربچ اجيت اعتذر منچ هو ما قبل .
دخل تمار شافني وشاف جن عبالك طگت
شرايين وجهه ونطت عيونه ركض هجم عليه
عفاف شمرت روحها مقابيلي حتى تحميني منه
دفرها وجرني من شالي اريد اصرخ بعد من رهبة
الموقف وضخامته نعگد لساني ، سالني بتك ايد
وطبگني بزاوية المطبخ يخنگ بيَّ ويصرخ مثل المجانين .
تمار : دخلتيني حبوووووووس ، عذبوووني
يهينون بيَّ انا ابن شيوخ العالم كلها تهابني
انهااااان يهينوووني خليتي زيايل يذلوني يگلي
بوووووس ايدي واطلعك وسفهههههههه وسفههههه .
رفعني عن الأرض رجلي تلولح وبلش
كلشي يغوش بعيني وافقد اجت امو
تركض تضرب بي بكل قوتها حتى يعوفني
وعيونها على باب تصيح
_ ول عوفهاااااا راح يچي طلععععععع راح
يشووووفك يموووووتك عوووووفهاااا يبوووووو
راح تموووت بيدك ، اجاك ول اجاك راح يشوفك .
اشوف صارت هوسة كلها تريد تخلصني
من بين ايده واخر واحد بيهم فات ضـلـيل عباله
عركه عادية ومتجاهل الصوت شاف المنظر
جحظت عيونه بصدمة ، ضربه بوكس وصاح
ضـلـيل : عوفهاااااا تماااااااااار هدها راح يوگف
گلبي عوووووفهااااااا ول فك ايدك راح اخلص عليك .
من عرفه ما منه فايده قافل مخبل صاير رسمي
طوق وعصر رقبة تمار بين أيده ودفعه على
حايط گطع النفس منه الى ان شمرني
نقش تضرب على وجهي وخلت راسي على رجاها
وفجع گلبي من الخوف من شفت ضـلـيل وصل
تمار للموت وامه نزعت شيلتها تضرب على راسها تصرخ
_ تضاربوا على نسوووووان ول راح يمووووت اخوووو
الخاطررررر النسووووان يا نااااس يا عالم يبوووووو .
شاهين يبوس بيد ضـلـيل حتى يعوف ابو
ومقتدر يسحب بضليل ، تركه وتمار جمدنا
حتى انا صحصحت وبقيت باهته من الطم
يلطم على رايه بكل حيله يلذطم دگ يدگ
شگگ دشداشته من الطول الطول ويصيح
تمار : اكتلني موووتني اذا ما تموتني اموتها
وامووووت رووووحي بنت ذياب ما اخليها عايشة
لا هيَّ ولا نسلهااااااا الخايسسسسسس
بناتها كلهن اذبحهن موووتني انا اگلك موووتني .
لزمه مقتدر وضليل من شاف انهياره
وتمار مو صغير واولاده وزوجته يباعون
هو هم باد حيله وانخطف لونه
تمار : تالي عمري انذل ويحچون بشرفناااا
حتى قسمة بناتي وكفت انتهت صار على بناتنا
سمعه مو حلوة ، حجتهااااا بنت ذياب گالت
” هل خرسة راح تفر وتهجج زلمكم وتكطع قسمة
نسوانكم وهذا راسكم العالي تحني وتستاهلون ”
وسوتهااااااااااااااااا صارت نفذت نفذذذذذت .
جبرت روحي امشي حتى اروح منهم
خفت منه لا يرجع ويموتني ، فرهم فر وصاح
تمار : وهساع انا احچي وانفذ بنت ذياب
ما انعد على زلم اذا مو بهاي أيّدي اموتچ
بحاله وحده ما انفذهاااااا ، اذا اخوي ذبحني .
جر سجين حطها بيد ضـلـيل ألي واگف
بهيبتو ورافع راسو گعد تحت اقدامو ورفع راسو
تمار : اذبحني لو ردت تخلص مني ، طلعني
من العشيرة اكتلني وكتل ولدي وبناتي وحرمتي
لان اناااا راح اذبحهم دامها نزلت راسنا ما اعديها .
غـاليـة : صاير زلمة وتذبح ، الحرمة دگ الطم بعد
الطم اضرب على راسك مثل النسوووووووان
عبالك اخافك لو اخاف تموتني ، شوف ما غلطت
الصار هذا غلطكم ظلمتوا بناتي انتَ وهذا شيخكم
تزوجت نقش وطلگتوهااااا ، وما خليت ذيچ تنذل
مثل هاي ، وما متندمة ولو يرجع الزمن اعيدهاااا
دام انتَ مو زلمة حوك وتحميها ما اخليها عندك .
فزيت من تحرك ضـلـيل ، رجع ايده خلف ظهره وصاح
_ تمار تعال للديوان .
فار دمي من برودة صرخت مهضومة
_ ضـلـيل .
_ تاج راسي .
ردّ جواب مقهور بس سكتهم الخصم
اخو ومتأذي والمتضرر زوجته بجوابه
ثبت للكل هل موضوع ما انتهى لهنا
وامه فهمت الي راح بصير وراها مو زين .
حتى ما انتظر احچي هو رد وطلع مهضوم
من الكل دخل للديوان وما قبل احد يدخل وياهم
صعدت فوك منتهية اثار أصابعه صارت ازرگ طوخ
بجيت الحد ما نشفت دموعي وما دريت بعدها
شصار وياهم حاسبه لو سامحه ما اهتميت .
مر ليلي افز من نومي مخلوسه هلوسه بيه
جريت شالي ونزلت قبل الفجر بشوي بدون
ما اطلع صوت فتحت باب غرفته جفلت من شفته
گاعد ايده على راسه ويطحل من الجگاير
عيونه دم دم صايرة تخوف ، تحسر بصوت مسموع
ونفخ دخان الجگارة طفاها وتمدد ، بدون كلام
فتح ايده رحت عنده نطيته ظهري حضني وهمس
_ جنت انتظرچ .
سحب ايدي جبرني أستدير بطرف أصابعه
رفع راسي من فكي تلمس رگبتي صايرة خريطة
باس راسي طول بيها وبغصه همس
_ اريد اطلگچ .
تنفست بصعوبة اريد ابتعد منه حتى اشوف وجهه
منعني وحضن راسي دفعه على صدره يرجف بقهر
غـاليـة : ليش ، ضـلـيل احچي وياك تعوفني عادي ؟
سحب نفس طويل متعوب ونبرة الحزن
والضعف وصلتني بدون حواجز
ضـلـيل : اخاف عليچ ، غـاليـة تحسين بيه ؟
اليوم تعرفين اليوم شصار بيه من وكفت وسطكم ؟
غـاليـة : مليت مني مو ؟
ضـلـيل : هههههههههه أمّل منچ .
غـاليـة : اي مليت شلون تگدر تعوفني
هذا ضربني اليوم بس ما فكرت ابتعد هاي
اول مرة تصير مشكلة وما افكر ابتعد ، بس صارت العكس .
دفعته من صدره يحتار وين يخلي وجهه مني
حتى ما إشوف عيونه تلمع بدموعها
رفع جسمه على سرير شغل جگارة شفت
بيده كانونه ، اخذت ايده تلمستها وهمست
_ شبيك شصار .
_ ماكو شي بس ضغطي وصل28 .
ينظر بطرف عيونه ياخذ نفس من گل گلبه يجرعها
رجع راسه وغمض عيونه حتى يخفي لمعتهن
ضـلـيل : عيب استحي من روحي شيخ كلمتي
ما اثنيها، تخلوني عاجز بيناتكم اتوسل بيچ
تسكتين ، واتوسل بأخوي لا يأذيني بيچ .
سحبت نفسي وبكل هدوء همست
_ تمام براحتك شيخ ، دام هنت عليك خلص .
وصلت للباب صاح بأسمي التفتت
شفت ورقة بيده ، رجعت اخذتها قريتها ونخمش گلبي
غـاليـة : مُـرجانـة تزوجت ؟؟ .
ضـلـيل : اليوم وصلني عقدها اخذها وارث .
غـاليـة : وتمار عرف ؟ راح يعوفوها .
ضـلـيل : مايفيد العقد بعد وين ما توگع بيدهم يذبحوها .
غـاليـة : ليش جانت بالمستشفى ؟ صار ايام انتظر اعرف .
ضـلـيل : خال وارث يگول عدها فقر دم وفاقدة الوعي .
رجعت الورقة وطلعت مقهورة من عنده قهره
بس الله يعرف بحجم الخنگه الصارت بصدري
استحيت اروح على غرفة طلعت برا دخلت للديوان
فارغ ، بچيت الحد ما نشفت دموعي ، صعدت
مسطوره خليت راسي على مخده واسمع
بگلبي شلون يتكسر ، ريتني ميته ولا تقدمت لناحيتك
خطوووووة ضـلـيل ريتني ما سمعت كلام امي
وعذبت گلبي ، ليش سمحت لگلبي يشوفك
ويهتم لووووجودك ، غبية انا غبية هاي الخطوة
تضعفني اتهاون واسكت الخاطرة اصير
حتى لو على غلط ، وهل ضعف هذا مو بصالحي .
فزيت على صوت نقش تشيل بننوس
_ تعالي ننوس ابوچ طلبچ .
دفعتها ننوس ونزلت تركض غطيت حتى راسي
ورجعت غمضت عيوني ، اسمعها تعاتب بي
على غيابه ، وهو يعتذر منها .
سبحت ونزلت تأخر الوقت ، شفت ننوس تفتح
ظفيرتها وشعرها صاير كيرلي، تدلع وتفر بيهم
ننوس : هبيبي .
_ نظر عيونو .
_ حلو شعري .
_ اغديلو فدوة لا والله فدوات وقربان طولان .
شايل الكانولا من ايده گاعد
بمكانة يشرب گهوة عربية ريحتها معبيه البيت
جهزت اكل ننوس وصحتها ، اجت تركض تخلي
لفه صغيرة بحلگها وترجع تروح عنده تخاف يروح .
كملتها غسلت حلگها جريت كلينكس ورحت
امسح بيدها ، مريت قريب منه تمسك بيدي
وسحبني ، وكفت مقابيله هو ساكت وانا انتظر يحچي
صفنت بوجهه وضعي كله ما عاجبني
هاي القهر بصدري من اشوفه وهاي لهفتي كارهتهن
غـاليـة : قررت موعد يناسبك مو ؟
ضـلـيل : شلونچ .
_ انتَ شلونك ؟
_ من نزلتي زال الوجع كلو وانتِ ؟
_ كلش زينة .
اخذت نفسي اجبرها ترجع غـاليـة القديمة
لازم ارجع قاسية ، ما تهتم بهل شخص
وتعتبره حالة من حالهم ، ما اريده هو ظالم مثلهم .
نهض على طوله ضمني بعبايته حضني
بوسط الصالة ، يلمّني بحنيه ونبرة صوته تعبانة همس
_ ذبلت عيونچ انا الله يذبل ايامي .
_ لا .
_ مقهورة غـاليـة ترجفين من القهر يرحون فدوة لطولچ .
_ ما مقهورة .
_ من خوفي عليچ وداعت عيونچ من خوفي .
حضن وجهي ما يخليني ابتعد
ضـلـيل : لا تناظرين بعيوني بحيرة
اهل اهلي يحترگون .
غـاليـة : خرب اهلك .
ردت آروح رجعني مانعني
غـاليـة : ارجع احضني .
_ ليش ؟
_ مو گلت من تصيرين يمي اصير قوي
واخليچ تصيرين قوية ، يمكن البارحة من قررت
اطلگني لأن تعبان صار ايام مبتعد ، احضني
أنا احتاج أصير قوية .
رجع أيده رافض والتفت على صوت شاهين
_ عمي شيخ ساهر هنا يريدك .
طلع وصلني جوابه معناها مخلي الفكرة براسه
صعدت ما تحملت اكعد يمهن ، ساعة والبيت
دخل انذار من صوته هو وامه يتصايح
وكفت فوك وطلعت عفاف بصفي
ضـلـيل : شلووووون تروحي تخطبين بدون علمي
احنا بيااااااا حال ، على اي ساعة نموووت
منووو قبل تروحين تخطبين انا زعطووووووط
لو اريد اعرف منين اخطب ومنو اناسب .
ام ضـلـيل : من خطبتها ما بنيتي والله
رحت عدهم زيارة وشفت بتهم حلت بعيوني
حليوة صغيرة وقوية ومكملة توها جامعة
اخذها اسمع مني حتى اذا تريد تشوفها
لهنا اخليهم يجيبوها اذا عجبتك توكل
ما عجبتك خليها تولي .
ضـلـيل : لا والله تضحكيني موووو ؟
شكد عيب فشلتيني ابوها اجاني للبيت يگلي
طلبتوا وانا اتشرف انطيكمممممم ، ربطتي
لساني صغرتيني لا بيَّ اگول لا وصعبه اجاوب اي
فشله فشتلتي فشله .
ضحكت وقبل لا افوت للغرفة همست
غـاليـة : جهزي روحچ يا عفاف هل مرة
شيخكم راح يسويها صدك ويتزوج .
خلصت يومي بغرفتي لليل ونقش
استأذنت مني ونزلت تشوف عزيزة ..
نقش .
ضربت باب الاستقبال ودخلت من سمعت
صوت شاهين هو وعزيزة كاعدين يسولفون
صرت بصفهم نزعت محبسي وتحديته
_ اتحداك تاخذ المحبس مرتين .
شاهين : زين اذا اخذه شنو احصل ؟
_ بكيفك اي شي ببالك .
ضحك هو وعزيزة وهمس
_ تخيلي تعرف شنو ببالي .
عزيزة : تجهولك انت واهلك طم روحك واسكت .
رجع يتفاهم وياي على لعبة بكل اهتمام
شاهين : واذا خسرت .
نقش : تشتريلي كُلشي احبه واريده حتى لو بمليون .
شاهين : بس اعصابچ بالفلوس ورانا زواج .
عزيزة : وراه وراه زواج اعصابچ بطلب المبالغ .
نقش : لا يعني بالله اوكف شكد يكلفن .
حسبت الأعراض بعقلي وبلغته
نقش : ست ألاف نمونه .
شاهين : يلة نياتي بلشي .
ضميت المحبس صار مقابيلي همس
شاهين : من شروط ألعبه من اگول
دحگي بعيوني تنفذين هاااا قابلة .
نقش : اوكي ماكو اشكال يلة يلة شوفني شطارتك .
جر التخم ابو النفر صار مقابيلي
مديت ايدي اضحك من الحماس
شاهين : بعيوني خلي عيونچ بعيوني .
نفذت وثبتت عيوني بعيونه واضحك عليَّ
قلقني مو صار ما يرمش مثبته بعيوني
خفت يكشف وين المحبس عضيت شفايفي
نزل عيونه على شفايفي ، وتنفس سريع .
عزيزة : احمممممم شاهين الووووووو .
شاهين : اسكتي خلي اتمعن بالبات .
نقش : ديلة عاد ايدي وجعتني شطلع هل بات .
اشر بعشوائية اختار ام البات سحبتها
وخليت الثانية وفتحتها اكمز وصحت
_ خسرررررت خسررررت .
شاهين : فزت فوز اليوم اول مرة العب باب واتونس.
حرك ايده بمعنى ابلش من جديد
ضميت المحبس وعزيزة ضحكت وهي تطلع گالت
_ اروح اصلي أحسن ما تفيدوني .
نقش : ترا راح اطلب اندومي تاكلين ويايَّ .
ميمونة : من تفوزين الله كريم .
رجعت طلعتها قدم الكرسي اكثرر
ركز بيدي وشغل جگارة همس
_ عزا العزاك تشرب جگاير ، اذا عمو ضـلـيل يشوفك
تشربها ينعنع ضلوعك ضرب ، نسيت قبل شلون ضربك .
شاهين : يدري عمچ ، وتفاهمت وياه من اتزوج
ابطلها ، الجگارة تصبيرة للولهان .
رفعت ايدي مقابل وجهي همس
_ نزليهن وطبقي شروط ألعبه لا ابطل .
نزلتهم ، سند كوع ايده على رجله وبلع ريگ
من رجع يركز عبالك المحبس بعيوني مو بيدي
نقش : اختار على سريع .
من طول فتحت ايدي وصحت بي
_ خسرت روح يلة اشتري .
شاهين : لو هيچ الخسارة لو بلاها .
_ خاب گبر شبيك مدري شلون تحچي .
خشن صوته وكفخني على راسي وطلع تلفونه همس
_ يلة اكتبي طلباتچ اشتريهن وارجع .
كتبت كلشي بنفسي من شافهن گال
_ متأكدة بس سته هاي بحمرة ما اطلع بيهن .
نقش : راح اروح انام ترا هم خسران ويتناقش .
حك راسه وطلع ، صعدت بغرفة عزيزة
ربع ساعة ورجع محمل ، اخذت الحلويات
افحص بيهن اخاف اكو نقص
فتح كارتونه وطشرها على راسي وهلهل
شاهين : وهاي الرادها وهاي التمناها .
سند روحه على سدير عزيزة وكمل كلامه
شاهين : احب أعراسنا العراقية اصدقائي
كلها محضرين اوراق اشعار وهوسات .
نقش : راح اسوي الاكل واجيكم .
عفتهم ونزلت كملت كلشي وصعدت اصيحهم
عزيزة رايحة بسابع نومة ، نزلنا اني وشاهين
نسولف بننوس ونضحك على سوالفها
من شاف الاندومي لعبت روحه ، طلع اكل
من الفرن وكعد يمي ياكل كباب وصمون ويشرب
ببسي ، رن تلفونه جاوب ورفع اصبعه على شفته
يحچي عبالك الغاز وصوته خافت كلش
وانوب طلع برا كمل ورجع يسولف
نقش : تخاف منها ولك لا تسمع صوتي .
_ منو .
_ حبيبتك ، هاي هيَّ خابرتك مو .
_ ها اي اي هيَّ سلمت وراحت تنام .
_ وليش اشرت اسكت تزعل اذا تكعد يمي ؟
_ خلي نفسچ بمكانها تقبلين تحبين شخص
ويگعد هو وبنت عمه بليل .
_ اذا احبه حتى من الهوا اغار .
شاهين : هيَّ هم تغار .
نقش : يعني من تتزوجها تخرب صداقتنا ؟
برطمت شفايفي بزعل ، ضحك وهمس
_ هي خلي تصير واتزوجها واهلها ينطوها .
_ ليش اهلها رافضين .
_ لا بس اخاف من ردت فعلها خاف ما تحبني .
_ لا تسبق الاحداث من رأيي اذا هيَّ تخابرك
وتحب تحچي وياك يعني عدها مشاعر اتجاهك
بادر واعترف .
شاهين : واذا اعترف وتكرهني وتبتعد مني
وحق الله اموت اذا تكرهني ، اعرفها عنيدة .
نقش : اوووو والله حيرة الله يساعدك .
شاهين : وين گلاص الببسي مالتچ ما تريدين .
نقش : يوووو نسيت .
رجع تلفونه رن ، طلع معصب ، رحت اجيب
گلاص من المخزن دخل علاء اخو شاهين
_ شعندچ هنا .
_ سويت اكل تجي تاكل ويايَّ ؟
_ يلة جوعان .
صار قريب مني ياخذ گلاص ، وگع من ايدي
من فاتت جدتي وشگت دشداشتها من الطول للطول
وبعالي حسّها تصرخ
_ يبووووووو ضاع شرفنا يبوووووو المطلقة
افترت على عزابي ول مو عيب تفعلون الحرام
بنص البيت لا خوف لا حياء .
دخل شاهين يركض والتلفون بيده ، وعمي ضـلـيل
طلع صرت بظهر علاء من الخجل من كلامها
شاهين : جده شصاير شبلاچ صوتچ وصل اخر الشارع .
ام ضـلـيل : ول يمه ياريت عيوني عمت وما اجيت هين
بعيني دحگت اخوك ماخذها بحضنو يبوس بيها
وهيَّ صايرة تراب غاديه تراب ، اختها نزلت راسنا
هناك ، وهاي نزلت راسنا هين يبووووووو .
الفصل التالي اضغط هنا
يتبع.. (رواية الموروث نصل حاد) اضغط على اسم الرواية لتجد الفهرس كاملاً بجميع الفصول.