رواية شاهد قبر الفصل الثامن عشر 18 – بقلم اسماعيل موسى
انا جايلك دوغرى يا معلم ناصر وبقول ننسى الماضى ونفتح صفحه جديده، متنساش اننا كنا نسايب ؟
رفع ناصر ايده وهو قاعد على الكرسى، عايز ايه يا معلم فتحى؟
يا معلم ناصر انا جيت لحد عندك ودى كبيره اوى بعد إلى عملته فينا، دا انت يا راجل كنت هتقتلنا كلنا ؟
وانت يا فتحى مكنتش هتقتلنى ؟ ايدى دى غرزت السكينه فى ضهرى لكن مش غريبه عليك.
ابتسم فتحى ،ميبقاش قلبك اسود يا معلم ناصر، انا عملت كده مضطر، حط نفسك فى مكانى يا اخى ،شفت عيالك مرمين على الأرض ذى الفراخ المدبوحه كنت هتعمل ايه يعنى؟
صمت ناصر، تحكم فى اعصابه كما طلب منه يحيى قبل ذلك
والمطلوب ايه يا معلم فتحى؟
انا جاي اطلب الشراكه معاك يا معلم ناصر، هدخل معاك شريك فى الورشه بتاعتك وانت تبقى شريك معايا فى الورشه بتاعتى ؟
ابتسم ناصر، وايه إلى يجبرنى اعمل كده يا فتحى؟
القرابه يا ناصر ،انت ابن حتتنا وميرضكش إلى بيحصل معانا
الورش كلها قريت تفلس يا معلم ناصر، الورشه بتاعتك بتصلح الأعطال بنص السعر وقطع الغيار عليها تخفيضات كبيره ،انت بتحرق السوق يا معلم ناصر ؟!
بص يا فتحى انا كمان هكون دوغرى معاك، عايزنا ننسى الماضي معنديش مشكله وان كان ليا حق انا هعرف اجيبه
بس انا مش بشارك حد يا معلم فتحى واظن دا حقى
لكن انا عندى عرض تانى، اسمع يا فتحى، انا هشترى الورشه بتاعتك وبضعف تمنها.
الكلام دا مبرضيش ربنا يا معلم ناصر، انت بتزاحمنا فى ارازقنا
وقف ناصر خلى ربنا بعيد عن كلامك يا فتحى، انت متعرفش ربنا اصلا، مفكرتش ربنا ليه لما قتلت اختى ؟
اختك صرخ فتحى ،انا مقتلتش اختك يا ناصر ،اختك ماتت موتت ربنا ،انت هتعترض على أمر ربنا يا معلم ناصر ؟
اعمل ايه عشان تصدقنى ؟ هات المصحف احلفلك عليه.
انا قلت إلى عندى يا معلم فتحى، وعرضى مفتوح لحد ما تاخد رأى أولادك وصدقنى العرض دا مش هيتكرر ومش هتلاقيه عند غيرى.
بقا كده ؟ صرخ فتحى طيب يا معلم ناصر بشوقك.
جلس ناصر على وشه ابتسامه بعد رحيل فتحى
وهمس انت لسه شفت حاجه يا فتحى ؟ ورحمة اختى نوال
إلى ماتت مظلومه مكبوته لاما اخد حقها وإما مبقاش راجل اصلا.
__________________
ها ايه رأيك يا مستر يحيى ؟ سأل ناصر رجل الأعمال الذى يقراء العقد الجديد بتركيز.
رفع يحيى عنيه وقلع النضاره ،انا مش قادر أصدق نفسى يا ناصر!
قال ناصر انا كمان كنت زيك يا مستر يحيى وبعت ميل للشركه اتأكد من العرض
والرد وصلنى بتأكيد العرض وعليه ختم الشركه
لكن شركه كبيره ذى دى هتفكر توظف واحد زيك ليه يا ناصر؟
وبعدين انا شايف فى العقد كلام كبير عن تعديلات محركات وتطوير سرعات وفيه حاجه هنا مهمه جدا
انت شايف نفسك رايح فين يا ناصر؟ دى شركة بى ام دبليو
يعنى فيها افضل خبراء فى العالم، اسمحلى اقول انهم افضل منك بمراحل
عشان كده انا شايف الموضوع غريب شويه، الناس دى شايفه ايه احنا مش شايفينه ؟
همس ناصر معرفش والله يا مستر يحيى، لكن رأيك ايه ؟
يحيى توافق طبعا ،الناس دى مش بتهزر واكيد شايفين حاجه احنا معرفهاش، لكن دا معناه انك هتسافر بره وكمان بسرعه كبيره ؟
فتح ناصر درج المكتب وأخرج منه تذاكر السفر والتأشيرة والباسبور وحطهم قدام يحيى ،كله حاجه وصلت وجاهزه
ابتسم يحيى ،مش قلتلك الناس دى مش يتهزر يا ناصر ؟
بس انا هفضل محتار لحد ما اعرف العرض دا وصلك ليه يا ناصر؟
انت دايما كنت بتقول انى موهوب يا مستر يحيى، يمكن وصلهم إى حاجه عن شغلى؟
التفسير دا صعب يا ناصر، صيتك موصلش ألمانيا يعنى ،بعدها صمت يحيى وحط إيده على دقنه الا لو كان فيه شخص مهم وصلهم معلومات عنك يا ناصر
شخص موثوق جدا عندهم ،المهم متضيعش وقتك، جهز نفسك انا واثق انك هتسد فى اي مكان يحطوك فيه
بس انا لاحظت حاجه تانيه، التذاكر بتاعتك لفرنسا مش ألمانيا متعرفش ليه ؟
كاد ناصر ان يقهقه، يعنى اذا كنت انت مش عارف يا عمنا يحيى هعرف انا ؟
وبعدين ألمانيا، فرنسا كلها ذى بعض بالنسبه ليا
تمام همس يحيى بكره هاجى اوصلك بنفسى المطار ان شاء الله.
الفصل التالي اضغط هنا
يتبع.. (رواية شاهد قبر) اضغط على اسم الرواية لتجد الفهرس كاملاً بجميع الفصول.