رواية أحببت نديم – الفصل الثاني
بعد فترة خرجت الين وهي بتقول القرار الي صدم الكل
– انا موفقة
وهنا سمعنا صوت تكسير قوي
بصنا كلنا للمكان وكان عزام .. الي انا استغربت منه جدا
– الين مش حتروح حته
– باه يا عزام .. تقول اختك اه تيجي انت وتقول لا !!.. انت كنت موافج قبل سابق .. ايه الي غير رايك ؟
اخته !! .. اول مرة اعرف ان لالين اخ … انا اصلا ما بعرفش اسماء اغلب اعمامي !!
– انا كنت موافق على اني انا والين ..واعتقد ياجدي اتفقنا على كدا ..لكن انصدمت لما جه سي نديم ..وانا مش حسيب اختي تروح مع
واحد زي ده
انا الدم غلي في عروقي
– ازاي تتكلم عني بالطريقة دي
– زي ما خليت كل البلد تتكلم على اختي بطريقة شبه وشك
– خلاص يا جماعة .. انا وافقت اروح مع نديم ك حل مؤقت .. علشان ما تروحش عليا الرسالة
ابتسمت .. واكيد كلكم عاوزين تعرفوا حصل ايه … يلا نعمل فلاش باك ؟؟
لقيتني ابتسمت بسخرية وجاوبتها
– انا جاي غصب عني .. يعني زيي زيك.. بس انا عاوز اعرف اسبابك يا استاذة الين
قعدت على الكرسي بتعب وبصتلي وقالت
– وصية ..وصية غبية قلبت حياة انسانة كاملة ..وهي مالهاش دعوة لا بالوصية ولا بصاحبها ..وافقت على اساس ان فارس الاحلام الاستاذ نديم ياخدها من هنا لمصر ..لكن انصعقت انه حتى ما جاش سلم عليها .. يعني خد مصالحته من الموضوع ومشى
– صدقيني انا ..
قاطعتني
– انت اناني يا نديم.. اناني جداا ..وطماع
قطعتها المرة دي
– انا كنت خايف من المسوؤلية .. شب عمره 21 سنة يلاقي نفسه متجوز طفلة .. ما كنتش عاوز طبعا .. اتفقت مع جدي انك لما تتمي 23 سنة نتجوز
– وليه خلفت بالوعد ..وليه هربت بالطريقة البشعة الي خلت كل التاس تشك فيا وابقى منبوذة في المجتمع.. ليه
– علشان خطبت يا الين
بصتيلي بصدمة .. ولقيتها قامت بكل هدوء وقربت ناحيتي وضربتني قلم على وشي
– انت مستحيل تكون طبيعي .. انت حيوان يا نديم …حيوان .. عمري ما توقعت تكون اناني وقذر بالشكل ده .. لا بجد انت مش طبيعي ..بقى سايبني 10 سنين هنا على ذمتك وانت هناك تخطب وتنبسط وتعيش حياتك .. ما طبعا حققت الوصية واخدت الورثة ومبسوط يا نديم
لما لقيتني لسا مصدوم من القلم قربت اكتر واعطيتني قلم تاني
– ده علشان كل ثانية عيطت فيها علشان واحد حيوان زيك
وقلم تاني
– وده علشان وافقت وامنت لواحد حقير وكداب زيك
وقلم تالت
– وده علشان ال10 سنين الي سبتيني فيها
وقلم رابع
– لا ده هدية بقا
اخدت نفس وبصيتلها وهي على حافة الانهيار
– خلصتي ؟! .. انا فعلا كنت كداب واناني و وقح ..وعاوز اصلح غلطيتي ..احنا حنروح هناك نتطلق يا الين وكل واحد يعيش حياته …وطبعا حتكوني بضيافة بيت عمك … بس بشرط
بصيتيلي باستفهام فاشارت على الباب
– تطلعي برا تقوليهم انك موافقة تسافري معايا
هزت اكتافها وواضح انه الموضوع مش هامها
– وحتى لو قعدنا فترة مش متطلقين ..انا حسمحلك تبني علاقة مع أي حد .. الموضوع مش فارقلي
مشيت خطوتين ناحية الباب وبصتلها من وراء كتفي
-على فكرة يا الين .. كل حاجة حصلت غصب عني.. من خطوبتي لهروبي وكل حاجة .. انا مش كدا
– لا صدقيني .. انت كدا وابو كدا .. بس عايش بقالب الضحية
– ما تعرفيش انا مريت بايه
– ايا كان .. انا مريت بالاسوء منه
خرجنا انا وهي وصدمناهم بقرارنا
بعد شوية لقيتها نزلت هي وشنطها
ابتسمت واخدتهم منها
* ألين *
ركبت العربية وانا خايفة .. انا اصلا بخاف من كل حاجة .. بخاف ادخل حد جديد حياتي .. بخاف من تجربة جديدة بحياتي.. بخاف اغير أي حاجة .. بس احيانا احنا بنحتاج نغير علشان مش قادرين نفضل هنا
انا عاوزة اسيب البلد من زمان.. واول ما جات الفرصة انتهزتها .. بس ما توقعتش ان حتى في المكان الي معتبراه ملجى هروب لمكان احسن .. حيكون معايا شخص انا بكرهه بشكل
بس عموما هو حيطلقني اول لما نوصل هناك
انا بجد مستغربة ازاي هو كدا ..انا بعرف الناس من شكلهم … ابتسامتهم .. كنت بحس عندي الحاسة السادسة .. بس واضح ان الكتاب مش زي غلافه
عمري ما توقعت ان الشخص ده اناني لشكل ده .. حقير .. ندل .. كل الصفات البشعة فيه
لا ومن شدة الانانية خطب واحدة تانية وحبها وعايش حياته .. وانا قاعدة بالبلد وبقيت رمز للتشاؤم هناك
سندت دماغي على الشباك وانا بجد تعبت .. استهلكت كل طاقتي ..طفولة بشعة .. مراهقة مؤذية .. وشباب :
ما حسيتش بنفسي لما نمت
صحيت على ايد خفيفة بتهزني
– ألين..ألين .. فوقي يا ماما
فركت عنيا وانا ببص لاستاذ نديم المبتسم وهو بيقولي وصلنا
نزلت وبصيت للقصر الكبير الي قدامي .. ابتسمت بسخرية .. لان كل ده بسببي انا !
دخلت .. ما كنش في حد يستقبلنا .. مامته فين ؟
لقيت نديم هو اتحرج كمان ودخل جوا وبعدين رجعيلي وهو محرج ( غريبا بجح زيه يبقى بيتكسف ويحرج!)
– معلش ماما خارجة مع ميادة
– خطيبتك !!
– اه ..وهي كمان بنت صاحب بابا
كان واضح اووي انه مش مرحب بيا ..بس ابتسمت وانا بربع ايديا
– عظيم .. ربنا يهنيكم .. ورقة طلاقي اتمنى تبدا تجهز
لفيت نفسي وانا عاوزة امشي
– ألين
لفيت له باستفهام وقال وهو منكس راسه
– انا مش حقدر اطلقك
الفصل التالي اضغط هنا
يتبع.. (رواية أحببت نديم) اضغط على اسم الرواية لتجد الفهرس كاملاً بجميع الفصول.