رواية كان لي طوق النجاه – الفصل السابع
حمزه:عاصي مرات مين فهمنا انت بتقول اي
عاصي :اي اتجوزت فيها حاجه دي
حمزه:بس مين دي
عاصي :مسك
حمزه بصدمه :نعمممم ياعنيييي
عاصي بستغراب :هي مالها عينكم انتوا الاتنين النهارده مش فاهم
حمزه :عاصي انت ليه اتجوزت مسك
عاصي بتفكير:اكدب عليكم واقولكم اي حاجه ولا اقول الحقيقه
مازن:الحقيقه
عاصي:مش عارف بجد بس كل ما عينها تيجي في عيني تفكرني بطفلتي
مازن بستغراب: بس لو هي مدحت مستحيل كان خلها عايشه لحد دلوقتي
عاصي :عارف بس قلبي مش قادر يصدق انها مش عايشه ومسك بتفكرني بيها دايما وبالأخص عيونها
فمش عارف ليه حاسس انها هي كل متكون قريب ليا
مازن:بس برضوا ده مش سبب انك تتجوزها
عاصي :مدام عرفت انها بتتعلم من ورهم ومش حابه حد يعرف خالص بتعليمها يبقا اكيد معاملتهم معاها مش كويسه ده اول حاجه وتاني حاجه انا لازم اسافر امريكا عشان الصفقه بتاعت الاسبوع الجاي فخايف تكون هي واسيبها ويعملوا فيها حاجه ف انا اتجوزتها اه بس مش هقرب منها غير لم اتأكد انها هي لو طلعت مش هي أطلقها واعرفها الحقيقه وره اني اتجوزتها
مازن:حمزه اي رايك في اللي بيقولوا ده
حمزه :مينفعش قوله الرأي دلوقتي لانه عمل الحاجه خلاص وعاصي حتي لو قولنا اي عاصي مش بيعمل اللي في دماغه
عاصي :شطور المهم انا هدخل انام وارتاح وانت وشاور علي مازن تحجز الطياره وانت ياحمزه تاخد بالك من الشغل هنا
حمزه ومازن:تمام
عاصي دخل الاوضه وسابهم قاعدين سوء
مازن:هنعمل اي دلوقتي
حمزه :اللي عمله في نفس الوقت كويس وفي نفس الوقت لا غلط
مازن:ازاي ياعم الفهم بقا فهمني
حمزه :اوعدني محدش يعرف باللي هقوله دلوقتي
مازن بستغراب: وعد قول
حمزه: الصح ان مسك هترتاح منهم عشان هم كانوا بيعملوها معامله مش كويسه فا ترتاح شوي ويمكن عاصي يقع في حبها وميطلقهاش لانه مدام حس بحاجه من اتجاهها فاكيد ممكن يحبها بس الصبر
مازن :اممم والغلط اي انه هو اتجوزها من غير ما تعرف ولغرض ليه هو والفتره دي معاملته هتكون معاها مش كويسه لان انت شايف معاملتهم مع بعض
مازن:اممم هو كلامك جامد بصراحه بس خلاص علي رايك اللي حصل حصل فسيب الايام تورينا اي هيحصل معاهم هم الاتنين
حمزه::اشطااا يلا نروح ننام
مازن:يلا
في الصبح
مسك وهي طالعه من اوضتها ومستعجله:نورهان انا ماشي
نورهان وهي طالعه من المطبخ وماسكه سندوتشات علي طبق :لا استني ام تفطري الاول
مسك بستعجال:لا انا متأخره
نورهان:هتاكلي اي حاجه الاول امي دايما بتقول لكمه الفطار اهم حاجه في يومنا وكمان العجله من الشي.طان
مسك :اممم هاتي سندوتش طيب اكله خلينا نخلص من المحاضره والحق الامتحان
نورهان :هتاكلي اتنين علي الاقل
مسك :ربنا علي المف.تري والظالم
نورهان:اخلصي وكلي وبلاش كلام كتير
مسك:حاضر
مسك خلصت اكل وخرجت راحت الكليه وقابله يقين وقعدوا شوي مع بعض وامتحنوا
بعد الامتحان
يقين :بت انا ماشوفتش دكتور زين النهارده
مسك بعصبيه:وانا مالي ما يغ.ور في داهي
يقين :اممم لا عيب ما ينفعش نشتم علي حد
مسك :طيب المهم يلا نروح
يقين :ماشي
ولسه هيمشوا لقت مسك تلفونها بين باسم داده سميحه
مسك :الو ازيك ياداده طمنيني عليكي
سميحه:الحمدالله بخير ياحبيبتي انتي عامله اي
مسك :بخير طول ما انتي بخير
سميحه:يارب دايما ياحبيبتي عملتي اي في الامتحان
مسك:الحمدالله كان كويس
سميحه:طيب الحمدالله ربنا يوفقك يارب
مسك :يارب
سميحه:بقولك مدحت بيه سأل عليكي
مسك بستغراب :وده بيسأل عليا ليه عايز اي مني
سميحه:مش عارفه والله يابنتي انا مستغربه زي زيك
مسك :اممم ربنا يسترها وشوي وهكون عندك
سميحه:تمام يابنتي
مسك قفلت مع سميحه وهي تايها وسرحانه
يقين بستغراب :بت مالك في اي سرحانه ليه كدا
مسك :مش عارفه بس بابا مدحت مش بيطيق يشوفوني ولا يسمع صوتي حتي ودلوقتي طالب يشوفني
يقين بستغراب :وده طالب يشوفك ليه
مسك :وهو انا لو اعرف كان طلبني ليه يا اذكاء اخواتك
يقين :مخلاص براحه ياختي ويلا عشان نروح ولم تعرفي في اي ابقا رني عليا وطمنيني
مسك :اشطااا ماشي يلا سلام
……………………
عاصي :ها حجزت الطياره
مازن:اه وهتكون بكرا الساعه 9الصبح
عاصي:اممم تمام
مازن:عرفت انك اتجوزتها
عاصي:معرفش بس هو اكيد هيعرفها النهارده عشان بكرا هنسافر
مازن:ربنا يسترها
حمزه فتح باب الشقه ودخل
حمزه:متجمعين عند النبي ان شاء الله
مازن:ياربببب
عاصي :ها عملتي اي في ملف الصفقه
حمزه:خلص ياباشاا وكل حاجه تخص الصفقه في الملف هنا عشان تشوفها قبل ما تسافر وتقولي هنعمل اي هنوافق ولا لا
عاصي :تمام هاته اقوم اشوفه
حمزه:خدوه اهو
مازن:يسطااا متيجي نعمل اكل عشان صحبك جعان
حمزه:انت ايمتا اصلا بتكون جعان دانا عمري مفتكر انك قعدت قدامي شوي وقولت انك شبعان
مازن:وانت مالك ياسطااا ويلا نعمل اكل
حمزه:يلا ياخوي
…………………..
عند مسك وصلت الفله سلمت علي سميحه
مسك :معرفتيش برضوا اي حاجه لحد دلوقتي
سميحه: ابدا يابنتي والله
مسك :ربنا يسترها هو فين
سميحه :موجود في اوضه المكتب هو ومروان بيه والست مروه
مسك بخوف:لا كدا الموضوع ياخوف اوع يكونوا عرفوا حاجه
سميحه:مش عارفه ربنا يسترها ادخلي شوفي في اي
مسك :حاضر وبدأت تمشي وهي خايفه ورجله عامله زي خطوه بتتقدم وخطوه بترجع لوره وصلت لحد المكتب خبطت
مروه:مين
مسك :انا مسك
مروه :ادخلي
مسك فتحت الباب ودخلت :سلام عليكم
محدش رد السلام عليها
مسك :حضرتك طلبتني وبصت لمدحت
مدحت :جهزي نفسك عشان انتي مسافره بكرا مع جوزك امريكا
مسك بصدمه:مين
مروه بتتريقه :اي واقعه علي ودنك بقولك جوزك اي اطرشيتي
مسك بعدم استيعاب :جوزي كيف وايمتا ومين
مروان :انت هنا تسمعي وبس مش تسالي واخلصي اسمعي الكلام وروحي جهزي نفسك ولمي شوي الهلهيل بتاعوتك
مروه :يلا امشي مش عرفتي اللي عايزينك فيه
مسك :بس افهم اتجوزت ايمتا ومين
مدحت :اتجوزتي عادي ومين هتعرفي بكرا لانه هيجي ياخدك بكرا
مسك :حرام عليكم انتوا بتعملوا معايا ليه كدا انا عملت فيكم اي دانا عايشه خدامه ليكم مع اني المفروض اكون زي كارما اختي بس وافقت اكون خدامه المهم يكون في مكان كويس اقعد فيه واكون قريبه منكم ليه بتبيعني كدا دانا بنتك
مدحت بعصبيه :قولت كذا مره متنطقيش كلمه بنتك دي علي لسانك انتي مش بنتي ولا اعرفك انتي بنت خدامه وخدام انتي سامعه
مسك بعصبيه :لا انا بنتك انت ودي حقيقه محدش يقدر يخبيها لان دمك مختلط بدمك انت
مروه قامت من مكانها وطر.بتها بالك.ف علي وشها:ما قولنا اياك تنطقي كلمه انتي اي مش بتفهمي
فرت دمعه من مسك علي خدها
مسك :حسبي الله ونعم الوكيل وسابتهم وطلعت بر
سميحه اول ما شافتها وشافت منظرها جرت عليها وخدتها في حضنها
سميحه :مالك ياحبيبتي حصل اي
مسك بصوت متقطع :خ.د يني الا وضه ياداده
سميحه:حاضر يابنتي وخدها وراحت اوضتها
………………
مروه رجعت قعدت علي الكرسي وخدت نفس وبرياحيه:ياااا اخير خلصنه من قر.فه بس وقعت واقفه البت دي دي شكلها هتعيش ملكه ومرتاحه مدام هياخدها امريكا
مروان بضحك:هههه ده هيشغلها لكل واحد شوي بس بعد ما ياخد غرضه
مروه:يالهووي
مدحه:بلاش كلام كتير المهم دلوقتي مصلحتنا يلا قومي يامروه شوفي العشاء جاهز ولا لا عشان عايزين نتعشاء
مروه:حاضر ياحبيبي
………………………
سميحه خبطت بايدها علي صد.رها :يالهوووي ازاي يعمل كدا
مسك بعياط :مش عارفه ياداده هو ازاي قلبه ح.جر كدا
سميحه :ربنا ينتقم منهم ربنا يارب ربنا هيعوضك يابنتي يارب
مسك بتتر.يقه:كيف ياداده ده اكيد كبير في السن مدام اتجوز واحدها مشفهاش لا وكمان معرفهاش ويا عالم هيعمل فيا اي التاني
سميحه بحزن :ربنا معاكي يابنتي يارب وربنا يصبرك
……………..
في الصباح
مروه :سميحه روحي شوفي الز.فته دي خلصت ولا لا عشان جوزها خلاص خمس دقايق ويكون هنا
سميحه بحزن:حاضر ياهانم وراحت تشوف مسك خبطت علي الباب مردتش فتحت الباب لقتها لسه قاعدها زي ما هي علي السرير من امبارح بليل نزلت دمعه منها علي حالتها
سميحه:مسك يابنتي
مسك رفعت راسها وبنكسار :نعم ياداده
سميحه:يلا يابنتي عشان مروه هانم قالتلي انها خمس دقايق وهيكون هنا
مسك بصتلها ومردتش وقامت طلعت دريس من الدولاب ولبسته علي البجامه اللي لبسها
سميحه:مش هتغسلي وشك حتي يابنتي
مسك :هيفرق اي ياداده يلا عشان نروح
سميحه بحزن:ربنا يجبر بخاطرك يابنتي يارب
مسك بنكسار :يارب
وراحوا الفله
في الفله
مروه :اي المنظر ده هو هيجي يشوفك بالخلقه دي
كارما نازله من علي السلم:هو مين ده اللي هتشوفه ياماما
مروه:صباح الخير ياحبيبتي
كارما:صباح النور ياماما في اي
مروه:ابوكي جوزها لواحد وجي دلوقتي ياخدها فشوفي منظرها
كارما:واحنا مالنا متغو.ر في داهي.ه وفي نفس الحظه عاصي دخل من باب الفله
كارما بصدمه:دكتور زين وجرت عليه تسلم عليه ازي حضرك
عاصي بعصبيه لانه سمع كلامها مع مسك فتجاهلها ودخل وسابها واقفه مكانها
عاصي: يلا
مسك كان عطيه دهرها فلفت بستغراب من تواجده:انت بتعمل اي هنا
عاصي اول ما شافها اتصدم من جمالها وحزن اكتر لم شاف عينها اللي حمره من كتر العياط (عاصي اول مره يشوف وش مسك لانه وقت ما كان بيشوفها كانت في الكليه وكانت بتكون لابسه النقاب عشان اللي هيسال اتصدم ليه لم شاف وشها مع انه قابلها قبل كدا) هو التفاعل قل ليه هي الروايه بوخت ولا اي 
الفصل التالي اضغط هنا
يتبع.. (رواية كان لي طوق النجاه) اضغط على اسم الرواية لتجد الفهرس كاملاً بجميع الفصول.