رواية كان لي طوق النجاه – الفصل الخامس
يقين بخوف:حكت لحمزه كل حاجه
حمزه:طيب متخافيش وانا هكلم عاصي ومش هيعمل حاجه لمسك
يقين :ايو كدا اخوي حبيبي اللي في ضهري
حمزه:ياختي اتو.كسي دانتي ممكن تقري الفاتحه علي اخوكي
حمزه خلص كلام مع يقين وقفل رن علي مازن
مازن كان قاعد في كافيه مع واحدها
مازن :انتي مش عارفه انا بحبك اد اي بجد انا كنت اسمع عن الحب من أول نظره بس مكنتش بصدق وصدقته اول ما شوفتك
البنت بدلع _بجد وانا كمان بح
في الحظه دي تلفونه رن راح كنسل:كملي كنتي بتقولي اي
البنت:بقول اني بح ورنت التلفون قطعت كلامها
مازن بزهق :الله يقل راحتك ياشيخ انتي التاني
البنت :رد احسن يكون حد من الشركه عايز حاجه
مازن:حاضر ياحبيبتي وبعد اذنك
وسابها وطلع بر يتكلم في التلفون
مازن:نعم ياز.فت انت ياض قطاع أرزاق والله زي الز.فت التاني
حمزه صفر :اوبااا لحقت تش.قت من الصبح ياروميوا
مازن:يخر.بيت ام قر.ك ياشيخ احكي في اي
حمزه:حصل……وحكالوا اللي حصل
مازن :يختيييي ده ابوها شريك البا.ف مدحت ربنا يسترها المهم هو دلوقتي اكيد راح المكان اللي بيروحوا علطول بليل يكون جه ونكلمه
حمزه:تمام ماشي ربنا يسترها بس
مازن:يارب
……………………….
في مكان آخر
عاصي كان عمال يكسر في الاوضه: وقعد في الأرض وهو ماسك صوره فيها ولد شايل بنوته علي ايدو
عاصي بحزن:وحياتك عندي لند.مهم كلهم انا كنت فاكر ان الموت خد اشرف مني وريحه بس طلع ليه بنت وهجيبلك حقك منها علي اللي ابوها عملوا حرمني منك ومن خالتي وكمان خلي حالات امي كدا
فضل يتكلم وحضن الصوره ونام علي السرير
………………………
بليل
مسك :بت يانورهان فين سوسه العسليه
نورهان (بنت داده سميحه): اموت وافهم بتحبيها علي اي دي غر.ابه ومش بتبطل عياط
مسك بحب :اسكتي انتي دول الأطفال احباب الله ثم انتي اللي مش بتعرفي تسكتيها هاتها بس وانا اسكتهالك دلوقتي
نورهان:خديها اهي ياختي
مسك شالت الطفله وقعدت تطبطب عليها وتقراء ليها قرآن بصوت جميل وفضلت تطبطب عليها وتقراء ليها قرآن وطلعت بيها البلكونه وفضلت تقراء قرآن لحد ما نامت الطفله علي صوتها راحت دخلت نيامتها في اوضتها وطلعت راحت لنورهان المطبخ
نورهان بستغراب:فين البت
مسك وهي بتاخد برتقاله:نامت
نورهان بستغراب:بتهزري
مسك :والله نامت يعني هتكون راحت فين رميتها من البلكونه مثلا
نورهان:بس غريبه تنام بسرعه كدا
مسك وهي بتعدل لياقه البجامه اللي لبسها:شكلك متعرفيش انتي بتكلمي مين
نورهان:ياشيخه يخر.بيت ابو تواضعك ده
مسك:هههههه المهم خلصتي الاكل عشان اتعشاء واقعد اذاكر
نورهان :نصايه بس ياموزه واكون خلصت
مسك :اشطااا وسمعت تلفونها بيرن طيب اطير انا اشوف مين بيرن
نورهان:ماشي روحي
مسك راحت مسكت تلفونها ولقت يقين اللي بترن
يقين :انتي ياز.فته عماله ارن مش بتردي عليا ليه
مسك :حقك عليا بس والله كنت مخنوقه شوي ومتضايقه
يقين :مسك انا عارفه ان اسلوبه مكنش كويس معاكي بس لازم نعدي عشان ده دكتور وممكن يسقطنا وكمان لو شكانه للعميد اكيد يعني مش هسيب الدكتور ويقف معانا
مسك : بس ربنا هيقف مع اللي معا حق
يقين :عارفه بس احنا دلوقتي في زمن محدش عارف ان في ربنا بيجيب الحقوق لصحابها يعني الدنيا غرت الناس اووي خلتهم نسيوا أساسيات دينهم حتي الا من رحم ربي طبعا فلازم نستحمل ونعدي عشان احنا مش قدهم
مسك بحزن:معلش هقفل دلوقتي معاكي
يقين:ماشي ياحبيبتي خلي بالك من نفسك
مسك:حاضر سلام
جلست مسك حزينه علي حال الناس والقسوه اللي بقت ماليا قلوبهم
…………………………….
عاصي وصل الشقه دخل لاقي مازن وحمزه قاعدين مستنينه
مازن بهزار :بقا كدا يابيبي تقلقني عليك
عاصي بصلوا من فوق لتحت بنظره استح.قار ودخل قعد جنب حمزه علي الكنبه
حمزه:عاصي مالك
عاصي بنظره تحمل اشياء كتير خلفها :مازن قدامك يومين انت وحمزه تكونوا عرفتولي كل حاجه تخص البنت
حمزه:عاصي مسك غلبانه وطيبه ياعاصي متخداهاش بذنب ابوها
عاصي بعصبيه:وابوها خد خالتي وبنتها ليه وحرمني منهم
مازن:عاصي مامتك لو فاقت وعرفت اللي انت هيعملوا وهتاخد ناس بذنب ناس هتزعل منك
عاصي بتتريقه:والناس دول مش هم اللي السبب في اللي هي فيه دلوقتي
حمزه:عاصي انت لم قولت هتاخد حقك من عيله مدحت كلهم انا متكلمتش عشان هم طلعين لابوهم ونفس الغرور والكبرياء والقسوه في قلوبهم بس مسك غيرهم مسك طيبه ومحترمه جدا
عاصي بصله بنص نظره
حمزه:لا متبصليش كدا انا بعتبره زي اختي وبدافع عنها لاني عارفها لأنها صحبت يقين اووي
عاصي :اممم المهم انا داخل انام ومعاكم لحد بعد بكرا يكون كل البيانات عنه قدامي
حمزه بياس من صاحبه اللي مهما حد اتكلم مش بيعمل غير اللي في دماغه
مازن بعد ما عاصي دخل اوضته قرب من حمزه وخبطه في دراعه:يايسطااا هي البت مسك دي مزه
حمزه :بصله بقر.ف:تصدق انك مش هتوب غير لم تيجي وحدها توقعك وتلمك وتعرفك ان الله حق
مازن:هههه محدش يقدر يوقعني
حمزه ببتسامه :ههه مش عليا وسابه ودخل اوضته
بعد يومين
عاصي كان واقف في البلكونه سرحان دخل عليه مازن وحمزه.
مازن:سرحان في اي يامعلم
عاصي :اليوم قرب يخلص وانتو لسه مجبتوش المعلومات
مازن:ومين قالك ان احنا مجبناش المعلومات
عاصي :والله مدام لسه ماشوفتش حاجه يبقا لسه مجبتوش
حمزه رفع الملف أمامه : قبل ما تاخد الملف اوعدني انك كل اللي هتعرفه هيكون سر ما بينا ومحدش يعرف اي حاجه تخص مسك
عاصي:رفع حاجبه بستغراب
يتبع…
الفصل التالي اضغط هنا
يتبع.. (رواية كان لي طوق النجاه) اضغط على اسم الرواية لتجد الفهرس كاملاً بجميع الفصول.