رواية حريم الباشا الفصل الثاني والثلاثون 32 – بقلم اسماعيل موسى
واحنا خارجين من مكتب فارس وصلته زيارة من شخصيتين معرفهمش لكن سمعت رزان السكرتيرة وكبيرة الخادم
بتقول صوفيا وتالين
وأحده فيهم عاينت فريده وانا بفضول اكتر من الأزم ودا إلى خلانى انتبه للأسم لأنها تفحصت فريدة من فوق لتحت
الست كانت جميله لكن فريده بنتى مش اقل جمال منها
بل أكثر شباب وحيويه، محاولتش اشغل بالى لأن من إلى شفته فارس فهو شخص غير متوقع بالمره.
إلى كان شاغلنى ازاى احمى بنتى منه رغم انى فكرت ان فارس ممكن يعامل فريده بطريقة مختلفه
لكن مكنش فيه فرصه لأى شك مع فارس، فريده لازم تفضل بعيد عنه.
سألتنى فريده هو فارس باشا بيعرف ستات كتير؟
انتهزت الفرصه ،وقلت ايوه ودا أكبر سبب يخليكى بعيده عنه
دا راجل واضح انه متعدد العلاقات، شخص شرير
فريده قالت لكن احنا مشفناش منه حاجه وحشه، علاقته الخاصه دى لنفسه، ثم ليه متكنش الزيارات دى زيارات عمل ؟
اصل مش معقول فى وضح النهار كده ،وبعدين واضح انهم هوانم محترمات.
قلت فى سرى فارس عنده طريقه تخلى المحترمات والغير محترمات يعملو الى هو عايزه.
بصى يا فريده لو بتحبيني تراجعى عن قرارك ده ،انا مش تعبانه ولا انتى عايزانى اقعد ذى الستات العواجيز ؟
فريده قالت مستحيل يا ماما انا خلاص اخدت قرارى وبعدين عايزه الراجل يقول عليه ايه؟
مش قد كلمتى ؟
قلت خلاص لما تقدمى القهوه لفارس هكون موجوده وبكدة
تكونى نفذتى وعدك وانا مطمنه عليكى
فريده ضحكت، انتى معتقده يا ماما ان فارس هياكلنى ؟
قلت دا قرارى يا فريده ولازم تحترميه ولازم فارس الناطورى يحترمة لو كان غرضة كويس.
كنت ناويه انى ارجع تانى لفارس اطلب منه يبعد عن بنتى
لكنه خرج من القصر ومرجعش غير بعد ما نمت.
الصبح عملت القهوه وروحت على غرفته وكل تصميم
اخليه يرفض عرض فريده بطريقته انا مش هسمح لبنتى تكون لعبه فى ايده ذى بنات كتيرة، سيطرته المريضه لا يمكن تطول بنتى حتى لو ارتكبت جريمه.
خبطت ودخلت لما سمحلى
كان منشغل فى تليفونه ،قلت القهوه يا فارس بيه
سيبيها عندك من فضلك يا مليكه…
قلت سبحان الله، دا باين عليه اتغير معقوله هيشرب القهوه وهو ساكت؟
طيب انتهز الفرصه طالما مزاجه رايق
فارس باشا انا مش موافقه ان فريده تقدملك القهوه
من فضلك انا مش عايزه ازعلك، الرفض لازم يوصل من خلالك.
رفع فارس وشه وابتسم نفس الابتسامه المزعجه بتاعته
وانا هعمل ايه يا مليكه لو كانت بنتك عايزه كده ؟
قلت باندفاع بنتى مش عايزه حاجه متعرفش مزاجيتك ايه
فاكره ان الموضوع سهل وبسيط وانك انسان سوى
الكلمه الاخيره خرجت منى غصب عنى، رغم كده فارس تقبل الاهانه بصدر رحب ،مصرخش ولا زعق ولا دافع عن نفسه
ا
بس قال ببرود انا لسه متكلمتش مع بنتك فى الشروط
جايز ترفض ؟
قلو لا من فضلك ،فريده مش لازم تسمع حاجه من الشروط
انت كده بتموتنى، هتعمل ايه لما تعرف انى بقدملك القهوه بشروطك الخاصه ؟
قال فارس دى مشكلتك يا مدام ملكيه حليها نفسك ،انا إنسان مش سوى ذى ما أنتى عارفه مش هقدر افيدك
وبعدين ايه إلى بيحصل لما تقدمى القهوه ؟
بلتزمى بالتعليمات مش اكتر انا لا بزعق ولا بعض
كائن مسالم يعنى.
قلت من فضلك خلى فريده بعيده عن العابك، فريده بنت طيبه مسالمه بريئه مش لازم تتوسخ
رفع فارس ايده ،انتى تجاوزتى حدودك يا مليكه ،ودا مش هيمر من غير عقاب
قلت انا مستعده للعقاب لكن خلى فريده بعيد عنك
اتفضل عاقبنى
ابتسم فارس ببرود ،شكل اللعبه عجبتك يا مدام ؟
قلت مفيش حاجه عاجبانى لكن انا ورطت نفسى ولازم اتحمل النتيجه.
هعاقبك وقت ما احب يا مليكه، مش وقت ما انتى تطلبى
اصل العقاب ليه أصول
وانا احب كل حاجه تمشى وفق الأصول
اتفضلى اخرجى انا مشغول جدا لما فريده تيجى انا هتصرف معاها متشغليش بالك
قلت فريده مش هتدخل عندك غير وانا موجوده انا قررت كده
رفع فارس حاجبة كأن كلامى عجبه او ازعجه معرفش
لكن البصه فى عنيه كانت غريبه
هى وصلت لكده ؟
لكن تذكرى انتى الى اخترتى تتحدينى وانا هعرف إزاى اخليكى تتمنى رضايا ومتحصليش عليه
امشى من قدامى دلوقتى، غادرت الغرفه وانا مرتاحه شويه
اخيرا قدرت أقف قصاده اخيرآ قلت رأى غصب عنه
فضلت قاعده فى الغرفه لحد ما فريده وصلت
كنت عارفه ان فريده اول حاجه هتعملها فنجان القهوه بتاع فارس
وفعلا فريده قبل ما ما تغير هدومها دخلت المطبخ وانا دخلت وراها
هتعملى ايه يا فريده ؟
قالت فنجان القهوه بتاع فارس يا ماما.
الفصل التالي اضغط هنا
يتبع.. (رواية حريم الباشا) اضغط على اسم الرواية لتجد الفهرس كاملاً بجميع الفصول.