ولنا في الخيال حب “تميم ونور” الحكاية الثانية 2 – بقلم ملك ابراهيم

ولنا في الخيال حب “تميم ونور” الحكاية الثانية 2 – بقلم ملك ابراهيم

ولعـ.ـتي في المطبخ يا نور! في أول يوم جواز تولعيلي في المطبخ إللي جايبه بالشيء الفلاني!.

بصت ليه وهيَ وشها كُله مُلطخ ببقايا مكونات الاكل إللي كانت بتعمله، وإيديها كلها متبهدلة، حطت إيديها في وسطها وهيَ بتقوله:-

_مش قولتك عاوزة خدامة! أنا مبعرفش أسلق بيض يا تَميم، وبعدين إنتَ واخدني كدة.

بصلها باصة هادية جدًا ومشي من المطبخ، نور إستغربت وقالت:-

_هو رايح فين، مش معقولة هينزل بالبيچامة.

وراحت وراه لقيته واقف ماسك الفون وبيعمل مكالمة وأول ما بدأ يتكلم في الفون قال:-

_عمي، صباح الخير، دلوقتي أنا متجوز بنتك من أربع أيام هلّ فيه إستبدال أو إسترجاع؟!.

_لا يابني نور لا ترد ولا تستبدل، إضطر وعيش بقى يابني وربنا يعينك، إلا صح قولي هي عملت إيه؟!.

_بنتك ولـ.ـعت في المطبخ إللي جايبه بالعافية يا عمي، ودلوقتي واقفه عامله شبه الليفه المحـ.ـروقه.

_معلش يابني، حقك عليا بس إحنا مكتفيين بملك حاليًا، إستحمل وأجرك علىٰ الله.

تميم كان هيتكلم ولكن قاطعته نور وهيَ بتقوله بصوت عالي:-

_نعم يعنيا، إستبدال أو إستـ… إيه؟! دا يوم ما تفكر بس تستبدلني هعملك شـ.ـورما وأحط عليك تومية.

قفل تميم الفون بدون ما يتكلم، وفضل يبص ليها لوقت قصير وبدأ يتكلم ويقول:-

_معاكِ ربع ساعة تكوني غيرتي هدومك وتيجي علشان هننزل نتغدى برا بما إنك حرقتـ.ـي الأكل.

فضلت نور واقفه تبص ليه بغباء، ولكن فاقت لما تميم صوته بقى عالي وهو بيقول:-

_أنا قولت إيـــــــــــــــــــــــــــه؟!.

فاقت نور وطلعت تجري من قصاده وتنفذ كلامه علىٰ طول، وهو ضحك علىٰ رد فعلها الطفولي وراح يغير هدومه علشان يقعد يستناها.
••••
_يا تميم رجلي ورمت من المشي، إنتَ فاكرني روبوت متحرِك، مش كان عندك عربية.

_بيعتها يا عيون تميم علشان أكمل باقي تكاليف الجواز، وتكاليف العفش، والمطبخ إللي ولعتي فيه.

_طب وأحيات أمك ناخد أوبر وأحيات أمك يا بيه.

_ما أنا صرفت كل إللي حيلتي علىٰ المطبخ إللي ولـ….

_ما خلاص بقىٰ، خلاص، كان يوم مطلعش ليه شمس يوم ما دخلت المطبخ، دا المطبخ عندك أغلىٰ مني.

وسابته وراحت تقعد علىٰ مكان للجلوس في حديقة كانت قصادها، كتم تميم ضحكته وهو بيروح وراها وبيقعد جنبها وهو بيقولها:-

_لما تقعدي هنا كدة هربتي مني يعني.

_المطبخ أهم مني يا تميم، يعني لو كان جرالي حاجه كنت هتكون مبسوط.

_بعد الشر عليكِ يا نور، أوعي أسمعك تقولي الكلام دا تاني، إنتِ أغلى من حياتي كلها يا عيون تميم، كنت بنكشك بس.

_يعني هتوديني تأكلني.

_هوديكِ يا طفسه، ونجيب أيس كريم وشوكولاته لـ نور حبيبة تميم.

_طب أنا مش قادرة أمشي تاني رجلي ماتت الله يرحمها.

_معانا العربية.

_مش إنت قولتلي إنك بيعتها.

_لا ما أنا أستلفت علشان أرجعها تاني يالا بينا نروح ليها.

_تميم بتحبني.

_ولما يعدي بيا العُمر وأعجِز مش هيكون في قلبي غير نور، وعيون نور، وضحكة نور، و خفـ…..

_أنا جعانــــــــــــــــة.

بصلها وهو مقدرش يكتم ضحكته، وكمل كلامه وهو بيقول:-

_وطفاسة نور.

الحكاية الثالثة اضغط هنا

يتبع.. (ولنا في الخيال حب “تميم ونور”) اضغط على اسم الرواية لتجد الفهرس كاملاً بجميع الفصول.