ولنا في الخيال حب “تميم ونور” الحكاية الثانية عشر 12 – بقلم ملك ابراهيم
_يا ليليان الكَلـ.ـب جننـ.ـتيني تعاليلي هنا واللهِ ما هَسيبك تقعي تحت إيدي بس!.
فضلت تجري وراها وهيَ ماسكة طبق الأكل ورافعه شعرها لفوق وحاطة كذا قلم فيه، شكلها كان عجيب وغريب.
وقبل ما توصل ليها كان تميم بيفتح باب البيت وهيَ بتخلع الشبشب وبترميه في إتجاه ليليان إللي كانت بتجري عند الباب.
ولقىٰ تميم شبشب بيترمي في وشه وقف مذهول وهو بيقول:-
_بتحدفيني بالشبشب يا نور!.
_مش قصدي يا تميم دا كان لبنتك، واحسن إنه جه فيك علشان تربيها ليا أنا تعبت كل يوم تعملي سبايدر مان وهي بتاكل، تاخد معلقه وتطلع تجري هو حد قالها إني عاوزة أعمل رياضة!.
_بابي، مامي تضرب ليليان.
_أنا قولتها مليون مره تيمون وبومبا….، قصدي ليليان ونور ميتجمعوش في مكان واحِد.
ونزل لمستوىٰ بنته وهو بيقولها بدهشه:-
_بتضربـ.ـك إزاي قوليلي وانا أرمـ.ـيها من فوق الكنبة دلوقتي حالًا.
_بتقف معاها ضدي يا تميم!.
_دا أنا أقف معاها وأقعد كمان، دي بنتي يا ولية إنتي.
_وأنا بقيت فوق الرف يعني، ماشي يا تميم إشبع بيها وخليها تنفعك.
ومشيت من قصادهم، لقىٰ تميم باب البيت بيخبط شال ليليان وراح يفتح لقىٰ ملك قصاده وهي بتضحك ضحكتها التنـ.ـحه بالنسباله، وقالها وصبره بينفذ:-
_يابنتي مش إنتي أتخطبتي؟! قضي جو المخطوبين مع خطيبك وسيبينا بقى معتبره البيت عندنا إستراحة؟!.
_أنا جايه علشان حبيبة خالتوا، وروح خالتوا، ونن عيون خالتوا، وسع يا بابا يا شريـ.ـر.
_خالتوا جبتيلي إيه؟!.
_طفسـ.ـه زي أُمك يا قلب خالتوا، جبتلك شوكليت كتير بس نقعد نلعب الأول.
وسابهم تميم وهو بيضحك ودخل المطبخ علشان يشوف نور ويراضيها.
___________________
_نور، يا عمود النور إللي منور قلبي وحياتي كلها.
_إستنيت لما ليليان جت وبتركني علىٰ الرف دلوقتي.
_كدة يا نور، بتغيري من بنتك؟! إزاي يعني ما طبيعي هحبك وهحبها، وبعدين يالا نخرج أختك جت وأكيد هستغل إنها جت في إنها تعتني بليليان.
_طالما حابب تراضيني، وديني الحديقة.
_حديقة! الله يرحم أيام التوكتوك إللي كنتي بتلفي بيه الحارة عندكم ومعتبراه أوبر!.
_وماله التوكتوك بقى؟!.
_ياستي هو بتاع إبن خالتك علشان تتحمقي كدة، حاضر هوديكي الحديقة ونركض حول الأشجار.
_يا ظريف، طب هروح ألبس.
وبعد ما مشيت، تميم قال في سره:-
_كل يوم بتلبسي إنما أنا لبستك مرة واحدة بس علىٰ قلبي زي العسل.
__________________
_تفتكر هنطلعها بنوتة صالحة؟!.
_دا انا افتِكر وافتِكر يا نور، يكفي إن عندها اجمل ام في الدِنيا، هيَ إللي هنعلمها كل حاجه وأي حاجه علشان تكون زيها، ليليان لو بقت زيك دا يا بختي يا نور.
_أجمل حاجة إنك شايفني إنجاز بالنسبالك، إنسانه زو ة نادرة الوجود.
_لازم أي راجِل لو الست بتاعته زيك يشوفك كدة ويفكرك كل شويه، الحياة مشاركة يا نور، وانا دوري إني أديكي الدعم الكافي إللي يخليكي ديمًا حاسه إنك نادرة الوجود.
_إنسانه جميله وصالحة وخصوصًا بعد ما لبستي الحِجاب، أنا سيبتك براحتك لحد ما جيتي وطلبتي مني بنفسك، وأنا فخور بيكي يا نور.
_تعرف إن حُبي ليك عُمره ما هيقل؟!.
_خالص، خالص؟!.
_خالص خالص يا تميم♡.
وهُما بيضحكوا سمعوا ملك وهيَ بتقول من بعيد:-
_يا عبحليم، يا شادية، تعالوا خدوا بنتكم إللي مشافتش ربع ثانية تربية، البت بتضـ.ـربني وعملاني ممسحة قصاد الورد والشجر إللي في الجنينة!.
وقعدوا يضحكوا أكتر علىٰ كلام ملك، وجت ليهم ليليان وهي بتحضنهم وفضلوا يلعبوا معاها في جو جميل ومليان بالحب♡.
ديمًا الحياة بتكون مشاركة، عيلة هادية وبيت دافي، مش معركـ.ـة مترتبة علىٰ مين هيفوز بيها.
الحكاية الثالثة عشر اضغط هنا
يتبع.. (ولنا في الخيال حب “تميم ونور”) اضغط على اسم الرواية لتجد الفهرس كاملاً بجميع الفصول.